Ashurbanipal 253

a-na ^dAG IBILA gaš-⸢ri^?⸣ x (x) [...] ⸢ur^?⸣-šá-ni DINGIR.MEŠ ti-iz-qar šá-qu-u muš-tar-ḫu

DUB.⸢SAR⸣ é-sag-⸢íl⸣ ma-⸢ru^?⸣ a-[ša-re-du ...] ⸢na⸣-šu-u ṭup-pi NAM.MEŠ DINGIR.MEŠ šá gu-um-mur/muru te-re-e-ti

e-til-⸢li⸣ DINGIR.MEŠ ⸢GAL⸣.[MEŠ ... ^d]⸢a-nun-na⸣-ki šá-kin ši-tul-tú a-na DINGIR.MEŠ šu-ut AN KI

kap-ka-pu x x x x (x)-a-ti x x [...] ⸢šá⸣ la iš-šá-an-na-nu GIŠ.TUKUL.MEŠ-šú

bu-kúr ^dasar-ri ⸢reš-tu⸣-ú i-⸢lit⸣-ti ⸢^d⸣[e₄-ru₆-a₈ ...] šá šur-ba-a-ti e-nu-us-su

a-šib é-zi-⸢da⸣ É [ki]-⸢i⸣-ni EN bár-⸢sipa⸣.[KI ma-ḫa-zu] ⸢ra-áš⸣-bu EN GAL EN-ia

a-na-ku ^mAN.ŠÁR-DÙ-A ⸢MAN GAL⸣ MAN dan-nu MAN ŠÚ MAN KUR [aš]-⸢šur⸣ LUGAL kib-rat LÍMMU-ti

DUMU ^mAN.ŠÀR-ŠEŠ-SUM.NA MAN GAL MAN dan-nu MAN ŠÚ MAN KUR aš-[šur GÌR.NÍTA TIN].⸢TIR⸣.KI LUGAL KUR EME.GI₇ u URI.⸢KI⸣

mu-še-zib KÁ.DINGIR.⸢RA.KI⸣ [e-piš é-sag-íl mu-ud-diš eš-re-e]-⸢ti⸣ kul-lat ma-ḫa-zi

ša ina qer-bi-ši-⸢na⸣ iš-tak-⸢ka⸣-[nu si-ma-a-ti ù sat-tuk-ki-ši-na] ⸢baṭ⸣-lu-tú ú-ki-⸢nu⸣

par-ṣe ki-du-⸢de⸣-[e ki-ma la-bi-ri-im-ma ú-ter-ru áš]-⸢ru⸣-uš-šu-un

[DUMU DUMU] ^m⸢^d30-ŠEŠ⸣.[MEŠ-SU MAN GAL MAN dan-nu MAN ŠÁR MAN KUR aš]-⸢šur⸣ a-na-ku-⸢ma⸣

[i-na BALA-e-a EN GAL ^dAMAR.UTU ina ri-šá-a-ti a-na TIN.TIR.KI] ⸢i⸣-ru-um-⸢ma⸣

[ina é-sag-íl šá da-ra-a-ti šu-bat-su ir-me sat-tuk]-⸢ki⸣ é-sag-⸢íl^?⸣

⸢ù DINGIR.MEŠ⸣.DINGIR.⸢MEŠ⸣ [TIN.TIR.KI u-kin ki-din-nu-(ú)-tu TIN].⸢TIR^?⸣.KI ak-⸢ṣur⸣

áš-šú dan-nu a-na SIG la ḫa-⸢ba⸣-[li ^mdGIŠ.NU₁₁-MU-GI.NA] ⸢ŠEŠ⸣ ta-li-me

a-na LUGAL-ú-ut KÁ.DINGIR.RA.KI ⸢ap-qid⸣ [ù i-na KÙ.BABBAR KÙ.GI] ni-siq-ti NA₄.MEŠ

⸢é-sag-íl az⸣-nun-ma ki-ma ši-ṭir ⸢bu⸣-[ru-mu ú]-⸢nam⸣-mir é-umuš-a

ina [u₄-me]-⸢šú-ma DÙG.GA⸣-su-pur-šú BÀD bár-sipa.KI ⸢ša⸣ [la-ba]-⸢riš⸣ il-lik-ú-ma

⸢i⸣-[qu-pu] ⸢in-nab-tu⸣ áš-šú EN.⸢NUN⸣ é-zi-da ⸢ù⸣ eš-re-e-te bár-sipa.KI dun-nu-nu

[ina e-muq um]-⸢ma⸣-na-ti-ia [sur-riš DÙG].GA-su-pur-šú BÀD bár-sipa.KI ina ši-pir ^dkulla eš-šiš ú-še-piš-ma

[KÁ.GAL.MEŠ-šú] ⸢ú⸣-rak-ki-si GIŠ.IG.MEŠ ab-ni-ma ú-rat-ta-a ina KÁ.MEŠ-šú

[NUN ar]-⸢ku⸣-ú ša ina BALA-e-šú ši-pir šu-a-ti in-na-ḫu LÚ.um-ma-a-ni en-qu-tu

⸢ši⸣-ta-ʾa-al [DÙG.GA]-⸢su⸣-pur-šú BÀD bár-sipa.KI ki-ma si-ma-ti-šú la-bi-ra-a-te e-pu-uš

[MU.SAR-u-a] ⸢a⸣-mur-ma Ì.GIŠ pu-šu-uš UDU.SISKUR BAL-qí it-ti MU.SAR-e-ka šu-kun

[ik-ri-bi]-⸢ka⸣ ^dna-bi-⸢um⸣ [i]-⸢šem⸣-me ša šu-mì šaṭ-ru ù MU ta-lim-ia

[i-na ši-pir ni-kil-ti] i-ab-[bat MU].⸢SAR⸣-u-a it-ti MU.SAR-e-šú la i-šak-ka-nu

[^dna-bi-um (...) ag-giš lik]-kil-me-šú-ma MU-šú NUMUN-šú ina KUR.KUR li-ḫal-liq