K 02627 + K 02666 + K 02676 (RINAP 3/2 Sennacherib 140) [Sennacherib]

[...] x x [...] x (x) x [...]

[qé-reb ḫur-šá-a-ni zaq-ru-ti A.ŠÀ nam-ra-ṣi i-na ANŠE.KUR.RA ar-kab-ma GIŠ.GIGIR GÌR.II-ia i-na ti-ik-ka-ti ú-šá-áš-ši áš-ru šup-šu-qu] i-na GÌR.II-ía ⸢ri⸣-[ma-niš] at-⸢tag⸣-giš

[URU.É-^mki-lam-za-aḫ URU.ḫa-ar-diš-pi URU.É-^mku-bat-ti URU.MEŠ-ni-šú-nu É BÀD.MEŠ dan]-⸢nu⸣-ti al-me KUR-ud ⸢UN⸣.[MEŠ ANŠE.KUR.RA.MEŠ ANŠE.KUNGA.MEŠ ANŠE.MEŠ GU₄.MEŠ ù US₅].⸢UDU⸣.ḪI.A ul-tu qer-bi-šú-<un> ú-še-ṣa-<am>-ma šal-la-tiš am-nu

[ù URU.MEŠ-šú-nu TUR.MEŠ ša ni-ba la i-šu-ú ap-pul aq-qur ú-še]-me kar-meš É EDIN kul-⸢ta⸣-[ri mu-šá-bi-šú-nu i-na ^dGIŠ.BAR aq]-⸢mu⸣-ma di-tal-liš ú-še-mi

[ú-ter-ma URU.É-^mki-lam-za-aḫ šu-a-tu a-na bir-tu-ti aṣ-bat UGU ša u₄]-⸢me⸣ pa-ni BÀD.MEŠ-šú ú-dan-⸢nin⸣-[ma UN.MEŠ KUR.KUR ki-šit-ti ŠU.II-ia ina] ⸢lìb⸣-bi ú-še-šib

[UN.MEŠ KUR LÚ.kaš-ši-i ù KUR LÚ.ia-su-bi-gal-la-a-a ša la-pa-an GIŠ.TUKUL.MEŠ-ia] ip-par-šid-du ul-tu qé-reb KUR-i ⸢ú-še⸣-[ri-dam-ma ina URU.ḫar-diš-pi URU].⸢É-^mku-bat-ti⸣ ú-šar-me

[i-na ŠU.II LÚ.šu-ut SAG-ia LÚ.EN.NAM URU.ar-rap-ḫa am-nu-šú-nu]-⸢ti⸣ NA₄.NA.RÚ.A ú-še-piš-ma li-i-tum ki-⸢šit⸣-ti [ŠU.II šá] UGU-šú-un ⸢áš⸣-[tak-ka-nu ṣe-ru]-⸢uš-šú⸣ ú-šá-áš-ṭir-ma ina qer-bi URU ul-ziz

[pa-an ni-ri-ía ú-ter-ma a-na KUR.el-li-pi aṣ-ṣa-bat ḫar-ra-nu el]-⸢la⸣-mu-u-a ^mis-pa-ba-a-ra LUGAL-šú-un URU.MEŠ-šú ⸢dan-nu⸣-[ti É] ⸢ni⸣-ṣir-ti-šú ú-⸢maš⸣-[šir-ma a]-na ru-qé-e-ti in-na-bit

[gim-ri KUR-šu DAGAL-ti GIM MURU₉ as-ḫu-up URU.mar-ú-biš-ti URU.ak]-⸢ku⸣-ud-du URU.MEŠ É LUGAL-ti-šú a-di 34 URU.MEŠ TUR.⸢MEŠ⸣ [šá li]-⸢me⸣-ti-šú-nu al-me ⸢KUR⸣-[ud ap-pul] ⸢aq⸣-qur ina ^dGIŠ.BAR aq-mu

[UN.MEŠ TUR GAL NITA u MUNUS ANŠE.KUR.RA.MEŠ ANŠE.KUNGA.MEŠ ANŠE.MEŠ ANŠE.GAM].⸢MAL⸣.MEŠ GU₄.MEŠ ù US₅.UDU.ḪI.A la-a mi-nam áš-lu-lam-ma ⸢a-di⸣ la ba-ši-⸢i ú⸣-[šá-lik-šú]-⸢ma⸣ ú-ṣa-aḫ-ḫi-ir ma-a-su

