K 00221 + K 02669 (RINAP 4 Esarhaddon 048, ex. 02) [Esarhaddon]

[...] ⸢a-na LUGAL-ti⸣

[...] UGU-ia

[...] ke-niš im-bu-ú

[...] iš-ru-ku-in-ni-ma

[...]-uš DINGIR.MEŠ GAL.MEŠ

[...] ip-tu-u ḫa-si-si

[...] ŠÚ LUGAL KUR aš-šur.KI LÚ.GAR ^dEN.LÍL LÚ.SANGA ^daš-šur

[...] KÁ.DINGIR.RA.KI LUGAL KUR šu-me-ri u ak-ka-de-e

[...] GAL ^dtaš-me-tum NUN-u mun-tal-ku

[...] ni-bit ^diš-tar šá URU.ni-na-a šar-ra-tú GAL-tú

[...] URU.LÍMMU-DINGIR ina ni-iš IGI.II-šá nam-ra-a-ti tu-ut-tu-šu-ma

[...] MAN KUR.SU.BIR₄.KI KUR MAR.TU KUR.gu-ti-i KUR.ḫat-ti DAGAL-tim

[...] LUGAL LUGAL.MEŠ NI.TUK.KI KUR.má-gan KUR.me-luḫ-ḫa LUGAL kib-rat LÍMMU-tim

[...]-liḫ zik-ri AN.ŠÁR ^dAG ^dAMAR.UTU mu-kil ik-kib ^dEN.LÍL ^d30 ^dUTU ^dIŠKUR

[...]-ú pa-liḫ DINGIR.MEŠ GAL.MEŠ muš-te-eʾ-ú áš-rat DINGIR-ti-šú-nu GAL-ti

[...] ṣe-ḫe-ri-šú a-di ra-bé-šú be-lut-su-nu pu-qu-ma quru-us-su-nu dal-lu₄

LUGAL [x] ina u₄-me BALA-šú DINGIR.MEŠ GAL.MEŠ a-na eš-ret ma-ḫa-zi-šú-nu sa-li-mu ir-šú-u iš-ku-nu ta-a-a-ár-tú

^dUTU-šú kiš-šat UN.MEŠ ṣu-lul SIG₅ re-ʾu-ú tak-lum na-qid ṣal-mat SAG.DU

NUMUN LUGAL-ti da-ru-ú NUNUZ bal-til.KI šu-qu-ru ḫi-šiḫ-ti é-šár-ra šá ŠU.II-šú el-la

i-šip-pu mu-ub-bi-ib ṣa-lam DINGIR.MEŠ GAL.MEŠ ba-nu-u É AN.ŠÁR e-piš é-sag-íl u KÁ.DINGIR.RA.KI

ša [x].MEŠ KUR.KUR šal-lu-u-ti a-na áš-ri-šú-nu ú-ter-ru-ma ú-šar-mu-u pa-rak da-ra-a-ti

ša eš-ret kul-lat ma-ḫa-zi u₄-me-šam-ma KÙ.BABBAR KÙ.GI ú-šal-bi-šu SÁ.DUG₄ gi-nu-ú ú-kin-nu qé-reb-šin

[x]-šak-lil par-ṣi mu-kin SÁ.DUG₄ šá-rik šér-ki NIDBA.MEŠ GAL.MEŠ a-na gi-mir é-kur-ri

[...] ša a-na e-peš UDU.SISKUR.MEŠ šul-lum par-ṣi la ip-par-ku-ú i-na-ṣa-ru u₄-mu DINGIR iš-še-e-šú

[x]-⸢ṣir ki-din⸣-nu-ut bal-til.⸢KI⸣ [x x] šu-ba-re-e NIBRU.KI KÁ.DINGIR.RA.KI bár-sipa.KI ZIMBIR.KI

SAḪAR.MEŠ [...]-šib qé-reb-šú-un mu-šal-li-mu ḫi-bil-ti-šú-un

[x] UN.MEŠ [...] ú-pa-aḫ-ḫi-ru-ma ú-še-[...]-ti ne-eḫ-ti

[...]-mu-ur-[x x] šá a-na šum-qut a-a-bi KUR ^d[...] DINGIR.MEŠ ú-šat-bu-u GIŠ.TUKUL.MEŠ-šú

