BM 118905 (RINAP 1 Tiglath-pileser III 17) [Tiglath-pileser III]

[KUR.ú-pa-ri-a KUR.bu-us-tu-us] ⸢KUR⸣.a-ri-ar-ma KUR DAR.LUGAL.MEŠ.MUŠEN KUR.sa-ak-su-⸢uk⸣-[ni KUR.a-ra-qu-ut-tu KUR.kar-zi-ib-ra KUR.gu-kin-na-na]

[KUR.É-sa-ag-ba-at KUR.si-il-ḫa-zi ša dan]-nu-tu^* ša DUMU KÁ.DINGIR.RA.KI i-qab-bu-⸢šú⸣-[u-ni ...]

[...] ⸢ak⸣-šud di-ik-ta-šú-nu a-duk šal-la-su-nu [áš-lu-la ...]

[ANŠE.KUR.RA.MEŠ-šú-nu ANŠE.GÌR.NUN.NA-šú-nu ANŠE.ud-ra-a-ti-šú-nu GU₄.MEŠ-šú-nu] ṣe-e-ni-šú-nu a-na la ma-ni áš-lu-la ⸢URU⸣.[MEŠ-šú-nu ap-púl aq-qur ina IZI áš-ru-up a-na DU₆ u kar-me ú-ter]

[KUR.nam-ri KUR.É-sa-an-gi-bu-ti KUR.É-ḫa-am-ban] KUR.su-mur-zu KUR.É-bar-ru-a KUR.É-zu-al-za-[áš KUR.É-ma-at-ti URU.niq-qu ša KUR.tup-li-ia-áš KUR.É-tar-an-za-a-a]

[KUR.pa-ar-su-a KUR.É-za-at-ti KUR.É-ab-da-da-ni KUR.É]-kap-si KUR.É-sa-an-gi KUR.É-ur-⸢zak⸣-[ki URU.É-^d15 URU.zak-ru-ti ša KUR.ma-da-a-a KAL.MEŠ a-na mi-ṣir]

[KUR aš-šur.KI ú-ter-ra URU.MEŠ-ni ša qer-bi-šú]-nu a-na eš-šú-ti DÙ-uš GIŠ.TUKUL aš-šur [EN-ia ina lìb-bi ar-mi UN.MEŠ KUR.KUR ki-šit-ti ŠU.II-ia ina ŠÀ ú-še-šib]

[... LÚ.šu-ut SAG-ia LÚ.EN.NAM].⸢MEŠ⸣ UGU-šú-nu áš-kun ṣa-lam LUGAL-ti-[ia ina KUR.ti-ik-ra-ak-ki URU.É-^d15 URU.ṣi-bu-ur KUR.a-ri-ar-ma KUR DAR.LUGAL.MEŠ.MUŠEN]

[KUR.si-il-ḫa-zi ša dan-nu-tu ša DUMU KÁ.DINGIR.RA.KI] ⸢i⸣-qab-bu^*-šú-u-ni ul-ziz ma-da-at-[tu ša KUR.ma-da-a-a KUR.el-li-pa-a-a ù EN.URU.MEŠ-ni ša KUR-e DÙ-šú-nu a-di KUR.bi-ik-ni]

[... ANŠE.KUR.RA].⸢MEŠ⸣ ANŠE.GÌR.NUN.NA.MEŠ ANŠE.ud-ra-[a-ti GU₄.MEŠ ù ṣe-e-ni a-na la ma-ni am-ḫur ^mir-an-zu KUR.man-na-a-a qur-di ta-nit-ti]

[ša aš-šur EN-ia ša ina KUR.MEŠ-e DÙ-šú-nu e]-⸢te⸣-ep-pu-šú iš-me-ma na-mur-rat [aš-šur EN-ia is-ḫu-up-šu-ma ...]

[... a-di maḫ-ri-ia il-li-kam ú]-na-áš-ši-qa GÌR.⸢II⸣-ia ANŠE.KUR.⸢RA⸣.[MEŠ ANŠE.GÌR.NUN.NA.MEŠ GU₄.MEŠ ù ṣe-e-ni ...]