[URU.ṣi-ṣi-ir-tú URU.ku-um-ma-aḫ-lum URU.MEŠ dan-nu-ti a-di] ⸢URU⸣.MEŠ-ni TUR.MEŠ ša li-me-ti-šú-nu KUR.É-^mba-ar-ru-⸢ú⸣ [na]-⸢gu-u a-na gi⸣-[mir-ti-šú ul]-⸢tu⸣ qé-reb KUR-šú ab-tuq-ma UGU mi-ṣir KUR aš-šur.KI ú-rad-di

[URU.el-en-za-áš a-na URU LUGAL-ti ù dan-na-at na-ge-e šu]-⸢a⸣-te aṣ-bat-ma MU-šú maḫ-ra-a ú-nak-kir-ma URU.⸢kar⸣-[^m]⸢^dEN.ZU-ŠEŠ⸣.MEŠ-[eri-ba at]-⸢ta⸣-bi ni-bit-su

[UN.MEŠ KUR.KUR ki-šit-ti ŠU.II-ia i-na lìb-bi ú-še-šib i-na] ŠU.II LÚ.šu-ut SAG-ia LÚ.EN.NAM URU.ḫar-[ḫar] ⸢am⸣-nu-ma ú-[rap-piš] ma-a-ti

[i-na ta-a-a-ar-ti-ia ša KUR.ma-da-a-a ru-qu-ti ša i-na] ⸢LUGAL.MEŠ⸣ AD.MEŠ-ia ma-am-man la iš-mu-u zi-kir KUR-šú-un [man-da-at]-⸢ta⸣-šú-un ka-bit-tu ⸢am⸣-[ḫur a-na ni-ri be]-lu-ti-ia ú-šak-ni-su-nu-ti

[i-na šal-ši ger-ri-ia a-na KUR.ḫa-at-ti lu al-lik ^mlu-li-i] ⸢LUGAL⸣ URU.ṣi-du-un-ni pul-⸢ḫi me-lam⸣-me be-lu-ti-[ía] is-ḫu-up-šú-ma a-na ru-[uq-qí] MURUB₄ tam-tim in-na-bit

[URU.ṣi-du-un-nu GAL-ú URU.ṣi-du-un-nu ṣe-eḫ-ru URU.É-zi]-⸢it⸣-te URU.ṣa-ri-ip-⸢tú URU⸣.ma-ḫal-li-ba URU.⸢ú-šu⸣-ú URU.⸢ak⸣-[zi]-⸢bi⸣ URU.ak-ku-u

[URU.MEŠ-šú dan-nu-ti É BÀD.MEŠ-ni a-šar ri-i-ti ù maš-qí-ti] É tuk-la-a-te-šú ra-šub-bat GIŠ.TUKUL ^daš-šur ⸢EN⸣-ia is-ḫu-up-šú-nu-ti-⸢ma⸣ [ik]-nu-šú še-pu-u-a

[^mtu-ba-aʾ-lu i-na GIŠ.GU.ZA LUGAL-ti-šú UGU-šú-un ú-še-šib]-⸢ma⸣ GUN man-da-at-tú be-lu-ti-ía ⸢šat⸣-ti-⸢šam la ba-ṭa-lu⸣ [ú-kin] ⸢ṣe⸣-ru-uš-šú

[ša ^mmi-nu-ḫi-im-mu URU.sam-si-mu-ru-na-a-a ^mtu-ba-aʾ-lu URU.ṣi-du]-⸢un-na-a-a ^mab-di-li-iʾ⸣-[ti URU.a-ru]-⸢da-a-a⸣ [^mú-ru-mil-ki] ⸢URU⸣.gu-ub-la-a-⸢a⸣

[^mmi-ti-in-ti URU.as-du-da-a-a ^mbu-du-DINGIR KUR.É-am-ma-na-a-a ^mkam-mu]-⸢su⸣-na-ad-⸢bi⸣ [KUR].⸢ma⸣-ʾa-ba-a-a ^mda-⸢a⸣-ram-mu KUR.⸢ú-du⸣-um-⸢ma⸣-a-[a]

