[This cuneiform text was computer-generated from a transliteration. See this page for trouble-shooting tips.]
| o 1 |
𒂍𒃲 𒁹𒆪𒋾𒀀𒂍𒊹𒊏 𒈗 𒃲𒌑 𒈗 𒆗𒉡 𒈗 𒋙 𒈗 𒆳 𒀸𒋩 𒈗 𒆍𒀭𒆠 𒈗 𒆳 𒋗𒈨𒊑 𒌋 𒌵𒆠 𒈗 𒄒𒋥 𒇹𒋾 |
|
𒄨 𒃼𒁺 𒊭 𒀸 𒌅𒆰𒋾 𒀸𒋩 𒂗𒋙 𒆰𒆳 𒆷 𒈠𒄀𒊑𒋗 𒁶 𒋻𒁁𒋾 𒌑𒁖𒆥𒄣 𒀀𒁍𒄫 𒄑𒁍𒉡𒈠 𒍣𒆥𒆧 𒅎𒉡𒌑 |
|
|
𒈗 𒃻 𒀸 𒍣𒄫 𒀸𒋩 𒀭𒃻𒈦 𒌋 𒀭𒀫𒌓 𒀭𒎌 𒃲𒎌 𒁺𒎌𒈠 𒌌𒌅 𒀀𒇉𒈥𒊏𒋾 𒊭 𒂍𒁹𒅀𒆠𒉌 𒀀𒁲 𒆳𒁉𒅅𒉌 𒊭 𒆳 𒀭𒌑𒅆 |
|
|
𒅇 𒌓𒁴 𒊭 𒂄𒈪 𒀭𒌑𒅆 𒀀𒁲 𒆳𒈬𒊻𒊑 𒌌𒌅 𒀭𒌫 𒀀𒁲 𒀭𒉺 𒆳𒆳𒎌 𒄿𒉿𒇻𒈠 𒂊𒁍𒋗 𒊬𒊒𒊻𒋛𒅔 |
|
| o 5 |
𒌌𒌅 𒊕 𒈗𒋾𒅀 𒀀𒁲 𒌋 𒁄𒎌𒅀 𒇽𒄿𒌅𒀪 𒇽𒊒𒁍𒀪 𒇽𒄩𒈥𒀀𒉌 𒇽𒇻𒄷𒌑𒀀𒌅 𒇽𒄩𒊑𒇻 𒇽𒊒𒌒𒁍𒌑 𒊏𒉿𒄣 𒇽𒄭𒊏𒀀𒉡 𒇽𒊏𒁉𒀭 |
|
𒇽𒈾𒍢𒊒 𒇽𒄖𒇻𒋢 𒇽𒈾𒁀𒌅 𒇽𒊏𒄭𒄣 𒇽𒅗𒉿𒊑 𒇽𒊒𒌝𒈬𒇻𒌅 𒇽𒀀𒁲𒇷𒂊 𒇽𒄃𒊑𒂊 𒇽𒌑𒁍𒁺 𒇽𒄖𒊒𒈬 𒇽𒄷𒁕𒁺 𒇽𒄭𒅔𒁲𒊒 |
|
|
𒇽𒁕𒈬𒉡 𒇽𒁺𒈾𒉡 𒇽𒉌𒅋𒄣 𒇽𒊏𒁲𒂊 𒇽𒁕𒄿X𒉡 𒇽𒌑𒁍𒇻 𒇽𒋼𒀀𒈠𒀪 𒇽𒄠𒆷𒌅 𒇽𒊒𒀪𒀀 𒇽𒋡𒁉𒀪 𒇽𒇷𒀪𒋫𒀀𒌑 𒇽𒈠𒊒𒋢 |
|
|
𒇽𒀀𒈠𒌅 𒇽𒄩𒂵𒊏𒀀𒉡 𒌷𒂦𒆪𒊑𒃲𒍣 𒌷𒀀𒁲𒅔𒉌 𒌷𒄵𒌅 𒊭 𒊓𒅈𒊏𒄀𒋾 𒌷𒄵𒌅 𒊭 𒆷𒀊𒁀𒈾𒀜 𒌷𒄵𒌅 𒊭 𒌷𒋼𒀀𒀭𒂗𒆳𒆳 |
|
|
𒇽𒀀𒊒𒈬 𒆕𒋙𒉡 𒊭 𒋃𒁲 𒀀𒇉 𒀀𒇉𒀀𒋥 𒅇 𒀀𒇉𒋢𒊐𒉿 𒀀𒁲 𒊮𒁉 𒀀𒇉𒊌𒉌𒂊 𒊭 𒄘 𒌓𒁴 𒉺𒅁𒇷𒋾 𒀝𒋤 𒁲𒅅𒋫𒋙𒉡 𒀀𒂁 𒊩𒆷𒋢𒉡 𒀾𒇻𒆷 |
|
| o 10 |
