BM 000116a-b + BM 000122 + BM 000124a-b + BM 000125a-b (RINAP 1 Tiglath-pileser III 42) [Tiglath-pileser III]

[...]-qi šá [...] URU.ḫa-ta-rik-ka a-di KUR.sa-ú-[e]

[... URU].gu-⸢ub⸣-[la ... URU.ṣi]-mir-ra URU.ar-qa-a URU.zi-mar-[ra]

[... URU].us-nu-ú [URU.si-an-nu URU.ma]-ʾa-ra-ba-a URU.ri-ʾi-si-ṣu-[ri]

[...] URU.MEŠ [É ka]-ri x [... tam-tim] e-li-te a-bel 6 LÚ.šu-ut SAG.MEŠ-[ia]

[LÚ.EN.NAM.MEŠ UGU]-šú-nu áš-kun [... URU.ka-áš]-pu-na šá a-aḫ tam-tim e^*-li-ti

[...]-⸢ni⸣-te URU.ga-al-[ʾa-a-di ù URU].a-bi-il-šiṭ-⸢ṭi⸣ šá ZAG KUR.É-ḫu-um-ri-[a]

[KUR.É-^mḫa-za-aʾ-i]-li rap-šú a-na si-[ḫir-ti-šú] a-na mi-ṣir KUR aš-šur ú-ter-ra

[x LÚ.šu-ut SAG].MEŠ-ia LÚ.EN.NAM.MEŠ [UGU-šú-nu áš]-kun ^mḫa-a-nu-ú-nu URU.ḫa-az-za-at-a-a

[šá la-pa-an GIŠ].TUKUL.MEŠ-ia ip-par-ši-[du-ma a-na KUR].mu-uṣ-ri in-nab-tú URU.ḫa-az-zu-tu

[URU LUGAL-ti-šú ak-šud] NÍG.ŠU-šú DINGIR.MEŠ-ni-[šú áš-lu-la ṣa-lam DINGIR.MEŠ]-⸢ni EN.MEŠ⸣-ia ù ALAM^* LUGAL-ti-ia

[ša KÙ.GI DÙ-uš i]-na qé-reb ⸢É.GAL⸣ [ša URU.ḫa-az-zi-ti ul-ziz a]-⸢na⸣ DINGIR.MEŠ KUR-šu-nu am-nu-ma

[sat-tuk-ki-šú-nu] ú-kín ⸢ù⸣ [šu-ú na-mur-rat^? aš-šur^? EN-ia^? is]-⸢ḫup-šu⸣-ma ki-<ma> iṣ-ṣu-ri

[ul-tu KUR.mu-uṣ-ri] ⸢ip⸣-par-šam-⸢ma⸣ [...] a-na KI-šu ú-ter-šu-ma

[...-šú a]-na ⸢É⸣ [ka-a-ri ša KUR aš-šur.KI am-nu KÙ.GI] KÙ.BABBAR lu-bul-ti bir-me GADA

[ANŠE.KUR.RA.MEŠ] GAL.MEŠ GIŠ.[... am]-ḫur KUR.É-ḫu-um-ri-a

[... ti]-il-lut LÚ.[ERIM.ḪI.A-šu ...] ⸢pu⸣-ḫur UN.MEŠ-šu

[... a-na] KUR aš-šur ú-ra-a ⸢^m⸣pa-qa-ḫa LUGAL-⸢šú-nu⸣ [x]-du-x-x-ma ^ma-ú-si-ʾi

[a-na LUGAL-ti i]-na UGU-šú-nu áš-kun 10 ⸢GUN KÙ.GI⸣ x x GUN ⸢KÙ.BABBAR⸣ [a-di mar-ši]-ti-šú-nu am-ḫur-šú-nu-ma

[a-na KUR aš-šur ú-ra]-áš-šú-nu ša ^fsa-am-si šar-rat KUR.a-ri-bi ⸢ina KUR.sa⸣-qu-ur-ri ⸢KUR-i⸣

[9 LIM 4 ME di-ik-ta-šú-nu a]-duk 1 LIM UN.MEŠ 30 LIM ANŠE.A.AB.BA.MEŠ 20 LIM GU₄.NÍTA.MEŠ

[...].⸢MEŠ⸣ 5 LIM ŠIM.ḪI.A DÙ-ma x TU DU né-mat-ti DINGIR.MEŠ-ni-šá

[GIŠ.til-li GIŠ.NÍG.GIDRU.MEŠ ^diš-tar-šá] ⸢NÍG.GA⸣-šá e-kim <<KI>> ⸢ù⸣ ši-i a-na šu-zu-ub ZI.MEŠ-šá

[... a-na ma]-⸢ad⸣-ba-⸢ri⸣ a-šar ṣu-ma-me GIM MUNUS.ANŠE.EDIN.NA

[taš-ku-na pa-ni-šá si-ta-at NÍG.GA-šá kul-ta]-ri-šá ḫu-ra-da-at UN.MEŠ-šá i-na MURUB₄ KARAŠ-šá

[ina IZI áš-ru-up ^fsa-am-si la-pa-an GIŠ.TUKUL].MEŠ-ia KAL.MEŠ taš-ḫu-ut-ma ANŠE.A.AB.BA.MEŠ ANŠE.a-na-qa-a-te

[a-di ANŠE.ba-ak-ka-ri-ši-na a-na KUR aš-šur a-di maḫ]-ri-ia taš-šá-a LÚ.qe-e-pu ina muḫ-ḫi-šá áš-kun-ma

[10^? LIM^? LÚ.ERIM.MEŠ^? ... URU].ma-as-ʾa-a-a URU.te-ma-a-a LÚ.sa-ba-ʾa-a-a

[URU.ḫa-a-a-ap-pa-a-a URU.ba-da-na-a-a] URU.ḫa-at-te-e-a LÚ.i-di-ba-aʾ-il-a-a

[...] ša mi-ṣir ⸢KUR⸣.KUR ša šu-lum ^dšam-ši

[ša mám-ma la i-du-šú-nu-ti-ma a-šar-šú-un ru-ú]-qu ⸢ta⸣-nit-ti be-lu-ti-ia

[al-ka-ka-at qur-di-ia iš-mu-ma^? ú-ṣal-lu-ú^?] be-lu-ti KÙ.GI KÙ.BABBAR

[ANŠE.A.AB.BA.MEŠ MUNUS.ANŠE.a-na-qa-a-ti ŠIM.ḪI.A DÙ-a-ma] ma-da-ta-šú-nu ki-i 1-en

[a-di maḫ-ri-ia ú-bi-lu-nim-ma^? ú-na-áš-ši-qu] GÌR.II.MEŠ-ia

[^mi-di-bi-ʾi-i-lu a-na LÚ.Ì.DU₈-ú-ti ina] UGU KUR.mu-uṣ-ri ap-qid

[... GIŠ.TUKUL^? aš]-šur ina lìb-bi áš-kun

[...] x e-pu-uš-ma

[... GIŠ.ni]-ri aš-šur EN-ia

[e-mid-su-nu-ti ... ina^? KUR.KUR^? DÙ-ši-na^? ša^?] at-tal-la-ku-ú-ma