BM 113203 (RINAP 3/1 Sennacherib 01, ex. 01) [Sennacherib][via rinap/sources]
| Obverse | |
| 11 | md⸢EN⸣.[...] ⸢LUGAL⸣ dan-nu LUGAL KUR aš-šur.KI LUGAL la šá-na-an RE.É.UM mut-nen-nu-ú pa-liḫ DINGIR.MEŠ GAL.MEŠ |
| 22 | na-⸢ṣir⸣ [...] ⸢e⸣-piš ú-sa-a-ti a-lik tap-pu-ut (erasure) a-ki-i sa-ḫi-ru dam-qa-a-ti |
| 33 | eṭ-⸢lum⸣ [...]-⸢red⸣ kal ma-al-ki rap-pu la-ʾi-iṭ la ma-gi-ri mu-šab-ri-qu za-ma-a-ni |
| 44 | d[...]-li-ma-an-ni-ma UGU gi-mir a-šib pa-rak-ki ú-šar-ba-a GIŠ.TUKUL.MEŠ-ia |
| 55 | ⸢i⸣-[...]-⸢ši⸣-bu-ma ba-ḫu-la-a-te KUR aš-šur.KI ú-ma-ʾe-ru i-na taš-me-e ù sa-li-me |
| 66 | m⸢d⸣[...]-⸢nu⸣ ba-ra-nu-ú ka-raš sur-ra-a-ti e-piš le-mut-ti ša an-zil-la-šu ⸢kit⸣-tu |
| 77 | m⸢šu⸣-[...] is-ḫur-ma KÙ.GI KÙ.BABBAR ni-siq-ti NA₄.MEŠ ú-šat-lim-šu-ma e-ter-ri-su ⸢kit⸣-ru |
| 88 | mim-⸢ba⸣-[...] ⸢ta⸣-an-na-a-nu LÚ.3.U₅ 10 LÚ.GAL KI.ṢIR.MEŠ a-di mdU.GUR-na-ṣir LÚ.su-tu-ú la a-di-ru ta-ḫa-zu |
| 99 | 80 LIM LÚ.[...] ⸢ANŠE⸣.KUR.RA.MEŠ it-ti šú-nu-ti-ma a-na KUR EME.GI₇ ù URI.KI iš-pu-ra re-⸢ṣu⸣-[x]-⸢su⸣ |
| 1010 | ù šu-⸢ú⸣ [...] ⸢ARARMA⸣.KI ÚRI.KI eridu.KI kul-aba₄.KI ki-is-⸢sik.KI⸣ URU.né-med-d⸢la⸣-[x]-da |
| 1111 | KUR.É-m⸢ia⸣-[...]-⸢al⸣-li KUR.É-mdak-ku-ri si-ḫir-ti ⸢LÚ⸣.kal-di ma-la ba-šu-⸢ú⸣ |
| 1212 | ša GÚ ⸢ÍD⸣.[...] ⸢ia⸣-daq-qu LÚ.gib-re-e ⸢LÚ.ma-li⸣-ḫu |
| 1313 | ša GÚ ⸢ÍD⸣.[...]-⸢nu⸣ LÚ.gam-bu-lu LÚ.ḫi-in-da-ru LÚ.ru-ʾu-u-a ⸢LÚ.pu-qu⸣-du |
| 1414 | ša GÚ ⸢ÍD⸣.[...] LÚ.na-ba-tú LÚ.li-iʾ-ta-a-ú LÚ.a-ra-mu la kan-šu šá la i-⸢du?-ú⸣ mi-⸢tu?⸣-tum |
| 1515 | NIBRU.KI dil-⸢bat⸣ [...].⸢RA⸣.KI bár-sipa.KI GÚ.DU₈.A.KI gi-mir KUR.kár-dun-ia-áš iš-te-niš ú-pa-ḫir-[x x]-⸢šak⸣-ṣir ⸢ta⸣-ḫa-zu |
| 1616 | ia-a-ti ⸢mdEN.ZU-ŠEŠ⸣.MEŠ-eri-⸢ba zi?-kar? EDIN?⸣ na-aʾ-⸢du⸣ ep-še-ti-šú lem-né-e-ti ú-šá-an-nu-nim-ma la-ab-biš an-na-dir-ma qé-reb KÁ.DINGIR.RA.KI a-⸢na⸣ [x]-ri-šu aq-ṭi-⸢bi⸣ a-la-ku |
