A 02793 (RINAP 3/1 Sennacherib 22, ex. 01) [Sennacherib][via rinap/sources]
| Obverse | |
| Column i | |
| i 1i 1 | mdEN.ZU-ŠEŠ.MEŠ-eri-ba LUGAL GAL-ú |
| i 22 | LUGAL dan-nu LUGAL kiš-šá-ti LUGAL KUR aš-šur.KI |
| i 33 | LUGAL kib-rat LÍMMU-tim RE.É.UM it-pe-šu |
| i 44 | mi-gir DINGIR.MEŠ GAL.MEŠ na-ṣir kit-ti |
| i 55 | ra-ʾi-im mi-šá-ri e-piš ú-sa-a-ti |
| i 66 | a-lik tap-pu-ut a-ki-i sa-ḫi-ru dam-qa-a-ti |
| i 77 | eṭ-lum gít-ma-lum zi-ka-ru qar-du |
| i 88 | a-šá-red kal mal-ki rap-pu la-ʾi-iṭ |
| i 99 | la ma-gi-ri mu-šab-ri-qu za-ma-a-ni |
| i 1010 | daš-šur KUR-ú GAL-ú LUGAL-ut la šá-na-an |
| i 1111 | ú-šat-li-ma-an-ni-ma UGU gim-ri |
| i 1212 | a-šib pa-rak-ki ú-šar-ba-a GIŠ.TUKUL.MEŠ-ia |
| i 1313 | ul-tu A.AB.BA e-le-ni-ti ša šá-lam dUTU-ši |
| i 1414 | a-di tam-tim šap-li-ti ša ṣi-it dUTU-ši |
| i 1515 | gim-ri ṣal-mat SAG.DU ú-šak-niš še-pu-ú-a |
| i 1616 | ù mal-ki šep-ṣu-ti e-du-ru ta-ḫa-zi |
| i 1717 | da-ád-me-šú-un iz-zi-bu-ma |
| i 1818 | ki-ma su-tin-ni.MUŠEN ni-gi-iṣ-ṣi |
| i 1919 | e-diš ip-par-šú a-šar la ʾa-a-ri |
| i 2020 | i-na maḫ-re-e ger-ri-ia ša mdMES-A-SUM.NA |
| i 2121 | LUGAL KUR.kár-ddun-ía-àš a-di ERIM.ḪI.A ELAM.MA.KI |
| i 2222 | re-ṣi-šú i-na ta-mir-ti kiš.KI áš-ta-kan BAD₅.BAD₅-šú |
| i 2323 | i-na MURUB₄ tam-ḫa-ri šu-a-tu e-zib KARAŠ-su |
| i 2424 | e-diš ip-par-šid-ma na-piš-tuš e-ṭí-ir |
| i 2525 | GIŠ.GIGIR.MEŠ ANŠE.KUR.RA.MEŠ GIŠ.ṣu-um-bi ANŠE.KUNGA.MEŠ |
| i 2626 | ša i-na qit-ru-ub ta-ḫa-zi ú-maš-ši-ru |
| i 2727 | ik-šu-da ŠU.II-a-a a-na É.GAL-šú ša qé-reb |
| i 2828 | KÁ.DINGIR.RA.KI ḫa-diš e-ru-um-ma ap-te-ma |
| i 2929 | É ni-ṣir-ti-šú KÙ.GI KÙ.BABBAR ú-nu-ut KÙ.GI KÙ.BABBAR |
| i 3030 | NA₄ a-qar-tu mim-ma šum-šú NÍG.ŠU NÍG.GA |
| i 3131 | la ni-bi ka-bit-tu GUN MUNUS.ŠÀ.É.GAL.MEŠ-šú |
| i 3232 | LÚ.TIRUM.MEŠ LÚ.man-za-az pa-ni LÚ.NAR.MEŠ |
| i 3333 | MUNUS.NAR.MEŠ si-ḫir-ti um-ma-a-ni |
| i 3434 | ma-la ba-šu-ú mut-tab-bi-lu-tú É.GAL-uš |
| i 3535 | ú-še-ṣa-am-ma šal-la-tiš am-nu i-na e-muq daš-šur |
| i 3636 | EN-ia 75 URU.MEŠ-šú dan-nu-ti É BÀD.MEŠ |
| i 3737 | ša KUR.kal-di ù 4 ME 20 URU.MEŠ TUR.MEŠ |
| i 3838 | ša li-me-ti-šú-nu al-me KUR-ud áš-lu-la šal-la-sún |
| i 3939 | LÚ.úr-bi LÚ.a-ra-mu LÚ.kal-du |
| i 4040 | ša qé-reb UNUG.KI NIBRU.KI kiš.KI URU.ḫur-sag-kalam-ma |
| i 4141 | GÚ.DU₈.A.KI ZIMBIR.KI a-di DUMU.MEŠ URU |
| i 4242 | EN ḫi-iṭ-ṭi ú-še-ṣa-am-ma šal-la-tiš am-nu |
| i 4343 | i-na ta-a-a-ar-ti-ia LÚ.tu-uʾ-mu-na |
| i 4444 | LÚ.ri-ḫi-ḫu LÚ.ia-daq-qu LÚ.ú-bu-du |
| i 4545 | LÚ.gib-re-e LÚ.ma-la-ḫu LÚ.gu-ru-mu |
| i 4646 | LÚ.ú-bu-lum LÚ.da-mu-nu LÚ.gam-bu-lum |
| i 4747 | LÚ.ḫi-in-da-ru LÚ.ru-ʾu-u-a LÚ.pu-qu-du |
| i 4848 | LÚ.ḫa-am-ra-nu LÚ.ḫa-ga-ra-nu LÚ.na-ba-tu |
| i 4949 | LÚ.li-iʾ-ta-a-ú LÚ.a-ra-mu la kan-šu-ti |
| i 5050 | mit-ḫa-riš ak-šudud 2 ME 8 LIM UN.MEŠ TUR GAL |
| i 5151 | NITA ù MUNUS ANŠE.KUR.RA.MEŠ ANŠE.KUNGA.MEŠ ANŠE.MEŠ |
| i 5252 | ANŠE.GAM.MAL.MEŠ GU₄.MEŠ ù ṣe-e-ni ša la ni-bi |
| i 5353 | šal-la-tu ka-bit-tu áš-lu-la a-na qé-reb KUR aš-šur.KI |
| i 5454 | i-na me-ti-iq ger-ri-ia ša mdMUATI-EN-MU.MEŠ |
| i 5555 | LÚ.qí-pi URU.ḫa-ra-ra-te KÙ.GI KÙ.BABBAR GIŠ.mu-suk-kan-ni |
| i 5656 | GAL.MEŠ ANŠE.MEŠ ANŠE.GAM.MAL.MEŠ GU₄.MEŠ ù ṣe-e-ni |
| i 5757 | ta-mar-ta-šú ka-bit-tu am-ḫur ba-ḫu-la-ti |
| i 5858 | URU.ḫi-rim-me LÚ.KÚR ak-ṣi i-na GIŠ.TUKUL.MEŠ ú-šam-qit-ma |
| i 5959 | e-du ul e-zib pag-ri-šu-un i-na ga-ši-ši |
| i 6060 | a-lul-ma si-ḫir-ti URU ú-šal-me na-gu-ú |
| i 6161 | šu-a-tu a-na eš-šu-ti aṣ-bat 1-en GU₄ |
| i 6262 | 10 UDU.NÍTA.MEŠ 10 ANŠE GIŠ.GEŠTIN 20 ANŠE ZÚ.LUM.MA |
| i 6363 | re-še-ti-šú a-na DINGIR.MEŠ-ni KUR aš-šur.KI |
| i 6464 | EN.MEŠ-ia ú-kin dà-ri-šam |
| i 6565 | i-na 2-e ger-ri-ia daš-šur be-lí ú-tak-kil-an-ni-ma |
