SM 1916.02.001 (RINAP 4 Esarhaddon 133, ex. 07) [Esarhaddon]
| Obverse | |
| Original line arrangement based on the composite text RINAP 4 Esarhaddon 133 | |
| 11 | a-na diš-tar GAŠAN šur-bu-ti e-tel-let AN-e u KI-tim qa-rit-ti DINGIR.MEŠ šá-ru-uḫ-ti |
| 22 | dINANNA UNUG.KI ru-ba-a-ti ṣir-ti le-qa-a-ti pa-ra-aṣ da-nu-ú-ti |
| 33 | šá ri-kis te-re-e-ti ḫa-am-mat |
| 44 | ru-um-ti ti-iz-qar-ti šá ana LUGAL mi-ig-ri-šá ke-niš ip-pal-la-su |
| 55 | BALA-šú ú-šal-ba-ru i-šar-ra-ku-uš da-na-nu u li-i-ti |
| 66 | šá-nun-ka-ti ad-na-a-ti šá-qu-ti DINGIR.MEŠ a-ši-bat é-nir-gál-an-na |
| 77 | šá qé-reb é-an-na be-let UNUG.KI GAŠAN GAL GAŠAN-šú |
| 88 | mAN.ŠÁR-ŠEŠ-SUM.NA LUGAL GAL-ú LUGAL dan-nu LUGAL kiš-šat LUGAL KUR aš-šur.KI LUGAL kib-rat LÍMMU-ti GÌR.NÍTA TIN.TIR.KI LUGAL šu-me-ri ù URI.KI |
| 99 | ti-ri-iṣ ŠU.II AN.ŠÁR i-tu-ut kun lìb-bi dEN.LÍL ni-bit dAMAR.UTU mi-gir dir-ni-ni |
| 1010 | šá ul-tu ṣe-ḫe-ri-šú ana AN.ŠÁR da-nim dEN.LÍL dIDIM d30 dUTU dIŠKUR dAMAR.UTU dAG dU.GUR u d15 |
| 1111 | DINGIR.MEŠ GAL.MEŠ EN.MEŠ-šú it-tak-lu-ma ni-iz-mat-su ú-šak-ši-du-uš i-mu-ru da-na-an-šú-un |
| 1212 | a-na nu-uḫ-ḫu lìb-bi DINGIR-ú-ti-šú-nu u nu-up-pu-uš ka-bat-ti-šú-nu GIŠ.MI-šú-nu da-ru-ú |
| 1313 | it-ru-ṣu UGU-šú |
| 1414 | ina e-muq AN.ŠÁR dEN DUMU dEN u d15 DINGIR.ME ti-ik-li-šú kul-lat KUR.KUR i-be-lu-ma |
| 1515 | gi-mir ma-li-ku ú-šak-ni-šú še-pu-uš-šu |
| 1616 | ba-nu-ú É AN.ŠÁR e-piš é-sag-íl u TIN.TIR.KI mu-ud-diš é-an-na |
| 1717 | mu-šak-lil eš-re-e-ti ma-ḫa-zu mu-kin-nu sat-tuk-ku |
| 1818 | LUGAL šá ina UD.MEŠ BALA-šú EN GAL-ú dAMAR.UTU ana TIN.TIR.KI sa-li-mu ir-šu-ú |
| 1919 | ina é-sag-íl É.GAL-šú ir-mu-ú šu-bat-su |
| 2020 | da-num GAL-ú a-na URU-šú BÀD.AN.KI u É-šú é-dim-gal-kalam-ma ú-še-ri-bu |
| 2121 | ú-še-ši-bu pa-rak da-ra-a-ti |
| 2222 | DINGIR.MEŠ KUR.KUR šá a-na KUR aš-šur.KI i-ḫi-šu-ni šu-kut-ta-šú-nu ud-diš-ma ul-tu qé-reb KUR aš-šur.KI |
| 2323 | a-na áš-ri-šú-nu ú-ter-šú-nu-ti-ma ú-kin is-qu-uš-šú-un |
| 2424 | NUN en-qu it-pe-šú ḫa-sis kal šip-ri šá ina ma-ḫa-zu GAL.MEŠ |
| 2525 | si-ma-a-ti iš-tak-ka-nu uš-te-ši-ru šu-luḫ-ḫa |
| 2626 | DUMU md30-ŠEŠ.MEŠ-eri-ba LUGAL ŠÚ LUGAL KUR aš-šur.KI DUMU mLUGAL-GIN LUGAL KUR aš-šur.KI |
| 2727 | GÌR.NÍTA TIN.TIR.KI LUGAL KUR šu-me-ru ù ak-ka-di-i |
| 2828 | li-ip-li-pi da-ru-ú šá dEN-ba-ni DUMU ma-da-si LUGAL KUR aš-šur.KI |
| 2929 | NUNUZ bal-til.KI šu-qu-ru NUMUN LUGAL-ú-ti ki-sít-ti ṣa-a-ti |
| 3030 | i-nu-ma é-an-na É da-nu-ú-tu na-ram d15 GAŠAN-ia šá LUGAL ma-ḫar i-pu-šu |
| 3131 | la-ba-riš il-lik-ma i-qu-pu É.GAR₈.MEŠ-šú |
| 3232 | áš-ra-ti-šú áš-te-eʾ-e ma-qit-ta-šú as-suḫ te-me-en-šú ú-ṣab-bi-ma ki-ma si-ma-ti-šú |
| 3333 | la-bi-ra-a-ti ina ši-pir dkulla ar-ṣip ú-šak-lil ki-ma šá-di-i re-e-ši-šú ul-li |
| 3434 | d15 GAŠAN šur-bu-ti ši-pir šu-a-ti ḫa-diš lip-pa-lis-ma a-mat MUNUS.SIG₅-ía liš-šá-kin šap-tuš-šá |
| 3535 | UGU kul-lat na-ki-ri li-šam-ri-ir GIŠ.TUKUL.MEŠ-ia |
| 3636 | ma-ti-ma ina aḫ-rat UD.MEŠ NUN EGIR-ú šá ina UD.MEŠ BALA-šú ši-pir šu-a-ti |
| 3737 | in-na-ḫu-ma ma-qit-ti i-raš-šu-ú áš-ra-ti-šú liš-te-eʾ-e ma-qit-ta-šú lik-šìr |
| 3838 | MU.SAR-ú ši-ṭir MU-ia Ì.GIŠ lip-šu-uš UDU.SÍSKUR BAL-qí ina áš-ri-šú liš-kun |
| 3939 | ik-ri-bi-šú DINGIR.MEŠ i-šem-mu-ú ur-ra-ak UD.MEŠ ú-rap-pa-áš kim-ti |
| 4040 | šá MU.SAR-ú ši-ṭir MU-ia ina ši-pir ni-kil-ti ib-ba-tu lu-ú a-šar-šú ú-nak-ka-ru |
| 4141 | d15 GAŠAN GAL-ti ag-giš lik-kil-me-šú-ma MU-šú NUMUN-šú ina nap-ḫar KUR.KUR li-ḫal-liq |