[LUGAL.MEŠ-ni KUR MAR.TU.KI ka-li-šú-nu IGI.SÁ-e šad-lu-ti ta-mar]-⸢ta⸣-šú-nu ka-⸢bit-tu⸣ a-di 4-šú a-na maḫ-ri-ia iš-šu-nim-ma ⸢iš⸣-ši-qu ⸢GÌR.II⸣-[ia]

[ù ^mṣi-id-qa-a LUGAL URU.is-qa-lu-na ša la ik-nu-šú a-na ni]-⸢ri⸣-ía DINGIR.MEŠ É AD-⸢šú šá⸣-a-šu DAM-su DUMU.MEŠ-šú DUMU.MUNUS.MEŠ-šú ŠEŠ.MEŠ-šú NUMUN É AD-šú as-su-ḫa-am-ma a-na KUR aš-šur.⸢KI⸣ ú-ra-áš-šú

[^mLUGAL-lu-dà-ri DUMU ^mru-kib-ti LUGAL-šú-nu maḫ-ru-ú UGU UN.MEŠ URU].is-qa-lu-na áš-⸢kun⸣-ma na-dan GUN kàd-re-e be-lu-ti-⸢ía⸣ e-mid-su-⸢ma⸣ i-šá-aṭ ab-šá-a-ni

[i-na me-ti-iq ger-ri-ia URU.É-da-gan-na URU.ia-pu-u URU.ba-na]-a-a-bar-qa URU.a-zu-ru URU.MEŠ šá ^mṣi-id-qa-a šá a-na GÌR.II-ía ár-ḫiš ⸢la ik-nu⸣-šá al-me KUR-ud áš-lu-la šal-la-su-un

[LÚ.GÌR.NÍTA.MEŠ LÚ.NUN.MEŠ ù UN.MEŠ URU.am-qar-ru-na ša ^mpa-di]-⸢i⸣ LUGAL-šú-nu EN a-de-e ù ⸢ma⸣-mit šá aš-šur.KI bi-re-tú AN.BAR id-du-ma a-na ^mḫa-za-⸢qi⸣-a-u KUR.ia-ú-da-a-a id-di-nu-šú nak-riš

[a-na an-zil-li e-pu-šu ip-làḫ lìb-ba-šú-un LUGAL.MEŠ KUR.mu-ṣu-ri LÚ].⸢ERIM.MEŠ⸣ GIŠ.PAN GIŠ.GIGIR.MEŠ ANŠE.KUR.⸢RA.MEŠ⸣ šá LUGAL KUR.me-luḫ-ḫa e-mu-qí la ni-bi ik-⸢te⸣-ru-nim-ma il-li-ku re-ṣu-su-un

[i-na ta-mir-ti URU.al-ta-qu-u el-la-mu-u-a si-id-ru] ⸢šit⸣-ku-nu ⸢ú⸣-šá-ʾa-lu GIŠ.TUKUL.MEŠ-šú-⸢un⸣ i-na tukul-ti ^daš-šur EN-ia it-ti-šú-un ⸢am-da⸣-ḫi-iṣ-ma áš-ta-kan BAD₅.BAD₅-šú-un

[LÚ.EN GIŠ.GIGIR.MEŠ ù DUMU.MEŠ LUGAL.MEŠ KUR.mu-ṣu-ra-a-a a-di LÚ.EN GIŠ].GIGIR.MEŠ šá LUGAL KUR.me-luḫ-ḫa bal-ṭu-us-su-un i-na MURUB₄ tam-⸢ḫa⸣-ri ik-šu-da ŠU.II-a-a

[URU.al-ta-qu-ú URU.ta-am-na-a al-me KUR-ud áš-lu-la šal]-⸢la⸣-su-un a-na URU.am-qar-ru-na aq-⸢rib⸣-ma LÚ.GÌR.NÍTA.MEŠ LÚ.NUN.MEŠ šá ḫi-iṭ-ṭu ⸢ú-šab⸣-šu-ú a-duk-ma i-na di-ma-a-te si-ḫir-ti URU a-lul pag-ri-šú-un

[DUMU.MEŠ URU e-piš an-ni ù gíl-la-ti a-na šal-la-ti am-nu] ⸢si⸣-it-<<TI>>-tu-te-šú-nu la ba-bil ḫi-⸢ṭi⸣-ti ù gul-lul-ti šá a-ra-an-[šú-nu] la ib-šú-u uš-šur-šu-un aq-bi

