Ashurbanipal 207
| Obverse | |
| oo | Lacuna |
| o 1'1' | [x x] x x [...] |
| o 2'2' | ⸢ŠÀ⸣.BAL.BAL md30-⸢PAP⸣.[MEŠ-SU] ⸢LUGAL⸣ KUR [aš-šur.KI ŠÀ.BAL.BAL mLUGAL-GI].⸢NA⸣ MAN KUR [aš-šur.KI] |
| o 3'3' | ul-tu DINGIR.MEŠ ⸢GAL⸣.[MEŠ e?]-peš ⸢mal⸣-[ku]-⸢ú?⸣-[ti iq-bu-u?]-⸢in⸣-ni ⸢ina?⸣ [...] |
| o 4'4' | KUR.KUR a-na šá-pa-⸢ri na⸣-ki-⸢ri a⸣-na kun-nu-ši ú-mal-⸢lu⸣-[ú ŠU.II-u-a] |
| o 5'5' | LUGAL.MEŠ ⸢ṣi-it⸣ dUTU-ši u e-reb ⸢d⸣UTU-ši il-lik-ú-nim-ma ⸢ú⸣-na-áš-ši-⸢qu⸣ [GÌR.II-ia] |
| o 6'6' | mtar-qu-ú ba-lu DINGIR.MEŠ a-na e-kem KUR.mu-ṣur uš-tam-ṣa-⸢a⸣ a-na ⸢DA⸣ [...] |
| o 7'7' | ⸢da⸣-na-an AN.ŠÁR EN-ia e-mì-iš-ma it-ta-kil a-na e-muq ra-ma-⸢ni⸣-[šú] |
| o 8'8' | ⸢ep⸣-šet ma-ru-uš-tú ša AD ba-nu-u-a e-pu-šú-uš ul ib-⸢bal⸣-kit ina lìb-bi-šú |
| o 9'9' | ⸢il⸣-li-kám-ma qé-reb URU.me-em-pi e-⸢ru⸣-um-ma URU ⸢šu⸣-a-tu ú-⸢ter⸣ ra-ma-nu-uš |
| o 10'10' | [e]-li UN.MEŠ KUR aš-šur.KI ša qé-reb KUR.mu-ṣur ARAD.MEŠ-ni ⸢da⸣-gíl pa-ni-ia |
| o 11'11' | [ša m]aš-šur-PAP-AŠ LUGAL KUR aš-šur.KI AD ba-nu-ú-a a-na LUGAL-ú-⸢ti⸣ ip-qí-du ina lìb-bi |
| o 12'12' | [a-na] da-a-ki ḫa-ba-a-te šá-la-a-li ú-ma-ʾe-⸢e⸣-ra um-man-šú |
| o 13'13' | ⸢al⸣-la-ku ḫa-an-ṭu ina qé-⸢reb⸣ NINA.KI il-li-kam-ma ú-šá-an-⸢na⸣-a ia-a-ši |
| o 14'14' | e-li ep-še-e-ti an-na-a-ti lìb-bi i-gu-ug-ma iṣ-ṣa-ri-⸢iḫ⸣ ka-bat-ti |
| o 15'15' | al-si-ma LÚ.tur-tan LÚ.NAM.MEŠ a-di ERIM.MEŠ ŠU.II-šú-nu e-mu-qí-ia MAḪ.MEŠ |
| o 16'16' | a-na na-ra-ru-ti ḫa-mat LUGAL.MEŠ LÚ.NAM.MEŠ ARAD.MEŠ-ni da-gíl pa-ni-ia |
| o 17'17' | ⸢ur-ru⸣-ḫiš ṭè-e-mu áš-kun-šú-nu-ti ḫar-ra-an ⸢KUR⸣.mu-ṣur ú-šá-áš-ki-na GÌR.II-šú-un |
| o 18'18' | šam-riš ḫa-an-ṭiš ir-du-ú il-li-ku a-di URU.kar-ba-ni-⸢ti⸣ |