| 1717 | šu-ú ḫi-ri-iṣ gal-le-e lem-ni a-lak ger-ri-ia iš-me-ma ANŠE.KUR.RA.MEŠ ERIM.MEŠ GIŠ.PAN LÚ.a-la-mu-ú LÚ.a-ra-mu LÚ.kal-du it-ti mdU.GUR-na-ṣir ù 10 LÚ.GAL KI.ṢIR.[x x] KUR.ELAM.MA.KI ⸢šá la⸣ i-du mi-⸢tu⸣-tú |
| 1818 | e-mu-qí la ni-bi it-ti šú-nu-ti-ma ú-dan-ni-in ki-iṣ-ri-šú-un qé-reb GÚ.DU₈.A.KI iš-te-niš ú-še-rib-ma a-na me-te-eq ger-ri-ia ú-šá-an-⸢ṣir ka⸣-a-⸢du⸣ |
| 1919 | ṣi-in-di-ia uš-te-še-ra UD.20.KÁM ša ITI.ZÍZ ul-tu bal-til.KI GIM GU₄.AM gap-ši ⸢meḫ⸣-ret ERIM.ḪI.A-ia aṣ-bat-ma pa-an gi-ip-ši-ia ul ú-šad-⸢gil-ma⸣ ar-⸢ka⸣-a ul ⸢ú⸣-qí |
| 2020 | LÚ.GAL SAG LÚ.EN.NAM.MEŠ-ia a-na kiš.KI ú-ma-ʾe-er maḫ-ru-u-a ú-ru-uḫ mdAMAR.UTU-IBILA-SUM.NA ṣab-ta-a-ma e te-ga-a dun-ni-na ma-ṣar-tuš |
| 2121 | šu-ú LÚ.EN.NAM.MEŠ-ia e-mur-ma a-di gi-mir el-la-ti-šú KÁ.GAL dza-ba₄-ba₄ uṣ-ṣa-am-ma i-na ta-mir-ti kiš.KI it-ti LÚ.GAL.MEŠ-ia e-pu-uš ta-ḫa-zu |
| 2222 | LÚ.GAL.MEŠ-ia qit-ru-ub ta-ḫa-zi LÚ.KÚR UGU-šú-un id-nin-ma ul i-le-ʾu-ú ma-ḫa-ar-šu ⸢LÚ⸣.A šip-ri-šú-un ša ḫa-mat i-na qé-reb ta-mir-ti GÚ.DU₈.A.KI ṣe-ru-u-a iš-pu-ru-u-ni |
| 2323 | i-na ug-gat lìb-bi-ia UGU GÚ.DU₈.A.KI ti-bu šam-ru áš-kun-ma LÚ.mun-daḫ-ṣi sa-ḫi-ir BÀD-šú ⸢as⸣-li-iš ú-ṭeb-bi-iḫ-ma aṣ-ṣa-bat URU |
| 2424 | ANŠE.KUR.RA.MEŠ ERIM.MEŠ GIŠ.PAN LÚ.e-la-me-e LÚ.a-ra-mu LÚ.kal-du LÚ.GAL KI.ṢIR.MEŠ LÚ.KUR.ELAM.MA.KI ù mdU.GUR-na-ṣir a-di DUMU.MEŠ URU EN ḫi-iṭ-ṭi ú-še-ṣa-am-ma šal-la-ti-iš am-nu |
| 2525 | la-ab-biš an-na-dir-ma al-la-bi-ib a-bu-bi-iš it-ti LÚ.qu-ra-di-ia la ga-me-lu-ti ṣe-riš mdAMAR.UTU-IBILA-SUM.NA a-na kiš.KI áš-ta-kan pa-ni-ia |
| 2626 | ù šu-ú e-piš lem-né-e-ti a-ka-mu ger-ri-ia a-na ru-qé-e-ti e-mur-ma im-qu-su ḫat-tu gi-mir el-la-ti-šú e-zib-ma a-na KUR.gu-zu-um-ma-ni in-na-bit |
