Lippolis, Sennacherib Wall Reliefs pl. 128 (RINAP 3/2 Sennacherib 43 ex. 02) [Sennacherib]

⸢KUN₄.MEŠ NA₄⸣.DÚR.MI.NA.BÀN.DA

ṣi-ra-a-ti ab-ni ki-lal-la-an

i-na šad-di-šu-un ⸢ab-tuq⸣-ma

a-⸢na šip-ri⸣ É.GAL-ia ⸢ú-šal-di-da⸣

qé-⸢reb URU.ni-na-a⸣ ^d⸢ALAD.^d⸣LAMMA.⸢MEŠ GAL⸣.MEŠ

ù ⸢MUNUS.ÁB⸣.ZA.ZA-a-ti NA₄.pi-⸢i⸣-li

pe-ṣe-⸢e⸣ i-na ⸢lip⸣-ta-at ^d⸢nin⸣-kur-ra

ina er-⸢ṣe-et URU⸣.ba-la-ṭa-a-a ú-šá-⸢aʾ⸣-lid-ma

ú-šak-li-la ⸢gat⸣-ta-⸢šú⸣-un ša ul-tu ul-la ⸢LUGAL⸣.MEŠ-ni

AD.MEŠ-ia ṣa-⸢lam URUDU⸣ tam-šil gat-ti-šú-un a-na šu-zu-⸢zi⸣ qé-reb

É.KUR.MEŠ ib-nu-ma i-na e-piš-ti-šú-nu ú-šá-ni-ḫu

⸢gi-mir DUMU⸣.MEŠ um-ma-a-ni i-na la bi-šit uz-ni

la^* ḫa-sa-as a-ma-ti a-na šip-ri ḫi-šiḫ-ti-šu-nu

Ì.GIŠ iš-ku-ru na-⸢al⸣-ba-áš ṣe-e-ni ú-qé-ru qé-reb KUR.MEŠ-šú-un

ia-a-ti ^mdEN.ZU-ŠEŠ.MEŠ-eri-ba a-šá-red kal mal-ki

mu-de-e šip-ri ka-la-ma tim-me URUDU GAL.MEŠ ⸢ur⸣-maḫ-ḫi

⸢pe⸣-tan bir-ki ša ma-na-ma la ip-ti-qu LUGAL pa-⸢ni⸣ maḫ-ri-⸢ia⸣

[x x] ⸢uz⸣-ni ni-kil-ti ša ú-šat-li-ma ru-bu-u

^dnin-ši-kù [x x] ši-tul-ti ram-ni-ia a-na e-peš šip-ri šu-a^*-tu ra-biš

[...] i-na me-lik ṭè-me-ia ù me-reš ka-bat-ti-⸢ia⸣

[x x]-⸢iq⸣ URUDU ú-ba-áš-šim-ma ú-nak-ki-la [x]-lá-su

[...]-⸢ḫi ù⸣ a-⸢la⸣-[x]-ta GIŠ meš-⸢re⸣-e

12 UR.MAḪ.MEŠ né-ʾi-ru-ti a-di 12 ^dALAD.^dLAMMA.MEŠ MAḪ.MEŠ ša šuk-lu-lu nab-ni-tu 22 MUNUS.ÁB.ZA.ZA-a-ti ša ku-uz-bu

ù ul-[...]-lu-pa bal-tu la-la-a kúm-mu-ru ṣe-ru-uš-šin ki-i ṭè-em DINGIR-ma zi-iʾ-pi

ṭi-iṭ-ṭi ab-ni-⸢ma⸣ e-ra-a ⸢qé⸣-reb-šu áš-tap-pa-ka ki-i pi-ti-iq 1/2 GÍN TA.⸢ÀM⸣ ú-šak-li-la nab-ni-su-un

^dALAD.^dLAMMA.MEŠ nab-nit URUDU ša 2 i-na lìb-bi za-ḫa-lu-ú lit-bu-šú ^dALAD.^dLAMMA.MEŠ NA₄.GIŠ.NU₁₁.GAL

a-di ^dALAD.^dLAMMA.MEŠ ù MUNUS.ÁB.ZA.ZA-a-ti NA₄.pi-i-li pe-ṣe-e ša É.GAL.MEŠ-ia ⸢ú⸣-šá-aṣ-bi-ta

SI.GAR-ši-in tim-me URUDU MAḪ.MEŠ a-di GIŠ.tim-me GIŠ.ere-ni GAL.MEŠ bi-ib-lat KUR.ḫa-ma-nim me-ser URUDU