| o 19'19' | mtar-qu-ú MAN KUR.ku-u-si ša a-lak ERIM.ḪI.A-ia qé-reb URU.me-em-pi iš-me-ma |
| o 20'20' | a-na e-peš MURUB₄ GIŠ.TUKUL ⸢EDIN⸣ ERIM.ḪI.A-šú id-ka-a is-di-ra mé-eḫ-ret ERIM.ḪI.A-ia |
| o 21'21' | ina tu-kul-ti AN.ŠÁR d30 DINGIR.MEŠ GAL.MEŠ EN.MEŠ-ia a-lik i-di-⸢ia⸣ |
| o 22'22' | ina MÈ ⸢EDIN⸣ BAD₅.BAD₅-šú iš-ku-⸢nu⸣ ERIM.MEŠ tuk-la-ti-šú ú-ra-as-si-bu ina ⸢GIŠ.TUKUL⸣ |
| o 23'23' | šá-a-šu ḫat-tu pu-luḫ-tu im-qut-su-ma il-li-ku maḫ-⸢ḫu-tíš⸣ |
| o 24'24' | ul-tu URU.me-em-pi URU LUGAL-ti-šú a-šar tu-kul-ti-šú uṣ-⸢ṣi⸣-ma |
| o 25'25' | a-na šu-zu-ub na-piš-ti-šú qé-reb GIŠ.MÁ ir-kab-ma |
| o 26'26' | KARAŠ-su ú-maš-šìr-ma e-diš ip-par-šid-ma qé-reb URU.ni-iʾ e-ru-ub |
| o 27'27' | GIŠ.MÁ.MEŠ qa-ra-bi ma-la it-ti-šú ERIM.MEŠ MÈ-šú ú-ṣab-bi-tú ina ŠU.II |
| o 28'28' | LÚ.A KIN pu-us-su-rat ḫa-de-e ša a-tam-ra iq-ba-a ia-a-ši |
| o 29'29' | LÚ.GAL SAG LÚ.NAM.MEŠ LUGAL.MEŠ e-ber ÍD ARAD.MEŠ da-gíl pa-ni-ia DÙ-šú-un |
| o 30'30' | a-di e-mu-qí-šú-nu GIŠ.MÁ.MEŠ-šú-nu |
| o 31'31' | LUGAL.MEŠ KUR.mu-ṣur ARAD.MEŠ da-gíl pa-ni-ia a-di e-mu-qí-šú-⸢nu⸣ GIŠ.MÁ.MEŠ-šú-nu |
| o 32'32' | ⸢a⸣-na ḫul-lu-uq mtar-qu-ú ul-tu qé-reb KUR.mu-ṣur KUR.ku-u-si |
| o 33'33' | ⸢UGU e⸣-mu-qí-⸢ia⸣ maḫ-ra-a-ti ú-rad-di-ma áš-pur |
| o 34'34' | a-na URU.ni-iʾ URU ⸢dan⸣-nu-ti mtar-qu-ú MAN KUR.ku-u-si il-li-ku ma-lak ITI 10 u₄-me |
| o 35'35' | mtar-qu-ú ša a-lak ERIM.ḪI.A-ia iš-me-⸢ma URU.ni-iʾ URU⸣ dan-nu-ti-šú ú-maš-šìr-ma |
| o 36'36' | ÍD.ia-ru-ʾu-ú e-bir-[ma] a-ḫe-en-na-a iš-ku-na ma-dak-tú |
| o 37'37' | mni-ik-ku-ú mLUGAL-lu-dà-ri mpa-aq-ru-⸢ru⸣ [LUGAL].MEŠ šá qé-reb KUR.⸢mu⸣-ṣur iš-ku-nu AD ba-nu-u-a |
| o 38'38' | a-de-e AN.ŠÁR u DINGIR.MEŠ GAL.MEŠ EN.MEŠ-⸢ia⸣ [e]-⸢ti⸣-qu-ma ip-⸢ru-ṣu⸣ ma-mit-sún |
