K 01280 (RINAP 3/2 Sennacherib 149) [Sennacherib]

^md30-PAP.MEŠ-SU MAN ŠÚ MAN KUR AŠ i-na KUR.MEŠ dan-nu-ti

ša bal-ṭi ša re-ʾi ḫa-a-mu ḫu-ṣa-bu i-na lìb-bi

la-áš-šu-ni GIŠ.gu-up-ni dan-nu-ti ša GIŠ.e-eʾ-ri

i-na lìb-bi še-ru-ʾu-ú-ni šá-a-ru dan-nu

ka-a-a-ma-nu i-na bir-tu-uš-šu-nu a-la-ku

la i-par-ra-as i-na šá-ka-a-ni ša ma-dak-ti-ia

bal-ṭu 2-ú i-na ŠÀ-šu maš-ka-na la^* ub^*-la^*

ana-ku a-di ERIM.ḪI.A-ia ú-sa-am-ri-iṣ ina muḫ-ḫi-šú-nu

(erasure) ar-ti-di

É-⸢ku^*⸣-bat

^mdAMAR.UTU-A-SUM.NA LUGAL KUR.kár-^ddun-ía-àš

ti-ib MÈ-ia e-dúr-ma TÚG.ṣu-ba-tú be-lu-ti-šú

ú-šar-riṭ-ma (erasure) TA KÁ.DINGIR.MIN.KI ur-ru-ḫi-iš ú-ṣi

^mšu-zu-bu LUGAL NÍ.GI ša LUGAL-ut KÁ.DINGIR.RA.KI ra-ma-nu-uš

ú-ter-ru ḫur-ba-šú ta-ḫa-zi-ia im-qu-su-ma

ir-šá-a <ma>-na-aḫ-tú ul-tu ṣe-er ANŠE.KUR.RA qaq-qa-riš

im-qu-ut

[(x x)] KUR EME.GI₇

[(x x)] KUR.eme-luḫ-ḫa