Layard, ICC pls. 38-42 (RINAP 3/2 Sennacherib 43 ex. 01) [Sennacherib][via rinap/sources]
| Obverse | |
| 11 | É.GAL mdEN.ZU-ŠEŠ.MEŠ-SU LUGAL GAL LUGAL dan-nu LUGAL ŠÚ LUGAL KUR aš-šur.KI LUGAL kib-rat LÍMMU-ti mi-gir DINGIR.MEŠ GAL.MEŠ |
| 22 | lu-li-mu er-šu mal-ku pit-qu-du RE.É.UM ba-ḫu-la-ti mut-ta-ru-ú UN.MEŠ rap-šá-a-ti a-na-ku |
| 33 | dbe-let-DINGIR.MEŠ be-let nab-ni-ti i-na ŠÀ.TÙR a-ga-ri-in-ni a-lit-ti-ia ke-niš IGI.BAR-an-ni-ma ú-ṣab-ba-a |
| 44 | nab-ni-ti ù dnin-ši-kù id-di-na kar-šu rit-pa-šú šin-na-at ABGAL a-da-pà iš-ru-ka pal-ka-a ḫa-sis-su daš-šur AD DINGIR.MEŠ |
| 55 | ⸢gi-mir⸣ ṣal-mat SAG.DU ú-šak-niš še-pu-ú-a a-na RE.É.UM-ut KUR ù UN.MEŠ ul-la-a re-ši-ia id-di-na GIŠ.GIDRU i-šar-tu mu-rap-pi-šat |
| 66 | ma-a-ti GIŠ.TUKUL la pa-du-ú a-na šum-qut za-ʾi-ri ú-šat-me-eḫ rit-tu-ú-a ina u₄-me-šu-ma te-ne-šet na-ki-ri ki-šit-ti ŠU.II-ia |
| 77 | tup-šik-ku ú-šá-áš-ši-šú-nu-ti-ma il-bi-nu SIG₄ É.GAL MURUB₄ URU ša URU.ni-na-a ša 3 ME 60 ina 1.KÙŠ UŠ 95 ina 1.KÙŠ SAG.KI |
| 88 | ma-ra-ku šit-ku-na-at-ma ṣu-uḫ-ḫu-rat šu-bat-sa ša LUGAL.MEŠ a-li-kut maḫ-ri AD.MEŠ-ia a-na ri-mit be-lu-ti-šú-un ú-še-pi-šu-ma |
| 99 | la ú-nak-ki-lu ši-pir-šá UDU.MEŠ šad-di dLAMMA ša NA₄.pi-i-li pe-ṣe-e i-na URU.ta-as-ti-a-te ib-tu-qu a-na mu-kil KÁ.MEŠ-ši-in |
| 1010 | a-na šu-pu-uš GIŠ.MÁ.MEŠ qé-reb GIŠ.TIR.MEŠ GIŠ.MEŠ GAL.MEŠ ú-qé-ru i-na nap-ḫar KUR.MEŠ-šú-nu i-na ITI.GU₄ u₄-mu a-dan-ni e-de-e pa-an šat-ti |
| 1111 | i-na GIŠ.MÁ.MEŠ ṣi-ra-a-ti a-na a-ḫa-an-na-a ú-šeb-bi-ru-ni mar-ṣi-iš i-na né-ber ka-a-ri GIŠ.MÁ.GU.LA.MEŠ ú-ṭe-eb-bu-ú |
| 1212 | ba-ḫu-la-ti-šú-un ú-šá-ni-ḫu ú-lam-me-nu ka-ras-sin i-na da-na-ni ù šup-šu-qi mar-ṣi-iš ú-bi-lu-nim-ma |
| 1313 | ú-šá-aṣ-bi-tu KÁ.MEŠ-ši-in ÍD.te-⸢bil⸣-ti a-gu-ú šit-mu-ru ša ul-tu UD.MEŠ SÙ.MEŠ ṭe-eḫ É.GAL |
| 1414 | i-ba-ʾu-ú-ma i-na ILLU-šá gap-ši ú-ri-ib-bu tem-me-en-šá É.GAL.TUR.RA šá-a-tu a-na si-ḫir-ti-šá aq-qur |