| 2727 | mta-an-na-a-nu a-di um-ma-na-at LÚ.ELAM.MA.KI LÚ.kal-du ù LÚ.a-ra-mu ša i-da-a-šu iz-zi-zu-ma il-li-ku re-ṣu-us-su BAD₅.BAD₅-šú-un áš-kun-ma ú-par-ri-ir el-lat-su |
| 2828 | ma-di-nu DUMU NIN? mdAMAR.UTU-IBILA-SUM.NA a-di mba-as-qa-a-nu ŠEŠ fia-ti-iʾ-e šar-rat LÚ.a-ri-bi it-ti um-ma-na-te-šú-nu bal-ṭu-su-un ina qa-ti aṣ-bat |
| 2929 | GIŠ.GIGIR.MEŠ GIŠ.ṣu-um-bi ANŠE.KUR.RA.MEŠ ANŠE.KUNGA.MEŠ ANŠE.MEŠ <<DIŠ>> ANŠE.A.AB.BA.MEŠ ANŠE.ud-ri ša qé-reb tam-ḫa-ri muš-šu-ru ik-šu-da ŠU.II-a-a |
| 3030 | i-na ḫu-ud lìb-bi ù nu-um-mur pa-ni a-na KÁ.DINGIR.RA.KI a-ḫi-iš-ma a-na É.GAL mdAMAR.UTU-IBILA-SUM.NA áš-šu pa-qad NÍG.ŠU ù NÍG.GA qé-reb-šá e-ru-ub |
| 3131 | ap-te-e-ma É ni-ṣir-te-šú KÙ.GI KÙ.BABBAR ú-nu-ut KÙ.GI KÙ.BABBAR NA₄.MEŠ a-qar-tú GIŠ.NÁ.MEŠ GIŠ.GU.ZA.MEŠ né-me-di GIŠ.šá šá-da-di GIŠ.ga-ši-ru-ut LUGAL-ti-šú šá iḫ-zu-šú-nu KÙ.GI KÙ.BABBAR |
| 3232 | mim-ma šum-šu NÍG.ŠU NÍG.GA la ni-bi ni-ṣir-tum ka-bit-tum DAM-su MUNUS.UN.MEŠ É.GAL-šú MUNUS.AGRIG.MEŠ LÚ.šu-ut SAG.MEŠ LÚ.TIRUM.MEŠ LÚ.man-za-az pa-ni LÚ.NAR.MEŠ MUNUS.NAR.MEŠ |
| 3333 | LÚ.ARAD.MEŠ É.GAL mu-nam-mi-ru ṭè-mu ru-bu-ti-šú si-ḫi-ir-ti um-ma-a-ni ma-la ba-šu-ú mut-tab-bi-lu-tú É.GAL-šú ú-še-ṣa-am-ma šal-la-ti-iš am-nu |
| 3434 | ur-ri-iḫ-ma EGIR-šú a-na KUR.gu-zu-um-ma-ni LÚ.mun-daḫ-ṣi-ia a-na qé-reb ÍD.a-gam-me ù ap-pa-ra-a-ti ú-ma-ʾe-er-ma 5 u₄-me ú-ba-ʾu-šu-ma ul in-na-mir a-šar-šu |
| 3535 | si-te-et ANŠE.KUR.RA.MEŠ ERIM.ḪI.A-šú ša ia-ʾa-šu ma-na-aḫ-tum na-a-liš ip-par-ši-du-šu-ma la il-li-ku i-da-a-šu iš-tu qé-reb EDIN ù ba-ma-a-ti iš-te-niš ú-pa-ḫir |
| 3636 | i-na me-te-eq ger-ri-ia URU.a-ma-tu URU.ḫa-ú-a-e URU.su-pa-pu URU.nu-qa-bu URU.É*-sa-an-na-bi URU.qu-ṭa-a-a-in |
| 3737 | URU.qid-ri-na URU.BÀD-mla-di-ni URU.bi-ta-a-ti URU.ba-ni-tu KUR.gu-zu-um-ma-nu URU.BÀD-mia-an-ṣu-ri URU.BÀD-ma-bi-ia-ta-aʾ URU.BÀD-mru-du-um-me |