| i 6666 | a-na KUR LÚ.kaš-ši-i ù KUR LÚ.ia-su-bi-gal-la-a-a |
| i 6767 | ša ul-tu ul-la a-na LUGAL.MEŠ AD.MEŠ-ia la kit-nu-šú |
| i 6868 | lu al-lik qé-reb ḫur-šá-a-ni zaq-ru-ti |
| i 6969 | A.ŠÀ nam-ra-ṣi i-na ANŠE.KUR.RA ar-kab-ma |
| i 7070 | GIŠ.GIGIR GÌR.II-ia i-na ti-ik-ka-te ú-šá-áš-ši |
| i 7171 | áš-ru šup-šu-qu i-na GÌR.II-ia ri-ma-niš at-tag-giš |
| i 7272 | URU.É-mki-lam-za-aḫ URU.ḫa-ar-diš-pi |
| i 7373 | URU.É-mku-bat-ti URU.MEŠ-šú-nu É BÀD.MEŠ-ni |
| i 7474 | dan-nu-ti al-me KUR-ud UN.MEŠ ANŠE.KUR.RA.MEŠ |
| i 7575 | ANŠE.KUNGA.MEŠ ANŠE.MEŠ GU₄.MEŠ ù ṣe-e-ni |
| i 7676 | ul-tu qer-bi-šú-un ú-še-ṣa-am-ma šal-la-tiš am-nu |
| i 7777 | ù URU.MEŠ-šú-nu TUR.MEŠ ša ni-ba la i-šu-ú |
| i 7878 | ap-pul aq-qur ú-še-me kar-meš É EDIN kul-ta-ri |
| i 7979 | mu-šá-bi-šú-nu i-na dGIŠ.BAR aq-mu-ma di-tal-liš |
| i 8080 | ú-še-me ú-ter-ma URU.É-mki-lam-za-aḫ |
| i 8181 | šu-a-tu a-na URU.bir-tu-ti aṣ-bat |
| i 8282 | UGU ša u₄-um pa-ni BÀD.MEŠ-šú ú-dan-nin-ma |
| Column ii | |
| ii 1ii 1 | UN.MEŠ KUR.KUR ki-šit-ti ŠU.II-ia ina ŠÀ ú-še-šib |
| ii 22 | UN.MEŠ KUR LÚ.kaš-ši-i ù KUR LÚ.ia-su-bi-gal-la-a-a |
| ii 33 | ša la-pa-an GIŠ.TUKUL.MEŠ-ia ip-par-šid-du |
| ii 44 | ul-tu qé-reb KUR-i ú-še-ri-dam-ma |
| ii 55 | i-na URU.ḫar-diš-pi URU.É-mku-bat-ti ú-šar-me |
| ii 66 | i-na ŠU.II LÚ.šu-ut SAG-ia LÚ.EN.NAM URU.ar-rap-ḫa |
| ii 77 | am-nu-šú-nu-ti NA₄.NA.RÚ.A ú-še-piš-ma |
| ii 88 | li-i-tum ki-šit-ti ŠU.II ša UGU-šú-un |
| ii 99 | áš-tak-ka-nu ṣe-ru-uš-šú ú-šá-áš-ṭir-ma |
| ii 1010 | i-na qer-bi URU ul-ziz pa-an ni-ri-ia ú-ter-ma |
| ii 1111 | a-na KUR.el-li-pi aṣ-ṣa-bat ḫar-ra-nu |
| ii 1212 | el-la-mu-ú-a mis-pa-ba-a-ra LUGAL-šu-un |
| ii 1313 | URU.MEŠ-šú dan-nu-ti É ni-ṣir-ti-šú |
| ii 1414 | ú-maš-šir-ma a-na ru-qé-e-ti in-na-bit |
| ii 1515 | gim-ri KUR-šú DAGAL-tim GIM MURU₉ as-ḫu-up |
| ii 1616 | URU.mar-ú-biš-ti URU.ak-ku-ud-du URU.MEŠ-ni |
| ii 1717 | É LUGAL-ti-šú a-di 34 URU.MEŠ TUR.MEŠ |
| ii 1818 | ša li-me-ti-šú-nu al-me KUR-ud ap-pul aq-qur |
| ii 1919 | i-na dGIŠ.BAR aq-mu UN.MEŠ TUR GAL NITA u MUNUS |
| ii 2020 | ANŠE.KUR.RA.MEŠ ANŠE.KUNGA.MEŠ ANŠE.MEŠ ANŠE.GAM.MAL.MEŠ |
| ii 2121 | GU₄.MEŠ ù ṣe-e-ni a-na la mi-nam áš-lu-lam-ma |
| ii 2222 | a-di la ba-ši-i ú-šá-lik-šu-ma ú-ṣa-ḫir KUR-su |
| ii 2323 | URU.ṣi-ṣi-ir-tu URU.ku-um-ma-aḫ-lum URU.MEŠ-ni |
| ii 2424 | dan-nu-ti a-di URU.MEŠ TUR.MEŠ ša li-me-ti-šú-nu |
| ii 2525 | KUR.É-mba-ar-ru-ú na-gu-u a-na gi-mir-ti-šú |
| ii 2626 | ul-tu qé-reb KUR-šú ab-tuq-ma UGU mi-ṣir KUR aš-šur |
| ii 2727 | ú-rad-di URU.el-en-za-áš a-na URU LUGAL-ú-ti |
| ii 2828 | ù dan-na-at na-ge-e šu-a-tu aṣ-bat-ma |
| ii 2929 | MU-šú maḫ-ra-a ú-na-kir-ma URU.kar-md30-PAP.MEŠ-SU |
| ii 3030 | at-ta-bi ni-bit-su UN.MEŠ KUR.KUR ki-šit-ti ŠU.II-ia |
| ii 3131 | i-na lìb-bi ú-še-šib i-na ŠU.II LÚ.šu-ut SAG-ia |
| ii 3232 | LÚ.EN.NAM URU.ḫar-ḫar am-nu-ma ú-rap-piš ma-a-ti |
| ii 3333 | i-na ta-a-a-ar-ti-ia ša KUR.ma-da-a-a ru-qu-te |
| ii 3434 | ša i-na LUGAL.MEŠ AD.MEŠ-ia ma-am-man la iš-mu-ú |
| ii 3535 | zi-kir KUR-šú-un man-da-ta-šú-nu ka-bit-tu am-ḫur |
| ii 3636 | a-na ni-ri be-lu-ti-ia ú-šak-ni-su-nu-ti |
| ii 3737 | i-na šal-ši ger-ri-ia a-na KUR.ḫat-ti lu al-lik |
| ii 3838 | mlu-li-i LUGAL URU.ṣi-du-un-ni pul-ḫi me-lam-me |
| ii 3939 | be-lu-ti-ia is-ḫu-pu-šu-ma a-na ru-uq-qí |
| ii 4040 | qa-bal tam-tim in-na-bit-ma šad-da-šú e-mid |
| ii 4141 | URU.ṣi-du-un-nu GAL-ú URU.ṣi-du-un-nu TUR |
| ii 4242 | URU.É-zi-it-ti URU.ṣa-ri-ip-tu URU.ma-ḫal-li-ba |
| ii 4343 | URU.ú-šu-ú URU.ak-zi-bi URU.ak-ku-ú |
| ii 4444 | URU.MEŠ-šú dan-nu-ti É BÀD.MEŠ a-šar ri-i-ti |
| ii 4545 | ù maš-qí-ti É tuk-la-te-šú ra-šub-bat GIŠ.TUKUL daš-šur |
| ii 4646 | EN-ia is-ḫu-pu-šú-nu-ti-ma ik-nu-šú še-pu-ú-a |
| ii 4747 | mtu-ba-aʾ-lum i-na GIŠ.GU.ZA LUGAL-ú-ti |