𒇽𒀀𒊒𒈬 𒈠𒆷 𒁀𒋗𒌋 𒀀𒈾 𒈪𒈲 𒆳 𒀸𒋩𒆠 𒌑𒌁𒊏𒀾𒋗𒉡𒋾𒈠 𒇽𒋗𒌓 𒊕𒅀 𒇽𒂗𒉆 𒌋𒅗𒋙𒉡 𒀾𒆲 𒀸 𒌋𒅗 𒇯 𒄰𒊑 𒊭 𒌷𒄷𒄷𒄭 𒄿𒃮𒁍𒋙𒌋𒉌 |
|
𒌷 𒆕𒍑 𒌷𒋼𒀀𒀸𒋩 𒈬𒋙 𒀊𒁉 𒌦𒎌 𒆳𒆳 𒆠𒋃𒋾 𒋗𒅀𒅀 𒀸 𒊮𒁉 𒌑𒊺𒆗 𒀸 𒈨𒌓 𒂗𒆤𒆠 𒆍𒀭𒊏𒆠 𒁈𒉺𒇻𒆠 𒄘𒂃𒀀𒆠 𒆧𒆠 𒀸𒁁𒆠 𒅇 𒀕𒆠 𒈠𒄩𒍣 𒆷 𒃻𒈾𒀭 |
|
|
𒇻𒀬𒎌 𒆬𒎌 𒀀𒈾 𒀭𒂗 𒀭𒆰𒆕𒋾 𒀭𒀝 𒀭𒌨𒈨𒌈 𒀭𒌋𒄥 𒀭𒆷𒊍 𒀭𒎌 𒃲𒎌 𒂗𒎌𒅀 𒀝𒆠𒈠 𒄿𒊏𒈬 𒇽𒋃𒌑𒋾 𒆳𒃸𒀭𒁺𒉌𒀾 𒂼𒌅 𒀀𒈾 𒉻 𒁶𒊑𒃻 𒀀𒉋𒈠 |
|
|
𒂊𒁍𒃻 𒈗𒌑𒊓 𒇽𒁍𒄣𒁺 𒁶 𒊓𒉺𒊑 𒊍𒄷𒌒 𒁲𒅅𒋫𒋙𒉡 𒀀𒂁 𒊩𒆷𒋢𒉡 𒈠𒀜𒌅 𒀾𒇻𒆷 𒇽𒁍𒄣𒁺 𒋗𒀀𒌅 𒌷𒆷𒄭𒊒 𒊭 𒄿𒁲𒁉𒊑𒄿𒈾 𒌷𒄭𒇷𒅎𒈬 |
|
|
𒌷𒉿𒅋𒇻𒌅 𒊭 𒉻𒋾 𒆳𒂊𒇴𒋾 𒀀𒈾 𒈪𒈲 𒆳 𒀸𒋩𒆠 𒌑𒌁𒊏 𒀸 𒋗𒅀 𒇽𒋗𒌓 𒊕𒅀 𒇽𒃻𒆳 𒌷𒅈𒊐𒄩 𒄠𒉡 𒆳𒆗𒁺𒁺 𒈠𒆷 𒁀𒋗𒌋 𒊍𒋢𒄩𒄠𒈠 |
|
| o 15 |
𒀸 𒆠𒆗 𒆳 𒀸𒋩𒆠 𒌑𒃻𒊍𒂍 𒆳𒆗𒁺 𒀀𒈾 𒋛𒆟𒋾𒋙 𒄷𒄩𒊕 𒊍𒄷𒌒 𒊭 𒁹𒀭𒀝𒌑𒉺𒅁𒅆 𒀀 𒁹𒅆𒆷𒀀𒉌 𒁲𒅅𒋫𒋙 𒀸 𒄿𒋫𒀜 𒌷𒊓𒅈𒊐𒀀𒉌 𒌷𒋙 𒀀𒂁 |
|
𒅇 𒃻𒀀𒋙 𒈤𒊑𒀉 𒆍𒃲 𒌷𒋙 𒀀𒈾 𒄑𒍝𒆥𒉿 𒌑𒊺𒇷𒋗𒈠 𒌑𒆳𒄀𒆷 𒆳𒋢 𒌷𒊓𒅈𒊐𒀀𒉡 𒀸 𒅆𒉿𒅅 𒅖𒄭𒀀 𒅇 𒄑𒋗𒉿𒄿 𒀝𒋤 𒐐 𒅆 𒐊 𒅆 𒌦𒎌 𒀀𒁲 𒈥𒅆𒋾𒋙𒉡 |
|
|
𒊩𒆷𒋢 𒃻𒋗𒋙 𒃻𒂵𒋙 𒁮𒋢 𒌉𒎌𒋙 𒌉𒊩𒎌𒋙 𒅇 𒀭𒎌𒋙 𒀾𒇻𒆷 𒌷 𒋗𒀀𒌓 𒀀𒁲 𒌷𒎌𒉌 𒊭 𒇷𒈨𒋾𒋙 𒀊𒁔 𒀝𒄥 𒀸 𒉈 𒀾𒊒𒌒𒈠 𒀀𒈾 𒇯 𒌋 𒋼𒀀𒈨 𒌑𒌁 |
|
|
𒌷𒋻𒁀𒍮 𒌷𒅀𒁄𒇻 𒀝𒋤 𒌍 𒅆 𒌦𒎌 𒀀𒁲 𒈥𒅆𒋾𒋙𒉡 𒃻𒋗𒋙𒉡 𒃻𒂵𒋙𒉡 𒌋 𒀭𒎌𒋙𒉡 𒀾𒇻𒆷 𒌷𒎌 𒋗𒀀𒌅𒉡 𒀀𒁲 𒌷𒎌𒉌 𒊭 𒇷𒈨𒋾𒋙𒉡 |
