BM 118933 (RINAP 1 Tiglath-pileser III 07-08) [Tiglath-pileser III]

[... URU].ku-ši-a-na-áš URU.ḫa-ar-šú URU.šá-na-áš-ti-ku URU.kiš-ki-ta-ra URU.ḫa-ar-šá-a-a URU.a-a-ú-ba-ak

[...] KUR-e ša KUR.ḫa-li-ḫa-ad-ri ŠU.SI KUR-e šá-qi-tu iṣ-ba-tu ar-ki-šú-nu ar-de-e-ma BAD₅.BAD₅-šu-nu áš-kun

[...] ḫur-ri KUR-e e-ru-bu ina ^dGIŠ.BAR aq-mu URU.uz-ḫa-ri ša KUR.É-za-at-ti al-me ak-šud ^mka-ki-i

[...] URU.ki-it-pa-at-ti-a ša KUR.É-ab-da-da-ni ša ^mtu-na-ku e-ki-mu al-me ak-šud šal-la-su

[áš-lu-la ... URU].ni-kur a-di URU.MEŠ ša li-me-ti-šú a-na eš-šu-te DÙ-uš UN.MEŠ KUR.KUR ki-šit-ti ŠU.II-ia ina lìb-bi ú-še-šib

[... LÚ.šu-ut SAG-ia LÚ.EN.NAM UGU-šú-nu áš]-kun KUR.É-kap-si KUR.É-sa-an-gi KUR.É-ur-zak-ki GIM sa-pa-ri as-ḫu-up di-ik-ta-šú-nu ma-ʾa-at-tu

[a-duk ... a-na GIŠ.za-qi-pa-a-ni] ú-še-li si-ta-at LÚ.mun-daḫ-ṣe-e-šú-nu rit-ti-šú-nu ú-nak-kis-ma ina qé-reb KUR-šú-nu ú-maš-šir

[...] ANŠE.ud-ra-a-te-šú-nu GU₄.NÍTA.MEŠ-šú-nu ṣe-e-ni-šú-nu um-ma-ni a-na la ma-ni il-qa-a ^mmi-ta-a-ki

[...] URU.ur-ša-ni-ka KU₄-ub URU.ur-ša-ni-ka URU.ki-an-pal ak-šud šá-a-šú DAM-su DUMU.MEŠ-šú DUMU.MUNUS.MEŠ-šú

[... URU.MEŠ-ni] šu-a-tu-nu a-di URU.MEŠ-ni ša li-me-ti-šú-nu ap-púl aq-qur ina IZI GÍBIL-up ^mba-at-ta-a-nu DUMU ^mkap-si

[...]-tu ik-nu-uš-ma iš-šá-a tup-šik-ku a-na la sa-pa-aḫ na-gi-i-šú URU.kar-ka-ri-ḫu-un-dir e-zi-ba-áš-šu

[... UGU]-šú áš-kun URU.e-ri-in-⸢zi⸣-a-šú ša it-ti ^mbi-si-ḫa-dir URU.ki-ši-sa-a-a ib-bal-ki-tu ak-šud

šal-la-su áš-lu-la ^mra-ma-te-ia ša KUR.a-ra-zi-[áš ...]

šu-ú ḫal-la-la-niš ip-par-ši-id-ma mám-ma la e-⸢mu⸣-[ru a-šar-šu ...]

ANŠE.KUR.RA.MEŠ GU₄.MEŠ ṣe-e-ni NA₄.ZA.GÌN ḫi-ip KUR-i-⸢šú⸣ [... DINGIR.MEŠ]

GAL.MEŠ EN.MEŠ-ia aq-qí ^mtu-ni-i KUR.⸢su⸣-mur-za-a-a x [...]

ak-šud LÚ.mun-daḫ-ṣe-šú a-na GIŠ.<za>-qi-⸢pa⸣-ni ú-še-li [...]

KUR.su-mur-zu KUR.É-ḫa-am-ban a-na mi-⸢ṣir⸣ KUR aš-šur ú-[ter-ra (...) UN.MEŠ KUR.KUR ki-šit-ti ŠU.II-ia i-na lìb-bi]

ú-še-šib LÚ.šu-ut SAG-ia LÚ.EN.NAM UGU-šú-nu áš-⸢kun⸣ [...]

a-na aš-šur EN-ia ar-ku-us URU.ki-za-ú-ti ša i-na [...]

ap-púl aq-qur ina IZI áš-ru-up ša EN.URU.MEŠ-ni la kan-[šu-ti ...]

3 ME GUN NA₄.ZA.GÌN 5 ME GUN bil in-zu ZABAR [...]

ma-da-at-tu ša ^mman-nu-GIM-ERIM.MEŠ DUMU ^mab-da-da-ni [...]

^mmi-ki-i ša URU.ḫal-pi-[x x] ⸢^m⸣ú-zak-ku ša ⸢URU⸣.[...]