| ii 4848 | UGU-šú-un ú-še-šib-ma GUN man-da-tu be-lu-ti-ia |
| ii 4949 | šat-ti-šam la ba-aṭ-lu ú-kin ṣe-ru-uš-šú |
| ii 5050 | ša mmi-in-ḫi-im-mu URU.sam-si-mu-ru-na-a-a |
| ii 5151 | mtu-ba-aʾ-lum URU.ṣi-du-un-na-a-a |
| ii 5252 | mab-di-li-iʾ-ti URU.a-ru-da-a-a |
| ii 5353 | mú-ru-mil-ki URU.gu-ub-la-a-a |
| ii 5454 | mmi-ti-in-ti URU.as-du-da-a-a |
| ii 5555 | mbu-du-DINGIR KUR.É-mam-ma-na-a-a |
| ii 5656 | mkam-mu-su-na-ad-bi KUR.ma-ʾa-ba-a-a |
| ii 5757 | mda-a-ram-mu KUR.ú-du-um-ma-a-a |
| ii 5858 | LUGAL.MEŠ KUR MAR.TU.KI ka-li-šú-un IGI.SÁ-e šad-lu-ti |
| ii 5959 | ta-mar-ta-šú-nu ka-bit-tu a-di 4-šú a-na maḫ-ri-ia |
| ii 6060 | iš-šu-nim-ma iš-ši-qu GÌR.II-ia ù mṣi-id-qa-a |
| ii 6161 | LUGAL URU.is-qa-al-lu-na ša la ik-nu-šú |
| ii 6262 | a-na ni-ri-ia DINGIR.MEŠ É AD-šú šá-a-šú DAM-su |
| ii 6363 | DUMU.MEŠ-šú DUMU.MUNUS.MEŠ-šú ŠEŠ.MEŠ-šú NUMUN É AD-šú |
| ii 6464 | as-su-ḫa-ma a-na KUR aš-šur.KI ú-ra-áš-šú |
| ii 6565 | mLUGAL-lu-dà-ri DUMU mru-kib-ti LUGAL-šú-nu maḫ-ru-ú |
| ii 6666 | UGU UN.MEŠ URU.is-qa-al-lu-na áš-kun-ma |
| ii 6767 | na-dan GUN kàd-re-e be-lu-ti-ia e-mid-su-ma |
| ii 6868 | i-šá-a-aṭ ab-šá-a-ni i-na me-ti-iq ger-ri-ia |
| ii 6969 | URU.É-da-gan-na URU.ia-ap-pu-ú |
| ii 7070 | URU.ba-na-a-a-bar-qa URU.a-zu-ru URU.MEŠ-ni |
| ii 7171 | ša mṣi-id-qa-a ša a-na GÌR.II-ia ár-ḫiš |
| ii 7272 | la ik-nu-šú al-me KUR-ud áš-lu-la šal-la-su-un |
| ii 7373 | LÚ.GÌR.NÍTA.MEŠ LÚ.NUN.MEŠ ù UN.MEŠ URU.am-qar-ru-na |
| ii 7474 | ša mpa-di-i LUGAL-šú-nu EN a-de-e ù ma-mit |
| ii 7575 | ša KUR aš-šur.KI bi-re-tu AN.BAR id-du-ma |
| ii 7676 | a-na mḫa-za-qi-a-ú KUR.ia-ú-da-a-a |
| ii 7777 | id-di-nu-šú nak-riš a-na an-zil-li i-pu-šú |
| ii 7878 | ip-làḫ lib-ba-šú-un LUGAL.MEŠ KUR.mu-ṣu-ri |
| ii 7979 | LÚ.ERIM.MEŠ GIŠ.PAN GIŠ.GIGIR.MEŠ ANŠE.KUR.RA.MEŠ |
| ii 8080 | ša LUGAL KUR.me-luḫ-ḫi e-mu-qí la ni-bi |
| ii 8181 | ik-te-ru-nim-ma il-li-ku re-ṣu-su-un |
| ii 8282 | i-na ta-mir-ti URU.al-ta-qu-ú |
| ii 8383 | el-la-mu-ú-a si-id-ru šit-ku-nu |
| Column iii | |
| iii 1iii 1 | ú-šá-ʾa-lu GIŠ.TUKUL.MEŠ-šú-un i-na tukul-ti daš-šur |
| iii 22 | EN-ia it-ti-šú-un am-da-ḫi-iṣ-ma áš-ta-kan |
| iii 33 | BAD₅.BAD₅-šú-un LÚ.EN GIŠ.GIGIR.MEŠ ù DUMU.MEŠ LUGAL |
| iii 44 | KUR.mu-ṣu-ra-a-a a-di LÚ.EN GIŠ.GIGIR.MEŠ ša LUGAL KUR.me-luḫ-ḫi |
| iii 55 | bal-ṭu-su-un i-na MURUB₄ tam-ḫa-ri ik-šu-da |
| iii 66 | ŠU.II-a-a URU.al-ta-qu-ú URU.ta-am-na-a |
| iii 77 | al-me KUR-ud áš-lu-la šal-la-sún a-na URU.am-qar-ru-na |
| iii 88 | aq-rib-ma LÚ.GÌR.NÍTA.MEŠ LÚ.NUN.MEŠ ša ḫi-iṭ-ṭu |
| iii 99 | ú-šab-šu-ú a-duk-ma i-na di-ma-a-ti |
| iii 1010 | si-ḫir-ti URU a-lul pag-ri-šú-un DUMU.MEŠ URU |
| iii 1111 | e-piš an-ni ù gíl-la-ti a-na šal-la-ti am-nu |
| iii 1212 | si-it-tu-te-šú-nu la ba-bil ḫi-ṭi-ti |
| iii 1313 | ù gul-lul-ti ša a-ra-an-šú-nu la ib-šu-ú |
| iii 1414 | uš-šur-šú-un aq-bi mpa-di-i LUGAL-šú-nu |
| iii 1515 | ul-tu qé-reb URU.ur-sa-li-im-mu ú-še-ṣa-am-ma |
| iii 1616 | i-na GIŠ.GU.ZA be-lu-ti UGU-šú-un ú-še-šib-ma |
| iii 1717 | man-da-at-tu be-lu-ti-ia ú-kin ṣe-ru-uš-šú |
| iii 1818 | ù mḫa-za-qi-a-ú KUR.ia-ú-da-a-a |
| iii 1919 | ša la ik-nu-šú a-na ni-ri-ia 46 URU.MEŠ-šú dan-nu-ti |
| iii 2020 | É BÀD.MEŠ ù URU.MEŠ TUR.MEŠ ša li-me-ti-šú-nu |
| iii 2121 | ša ni-ba la i-šu-ú i-na šuk-bu-us a-ram-me |
| iii 2222 | ù qit-ru-ub šu-pi-i mit-ḫu-uṣ zu-uk GÌR.II |
| iii 2323 | pil-ši nik-si ù kal-ban-na-te al-me KUR-ud |
| iii 2424 | 2 ME LIM 1 ME 50 UN.MEŠ TUR GAL NITA ù MUNUS |
| iii 2525 | ANŠE.KUR.RA.MEŠ ANŠE.KUNGA.MEŠ ANŠE.MEŠ ANŠE.GAM.MAL.MEŠ |
| iii 2626 | GU₄.MEŠ ù ṣe-e-ni ša la ni-bi ul-tu qer-bi-šú-un |
| iii 2727 | ú-še-ṣa-am-ma šal-la-tiš am-nu šá-a-šú GIM MUŠEN qu-up-pi |
| iii 2828 | qé-reb URU.ur-sa-li-im-mu URU LUGAL-ti-šú |