| 3838 | URU.É-mra-ḫe-e URU.ḫa-pi-šá URU.sa-di-AN URU.ḫu-ru-du URU.ṣa-aḫ-ri-na URU.il-tu-uk URU.al-la-al-lu MARAD.DA.KI URU.ia-qi-mu-na |
| 3939 | URU.ku-up-ru-na URU.É-mku-dúr-ri URU.SILA-qa-mma-ru-si nap-ḫar 33 URU.MEŠ dan-nu-ti É BÀD.MEŠ-ni ša KUR É-mdak-ku-ri a-di 2 ME 50 URU.MEŠ TUR.MEŠ ša li-me-ti-šú-nu |
| 4040 | URU.BÀD-map-pe-e URU.BÀD-mta-né-e URU.BÀD-msa-ma-aʾ URU.sa-ar-ra-ba-tu URU.ṣa-la-ḫa-tu URU.BÀD-mab-da-a-a URU.sa-ap-pi-ḫi-ma-ri URU.ṣib-tú-ša-URU.ma-ak-ka-me-e |
| 4141 | nap-ḫar 8 URU.MEŠ dan-nu-ti É BÀD.MEŠ-ni ša KUR É-msa-ʾa-al-li a-di 1 ME 20 URU.MEŠ TUR.MEŠ ša li-me-ti-šú-nu |
| 4242 | URU.sa-pi-a URU.sa-ar-ra-ba-nu UD.UD.AG.KI BÁRA-mar-ri.KI URU.É-mDINGIR-ba-ni URU.a-ḫu-du URU-ša-iṣ-ṣur-dIŠKUR URU-šá-ḫar-ra-tú URU.ma-na-aḫ-ḫu |
| 4343 | URU-ša-a-me-le-e URU.BÀD-maq-qí-ia URU.na-gi-tu URU.nu-ur-a-bi-nu URU.ḫa-ar-ṣu-ar-ra URU.BÀD-mru-uk-bi URU.da-an-da-ḫul-la URU.BÀD-mbir-da-da |
| 4444 | URU.É-re-ʾe-e URU.BÀD-mú-gur-ri URU.ḫi-in-da-i-na URU.BÀD-mú-a-a-it URU.É-mta-ú-ra-a URU.sa-ap-ḫu-na URU.bu-ḫa-ar-ru |
| 4545 | URU.ḫar-bat-mSUM.NA URU.ḫar-bat-mkal-bi URU.šá-par-re-e URU.É-mba-ni-DINGIR-ú-a URU.su-la-a-du URU.É-mil-ta-ma-sa-ma-aʾ URU.É-mdi-ni-DINGIR |
| 4646 | URU.da-qa-la URU.ḫa-mì-ṣa URU.be-la-a URU.ta-i-ru URU.kip-ra-a-nu URU.il-ta-ra-tú URU.aq-qar*-šá-ki-na URU.sa-ga-ba-tú-ša-mmar-duk-ia |
| 4747 | nap-ḫar 39 URU.MEŠ dan-nu-ti ša KUR É-ma-muk-ka-a-ni a-di 3 ME 50 URU.MEŠ TUR.MEŠ ša li-me-ti-šú-nu |
| 4848 | URU.É-mza-bi-di-ia ARARMA.KI kul-aba₄.KI eridu.KI ki-is-sik.KI URU.né-med-dla-gu-da URU.BÀD-mia-ki-ni a-di URU.kar-dAG šá ki-šad ÍD.mar-ra-ti |
| 4949 | nap-ḫar 8 URU.MEŠ dan-nu-ti É BÀD.MEŠ-ni ša KUR É-mia-ki-ni a-di 1 ME URU.MEŠ TUR.MEŠ ša li-me-ti-šú-nu |
