VA 08248 (RINAP 3/2 Sennacherib 168) [Sennacherib]
| Obverse | |
| 11 | md30-PAP.MEŠ-SU MAN GAL MAN dan-nu MAN ŠÚ MAN KUR aš-šur.KI |
| 22 | MAN kib-rat LÍMMU-ti mu-tar-ru-u UN.MEŠ DAGAL.MEŠ |
| 33 | e-piš ṣa-lam AN.ŠÁR u DINGIR.MEŠ GAL.MEŠ mu-šak-lil |
| 44 | pa-ra-aṣ é-šár-ra ma-šu-u-ti ina bi-ri ina qí-bit |
| 55 | dUTU u dIŠKUR mu-šar-bu-u šu-luḫ-ḫi-šú-un |
| 66 | mu-ter dLAMMA é-šár-ra ba-ṭil-ti a-na áš-ri-šú |
| 77 | šá pa-làḫ DINGIR.MEŠ šá AN-e u DINGIR.MEŠ KUR aš-šur.KI ra-biš |
| 88 | mu-du-u mu-ul-li DINGIR.MEŠ GAL.MEŠ ina šub-ti-šú-nu |
| 99 | mu-šar-bu-u si-ma-ti-šú-nu e-piš KUR aš-šur.KI |
| 1010 | mu-šak-lil ma-ḫa-zi-šú mu-ma-gir KUR na-ki-ri |
| 1111 | mu-ab-bit da-ád-me-šú-un mu-šaḫ-ru-u ÍD.MEŠ |
| 1212 | pe-tu-u miṭ-ra-a-ti mu-šaḫ-bi-ib pat-ta-a-ti |
| 1313 | šá-kin nu-uḫ-šú u ṭuḫ-du ina ú-ga-ri KUR aš-šur.KI rap-šú-ti |
| 1414 | mu-kin A.MEŠ ši-qa-a-ti ina qar-ba-a-ti KUR aš-šur.KI |
| 1515 | šá ul-tú u₄-me pa-ni ḫi-ri-i-ti u ši-qi ina KUR aš-šur.KI |
| 1616 | mam-ma-an la i-mu-ru a-a-um-ma la i-du-u |
| 1717 | šu-ut maḫ-ri la i-pu-šú mu-šar-šid ši-pir dkulla |
| 1818 | ul-tú ši-pir bal-ṭu-ti a-di KI.MAḪ si-mat mì-tu-tu |
| 1919 | ina NA₄.pi-i-li NA₄ KUR-i šá ma-na-a-ma ina KUR aš-šur.KI la i-pu-šú |
| 2020 | LUGAL pa-ni maḫ-ri-ia ma-al-ku pit-qu-du šá UGU LUGAL.MEŠ a-šib pa-rak-ki |
| 2121 | nu-ʾu-da-at be-lut-su tukul-ti KUR-šú na-aʾ-id qab-li u MÈ |
| 2222 | ṣu-lul ERIM.ḪI.A-šú a-na-ku e-nu-šú iš-tu ṣa-lam AN.ŠÁR EN GAL-i EN-ia |
| 2323 | u ṣa-lam DINGIR.MEŠ GAL.MEŠ DÙ-ma u-šar-me-šu-nu-ti šu-bat-su-nu né-eḫ-ti |
| 2424 | ITI.BAR.SAG.SAG ITI reš-tu-u šá a-bi dEN.LÍL ITI na-an-mur-ti |
| 2525 | MUL.APIN i-sin-ni qé-re-ti šá LUGAL DINGIR.MEŠ AN.ŠÁR |
| 2626 | šá ul-tu u₄-me SÙ.MEŠ ina e-šá-a-ti u saḫ-ma-šá-a-ti É a-ki-it |
| 2727 | EDIN im-ma-šú-u ina qé-reb URU in-né-ep-pu-šú pa-ra-aṣ LUGAL DINGIR.MEŠ AN.ŠÁR |
| 2828 | it-ti šip-ri-im-ma šu-a-ti a-na e-peš É a-kit lìb-bi ub-la-ni-ma |
| 2929 | ṭè-em dUTU dIŠKUR al-mad-ma an-na ke-<e-nu> i-pu-lu-in-ni-ma |
| 3030 | iq-bu-u-ni e-pe-e-šú ina ITI DÙG.GA u₄-me šal-mu ina ši-pir i-šip-pu-ti |
| 3131 | né-me-eq ka-kù-gal-u-ti ina NA₄.pi-i-li NA₄ KUR-i UŠ₈-šú ad-di-ma |
| 3232 | ul-la-a re-ši-šú ul-tu UŠ₈-šú a-di gaba-dib-bi-šú ina NA₄ KUR-i |
| 3333 | ú-šak-lil-šú-ma ú-saq-qir-šú ḫur-šá-niš 2.TA pat-ta-a-ti |
| 3434 | a-na i-ta-ti-šú ú-šaḫ-ri-i-ma GIŠ.KIRI₆ nu-uḫ-ši |