| iii 2929 | e-sír-šú URU.ḪAL.ṢU.MEŠ UGU-šú ú-rak-kis-ma |
| iii 3030 | a-ṣe-e KÁ.GAL URU-šú ú-ter-ra ik-ki-bu-uš URU.MEŠ-šú |
| iii 3131 | ša áš-lu-la ul-tu qé-reb KUR-šú ab-tuq-ma |
| iii 3232 | a-na mmi-ti-in-ti LUGAL URU.as-du-di |
| iii 3333 | mpa-di-i LUGAL URU.am-qar-ru-na ù mGISSU-EN |
| iii 3434 | LUGAL URU.ḫa-zi-ti ad-din-ma ú-ṣa-aḫ-ḫir KUR-su |
| iii 3535 | e-li GUN maḫ-ri-ti na-dan šat-ti-šú-un |
| iii 3636 | man-da-at-tu kàd-re-e be-lu-ti-ia ú-rad-di-ma |
| iii 3737 | ú-kin ṣe-ru-uš-šú šu-ú mḫa-za-qi-a-ú |
| iii 3838 | pul-ḫi me-lam-me be-lu-ti-ia is-ḫu-pu-šu-ma |
| iii 3939 | LÚ.úr-bi ù LÚ.ERIM.MEŠ-šú SIG₅.MEŠ ša a-na dun-nun |
| iii 4040 | URU.ur-sa-li-im-mu URU LUGAL-ti-šú ú-še-ri-bu-ma |
| iii 4141 | ir-šu-ú til-la-a-ti it-ti 30 GUN KÙ.GI |
| iii 4242 | 8 ME GUN KÙ.BABBAR ni-siq-ti gu-uḫ-li |
| iii 4343 | ták-kàs-si NA₄.AN.ZA.GUL.ME GAL.MEŠ GIŠ.NÁ.MEŠ ZÚ |
| iii 4444 | GIŠ.GU.ZA.MEŠ né-me-di ZÚ KUŠ AM.SI ZÚ AM.SI |
| iii 4545 | GIŠ.ESI GIŠ.TÚG mim-ma šum-šú ni-ṣir-tu ka-bit-tu |
| iii 4646 | ù DUMU.MUNUS.MEŠ-šú MUNUS.UN.MEŠ É.GAL-šú LÚ.NAR.MEŠ |
| iii 4747 | MUNUS.NAR.MEŠ a-na qé-reb NINA.KI URU be-lu-ti-ia |
| iii 4848 | EGIR-ia ú-še-bi-lam-ma a-na na-dan man-da-at-te |
| iii 4949 | ù e-peš ARAD-ú-ti iš-pu-ra rak-bu-šú |
| iii 5050 | i-na 4-e ger-ri-ia daš-šur be-lí ú-tak-kil-an-ni-ma |
| iii 5151 | um-ma-na-te-ia gap-šá-te ad-ke-ma a-na KUR.É-mia-kin₇ |
| iii 5252 | a-la-ku aq-bi i-na me-ti-iq ger-ri-ia |
| iii 5353 | ša mšu-zu-bi LÚ.kal-dà-a-a a-šib qé-reb ÍD.a-gam-me |
| iii 5454 | i-na URU.bi-it-tu-ú-tu áš-ta-kan BAD₅.BAD₅-šú |
| iii 5555 | šu-ú ḫur-ba-šú MÈ-ia UGU-šú im-qut-ma |
| iii 5656 | it-ru-ku lib-bu-šú ki-ma az-za-ri e-diš ip-par-šid-ma |
| iii 5757 | ul in-na-mir a-šar-šú pa-an ni-ri-ia ú-ter-ma |
| iii 5858 | a-na KUR.É-mia-kin₇ aṣ-ṣa-bat ḫar-ra-nu |
| iii 5959 | šu-ú mdAMAR.UTU-IBILA-SUM.NA ša i-na a-lak ger-ri-ia |
| iii 6060 | maḫ-re-e BAD₅.BAD₅-šú áš-ku-nu-ma ú-par-ri-ru |
| iii 6161 | el-lat-su ri-gim GIŠ.TUKUL.MEŠ-ia dan-nu-ti |
| iii 6262 | ù ti-ib MÈ-ia ez-zi e-dúr-ma |
| iii 6363 | DINGIR.MEŠ ma-rak KUR-šú i-na KI.TUŠ-šú-nu id-ke-ma |
| iii 6464 | qé-reb GIŠ.MÁ.MEŠ ú-šar-kib-ma a-na URU.na-gi-te-raq-qí |
| iii 6565 | ša qa-bal tam-tim iṣ-ṣu-riš ip-pa-riš ŠEŠ.MEŠ-šú |
| iii 6666 | NUMUN É AD-šú ša ú-maš-ši-ru a-ḫi tam-tim |
| iii 6767 | a-di si-it-ti UN.MEŠ KUR-šú ul-tu KUR.É-mia-kin₇ |
| iii 6868 | qé-reb ÍD.a-gam-me u ap-pa-ra-a-te ú-še-ṣa-am-ma |
| iii 6969 | šal-la-tiš am-nu ú-ter-ma URU.MEŠ-šú ap-pul aq-qur |
| iii 7070 | ú-še-me kar-meš UGU EN sa-li-me-šú LUGAL KUR.ELAM.MA.KI |
| iii 7171 | na-mur-ra-tum at-bu-uk i-na ta-a-a-ar-ti-ia |
| iii 7272 | mdaš-šur-na-din-MU DUMU reš-tu-ú tar-bit bir-ki-ia |
| iii 7373 | i-na GIŠ.GU.ZA be-lu-ti-šú ú-še-šib-ma |
| iii 7474 | DAGAL-tum KUR EME.GI₇ u URI.KI ú-šad-gil pa-nu-uš-šú |
| iii 7575 | i-na 5 ger-ri-ia ba-ḫu-la-te URU.tu-mur-ri |
| iii 7676 | URU.šá-ru-um URU.e-za-ma URU.kip-šú URU.ḫal-bu-da |
| iii 7777 | URU.qu-u-a URU.qa-na ša GIM qin-ni TI₈.MUŠEN a-šá-red |
| iii 7878 | MUŠEN.ḪI.A ṣe-er zuq-ti KUR.ni-pur KUR-i mar-ṣi |
| iii 7979 | šu-bat-sún šit-ku-na-at-ma la kit-nu-šú a-na ni-ri |
| iii 8080 | i-na GÌR.II KUR.ni-pur ka-ra-ši ú-šá-áš-kin-ma |
| iii 8181 | it-ti LÚ.qur-bu-ti GÌR.II-ia na-as-qu-ti |
| Column iv | |
| iv 1iv 1 | ù LÚ.ERIM.MEŠ MÈ-ia la ga-me-lu-ti |
| iv 22 | a-na-ku GIM AM ek-di pa-nu-uš-šú-un aṣ-bat |
| iv 33 | ḫur-ri na-ḫal-li na-at-bak KUR-i me-le-e |
| iv 44 | mar-ṣu-ti i-na GIŠ.GU.ZA áš-ta-am-di-iḫ |
| iv 55 | a-šar a-na GIŠ.GU.ZA šup-šu-qu i-na GÌR.II-ia áš-taḫ-<ḫi>-iṭ |
| iv 66 | GIM ar-me a-na zuq-ti šá-qu-ti ṣe-ru-uš-šú-un |
| iv 77 | e-li a-šar bir-ka-a-a ma-na-aḫ-tu i-šá-a |
| iv 88 | ṣe-er NA₄ KUR-i ú-šib-ma A.MEŠ KUŠ.na-a-di ka-ṣu-te |