| 5050 | nap-ḫar 88 URU.ME-ni dan-nu-ti É BÀD.MEŠ-ni ša KUR.kal-di a-di 8 ME 20 URU.[x] TUR.MEŠ ša li-me-ti-šú-nu al-me ak-šu-ud áš-lu-la šal-la-su-un |
| 5151 | ŠE.IM ZÚ.LUM.MA ša qé-reb ki-ra-a-te-šú-nu BURU₁₄-šú-nu ša EDIN ⸢ERIM.ḪI.A-ni⸣ ú-šá-kil ap-pul aq-qur i-na dGIŠ.BAR ⸢aq⸣-mu a-na DU₆.MEŠ ma-šu-ú-ti ú-ter |
| 5252 | LÚ.úr-bi LÚ.a-ra-mu LÚ.kal-du ša qé-reb UNUG.KI NIBRU.KI ⸢kiš⸣.KI ḫur-sag-kalam-ma.KI a-di DUMU.MEŠ URU ⸢EN⸣ [x x]-ṭi ú-še-ṣa-am-ma šal-la-ti-iš am-nu |
| 5353 | ŠE.IM ZÚ.LUM.MA ša qé-reb ki-ra-a-te-šú-nu me-reš ma-na-ḫi-šú-nu BURU₁₄ EDIN ba-laṭ ⸢na-piš⸣-[x x]-⸢nu⸣ ERIM.ḪI.A-ni ú-šá-kil |
| 5454 | mEN-DÙ DUMU LÚ.GAL-DÙ pe-re-ʾi šu-an-na.KI šá ki-ma mi-ra-ni ṣa-aḫ-ri qé-reb É.GAL-ia ir-bu-ú [...].⸢KI ù URI⸣.KI áš-ta-kan UGU-šú-un |
| 5555 | i-na ta-a-a-ar-ti-ia LÚ.tu-uʾ-mu-na LÚ.ri-ḫi-ḫu LÚ.ia-daq-qu LÚ.ú-bu-du LÚ.gib-re-[...]-⸢bu-lu⸣ LÚ.da-mu-nu LÚ.gam-bu-lum LÚ.ḫi-in-da-ru |
| 5656 | ⸢LÚ.ru-ʾu-u-a⸣ LÚ.pu-qu-du LÚ.ḫa-am-ra-a-nu LÚ.ḫa-⸢ga⸣-ra-a-nu LÚ.na-ba-tu LÚ.⸢li⸣-[x]-ta-a-[...]-riš ak-šudud-ma áš-lu-la šal-la-su-un |
| 5757 | i-na me-ti-iq ger-ri-ia ša mdAG-EN-MU.MEŠ [x] ⸢qi⸣-pi URU.ḫa-ra-ra-ti KÙ.GI KÙ.BABBAR GIŠ.mu-[...] ⸢GAL⸣.MEŠ ANŠE.[x x].GAM.MAL.MEŠ GU₄.MEŠ ù US₅.UDU.ḪI.A man-da-ta-šú ka-bit-tú am-[x] |
| 5858 | ba-ḫu-la-te URU.ḫi-rim-me LÚ.KÚR ak-ṣu ša ul-tu ul-la a-na LUGAL.MEŠ-ni AD.MEŠ-ia la ik-nu-⸢šu i-na⸣ GIŠ.TUKUL ú-šam-qit-ma na-piš-tum ul e-zib |
| 5959 | ⸢na⸣-gu-ú šu-a-tu a-na eš-šu-ti aṣ-bat 1-en GU₄ 10 UDU.MEŠ 10 ANŠE GEŠTIN.MEŠ 20 ANŠE ZÚ.LUM.MA re-še-te-šú a-na gi-né-e DINGIR.MEŠ KUR aš-šur.KI EN.MEŠ-ia ú-kin dà-ri-šam |
| 6060 | it-ti 2 ME 8 LIM šal-lat UN.MEŠ ka-bit-tum 7 LIM 2 ME ANŠE.KUR.RA.MEŠ ANŠE.KUNGA.MEŠ 11 LIM 73 ANŠE.MEŠ 5 LIM 2 ME 30 ANŠE.GAM.MAL.MEŠ 80 LIM 50 GU₄.MEŠ 8 ME LIM 1 ME US₅.UDU.ḪI.A šal-meš a-tu-ra a-na qé-reb KUR aš-šur.KI |