ú-rak-kis-ma ṣe-er pirig-gal-le-e ul-ziz-ma dáp-pi ku-lul KÁ.MEŠ-šin e-mid MUNUS.ÁB.ZA.ZA-a-ti NA₄.GIŠ.NU₁₁.GAL

a-di MUNUS.ÁB.ZA.ZA-a-ti pi-ti-iq ú-ru-de-e ša za-ḫa-lu-ú lit-bu-šá ù MUNUS.ÁB.ZA.ZA-a-ti

pi-ti-iq GU.AN.NA ša nu-⸢um-mu-ru gat-ta-šin⸣ GIŠ.tim-me GIŠ.ESI GIŠ.ŠUR.MÌN GIŠ.EREN GIŠ.dup-ra-ni ŠIM.LI ù GIŠ.ta-ad-du

iḫ-ze-et pa-⸢šal-li ù kas⸣-pi ṣe-ru-uš-šin ul-ziz-ma ša kúm-me mu-šab be-lu-ti-ia e-mid

⸢GIŠ.GAN.DU₇.MEŠ-šú-un KUN₄.MEŠ NA₄.DÚR.MI⸣.NA.BÀN.DA NA₄.GIŠ.NU₁₁.GAL ⸢ù⸣ KUN₄.MEŠ NA₄.pi-i-li

⸢GAL.MEŠ a-sur-ru-ši-in ú-šá-as-ḫi⸣-ra a-na tab-ra-a-ti ú-šá-lik <...> É.GAL.MEŠ šá-ti-na

⸢ú-šá-lik as-mì-iš si-ḫi-ir-ti É⸣.GAL a-na tab-rat ⸢kiš-šat⸣ UN.MEŠ ul-la-a re-ši-šá É.GAL ša

šá-ni-na ⸢la i-šu-ú ni-bit-sa az-kur GIŠ.KIRI₆.MAḪ-ḫu⸣ tam-⸢šil KUR.ḫa⸣-ma-⸢nim ša gi-mir ŠIM.ḪI.A⸣ GURUN

ṣip-pa-⸢a-ti GIŠ.MEŠ tuk-lat šad-di-i⸣ ù KUR.kal-di qé-⸢reb-šu^?⸣ ḫur-⸢ru-šu i-ta⸣-a-šá az-qup

a-na miṭ-ra-a-ti ⸢šum-mu-ḫi ul-tu pa⸣-a-ṭi URU.ki-si-ri a-di ⸢ta-mir⸣-ti NINA.KI KUR-a i-na ak-kul-la-ti AN.BAR

ú-šat-tir-⸢ma ú-še-šir ÍD.ḫar-ru 1 1/2 KASKAL.GÍD⸣ qaq-qa-ru ul-⸢tu qé⸣-reb ÍD.ḫu-su-ur ma-a-me da-ru-ú-ti a-šar-šá

ú-šar-⸢da-a qé-reb miṭ-ra-a-ti šá-ti-na ú-šaḫ⸣-bi-ba pat-ti-iš a-na šup-šu-uḫ a-lak-ti A.MEŠ šá GIŠ.KIRI₆.MEŠ

ÍD.a-gam-⸢mu ú-šab-ši-ma ṣu-ṣu-ú qé⸣-reb-šá as-ti-il ÍGIRA.MUŠEN.MEŠ ⸢ŠAḪ.MEŠ⸣ GIŠ.GI a-lap qí-i-ši i-na lìb-bi

ú-maš-⸢šir i-na ṭè-em DINGIR-ma qé⸣-reb GIŠ.KIRI₆.MEŠ GIŠ.GEŠTIN gi-mir GURUN GIŠ.se-er-du ù ŠIM.ḪI.A ma-gal iš-mu-ḫu GIŠ.ŠUR.MÌN

⸢GIŠ.MES.MÁ.KAN.NA nap-ḫar GIŠ⸣.MEŠ i-ši-ḫu-ma ú-ṣar-ri-šu pa-pa-al-lum ap-pa-ra-a-ti ma-gal i-ši-ra MUŠEN AN-e ÍGIRA.MUŠEN

qin-na iq-nun-ma ŠAḪ ⸢GIŠ.GI⸣ a-lap qí-i-ši ú-rap-pi-šú ta-lit-tu GIŠ.MES.MÁ.KAN.NA GIŠ.ŠUR.MÌN tar-bit ṣip-...

AMBAR.MEŠ šá qé-reb ⸢ÍD.a-gam-me⸣ ak-šiṭ-ma a-na šip-ri ḫi-šiḫ-ti É.GAL.MEŠ be-lu-ti-ia lu e-pu-...

⸢É.GAL-ia ú-qat-tu⸣-ú ^daš-šur EN GAL DINGIR.MEŠ ù ^dIŠ.TAR.MEŠ a-ši-bu-ut KUR aš-šur.KI i-...

aq-⸢re-ma UDU.SISKUR⸣.MEŠ taš-ri-iḫ-ti aq-qí-ma ú-šat-lim kàd-ra-a-a Ì.GIŠ GIŠ.sér-di ...

...-raq-qa-⸢a⸣ a-na ru-uš-te i-na taš-ri-it É.GAL ⸢ša ba⸣-ḫu-la-a-...