| 1515 | ša ÍD.te-bil-ti ma-lak-šá uš-te-eš-na-a ú-še-šir mu-ṣu-šá qé-reb a-sur-rak-ki-šá šap-la-nu GI.MEŠ e-la-niš ESIR.UD.A |
| 1616 | it-ti NA₄.pi-i-li GAL.MEŠ dun-nu-niš ak-si 5 ME 54 ina 1.KÙŠ GÍD.DA 2 ME 89 ina 1.KÙŠ DAGAL A.ŠÀ ul-tu ma-a-me |
| 1717 | ú-še-lam-ma na-ba-liš ú-ter tar-pa-šu-ú UGU šá u₄-me pa-ni ú-šar-bi ṣe-er me-ši-iḫ-ti É.GAL maḫ-ri-ti ú-rad-di-ma |
| 1818 | i-na 1 ME 90 ti-ib-ki ul-la-a re-še-šu <<ana>> la-ba-riš u₄-me i-na ⸢ILLU⸣ kiš-šá-ti tem-me-en-šu la e-né-še |
| 1919 | NA₄.pi-i-li GAL.MEŠ ki-su-šu ú-šá-as-ḫi-ra ú-dan-ni-na šu-pu-uk-šú a-na 9 ME 14 ina AS₄.LUM GAL-ti UŠ |
| 2020 | ù 4 ME 40 ina AS₄.LUM GAL-ti SAG.KI ši-kit-ti É.GAL ú-ter-ma šu-bat-sa uš-rab-bi É.GAL NA₄.DÚR.MI.NA.BÀN.DA |
| 2121 | NA₄.GIŠ.NU₁₁.GAL ZÚ AM.SI GIŠ.ESI GIŠ.TÚG GIŠ.MES.MÁ.KAN.NA GIŠ.EREN GIŠ.ŠUR.MÌN ŠIM.LI GIŠ.e-lam-ma-ku a-na mu-šá-ab |
| 2222 | be-lu-ti-ia ab-ni-ma É ap-pa-a-ti tam-šil É.GAL KUR.ḫa-at-ti mé-eḫ-ret ba-ba*-a-ti ú-še-piš GIŠ.ÙR.MEŠ GIŠ.ere-ni |
| 2323 | GIŠ.ŠUR.MÌN ša i-ri-su-un ṭa-a-bu bi-nu-ut KUR.ḫa-ma-nim KUR.si-ra-ra KUR-e KÙ.MEŠ ú-šat-ri-ṣa e-li-ši-in |
| 2424 | GIŠ.IG.MEŠ GIŠ.ere-ni GIŠ.ŠUR.MÌN ŠIM.LI me-ser KI.SAG ù URUDU ú-rak-kis-ma ú-rat-ta-a ba-bi-šin i-na ba-rak-ki |
| 2525 | ša qé-reb É.PA.PAḪ.MEŠ-ni ap-ti bi-ir-ri ú-pat-ta-a MUNUS.dLAMMA.MEŠ NA₄.GIŠ.NU₁₁.GAL ZÚ AM.SI |
| 2626 | ša il-lu-ru na-šá-a kit-mu-sa rit-ta-šin bal-tu ku-uz-bu ḫi-it-lu-pa lu-le-e ma-la-a |
| 2727 | i-na KÁ.MEŠ-ši-in ul-ziz-ma a-na tab-ra-a-ti ú-šá-lik ṣu-lul ta-ra-a-ni ša qé-reb |
| 2828 | ba-rak-ka-a-ni e-ṭu-su-un ú-šaḫ-la*-a u₄-mì-iš uš-nam-mir sik-kàt kar-ri kas-pi |
| 2929 | ù URUDU qé-reb-šin ú-šal-me i-na SIG₄.AL.ÙR.RA NA₄.ZÚ NA₄.ZA.GÌN us-si-ma |
| 3030 | si-il-lum |
| 3131 | né-be-ḫi |
| 3232 | ù gi-mir pa-as-qí-šin |
| 3333 | áš-šu šip-ri É.GAL-ia |
| 3434 | šu-te-šú-ri ù li-pit ŠU.II-ia |
| 3535 | šul-lu-me i-na u₄-me-šú-<ma> |
| 3636 | daš-šur ù diš-tar ra-ʾi-mu LÚ |
