BM 134465 (RINAP 4 Esarhaddon 006) [Esarhaddon]

[...] x x x

[... ú-šá-aṣ-ri]-⸢ḫa⸣ si-pit-tu

[lab-biš an-na-dir-ma iṣ-ṣa]-⸢ri⸣-iḫ ka-bat-ti

[áš-šú e-peš LUGAL-u-ti É AD-ia ar]-⸢pi⸣-sa rit-ti-ía

[a-na ^daš-šur ^d30 ^dUTU ^dEN ^dAG u ^dU].⸢GUR⸣ ^d15 šá NINA.KI

[^d15 šá URU.LÍMMU-DINGIR qa-ti áš-ši-ma im-gu]-⸢ru⸣ qí-bi-ti

[ina an-ni-šú-nu ke-nim UZU ta-kil-ti iš]-⸢tap⸣-pa-ru-nim-ma

[a-lik la ka-la-a-ta i-da-a-ka ni-it]-⸢tal⸣-lak-ma

[ni-na-a-ra ga-re-e-ka 1-en u₄-me 2 u₄-me] ⸢ul⸣ uq-qí

[pa-an ERIM.ḪI.A-ia ul ad-gul ar-ka-a ul] ⸢a⸣-mur

[pi-qit-ti ANŠE.KUR.RA.MEŠ ṣi-mit-ti GIŠ.ŠUDUN ù ú-nu-ut] ⸢MÈ⸣-ía

[ul a-šu-ur ṣi-di-it ger-ri-ia ul áš-pu]-uk

[šal-gu ku-uṣ-ṣu ITI.ZÍZ dan-na-at EN.TE.NA ul a]-⸢dur⸣

[ki-ma u₅-rí-in-ni mu-up-pa-ar-ši a-na sa-kap za-ʾi-ri]-ía

[ap-ta-a i-da-a-a ...] x

[...]

[...] x

[x] x x x [...]

qé-reb ELAM.MA.KI ⸢i-na⸣-[ru-uš ina GIŠ.TUKUL]

^mna-ʾi-id-mar-duk ŠEŠ-šú ⸢ep⸣-[šet KUR.ELAM.MA.KI]

ša a-na ŠEŠ-šú e-tep-pu-šú e-mur-ma ul-tu ⸢KUR.ELAM⸣.MA.⸢KI⸣

in-nab-tam-ma a-na e-peš ARAD-ti-ia ana KUR aš-šur.KI il-lik-am-⸢ma⸣

ú-ṣal-la-a be-lu-ti KUR tam-tim ana si-ḫir-ti-šá ri-du-ut ŠEŠ-šú

ú-šad-gíl pa-nu-uš-šú šat-ti-šam la na-par-ka-a

it-ti ta-mar-ti-šú ka-bit-te ana NINA.KI URU be-lu-ti-ía

il-lik-am-ma ú-na-áš-šá-qa še-pi-ia

ina 2-e ger-ri-ía ^mab-di-mil-ku-ut-ti MAN URU.ṣi-dun-ni

la pa-lìḫ be-lu-ti-ia la še-mu-u zi-kir šap-ti-ía

ša UGU tam-tim gal-la-tim it-tak-lu-ma is-lu-u GIŠ.ŠUDUN AN.ŠÁR

URU.ṣi-dun-nu URU tuk-la-te-šú šá qé-reb tam-tim na-du-u

a-bu-biš as-pu-un BÀD-šú u šu-bat-su as-suḫ-ma

qé-reb tam-tim ad-di-ma a-šar maš-kán-i-šú ú-ḫal-liq

^mab-di-mil-ku-ut-tim LUGAL-šu šá la-pa-an GIŠ.TUKUL.MEŠ-ía

ina MURUB₄ tam-tim in-na-bit ina qí-bit ^daš-šur ⸢EN⸣-ía

ki-ma nu-u-ni ul-⸢tu⸣ qé-reb tam-tim a-bar-šú-ma ak-ki-sa SAG.DU-su

DAM-su DUMU.MEŠ-šú DUMU.MUNUS.MEŠ-šú UN.⸢MEŠ⸣ É.GAL-šú KÙ.BABBAR KÙ.GI

NÍG.ŠU u NÍG.GA NA₄.MEŠ a-qar-tú lu-bul-ti GÙN u GADA mim-ma šum-šú

ni-ṣir-ti É.GAL-šú a-na ⸢mu⸣-ʾu-de-e áš-lu-la

UN.MEŠ DAGAL.MEŠ šá ni-ba la i-šá-a GU₄.ME ṣe-e-ni ANŠE.⸢MEŠ⸣

a-na ⸢mu⸣-ʾu-de-e a-bu-ka ana qé-reb KUR aš-šur.KI ú-pa-⸢ḫir-ma⸣

LUGAL.MEŠ KUR.⸢ḫat-ti⸣ u a-ḫi tam-⸢tim⸣ DÙ-šú-nu ina áš-ri šá-⸢nim⸣-ma ⸢URU ú-še-piš-ma⸣

