Ass 21506e (RINAP 4 Esarhaddon 076) [Esarhaddon]

^daš^?-šur^? [...] ⸢DINGIR⸣.MEŠ GAL.MEŠ

ina qer-bi-šú x [...] x da-ra-te

a-na ^maš-šur-PAP-MU x x [x x] x x ni-iš IGI.II.MEŠ-šú

ur-tu i-nam-din-šu-u-ma ú-ma-ʾa-<ar>-šu ṭè-e-mu^?

a-na mu-di-iš é-šár-ra mu-šak-lil pel-lu-de-e

MU-šú it-ta-bi a-⸢na⸣ LUGAL-u-te

e-pu-uš é-šár-ra ṣi-i-⸢ru^?⸣ BÁRA la-li-ia

ki-ma ši-ṭir bu-ru-um-me nu-uk-ki-la GIŠ.ḪUR.MEŠ-šú

^maš-šur-PAP-MU iš-šak-ku pit-qu-du ba-nu-ú É aš-šur

um-ma-na-at ^daš-šur id-de-ki a-na kul-lat <da>-ád-me

mal-ki id-de-ki ša kal kib-ra-te

ku-dúr-ru it-ta-šu-u-ni a-na URU kiš-šu-te

ina bal-til.KI ma-ḫa-zu ṣi-i-ru URU LUGAL DINGIR.MEŠ ^daš-šur

a-na e-peš šip-ri šá é-šár-ra [x x] x KU BAL-qí

ina BAL^? x ši-iz-bu ḫi-[me-tu] Ì.GIŠ ḪA.ŠUR

ka-lak-ku ib-lu-lu₄ [il-bi^?]-nu SIG₄

kab-tu-te ṣe-eḫ-ru-te DUMU.MUNUS LUGAL