| 6161 | e-zib UN.MEŠ ANŠE.MEŠ ANŠE.GAM.MAL.MEŠ GU₄.MEŠ ù US₅.UDU.ḪI.A ša [x]-⸢mir⸣ ERIM.ḪI.A-ia e-bu-ku-nim-ma a-na ra-ma-ni-šú-nu is-ki-lu si-kil-tu |
| 6262 | ù ba-ḫu-la-te na-ki-ri šep-ṣu mit-ru ša a-[x x]-ri-ia la ik-nu-šu i-na GIŠ.TUKUL ú-šam-qit-ma a-lul ga-ši-šiš |
| 6363 | i-na u₄-mi-šu-ma NINA.KI ma-ḫa-zu ⸢ṣi-i-ru⸣ URU na-⸢ram⸣ diš-tar ša nap-ḫar ki-du-de-e DINGIR.MEŠ ù dIŠ.TAR.MEŠ ba-šu-ú qé-reb-šu |
| 6464 | tem-me-en-nu da-ru-ú du-ru-uš ⸢ṣa⸣-[x]-⸢ti ša⸣ ul-tu ⸢ul⸣-la it-ti ši-ṭir bu-ru-um-me eṣ-rat-su eṣ-ret-ma šu-pu-ú ṣi-in-du-šu |
| 6565 | áš-ru nak-lu šu-bat pi-riš-ti šá mim-⸢ma šum⸣-šú ši-pir ni-kil-tim gi-mir pel-lu-de-e ni-ṣir-ti làl-gar šu-ta-bu-lu qé-reb-šu |
| 6666 | ša ul-tu ul-la LUGAL.MEŠ-ni ⸢a-li⸣-kut maḫ-ri AD.MEŠ-ia ul-la-nu-u-a be-lu-ut KUR aš-šur.KI e-pu-šu-ma ú-ma-ʾe-ru ba-ʾu-lat dEN.LÍL |
| 6767 | ù šat-ti-šam la na-par-ka-a ⸢e⸣-reb la nar-ba-a-ti GUN mal-ki kib-rat ar-ba-ʾi im-da-na-ḫa-ru qé-reb-šu |
| 6868 | a-a-um-ma i-na lìb-bi-šú-nu a-na É.GAL qer-bi-šu kúm-mu ri-mit be-lu-tú ša ṣu-ḫur šu-bat-su le-e-su ul id-da-a lìb-bu-uš ul iḫ-su-us |
| 6969 | a-na šu-te-šur SILA URU ù šum-dul re-ba-a-ti ḫa-re-e ÍD za-qa-ap ṣip-pa-a-te ú-zu-un-šú ul ib-ši-ma ul uš-ta-bil ka-ras-su |
| 7070 | ia-a-ti mdEN.ZU-ŠEŠ.MEŠ-eri-ba LUGAL KUR aš-šur.KI e-peš šip-ri šu-a-tu ki-i ṭè-em DINGIR.MEŠ i-na uz-ni-ia ib-ši-ma ka-bat-ti ub-lam-ma |
| 7171 | te-ne-šet [x] ⸢kal⸣-di LÚ.a-ra-mu KUR.man-na-a-a KUR.qu-e ù KUR.ḫi-lak-ku šá a-na ni-ri-ia la kit-nu-šú as-su-ḫa-am-ma tup-šik-ku ú-šá-áš-ši-šú-nu-ti-ma il-bi-nu SIG₄ |
| 7272 | a-pe ku-pe-[x x] qé-reb KUR.kal-di ak-šiṭ-ma ap-pa-ri-šú-un šam-ḫu-ti i-na ba-ḫu-la-ti na-ki-ri ki-šit-ti ŠU.II-ia ú-šal-di-da a-na e-peš šip-ri-šá |