|
|
𒆠𒈠 𒇯 𒀀𒁍𒁉 𒌑𒀊𒂍 𒁹𒍝𒆥𒊒 𒌉 𒁹𒃻𒀪𒀠𒇷 𒄿𒈾 𒀀𒁲𒂊 𒀭𒎌 𒃲𒎌 𒄴𒁲𒈠 𒀉𒋾 𒅘𒊑𒅀 𒅖𒆪𒈾 𒉿𒄿𒋙 𒀀𒈾 𒃻𒀀𒋙 𒀀𒁲 𒇽𒃲𒎌𒋙 𒀸 𒋗𒅀 𒌑𒍝𒂍 |
|
| o 20 |
𒁉𒊏𒀀𒋾 𒀭𒁇 𒀜𒁲𒋙𒉡𒋾𒈠 𒀀𒈾 𒆳 𒀸𒋩𒆠 𒀠𒋡𒀀 𒌦𒎌 𒆳𒂍𒃻𒀪𒀠𒇷 𒅁𒆷𒄷𒈠 𒌷𒂦𒀭𒆜𒆳𒀀𒀀 𒌷 𒈗𒋾𒋙𒉡 𒀀𒈾 𒆗𒉡𒋾𒋙𒉡 𒄑𒁀𒌅 |
|
𒌷 𒋗𒀀𒌅 𒄿𒈾 𒁉𒊒𒋾 𒅇 𒄑𒉌𒉿𒅆 𒀝𒋤𒈠 𒆕𒋡𒊕 𒄠𒉡 𒐏 𒅆 𒐊 𒈨 𒌦𒎌 𒀀𒁲 𒈥𒅆𒋾𒋙𒉡 𒊩𒆷𒋢𒉡 𒃻𒋗𒋙𒉡 𒃻𒂵𒋙𒉡 𒁮𒋢 𒌉𒎌𒋙 𒌉𒊩𒎌𒋙 𒅇 𒀭𒎌𒉌𒋙 𒀾𒇻𒆷 |
|
|
𒌷𒄠𒇷𒆷𒌅 𒀝𒋤 𒌦𒎌 𒀀𒁲 𒈥𒅆𒋾𒋙𒉡 𒊩𒆷𒋢 𒃻𒋗𒋙 𒃻𒂵𒋙 𒀾𒇻𒆷 𒆳𒂍𒃻𒀪𒀠𒇷 𒀀𒈾 𒋛𒆟𒋾𒋙 𒀀𒁍𒄫 𒊍𒁍𒌦𒈠 𒌑𒋚𒊑𒁀 𒁕𒄉𒈨𒋙 |
|
|
𒆳𒆳𒎌 𒋗𒀀𒋾𒈾 𒀀𒈾 𒈪𒈲 𒆳 𒀸𒋩𒆠 𒌑𒌁𒊏 𒁹𒁺𒆰 𒌉 𒁹𒀀𒈮𒅗𒀀𒉌 𒀸 𒌷𒊓𒉿𒂊 𒌷 𒈗𒋾𒋙 𒂊𒋤𒋙 𒁲𒅅𒋫𒋙 𒈠𒀜𒌅 𒀸 𒅆 𒆍𒃲𒎌𒋙 𒀀𒂁 |
|
|
𒄑𒊬𒎌 𒄑𒈬𒆹𒃶𒉌 𒊭 𒁲𒄴 𒂦𒋙 𒀀𒆧𒈠 𒁹𒂗 𒌌 𒂊𒍦 𒄑𒊷𒎌𒋙 𒊭 𒉿𒋆 𒆳𒋙 𒀀𒂁𒈠 𒌑𒄭𒉡𒋙 𒀾𒄷𒄭𒈠 𒌑𒂷𒆷𒀀 𒄫𒁀𒀀𒋾 𒄀𒂇 𒌷𒎌𒉌𒋙 |
|
| o 25 |
𒀊𒁔 𒀝𒄥 𒀸 𒉈 𒀾𒊒𒌒 𒆳𒂍𒅆𒆷𒀀𒉌 𒆳𒂍𒀀𒈮𒅗𒀀𒉌 𒌋 𒆳𒂍𒃻𒀪𒀠𒇷 𒀀𒈾 𒋛𒆟𒋾𒋙𒉡 𒆠𒈠 𒇯 𒀀𒁍𒁉 𒌑𒀊𒂍 𒀀𒈾 𒇯 𒌋 𒋼𒀀𒈨 𒌑𒌁 |
|
𒈠𒁕𒌅 𒊭 𒁹𒁀𒆷𒋢 𒌉 𒁹𒁖𒆪𒊑 𒁹𒈾𒁲𒉌 𒌓𒌓𒀝𒀀𒀀 𒆬𒌓 𒆬𒄀 𒉌𒋝𒋾 𒎎𒎌 𒄠𒄯 𒁹𒀭𒀫𒌓𒀀𒋧𒈾 𒌉 𒁹𒅀𒆠𒉌 𒈗 𒌓𒁴 𒊭 𒀸 𒈗𒎌𒉌 𒀜𒎌𒅀 𒀀𒈾 𒈠𒄯 𒈠𒄠𒎙 𒆷 𒅋𒇷𒄰𒈠 |
|
|
