BM 124961 (+) Detroit 50, 32 (RINAP 1 Tiglath-pileser III 14-16) [Tiglath-pileser III]

[... a-na KUR.ḫat-ti a]-di maḫ-ri-ia ú-bi-lu-ni LÚ.šu-ut SAG.MEŠ-ia LÚ.GAR.KUR KUR.na-ʾi-i-ri URU.su-pur-gi-il-lu

[...]-⸢áš a⸣-di URU.MEŠ-ni ša li-me-ti-šú ik-šud šal-la-su-nu iš-lu-la ^mši-qi-la-a LÚ.GAL bir-ti

[... iš-lu-la-am^?-ma a-na KUR.ḫat]-ti a-di maḫ-ri-ia ub-la 6 ME šal-la-at URU.am-la-te ša LÚ.da-mu-ni 5 LIM 4 ME šal-la-at URU.BÀD.<AN>

[ina URU.ku-na-li-a ...] ⸢URU⸣.ḫu-za-ar-ra URU.ta-e URU.ta-ar-ma-na-zi URU.ku-ul-ma-da-ra URU.ḫa-ta-tir-ra URU.ir-gi-il-lu

[URU.MEŠ-ni šá KUR.un-qi ú-še-šib ...] ⸢šal⸣-la-at KUR.qu-te-e KUR.É-sa-an-gi-bu-te 1 LIM 2 ME LÚ.il-li-il-a-a 6 LIM 2 ME 8 LÚ.nak-kab-a-a LÚ.bu-da-a-a

[ina ... URU.ṣi]-⸢mir⸣-ra URU.ar-qa-a URU.us-nu-ú URU.si-an-nu ša šid-di tam-⸢tim ú⸣-še-šib 5 ME 88 LÚ.bu-da-a-a URU.du-na-a-a

[...] x [...] 2 ME 52 LÚ.bi-la-a-a 5 ME 54 LÚ.ba-ni-ta-a-a 3 ME 80 LÚ.^dIGI.DU-an-dil-KUR 4 ME 60 LÚ.sa-an-gi-il-lu

[... LÚ].⸢il⸣-lil-a-a 4 ME 58 šal-la-at KUR.qu-te-e KUR.É-sa-an-gi-bu-ti i-na NAM URU.tu-ʾi-im-me ú-še-šib 5 ME 55

[šal-la-at KUR].qu-te-e URU.É-<sa>-an-gi-bu-ti i-na URU.DUL-kar-me ú-še-šib it-ti UN.MEŠ KUR aš-šur am-nu-šú-nu-ti il-ku tup-šik-ku ki-i šá áš-šú-ri

[e-mid-su-nu]-ti ma-da-at-tu ša ^mku-uš-ta-áš-pi URU.ku-um-mu-ḫa-a-a ^mra-ḫi-a-nu KUR.šá-ANŠE.NÍTA-šu-a-a ^mme-ni-ḫi-im-me URU.sa-me-ri-na-a-a

[^mḫi-ru-um-mu URU].ṣur-a-a ^msi-bi-it-⸢ti⸣-bi-ʾi-li URU.gu-ub-la-a-a ^mú-ri-ik-ki KUR.qu-ú-a-a ^mpi-si-ri-is URU.gar-ga-miš-a-a ^me-ni-ìl

[URU.ḫa-am-ma]-ta-a-a ^mpa-na-⸢am-mu⸣-u URU.sa-am-ʾa-la-a-a ^mtar-ḫu-la-ra KUR.gúr-gu-ma-a-a ^msu-lu-ma-al KUR.me-lid-da-a-a ^mda-di-i-lu

URU.kas-ka-a-a ^mú-as-sur-me KUR.ta-bal-a-a ^muš-ḫi-it-ti KUR.tu-na-a-a ^mur-bal-la-a KUR.tu-⸢ḫa-na⸣-a-a ^mtu-⸢ḫa-am⸣-[me URU.iš-tu-un-da-a-a]

^mú-ri-im-mì-i URU.ḫu-bi-iš-na-a-a ^fza-⸢bi-bé⸣-e šar-rat KUR.a-ri-bi KÙ.GI KÙ.BABBAR ⸢AN.NA AN.BAR⸣ KUŠ AM.SI ⸢ZÚ⸣ [AM.SI]

lu-bul-ti bir-me TÚG.GADA SÍG.ta-⸢kil⸣-tu ⸢SÍG⸣.[ár]-ga-man-nu GIŠ.ESI GIŠ.TÚG mim-ma aq-ru ni-ṣir-ti ⸢LUGAL⸣-ú-ti UDU.NÍTA.MEŠ bal-⸢ṭu⸣-[ti ša SÍG.MEŠ-šú-nu]

ar-ga-man-nu ṣar-pat iṣ-ṣur AN-e mut-tap-ri-šú-ti šá a-gap-pi-šú-nu a-na ta-kil-te ṣar-pu ANŠE.KUR.RA.MEŠ ANŠE.GÌR.NUN.NA.MEŠ GU₄.NÍTA.MEŠ ⸢ù ṣe⸣-[e-ni ANŠE.A.AB.BA.MEŠ]

