BM 127872 + BM 127975 + BM 134488 + BM 138195 (RINAP 4 Esarhaddon 001, ex. 16) [Esarhaddon]

[...]-⸢ḫa si⸣-[...]

[...]-iḫ ka-bat-ti áš-[...]

[...]-sa rit-ti-ia a-na [...] ⸢AG⸣

ù ^dU.GUR ^d15 šá URU.ni-nu-[...] LÍMMU-DINGIR

qa-ti áš-ši-ma im-gu-ru qí-[x]-ti

ina an-ni-šú-nu ke-nim UZU ta-kil-ti iš-[...]-nim-ma

a-lik la ka-la-a-ta i-da-a-ka ni-[x x]-lak-ma

ni-na-a-ra ga-re-e-ka 1-en u₄-[...]-me

ul uq-qí pa-an ERIM.ḪI.A-ia ul ⸢ad⸣-[x]

ar-ka-a ul a-mur pi-qit-ti ANŠE.KUR.RA.[...]

ù ú-nu-ut MÈ-ia ul a-šur ṣi-di-it ger-[...]

šal-gu ku-uṣ-ṣu ITI.ZÍZ dan-na-at EN.TE.⸢NA⸣ [...]

ki-ma u₅-rí-in-ni mu-up-pa-ar-[...]

a-na sa-kap za-ʾi-ri-ia ap-ta-a i-da-a-[x]

ḫar-ra-an NINA.KI pa-áš-qí-iš ur-ru-ḫi-iš ar-de-e-ma

el-la-mu-u-a ina KI-tim KUR.ḫal-ni-gal-bat gi-mir qu-ra-di-šú-un

ṣi-ru-u-ti pa-an ger-ri-ia ṣab-tu-ma ú-šal-lu GIŠ.TUKUL.MEŠ-šú-un

pu-luḫ-ti DINGIR.MEŠ GAL.MEŠ EN.MEŠ-ia is-ḫu-up-šu-nu-ti-ma

ti-ib MÈ-ia dan-ni e-mu-ru-ú-ma e-mu-u maḫ-ḫu-tíš

^diš-tar be-let MURUB₄ u MÈ ra-aʾ-i-mat šá-an-gu-ti-ia

i-da-a-a ta-zi-iz-ma GIŠ.PAN-su-nu taš-bir

ta-ḫa-za-šú-nu ra-ak-su tap-ṭu-ur-ma

ina UKKIN-šú-nu iq-bu-u um-ma an-nu-ú LUGAL-a-ni

ina qí-bi-ti-šá ṣir-ti i-da-a-a it-ta-na-as-ḫa-ru ti-bu-u

EGIR-ía ka-lu-meš i-dak-[x]-ku ú-ṣal-lu-u be-lu-ti

UN.MEŠ KUR aš-šur.KI šá a-de-e [x x].MEŠ GAL.MEŠ ina muḫ-ḫi-ía iz-ku-ru

a-di maḫ-ri-ía il-li-ku-nim-ma ú-na-áš-ši-qu GÌR.II-ía

ù šu-nu LÚ.ḫa-am-ma-ʾe-e e-piš si-ḫi ù bar-ti

⸢šu⸣-[...]

ù [...]

šul-⸢mu⸣ [...]

ina qé-reb [...]

ka-bat-ti [...]

šá pa-a-ṭi KUR-šú ⸢ú⸣-[...]

ba-ra-nu-ú na-[...]

a-na KUR.ELAM.MA.KI še-la-[...]

šá e-ti-qu ^daš-šur ^d⸢30⸣ [...]

⸢e-mì⸣-du-šu-ma qé-reb KUR.ELAM.[...]