| iv 99 | a-na ṣu-um-me-ia lu áš-ti i-na ŠU.SI.MEŠ |
| iv 1010 | ḫur-šá-a-ni ar-de-šú-nu-ti-ma áš-ta-kan |
| iv 1111 | taḫ-ta-šú-un URU.MEŠ-šú-nu KUR-ma áš-lu-la šal-la-sún |
| iv 1212 | ap-pul aq-qur i-na dGIŠ.BAR aq-mu pa-an ni-ri-ia |
| iv 1313 | ú-ter-ma ṣe-er mma-ni-ia-e LUGAL URU.uk-ki |
| iv 1414 | šad-da-a-a-e la kan-še aṣ-ṣa-bat ḫar-ra-nu |
| iv 1515 | ur-ḫi la pe-tu-ti ṭu-di pa-áš-qu-ti ša la-pa-an |
| iv 1616 | KUR.MEŠ mar-ṣu-ti ul-la-nu-ú-a qé-reb-šú-un |
| iv 1717 | ma-am-man la il-li-ku LUGAL.MEŠ pa-ni maḫ-ru-ti |
| iv 1818 | i-na GÌR.II KUR.a-na-ra ù KUR.up-pa šad-di-i dan-nu-ti |
| iv 1919 | ka-ra-ši ú-šá-áš-kin-ma a-na-ku i-na GIŠ.GU.ZA né-me-di |
| iv 2020 | it-ti LÚ.ERIM.MEŠ ta-ḫa-zi-ia gít-ma-lu-ti |
| iv 2121 | i-na ne-re-bi-šú-un pi-qu-ti šu-nu-ḫi-iš |
| iv 2222 | e-ru-um-ma mar-ṣi-iš e-te-el-la-a ŠU.SI.MEŠ KUR-i |
| iv 2323 | pa-áš-qa-a-te šu-ú mma-ni-ia-e tur-bu-uʾ |
| iv 2424 | GÌR.II ERIM.ḪI.A-ia e-mur-ma URU.uk-ku URU LUGAL-ti-šu |
| iv 2525 | e-zib-ma a-na ru-qé-e-ti in-na-bit URU.uk-ku |
| iv 2626 | al-me KUR-ud áš-lu-la šal-la-su mim-ma šum-šu NÍG.ŠU NÍG.GA |
| iv 2727 | ni-ṣir-ti É.GAL-šú ul-tu qer-bé-e-šu |
| iv 2828 | ú-še-ṣa-am-ma šal-la-tiš am-nu ù 33 URU.MEŠ-ni |
| iv 2929 | ša pa-a-ṭi na-gi-šú KUR-ma UN.MEŠ ANŠE.MEŠ GU₄.MEŠ |
| iv 3030 | ù ṣe-e-ni ul-tu qer-bi-šú-un áš-lu-la |
| iv 3131 | ap-pu-ul aq-qur i-na dGIŠ.BAR aq-mu |
| iv 3232 | i-na 6 ger-ri-ia si-it-ti UN.MEŠ KUR.É-mia-kin₇ |
| iv 3333 | ša la-pa-an GIŠ.TUKUL.MEŠ-ia dan-nu-te GIM sér-re-me |
| iv 3434 | ig-ru-ru DINGIR.MEŠ ma-rak KUR-šú-un i-na KI.TUŠ-šú-nu id-ku-ma |
| iv 3535 | tam-tum GAL-tum ša ṣi-it dUTU-ši e-bi-ru-ma |
| iv 3636 | i-na URU.na-gi-ti ša KUR.ELAM.MA.KI id-du-ú šu-bat-sún |
| iv 3737 | i-na GIŠ.MÁ.MEŠ KUR.ḫat-ti tam-tum lu e-bir URU.na-gi-tú |
| iv 3838 | URU.na-gi-tú-di-iʾ-bi-na a-di KUR.ḫi-il-mu KUR.pil-la-tú |
| iv 3939 | ù KUR.ḫu-pa-pa-nu na-ge-e ša KUR.ELAM.MA.KI KUR-ud |
| iv 4040 | UN.MEŠ KUR.É-mia-kin₇ a-di DINGIR.MEŠ-šú-nu ù UN.MEŠ |
| iv 4141 | ša LUGAL KUR.ELAM.MA.KI áš-lu-lam-ma la e-zi-ba |
| iv 4242 | mul-taḫ-ṭu qé-reb GIŠ.MÁ.MEŠ ú-šar-kib-ma |
| iv 4343 | a-na a-ḫa-an-na-a ú-še-bi-ra-ma ú-šá-aṣ-bi-ta |
| iv 4444 | ḫar-ra-an KUR aš-šur.KI URU.MEŠ ša qé-reb na-ge-e |
| iv 4545 | šá-tu-nu ap-pul aq-qur i-na dGIŠ.BAR aq-mu a-na DU₆ u kar-me |
| iv 4646 | ú-ter i-na ta-a-a-ar-ti-ia mšu-zu-bu |
| iv 4747 | DUMU KÁ.DINGIR.RA.KI ša i-na e-ši-ti ma-a-te be-lu-tu |
| iv 4848 | KUR EME.GI₇ u URI.KI ra-ma-nu-uš ú-ter-ru |
| iv 4949 | i-na MÈ EDIN BAD₅.BAD₅-šú áš-kun bal-ṭu-su i-na ŠU.II |
| iv 5050 | aṣ-bat-su šum-man-nu ù bi-re-tu AN.BAR ad-di-šu-ma |
| iv 5151 | a-na KUR aš-šur.KI ú-ra-áš-šú LUGAL KUR.ELAM.MA.KI ša Á.II-šú |
| iv 5252 | is-ḫu-ru-ma il-li-ku re-ṣu-su BAD₅.BAD₅-šú áš-kun |
| iv 5353 | ILLAT.MEŠ-šú ú-sap-pi-iḫ-ma ú-par-ri-ir pu-ḫur-šú |
| iv 5454 | i-na 7-e ger-ri-ia daš-šur be-lí ú-tak-kil-an-ni-ma |
| iv 5555 | a-na KUR.e-lam-ti lu al-lik URU.É-mḫa-ʾi-i-ri |
| iv 5656 | URU.ra-ṣa-a URU.MEŠ ša mi-ṣir KUR aš-šur.KI |
| iv 5757 | ša i-na tar-ṣi AD-ia e-la-mu-ú e-ki-mu da-na-niš |
| iv 5858 | i-na me-ti-iq ger-ri-ia KUR-ud áš-lu-la šal-la-sún |
| iv 5959 | ERIM.MEŠ šu-lu-ti-ia ú-še-rib qé-reb-šú-un a-na mi-ṣir |
| iv 6060 | KUR aš-šur.KI ú-ter-ra-ma ŠU.II LÚ.GAL URU.ḪAL.ṢU BÀD.AN.KI |
| iv 6161 | am-nu URU.bu-bé-e URU.dun-ni-dUTU URU.É-mri-si-ia |
| iv 6262 | URU.É-aḫ-la-me-e URU.du-ru URU.dan-nat-msu-la-a-a |
| iv 6363 | URU.ši-li-ib-tu URU.É-ma-ṣu-si URU.kar-mNUMUN-BA-šá |
| iv 6464 | URU.É-mgi-iṣ-ṣi URU.É-mkàt-pa-la-ni URU.É-mim-bi-ia |
| iv 6565 | URU.ḫa-ma-a-nu URU.É-mar-ra-bi URU.bu-ru-tu |
| iv 6666 | URU.dim-tú-ša-msu-la-a-a URU.dim-tú-ša-mdDUMU-É-KAR-ir |
| iv 6767 | URU.ḫar-ri-áš-la-ke-e URU.rab-ba-a-a |
