K 00192 (+) K 04513 (RINAP 4 Esarhaddon 116) [Esarhaddon]

[...] (traces) [...]

[... a]-⸢na^?⸣ be-el-ti-šá ul i-šem-[me]

[DINGIR.MEŠ-ši-na i-bu-ka-ma i-me-šá ^diš-tar-šin par-ṣi]-⸢ši⸣-na ú-maš-ši-ra-ma šá-na-tim-ma ir-ka-⸢ba⸣

[... ḫi]-⸢ṭi⸣-tu šur-šu-ú a-sak-ku ak-lu

[... sat-tuk]-⸢ku⸣ ú-šab-ṭa-lu ú-šab-šu-ú ri-kil-tú

[a-na NÍG.ŠU é-sag-gíl u DUMU E.KI] ⸢ŠU.II⸣-su-nu ú-bi-lu-u-ma im-šu-ʾu NÍG.ŠU.MEŠ-šú

[KÙ.GI KÙ.BABBAR NA₄.MEŠ^? ša qé]-⸢reb⸣ É.KUR a-na KUR.e-lam-ti ip-šu-⸢ru⸣ ma-ḫi-riš

[... ^d]⸢EN⸣.LÍL ip-pa-lis-ma e-zi-iz lìb-ba-šú ⸢ka⸣-bat-tuš iṣ-ṣa-ri-iḫ

[^dEN.LÍL.LA₅ DINGIR.MEŠ EN KUR.KUR a]-⸢na⸣ sa-paḫ KUR u UN.MEŠ ik-ta-pu-ud le-mut-⸢tu⸣

[a-na sa-pan KUR ù ḫul-lu-uq UN].⸢MEŠ⸣-šá lib-⸢bu⸣-uš e-ziz-ma ar-rat ma-ru-uš-ti iš-šá-kin ina ⸢pi-i⸣-šú

[ina AN-e u KI-tim Á.MEŠ ḪUL]-tim ma-gal it-ta-nab-šá-a ša ḫa-laq mit-ḫar-tim

[KASKAL šu-ut ^dEN.LÍL KASKAL šu-ut ^d60 KASKAL] šu-ut ^dé-a man-za-su-nu ú-lam-mì-nu uš-ta-nak-la-mu GISKIM.MEŠ šal-pú-ti

[...] x KI mit-ḫa-riš it-ta-nak-ki-ra i-da-a-ti-⸢šá⸣

⸢ÍD⸣.[a-ra-aḫ-ti ÍD ḪÉ.GÁL a]-gu-u šam-ru e-du-u ez-zu ILLU kaš-šu tam-šil a-bu-bi ib-bab-lam-ma

URU [šu-bat-su eš-re-e-ti-šu A].⸢MEŠ⸣ uš-bi-iʾ-ma ú-še-mi (over erasure) ú-šal-liš

DINGIR.⸢MEŠ⸣ [(ù ^d15.MEŠ) a-šib lìb-bi-šú iṣ]-ṣu-riš ip-par-šú-ma e-lu-ú šá-ma-meš

^dALAD.⸢MEŠ⸣ [^dLAMMA.MEŠ ... ip-par]-⸢ši^?⸣-id-du-ma it-ta-nam-gi-šú a-ḫa-a-ti

UN.MEŠ a-šib ⸢lìb^?⸣-[bi-šú a-šar šá-nam-ma in-nar]-⸢qu⸣-ma ina er-ṣe-et la i-du-ú e-ḫu-zu pu-uz-ra-⸢te⸣

a-di UD.MEŠ im-⸢lu⸣-[u lìb-bi EN GAL]-⸢e⸣ ^dAMAR.UTU i-nu-ḫu-ma a-na KUR ša e-ni-nu ir-šu-ú sa-li-⸢mu⸣

70 MU.AN.NA.MEŠ ⸢im⸣-[lu-ú ... 11^? MU.AN.NA].⸢MEŠ⸣ eš-ṭur-ma re-e-mu ir-ši-ma ⸢iq⸣-ta-bi a-ḫu-lap

ia-a-ti ^m⸢^daš⸣-[šur-ŠEŠ-i-di-nam ...] ⸢mu⸣-du-ú pu-luḫ-ti DINGIR-ti-šú GAL-ti

⸢i-na re-eš LUGAL⸣-[ti-ia ina maḫ-re-e BALA-ia ša ina GIŠ].⸢GU.ZA⸣ SANGA-ti ú-ši-bu-ma a-ge-e be-lu-ti a-⸢pi⸣-ru-⸢um-ma⸣

[... iš-šak-na]-⸢nim-ma ša šu⸣-šu-ub URU u É uš-ta-nak-la-man-ni ⸢SIG₅-tu Á^?-ti^?⸣

[MUL.SAG.ME.NÍG (mut-tan-bi-ṭu pa-ri-is EŠ.BAR KUR URI.KI) ina ITI.SIG₄ ú-qar]-⸢rib⸣-ma ⸢a-šar⸣ ^dUTU ul-tap-pa-a i-zi-iz ba-⸢ìl zi⸣-mu-šú sa-⸢a⸣-[mu]