[...]-mar-duk ŠEŠ-šú ep-šet KUR.e-lam-ti ⸢ša⸣ [...]

e-mur-ma ul-tu KUR.ELAM.MA.KI in-nab-tam-ma [...]-ia

a-na KUR aš-šur.KI il-lik-am-ma ú-ṣal-la-a be-lu-ti

KUR ⸢tam-tim a-na⸣ si-ḫir-ti-šá ri-du-ut ŠEŠ-šú ú-šad-gíl pa-nu-uš-šú

šat-ti-šam-ma la na-par-ka-a it-ti ta-mar-ti-šú ka-bit-ti

a-na NINA.KI il-lak-am-ma ú-na-áš-šá-qa GÌR.II-ia

^mab-di-mil-ku-ut-ti LUGAL URU.ṣi-dun-ni

la pa-lìḫ be-lu-ti-ia la še-mu-ú zi-kir šap-ti-ia

ša UGU tam-tim gal-la-te it-tak-lu-ma is-lu-u GIŠ.ŠUDUN aš-šur.KI

URU.ṣi-dun-nu URU tuk-la-te-šú šá qé-reb tam-tim na-du-ú

a-bu-biš as-pu-un BÀD-šú u šu-bat-su as-suḫ-ma

qé-reb tam-tim ad-di-ma a-šar maš-kán-šú ú-ḫal-liq

^mab-di-mil-ku-ut-ti LUGAL-šu

la-pa-an GIŠ.TUKUL.MEŠ-ia ina MURUB₄ tam-tim in-na-bit

ina qí-bit ^daš-šur EN-ia ki-ma ⸢nu-u-ni⸣ ul-tu qé-reb tam-tim a-bar-šu-ma

ak-ki-sa SAG.DU-su DAM-su DUMU.MEŠ-šú DUMU.MUNUS.MEŠ-šú

UN.MEŠ É.GAL-šú KÙ.GI KÙ.BABBAR NÍG.GA NA₄.MEŠ a-qar-tú

[...]-sa [...]

[...] ab-di-mil-ku-[...]

[...] sa-an-du-ar-[x]

[...] ú-nak-ki-is-[...]

[...]-ir-ma ú-šaḫ-mì-ṭa EGIR-[x]

[...]-ia UN.MEŠ kul-lu-mi-im-ma

[...] a-lul-ma it-ti LÚ.NAR

[...] NINA.KI e-te-et-ti-iq

[...].mu-ṣur áš-lu-lam-ma

[...] ad-di-ma a-na KUR aš-šur.KI ú-ra-a

[...] URU.ni-na-a it-ti a-si

[...]-ti ka-mì-iš

[...]-a ERIM.ḪI.A-ma-aʾ-du

[...]-⸢uš⸣-na

[...] GIŠ.TUKUL

[...]-lak-ki

[...] KUR.ta-ba-la

[...] tak-lu-ma

[...] dan-nu-ti

[...] šal-lat-sun

[...]-iṭ-ṭu

[...]-su-nu-ti

[...]-⸢šur⸣-ri

[...]-un

[...] ⸢šá-ti⸣-na ú-[...]

ù bár-sipa.KI [...]

^mdMUATI-šal-lim A ^mba-la-⸢si⸣

ina GIŠ.GU.ZA-šú ú-še-šib-ma i-šá-ṭa ab-šá-a-ni

^mEN-BA-šá DUMU ^mbu-na-na LÚ.gam-bu-la-a-a

ša ina 12 KASKAL.GÍD qaq-qa-ru ina A.MEŠ u GI.AMBAR.MEŠ šit-ku-nu šu-ub-tu

ina qí-bit ^daš-šur EN-ia ḫat-tu ra-ma-ni-šú im-qut-su-ma

ki-i ṭè-e-me-šu-nu bil-tu u man-da-at-tum

GU₄.MAḪ-ḫi šuk-lul-u-te ANŠE ṣa-ma-da-ni ANŠE.KUNGA.MEŠ BABBAR.MEŠ

ul-tu KUR.e-lam-ti il-qa-am-ma a-na URU.ni-nu-a

a-di maḫ-ri-ia il-lik-am-ma ú-na-áš-šiq GÌR.II-ia

⸢KUR⸣.[...]

mi-ṣir [...]

qaq-qar-šá pu-ul-[...]

ANŠE.mur-ni-is-qí GAL.MEŠ [...]

a-na NINA.KI URU be-lu-ti-[...]

áš-šú LÚ.EN.URU.MEŠ-ni ša [...]

be-lu-ti ú-ṣal-lu-ma e-[...]