| iv 6868 | URU.ra-a-su URU.ak-ka-ba-ri-na URU.DU₆-mú-ḫu-ri |
| iv 6969 | URU.ḫa-am-ra-nu URU.na-ṭi-tu a-di URU.MEŠ-ni |
| iv 7070 | ša né-re-bi ša URU.É-mbu-na-ki URU.DU₆-dḫu-um-bi |
| iv 7171 | URU.dim-tú-ša-mdu-me-DINGIR URU.É-mú-bi-ia |
| iv 7272 | URU.ba-al-ti-li-šir URU.ta-qab-li-šir |
| iv 7373 | URU-ša-na-qi-da-te URU.ma-su-tú-šap-li-ti |
| iv 7474 | URU.sa-ar-ḫu-de-ri URU.a-lum-ša-GAŠAN-É |
| iv 7575 | URU.É-mPAP.MEŠ-SUM.NA URU.il-te-ú-ba |
| iv 7676 | 34 URU.MEŠ dan-nu-ti a-di URU.MEŠ TUR.MEŠ |
| iv 7777 | ša li-me-ti-šú-nu ša ni-ba la i-šu-ú |
| iv 7878 | al-me KUR-ud áš-lu-la šal-la-sún ap-pul aq-qur |
| iv 7979 | i-na dGIŠ.BAR aq-mu qu-tur naq-mu-ti-šú-nu |
| iv 8080 | GIM MURU₉ kab-ti pa-an AN-e rap-šu-ti |
| iv 8181 | ú-šak-ti-im iš-me-ma ki-šit-ti URU.MEŠ-šú |
| Column v | |
| v 1v 1 | mNÍG.DU-dna-ḫu-un-du LÚ.e-la-mu-ú |
| v 22 | im-qut-su ḫat-tum si-it-ti URU.MEŠ-šú |
| v 33 | a-na dan-na-a-te ú-še-rib šu-ú URU.ma-dak-tu |
| v 44 | URU LUGAL-ti-šú e-zib-ma a-na URU.ḫa-i-da-la |
| v 55 | ša qé-reb KUR.MEŠ SÙ.MEŠ iṣ-ṣa-bat ḫar-ra-nu |
| v 66 | a-na URU.ma-dak-ti URU LUGAL-ti-šú a-la-ku aq-bi |
| v 77 | ITI.tam-ḫi-ri EN.TE.NA dan-nu e-ru-ba-am-ma |
| v 88 | šá-mu-tum ma-at-tum ú-šá-az-ni-na ŠÈG.MEŠ-šá |
| v 99 | ŠÈG.MEŠ ù šal-gi na-aḫ-lu na-at-bak KUR-i a-du-ra |
| v 1010 | pa-an ni-ri-ia ú-ter-ma a-na NINA.KI aṣ-ṣa-bat |
| v 1111 | ḫar-ra-nu i-na u₄-me-šu-ma i-na qí-bit daš-šur EN-ia |
| v 1212 | mNÍG.DU-dna-ḫu-un-du LUGAL KUR.ELAM.MA.KI 3 ITI.MEŠ |
| v 1313 | ul ú-mal-li-ma i-na u₄-me la ši-im-ti-šú |
| v 1414 | ur-ru-ḫi-iš im-tu-ut EGIR-šú mum-man-me-na-nu |
| v 1515 | la ra-áš ṭè-e-me ù mil-ki |
| v 1616 | ŠEŠ-šú dup-pu-us-su-ú i-na GIŠ.GU.ZA-šú ú-šib-ma |
| v 1717 | i-na 8-e ger-ri-ia EGIR mšu-zu-bi is-se-ḫu-ma |
| v 1818 | DUMU.MEŠ KÁ.DINGIR.RA.KI GAL₅.LÁ.MEŠ lem-nu-ti KÁ.GAL.MEŠ URU |
| v 1919 | ú-di-lu ik-pu-ud lib-ba-šú-nu a-na e-peš GIŠ.LÁ |
| v 2020 | mšu-zu-bu LÚ.kal-dà-a-a eṭ-lum dun-na-mu-ú |
| v 2121 | ša la i-šu-ú bir-ki LÚ.ARAD da-gíl pa-an LÚ.EN.NAM |
| v 2222 | URU.la-ḫi-ri LÚ.a-ra-me ḫal-qu mun-nab-tú a-mir da-me |
| v 2323 | ḫab-bi-lu ṣe-ru-uš-šú ip-ḫu-ru-ma qé-reb ÍD.a-gam-me |
| v 2424 | ú-ri-du-ma ú-šab-šu-u si-ḫu a-na-ku ni-tum al-me-šú-ma |
| v 2525 | nap-šá-tuš ú-si-qa la-pa-an ḫat-ti ù né-eb-re-te |
| v 2626 | a-na KUR.ELAM.MA.KI in-na-bit ki-i ri-kil-ti |
| v 2727 | ù gíl-la-ti ṣe-ru-uš-šú ba-ši-i ul-tu KUR.ELAM.MA.KI |
| v 2828 | i-ḫi-šam-ma qé-reb šu-an-na.KI e-ru-ub LÚ.KÁ.DINGIR.RA.KI.MEŠ |
| v 2929 | a-na la si-ma-ti-šú i-na GIŠ.GU.ZA ú-še-ši-bu-šú |
| v 3030 | be-lut KUR EME.GI₇ ù <<KUR>> URI.KI ú-šad-gi-lu pa-ni-šú |
| v 3131 | É NÍG.GA ša é-sag-íl ip-tu-ma KÙ.GI KÙ.BABBAR |
| v 3232 | ša dEN u dzar-pa-ni-tum NÍG.ŠU É DINGIR.MEŠ-šú-nu ú-še-ṣu-ni |
| v 3333 | a-na mum-man-me-na-nu LUGAL KUR.ELAM.MA.KI ša la i-šu-ú |
| v 3434 | ṭè-e-mu ù mil-ku ú-še-bi-lu-uš ṭa-aʾ-tú |
| v 3535 | pu-uḫ-ḫir um-man-ka di-ka-a KARAŠ-ka |
| v 3636 | a-na KÁ.DINGIR.RA.KI ḫi-šam-ma i-da-a-ni i-zi-iz-ma |
| v 3737 | tu-kul-ta-ni lu at-ta šu-ú LÚ.e-la-mu-ú |
| v 3838 | ša i-na a-lak ger-ri-ia maḫ-ri-ti ša KUR.ELAM.MA.KI |
| v 3939 | URU.MEŠ-šú ak-šu-du-ma ú-ter-ru a-na kar-me |
| v 4040 | lib-bu-uš ul iḫ-su-us ṭa-aʾ-tú |
| v 4141 | im-ḫur-šú-nu-ti-ma ERIM.ḪI.A-šú KARAŠ-su ú-pa-ḫir-ma |
| v 4242 | GIŠ.GIGIR.MEŠ GIŠ.ṣu-um-bi e-šu-ra ANŠE.KUR.RA.MEŠ |
| v 4343 | ANŠE.KUNGA.MEŠ is-ni-qa ṣi-in-di-šú KUR.par-su-áš |
| v 4444 | KUR.an-za-an KUR.pa-še-ru KUR.el-li-pi LÚ.ia-as-ìl |
| v 4545 | LÚ.la-kab-ra LÚ.ḫa-ar-zu-nu LÚ.du-um-mu-qu |
| v 4646 | LÚ.su-la-a-a LÚ.sa-am-ú-na DUMU mdMES-A-SUM.NA |
| v 4747 | KUR.É-ma-di-ni KUR.É-ma-muk-ka-na KUR.É-mšil-la-na |
| v 4848 | KUR.É-msa-a-la UD.UD.AG.KI URU.la-ḫi-ru LÚ.pu-qu-du |
