IM 061711 (RINAP 4 Esarhaddon 128, ex. 02) [Esarhaddon]

a-na ^dUN.GAL NIBRU.KI ma-al-kát uzu-mú-a.KI ṣir-ti ti-iz-qar-ti šá-ru-uḫ-tu DINGIR.MEŠ ^din-nin-ni

GAŠAN šur-bu-tu šá a-na LUGAL mi-ig-ri-šá ba-an-ti-iš it-ta-na-as-ḫa-ru BALA-šú ú-šal-ba-ru i-šar-ra-ku-uš da-na-nu ù li-i-ti

šar-rat NIBRU.KI ⸢a⸣-ši-bat é-bára-dúr-gar-ra É mu-kin šu-bat LUGAL-ú-tu GAŠAN GAL-ti GAŠAN-šú

^mAN.ŠÁR-ŠEŠ-SUM.NA ⸢LUGAL⸣ GAL-ú LUGAL dan-nu LUGAL ŠÚ LUGAL KUR aš-šur.KI LUGAL kib-rat er-bet-ti GÌR.NÍTA TIN.TIR.KI ⸢LUGAL⸣ KUR šu-me-ri u URI.KI i-tu-ut kun lìb-bi ^dEN.LÍL

šá ul-tu ṣe-ḫe-ri-[x x (x)] ⸢AN⸣.ŠÁR ^dEN.LÍL ^d30 ^dUTU ^dIŠKUR ^dAMAR.UTU ^dAG ^dU.GUR u DINGIR.MEŠ GAL.MEŠ EN.MEŠ-šú it-tak-lu-ú-ma ni-⸢iz⸣-[x]-⸢su⸣ ú-šak-šid-uš i-mu-ru da-na-an-šú-un

⸢a⸣-na nu-uḫ-ḫu lìb-bi DINGIR-⸢ti⸣-[x x] ⸢u nu⸣-up-pu-uš ka-bat-ti-šú-nu GIŠ.MI-šú-nu da-ru-ú it-ru-ṣu UGU-šú

[x (x)] ⸢e-muq⸣ AN.ŠÁR ^d⸢EN.LÍL⸣ [...].⸢MEŠ ti-ik-li-šú kul⸣-lat KUR.KUR i-bé-⸢lu-ma⸣ [...]-⸢pu-uš⸣-[...]

[...] ⸢mu-šak-lil eš⸣-[...]

⸢LUGAL⸣ šá i-na UD.MEŠ ⸢BALA⸣-[...] ina é-sag-íl ⸢É.GAL-šú ir⸣-[...]

^da-num GAL-ú ana URU-šú BÀD.AN.KI u ⸢É⸣-[x x]-⸢dim⸣-gal-⸢kalam-ma⸣ ú-⸢še-ri⸣-[x x] ú-še-ši-bu pa-rak da-⸢ra⸣-[x x]

DINGIR.MEŠ KUR.KUR šal-lu-tu šu-kut-ta-šú-nu ud-⸢di⸣-[x x]-⸢tu⸣ qé-reb KUR [...] a-na áš-ri-šú-nu ú-ter-šú-nu-ti-ma ⸢ú⸣-[x x] is-qu-uš-(x x) [x]

NUN en-qu it-pe-⸢šu⸣ ḫa-sis kal šip-⸢ri šá⸣ ina ma-ḫa-zu GAL.[x] si-ma-a-⸢ti⸣ [...] uš-te-ši-ru šu-luḫ-ḫu

DUMU ^md30-⸢ŠEŠ.MEŠ⸣-[...]-⸢šur.KI DUMU⸣ ^mLUGAL-GIN LUGAL KUR aš-⸢šur⸣.KI GÌR.⸢NÍTA⸣ [...] u ⸢URI.KI⸣-i

li-⸢ip-li-pi da-ru-ú šá ^mdEN-DÙ DUMU⸣ ^ma-da-si LUGAL KUR aš-šur.KI ⸢NUNUZ⸣ bal-til.KI šu-qu-ru NUMUN LUGAL-⸢ú-tu⸣ ki-sít-ti ṣa-a-ti

[x]-⸢nu⸣-šu é-bára-dúr-gar-ra É ^dUN.GAL NIBRU.⸢KI⸣ GAŠAN GAL-ti GAŠAN-ia šá LUGAL maḫ-ri i-pu-šu ⸢la⸣-ba-riš il-lik-ma i-qu-ú-pu É.GAR₈.MEŠ-šú

[x]-ra-ti-šú áš-te-eʾ-e ma-qit-ta-šú as-suḫ te-me-⸢en⸣-šú ú-ṣab-bi-ma GIM si-ma-ti-šú la-bi-ra-a-tú [x (x)] ⸢ši⸣-pir ^dkulla ar-ṣip ú-šak-lil ki-ma KUR-i re-ši-i-šú ul-li

[x] ⸢UN⸣.GAL ⸢NIBRU⸣.KI GAŠAN šur-bu-tu GAŠAN-ia ši-pir šu-a-tu ḫa-diš lip-pa-lis-ma [x]-⸢mat⸣ SIG₅-tì-ia liš-šá-kin šap-tuš-šá TIN.ME UD.ME SÙ.ME še-bé-e lit-tu-ú-tu DÙG-ub UZU u ḫu-ud lìb-bi ⸢li⸣-šim ši-ma-a-ti

[...] ⸢aḫ⸣-rat UD.MEŠ NUN EGIR-ú šá ina u₄-me ⸢BALA⸣-[x] ⸢É⸣ šu-a-tu in-na-ḫu-ma [x x]-⸢ti⸣ i-raš-⸢šu⸣-ú áš-ra-⸢ti⸣-[x] ⸢liš-te⸣-eʾ-e ⸢ma⸣-[...] ⸢lik⸣-šìr

[...] ⸢MU-ia Ì.GIŠ⸣ [x x]-⸢uš⸣ UDU.SÍSKUR BAL-⸢qí⸣ ina áš-ri-⸢šú liš-kun⸣ [...]-rak UD.MEŠ ú-rap-pa-áš kim-ti

[...]-kil-ti ib-ba-⸢tu⸣ [x]-ú a-šar-šú ú-nak-ka-ru

⸢^dUN⸣.[x] ⸢NIBRU.KI⸣ GAŠAN ⸢GAL⸣-[...]-⸢kil-me⸣-šú-⸢ma MU⸣-šú NUMUN-šú ⸢ina nap⸣-ḫar KUR.KUR li-ḫal-liq