| 3737 | SANGA-ti-ia na-bu-ú MU-ia |
| 3838 | giš-maḫ-ḫi GIŠ.ere-ni ša ul-tu UD.MEŠ |
| 3939 | SÙ.MEŠ i-ši-ḫu-ma ik-bi-ru ma-⸢gal⸣ |
| 4040 | i-na qé-reb KUR.si-ra-ra KUR-i |
| 4141 | i-na pu-uz-ri na-an-zu-⸢zu⸣ |
| 4242 | ú-šak-li-mu-in-ni ṣi-i-su-un |
| 4343 | ša NA₄.GIŠ.NU₁₁.GAL ša i-na tar-ṣi LUGAL.MEŠ |
| 4444 | AD.MEŠ-ia a-na kar-ri nam-ṣa-ri šu-qu-ru |
| 4545 | i-na sa-pan KUR.am-ma-na-na ú-šap-tu-ni |
| 4646 | pa-ni-šú ù NA₄.DÚR.MI.NA.BÀN.DA ma-la |
| 4747 | DUG.bur-zi-gal-li ša la in-nam-ru ma-ti-ma |
| 4848 | i-na URU.kap-ri-da-ar-gi-la-a šá pa-a-ṭi URU.DU₆-bar-si-ip |
| 4949 | ú-kal-lim ra-ma-nu-uš i-te-e NINA.KI i-na er-ṣe-et |
| 5050 | URU.ba-la-ṭa-a šá ki-i ṭè-em DINGIR-ma NA₄.pi-i-lu |
| 5151 | pe-ṣu-ú a-na mu-ʾu-de-e in-na-mir-ma dALAD |
| 5252 | dLAMMA.<<dLAMMA>>.MEŠ ù ṣa-lam meš-re-ti NA₄.GIŠ.NU₁₁.[x] |
| 5353 | [x] i-na 1-en ⸢NA₄ ib-ba⸣-nu-ú mi-na-a-ti [...] |
| 5454 | i-na ki-gal-li |
| 5555 | ra-ma-ni-šú-[x] šá-qiš |
| 5656 | na-an-zu-zu MUNUS.ÁB.ZA.ZA-a-ti |
| 5757 | NA₄.GIŠ.NU₁₁.GAL ša zi-i-me |
| 5858 | nu-us-⸢su-qa GIM⸣ u₄-me na-⸢par-de⸣-e |
| 5959 | nu-[x]-mu-ru zu-[x]-ši-in KUN₄.MEŠ |
| 6060 | NA₄.DÚR.[...].DA ṣi-ra-a-ti ab-ni |
| 6161 | ki-lal-la-an [x]-na šad-di-šu-un ⸢ab⸣-tuq-ma |
| 6262 | a-⸢na⸣ šip-ri É.GAL-ia ú-šal-di-⸢da⸣ |
| 6363 | ⸢qé-reb⸣ URU.ni-na-a dALAD.dLAMMA.MEŠ GAL.MEŠ |
| 6464 | ù MUNUS.ÁB.ZA.ZA-a-ti NA₄.pi-i-li pe-ṣe-e |
| 6565 | i-na lip-ta-at d⸢nin⸣-kur-ra i-na er-ṣe-et |
| 6666 | URU.ba-la-ṭa-a-a ú-šá-aʾ-lid-ma ú-šak-li-la |
| 6767 | gat-ta-šú-un ša ul-tú ul-la LUGAL.MEŠ-ni AD.MEŠ-ia |
| 6868 | ṣa-lam URUDU tam-šil gat-ti-šú-un a-na šu-zu-zi qé-reb |
| 6969 | É.KUR.MEŠ ib-nu-ma ina e-piš-ti-šú-nu ú-šá-ni-ḫu gi-mir |
| 7070 | DUMU.MEŠ um-ma-a-ni i-na la bi-šit uz-ni la ḫa-sa-as |
| 7171 | a-ma-ti a-na šip-ri ḫi-šiḫ-ti-šú-nu Ì.GIŠ iš-ku-ru |
| 7272 | ⸢na-al-ba⸣-áš ⸢ṣe⸣-e-ni ú-qé-ru qé-reb KUR.MEŠ-šú-un |
