AO 06772 (RINAP 4 Esarhaddon 135, ex. 01) [Esarhaddon]
| Obverse | |
| 11 | a-na dna-na-a pu-su-um-ti i-la-a-ti šá ḪI.LI u ul-ṣi za-aʾ-na-tu lu-le-e ma-la-tu |
| 22 | bu-kúr-ti da-nim šit-ra-aḫ-ti šá ina nap-ḫar be-le-e-ti šur-ba-a-tu e*-nu-us-sa |
| 33 | ḫi-rat dmu-zib-sa₄-a ti-iz-qar-ti ⸢sek⸣-ra-ti na-aʾ-it-ti na-ram-ti NUN-ú-ti-šú |
| 44 | ìl-tum re-me-ni-tum a-li-kát ri-ṣi LUGAL pa-li-ḫi-šá mu-šal-bi-rat pa-e-le-šú |
| 55 | a-ši-bat é-ḫi-li-an-na šá qé-reb é-an-na šar-rat UNUG.KI GAŠAN GAL-tum GAŠAN-šú |
| 66 | mAN.ŠÁR-ŠEŠ-SUM.NA LUGAL ŠÚ LUGAL KUR aš-šur.KI GÌR.NÍTA KÁ.DINGIR.RA.KI LUGAL KUR šu-me-ru ù ⸢URI⸣ [x] |
| 77 | LUGAL šaḫ-ṭu muš-te-eʾ-ú áš-ra-a-ti DINGIR.MEŠ GAL.MEŠ pa-a-liḫ EN EN.EN |
| 88 | ⸢ba⸣-a-nu-ú É AN.ŠÁR e-piš é-sag-íl u KÁ.DINGIR.RA.KI za-a-nin é-zi-⸢da⸣ |
| 99 | ⸢mu⸣-ud-diš é-an-na mu-šak-lil eš-re-e-ti ma-ḫa*-zi šá ina qer-bi-ši-<na> iš-tak-kan si-ma-⸢a⸣-[x] |
| 1010 | ⸢DUMU⸣ md30-ŠEŠ.MEŠ-SU LUGAL ŠÚ LUGAL KUR aš-šur.KI DUMU mLUGAL-GIN LUGAL KUR aš-šur.KI GÌR.NÍTA KÁ.DINGIR.RA.KI LUGAL KUR šu-me-ru ù ak-ka-di-i |
| 1111 | é-ḫi-li-an-na É pa-pa-ḫi dna-na-a GAŠAN-ia šá qé-reb é-an-na |
| 1212 | šá LUGAL maḫ-ri i-pu-šu la-ba-riš il-lik-ma mi-qit-ti ir-ši |
| 1313 | eṣ-re-ti-šú áš-te-eʾ-i ina SIG₄.AL.ÙR.RA UDUN KÙ-tim ma-qit-ta-šú ak-ši-ir |
| 1414 | ŠU.II dna-na-a GAŠAN GAL-tum aṣ-bat-ma a-na qer-bi-šú ú-še-rib-ma šu-bat da-ra-a-ti ú-šar-me |
| 1515 | UDU.SISKUR.MEŠ taš-ri-iḫ-ti aq-qí uš-par-zi-iḫ ši-gar-šá |
| 1616 | dna-na-a ⸢GAŠAN⸣ ṣir-tum ina qé-reb É pa-pa-ḫi šu-a-ti ḫa-di-iš ina a-šá-a-bi-ki |
| 1717 | ia-a-ti mAN.ŠÁR-ŠEŠ-SUM.NA NUN pa-a-liḫ-ki ina ma-ḫar dAG ḫa-a-a-i-ri-ki ti-is-qa-ri ba-ni-ti |
| 1818 | TI UD.MEŠ SÙ.MEŠ še-bé-e lit-tu-tu ṭu-ú-bi UZU* u ḫu-ud lìb-bi ši-i-mi ši-ma-ti |
| 1919 | SUḪUŠ GIŠ.GU.ZA LUGAL-ú-ti-ia ú-ḫum-meš šur-ši-di it-ti AN-e u KI-tim kin-ni BALA-ú-⸢a⸣ |
| 2020 | ma-ti-ma ina aḫ-rat UD.MEŠ NUN EGIR-ú šá ina BALA-šú É pa-pa-ḫi šu-a-ti in-na-ḫu an-ḫu-us-su lu-ud-diš |
| 2121 | šu-mi it-ti šu-mi-šú liš-ṭur MU.SAR-ru-ú ši-ṭir MU-ia Ì.GIŠ lip-šu-uš UDU.SISKUR ⸢BAL⸣-qí it-ti MU.SAR-e-šú liš-kun |
| 2222 | ik-ri-bi-šú DINGIR.MEŠ i-šem-mu-ú u šá šu-mi šaṭ-ru ina ši-pir ni-kil-ti i-pa-áš-ši-ṭu |
| 2323 | MU.SAR-ru-ú-a ib-ba-tu lu-u a-šar-šú ú-nak-ka-ru |
| 2424 | dna-na-a GAŠAN šur-bu-ti ag-giš lik-kil-me-šú-ma ši-mat le-mut-tim li-šim-šú |
| 2525 | MU-šú NUMUN-šú ina KUR li-ḫal-liq-ma a-a ir-ši-iš re-e-mu |