𒆷 𒌑𒈾𒀾𒅆𒋡 𒄊𒅀𒎌𒋙𒌦 𒇧𒄭 𒈨𒇴𒈨 𒊭 𒀸𒋩 𒂗𒅀 𒄑𒄷𒁍𒋙𒈠 𒀀𒈾 𒌷𒊓𒉿𒅀 𒀀𒁲 𒈤𒊑𒅀 𒅋𒇷𒄰𒈠 𒌑𒈾𒀾𒅆𒋡 𒄊𒅀𒎌𒅀 𒆬𒄀 𒂊𒌓 𒆳𒋙 𒀀𒈾 𒈠𒀪𒁲𒂊 |
|
|
𒋗𒋻𒋾 𒆬𒄀 𒎎 𒄘𒎌 𒆬𒄀 𒉌𒋝𒋾 𒎎𒎌 𒁉𒉡𒌓 𒌓𒁴 𒄑𒃡𒎌 𒄑𒆗 𒄑𒂖𒇻𒌅 𒌑𒇲 𒌑𒇽𒀀𒉡 𒇻𒇧𒋾 𒄵𒈨 𒋆𒄭𒀀 𒆕𒈠 𒄞𒎌 𒌋 𒍢𒂊𒉌 𒈠𒁕𒋫𒋙 𒄠𒄯 |
|
|
𒆳𒉆𒊑 𒆳𒂍𒊓𒀭𒄀𒁍𒋾 𒆳𒂍𒄩𒄠𒉼 𒆳𒋢𒄯𒍪 𒆳𒁀𒅈𒊒𒀀 𒆳𒂍𒍪𒀠𒍝𒀾 𒆳𒂍𒈠𒀜𒋾 𒌷𒉌𒄣 𒊭 𒆳𒁾𒇷𒅀𒀾 𒆳𒂍𒋻𒀭𒍝𒀀𒀀 𒆳𒌓𒋢𒀀 𒆳𒂍𒍝𒀜𒋾 |
|
| o 30 |
𒆳𒂍𒀊𒁕𒁕𒉌 𒆳𒂍𒆏𒋛 𒆳𒂍𒊓𒀭𒄀 𒆳𒂍𒌨𒍠𒆠 𒆳𒂍𒀭𒌋 𒌷𒍠𒊒𒋾 𒆳𒄀𒍣𒉌𒆠𒄑𒋛 𒆳𒉌𒅖𒃻𒀀 𒌷𒍢𒁍𒌨 𒌷𒌑𒊑𒅎𒍝𒀭 𒆳𒊏𒀪𒌑𒊓𒀭 |
|
𒆳𒌑𒉺𒊑𒀀 𒆳𒁍𒊻𒌅𒊻 𒆳𒀀𒊑𒅈𒈪 𒆳 𒁯𒈗𒎌𒄷 𒆳𒊓𒀝𒋢𒊌𒉌 𒆳𒀀𒊏𒄣𒌓𒌅 𒆳𒋼𒀀𒍣𒅁𒊏 𒆳𒄖𒆥𒈾𒈾 𒆳𒂍𒊓𒀝𒁀𒀜 𒆳𒋛𒅋𒄩𒍣 |
|
|
𒊭 𒆗𒉡𒌓 𒊭 𒌉 𒆍𒀭𒊏𒆠 𒄿𒃮𒁍𒋙𒌋𒉌 𒆳𒊒𒌑𒀀 𒀀𒁲 𒆳 𒂍𒁵 𒆳𒍑𒆕𒋡𒀀𒈾 𒆳𒅆𒅅𒊏𒆠 𒊭 𒆬𒄀 𒈾𒄀𒂊 𒊭 𒆳𒈠𒁕𒀀𒀀 𒆗𒎌 𒀀𒈾 𒉻 𒁶𒊑𒋙𒉡 𒄷𒄩𒊕 𒀝𒉐𒈠 |
|
|
𒁲𒅅𒋫𒋙𒉡 𒈠𒀜𒌅 𒀀𒂁 𒐕 𒅆 𒐊 𒈨 𒌦𒎌 𒀀𒁲 𒈥𒅆𒋾𒋙𒉡 𒀲𒆳𒊏𒎌𒋙𒉡 𒀲𒄊𒉣𒈾𒎌𒋙𒉡 𒀲𒌓𒊏𒀀𒋾𒋙𒉡 𒄞𒎌𒋙𒉡 𒍢𒂊𒉌𒋙𒉡 𒀀𒈾 𒆷 𒈠𒉌 𒀾𒇻𒆷 |
|
|
𒌷𒎌𒉌𒋙𒉡 𒀊𒁔 𒀝𒄥 𒀸 𒉈 𒀾𒊒𒌒 𒀀𒈾 𒇯 𒌋 𒋼𒀀𒈨 𒌑𒌁 𒆳𒉆𒊑 𒆳𒂍𒊓𒀭𒄀𒁍𒋾 𒆳𒂍𒄩𒄠𒉼 𒆳𒋢𒄯𒍪 𒆳𒂍𒁇𒊒𒀀 𒆳𒂍𒍪𒀠𒍝𒀾 |
|
| o 35 |
𒆳𒂍𒈠𒀜𒋾 𒌷𒊩𒌨𒄣 𒊭 𒆳𒁾𒇷𒅀𒀾 𒆳𒂍𒋻𒀭𒍝𒀀𒀀 𒆳𒉺𒅈𒋢𒀀 𒆳𒂍𒍝𒀜𒋾 𒆳𒂍𒀊𒁕𒁕𒉌 𒆳𒂍𒆏𒋛 𒆳𒂍𒊓𒀭𒄀 𒆳𒂍𒌨𒍠𒆠 𒌷𒂍𒀭𒌋 |
|
𒌷𒍠𒊒𒋾 𒊭 𒆳𒈠𒁕𒀀𒀀 𒆗𒎌 𒀀𒈾 𒈪𒈲 𒆳 𒀸𒋩𒆠 𒌑𒌁𒊏 𒌷𒎌𒉌 𒊭 𒄫𒁉𒋙𒉡 𒀀𒈾 𒌍𒋙𒋾 𒆕𒍑 𒄑𒆪 𒀸𒋩 𒂗𒅀 𒀸 𒊮𒁉 𒅈𒈪 𒌦𒎌 𒆳𒆳 𒆠𒋃𒋾 𒋗𒅀𒅀 𒀸 𒊮 𒌑𒊺𒆗 |