MUNUS.ANŠE.a-na-qa-a-te a-di ANŠE.ba-⸢ak⸣-ka-ri-ši-na am-ḫur i-na 9 BALA.MEŠ-ia aš-šur be-lí ú-tak-kil-an-ni-⸢ma⸣ a-⸢na⸣ KUR.⸢É-kap⸣-[si KUR.É-sa-an-gi]

KUR.É-ur-zak-ki KUR.ma-da-a-a KUR.É-zu-al-za-áš KUR.É-ma-at-ti KUR.tup-li-ia-áš al-lik^* URU.É-^d15 URU.ki-⸢in⸣-[ka-an-gi URU.ki-in-di-gi-a-su]

URU.ki-in-gi-al-ka-si-iš URU.ku-bu-uš-ḫa-ti-di-iš ⸢URU⸣.ú-pu-šú URU.aḫ-si-pu-na URU.gi-ir-gi-ra-a URU.ki-⸢im⸣-[ba-az-ḫa-ti a-di] ⸢URU⸣.MEŠ-[ni]

ša li-me-te-šú-nu ak-šud šal-la-su-nu áš-lu-la ap-[pul] ⸢aq⸣-qur ina IZI áš-ru-up ina u₄-me-šú-ma mul-mul-⸢lu⸣ [AN.BAR zaq-tú DÙ-uš li]-⸢ta-at⸣ aš-šur EN-ia

i-na muḫ-ḫi áš-ṭur ina UGU nam-ba-ʾi ša URU.É-^d15 ú-kin ^mú-pa-áš DUMU ^mkap-si UN.MEŠ-šú ú-paḫ-ḫir-ma a-⸢na⸣ [KUR.a-bi-ru-us KUR-e] ⸢e⸣-li ar-ke-e-šú

ar-de-e-ma di-ik-ta-šú a-duk šal-la-su áš-lu-la URU.MEŠ-ni-šú ap-pul aq-qur ina IZI áš-ru-up ^mú-šu-ru [URU.x-(x)]-x-ru-ta ^mbur-da-da

ša URU.ni-ru^*-tak-ta^* ip-la-ḫu-ma KUR-ú iṣ-ba-tu ar-ke-e-šú-nu e-li di-ik-ta-šú-nu a-duk šal-la-su-⸢nu⸣ [áš-lu]-⸢la⸣ ^mbur-da-da ina ⸢qa⸣-ti ⸢aṣ⸣-bat

URU.MEŠ-ni-šú-nu ap-pul aq-qur^* ina IZI áš-ru-up URU.ṣi-bu-ur a-di URU.MEŠ-ni ša li-me-ti-⸢šu⸣ [ak]-⸢šud⸣ [šal]-⸢la⸣-su áš-lu-la ^mta-nu-us

[...]

[...]

[... šal]-la-su-nu [áš-lu-la ...]

[...] ⸢ú-paḫ⸣-ḫir-ma a-na ⸢KUR⸣.[...] KUR.x x x ⸢MEŠ⸣ x x ⸢KUR⸣.x [...] ⸢KUR⸣.[...]

⸢ar⸣-[ki-šú-nu e]-li-ma di-ik-ta-šú-nu [a-duk šal]-la-su-nu áš-lu-la ^mia-⸢bit^*⸣-ta-ar-⸢ru⸣ [...]

x ⸢a tu⸣ x [si-it-tu]-ú^*-te-šú-nu ša ip-par-ši-du-ma a-na KUR.a-ma-te na-ge-e ša SAG KUR.ru-ú-a KUR-e šá x [...]

⸢ar-ki⸣-[šú-nu] a-lik di-ik-ta-šú-nu a-duk ki-⸢ma⸣ 1-en al-qa-a-áš-šú-nu-ti KUR.kar-zi-ib-ra-a-a x-[...]

ú-maš-še-ru ⸢ar-ki⸣-šú-nu ar-de-e-ma ina MURUB₄ ger-ri-im-ma GIM ri-ḫi-iṣ-<<it>>-ti ^dIŠKUR ar-ḫi-is-⸢su⸣-[nu-ti ...]

a-na la ma-⸢ni⸣ al-qa-a 1-en ina lìb-bi-šú-nu ul ip-par-šid-ma a-na KUR-e ul e-li UN.MEŠ URU.É-sa-[... dan-nu-tú]

ša DUMU KÁ.DINGIR.RA.KI iṣ-ba-tu ar-ki-šú-nu e-li-ma di-ik-ta-šú-nu a-duk šal-la-su-nu áš-lu-⸢la⸣ [...]

ina ^dGIŠ.BAR ⸢aq-mu⸣ i-na UGU KUR.si-il-ḫa-zi ša dan-nu-tú ša DUMU KÁ.DINGIR.RA.KI i-qab-bu-šu-ú-ni ṣa-[lam LUGAL-ti-ia ...]

ša KUR.⸢DUL⸣-áš-šu-ri uṣ-ṣa-a UDU.SISKUR.MEŠ KÙ.MEŠ a-na ^dAMAR.UTU a-šib KUR.DUL-áš-šu-ri aq-qí URU.niq-⸢qu⸣ [ša KUR.tup-li-áš ...]