[...] ur-ša-a-nu šá [x]-na ka-šad na-ki-ri it-ti-šú it-tal-la-ku DINGIR.MEŠ re-ṣe-e-šú

a-šá-red kal mal-ki šá ul-tu [x]-it ^d[x]-ši a-di e-reb ^dUTU-ši i-šá-riš it-tal-la-ku-ma GABA.RI la i-šú-u

[...].MEŠ-SU [...] MAN ŠÚ [x x] aš-šur.KI DUMU ^mLUGAL-GIN MAN ŠÚ MAN KUR aš-šur.KI GÌR.NÍTA KÁ.DINGIR.RA.KI MAN KUR EME.GI₇ u URI.KI

[...]-ti šá ^mdEN-DÙ MAN KUR aš-šur.KI ki-sít-ti ṣa-a-ti šá du-rug-šú bal-til.KI

šá ul-tú [...] a-na be-lut KUR u UN.MEŠ na-gab-šá a-na šu-lu-ku a-na LUGAL-ti

iš-šak-[...].ŠÁR i-ṭi-bu-ma na-dan zi-bi-šú-un iḫ-šu-ḫu DINGIR.MEŠ šu-ut AN KI

ina SAG LUGAL-ti-ia ina maḫ-re-e BALA-ia šá AN.ŠÁR LUGAL DINGIR.MEŠ ina GIŠ.GU.ZA AD-ia ṭa-biš ú-še-ši-ban-ni

[x] a-num AGA-šú ^dEN.LÍL GIŠ.GU.ZA-šú ^dnin-urta GIŠ.TUKUL-šú ^dU.GUR šá-lum-mat-su ú-šat-li-mu-in-ni-ma

[x]-šak-na-nim-ma ina šá-ma-me u [x x]-ri Á.MEŠ SIG₅-tim šá ud-du-uš DINGIR.MEŠ ba-nu-u eš-re-e-ti

[x] SAG.ME.NÍG ib-ìl-ma ina ITI.[x] ú-qar-rib-ma a-šar [x x] uš-tap-pa-a GUB-iz

[x x]-ni-ma ina ITI.BAD.KÁ a-šar ni-ṣir-ti ik-šu-dam-ma i-kun šub-tu-uš-šú

áš-šú le-e-ti šá-ka-nu ga-me-ru-tú e-pe-ši gis-kim-ma MUNUS.SIG₅ ú-šak-li-ma šá e-reb é-sag-íl

[x].MEŠ AN-e ina man-za-zi-šú-nu DU.MEŠ-ma ḫar-ra-an [...]-še-ru ú-ru-uḫ la kit-ti

[x]-šam-ma ^d30 ^dUTU ina IGI.LAL-šú-nu šá ud-du-uš DINGIR.MEŠ šuk-lul eš-ret [...]-ia šur-šu-du [...]

an-nu ke-e-nu [...] a-ḫa-meš

[...] AN.ŠÁR-PAP-AŠ MAN ŠÚ MAN aš-šur.KI am-ru ni-iš IGI.II [...] GAL.MEŠ

GEŠTU.II DAGAL-ti ḫa-sis-si pal-ke-e šá iš-ru-ka [...] ^dnu-dím-mud

[x (x)] igi-gál-lu-ti šá AN.ŠÁR u ^dAMAR.UTU a-na ud-du-uš DINGIR.MEŠ GAL.[...]

[...] ni-iš ŠU.II ut-nen-ni la-ban ap-pi šá AN.ŠÁR MAN DINGIR.MEŠ ù [...]

[...]-ti man-[...]-u DINGIR.MEŠ u ^diš-ta-ri [...]

[...]-me-ti la na-ṭil-ti šá ra-[...] ti-du-ú [...]

[...]-ú [...] ku-um-mu qa-tuk-ku-un ina ra-ma-[...]

[...] ib-šu-u li-in-né-pu-uš ina la šu-un-na-a-te [...]

