Ashurbanipal 225

a-na ^dAMAR.UTU EN ṣi-i-ri [LUGAL DINGIR.MEŠ šur-bi-i e-tel-li ...]

e-mu-qa-an ṣi-ra-a-ti [a-šá-red nap-ḫar EN.MEŠ ...]

dan-dan-ni a-šá-red AN-e u KI-⸢tim⸣ [a-ši-ir ^dí-gì-gì u ^da-nun-na-ki ...]

na-áš GIŠ.TUKUL.DINGIR ez-zu ma-am-⸢al⸣ [DINGIR.MEŠ GAL.MEŠ ...]

EN kab-tu gít-ma-lum ša i-ta-⸢a⸣-[šú la in-né-ti-qu ...]

^dŠÀ.ZU mu-bal-lu-u nap-ḫar rag-⸢gi⸣ [šá ...]

pa-qid kul-lat nap-ḫa-ri ta-mì-iḫ ⸢ṣer⸣-[re-ti ...]

mu-kil mar-kas₄ AN-e u KI-tim ⸢mu⸣-[...]

a-pir AGA EN-ú-ti šá ra-šub-⸢ba⸣-[tú za-aʾ-nu pul-ḫa-a-ti ...]

^dUTU-ši DINGIR.MEŠ zi-i-me ru-uš-šu-⸢ti⸣ [...]

le-ʾi le-ʾu-ú-ti rap-šá GEŠTU.II er-šú [šal-ba-bu pal-ku-ú ...]

šad-lu ṣur-ra ka-raš ta-⸢šim⸣-[ti ...]

lìb-bu ru-ú-qu muš-ta-bil ⸢AŠ⸣ [...]

šá ṭè-em-šú la il-lam-ma-du ⸢la^?⸣ [...]

be-el kup-pi nag-bi ⸢e⸣-de-e u [ta-ma-a-ti ...]

ba-nu-ú ṣal-mat SAG.DU EN nab-⸢ni⸣-[ti ...]

EN re-me-nu-ú ⸢le-qu⸣-[ú un-nin-ni še-mu-ú ...]

⸢LUGAL KÁ.DINGIR.RA^?⸣.[KI EN é-sag-íl É.GAL AN-e u KI-tim ...]

[a-na i-tab-bul] še-e-[rim u li-lá-a-ti ka-a-a-an la na-par-ka-a^? ...]

[a-na šat-ti ^dAMAR].⸢UTU⸣ EN GAL-u [NÍG.NA šu-a-tú ḫa-diš nap-lis-ma ...]

[ia-a-ti ^mAN.ŠÁR]-DÙ-A ri-šá-⸢an⸣-[ni ARḪUŠ e-ma a-šá-as-su-ka ...]

[...]-⸢ia^?⸣ mu-gur ⸢tés-li^?⸣-[ti ...]

[le-qé un-ni-ni]-⸢ia⸣ ši-ma-a ⸢qa-ba⸣-[a-a la ba-še-e GIG na-x ...]

[e-ma NÍG.NA] ⸢KÙ⸣.GI šu-a-tú ina ⸢ma⸣-[ḫar DINGIR-ti-ka DA ...]

[... i^?]-⸢na⸣ ṭuḫ-ḫe-e BUR.SAG.GÁ u ⸢bur-ge⸣-[e kak-dà-a nap-lis-ma ...]

[ṭu-ub UZU].⸢MEŠ⸣ ḫu-ud lìb-bi na-mar ⸢ka⸣-[bat-ti TI.LA UD.MEŠ ...]

[id-na GIŠ.GIDRU] ⸢i⸣-šar-tú GIŠ.UŠBAR₅ ⸢ki⸣-i-⸢nu⸣ [šá UN.MEŠ ba-ʾu^?-lat ^dEN.LÍL^? ...]

ina qí-bi-ti-ka GAL-ti kul-lat LUGAL.MEŠ a-šib [pa-rak-ki a-na ...]

ma-a-ti liš-tam-dil-ma liš-mu-ḫa UN.MEŠ-u-⸢a⸣ [...]

šur-kam-ma ḪÉ.NUN ṭuḫ-du ḪÉ.GÁL-lu šam-ḫi-⸢iš^?⸣ [...]

né-er a-a-bi-ia šum-qí-ta ge-ra-a-a [ina qé-reb tam^?-ḫa-ri ...]

^dzar-pa-ni-tum ḫi-ir-tu na-ram-ta-ka ⸢ba⸣-[laṭ ZI-tì-ia kak-dà-a ...]

^dAG IBILA gít-ma-lu SUKKAL-ka ṣi-i-⸢ru⸣ [ka-a-a-an ...]

^dtaš-me-tum kal-lat é-sag-íl a-⸢ši⸣-[bat ka-bit-ti ...]

ina BALA UD.MEŠ GÍD.DA.⸢MEŠ⸣ e-nu-ma ⸢NÍG⸣.[NA KÙ.GI šu-a-tú ...]

NÍG.NA KÙ.GI šu-a-tu li-id-diš-[ma ši-pir-šú a-a ú-šá-an-ni-ma ...]

ta-nit-ti ^dAMAR.UTU EN-ia u [zi-kir šu-mì-ia it-ti šu-mì-šú liš-ṭur-ma ...]

ša NÍG.NA KÙ.GI šu-a-tú ul-tu [é-sag-íl šu-bat be^?-lu-ti-šú^? ...]

ù ta-nit-ti ^dAMAR.UTU [EN-ia ú-nak-kar-ú-ma zi-kir šu-mì-ia^? ...]

^dAMAR.UTU EN GAL-u GIŠKIM.MEŠ lum-ni-šú [ina AN-e u KI-tim li-šá-pi-ma a-a ...]

^dzar-pa-ni-tum GAŠAN šá-qu-tú ḫi-ir-⸢tu⸣ [...]

ša ina UGU MA.SÁ.AB [KÙ.GI šá ^dAMAR.UTU ...]

55 MU.DIDLI ta-⸢nit⸣-[ti ...]