| 7373 | É.GAL maḫ-[x]-⸢tu⸣ ša 30 NINDA ⸢šid⸣-du ù 10 NINDA SAG.KI-sa ša LUGAL.MEŠ-ni a-li-kut pa-ni AD.MEŠ-ia ú-še-pi-šu-ma la ú-nak-ki-lu ši-pir-šá |
| 7474 | ša ul-tu [...]-⸢qu⸣-ti ÍD.te-bil-ti i-ta-a-šá i-ba-ʾu-ma i-na uš-ši-šá ab-bu ú-šab-šu-ú ú-ri-ib-bu tem-me-en-šá |
| 7575 | ⸢É.GAL.TUR⸣.[...] ⸢a-na⸣ si-ḫir-ti-šá aq-qur-ma ša ÍD.te-bil-ti ma-lak-šá uš-ṭib-ma ú-še-šir mu-ṣu-šá |
| 7676 | ⸢i-na⸣ [x] še-[...] u₄-mi mit-ga-ri qé-reb ka-tim-ti a-sur-rak-ki-šá 1 UŠ šid-du 34 SAG.KI NA₄ KUR-i dan-nu ak-si-ma A.ŠÀ ul-tu ma-a-me ú-še-lam-ma na-ba-liš ú-še-me |
| 7777 | ⸢la-ba-riš u₄-me⸣ i-na ILLU kiš-šá-ti te-me-en-šu la e-né-ši as-kup-pat NA₄.pi-i-li rab-ba-a-ti a-sur-ru-šú ú-šá-as-ḫi-ra ú-dan-<ni>-na šu-pu-uk-šú |
| 7878 | 2 UŠ 40 ti-ib-ki ṣe-ru-uš-šin a-na e-la-ni tam-la-a ú-mal-li-ma e-li mi-ši-iḫ-ti É.GAL maḫ-ri-te ú-rad-di-ma ú-šá-an-di-la ti-sar-šá |
| 7979 | É.GAL ZÚ AM.SI GIŠ.ESI GIŠ.TÚG GIŠ.mu-suk-kan-⸢ni⸣ GIŠ.⸢EREN⸣ GIŠ.ŠUR.MÌN GIŠ.ŠIM.LI ù GIŠ.bu-uṭ-ni é-gal-zag-du-nu-tuku-a a-na mu-šab LUGAL-ti-ia ú-še-pi-šá ⸢qé-reb⸣-šá |
| 8080 | GIŠ.ÙR.MEŠ GIŠ.EREN tar-bit KUR.ḫa-ma-nim ša ul-tu ⸢ḫur-šá-a-ni ru-qu⸣-ú-ti nam-ra-ṣi-iš ib-⸢bab⸣-lu-ni ú-šat-ri-ṣa ta-ra-an-ši-in |
| 8181 | GIŠ.IG.ME GIŠ.ŠUR.MÌN ṣi-ra-a-ti ša i-na pe-te-e ⸢ù⸣ ta-a-ri e-re-sin ṭa-a-bu me-sér ZABAR nam-ri ú-rak*-kis-ma ú-rat-ta-a ba-bi-šin |
| 8282 | É ap-pa-a-te tam-šil É.GAL KUR.ḫat-ti ša i-na ⸢li⸣-šá-a-⸢ni⸣ KUR MAR.TU.KI É ḫi-la-a-ni i-šá-as-su-šú a-na mul-ta-ʾu-u-ti be-lu-ti-ia ú-še-pi-šá qé-reb-šin |
| 8383 | ⸢8 UR.MAḪ.MEŠ⸣ pe-tan ⸢bir-ki⸣ šu-ta-⸢tu⸣-ti ša ⸢i-na⸣ ŠÁR ŠÁR ŠÁR GÉŠ.U GUN URUDU nam-ru pi-ti-iq dnin-á-gal šu-pu-šu ma-lu-ú nam-ri-ri |