|
|
X𒇽𒋗𒌓 𒊕𒅀 𒇽𒂗𒉆𒎌 𒌋𒅗𒋙𒉡 𒀾𒆲 𒍝𒇴 𒈗𒋾𒅀 𒀸 𒆳𒋾𒅅𒊏𒀝𒆠 𒌷𒂍𒀭𒌋 𒌷𒍢𒁍𒌨 𒆳𒀀𒊑𒅈𒈪 𒆳 𒁯𒈗𒎌𒄷 |
|
|
𒆳𒋛𒅋𒄩𒍣 𒊭 𒆗𒉡𒌅 𒊭 𒌉 𒆍𒀭𒊏𒆠 𒄿𒃮𒁍𒋙𒉌 𒌌𒁁 𒈠𒁕𒌅 𒊭 𒆳𒈠𒁕𒀀𒀀 𒆳𒂖𒇷𒉺𒀀𒀀 𒅇 𒂗𒌷𒎌𒉌 𒊭 𒆳𒂊 𒆕𒋙𒉡 𒀀𒁲 𒆳𒁉𒅅𒉌 |
|
|
XX𒀲𒆳𒊏𒎌 𒀲𒄊𒉣𒈾𒎌 𒀲𒌓𒊏𒀀𒋾 𒄞𒎌 𒅇 𒍢𒂊𒉌 𒀀𒈾 𒆷 𒈠𒉌 𒄠𒄯 𒁹𒅕𒀭𒍪 𒆳𒎙𒈾𒀀𒀀 𒄥𒁲 𒋫𒍑𒋾 𒊭 𒀸𒋩 𒂗𒅀 𒊭 𒀸 𒆳𒎌𒂊 𒆕𒋙𒉡 𒂊𒋼𒅁𒁍𒋙 𒅖𒈨𒈠 |
|
| o 40 |
𒈨𒇴𒈨 𒀸𒋩 𒂗𒅀 𒄑𒄷𒁍𒋗𒈠 𒀀𒈾 𒌷𒂦𒁹𒆪𒋾𒀀𒂍𒊹𒊏 𒊭 𒀀𒁲 𒈤𒊑𒅀 𒅋𒇷𒄰 𒌑𒈾𒀾𒅆𒋡 𒄊𒅀𒅀 |
|
𒀲𒆳𒊏𒎌 𒀲𒄊𒉣𒈾𒎌 𒄞𒎌 𒅇 𒍢𒂊𒉌 𒄑𒌀𒇷 |
|
|
𒇽𒋗𒌓 𒊕𒅀 𒁹𒀸𒋩𒆗𒅔𒀀𒉌 𒀀𒈾 𒆳𒈠𒁕𒀀𒀀 𒆗𒎌 𒊭 𒆳 𒀭𒌑𒅆 𒀾𒁓 𒐊 𒅆 𒀲𒆳𒊏𒎌 𒌦𒎌 𒄞𒎌 𒅇 𒍢𒂊𒉌 𒀀𒈾 𒆷 𒈠𒉌 𒅋𒋡𒀀 |
|
|
𒆳𒌌𒇻𒁀 𒆳𒆸𒄷 𒀀𒈾 𒄀𒂇𒋾𒋙 𒀝𒋤 𒀀𒈾 𒈪𒈲 𒆳 𒀸𒋩 𒄥𒊏 𒀸 𒆠𒆗 𒆳𒌌𒇻𒁀 𒌷 𒆕𒍑 𒌷𒀸𒋩𒁀𒃻 𒈬𒋙 𒀊𒁉 |
|
|
𒂍𒃲 𒈬𒉺𒅁 𒈗𒋾𒅀 𒀸 𒊮𒁉 𒀜𒁲 𒄑𒆪 𒀸𒋩 𒂗𒅀 𒀸 𒊮𒁉 𒅈𒈪 𒌦𒎌 𒆳𒆳 𒆠𒋃𒋾 𒋗𒅀𒅀 𒄿𒈾 𒊮𒁉 𒌑𒊺𒈨 |
|
| o 45 |
𒁹𒀭𒌋𒂦 𒆳𒌑𒊏𒅈𒁕𒀀𒀀 𒁹𒋢𒇻𒈠𒀠 𒆳𒈨𒀖𒁕𒀀𒀀 𒁹𒋻𒄷𒆷𒊏 𒆳𒃵𒄖𒈠𒀀𒀀 |
|
𒁹𒆪𒍑𒋫𒀾𒉿 𒆳𒆪𒌋𒅗𒀀𒀀 𒀀𒈾 𒅗𒃻𒁲 𒃻𒆷𒇷 𒈪𒈲 𒆳 𒀸𒋩 |
|
|
𒀸 𒁉𒈩 𒆳𒆧𒋫𒀭 𒅇 𒆳𒄬𒉿 𒈾𒄀𒂊 𒊭 𒆳𒆪𒌋𒅗𒄭 𒅆𒅆𒋙𒉡 𒉺𒈠 𒁹 𒆷 𒈠𒉌𒂊 |
|
|
𒁕𒈨 𒄣𒊏𒁲𒋙𒉡 𒀀𒇉𒋛𒅔𒍣 𒀀𒇉𒌅 𒆠𒈠 𒈾𒁀𒋛 𒊍𒊒𒌒 |