URU.KAR-^maš-šur-⸢ŠEŠ⸣-SUM.NA at-ta-bi ni-⸢bit⸣-su

⸢URU.É⸣-^mṣu-pu-ri URU.sik-ku-u ⸢URU⸣.gi-iʾ ⸢URU⸣.in-im-me

⸢URU⸣.ḫi-il-du-u-a URU.qar-ti-im-me ⸢URU.bi⸣-iʾ-ru-u

⸢URU⸣.ki-il-me-e URU.⸢bi-ti-ru⸣-me ⸢URU.sa-gu⸣-u

[URU].am-pa URU.É-gi-si-me-ia ⸢URU.bi-ir-gi-iʾ⸣

[URU].ga-am-bu-lu URU.da-la-im-me ⸢URU⸣.i-si-ḫi-⸢im⸣-me

[URU.MEŠ-ni] ⸢ša⸣ li-me-et URU.ṣi-dun-ni a-⸢šar⸣ ri-i-ti

[u maš-qí]-⸢ti^?⸣ É tuk-la-te-šú šá ina tu-kul-⸢ti⸣ aš-šur EN-⸢ía⸣

[ik-šu-da] ⸢ŠU⸣.II-a-a LÚ.UN.MEŠ ḫu-bu-ut GIŠ.PAN-[ía]

[ša KUR-i ù tam]-⸢tim⸣ ṣi-it ^dUTU-ši ⸢ina lìb-bi ú-še⸣-[šib-ma]

[a-na mi-ṣir KUR aš]-⸢šur⸣.KI ú-ter na-gu-u šu-⸢a⸣-[tú a-na eš-šu-te]

[aṣ-bat LÚ.šu-ut SAG-ia] ⸢a-na⸣ LÚ.⸢NAM⸣-u-te UGU-šú-⸢nu⸣ [áš-kun-ma]

[GUN ù man-da-at]-⸢tu⸣ UGU šá maḫ-ri ú-⸢tir⸣-[ma e-mid-su]

[ù ^msa-an]-⸢du⸣-ar-ri MAN URU.⸢kun-di⸣ [ù URU.si-is-su-ú]

[LÚ.KÚR ak-ṣu la pa]-⸢lìḫ⸣ be-lu-te-ía šá DINGIR.⸢MEŠ⸣ [ú-maš-šir-u-ma]

[a-na KUR-i mar-ṣu]-ti it-ta-kil šu-⸢ú⸣ [^mab-di-mil-ku-ut-ti]

[MAN URU.ṣi-du-un-ni a]-⸢na⸣ re-ṣu-ti a-ḫa-meš ⸢iš⸣-[šak-nu-u-ma]

[MU DINGIR.MEŠ-šú-nu it]-⸢ti⸣ a-ḫa-meš íz-kur-[ú-ma]

[a-na e-mu-qi ra]-⸢ma⸣-ni-šú-nu it-[tak-lu]

[a-na-ku a-na ^daš]-⸢šur⸣ ^d30 ^dUTU ^d⸢EN⸣ [u ^dAG]

[DINGIR.MEŠ GAL.MEŠ EN.MEŠ]-⸢ia⸣ at-ta-kil-ma ni-i-⸢tu al⸣-[me-šu-ma]

[ki-ma iṣ-ṣu-ri ul-tú] ⸢qé⸣-reb KUR-e a-bar-šu-[ma ak-ki-sa]

[SAG.DU-su i]-⸢na⸣ ITI.DU₆ SAG.DU ^mab-⸢di⸣-[mil-ku-ut-ti]

[ina ITI.ŠE SAG.DU ^msa-an-du]-⸢ar⸣-ri ina 1-et MU.[AN.NA]

[ú-nak-ki-is-ma maḫ]-⸢ru⸣-u la ú-ḫi-ir-[ma (...)]