LÚ.šu-ut SAG.MEŠ-ía LÚ.NAM.MEŠ ša ⸢pa⸣-[...]

it-ti-šú-nu ú-ma-ʾe-er-ma UN.MEŠ [...]

ik-bu-su-ma ú-šak-ni-šú ⸢GÌR⸣.[...]

GUN man-da-at-ti be-lu-ti-ia ú-[...]

KUR.pa-tu-uš-ar-ra na-gu-u šá i-⸢te⸣-[...]

ša qé-reb KUR.ma-da-a-a SÙ.MEŠ šá pa-a-⸢ṭi⸣ [...]

šá ina LUGAL.MEŠ-ni AD.MEŠ-ia mám-ma la ik-[...]

^mši-dir-pa-ar-na ^me-pa-ar-na LÚ.EN.[...]

šá la kit-nu-šu a-na ni-i-ri šá-a-šú-nu a-[...]

ANŠE.KUR.RA.MEŠ ru-ku-bi-šú-nu GU₄.MEŠ ṣe-[...]

šal-lat-sún ka-bit-tu áš-lu-la a-na qé-[...]

KUR.ba-a-zu na-gu-u šá a-šar-šú ru-[x x]

mi-šit na-ba-li qaq-qar MUN a-šar ⸢ṣu⸣-[...]

1 ME 20 KASKAL.GÍD qaq-qar ba-a-ṣi pu-qut-ti u NA₄.⸢ZÚ⸣.[x x]

a-šar MUŠ GÍR.TAB ki-ma kul-ba-⸢a⸣-bi ma-lu-u A.GÀR

⸢20⸣ KASKAL.GÍD KUR.ḫa-zu-ú šad-di NA₄.SAG.GIL.MUD

[x]-⸢na⸣ EGIR-ia ú-maš-šir-ma e-ti-iq

[x]-gu-u šu-a-tú ša ul-tu u₄-me ul-lu-ti

[x x]-li-ku LUGAL pa-ni maḫ-ri-ia

[...] EN-ia ina qé-reb-šú šal-ṭa-niš at-ta-lak

[...]-⸢su⸣ LUGAL URU.ḫal-di-i-su ^mak-ba-ru LUGAL URU.il-pi-a-te

[...]-sa-ku LUGAL URU.ma-gal-a-ni ^fia-pa-aʾ šar-rat URU.di-iḫ-ra-a-nu

[...]-su LUGAL URU.qa-da-ba-aʾ ^mni-ḫa-ru LUGAL URU.ga-aʾ-ú-a-ni

[x x]-as-lu šar-rat URU.i-ḫi-lu ^mḫa-ba-zi-ru LUGAL URU.pu-da-aʾ 8 LUGAL.MEŠ-ni

ša qé-reb na-ge-e šu-a-tú a-duk ki-ma ŠE.MUNU₄ áš-ta-ṭi

pa-gar qu-ra-di-šú-un DINGIR.MEŠ-šú-nu NÍG.ŠU-šú-nu NÍG.GA-šú-nu UN.MEŠ-šú-nu

áš-lu-la a-na qé-reb KUR aš-šur.KI ^mla-a-a-le-e LUGAL URU.ia-di-iʾ

šá la-pa-an GIŠ.TUKUL.MEŠ-ia in-nab-tú ḫa-at-tu ra-ma-ni-šu

im-qut-su-ma a-na NINA.KI a-di maḫ-ri-ia il-lik-am-ma

ú-na-áš-ši-iq GÌR.II-ia re-e-mu ar-ši-šú-ma

na-ge-e KUR.ba-a-zi šu-a-tú ú-šad-gíl pa-nu-uš-šú

ina e-muq ^daš-šur ^d30 ^dUTU ^dAG ^dMES ^d15 ša NINA.KI

^d15 ša URU.LÍMMU-DINGIR ak-šud kul-lat na-ki-ri mul-tar-ḫi

ina zik-ri DINGIR-ti-šú-nu ma-al-ki na-ki-ri-ia

ki-ma qa-né-e ma-ḫe-e i-šu-ub-bu

LUGAL.MEŠ a-ši-bu-ut tam-tim šá BÀD.[...] tam-tim-ma

^mGIŠ.MI-EN ⸢LUGAL⸣ [...]