|
|
𒀮𒄯 𒆠𒆘𒋙𒉡 𒂊𒁶𒋙𒉡𒋾 𒀸 𒌘 𒋾𒁺𒆠𒈠 |
|
| o 50 |
X𒄑𒈿𒎌 𒈗𒋾 |
| r 1' |
𒈠 𒀸 𒉈 𒀾𒊒𒌒 𒊩𒊓𒄠𒋛 𒆷𒉺𒀭 𒄑𒆪𒎌𒅀 𒆗𒎌 𒌨𒄷𒌓𒈠 𒀲𒀀𒀊𒁀𒎌 𒊩𒀲𒀀𒈾𒋡𒀀𒋼 𒀀𒁲 𒀲𒁀𒀝𒅗𒊑𒅆𒈾 |
|
𒀀𒈾 𒆳 𒀸𒋩 𒀀𒁲 𒈤𒊑𒅀 𒋫𒀾𒃻𒀀 𒇽𒆥𒂊𒁍 𒀸 𒌋𒅗𒄭𒃻 𒀾𒆲𒈠 𒌋 𒅆 𒇽𒂟𒎌 |
|
|
𒌷𒈠𒊍𒀪𒀀𒀀 𒌷𒋼𒈠𒀀𒀀 𒌷𒊓𒀊𒀪𒀀𒀀 𒌷𒄩𒀀𒀀𒀊𒉺𒀀𒀀 𒌷𒁀𒁕𒈾𒀀𒀀 𒌷𒄩𒀜𒋾𒀀𒀀 𒇽𒄿𒁲𒁀𒀪𒅋𒀀𒀀 𒊭 𒈪𒈲 𒆳𒆳 |
|
|
𒊭 𒋗𒈝 𒀭𒌓𒅆 𒊭 𒊩𒈠 𒆷 𒄿𒁺𒋙𒉡𒋾𒈠 𒀀𒊬𒋙𒌦 𒊒𒌑𒄣 𒋫𒍑𒋾 𒁁𒇻𒋾𒅀 𒀠𒅗𒅗𒀜 𒄥𒁲𒅀 𒅖𒈬𒈠 𒌑𒉌𒇻𒌑 𒁁𒇻𒋾 |
|
| r 5' |
𒆬𒄀 𒆬𒌓 𒀲𒀀𒀊𒁀𒎌 𒊩𒀲𒀀𒈾𒋡𒀀𒋾 𒋆𒄭𒀀 𒆕𒀀𒈠 𒈠𒁕𒋫𒋙𒉡 𒆠𒄿 𒁹𒂗 𒀀𒁲 𒈤𒊑𒅀 𒌑𒁉𒇻𒉏𒈠 𒌑𒈾𒀾𒅆𒄣 𒄊𒅀𒅀 |
|
𒁹𒄿𒁲𒁉𒀪𒄿𒇷 𒀀𒈾 𒇽𒉌𒂃𒌑𒋾 𒀸 𒌋𒅗 𒆳𒈬𒊻𒊑 𒀾𒆪𒌦 𒄿𒈾 𒆳𒆳𒎌 𒆕𒅆𒈾 𒃻 X |
|
|
𒈠𒁕𒀜𒌅 𒊭 𒁹𒆪𒍑𒋫𒀾𒉿 𒆳𒆪𒌋𒅗𒀀𒀀 𒁹𒌑𒊑𒅅 𒆳𒄣𒌋𒀀𒀀 𒁹𒋛𒁉𒀉𒋾𒁉𒀪𒅋 𒌷𒄖𒌒𒆷𒀀𒀀 𒁹𒄭𒊑𒈬 𒆳𒀫𒊏𒀀𒀀 𒁹𒉿𒋛𒊑𒄑 𒌷𒃻𒂵𒈩𒀀𒀀 |
|
|
𒁹𒂊𒉌𒀭 𒆳𒄩𒄠𒈠𒋫𒀀𒀀 𒁹𒉺𒈾𒄠𒈬𒌋 𒌷𒊓𒄠𒀪𒆷𒀀𒀀 𒁹𒋻𒄷𒆷𒊏 𒆳𒃵𒄖𒈠𒀀𒀀 𒁹𒋢𒇻𒈠𒀠 𒆳𒈨𒀖𒁕𒀀𒀀 𒁹𒁕𒁲𒄿𒇻 𒌷𒆜𒅗𒀀𒀀 |
|
|
𒁹𒌑𒊍𒋩𒈨 𒆳𒋫𒁄𒀀𒀀 𒁹𒍑𒄭𒀉𒋾 𒌷𒌅𒈾𒀀𒀀 𒁹𒌨𒁄𒆷𒀀 𒌷𒌅𒄩𒈾𒀀𒀀 𒁹𒌅𒄩𒄠𒈨 𒌷𒅖𒌅𒌦𒁕𒀀𒀀 𒁹𒌑𒊑𒅎𒈨𒄿 𒌷𒄷𒁉𒅖𒈾𒀀𒀀 |
|
| r 10' |
𒁹𒈠𒋫𒀭𒁉𒀪𒅋 𒌷𒅈𒈠𒁕𒀀𒀀 𒁹𒊓𒉌𒁍 𒌷𒂍𒄠𒈠𒈾𒀀𒀀 𒁹𒊓𒆷𒈠𒉡 𒆳𒈠𒀪𒁀𒀀𒀀 𒁹X |
|
𒁹𒈪𒋾𒅔𒋾 𒆳𒊍𒋡𒇻𒈾𒀀𒀀 𒁹𒅀𒌑𒄩𒍣 𒆳𒅀𒌑𒁕𒀀𒀀 𒁹𒋡𒍑𒈠𒆷𒅗 𒆳𒌑𒁺𒈬𒀀𒀀 𒁹𒈬𒊻X |
