K 01356 (RINAP 3/2 Sennacherib 160) [Sennacherib]

^md30-PAP.MEŠ-SU MAN KUR aš-[šur].⸢KI⸣ e-piš ṣa-lam AN.ŠÁR ù DINGIR.MEŠ GAL.MEŠ

⸢É⸣ a-ki-it EDIN šá ⸢EZEN⸣ [qé-re-ti] ⸢šá ul⸣-tu UD.MEŠ SÙ.MEŠ im-ma-šu-u

[ina] ⸢bi-ri⸣ qí-bit ^dUTU u ^d[IŠKUR DÙ-uš^? é-(a)-ab^?]-⸢ba^?⸣-ug₅-ga É ka-mu-u ⸢tam^?-tim⸣ MU-šú am-bi

MU É pa-pa-ḫi-šú é-dùb-⸢dùb-ab⸣-[ba É mu-ri^?]-⸢ib^?⸣ ki-ṣir tam-tim ni-bit-su az-kur

⸢KÁ⸣.GAL ZABAR ḪUŠ.A šá ma-la a-ga-⸢sa⸣-[lak-ki ina] ši-pir ^dSIMUG

[u] nik-lat NÍ-ia ú-še-piš-ma ṣa-lam [AN.ŠÁR šá a-na ŠÀ ti-amat] ṣal-ti DU-ku

⸢GIŠ.PAN⸣ ki-i šá na-šu-ú ina GIŠ.GIGIR šá ra-ak-bu a-bu-⸢bu⸣ [šá ṣa]-⸢an⸣-du

^dMAR.TU šá a-na mu-kil ap-pa-a-ti it-ti-šú rak-bu a-⸢na⸣ [UGU] ⸢pi⸣-i šá ^dUTU u ^dIŠKUR

ina bi-ri ⸢iq-bu⸣-nim-ma ṣe-er KÁ.GAL šá-a-šú e-ṣir DINGIR.[MEŠ ma-la] ina IGI-šú DU-ku

ù EGIR-šú DU-ku šá ru-ku-bu rak-bu šá ina GÌR.II-šú-<nu> DU-ku ⸢man⸣-[zal-ta-šú]-⸢nu⸣ ki-i šá ina IGI AN.ŠÁR

si-id-ru u EGIR AN.ŠÁR si-id-ru ti-amat <EN> nab-⸢nit⸣ [qer-bi]-⸢šú⸣ šá AN.ŠÁR MAN DINGIR.MEŠ

a-na lìb-bi-šú ṣal-ti il-la-ku a-na ⸢UGU pi⸣-i šá ^dUTU u ^dIŠKUR ṣe-er KÁ.GAL šá-a-šú e-ṣir

si-it-ti DINGIR.MEŠ šá ina GÌR.II-šú-nu il-la-ku ina UGU pi-i ⸢šá⸣ ^dUTU u ^dIŠKUR

⸢KIMIN^?⸣ a-di la-a AN.ŠÁR ti-amat i-kam-mu-u ú-ma-ma-a-nu šá ti-amat i-na-áš-šá-a

[x (x) x].⸢MEŠ⸣-šú i-nam-di-nu ki-i an-⸢ni⸣-i ina GÌR.II-šú-nu i-du-ul-lu

[x x] x [x (x)] ⸢šá⸣ it-te-šú-nu la eṣ-[ru a-na] ⸢UGU pi⸣-i šá ^dUTU u ^d⸢IŠKUR⸣ la e-⸢ṣir⸣

[a]-⸢na KÁ.GAL šu⸣-a-ti áš-ṭu-ru-⸢ma⸣ [...] KÙ.BABBAR KÙ.GI ⸢ZABAR⸣ še-er-⸢ḫiš⸣

⸢ul-ziz⸣ ú-nu-ut KÙ.BABBAR KÙ.GI ⸢ZABAR⸣ [ḪUŠ.A] ⸢ḫe⸣-pu-u ul-tu UGU 1 LIM ⸢GUN⸣

a-di 1 GÍN šub-šu-lim-ma a-ḫa-meš ṣa-ba-tu mu-nak-kil nik-la-te-šú-nu

ṣa-bit pít-qí-šú-nu a-le-ʾe-e a-na-ku šum-ma šá bu-šul šá ZABAR šá-a-šú

⸢a⸣-na qip-ti la ta-šak-kan at-mi LUGAL DINGIR.MEŠ AN.ŠÁR DINGIR ba-ni-ia

⸢šum⸣-ma a-šar mál-ṭa-ru an-nu-ú šaṭ-ru u maš-kán ṣa-lam AN.ŠÁR u ṣa-lam DINGIR.MEŠ

ma-la it-ti-šú a-na ŠÀ ti-amat ṣal-ti il-la-ku eṣ-ru la pít-qa šu-ú

la a-na-ku ú-šab-ši-lu a-na it-ḫu-ra-nu-ti áš-šú li-iḫ-ḫa-kim

AN.NA ina lìb-bi uš-šá-am-id ina ŠÀ an-nim-ma ḫi-kim ki-i pít-qa šu-u ana-ku ú-šab-ši-lu

ṣa-lam AN.ŠÁR šá a-na ŠÀ ti-amat ṣal-ti DU-ku ṣa-lam ^md30-PAP.MEŠ-SU MAN KUR aš-šur

^dšár-ur₄ ^dšár-gaz ^dkà-kà ^dnusku ^d⸢DI.KU₅⸣ ^dtišpak ^dMAŠ šá BÀD

^dkù-sù ^dḫa-ìa ^d7.BI an-nu-ti DINGIR.MEŠ šá ina IGI AN.ŠÁR il-la-ku

^dNIN.LÍL ^dše-ru-ùʾ-a ^d30 ^dNIN.GAL ^dUTU ^da-a ^dGÚR-KUR

^da-num an-tum ^dIŠKUR ^dša-la ^dé-a ^d⸢dam⸣-[qí-na (...)]

^dbe-let-DINGIR.MEŠ ^dMAŠ an-nu-ti DINGIR.MEŠ šá EGIR AN.[ŠÁR DU]-⸢ku⸣

⸢GIŠ⸣.TUKUL ka-ši-du ina GIŠ.GIGIR AN.ŠÁR šak-nu

⸢ti⸣-amat a-di nab-nit qer-bi-šú