[...] um-ma-a-ni en-qu-ú-ti šá taq-ba-a a-na e-peš [...]

[...] ^dé-a ba-ni-šú-nu uz-nu ṣir-ti šur-ka-šu-nu-ti-ma Á.GÁL-u-tú šu-[...]

qí-bi-ti-ku-nu ṣir-tu mim-ma lip-ta-at ŠU.II-šú-un li-šam-si-ku [...]

[...] de-ni ^dUTU u ^dIŠKUR pal-ḫiš ak-tam-mis-ma a-na EŠ.BAR [...]

LÚ.IBILA.MEŠ ḪAL.MEŠ ú-šat-ri-iṣ a-na e-reb [...]

UGU bal-til.KI KÁ.DINGIR.RA.KI u NINA.KI bi-ru [...]

UGU DUMU.MEŠ um-ma-ni e-peš šip-ri ù šu-ru-ub pi-riš-ti qa-ta-a-te a-ḫi-[...]

UZU.UR₅.ÚŠ.MEŠ ki-i pi-i iš-ten in-da-ḫar-a-ma e-pu-lu-in-ni [...]

[x] bal-til.KI URU pa-le-e šu-bat AD DINGIR.MEŠ AN.ŠÁR iq-bu-ni e-reb É [...]

ù ša DUMU.MEŠ um-ma-a-ni e-peš šip-ri ú-ad-du-u-ni zi-kir MU-[...]

UZU ti-kil-ti šal-mu-te DUMU.MEŠ LÚ.ḪAL a-na e-peš šip-ri šu-a-tú ki-a-am iq-[x x]

[x]-uḫ-miṭ it-id pit-qád na-de-e a-ḫi la ta-raš-ši ú-zu-un-ka a-šar šá-nam-ma la [...]

[x]-na-šú-un ke-e-nu la muš-pe-lu at-ta-kil-ma ar-ta-ḫu-uṣ lìb-[x]

[x] ITI šal-mi u₄-me še-me-e ina ITI.ZÍZ ITI bi-bil lìb-bi šá ^dEN.[x]

[x] É mu-um-me a-šar te-diš-ti šá lìb-ba-šú-un ub-la e-ru-um-[x]

[x].MEŠ KÙ.DÍM.MEŠ TIBIRA.MEŠ BUR.GUL.MEŠ DUMU.MEŠ um-ma-ni le-ʾu-u-ti mu-de-e pi-riš-[x]

[x] É šá ina bi-ri ^dUTU u ^dIŠKUR ú-ad-di-šú lu ú-še-rib lu ú-še-šib-šú-nu-ti

[x].GI SA₅ e-per šad-di-šú šá [x x] la ip-ti-qu-šú a-na ši-pir ni-kil-ti

NA₄.MEŠ na-as-qu-u-ti la [...]-me šá ni-i-ba la i-šu-u nab-nit ḫur-šá-a-ni

šá ^dé-a a-na ši-pir EN-[...]-mat ME.LÁM ra-biš i-šim-šú-nu-ti

a-na [x x] DINGIR.MEŠ GAL.MEŠ [...]-iq-ni DINGIR-ti-šú-nu ma-aʾ-diš uš-tar-si-ma ŠU.II.MEŠ-šú-nu KÙ.MEŠ ú-šam-li

AGA ni-kil-tú si-mat EN-u-ti ša AN.ŠÁR LUGAL DINGIR.MEŠ EN-ia šá KÙ.GI ḪUŠ.A NA₄.MEŠ ni-siq-ti ú-še-piš-ma ú-ter [...]