^mi-ka-ú-su LUGAL URU.am-qar-ú-⸢na⸣ [...]

URU.gu-ub-li ^mma-ta-an-ba-la LUGAL ⸢URU⸣.[...]

^ma-bi-ba-ʾa-li LUGAL URU.sam-si-mu-ru-na ^mbu-du-DINGIR LUGAL

URU.É-am-ma-na ^mPAP-mil-ki LUGAL URU.as-du-di

12 LUGAL.MEŠ šá ki-šá-ti tam-tim ^me-ki-iš-tu-ra LUGAL

URU.e-di-ʾi-il ^mpi-la-a-gu-ra-a LUGAL URU.ki-it-ru-si

^mki-i-su LUGAL URU.si-il-lu-u₈-a ^mi-tu-u-an-da-ar

LUGAL URU.pa-ap-pa ^me-re-e-su LUGAL URU.si-il-lu

^mda-ma-su LUGAL URU.ku-ri-i ^mád-me-su LUGAL URU.ta-me-si

^mda-mu-ú-si LUGAL URU.qar-ti-ḫa-da-as-ti

^mú-na-sa-gu-su LUGAL URU.li-di-ir ^mbu-ṣu-su LUGAL

URU.ZÁLAG-ia 10 LUGAL.MEŠ ša KUR.ia-ad-na-na MURUB₄ tam-tim

ŠU.NIGIN 22 LUGAL.MEŠ KUR.ḫat-ti a-ḫi tam-tim MURUB₄ tam-tim DÙ-šu-nu

ú-ma-ʾe-er-šu-nu-ti-ma GIŠ.ÙR.MEŠ GAL.MEŠ tim-me MAḪ.MEŠ

GIŠ.a-dáp-pi šu-ḫu-ti ša GIŠ.EREN GIŠ.ŠUR.MÌN

tar-bit KUR.si-ra-ra u KUR.lab-na-na

ša ul-tu u₄-me pa-ni ma-gal ik-bi-ru-ma i-ši-ḫu la-a-nu

^dALAD.^dLAMMA.ME ša NA₄.^dŠE.TIR

MUNUS.^dLAMMA.MEŠ MUNUS.^dÁB.ZA.ZA-a-ti NA₄.KUN₄.MEŠ a-gúr-ri

ša NA₄.GIŠ.NU₁₁.GAL NA₄.^dŠE.TIR NA₄.DÚR.MI.NA

NA₄.DÚR.MI.NA.BÀN.DA NA₄.a-la-lum NA₄.GI.RIM.ḪI.LI.BA

[...] ú-[...]

[...]-⸢ti⸣-šam-ma

[...] qé-reb-šá

[...]-⸢tú⸣ ^dALAD SIG₅

[...]-ḫa-du-ú ka-bat-ti-ía

x [...] ip-par-ku-ú i-da-a-šá

a-na [...]-ni DUMU.MEŠ-ia

ša ^daš-šur u ^d[x x] a-na be-lut KUR ù UN.MEŠ

i-nam-bu-ú [x]-kir-šú e-nu-ma É.GAL šá-a-tu

i-lab-bi-ru-ma in-na-ḫu an-ḫu-sa lu-ud-diš

ki-i šá a-na-ku MU.SAR-ú ši-ṭir šu-me LUGAL AD ba-ni-ia

it-ti MU.SAR-e ši-ṭir MU-ia áš-ku-nu-ma

at-ta ki-i ia-a-ti-ma MU.SAR-ú ši-ṭir MU-ia

a-mur-ma Ì.GIS pu-šu-uš UDU.SISKUR BAL-qí

it-ti MU.SAR-e ši-ṭir MU-ka šu-kun

^daš-šur u ^diš-tar ik-ri-bi-ka i-šem-mu-ú

ITI.ŠE.KIN.KUD lim-mu ^mid-ri LÚ.EN.NAM KUR.la-ḫi-ra