1881-02-04, 046 (RINAP 3/1 Sennacherib 08) [Sennacherib]

[^mdEN.ZU-ŠEŠ.MEŠ-eri-ba LUGAL GAL-ú LUGAL dan-nu LUGAL kiš-šá-ti LUGAL KUR aš-šur.KI LUGAL la šá-na-an RE].É.UM ⸢mut-nen⸣-nu-ú pa-liḫ DINGIR.MEŠ GAL.MEŠ

[na-ṣir kit-ti ra-ʾi-im mi-šá-ri e-piš ú-sa-a-ti a-lik tap-pu-ut a-ki]-⸢i⸣ sa-ḫi-ru dam-qa-a-ti

[eṭ-lu gít-ma-lum zi-ka-ru qar-du a-šá-red kal ma-al-ki rap-pu la-ʾi]-⸢iṭ⸣ la ma-gi-ri mu-šab-ri-qu za-ma-a-ni

[^daš-šur KUR-ú GAL-ú LUGAL-ut la šá-na-an ú-šat-li-ma-an-ni-ma UGU gi-mir a-šib pa]-⸢rak⸣-ki ú-šar-ba-a GIŠ.TUKUL.MEŠ-ia

[i-na maḫ-re-e ger-ri-ia ša ^mdAMAR.UTU-IBILA-SUM.NA LUGAL KUR.kár-dun-ia-áš a-di ERIM.ḪI.A ELAM].⸢MA⸣.KI re-ṣi-šú i-na ta-mir-ti kiš.KI áš-ta-⸢kan⸣ [BAD₅.BAD₅-šu]

[i-na MURUB₄ tam-ḫa-ri šu-a-tu e-zib KARAŠ-su e-diš ip-par-šid-ma na-piš-tuš e-ṭí-ir GIŠ.GIGIR.MEŠ ANŠE.KUR.RA.MEŠ GIŠ.ṣu-um-bi ANŠE.KUNGA.MEŠ] ⸢ša⸣ ina qit-ru-ub ta-ḫa-zi ú-maš-ši-ru ik-šu-da [ŠU.II-a-a]

[a-na É.GAL-šu ša qé-reb KÁ.DINGIR.RA.KI ḫa-diš e-ru-um-ma ap-te-e-ma É ni-ṣir-ti-šú KÙ.GI KÙ.BABBAR ú-nu-ut KÙ.GI KÙ.BABBAR NA₄ a-qar-tu mim-ma šum-šú] NÍG.ŠU NÍG.GA ni-ṣir-tu ka-bit-[tu]

[DAM-su MUNUS.UN.MEŠ É.GAL.MEŠ-šú LÚ.TIRUM.MEŠ LÚ.man-za-az pa-ni si-ḫir-ti um-ma-a-ni ma-la ba-šu-ú mut-tab-bi-lu]-tú É.GAL-uš ú-še-ṣa-am-ma šal-la-tiš [am-nu]

[i-na e-muq ^daš-šur EN-ia 89 URU.MEŠ-šú dan-nu-ti É BÀD.MEŠ ša KUR.kal-di ù 6 ME 20 URU.MEŠ TUR.MEŠ ša li-me-ti-šú-nu] ⸢al⸣-me KUR-ud áš-lu-la šal-la-[su-un]

[LÚ.úr-bi LÚ.a-ra-mu LÚ.kal-du ša qé-reb UNUG.KI NIBRU.KI kiš.KI ḫur-sag-kalam-ma.KI GÚ.DU₈.A.KI ZIMBIR.KI EN DUMU.MEŠ URU] ⸢EN⸣ ḫi-iṭ-ṭi ú-še-ṣa-am-ma šal-[la-tiš am-nu]

[^mEN-DÙ DUMU LÚ.GAL-DÙ i-na GIŠ.GU.ZA LUGAL-ti-šú ú-še-šib UN.MEŠ KUR URI.KI ú-šad-gil pa-nu-uš-šú UGU gi-mir na-ge-e KUR.kal-di LÚ.šu-ut SAG.MEŠ-ia a-na LÚ.NAM-ti áš]-kun-ma ni-ir be-lu-ti-ia [e-mid-su-nu-ti]

[i-na ta-a-a-ar-ti-ia LÚ.tu-uʾ-mu-na LÚ.ri-ḫi-ḫu LÚ.ia-daq-qu LÚ.ú-bu-du LÚ.gib-re-e LÚ.ma-li-ḫu LÚ.gu-ru-mu] LÚ.ú-⸢bu⸣-lum ⸢LÚ⸣.[da-mu-nu]