| v 4949 | LÚ.gam-bu-lum LÚ.ḫa-la-tum LÚ.ru-ʾu-ú-a |
| v 5050 | LÚ.ú-bu-lum LÚ.ma-la-ḫu LÚ.ra-pi-qu |
| v 5151 | LÚ.ḫi-in-da-ru LÚ.da-mu-nu kit-ru GAL-ú |
| v 5252 | ik-te-ra it-ti-šú gi-ip-šu-su-un ú-ru-uḫ |
| v 5353 | KUR URI.KI iṣ-ba-tu-nim-ma a-na KÁ.DINGIR.RA.KI te-bu-ni |
| v 5454 | a-di mšu-zu-bi LÚ.kal-dà-a-a LUGAL KÁ.DINGIR.RA.KI |
| v 5555 | a-na a-ḫa-meš iq-ru-bu-ma pu-ḫur-šú-nu in-nen-du |
| v 5656 | ki-ma ti-bu-ut a-ri-bi ma-aʾ-di ša pa-an šat-ti |
| v 5757 | mit-ḫa-riš a-na e-peš tuq-ma-te te-bu-ni ṣe-ru-u-a |
| v 5858 | SAḪAR.ḪI.A GÌR.II-šú-nu ki-ma MURU₉ kab-ti |
| v 5959 | ša dun-ni e-ri-ia-ti pa-an AN-e rap-šu-te ka-tim |
| v 6060 | el-la-mu-ú-a ina URU.ḫa-lu-le-e ša ki-šad ÍD.IDIGNA |
| v 6161 | šit-ku-nu si-dir-ta pa-an maš-qí-ia ṣab-tu-ma |
| v 6262 | ú-šá-ʾa-lu GIŠ.TUKUL.MEŠ-šú-un a-na-ku a-na daš-šur |
| v 6363 | d30 dUTU dEN dMUATI dU.GUR dINANNA ša NINA.KI |
| v 6464 | dINANNA ša URU.LÍMMU-DINGIR DINGIR.MEŠ ti-ik-li-ia |
| v 6565 | a-na ka-šá-di LÚ.KÚR dan-ni am-ḫur-šú-nu-ti-ma |
| v 6666 | su-pe-e-a ur-ru-ḫi-iš iš-mu-ú il-li-ku |
| v 6767 | re-ṣu-ti la-ab-biš an-na-dir-ma at-tal-bi-šá |
| v 6868 | si-ri-ia-am ḫu-li-ia-am si-mat ṣi-il-ti |
| v 6969 | a-pi-ra ra-šu-ú-a i-na GIŠ.GIGIR MÈ-ia |
| v 7070 | ṣir-ti sa-pi-na-at za-ʾi-i-ri i-na ug-gat |
| v 7171 | lib-bi-ia ar-ta-kab ḫa-an-ṭiš GIŠ.PAN dan-na-tú |
| v 7272 | ša daš-šur ú-šat-li-ma i-na ŠU.II-ia aṣ-bat |
| v 7373 | GIŠ.šil-ta-ḫu pa-ri-iʾ nap-šá-ti at-muḫ rit-tu-u-a |
| v 7474 | ṣe-er gi-mir um-ma-na-te na-ki-ri lem-nu-ti |
| v 7575 | u₄-mì-iš ṣar-piš al-sa-a GIM dIŠKUR áš-gu-um |
| v 7676 | i-na qí-bit daš-šur EN GAL EN-ia a-na šid-di u pu-ti |
| v 7777 | GIM ti-ib me-ḫe-e šam-ri a-na LÚ.KÚR a-zi-iq |
| v 7878 | i-na GIŠ.TUKUL.MEŠ daš-šur EN-ia ù ti-ib MÈ-ia ez-zi |
| v 7979 | i-rat-su-un a-né-eʾ-ma suḫ-ḫur-ta-šú-nu áš-kun |
| v 8080 | ERIM.ḪI.A na-ki-ri i-na uṣ-ṣi mul-mul-li |
| v 8181 | ú-šá-qir-ma gim-ri ADDA.MEŠ-šú-nu ú-pal-li-šá |
| v 8282 | UD-zi-zi-iš mdḫu-um-ban-un-da-šá LÚ.NÍMGIR |
| v 8383 | ša LUGAL KUR.ELAM.MA.KI eṭ-lum pit-qu-du mu-ma-ʾe-er |
| v 8484 | ERIM.ḪI.A-šú tu-kul-ta-šú GAL-ú a-di LÚ.GAL.MEŠ-šú |
| v 8585 | ša GÍR šib-bi KÙ.GI šit-ku-nu |
| v 8686 | ù i-na ḪAR.MEŠ as-pi KÙ.GI ru-uš-ši-i |
| v 8787 | ruk-ku-sa rit-ti-šú-un ki-ma šu-ú-ri |
| v 8888 | ma-ru-ti ša na-du-ú šum-man-nu |
| Column vi | |
| vi 1vi 1 | ur-ru-ḫi-iš ú-pal-liq-šú-nu-ti-ma áš-ku-na taḫ-ta-šú-un |
| vi 22 | ki-šá-da-te-šú-nu ú-na-kis as-liš aq-ra-a-ti |
| vi 33 | nap-šá-te-šú-nu ú-par-ri-iʾ qù-ùʾ-iš ki-ma ILLU |
| vi 44 | gap-ši ša šá-mu-tum si-ma-ni ù-mun-ni-šú-nu ú-šar-da-a |
| vi 55 | ṣe-er er-ṣe-ti šá-di-il-ti la-as-mu-ti |
| vi 66 | mur-ni-is-qi ṣi-mit-ti ru-ku-bi-ia i-na da-me-šú-nu |
| vi 77 | gap-šu-ti i-šal-lu-ú dÍD-iš ša GIŠ.GIGIR MÈ-ia |
| vi 88 | sa-pi-na-at rag-gi ù ṣe-ni da-mu u par-šú |
| vi 99 | ri-it-mu-ku ma-gar-ru-uš pag-ri qu-ra-di-šú-nu |
| vi 1010 | ki-ma ur-qí-ti ú-mal-la-a EDIN sa-ap-sa-pa-te |
| vi 1111 | ú-na-kis-ma bal-ta-šú-un a-bu-ut ki-ma bi-ni |
| vi 1212 | qiš-še-e si-ma-ni ú-na-kis qa-ti-šú-un |
| vi 1313 | ḪAR.MEŠ as-pi KÙ.GI KI.SAG eb-bi šá rit-ti-šú-nu |
| vi 1414 | am-ḫur i-na nam-ṣa-ri zaq-tu-ti ḫu-ṣa-an-ni-šú-nu |
| vi 1515 | ú-par-ri-iʾ GÍR.MEŠ šib-bi KÙ.GI KÙ.BABBAR šá MURUB₄.MEŠ-šú-nu |
| vi 1616 | e-kim si-it-ti LÚ.GAL.MEŠ-šú a-di mdMUATI-MU-GAR-un |
| vi 1717 | DUMU mdAMAR.UTU-IBILA-SUM.NA ša la-pa-an MÈ-ia ip-la-ḫu |
| vi 1818 | id-ku-ú Á.II-šú-un bal-ṭu-su-un ina MURUB₄ tam-ḫa-ri |
| vi 1919 | it-mu-ḫa ŠU.II-a-a GIŠ.GIGIR.MEŠ a-di ANŠE.KUR.RA.MEŠ-ši-na |
| vi 2020 | ša i-na qit-ru-ub MÈ dan-ni ra-ki-bu-šin de-ku-ma |
| vi 2121 | ù ši-na muš-šu-ra-ma ra-ma-nu-uš-šin |
| vi 2222 | it-ta-na-al-la-ka mit-ḫa-riš ú-ter-ra |
| vi 2323 | a-di 2 KASKAL.GÍD GE₆ il-li-ku da-ak-šú-nu ap-ru-us |