[...] la-biš me-lam-me za-in bal-tu na-ši šá-lum-ma-tu ḫi-it-lu-up nam-ri-[x]

[x x] AN.ŠÁR EN GAL-e ma-aʾ-diš im-ḫur-ma i-ṭib ka-bat-ta-šú im-me-ru zi-mu-šú

^dEN ^dGAŠAN-ia₅ ^dbe-let-KÁ.DINGIR.RA.KI ^dé-a ^dDI.KU₅ DINGIR.MEŠ GAL.MEŠ

qé-reb é-šár-ra É za-ri-šú-nu ke-niš im-ma-al-du-ma iš-mu-ḫu gat-tu

ina ṣa-ri-ri ru-uš-še-e nab-nit a-ra-al-li e-per šad-di-šú ú-šar-ri-ḫa nab-nit-sún

ti-iq-ni MAḪ.MEŠ šu-kut-tu a-qar-tú ki-šad-su-un ú-taq-qin-ma ú-ma-al-la-a GABA-su-nu

mim-mu-ú EN GAL-ú ^dAMAR.UTU ina lìb-bi-šú ib-šu-u ub-la ka-bat-ta-šá šá šar-ra-ti ^dNUMUN-DÙ-ti

ṣa-al-me DINGIR-ti-šú-nu GAL-ti UGU šá u₄-me pa-ni nak-liš ú-ba-áš-ši-mu

ma-aʾ-diš ú-šar-ri-ḫu bal-tu ú-šag-li-du ú-šá-an-bi-ṭu GIM ^dUTU-ši

KI.TUŠ GIŠ.MES.MÁ.KAN.NA iṣ-ṣi da-re-e a-di kil-zap-pi KÙ.GI ḪUŠ.A lit-bu-šú

a-na ^dtaš-me-tum [x x]-ti a-ši-bat é-umuš-a pa-paḫ ^dAMAR.UTU šá qé-reb TIN.TIR.KI eš-šiš DÙ-uš

^dAN.MAR.TU [...] AN-e u KI-tim mu-ub-bi-ib é-sag-gíl a-šib é-nam-tag-ga-du₈-a ud-diš

^dab-šú-šú ^dab-ta-gi₄-gi₄ a-ši-ib é-giš-ḫur-an-ki-a É ^dGAŠAN NINA.KI

u DINGIR.MES ^dU.DAR.MES ma-la AN.ŠÁR u ^dAMAR.UTU iq-bu-u ud-diš-ma a-na áš-ri-šú-nu ú-ter

[x x] ^dGAŠAN-de-ri ^dMUŠ ^dEN-TI.LA ^dku-ru-ni-tum ^dsak-kud šá bu-bé-e.KI ^dDUMU.É a-na BÀD.AN.KI URU-šú-nu ú-ter

[x x]-ṣur-a-mat-sa ma-li-kàt mil-ki ṣa-bi-ta-at ab-bu-ut-ti a-na UNUG.KI URU-šá ú-ter

[...] URU.la-ar-sa a-na URU.la-ar-sa ^dḫum-ḫum-ia₅ ^dšu-qa-mu-na ^dši-i-ma-li-ia₅

[...] ZIMBIR.KI-^da-ru-ru ú-ter

[x x]-ma gi-mir ERIM-ni-ia KUR.kár-^ddun-ía-àš DÙ-šá GIŠ.al-lum tup-šik-ku ú-šá-áš-ši-šú-nu-[x]

[...] ZÚ AM.SI GIŠ.ESI GIŠ.TÚG GIŠ.MES.MÁ.KAN.NA ú-šal-bi-na SIG₄.ḪI.A

[...] LÀL Ì.NUN.NA kur-ru-un-nu mu-tin-nu ši-kar KUR-i ab-lu-[x x]-la-ru

[...]-me še-me-e šá é-ḫur-sag-gal-kur-kur-ra mar-kas AN-e KI-tim [...] EN-ia

[...]-gíl É.GAL DINGIR.MEŠ ri-mit EN GAL-e ^dAMAR.UTU URU.KÁ.[...]-šú

[...]-šiḫ-ti ŠIM.ḪI.A [x x].NUN.NA GEŠTIN ku-ru-un-nu x-[...]-ḫa-meš

[...] AMAR.UTU EN GAL-u ep-šet BÁRA [...]-su-us-ma

[...]-ti DINGIR-ti-šú šul-[...]

[...]-bu ṣe-[...]

[...] LI [...]-a

[...]-ku-nu [...]

[...] x EN [...]

[...] ina [...]

[...] LA [...]

[...] ÚR x

[...].NUN.NA

[...] E.KI

[...]-kis

[...]-su