| 3535 | ṣip-pat NÍG.SA.SA.ḪI.A ú-šá-as-ḫir-šú-ma mu-sa-re-e ku-uz-bi |
| 3636 | i-ta-ti-šú ú-šal-me iš-tu TIN.TIR.KI aḫ-pu-u |
| 3737 | DINGIR.MEŠ-šá ú-šab-bi-ru UN.MEŠ-šú ina GIŠ.TUKUL as-pu-nu |
| 3838 | áš-šu qaq-qar URU šu-a-ti ⸢la mus-si⸣-i qaq-qar-šú as-suḫ-ma |
| 3939 | a-na ÍD.pu-rat-ti a-na tam-tim ú-šá-bil e-pe-ri-šú a-na NI.TUK.KI |
| 4040 | ik-šu-du-ma NI.TUK.KI-a-a i-mu-ru-ma ḫat-ti pu-luḫ-ti šá AN.ŠÁR |
| 4141 | im-qut-su-nu-ti-ma na-mur-ta-šú-nu ub-lu-u-ni |
| 4242 | it-ti na-mur-ti-šú-nu ERIM.ḪI.A di-ku-ut KUR-šú-nu za-bil tup-šik-ki |
| 4343 | GIŠ.MAR ZABAR GAG.MEŠ ZABAR ú-nu-ut ši-pir KUR-šú-nu |
| 4444 | a-na na-qar TIN.TIR.KI iš-pu-ru-u-ni a-na nu-uḫ-ḫi lìb-bi |
| 4545 | AN.ŠÁR EN-ia ta-nit-ti dan-nu-ti-šú UN.MEŠ a-na da-la-li |
| 4646 | a-na ta-mar-ti UN.MEŠ aḫ-ra-a-ti SAḪAR.ḪI.A TIN.TIR.KI |
| 4747 | as-su-ḫa-am-ma ina É a-ki-ti šú-a-ti ka-re-e DU₆ ú-gar-ri-in |
| 4848 | ina na-de-e UŠ₈ šá É a-ki-ti na-mur-tú šá mka-ri-bi-DINGIR |
| 4949 | LUGAL KUR.sa-ba-aʾ NA₄.⸢BABBAR.DILI⸣ ni-siq-ti NA₄.MEŠ ŠIM.MEŠ DÙG.MEŠ |
| 5050 | [i]-qa-ri-ba-am-ma iš-tu lìb-bi na-mur-ti šu-a-tú |
| 5151 | NA₄.MEŠ ŠIM.MEŠ a-na ŠÀ UŠ₈-šú ad-di a-na ŠÀ UŠ₈ É a-ki-ti |
| 5252 | šá-a-tú KÙ.BABBAR KÙ.GI NA₄.GUG NA₄.ZA.GÌN NA₄.NÍR NA₄.MUŠ.GÍR |
| 5353 | NA₄.BABBAR.DILI NA₄.BABBAR.MIN₅ IM.SIG₇.SIG₇ nap-ḫar ŠIM.MEŠ ṭa-bu-tú |
| 5454 | ki-⸢ma?⸣ x x ḫi UŠ₈ šu-a-ti ì-gu-la-a Ì ru-uš-ti |
| 5555 | ki-ma A.MEŠ ÍD lu as-lu-uḫ te-mé-en-na at-ta |
| 5656 | šá md30-PAP.MEŠ-SU MAN KUR aš-šur.KI ra-im ki-na-a-ti |
| 5757 | e-piš ṣa-lam AN.ŠÁR ba-an É da-me-eq-ta-šú a-na AN.ŠÁR qí-bi |
| 5858 | it-ti bal-til.KI u é-šár-ra liš-te-li-pu NUNUZ.MEŠ-šú |
| 5959 | DUMU.MEŠ-šú DUMU DUMU.MEŠ-šú it-ti ṣal-mat SAG.DU li-ku-nu |
| 6060 | a-na du-ur da-a-ri a-a-um-ma NUN EGIR-ú šá AN.ŠÁR |
| 6161 | a-na SIPA-ut KUR u UN.MEŠ i-nam-bu-u MU-šú |
| 6262 | šá ina BALA-šú É šu-a-ti in-na-ḫu an-ḫu-us-su |
| 6363 | lid-diš MU.SAR-a-a li-mur-ma Ì.GIŠ lip-šu-uš |
| 6464 | SÍSKUR liq-qí ina áš-ri-šú liš-kun |
| 6565 | AN.ŠÁR ik-ri-bi-šú i-šem-me |
| 6666 | mu-né-kir MU.⸢SAR⸣-a-a da-a-a-i-ṣi a-ma-ti-ia |
| 6767 | e-piš [la] MUN a-[na] x.MEŠ x u NUNUZ.MEŠ-šú-nu |
| 6868 | AN.ŠÁR LUGAL DINGIR.MEŠ u DINGIR.⸢MEŠ GAL⸣.MEŠ šá AN-e u KI-tim |
| 6969 | ar-rat [la] nap-šu-ri ma-ru-uš-ti li-ru-ru-šú-ma |
| 7070 | LUGAL-us-su lis-ki-pu TI.LA-su li-ki-mu-šú |
| 7171 | MU-šú NUMUN-šú NUNUZ-šú ù na-an-nab-šú |
| 7272 | ina nap-ḫar KUR.KUR li-ḫal-li-qu |