| vi 2424 | šu-ú mum-ma-an-me-na-nu LUGAL KUR.ELAM.MA.KI |
| vi 2525 | a-di LUGAL KÁ.DINGIR.RA.KI LÚ.na-sik-ka-ni ša KUR.kal-di |
| vi 2626 | a-li-kut Á.II-šú ḫur-ba-šú MÈ-ia ki-ma-le-e |
| vi 2727 | zu-mur-šú-un is-ḫu-up GIŠ.za-ra-te-šú-un ú-maš-še-ru-ma |
| vi 2828 | a-na šu-zu-ub ZI.MEŠ-šú-nu pag-ri ERIM.ḪI.A-šú-nu |
| vi 2929 | ú-da-ʾi-i-šú e-ti-qu ki-i ša at-mi TU.MUŠEN |
| vi 3030 | kuš-šu-di i-tar-ra-ku lib-bu-šú-un ši-na-te-šú-un |
| vi 3131 | ú-ṣar-ra-pu qé-reb GIŠ.GIGIR.MEŠ-šú-nu ú-maš-še-ru-ni |
| vi 3232 | zu-ú-šú-un a-na ra-da-di-šú-nu GIŠ.GIGIR.MEŠ |
| vi 3333 | ANŠE.KUR.RA.MEŠ-ia ú-ma-ʾe-er EGIR-šú-un |
| vi 3434 | mun-na-rib-šú-nu ša a-na nap-šá-a-te ú-ṣu-ú |
| vi 3535 | a-šar i-kaš-šá-du ú-ra-sa-bu i-na GIŠ.TUKUL |
| vi 3636 | i-na u₄-me-šu-ma ul-tu É.GAL MURUB₄ URU ša NINA.KI |
| vi 3737 | a-na ri-mit LUGAL-ti-ia ú-šak-li-lu |
| vi 3838 | a-na tab-ra-a-te kiš-šat UN.MEŠ lu-le-e ú-ma-lu-ši |
| vi 3939 | É.GAL ku-tal-li ša a-na šu-te-šur ka-ra-ši |
| vi 4040 | pa-qa-a-di ANŠE.KUR.RA.MEŠ sa-na-qí mim-ma šum-šú |
| vi 4141 | ú-še-pi-šú LUGAL.MEŠ a-li-kut maḫ-ri AD.MEŠ-ia |
| vi 4242 | tam-lu-šá ul ib-ši šu-bat-sa ṣu-uḫ-ḫu-rat-ma |
| vi 4343 | la nu-ku-lat e-piš-taš la-ba-riš u₄-me tem-me-en-šá |
| vi 4444 | e-niš-ma iš-da-a-šá ir-ma-a i-qu-pa re-šá-a-šá |
| vi 4545 | É.GAL šá-a-tu a-na si-ḫir-ti-šá aq-qur |
| vi 4646 | ki-šub-bu-ú ma-aʾ-du ul-tu qé-reb ú-šal-li |
| vi 4747 | ù ta-mir-ti URU GIM a-tar-tim-ma lu aṣ-ba-ta |
| vi 4848 | i-na muḫ-ḫi lu ú-rad-di maš-kán É.GAL maḫ-ri-ti |
| vi 4949 | e-zib-ma i-na qaq-qa-ri ú-šal-li ša ul-tu |
| vi 5050 | mal-di ÍD aṣ-ba-ta tam-la-a uš-mal-li 2 ME ti-ib-ki |
| vi 5151 | a-na e-la-ni ú-šaq-qí re-e-su ina ITI še-me-e |
| vi 5252 | u₄-mu mit-ga-ri ṣe-er tam-le-e šá-a-tu |
| vi 5353 | i-na nik-lat lib-bi-ia É.GAL NA₄.pi-i-li |
| vi 5454 | ù GIŠ.ere-ni né-peš-ti KUR.ḫat-ti ù É.GAL |
| vi 5555 | ṣi-ir-tu ep-šet KUR aš-šur.KI ša UGU maḫ-ri-ti |
| vi 5656 | ma-aʾ-diš šu-tu-rat ra-ba-ta ù nak-lat |
| vi 5757 | i-na ši-pir LÚ.ŠITIM.GAL-le-e en-qu-ti |
| vi 5858 | a-na mu-šab be-lu-ti-ia ú-še-piš GIŠ.ÙR.MEŠ |
| vi 5959 | GIŠ.ere-ni ṣi-ru-ti tar-bit KUR.ḫa-ma-nim KUR-i el-li |
| vi 6060 | ú-šat-ri-ṣa e-li-šin GIŠ.IG.MEŠ li-ia-ri |
| vi 6161 | me-ser URUDU nam-ri ú-rak-kis-ma ú-rat-ta-a |
| vi 6262 | KÁ.MEŠ-šin i-na NA₄.pi-i-li pe-ṣe-e |
| vi 6363 | ša i-na er-ṣe-et URU.ba-la-ṭa-a-a in-nam-ru |
| vi 6464 | dALAD.dLAMMA.MEŠ ṣi-ru-ti ú-še-piš-ma im-na |
| vi 6565 | ù šu-me-la ú-šá-aṣ-bi-ta SI.GAR-šin a-na šu-te-šur |
| vi 6666 | ṣal-mat SAG.DU pa-qa-di mur-ni-is-qí ANŠE.KUNGA.MEŠ a-ga-li-i |
| vi 6767 | til-li GIŠ.GIGIR.MEŠ GIŠ.at-ta-ra-te e-req-qí iš-pa-a-te |
| vi 6868 | til-pa-na-a-te ù uṣ-ṣi mim-ma šum-šú ú-nu-ut MÈ |
| vi 6969 | na-aṣ-ma-di ANŠE.KUR.RA.MEŠ ANŠE.KUNGA.MEŠ šá e-mu-qí |
| vi 7070 | ra-ba-a-te i-šu-ú šuk-nu-še a-na ni-ri ki-sal-la-šá |
| vi 7171 | KÁ-nu-ú ma-gal uš-rab-bi É.GAL šá-a-tú ul-tú uš-še-šá |
| vi 7272 | a-di na-bur-ri-šá ar-ṣip ú-šak-lil MU.SAR-e |
| vi 7373 | ši-ṭir MU-ia i-na qer-bi-šá áš-kun a-na ár-kàt UD.MEŠ |
| vi 7474 | i-na LUGAL.MEŠ DUMU.MEŠ-ia ša daš-šur ù dINANNA |
| vi 7575 | a-na RE.É.UM KUR ù UN.MEŠ i-nam-bu-u zi-kir-šú |
| vi 7676 | e-nu-ma É.GAL šá-a-tu i-lab-bi-ru-ma en-na-ḫu |
| vi 7777 | NUN ar-ku-ú an-ḫu-sa lu-ud-diš MU.SAR-e |
| vi 7878 | ši-ṭir MU-ia li-mur-ma Ì.GIŠ lip-šu-uš UDU.SISKUR |
| vi 7979 | liq-qí a-na áš-ri-šu lu-ter daš-šur ù dINANNA |
| vi 8080 | ik-ri-bi-šú i-šem-mu-u mu-nak-kir šiṭ-ri-ia |
| vi 8181 | ù MU-ia daš-šur EN GAL AD DINGIR.MEŠ |
| vi 8282 | nak-riš li-zi-is-su GIŠ.GIDRU ù GIŠ.GU.ZA |
| vi 8383 | li-kim-šu-ma lis-ki-pa BALA-šú |
| vi 8484 | ITI.ŠU.NUMUN.NA li-mu mga-ḫi-lu |
| vi 8585 | LÚ.EN.NAM URU.ḫa-ta-rík-ka |