| 7373 | ⸢ia⸣-a-ti mdEN.ZU-ŠEŠ.MEŠ-eri-ba a-šá-red kal mal-ki |
| 7474 | [x]-⸢de⸣-e šip-ri ka-la-ma tim-me URUDU GAL.MEŠ ur-maḫ-ḫi |
| 7575 | [x]-tan bir-ki ša ma-na-ma la ip-ti-qu LUGAL pa-ni maḫ-ri-ia |
| 7676 | [x x] uz-ni ni-kil-ti ⸢ša⸣ ú-šat-li-ma ru-bu-ú |
| 7777 | [x x]-ši-kù i-[x] ⸢ši⸣-tul-ti ram-ni-ia |
| 7878 | a-na e-peš šip-[...]-tu ra-biš am-tal-lik-ma i-na me-lik ṭè-me-ia ù me-reš ka-bat-ti-ia |
| 7979 | ⸢pi⸣-ti-⸢iq⸣ URUDU ú-ba-áš-šim-ma ú-nak-ki-la nik-⸢lá⸣-su ša giš-maḫ-ḫi ù a-la-[x]-ta GIŠ meš-⸢re⸣-e |
| 8080 | 12 UR.MAḪ.MEŠ né-ʾi-⸢ru⸣-ti a-di ⸢12⸣ [...] <<LAMMA>>.dLAMMA.MEŠ MAḪ.MEŠ ša šuk-[x]-⸢lu⸣ nab-ni-tu 22 MUNUS.ÁB.ZA.ZA-a-te |
| 8181 | ša ku-uz-bu ù ⸢ul-ṣu⸣ ḫi-it-⸢lu⸣-pa bal-tu la-la-a kúm-mu-ru ṣe-ru-uš-šin ki-i ṭè-em DINGIR-ma |
| 8282 | zi-iʾ-pi ṭi-iṭ-ṭi ab-ni-ma e-ra-a qé-reb-šú áš-tap-pa-⸢ka⸣ ki-i pi-ti-iq 1/2 GÍN TA.⸢ÀM⸣ ú-šak-li-la |
| 8383 | nab-ni-su-un d⸢ALAD⸣.dLAMMA.MEŠ nab-nit URUDU ša 2 ina lìb-bi za-ḫa-[x]-⸢ú⸣ lit-bu-šú d⸢ALAD⸣.dLAMMA.MEŠ |
| 8484 | NA₄.GIŠ.NU₁₁.GAL a-di dALAD.dLAMMA.MEŠ ù MUNUS.ÁB.ZA.ZA-a-ti NA₄.pi-⸢i-li pe-ṣe⸣-e ⸢ša⸣ É.GAL.MEŠ-ia ⸢ú⸣-šá-aṣ-bi-ta |
| 8585 | SI.GAR-ši-in tim-⸢me⸣ URUDU MAḪ.MEŠ a-di GIŠ.tim-me GIŠ.ere-ni GAL.MEŠ [...] ⸢ḫa-ma⸣-[x] me-⸢ser⸣ URUDU ⸢ú-rak⸣-kis-ma |
| 8686 | ṣe-er pirig-gal-⸢le⸣-e ul-ziz-⸢ma⸣ dáp-pi ku-lul KÁ.MEŠ-šin e-mid ⸢MUNUS⸣.[x].⸢ZA⸣.ZA-a-⸢ti⸣ NA₄.GIŠ.NU₁₁.GAL a-di [...].ZA-a-ti |
| 8787 | pi-ti-iq ú-ru-de-e ša za-ḫa-lu-u lit-bu-šá ù MUNUS.ÁB.ZA.ZA-a-ti [x x]-iq GU.⸢AN.NA ša nu-um⸣-[...]-⸢ta⸣-šin |
| 8888 | GIŠ.tim-me GIŠ.ESI GIŠ.ŠUR.MÌN GIŠ.EREN [x] ⸢dup-ra-ni ŠIM.LI ù GIŠ.ta-ti-du⸣ iḫ-[...]-pi |
| 8989 | ṣe-ru-uš-šin ul-ziz-ma ⸢ša kúm⸣-me mu-⸢šab be-lu-ti⸣-ia e-mid GIŠ.GAN.DU₇.MEŠ-šú-⸢un KUN₄⸣.MEŠ NA₄.DÚR.MI.[...].GAL |
| 9090 | ù KUN₄.MEŠ NA₄.pi-i-li GAL.MEŠ a-sur-ru-šin ú-šá-as-ḫi-ra a-na tab-ra-⸢a⸣-<<ti>>-te ⸢ú⸣-šá-⸢lik áš⸣-[...].MEŠ |
| 9191 | di-lu-ú-ti da-lum eb-li gu-ḫaṣ-ṣa-a-ti ZABAR ù ḫar-ḫa-ri ZABAR ú-⸢še-piš-ma⸣ ki-⸢mu⸣-[...]-maḫ-ḫi |