| o 39'39' | ⸢DÙG⸣.GA-ti AD ba-ni-ia im-šu-ma ⸢lìb⸣-ba-šú-nu ik-⸢pu-ud⸣ ḪUL-tum |
| o 40'40' | ⸢da⸣-bab-ti sur-ra-a-ti id-bu-bu-ma [mi]-⸢lik⸣ la ku-širi₄ im-li-ku ra-man-šú-un |
| o 41'41' | ⸢um⸣-ma mtar-⸢qu⸣-ú ul-tu qé-reb KUR.mu-⸢ṣur⸣ [i-na-saḫ]-⸢ú⸣-ma at-tu-ni a-šá-ba-ni mi-i-nu |
| o 42'42' | ⸢e⸣-li mtar-qu-ú MAN KUR.ku-u-si a-na šá-⸢kan⸣ [a-de-e u sa-li-me] ⸢ú⸣-ma-ʾe-e-ru LÚ.rak-bé-šú-un |
| o 43'43' | ⸢um⸣-ma su-lum-mu-ú ina bi-ri-ni liš-[šá-kin-ma ni]-⸢in⸣-dag-ga-ra a-ḫa-meš |
| o 44'44' | ⸢KUR⸣ a-ḫe-en-na-a ni-zu-⸢uz-ma⸣ [a-a ib-ba]-⸢ši⸣ ina bi-ri-ni šá-nu-um-ma be-lum |
| o 45'45' | ⸢ša⸣ ERIM.ḪI.A KUR aš-šur gap-šá-a-⸢ti e⸣-[muq EN]-⸢ti-ia⸣ iš-te-né-ʾu-ú a-mat ḪUL-tim |
| o 46'46' | [a-na] ⸢na⸣-kas na-piš-ti-šú-⸢un ik⸣-[pu-du] ⸢iṣ⸣-ri-mu ḫul-lu-qu a-di la ba-še-e |
| o 47'47' | ⸢LÚ⸣.[šu-ut] ⸢SAG⸣.MEŠ-ia a-ma-a-ti [an-na-a]-⸢ti⸣ iš-mu-ma ik-ki-lu nik-⸢lat-sún⸣ |
| o 48'48' | ⸢LÚ.rak-bé-šú-un⸣ [a]-⸢di⸣ šip-ra-⸢ti⸣-šú-⸢nu⸣ [iṣ-ba-tu-nim]-⸢ma e⸣-mu-ru ep-šet sur-ra-a-ti-šu-un |
| o 49'49' | ⸢m⸣LUGAL-lu-dà-ri m⸢ni⸣-ku-⸢ú⸣ iṣ-ba-⸢tu⸣-[nim-ma ina bi-re-ti] iš-qa-te ú-tam-me-ḫu ŠU.II u GÌR.II |
| o 50'50' | ma-mit AN.ŠÁR LUGAL [DINGIR.MEŠ ik-šu-us]-su-nu-ti-ma šá ⸢iḫ⸣-ṭu-ú ina a-de-e GAL.MEŠ |
| o 51'51' | ṭa-ab-ti qa-tuš-šú-⸢un⸣ [ú-ba]-⸢ʾi⸣-i-ma šá e-pu-us-su-nu-ti du-un-⸢qu⸣ |
| o 52'52' | ⸢ù⸣ UN.MEŠ URU.MEŠ ma-la [it]-⸢ti⸣-šú-nu iš-šak-nu ik-pu-du a-mat ḪUL-ti |
| o 53'53' | ⸢TUR⸣ u GAL ina GIŠ.TUKUL ú-⸢šam⸣-[qí-tu]-⸢ú⸣-ma e-du a-me-lu la e-zi-bu ina lìb-bi |
| o 54'54' | ù šá-a-šú-un a-di [NINA.KI] ⸢URU⸣ be-lu-ti-ia a-⸢di⸣ maḫ-ri-ia ub-lu-u-ni |
| o 55'55' | ⸢ù⸣ a-na-ku maš-šur-DÙ-⸢A⸣ [MAN KUR aš-šur].⸢KI⸣ ŠÀ rap-šú e-⸢piš⸣ MUN sa-ḫi-ru dam-qa-a-ti |
