BM 134496 + BM 134600 (RINAP 3/2 Sennacherib 142) [Sennacherib]

[^mbu-du-DINGIR] KUR.⸢É⸣-am-ma-⸢na-a⸣-[a ^mkam-mu-su-na-ad-bi KUR.ma-ʾa-ba-a-a ^mda-a-ram-mu KUR.ú-du-um-ma-a-a]

[LUGAL].⸢MEŠ⸣ KUR MAR.TU.KI [ka-li-šú-nu IGI.SÁ-e šad-lu-ti ta-mar-ta-šú-nu ka-bit-tu]

[a-di 4]-šú a-na maḫ-ri-ia [iš-šu-nim-ma iš-ši-qu GÌR.II-ia]

[ù] ^mṣi-id-qa-a LUGAL URU.is-qa-⸢al⸣-[lu-na ša la ik-nu-šú a-na ni-ri-ia]

[DINGIR.MEŠ] É AD-šú šá-a-šu DAM-su DUMU.⸢MEŠ⸣-[šú DUMU.MUNUS.MEŠ-šú ŠEŠ.MEŠ-šú NUMUN É AD-šú as-su-ḫa-am-ma a-na KUR aš-šur.KI ú-ra-áš-šú]

[^mLUGAL]-lu-dà-ri DUMU ^mru-kib-ti [LUGAL-šú-nu maḫ-ru-ú UGU UN.MEŠ URU.is-qa-al-lu-na áš-kun-ma]

[na]-⸢dan⸣ GUN kàd-re-e be-lu-ti-ia [e-mid-su-ma i-šá-ṭa ab-šá-a-ni]

[i]-na me-ti-iq ger-ri-ia URU.É-[da-gan-na URU.ia-pu-u URU.ba-na-a-a-bar-qa URU.a-zu-ru]

[URU].MEŠ ša ^mṣi-id-qa-a ša a-na GÌR.II-[ia ár-ḫiš la ik-nu-šú al-me KUR-ud áš-lu-la šal-la-su-un]

[LÚ].GÌR.NÍTA.MEŠ LÚ.NUN.MEŠ ù UN.MEŠ URU.am-qar-⸢ru⸣-[na ša ^mpa-di-i LUGAL-šú-nu EN a-di-i ù ma-mit šá KUR aš-šur.KI]

[bi]-re-tú AN.BAR id-du-ma a-na ^m[ḫa-za-qi-a-ú KUR.ia-ú-da-a-a id-di-nu-šú nak-riš]

a-na an-zil-li e-pu-šu ip-làḫ ŠÀ-šú-⸢un⸣ [LUGAL.MEŠ KUR.mu-ṣu-ri LÚ.ERIM.MEŠ GIŠ.PAN GIŠ.GIGIR.MEŠ ANŠE.KUR.RA.MEŠ]

ša LUGAL KUR.me-luḫ-ḫa e-mu-⸢qí⸣ [la ni-bi ik-te-ru-nim-ma il-li-ku re-ṣu-su-un]

i-na ta-mir-ti URU.al-ta-qu-ú [el-la-mu-u-a si-id-ru šit-ku-nu ú-šá-ʾa-lu GIŠ.TUKUL.MEŠ-šú-un]

i-na ⸢tukul⸣-ti ^daš-šur EN-ia ⸢it⸣-[ti-šú-un am-da-ḫi-iṣ-ma áš-ta-kan BAD₅.BAD₅-šú-un]

LÚ.EN ⸢GIŠ⸣.GIGIR.MEŠ ù DUMU.MEŠ LUGAL.MEŠ KUR.mu-⸢ṣu⸣-[ra-a-a a-di LÚ.EN GIŠ.GIGIR.MEŠ ša LUGAL KUR.me-luḫ-ḫa]

bal-ṭu-su-un i-⸢na⸣ [MURUB₄ tam-ḫa-ri ik-šu-da ŠU.II-a-a]

URU.al-ta-⸢qu⸣-ú URU.ta-am-na-a al-⸢me⸣ [KUR-ud áš-lu-la šal-la-su-un a-na URU.am-qar-ru-na aq-rib-ma]

LÚ.GÌR.⸢NÍTA⸣.[MEŠ] LÚ.NUN.MEŠ ša ḫi-iṭ-⸢ṭu ú⸣-[šab-šu-ú a-duk-ma ina di-ma-a-ti si-ḫir-ti URU a-lul pag-ri-šú-un]

⸢DUMU.MEŠ⸣ URU e-[piš an-ni ù gíl-la-ti a-na šal-la-ti am-nu si-it-tu-te-šú-nu la ba-bil ḫi-ṭi-ti]

ù gul-lul-⸢ti⸣ [ša a-ra-an-šú-nu la ib-šu-ú uš-šur-šú-un aq-bi]

^mpa-di-i ⸢LUGAL⸣-[šú-nu ul-tu qé-reb URU.ur-sa-li-im-ma ú-še-ṣa-am-ma]

i-na GIŠ.GU.ZA [be-lu-ti UGU-šú-un ú-še-šib-ma man-da-at-tú be-lu-ti-ia ú-kin ṣe-ru-uš-šú]

ša ^mḫa-za-qi-ia-⸢ú⸣ [KUR.ia-ú-da-a-a 46 URU.MEŠ-šú É BÀD.MEŠ dan-nu-ti ù URU.MEŠ TUR.MEŠ ša li-me-ti-šú-nu ša ni-ba la i-šu-ú]

i-na šuk-bu-us [a-ram-me ù qur-ru-ub šu-pe-e mit-ḫu-uṣ zu-uk GÌR.II pil-ši nik-si ù kal-ba-na-ti al-me ak-šud^ud]

2 ME LIM 1 ME ⸢50⸣ [UN.MEŠ TUR GAL NITA u MUNUS ANŠE.KUR.RA.MEŠ ANŠE.KUNGA.MEŠ ANŠE.MEŠ ANŠE.GAM.MAL.MEŠ GU₄.MEŠ ù US₅.UDU.ḪI.A]

šá ⸢la⸣ [ni-bi ul-tu qer-bi-šú-un ú-še-ṣa-am-ma šal-la-tiš am-nu]