BM 000126a (RINAP 1 Tiglath-pileser III 40) [Tiglath-pileser III]

É.GAL ^mtukul-ti-A-é-šár-ra MAN GAL MAN dan-nu MAN ŠÚ MAN KUR aš-šur.KI

MAN KÁ.DINGIR.RA.KI MAN KUR šu-me-ri ù URI.KI MAN kib-rat ⸢LÍMMU⸣-[ti]

am-ru ni-iš IGI.⸢II^*⸣ ^dBAD ul-tu SAG MAN-ti-ia a-di 17 BALA.MEŠ-⸢ia⸣

⸢LÚ⸣.i-tú-ʾu LÚ.ru-bu-ʾu LÚ.ḫa-mar-a-ni LÚ.lu-ḫu-ú-a-tú

[LÚ].na-ba-tu LÚ.ḫi-in-di-ru LÚ.ru-ʾu-ú-a

[LÚ].⸢li⸣-iʾ-ta-a-ú LÚ.ma-ru-su LÚ.pu-qu-du

[LÚ.a-ru]-mu ma-la ba-šu-ú šá šid-di ÍD.ḪAL.ḪAL

⸢ÍD⸣.[A].ŠÌTA ù ÍD.sú-rap-pi ÍD.uq-ni-i

[a-di tam]-⸢tim⸣ šap-li-⸢tim⸣ šá KUR ^dUTU ak-šud

[a-na] ⸢mi⸣-ṣir KUR aš-šur.KI GUR-ra LÚ.šu-ut SAG-ia

[LÚ.EN].NAM UGU-šú-nu áš-kun KUR.É-^msi-la-a-ni

[KUR].⸢É⸣-^msa-⸢ʾa⸣-al-li GIM da-a-a-<áš>-te a-di-ìš

[LUGAL].MEŠ-šú-nu qa-ti ik-šud URU.sa-ar-ra-ba-a-[nu]

⸢URU⸣.BÀD-^dKASKAL.KUR-a-a URU.MEŠ-ni-šú-nu GAL.MEŠ GIM DU₆ ú-ab-⸢bit⸣

[pu-ḫur UN.MEŠ-šú]-nu a-na KUR aš-šur.KI ú-ra-a a-na KÁ.DINGIR.RA.KI KU₄-[ub]

[UDU.SISKUR.MEŠ KÙ.MEŠ a-na] pa-an ^dAMAR.UTU EN-ia aq-⸢qi⸣ KUR.kár-dun-ia-áš a-⸢bél⸣

[...] ⸢UGU⸣ LÚ.ra-[aʾ-sa-a-ni] šá KUR.kal-⸢di⸣

[GUN ma-da-tu ú-kin KUR.É-ḫa-am-ban KUR].⸢su⸣-mur-⸢zu⸣

[KUR.É-ba-ar-ru-a KUR.É-zu-al-za-áš KUR].⸢É⸣-ma-at-⸢ti⸣