BM 000126b (RINAP 1 Tiglath-pileser III 41) [Tiglath-pileser III]

⸢URU⸣.BÀD-⸢^d⸣[KASKAL.KUR-a-a URU.MEŠ-šú-nu GAL.MEŠ GIM DU₆ ú-ab-bit pu-ḫur UN.MEŠ-šú-nu]

[a]-na KUR aš-šur [ú-ra-a a-na KÁ.DINGIR.RA.KI KU₄-ub UDU.SISKUR.MEŠ KÙ.MEŠ a-na pa-an ^dAMAR.UTU EN-ia aq-qi]

[KUR].kár-dun-ia-⸢áš⸣ [a-bél ... UGU LÚ.ra-aʾ-sa-a-ni šá KUR.kal-di GUN]

[ma]-da-⸢at-tú⸣ ú-kin KUR.É-⸢ḫa-am⸣-[ban KUR].⸢su-mur-zu⸣ [KUR.É-ba-ar-ru-a]

[KUR].É-zu-al-za-áš [KUR].É-⸢ma-at-ti⸣ [URU.ni-qu šá] KUR.[tup]-⸢li⸣-[ia-áš]

[KUR].É-tar-an-za-a-a KUR.⸢par⸣-su-a KUR.É-kap-⸢si⸣ [a-di URU].⸢zak⸣-[ru]-ti URU.É-[^d15]

⸢URU⸣.ni-šá-a-a KUR.gi-⸢zi⸣-in-ki-⸢is-si⸣ [URU].⸢ṣi-bur URU.ú⸣-re-en-[za-an]

[KUR].⸢ú⸣-pa-ri-a KUR.bu-us-tu-us KUR.a-ri-ar-[mi KUR] DAR.LUGAL.MEŠ.⸢MUŠEN⸣

[KUR].⸢ru⸣-u-a KUR-ú a-di ⸢É.MUN⸣ KUR.⸢uš-qa-qan⸣ KUR.⸢ši-ik⸣-ra-ki ⸢DU₆⸣ šá [áš-šu-ri]

⸢URU⸣ dan-nu-tú šá DUMU KÁ.⸢DINGIR⸣.[RA].KI a-na mi-⸢ṣir⸣ KUR aš-šur GUR-[ra]

[x] LÚ.šu-ut SAG-ia LU.⸢EN⸣.NAM.MEŠ UGU-šú-⸢nu áš-kun⸣ ma-da-⸢at⸣-[tú]

[ša] LÚ.EN.URU.MEŠ-ni ša KUR-⸢e DÙ⸣-šú-nu a-di KUR.⸢bi-ik⸣-ni am-⸢ḫur⸣

⸢LÚ⸣.šu-ut SAG-ia ^maš-šur-⸢KAL⸣-in-an-ni [a]-na KUR.ma-da-a-a ⸢KAL⸣.[MEŠ]

⸢ša⸣ KUR ^dšam-ši áš-pur 5 LIM ANŠE.KUR.RA.MEŠ UN.MEŠ GU₄.MEŠ

⸢ù⸣ ṣe-e-ni a-na ⸢la ma⸣-ni il-⸢qa⸣-[a ^m]⸢sa⸣-ar-du-⸢ri⸣

⸢KUR⸣.ú-ra-ar-ṭa-a-a ⸢it⸣-ti-ia ib-⸢bal⸣-[kit]-⸢ma⸣ it-ti ^mma-ti-ʾi-[ìl]

⸢DUMU⸣ ^ma-gu-us-si iš-ku-na pi-[i]-⸢šú⸣ ina bi-rit KUR.[kiš-ta-an] ù KUR.ḫal-pi

⸢na⸣-ge-e šá URU.ku-um-mu-ḫi BAD₅.⸢BAD₅⸣-[šú SÌG]-⸢ma⸣ [ana la] ma-né-e

⸢nap⸣-ḫar KARAŠ-šú e-kim-šú [na-mur-rat] ⸢GIŠ⸣.[TUKUL].⸢MEŠ⸣-ia ip-làḫ-[ma]

[a]-na šu-zu-ub ZI.MEŠ-šú ina ⸢MUNUS⸣.ANŠE.KUR.RA ⸢U₅⸣-ma <ana> KUR.si-⸢zi⸣-[ir]

[KUR]-i mar-ṣu mu-ši-⸢tíš iḫ⸣-liq-⸢ma⸣ e-li ^msa-ar-⸢du⸣-[ri]

[KUR].ú-ar-ra-ṭa-a-a i-[na] ⸢URU⸣.ṭu-ru-uš-[pa]-a URU-[šú]

⸢e⸣-sir-šú-ma di-ik-ta-[šú ma-ʾa-at]-tu i-na IGI ⸢KÁ.GAL.MEŠ⸣-[šú]

[a]-duk ṣa-lam LUGAL-ti-ia ⸢DÙ⸣-[uš-ma] ⸢ina tar-ṣi⸣ [URU].ṭu-ru-us-⸢pa⸣-[a]

⸢ul⸣-ziz 70 KASKAL.GÍD qaq-⸢qa⸣-[ru ina KUR.ú]-⸢ra⸣-[ar-ṭi] ra-⸢ap⸣-[ši]

⸢ul⸣-tu e-liš a-di šap-[liš e-tel-liš DU].⸢DU⸣ [ma]-⸢ḫi-ra ul⸣ i-[ši]

[KUR].ul-lu-ba KUR.ḫab-ḫu ša [ku]-⸢tal⸣ KUR.na-⸢al⸣ [a]-⸢na gi⸣-mir-⸢ti⸣-[ši-na]

[ak]-šud a-na mi-ṣir [KUR aš-šur].⸢KI GUR-ra⸣ [ṣa]-⸢lam⸣ LUGAL-ti-[ia]

[i]-na KUR.i-li-im-[me-ru ul-ziz ina qé]-⸢reb⸣ KUR.ul-⸢lu⸣-[ba]

[URU] DÙ-uš URU.aš-⸢šur-BA⸣-šá ⸢MU⸣-[šú ab-bi UN.MEŠ KUR.KUR ki-šit-ti] ŠU.II-[ia]

[ina] ⸢lìb⸣-bi ú-⸢še⸣-[rib LÚ.šu-ut SAG-ia LÚ.EN].⸢NAM⸣ [ina UGU]-⸢šú⸣-nu ⸢áš⸣-[kun]

[...] ⸢URU⸣.MEŠ-[ni ...] x [...]