[LÚ.gam-bu-lum LÚ.ḫi-in-da-ru LÚ.ru-ʾu-u-a LÚ.pu-qu-du LÚ.ḫa-am-ra-nu LÚ.ḫa-ga-ra-nu LÚ.na-ba-tu LÚ.li-iʾ-ta-a-ú LÚ.a-ra-mu la] ⸢kan⸣-šú-⸢ti mit^?-ḫa^?-riš⸣ [ak-šud^ud]

[2 ME 8 LIM UN.MEŠ TUR GAL NITA u MUNUS 7 LIM 2 ME ANŠE.KUR.RA.MEŠ ANŠE.KUNGA.MEŠ 11 LIM 73 ANŠE.MEŠ 5 LIM 2 ME 30 ANŠE.GAM.MAL.MEŠ 80 LIM 1 ME GU₄.MEŠ 6 ME LIM 6 ME US₅.UDU.ḪI.A šal-la-tu ka-bit-tu áš-lu]-la a-na qé-[reb KUR aš-šur.KI]

[i-na me-ti-iq ger-ri-ia ša ^mdAG-EN-MU.MEŠ LÚ.qí-pi URU.ḫa-ra-ra-te KÙ.GI KÙ.BABBAR GIŠ.mu-suk-kan-ni GAL.MEŠ ANŠE.MEŠ ANŠE.GAM.MAL.MEŠ GU₄.MEŠ ù US₅.UDU.ḪI.A ta]-mar-ta-šú [ka-bit-tú am-ḫur]

[...] x [...]

[áš-šú za-qa-ap ṣip-pa-a-ti A.ŠÀ ta-mir-ti e-le-en URU 2(BARIG).TA.ÀM a-na DUMU.MEŠ NINA.KI pil-ku ú-pal-lik-ma ú-šad]-⸢gi-la⸣ [pa-nu-uš-šú-un]

[a-na miṭ-ra-a-ti šum-mu-ḫi ul-tu pa-a-ṭi URU.ki-si-ri a-di ta-mir-ti NINA.KI KUR-a ù bi-ru-tú ina ak-kul-la-a-ti ú-šat-tir]-ma ú-[še-šir ÍD.ḫar-ru]

[1 1/2 KASKAL.GÍD qaq-qa-ru ul-tu qé-reb ÍD.ḫu-su-ur ma-a-me da-ru-ú-ti a-šar-šá ú-šar-da-a qé-reb ṣip-pa-a-ti šá-ti-na ú]-šaḫ-bi-ba [pat-ti-iš]

[i-na ṭè-em DINGIR-ma qé-reb GIŠ.KIRI₆.MEŠ GIŠ.GEŠTIN gi-mir GURUN GIŠ.se-er-du ù ŠIM.ḪI.A ma-gal iš-mu-ḫu GIŠ.ŠUR.MÌN GIŠ.MES.MÁ.KAN.NA nap-ḫar GIŠ.MEŠ i]-⸢ši⸣-ḫu-ma ú-ṣar-⸢ri⸣-[šú pa-pa-al-lum]

[a-na šup-šu-uḫ a-lak-ti A.MEŠ ša GIŠ.KIRI₆.MEŠ a-gam-mu ú-šab-ši-ma ṣu-ṣu-ú ú-šá-as-ti-il ÍGIRA.MUŠEN.MEŠ ŠAḪ.MEŠ GIŠ].⸢GI⸣ a-lap qí-ši i-⸢na lìb⸣-[bi ú-maš-šir]

[ap-pa-ra-a-ti ma-gal i-ši-ra MUŠEN AN-e ÍGIRA.MUŠEN ša a-šar-šú ru-ú-qu qin-na iq-nun-ma ŠAḪ.MEŠ GIŠ.GI a-lap qí-ši] ⸢ú⸣-rap-pi-šu ⸢ta⸣-[lit-tu]

[GIŠ.MES.MÁ.KAN.NA GIŠ.ŠUR.MÌN tar-bit ṣip-pa-a-ti GI AMBAR.MEŠ ša qé-reb ÍD.a-gam-me ak-šiṭ-ma a-na šip-ri ḫi-šiḫ-ti É.GAL.MEŠ be]-⸢lu⸣-ti-ia lu ⸢DÙ⸣-[uš]