| o 56'56' | a-na mni-⸢ik-ku⸣-ú ARAD ⸢da⸣-[gíl IGI-ia šá AD DÙ-u-a a-na LUGAL-u]-⸢te⸣ ip-qí-du ina URU.KAR-EN-KUR.KUR |
| o 57'57' | re-e-⸢mu⸣ ar-ši-[šú-ma] ⸢ú-kab⸣-[bi-sa] ⸢ḫi⸣-ṭi-is-su |
| o 58'58' | a-de-⸢e ni-iš DINGIR.MEŠ UGU šá maḫ⸣-[ri ú-šá-tir-ma it]-⸢ti-šú áš⸣-pur |
| o 59'59' | lìb-bu ú-šar-ḫi-is-su-ma lu-⸢bul⸣-[tú bir-me ú-lab]-bi-su-ma |
| o 60'60' | al-lu KÙ.GI ⸢si⸣-[mat LUGAL-ti-šú] áš-kun-šú |
| o 61'61' | ḪAR.MEŠ KÙ.GI ⸢ú⸣-[rak-ki-sa] rit-ti-šú |
| o 62'62' | GÍR šib-bi šá iḫ-zu-šú KÙ.GI ni-bit MU-⸢ia⸣ [ina muḫ-ḫi áš-ṭur]-⸢ma⸣ a-din-šú |
| o 63'63' | ⸢GIŠ⸣.GIGIR.MEŠ ANŠE.KUR.RA.MEŠ ANŠE.KUNGA.MEŠ a-⸢na⸣ [ru-kub EN]-⸢ti⸣-šú a-qis-su |
| o 64'64' | LÚ.šu-ut SAG.MEŠ-ia ⸢LÚ⸣.NAM.MEŠ a-na [kit-ri-šú it]-⸢ti⸣-šú áš-pur |
| o 65'65' | a-šar AD DÙ-u-a ina URU.⸢sa⸣-a-a šá ⸢URU⸣.[KAR-EN]-⸢KUR⸣.KUR MU-šú |
| o 66'66' | ⸢a⸣-na LUGAL-u-te ip-⸢qid-du⸣-šú a-na ⸢maš⸣-[kán-i-šú] ú-ter-šú |
| o 67'67' | ṭa-ab-tum SIG₅-⸢tum UGU⸣ šá AD ba-ni-ia ú-[šá-tir]-⸢ma⸣ e-pu-us-su |
| o 68'68' | ù mdMUATI-še-zib-an-ni DUMU-šú ina ⸢URU⸣.[ḫa]-⸢at⸣-ḫa-ri-ba |
| o 69'69' | ša URU.li-mer-ÉNSI-aš-⸢šur⸣ MU-šú a-na ⸢LUGAL-ú⸣-te áš-kun |
| o 70'70' | mtar-qu-ú MAN KUR.ku-u-si ḫat-tu pu-luḫ-ti EN-ti-⸢ia⸣ is-ḫup-⸢šu⸣-[ma] ⸢il⸣-lik nam-mu-ši-šú |
| o 71'71' | mUR-da-ma-né-e DUMU NIN₉-šú ina GIŠ.GU.ZA-šú ú-šib-ma ú-ma-⸢ʾe⸣-er ma-a-tum |
| o 72'72' | URU.ni-iʾ a-na dan-nu-ti-šú iš-⸢kun⸣-ma ú-pa-ḫir el-lat-su |
| Reverse | |
| r 1r 1 | a-na e-peš MURUB₄ u MÈ UGU ERIM.ḪI.A-ia GIŠ.TUKUL.MEŠ-šú ú-šat-ba-a iṣ-ba-ta ḫar-ra-na |
| r 22 | ina tu-kul-ti AN.ŠÁR d30 ù DINGIR.MEŠ GAL.MEŠ EN.MEŠ-ia |
| r 33 | ina MÈ EDIN rap-ši BAD₅.BAD₅-šú iš-ku-nu ú-par-ri-ru el-lat-su |
