BM 118934 (RINAP 1 Tiglath-pileser III 05-06) [Tiglath-pileser III]

[... ú]-za-ʾi-in-šú-nu-ti-ma a-na KUR-šu-nu il-li-ku URU.MEŠ šu-a-⸢tu⸣-[nu a-na] eš-šu-ti DÙ-uš i-na UGU DU₆ kam-ri

[šá URU.ḫu-mut i]-⸢qab⸣-bu-šu-ni URU DÙ-uš ul-tu uš-še-šu a-di gaba-dib-bé-e-⸢šu ar⸣-[ṣi-ip ú]-šak-lil É.GAL mu-šab LUGAL-ti-ia

[i-na lìb-bi ad-di] ⸢URU⸣.kar-aš-šur MU-šu ab-bi GIŠ.TUKUL aš-šur EN-ia i-na lìb-bi ar-me ⸢UN⸣.[MEŠ KUR.KUR] ⸢ki⸣-šit-ti ŠU.II-ia i-na lìb-bi ú-še-šib

[GUN ma-da-at-tu ú]-⸢kin⸣-šu-nu-ti it-ti UN.MEŠ KUR aš-šur am-nu-šú-nu-ti ÍD.pa-at-ti-⸢^d⸣[EN.LÍL ša] ⸢ul⸣-tu ⸢UD⸣.MEŠ ru-qu-ú-ti na-da-at-ma

[...] ⸢aḫ⸣-re-e-ma i-na qer-bé-e-šá ú-šaḫ-bi-ba A.MEŠ nu-uḫ-⸢še⸣ [... ul-tu] ⸢URU⸣.BÀD-gal-zi URU.si-par šá ^dšá-maš

[... LÚ].⸢na⸣-sik-ki LÚ.na-aq-ri LÚ.ta-né-e URU.ka-la-in ÍD.šu-ma-an-da-⸢ar⸣ [URU.pa]-⸢ṣi⸣-tú ša LÚ.du-na-ni KUR.qi-ir-bu-tu

[... LÚ.a-di]-le-e KUR.bu-ú-du ⸢URU⸣.pa-aḫ-ḫa-az KUR.qi-in-NIBRU URU.MEŠ [šá KUR.kar]-du-ni-áš a-di lìb-bi ÍD.uq-né-e

[šá a-aḫ tam-tim šap]-⸢li⸣-te a-bél a-na mi-[ṣir] ⸢KUR⸣ aš-šur GUR-ra LÚ.šu-ut SAG-ia ⸢LÚ⸣.[EN.NAM UGU-šú-nu] ⸢áš⸣-kun TA lìb-bi UDU.NÍTA.MEŠ MÁŠ.MEŠ-šú-nu

[ša šat-ti-šam-ma] ⸢a⸣-ṣab-ba-ta 2 ME 40 UDU.NÍTA.MEŠ ⸢kad-re⸣-e ⸢a⸣-na aš-šur EN-ia ar-⸢ku⸣-[us ul-tu LÚ.a-ri]-⸢mi⸣ šu-a-tu-nu ša áš-lu-la

[x (x) LIM NAM] ⸢LÚ.tur⸣-ta-ni 10 LIM NAM LÚ.NÍMGIR É.GAL [x (x)] LIM NAM LÚ.GAL.⸢BI.LUL⸣ [x (x) LIM NAM KUR].ba-ar-ḫa-zi 5 LIM NAM KUR.ma-za-mu-a

[ú-pa-ar-ri^?]-is ú-še-šib pa-a 1-en ú-šá-áš-kín-šu-nu-⸢ti it⸣-ti UN.MEŠ [KUR aš-šur am-nu-šú-nu-ti GIŠ].ni-ri aš-šur EN-ia ki-i šá aš-⸢šu-ri⸣

[e-mid-su-nu-ti] ⸢da-ád⸣-me na-du-ú-ti ša pi-⸢rik⸣ [KUR]-ia ša [ina tar-ṣi LUGAL.MEŠ-ni AD].⸢MEŠ⸣-ia ar-bu-tu il-[li-ku]

a-na eš-šu-te ak-šer-ma KUR aš-šur a-na [...]

URU DÙ-uš É.GAL mu-šab LUGAL-ti-[ia i-na lìb-bi ad-di ...]

MU-šu ab-bi GIŠ.TUKUL aš-šur EN-ia i-[na lìb-bi ar-me UN.MEŠ KUR.KUR ki-šit-ti ŠU.II-ia i-na lìb-bi ú-še-šib GUN ma-da-at-tu ú-kin-šu-nu-ti]

it-ti UN.MEŠ KUR aš-šur am-nu-šú-nu-ti ALAM [LUGAL-ti-ia u ALAM DINGIR.MEŠ GAL.MEŠ EN.MEŠ-ia DÙ-uš li-i-tu ù da-na-nu]

ša i-na zík-ri aš-šur EN-ia UGU KUR.KUR áš-[tak-ka-nu ina muḫ-ḫi áš-ṭur ina ... ul-ziz ...]

10 GUN KÙ.GI i-na KAL-te 1 LIM GUN [KÙ.BABBAR ...]

ma-da-at-ta-šú am-ḫur ina 2 BALA.MEŠ-ia aš-šur ⸢be⸣-[lí ú-tak-kil-an-ni-ma a-na KUR.nam-ri ...]

KUR.É-za-at-ti KUR.É-ab-da-da-ni KUR.É-sa-an-gi-[bu-ti ... al-lik ... a-ka-am]

ger-ri-ia e-mur-ma URU.ni-kur URU dan-nu-ti-šú ú-maš-⸢šir⸣ [...]

ú-šá-az-nin URU.ni-ik-kur-a-a GIŠ.TUKUL.MEŠ-[ia ...]

ANŠE.KUR.RA.MEŠ-šú ANŠE.pa-re-e-šú GU₄.[MEŠ-šú ...]

URU.sa-as-si-a-šú URU.tu-ta-áš-⸢di⸣ [...]