| 9292 | ù a-la-mit-ta ṣe-er ⸢PÚ⸣.MEŠ uš-ziz É.GAL.MEŠ šá-ti-na ú-šá-lik as-mì-iš si-ḫir-ti É.GAL a-na <tab>-rat kiš-šat UN.MEŠ ul-la-a |
| 9393 | re-ši-šá É.GAL ša šá-ni-na la i-šu-u ni-bit-sa az-kur GIŠ.KIRI₆.MAḪ-ḫu tam-šil KUR.ḫa-ma-nim ša gi-mir ŠIM.[...] GIŠ.MEŠ |
| 9494 | tuk-lat šad-di-i ù KUR.kal-di qé-reb-šú ḫur-ru-šú i-ta-a-šá az-qup a-na miṭ-ra-a-ti šum-mu-ḫi ul-⸢tu pa⸣-a-[...]-ri a-di |
| 9595 | ta-mir-ti NINA.KI [...] ak-kul-la-ti AN.BAR ú-šat-tir-ma ú-še-šir ⸢ÍD⸣.ḫar-ru ⸢1 1/2⸣ KASKAL.GÍD [...] qé-reb |
| 9696 | ÍD.ḫu-su-ur ma-a-⸢me⸣ da-ru-ú-ti a-šar-šá ú-šar-da-a qé-reb miṭ-ra-a-te šá-ti-na ú-šaḫ-[...] |
| 9797 | a-lak-ti A.MEŠ ša GIŠ.KIRI₆.MEŠ ÍD.a-gam-mu ú-šab-ši-ma ṣu-ṣu-ú qé-reb-ša as-ti-il ÍGIRA.MUŠEN.MEŠ ŠAḪ.MEŠ GIŠ.GI a-lap |
| 9898 | <<a-lap>> qí-i-ši i-na lìb-bi ú-maš-šir i-na ṭè-em DINGIR-ma qé-reb GIŠ.KIRI₆.MEŠ GIŠ.GEŠTIN u gi-mir GURUN GIŠ.se-er-du ù ŠIM.ḪI.A ma-gal |
| 9999 | iš-mu-ḫu GIŠ.ŠUR.MÌN GIŠ.MES.MÁ.KAN.NA nap-ḫar GIŠ.MEŠ i-ši-ḫu-ma ú-ṣar-ri-šú pa-pa-al-lum ap-pa-ra-a-ti ma-gal i-ši-ra MUŠEN AN-e |
| 100100 | ÍGIRA.MUŠEN qin-na iq-nun-ma ŠAḪ GIŠ.GI a-lap qí-i-ši ú-rap-pi-šú ta-lit-tu GIŠ.MES.MÁ.KAN.NA GIŠ.ŠUR.MÌN tar-bit ṣip-pa-a-ti GI |
| 101101 | AMBAR.MEŠ ša qé-reb ÍD.a-gam-me ak-šiṭ-ma a-na šip-ri ḫi-šiḫ-ti É.GAL.MEŠ be-lu-ti-ia lu e-pu-uš ul-tu šip-ri |
| 102102 | É.GAL-ia ú-qat-tu-ú aš-šur EN GAL DINGIR.MEŠ ù dIŠ.TAR.MEŠ a-ši-bu-ut KUR aš-šur.KI i-na qer-bi-šá aq?-re?-ma |
| 103103 | ⸢UDU⸣.SISKUR.MEŠ taš-ri-iḫ-te aq-qí-ma ú-šat-lim kàd-ra-a-a Ì.GIŠ GIŠ.sér-di ù ḫi-bi-iš-ti ú-raq-qa-<a> a-na ru-uš-te |
| 104104 | i-na taš-ri-it É.GAL ša ba-ḫu-la-te KUR-ia ú-šá-áš-qa-a muḫ-ḫa-ši-in [x x] ⸢du-uš⸣-[x]-⸢pu⸣ |
| 105105 | ⸢ṣur-ra⸣-ši-in ⸢am⸣-kir i-na qí-bit aš-šur a-bu DINGIR.MEŠ ù diš-tar šar-ra-ti dALAD ⸢dum⸣-qí |
| 106106 | [...]-qí qé-reb É.GAL šá-a-tu da-riš liš-tab-ru-ú a-a ip-par-ku-ú i-da-a-šá |