YBC 02147 (RINAP 4 Esarhaddon 134, ex. 01) [Esarhaddon]
| Obverse | |
| 11 | a-na dINANNA UNUG.KI e-tel-let AN-e u KI-tim qa-rit-ti DINGIR.MEŠ ṣir-ti |
| 22 | GAŠAN šur-bu-tú ḫa-mì-mat pa-ra-aṣ da-nù-u-tú ša na-gab šu-luḫ-ḫu šu-up-qu-ud-du qa-tuš-šá |
| 33 | šá-nu-kàt i-la-a-te ša ina er-me a-nu ù ki-gal-li šur-ru-ḫu zik-ru-šá |
| 44 | i-lat MURUB₄ ù ta-ḫa-zi a-li-kàt i-di LUGAL mi-gir-i-šá mu-ra-áš-ši-bat ga-re-e-šú |
| 55 | a-ši-bat é-nir-gál-an-na ša qé-reb é-an-na GAŠAN UNUG.KI GAŠAN GAL-ti GAŠAN-šú |
| 66 | mAN.ŠÁR-ŠEŠ-SUM.NA MAN ŠÚ MAN KUR aš-šur.KI GÌR.NÍTA KÁ.DINGIR.RA.KI MAN KUR šu-me-ri ù URI.KI |
| 77 | LUGAL šáḫ-ṭu muš-te-eʾ-u áš-ra-a-ti DINGIR.MEŠ GAL.MEŠ pa-liḫ EN EN.EN |
| 88 | ba-nu-u É AN.ŠÁR e-piš é-sag-íl ù KÁ.DINGIR.RA.KI za-nin é-zi-da |
| 99 | mu-ud-diš é-an-na mu-šak-lil eš-re-e-ti ma-ḫa-zi ša ina qé-reb-ši-na iš-tak-ka-nu si-ma-a-ti |
| 1010 | DUMU md30-PAP.MEŠ-SU MAN ŠÚ MAN KUR aš-šur.KI DUMU mMAN-GIN MAN KUR aš-šur.KI GÌR.NÍTA KÁ.DIŠ.DIŠ.KI MAN KUR šu-me-ri u URI.KI |
| 1111 | é-nir-gál-an-na É pa-pa-ḫi diš-tar GAŠAN-ia ša qé-reb é-an-na |
| 1212 | ša MAN maḫ-ri i-pu-šu la-ba-riš il-lik-ma mi-qit-ti ir-ši |
| 1313 | áš-ra-ti-šú áš-te-ʾe ina a-gur-ri UDUN KÙ-tim ma-qit-ta-šú ak-še-er |
| 1414 | ŠU.II dINANNA UNUG.KI GAŠAN GAL-ti aṣ-bat-ma a-na qé-reb-šú ú-še-rib šu-bat da-ra-a-te ú-šar-me |
| 1515 | UDU.SISKUR.MEŠ taš-ri-iḫ-ti aq-qí uš-par-zi-iḫ si-ga-ar-šá |
| 1616 | dINANNA UNUG.KI GAŠAN ṣir-ti ina qé-reb É pa-pa-ḫi šu-a-te ḫa-di-iš ina a-šá-bi-ki |
| 1717 | ia-a-ti mAN.ŠÁR-ŠEŠ-SUM.NA MAN KUR aš-šur.KI a-mat MUNUS.SIG₅-ia liš-šá-kin šap-tuk-ki |
| 1818 | TI.LA UD.MEŠ SÙ.MEŠ še-bé-e lit-tu-tu ṭu-ub UZU ù ḫu-ud lìb-bi ši-i-mì ši-ma-ti |
| 1919 | ina qab-lu ù ta-ḫa-zi i-da-a-a i-tas-ḫar-ma kul-lat na-ki-ri-ia lu-mì-iš kul-ba-biš |
| 2020 | ma-ti-ma ina aḫ-rat u₄-me NUN EGIR-u ša ina BALA-šú É pa-pa-ḫi šu-a-te in-na-ḫu an-ḫu-us-su lu-ud-diš |
| 2121 | šu-mì it-ti šu-me-šú liš-ṭur MU.SAR-ru-u ši-ṭir MU-ia Ì.GIŠ lip-šu-uš UDU.SISKUR BAL-qí it-ti MU.SAR-e-šú liš-kun |
| 2222 | ik-ri-bi-šú DINGIR.MEŠ i-šem-mu-u ša šu-mì šaṭ-ru ina ši-pir ni-kil-ti i-pa-áš-ši-ṭu |
| 2323 | MU.SAR-ru-u-a i-ab-bat lu-u a-šar-šú ú-nak-ka-ru |
| 2424 | dINANNA UNUG.KI ag-giš lik-kil-me-šu-ma ši-mat le-mut-tú li-šim-šú |
| 2525 | MU-šú NUMUN-šú ina KUR li-ḫal-liq-ma a-a ir-ši-šú re-e-me |