| 8484 | ⸢ù 2 tim-me šu⸣-ta-ḫu-ti ša ŠÁR GÉŠ.U GÉŠ.U GÉŠ.U GÉŠ.U GUN pi-ti-iq si-par-ri šu-ub-bu-ʾu a-di 2 tim-me GIŠ.EREN GAL.MEŠ ⸢UGU⸣ pìrig-gal-le-e ú-kin-ma dáp-pi ku-lul KÁ-ši-in e-mid |
| 8585 | ⸢er-bet UDU šad-di⸣ d⸢LAMMA ša KÙ⸣.BABBAR si-par-ri it-ti UDU šad-di dLAMMA ša NA₄ KUR-i eš-qí nak-liš ab-ni-ma a-na er-bet-ti šá-a-ri ú-šá-aṣ-bi-ta SI.GAR-ši-in as-mu |
| 8686 | ⸢as-kup⸣-[x x] ⸢pi⸣-i-li rab-ba-a-ti da-ád-me na-ki-ri ki-šit-ti ŠU.II-ia qé-reb-ši-in es-si-⸢ḫa⸣ a-sur-ru-ši-in ú-šá-as-ḫi-ra a-na tab-ra-a-ti ú-šá-lik |
| 8787 | GIŠ.⸢KIRI₆.MAḪ-ḫu tam-šil⸣ KUR.ḫa-ma-nim ša gi-mir ŠIM.ḪI.A.MEŠ GURUN ṣip-pa-a-te GIŠ.MEŠ tuk-lat šá-di-i ù KUR.kal-di qé-reb-šú ḫur-ru-šu i-ta-a-šá az-qu-up |
| 8888 | ⸢áš-šu⸣ za-⸢qa-ap⸣ ṣip-pa-⸢a⸣-[x] A.ŠÀ ta-mir-ti e-le-en URU 2(BARIG).TA.ÀM a-na DUMU.MEŠ NINA.KI pil-ku ú-pal-lik-ma ú-šad-gi-la pa-nu-uš-šú-un |
| 8989 | ⸢a-na⸣ miṭ-⸢ra-a⸣-ti šum-mu-ḫi ul-tu pa-a-ṭi URU.ki-si-ri a-di ta-mir-ti NINA.KI KUR-a ù bi-ru-tú i-na ak-kul-la-te AN.BAR ú-šat-tir-ma ú-še-šir ÍD.ḫar-ru |
| 9090 | [x x] ⸢KASKAL.GÍD⸣ [x]-qa-ru ul-tu qé-reb ÍD.ḫu-su-ur ma-a-me da-ru-ú-ti a-šar-šá ú-šar-da-a qé-reb ṣip-pa-a-te šá-ti-na ú-šaḫ-bi-ba pat-ti-iš |
| 9191 | ⸢ul-tu šip-ru⸣ É.GAL be-lu-ti-ia ú-qat-tu-ú ú-šá-an-di-la re-ba-a-ti bi-re-e-ti su-qa-a-ni uš-par-du-ma ú-nam-mir GIM u₄-me |
| 9292 | ⸢daš-šur EN GAL-ú⸣ DINGIR.MEŠ ù dIŠ.TAR.MEŠ a-ši-bu-ut KUR aš-šur.KI i-na qer-bi-šá aq-re-ma UDU.SISKUR.MEŠ taš-ri-iḫ-ti aq-qí-ma ú-šat-lim kàd-⸢ra⸣-a-a |
| 9393 | ⸢a-na⸣ ár-kàt u₄-me i-na LUGAL.MEŠ-ni DUMU.MEŠ-ia ša daš-šur a-na RE.É.[x x] ⸢KUR ù⸣ UN.MEŠ i-nam-bu-ú zi-kir-šú e-nu-ma É.GAL šá-a-tu i-lab-bi-ru-ma [x]-na-ḫu |
| 9494 | an-ḫu-sa lu-ud-diš MU.SAR-e ši-ṭir šu-me-ia li-mur-ma Ì.GIŠ lip-[x x] ⸢UDU⸣.SISKUR liq-qí a-na áš-ri-šú li-ter daš-šur ik-ri-bi-šú ⸢i⸣-šem-me |
| 9595 | 1 UŠ 34.TA.ÀM MU ŠID MU.SAR-e |