[... i-na taš-ri-it É.GAL ša ba-ḫu-la-te KUR-ia ú-šá-áš-qa-a muḫ-ḫa-šú-un GEŠTIN du]-⸢uš⸣-šu-pu ṣur-ra-šú-un am-[kir]

[NINA.KI ša ul-tu u₄-mu pa-ni 9 LIM 3 ME i-na 1.KÙŠ šu-bat li-me-ti-šú BÀD ù BÀD.ŠUL.ḪI ul ú-še-pi-šu a-li-kut] ⸢maḫ⸣-ri ma-al-⸢ki⸣

[12 LIM 5 ME 15 a-šar ta-mir-ti li-mit URU ṣe-er me-ši-iḫ-ti maḫ-ri-ti ú-rad-di-ma 21 LIM 8 ME 15 i-na AS₄.LUM GAL]-ti ú-kin mìn-da-⸢tuš⸣

[ša BÀD-šú GAL-i bàd-ní-gal-bi-lú-kúr-ra-šú-šú du-ú-ru ša nam-ri-ru-šú na-ki-ri saḫ-pu ṣe-er NA₄.pi-i-li tem-me-en-šú ad-di-ma 40 SIG₄ ú-kab-bir i-na 1 ME 80 ti]-⸢ib⸣-ki ul-la-a re-še₂₀-e-šú

[šá šal-ḫi-i bàd-níg-érim-ḫu-luḫ-ḫa mu-gal-lit za-ma-a-ni uš-še-šú ap-te-ma 45 NINDA ú-šap-pil-ma ú-šá-ak-šid] A.MEŠ nag-bi

[qé-reb ma-a-me šap-la-a-nu NA₄ KUR-i dan-nu ak-si-ma e-la-niš a-di pa-ás-qí-šú ina NA₄.pi-i-li GAL.MEŠ] ú-nak-⸢kil⸣ ši-pir-šú

[ša NINA.KI URU be-lu-ti-ia šu-bat-su uš-rab-bi re-ba-te-šu ú-šá-an-dil-ma ú-nam-mir GIM u₄-mi BÀD šal-ḫu-ú] ⸢ú⸣-še-piš-ma ú-⸢zaq⸣-qir ḫur-šá-a-niš

[áš-šú mu-ṣe-e ÍD.ḫu-su-ur qé-reb URU ma-lak A.MEŠ e-liš ù šap-liš i-na SIG₄.AL.ÙR.RA KI-i-ri ma-ši-i] ti-tur-ri ab-ta-ni šá-pal-šú

[ina mé-eḫ-ret KÁ.GAL MURUB₄ URU i-na a-gúr-ri NA₄.pi-i-li pe-ṣe-e a-na me-ti-iq GIŠ.GIGIR be-lu-ti-ia] ú-še-piš ti-tur-ru

[MU.SAR-a ú-še-piš-ma li-i-tú ù da-na-nu ša i-na tukul-ti aš-šur EN GAL EN-ia UGU kul-lat na-ki-ri áš-tak]-⸢ka⸣-nu ù mim-ma e-piš-ti ŠU.II-ia ú-šá-áš-ṭir qé-reb-šú

[it-ti MU.SAR-e ša mal-ki a-li-kut maḫ-ri AD.MEŠ-ia ina BÀD šá NINA.KI URU be-lu-ti-ia a-na LUGAL.MEŠ DUMU].MEŠ-ia e-zib aḫ-ra-taš

[a-na ar-kàt u₄-me i-na LUGAL.MEŠ-ni DUMU.MEŠ-ia ša ^daš-šur a-na RE.É.UM-ut KUR ù UN.MEŠ i-nam-bu-u zi-kir-šu e-nu-ma] BÀD u BÀD.ŠUL.ḪI šá-tu-nu i-lab-bi-ru-ma en-na-ḫu

[an-ḫu-su-nu lu-ud-diš MU.SAR-a ši-ṭir šu-mi-ia li-mur-ma Ì.GIŠ lip-šu-uš UDU.SISKUR liq-qí a-na áš-ri-šú] ⸢li⸣-ter ^daš-šur ik-ri-bi-šú i-⸢šem⸣-me

[x x (x x).TA.ÀM MU.DIDLI MU.SAR-e ... li-mu ^md]EN-LUGAL-an-ni