[^mpa-di-i LUGAL-šú-nu ul-tu qé-reb URU.ur-sa-li-im-mu ú]-še-ṣa-am-ma i-na GIŠ.GU.ZA be-lu-ti ⸢UGU⸣-[šú]-⸢un⸣ ú-še-šib-ma man-da-at-tú be-lu-⸢ti⸣-ía ú-kin ṣe-ru-uš-šú

[ša ^mḫa-za-qi-a-ú KUR.ia-ú-da-a-a šá la ik-nu-šú a-na ni-ri-ía 46 URU.MEŠ-šú É BÀD].⸢MEŠ^?⸣ dan-nu-ti ù URU.MEŠ ⸢TUR.MEŠ⸣ ša li-me-ti-[šú]-nu šá ni-ba la i-šu-u

[i-na šuk-bu-us a-ram-me ù qur-ru-ub šu-pe-e mit-ḫu]-uṣ zu-uk GÌR.II pil-ši [nik-si ù] ⸢kal-ba⸣-na-ti al-me ak-šud^ud

[2 ME LIM 1 ME 50 UN.MEŠ TUR GAL NITA u MUNUS ANŠE.KUR.RA.MEŠ ANŠE].⸢KUNGA⸣.MEŠ ANŠE.MEŠ ANŠE.GAM.MAL.MEŠ GU₄.[MEŠ ù US₅.UDU.ḪI.A šá] ⸢la⸣ ni-bi ul-[tu] qer-bi-šú-un ú-še-ṣa-am-ma šal-la-tiš am-nu

[šá-a-šú GIM MUŠEN qu-up-pi qé-reb URU.ur-sa-li-im-ma URU] ⸢LUGAL⸣-ti-šú e-sír-šu URU.ḪAL.⸢ṢU⸣.[MEŠ UGU-šú ú-rak-kis-ma a-ṣe]-⸢e KÁ.GAL URU-šú⸣ ú-ter-ra ik-ki-bu-uš

[URU.MEŠ-šú ša áš-lu-la ul-tu qé-reb KUR-šú ab-tuq-ma a-na ^mmi]-⸢ti⸣-in-ti LUGAL URU.as-⸢du⸣-[di ù ^mpa-di-i LUGAL URU.am-qar-ru-na ^mGISSU-EN] LUGAL KUR.ḫa-zi-te ad-din-ma ú-ṣa-aḫ-ḫir KUR-su

[e-li GUN maḫ-ri-ti na-da-an šat-ti-šú-un man-da-at-ti] ⸢kàd⸣-re-e be-lu-⸢ti⸣-[ía ú-rad-di-ma ú]-⸢kin⸣ ṣe-⸢ru⸣-uš-šú

[šu-ú ^mḫa-za-qi-a-ú pu-ul-ḫi me-lam-me be-lu-ti-ia is-ḫu-pu-šú]-ma LÚ.úr-bi ⸢ù⸣ [LÚ.ERIM.MEŠ-šú SIG₅.MEŠ ša a-na dun-nu-un URU.ur-sa-li-im-mu] URU LUGAL-ti-šú ú-še-ri-bu-u-ma ir-šu-u til-la-a-ti

[it-ti 30 GUN KÙ.GI 8 ME GUN KÙ.BABBAR ni-siq-ti gu-uḫ-li ták-kàs-si] ⸢NA₄.AN.ZA.GUL⸣.[ME GAL.MEŠ GIŠ.NÁ.MEŠ ZÚ GIŠ.GU.ZA.MEŠ né-me-di ZÚ KUŠ AM.SI ZÚ AM.SI GIŠ.ESI GIŠ].⸢TÚG⸣ mim-ma šum-šú ni-ṣir-tu ka-bit-tu

[ù DUMU.MUNUS.MEŠ-šú MUNUS.UN.MEŠ É.GAL-šú LÚ.NAR.MEŠ MUNUS.NAR.MEŠ a-na qé-reb NINA.KI URU be-lu-ti-ía EGIR-ia ú-še-bi-lam-ma a-na na-dan man-da-at-ti ù] ⸢e⸣-peš ARAD-u-ti iš-pu-ra rak-bu-šu

[i-na 4-e ger-ri-ia ... ú-šad]-⸢gi⸣-lu pa-nu-uš-⸢šú⸣

[...] x x [...]