⸢NÍG.ŠU-šú NÍG.GA-šú DINGIR.MEŠ-šú a-di ^f⸣[ap-kal-la-tú šar-rat LÚ.a-ri-bi]

iš-lu-lam-ma a-na KUR aš-šur.KI il-⸢qa⸣-[a ^mḫa-za-DINGIR LUGAL LÚ.a-ri-bi]

it-ti ta-mar-te-šú ka-bit-te a-na ⸢NINA⸣.KI [URU be-lu-ti-ia]

⸢il⸣-lik-⸢am⸣-ma ú-na-áš-šiq GÌR.II-ía áš-šú ⸢na⸣-[dan DINGIR.MEŠ-šú ú-ṣal-la-an-ni-ma]

re-⸢e-mu ar-ši⸣-šú-ma ^da-tar-sa-ma-⸢a-a⸣-[in ^dda-a-a]

⸢^dnu⸣-ḫa-a-a ^d⸢ru⸣-ul-da-a-a-u ^d⸢a⸣-[bi-ri-il-lu]

^da-tar-⸢qu⸣-ru-ma-a DINGIR.⸢MEŠ šá⸣ LÚ.⸢a-ri-bi⸣ [an-ḫu-su-nu ud-diš-ma]

⸢da⸣-na-an aš-šur EN-ia ⸢ù ši-ṭir MU⸣-[ia UGU-šú-nu áš-ṭur-ma]

ú-ter-ma ⸢ad-din-šú ^fta-bu-u-a tar⸣-[bit É.GAL AD-ia a-na LUGAL-u-ti]

UGU-šú-nu áš-kun-ma it-⸢ti DINGIR⸣.MEŠ-šá [a-na KUR-šá ú-ter-ši]

65 ⸢ANŠE.GAM.MAL.MEŠ 10 ANŠE.NÍTA.MEŠ UGU⸣ [ma-da-ti maḫ-ri-ti]

ú-⸢rad-di-ma ú-kin ṣe⸣-ru-uš-šú ^m⸢ḫa⸣-[za-DINGIR šim-tu]

⸢ú-bil⸣-šú-ma ^m⸢ia-ta-aʾ DUMU⸣-šú ina [GIŠ.GU.ZA-šú ú-še-šib-ma]

10 MA.NA KÙ.GI 1 ME ⸢NA₄.MEŠ bé-ru-te⸣ [50 ANŠE.GAM.MAL.MEŠ]

1 ME ⸢KUŠ.kun⸣-zi ⸢ŠIM.ḪI.A UGU⸣ [man-da-at-ti AD-šú]

⸢ú-rad-di-ma⸣ e-⸢mid-su ar⸣-[ka ^mú-a-bu]

a-na ⸢e-peš LUGAL-ti LÚ.a⸣-ru-[bu ka-li-šú]

⸢UGU⸣ ^mia-ta-⸢aʾ uš-bal-kit-ma⸣ [a-na-ku ^maš-šur-PAP-AŠ LUGAL KUR aš-šur.KI]

⸢LUGAL kib-rat LÍMMU-te⸣ šá kit-⸢tu i-ram⸣-[mu-ma ṣa-lip-tú ik-kib-šú]

⸢LÚ⸣.ERIM.⸢MEŠ MÈ⸣-ía ana ⸢na-ra⸣-ru-ti ^m[ia-ta-aʾ áš-pur-ma]

LÚ.⸢a-ru⸣-bu ka-li-šú ik-bu-[su-ma ^mú-a-bu]

⸢a-di LÚ.ERIM⸣.MEŠ šá is-si-šú bi-re-⸢tú⸣ [id-du-u-ma ú-bi-lu-nim-ma]

ši-⸢ga⸣-ru (erasure) áš-⸢kun⸣-[šú-nu-ti-ma]

ina ⸢le⸣-et ⸢KÁ⸣-ia [ar-ku-us-šú-nu-ti]

^mup-pi-⸢is⸣ LÚ.EN.URU [šá URU.pa-ar-ták-ka]

^mza-⸢na-sa-na⸣ LÚ.⸢EN⸣.[URU šá URU.pa-ar-tuk-ka]

^mra-ma-⸢te-ia⸣ LÚ.⸢EN⸣.[URU šá URU.ú-ra-a-ka-za-bar-na]

KUR.ma-da-a-⸢a ša⸣ a-šar-[šú-nu ru-u-qu ša ina LUGAL.MEŠ AD.MEŠ-ia]

⸢mi⸣-ṣir KUR ⸢aš-šur⸣.KI ⸢la ib⸣-[bal-ki-tú-nim-ma la ik-bu-su]

⸢qaq-qar⸣-šá pu-ul-ḫi me-⸢lam⸣-[me ša aš-šur EN-ia is-ḫup-šu-nu-ti]

[ANŠE].⸢mur-ni-is⸣-qí GAL.⸢MEŠ⸣ [tak-kas NA₄.ZA.GÌN ḫi-ip šad-di-šú]

[a-na NINA.KI URU be-lu-ti]-⸢ia^?⸣ [iš-šu-nim-ma ...]