[... ŠÈG].⸢MEŠ⸣ ṭáḫ-du-ti ILLU.MEŠ sad-ru-[ti ina KUR URI.KI] ⸢GÁL.MEŠ⸣

[uš-taš-ni-ma ina ITI.BAD.KÁ a-šar ni]-ṣir-ti ik-šu-dam-ma ⸢i^?⸣-[na KI.TUŠ-šu i-kun]

[áš-šú li-i-ti šá-ka-nu ga-me-ru-tu] ⸢e-pe-ši⸣ gis-kim-ma SIG₅-tim ú-⸢šak⸣-[li-ma šá e-reb é-sag-gíl ITI-šam-ma ^d30 ^dUTU]

[ina IGI.LAL-šú-nu šá (ud-du-uš DINGIR.MEŠ) šuk-lul eš-ret ma-ḫa-zi ku-tu-un]-ni BALA-ia šur-šu-du GIŠ.GU.ZA SANGA-ti-ia an-nu [ke-e-nu e-tap-pa-lu a-ḫa-meš]

[ina GEŠTU.II DAGAL-ti ḫa]-sis-si pal-ke-e ša iš-ru-[ka ABGAL DINGIR.MEŠ NUN ^dnu-dím-mud]

[a-na šu-šu-ub URU šá-a-šú ud-du-uš eš-re-e]-⸢ti⸣-šú nu-um-mur ma-ḫa-zi ina uz-ni-⸢ia⸣ [ib-ši-ma uš-ta-bil ka]-⸢bat-ti⸣

[a-na e-peš šip-ri šu-a-ti áš-ḫu-ut ak]-kud-ma (erasure) ša ^dUTU ^dIŠKUR ^dAMAR.UTU DI.KU₅.⸢GAL DINGIR⸣.[MEŠ EN.MEŠ-ia ak-ta-mis ma]-⸢ḫar-šú-un⸣

[ina ma-kal-ti LÚ.ḪAL-ú-ti Á]-ti SIG₅-tim iš-šak-nu-nim-ma ša šu-šu-ub URU ud-⸢du-uš⸣ [é-sag-gíl] ⸢ú-šá-áš-ṭi-ru a-mu-ti⸣

[a-na an-ni-šú-nu ke-e-nu at-kal]-⸢ma⸣ ad-ke-ma gi-mir ERIM.ḪI.A-ia u KUR.⸢kár-^ddun-ía-àš tup-šik-ku <e>-mid-da GIŠ.al-lu ú⸣-šat-rik-šú-nu-⸢ti⸣

[ina Ì.GIŠ DÙG.GA LÀL Ì.NUN.NA KURUN.NAM] mu-tin-ni ši-⸢kar⸣ KUR-i ab-⸢lu⸣-la ta-ra-aḫ-ḫuš

[ina GIŠ.Ù.ŠUB.MEŠ GIŠ.MES.MÁ.KAN].⸢NA⸣ AD.ME.KÁR a-na né-ri-šá ⸢ú⸣-šal-bi-na li-bit-tuš

[DUMU.MEŠ LÚ.um-ma-ni en-qu-te LÚ].⸢ŠITIM⸣.GAL-li le-ʾu-ú-⸢ti⸣ mu-⸢kin-nu⸣ giš-ḫur-ri (erasure) 1-niš ú-paḫ-ḫi-ir-ma

[ša é-sag-gíl É.GAL DINGIR.MEŠ^?] uš-ši-šú ad-di-ma ú-kin lib-na-as-su

[... ú-šak]-⸢ki⸣-la ni-⸢kil⸣-tuš tam-šil šiṭ-ri-šú eṣ-ṣi-ra iṣ-rat-su

[... ina GIŠ].as-li GAL-ti ki-i giš-ḫur-ri-šú maḫ-ri-i mi-ši-iḫ-ta-šú am-šu-uḫ

[...] te-me-en-⸢šú⸣ ki-ma šu-pu-uk KUR-i dan-ni ú-dan-nin

[...] x-lu-ti ki-ma šá u₄-me pa-ni ši-kit-ta-šú ab-ni (over erasure) [(x)]

[é-te-me-en-an-ki ziq-qur-ra-tu áš-lu ṣu-up]-⸢pan⸣ UŠ áš-lu ṣu-up-pan SAG.KI (erasure) ki-⸢ma⸣ maḫ-rim-ma e-pu-⸢uš⸣

[... DINGIR.MEŠ] ⸢GAL⸣.MEŠ ù ^dkulla EN uš-ši SIG₄ UDU.SISKUR.MEŠ KÙ.MEŠ ⸢BAL⸣

[...].A GEŠTIN ku-ru-un-ni uš-ši-šú-un ad-di-ma ú-kin te-me-en-⸢šú⸣-[un]

[ú-še-piš-ma NA₄.NA.RÚ.A.MEŠ (...)] NA₄.ṣa-lam-ti ta-nit-⸢ti⸣ EN GAL-e EN-⸢ia⸣

[... qé-reb-šú-un^? áš]-⸢ṭur^?⸣-ma áš-tak-⸢ka^?-na^?⸣ qé-reb-šú-un

[... pel-lu]-de-e-šú šu-qu-ru-ti [a-na áš]-ri-šú-nu ú-ter-ma

[...] ⸢áš⸣-kun

[...] x [...] x x [(x)]

[...] x x [...]