|
|
𒁹𒄩𒀀𒉡𒌑𒉡 𒌷𒄩𒍝𒀜𒀀𒀀 𒆬𒄀 𒆬𒌓 𒀭𒈾 𒀭𒁇 𒀀𒁈 𒇻𒇧𒋾 𒄵𒈨 𒌆𒃰 𒇻𒇧𒋾 𒆳𒋙𒉡 𒋠𒍝𒆳𒋛𒀀 |
|
|
𒊩𒈠 𒀝𒊒 𒁉𒉡𒌓 𒌓𒁴 𒈾𒁀𒇷 𒍢𒁍𒋫𒀜 𒆳𒋙𒉡 𒉌𒈲𒋾 𒈗𒋾 𒀲𒆳𒊏𒎌 𒀲𒄊𒉣𒈾𒎌 𒇲𒀜 𒄑𒉌𒊑 𒄠𒄯 |
|
|
𒁹𒌑𒊍𒋩𒈨 𒆳𒋫𒁄𒀀𒀀 𒀀𒈾 𒅁𒋃 𒆳 𒀸𒋩𒆠 𒌑𒈦𒋻𒈠 𒀀𒁲 𒈤𒊑𒅀 𒆷 𒅋𒇷𒅗 𒇽𒋗𒌓 𒊕𒅀 𒇽𒃲 𒊕 𒀀𒈾 𒆳𒋫𒁄 𒀾𒁓 |
|
| r 15' |
𒁹𒄷𒌌𒇷𒄿 𒌉 𒆷 𒈠𒈠𒈾 𒀸 𒄑𒄖𒍝 𒈗𒋾𒋙 𒌑𒊺𒈨 𒌋 𒄘𒌦 𒆬𒄀 𒁹 𒅆 𒄘𒌦 𒆬𒌓 𒈫 𒅆 𒀲𒆳𒊏𒎌 𒀲𒄊𒉣𒈾𒎌 𒋫𒈥𒋫𒋙 𒄠𒄯 |
|
𒇽𒋗𒌓 𒊕𒅀 𒇽𒃲 𒊕 𒀀𒈾 𒌷𒀫𒊑 𒀾𒁓 𒊭 𒁹𒈪𒂊𒋼𒂗𒈾 𒌷𒀫𒊏𒀀𒀀 𒁹 𒈨 𒐐 𒄘𒌦 𒆬𒄀 𒈫 𒅆 𒄘𒌦 𒆬𒌓 𒋫𒈥𒋫𒋙 𒄠𒄯 |
|
|
𒄿𒈾 𒊻𒉌 𒉌𒆸𒋾 𒄩𒋀𒋛 𒁄𒆠𒂊 𒊭 𒅖𒊒𒅗 𒉣𒈨 𒀭𒎌 𒉣 𒀭𒉡𒁶𒄷𒄭 𒂍𒃲 𒄑𒂞 𒁹 𒈬𒉺𒅁 𒂗𒋾𒅀 |
|
|
𒅇 𒂍 𒄭𒀉𒆷𒀭𒉌 𒌓𒋻 𒂍𒃲 𒆳𒄩𒀜𒋾 𒀀𒈾 𒀯𒋫𒀪𒋾𒅀 𒀸 𒆠𒆗 𒌷𒆗𒄭 𒆕𒍑 X𒌑 𒃲𒌓 𒋃𒁺 𒐕 𒌑 𒃲𒌓 𒁍𒌑𒌅 |
|
|
𒈪𒋚𒋾 𒆕𒋡𒊑𒊭 𒌋𒅗 𒂍𒃲𒎌 𒀜𒎌𒅀 𒈤𒊏𒀀𒋾 𒌌𒌅 𒊮𒁉 𒀀𒇉 𒌑𒃻𒌁𒈠 𒊍𒍝𒁀𒋫 XX |
|
| r 20' |
𒄀𒂇 𒌉 𒌝𒈠𒀀𒉌 𒄩𒊍𒋢𒋾 𒅘𒇺 𒌑𒄤𒍦𒈠 𒀜XXX |
|
𒎙 𒌑 𒃲𒌅 𒋗𒇧 𒀀𒎌 𒄑𒍪𒋾 𒎎𒉿𒇻𒌑 𒆗𒉡 𒁶 𒅆𒋝 𒆳𒄿 𒀾𒁍𒊌𒈠 𒌑𒈠 𒈪𒇷𒂊𒃻 |
|
|
𒌓𒇷𒅆𒅔 𒀾𒆲𒈠 𒅖𒁲𒊿 𒌑𒆥𒈠 𒌑𒊕𒆠 𒊑𒄑𒋛𒅔 𒁹 𒃻 𒈫 𒌑 𒂍 𒌑𒄤𒈲𒈠 |
|
|
𒅆𒀉 𒅎𒋛𒁲 𒌑𒈤𒄭𒊏 𒆍𒎌𒊿 𒀸 𒅗 𒄠𒋛 𒄑𒆗 𒄑𒌆 𒄑𒈬𒆹𒃶𒉌 𒄑𒂞 𒄑𒋩𒎙 𒄑𒇷 𒅇 𒄑𒁾𒊏𒀀𒉌 |
|
|
