BM 118899 + BM 118900 (RINAP 1 Tiglath-pileser III 30-32) [Tiglath-pileser III]

a-di KUR.sa-ú-e KUR-e ša ina KUR.lab-na-[na]-ma it-tak-ki-⸢pu-ú⸣-[ni]

KUR.ba-ʾa-li-ṣa-⸢pu⸣-na a-di KUR.am-ma-[na]-⸢na⸣ KUR GIŠ.TÚG KUR.sa-⸢ú-e⸣ [KUR-e]

a-na gi-mir-ti-šu NAM URU.kar-^d⸢IŠKUR⸣ URU.ḫa-ta-⸢rik⸣-[ka]

NAM URU.nu-qu-di-na KUR.ḫa-su-[at-ti a-di URU.MEŠ-ni]

ša si-ḫir-ti-šú URU.a-ra-a [...]

[...]-⸢ni⸣ ki-lal-li-šu-nu

URU.MEŠ-ni ša si-ḫir-ti-šú-nu KUR.sa-ar-bu-ú-a KUR-ú a-na gi-mir-ti-šú

URU.áš-ḫa-ni URU.ia-ṭa-bi KUR.ia-ra-qu KUR-ú a-na gi-mir-ti-šú x-[x]-ri

URU.el-li-ta-ar-bi URU.zi-ta-a-nu a-di lìb-bi URU.a-ti-in-ni x [...]

URU.bu-ma-me 19 na-ge-e ša URU.ḫa-am-ma-at-ti a-di URU.MEŠ-ni

ša si-ḫir-ti-šú-nu (erasure) ša a-ḫi tam-tim ša šùl-mu ^dUTU-ši

ša i-na ḫi-iṭ-ṭi <ù> gul-lul-te a-na ^maz-ri-ia-a-ú e-ki-i-mu

a-na mi-ṣir KUR aš-šur GUR-ra 2^* LÚ.šú-ut SAG-ia LÚ.EN.NAM.MEŠ UGU-šu-nu áš-kun

ma-da-at-tu ša ^mku-uš-ta-áš-pi KUR.ku-um-mu-ḫa-a-a ^mra-ḫi-a-nu KUR.ša-ANŠE.NÍTA.MEŠ-šu-a-a

^mme-ni-ḫi-me URU.sa-me-ri-i-na-a-a ^mḫi-ru-um-mu URU.ṣur-ra-a-a ^msi-bi-it-ti-bi-ʾi-li

URU.gu-ub-la-a-a ^mú-ri-ia-ik-ki KUR.qu-ú-a-a ^mpi-si-ri-is URU.gar-ga-miš-a-a

^me-ni-ìl URU.ḫa-am-ma-ta-a-a ^mpa-na-am-mu-ú URU.sa-am-ʾa-la-a-a

^mtar-ḫu-la-ra KUR.gúr-gu-ma-a-a ^msu-lu-ma-al KUR.me-lid-da-a-a

^mda-di-i-lu URU.kas-ka-a-a ^mú-as-sur-me KUR.ta-bal-a-a ^muš-ḫi-it-te KUR.tu-na-a-a

^mur-bal-la-a KUR.tu-ḫa-na-a-a ^mtu-ḫa^*-am-me URU.iš-tu-un-da-a-a ^mú-ri-im-me

URU.ḫu-bi-iš-na-a-a ^fza-bi-bé-e šar-rat KUR.a-ri-bi [KÙ.GI KÙ.BABBAR AN.NA AN.BAR KUŠ AM.SI]

ZÚ AM.SI lu-bul-ti bir-me [TÚG.GADA SÍG.ta-kil-tu ár-ga-man-nu GIŠ.ESI GIŠ.TÚG]

mim^*-ma aq-ru ni-[ṣir-ti LUGAL-ú-ti UDU.NÍTA.MEŠ bal-ṭu-ti ša SÍG.MEŠ-šú-nu ar-ga-man-nu ṣar-pat]

iṣ-ṣur AN-e mut-[tap-ri-šú-ti šá a-gap-pi-šú-nu a-na ta-kil-te ṣar-pu ANŠE.KUR.RA.MEŠ ANŠE.GÌR.NUN.NA.MEŠ]

[GU₄].NÍTA.MEŠ ù [ṣe-e-ni ANŠE.A.AB.BA.MEŠ MUNUS.ANŠE.a-na-qa-a-te a-di ANŠE.ba-ak-ka-ri-ši-na am-ḫur]

[x x] ^mra-ḫi-[a-nu ...]