VAT/15022 (+) VAT/15023 + VAT/15024 (RINAP 3/2 Sennacherib 44 ex. 01) [Sennacherib]

É.GAL ^md30-PAP.MEŠ-SU LUGAL GAL LUGAL dan-nu LUGAL ŠÚ LUGAL KUR aš-šur.KI LUGAL kib-rat LÍMMU-tim mi-gir DINGIR.MEŠ GAL.MEŠ ^daš-šur AD DINGIR.MEŠ ina kul-lat ma-li-ki ke-niš IGI.BAR-ni-ma UGU gi-mir a-šib pa-rak-ki ú-šar-ba-a GIŠ.TUKUL.MEŠ-ia

i-na ta-ḫa-az EDIN as-kip

^mdAMAR.UTU-IBILA-SUM.NA LUGAL KUR.kár-dun-ía-àš

e-ki-ma be-lut-su gim-ri LÚ.kal-di a-di gi-piš

um-ma-na-a-ti LÚ.ELAM.MA.KI re-ṣi-šu ú-ra-sib

i-na GIŠ.TUKUL.MEŠ ^maš-šur-na-din-MU DUMU-ú-a reš-tu-ú

i-na GIŠ.GU.ZA LUGAL-ti-šu ú-še-šib-ma KUR URI.KI DAGAL-tum ú-šad-gil

pa-nu-uš-šú as-suḫ na-gab LÚ.aḫ-la-me-e LÚ.su-ti-i

ba-ḫu-la-ti URU.ḫi-rim-me i-na GIŠ.TUKUL ú-šam-qit-ma

la ez-zi-ba pe-re-ʾi-šú-un ak-šud^ud LÚ.ia-su-bi-gal-la-a-a

LÚ.KÚR ak-ṣi KUR.el-li-pi ú-šal-pit-ma ú-ab-bit da-ád-me-šá

ù ^mlu-li-i LUGAL URU.ṣi-du-un-ni e-du-ra ta-ḫa-zi a-na KUR.ia-ad-na-na

ša qé-reb tam-tim in-na-bit-ma i-ḫu-uz mar-qí-tum i-na KUR-tim-ma šá-a-tu

i-na ra-šub-bat GIŠ.TUKUL ^daš-šur EN-ia e-mid šad-da-šú ^mtu-ba-aʾ-lu i-na GIŠ.GU.ZA

LUGAL-ti-šú ú-še-šib-ma man-da-at-tu be-lu-ti-ia ú-kin ṣe-ru-uš-šu ú-šal-pit

rap-šu na-gu-ú KUR.ia-ú-di šep-ṣu mit-ru ^mḫa-za-qi-a-a-ú LUGAL-šu ú-šak-niš

še-pu-ú-a LÚ.MEŠ URU.tu-mur-ra-a-a a-ši-bu-ut KUR.ni-pur KUR-i mar-ṣi ina GIŠ.TUKUL

ú-šam-qit URU.uk-ku a-di nap-ḫar da-ád-me-šú ki-ma DU₆ a-bu-bi ú-ab-bit

UN.MEŠ KUR.ḫi-lak-ki a-ši-bu-ut ḫur-šá-ni zaq-ru-ti ú-ṭeb-bi-iḫ as-li-iš URU.DU₆-ga-rim-me

ša pa-a-ṭi KUR.ta-ba-li KUR-ud-ma ú-še-me kar-meš ba-ḫu-la-a-ti KUR.kal-di

ša ti-ib ta-ḫa-zi-ia e-du-ru-ma DINGIR.MEŠ nap-ḫar KUR-šu-un i-na šub-ti-šú-un

id-ku-ú tam-tim i-bi-ru-ma i-na URU.na-gi-a-ti id-du-ú šu-bat-sun

i-na GIŠ.MÁ.MEŠ KUR.ḫa-at-ti EGIR-šú-un e-bir URU.na-gi-a-tu

URU.na-gi-a-tu-di-iʾ-bi-na KUR.ḫi-il-mu KUR.pil-la-tu

ù KUR.ḫu-pa-pa-nu na-ge-e ša e-bir-tan ÍD.mar-ra-ti ak-šud^ud-ma

te-ne-šet KUR.kal-di a-di DINGIR.MEŠ-ni-šú-nu UN.MEŠ LUGAL KUR.ELAM.MA.KI

áš-lu-lam-ma la ez-zi-ba mul-taḫ-ṭu i-na u₄-me-šu-ma [(...)]

[...]-⸢na⸣-[x] ša 3 ME [...].KÙŠ UŠ

[...] ÍD.te-bil-ti i-ta-a-[...]-ʾu-ma

[...] maḫ-ri AD.MEŠ-ia a-na ri-mit be-[x x]-šu-un

[...]-ḫir-ti-ša aq-qur ša ÍD.te-bil-ti <ma-lak-šá> ul-[x x]-⸢bal⸣-ti URU

[...] ú-še-šir mu-ṣu-ša qé-reb ka-tim-ti a-sur-rak-ki-šá [x x]-nu GI.MEŠ

[...]-nu-<niš> ak-si 5 ME 54 i-na 1.KÙŠ GÍD.DA 2 ME 89 [x x].KÙŠ DAGAL

[...] tar-pa-še₂₀-e ú-ter ṣe-er me-ši-iḫ-ti tam-⸢li^?⸣-[x] ⸢maḫ⸣-re-e

[...]-ib-ki ul-la-a re-ši-šú a-na 9 ME 14 ina AS₄.LUM GAL-ti [x] ⸢ù⸣ 4 ME 40

[...]-⸢ter⸣-ma šu-bat-sa uš-rab-bi É.GAL.MEŠ KÙ.GI KÙ.BABBAR ZABAR NA₄.[x x].GUL.ME

[...] GIŠ.ESI GIŠ.TÚG GIŠ.MES.MÁ.KAN.NA GIŠ.ere-ni GIŠ.ŠUR.MÌN ŠIM.LI GIŠ.e-lam-⸢ma-ku⸣ [x x]-⸢in⸣-da-a

[...] É mu-ter-<re>-e-ti tam-šil É.GAL KUR.ḫat-ti mé-eḫ-ret ba-ba-a-ti [x]-še-piš

[...] e-li-šin GIŠ.IG.MEŠ GIŠ.li-ia-ri GIŠ.ŠUR.MÌN me-ser KÙ.BABBAR ù ⸢URUDU⸣ [x x]-kis-ma

[...]-a-ni ap-ti bi-ir-ri ú-pat-ta-a MUNUS.^dLAMMA.MEŠ NA₄.GIŠ.NU₁₁.[x x] AM.SI

[...]-ziz-ma a-na tab-ra-a-ti ú-šá-lik sik-kàt kar-ri kas-pi URUDU qé-reb-[...]-me

[...]-ma se-el-lum né-bé-ḫi ù gi-mir pa-as-qí-ši-in [...]-⸢ia⸣

[...]-ʾi-mu LÚ.SANGA-ti-ia na-bu-ú MU-ia [...]

[...] i-na pu-uz-ri na-an-zu-zu ú-[...]