𒁉𒆳 𒈗𒎌𒉌 𒆳𒉺𒋾 𒂷𒆠 𒆳𒀀𒊑𒈨 𒅇 𒆳𒆗𒁲 𒊭 𒀸 𒈪𒌀 𒃼𒊏𒁺𒋾𒅀 𒌑𒊕𒉌𒋙 𒀀𒈾 𒄊𒅀𒅀 𒀾𒆲 𒆷𒇷𒂊 𒌑𒂷𒇷 |
|
| r 25' |
𒐊 𒁹 𒃻 𒐉 𒌑 𒌌𒌅 𒋗𒇧 𒀀𒎌 𒀀𒁲 𒉺𒀾𒆥 𒅆𒆤𒋫𒊿𒈠 𒂊𒈲𒈠 𒌋𒅗 𒂍𒃲𒎌 𒆳𒆳 𒌑𒊬𒊑𒄩 𒅁𒊺𒄑𒋛𒅔 |
|
𒄑𒃡𒎌 𒄑𒂞 𒊺𒄷𒌑𒋾 𒊭 𒆠𒄿 𒂊𒊑𒅖 𒄑𒄩𒋩𒊑 𒀀𒈾 𒊻𒍮𒉌 𒁕𒀀𒁍 𒋻𒂍 𒆳𒄩𒈠𒈾 𒆳𒆗𒈾𒈾 𒅇 𒆳𒄠𒈠𒈾𒈾 |
|
|
𒌑𒍝𒇸𒅆𒈾𒈠 𒀀𒈾 𒆲𒉌𒄿 𒌑𒃻𒌨 𒀀𒈾 𒀫𒊒𒄴 𒋛𒈠𒀀𒋾 𒊭 𒄑𒅆𒄀𒊑 XX𒎎𒎌 𒅆𒌓 𒇽𒁓𒄢𒇻𒋾 𒀊𒉌𒈠 𒊻𒋛𒈠 𒆍 |
|
|
𒄑𒅅𒎌 𒄑𒂞 𒄑𒋩𒎙 𒌅𒀪𒈠𒋼 𒈬𒈾𒄴𒄭𒃻 𒂊𒊑𒁉𒅆𒈾 𒂊𒊑𒋛𒈾 𒄿𒍨𒄣 𒈜𒁍 |
|
|
𒄿𒈾 𒈨𒁍 𒍝𒄩𒇷𒂊 𒅇 𒌍𒈠𒊑𒂊 𒅁𒁉 𒌑𒊩𒆧𒈠 𒂊𒈠 𒆍𒎌𒉌 𒌑𒋥𒋾 𒌨𒈤𒎌 𒀭𒆘𒎌 𒀭𒆗𒎌 𒊭 𒁉𒈾𒋼 𒈠𒀪𒁹 𒉡𒊌𒆪𒇻 𒄭𒀉𒇻𒁍 𒆪𒊻𒁍 |
|
| r 30' |
𒉌𒊑𒁉 𒌑𒃻𒊍𒂍𒈠 𒀀𒈾 𒋰𒊏𒀀𒋼 𒌑𒃻𒊍𒍣𒄑 𒄿𒇻𒎌 𒅎𒌓 𒎎𒉺𒊒𒋾 𒄿𒈾 𒆠𒋫𒋙𒉡 𒊍𒇷𒈠 𒌑𒉆𒈨𒊏 𒈬𒍮𒌑 |
|
𒅇 𒍝𒇴 𒀊𒉌 𒈠𒇡 𒋗𒌓 𒀭𒎌 𒃲𒎌 𒁉𒉡𒌓 𒍪𒀊 𒆠𒋗𒌋 𒌑𒃻𒊍𒆟𒈠 𒁍𒈛𒌅 𒌑𒊬𒅆 |
|
|
𒋝𒆑 𒋼𒀀𒊑 𒆬𒄀 𒆬𒌓 𒅇 𒌓𒅗𒁇 𒀀𒈾 𒉻𒈜𒋾𒅆𒅔 𒀠𒈨𒅆𒈾𒋾𒈠 𒌑𒃻𒀭𒁉𒁕 𒁍𒌦𒉌𒅆𒅔 |
|
|
𒀀𒈾 𒋗𒁁 𒈗𒋾𒅀 𒀜𒈠𒀭 𒃻𒀾𒅆 𒉌𒋝𒋾 𒎎𒎌 𒅆𒌓 𒌓𒇷𒂊 𒅈𒈠𒀀 𒆠𒆗𒃻 |
|
|
𒂍𒃲𒎌𒀜 𒄭𒁕𒀀𒋾 𒈾𒃻𒀀 𒃶𒅅𒇷 𒅗𒊑𒁀 𒈗 𒈬𒆗𒁉𒊏 𒂊𒉿𒅆𒊿 𒀀𒈾 𒋗𒈨𒅆𒅔 𒀊𒁉 |
|
| r 35' |
𒆍𒎌 𒈨𒃻𒊑 𒈲𒋼𒋓 𒁲𒅔 𒂷𒆠 𒊭 𒄒𒋥 𒇹𒋾 𒈬𒌑𒄭𒊒 𒁉𒆳 𒆳𒂊 𒌋 𒋫𒈠𒀀𒋾 |
|
𒈬𒊺𒊑𒁍 𒄭𒍦 𒀜𒈾𒀀𒋾 𒀀𒈾 𒈠𒄯 𒈗 𒂗𒋙𒌦 𒊍𒆪𒊏 𒍣𒄫 𒆍𒎌𒅆𒅔 |