| r 44 | mUR-da-ma-né-e e-diš ip-par-šid-ma e-ru-ub a-na URU.ni-iʾ URU LUGAL-ti-šú |
| r 55 | ma-lak ITI 10 UD.MEŠ ur-ḫi pa-áš-qu-ú-ti EGIR-šú il-li-ku a-di qé-reb URU.ni-⸢iʾ⸣ |
| r 66 | URU šu-a-tu a-na si-ḫir-ti-šú ik-šu-du is-pu-nu a-bu-⸢biš⸣ |
| r 77 | KÙ.BABBAR KÙ.GI e-per KUR-šú ni-siq-ti NA₄.MEŠ mim-ma aq-ru ni-⸢ṣir⸣-ti [É].⸢GAL⸣-[šú] |
| r 88 | [lu]-⸢bul⸣-ti bir-me GADA.MEŠ ANŠE.KUR.RA.MEŠ GAL.MEŠ UN.MEŠ ⸢NITA⸣ u ⸢MUNUS⸣ |
| r 99 | [ZA].ZA-a-ti pa-ge-e ú-qu-pe tar-bit šad-de-šú-⸢un⸣ |
| r 1010 | ina la mì-ni a-na mu-ʾu-de-e TA qé-reb-e-šú ú-še-ṣu-nim-ma im-nu-u šal-la-⸢tiš⸣ |
| r 1111 | a-na NINA.KI URU be-lu-ti-ia šal-meš iš-šu-nim-ma ú-na-áš-ši-qu GÌR.II-ia |
| r 1212 | URU.qir-bít ša qé-reb URU.ḫa-le-e-ḫa-as-ta na-da-ta šu-bat-⸢su⸣ |
| r 1313 | UN.MEŠ a-šib ŠÀ-šú UGU KUR.MEŠ-šú-nu mar-ṣu-ú-ti tak-lu-ma la pit-lu-ḫu be-⸢lut⸣ KUR aš-šur |
| r 1414 | mta-an-da-a-a LÚ.EN.URU.MEŠ-šú-nu šá a-na LUGAL.MEŠ AD.MEŠ-ia la kit-⸢nu⸣-šú a-na ni-i-⸢ri⸣ |
| r 1515 | ḫu-bu-ut KUR.ia-mut-ba-la ka-a-a-an iḫ-ta-nab-ba-tu ú-šaḫ-ri-bu na-me-e-šú |
| r 1616 | áš-šú ep-še-e-ti an-na-a-ti DUMU.MEŠ BÀD.AN.KI im-da-ḫa-ru-ni-ma ú-ṣal-lu-u be-lu-u-ti |
| r 1717 | LÚ.šu-ut SAG.MEŠ-ia LÚ.NAM.MEŠ UGU-šú-nu ú-ma-ʾe-er URU.qir-bít ik-šu-du iš-lu-la UN.MEŠ-šú |
| r 1818 | UN.MEŠ URU.MEŠ šá-tu-nu ki-šit-ti ŠU.II-ia as-suḫ-ma qé-reb KUR.mu-ṣur ú-šá-aṣ-bit |
| r 1919 | mgu-gu LUGAL KUR.lu-ud-di na-gu-ú né-ber-ti A.AB.BA áš-ru ru-ú-qu |
| r 2020 | ša LUGAL.MEŠ a-li-kut maḫ-ri AD.MEŠ-ia la iš-mu-ú zik-ri ⸢MU⸣-šú |
| r 2121 | ni-biṭ LUGAL-ti-ia kab-ti ina MÁŠ.GI₆ ú-šab-ri-šú-ma AN.ŠÁR DINGIR ba-nu-ú-⸢a⸣ |
| r 2222 | um-ma ša maš-šur-DÙ-A LUGAL KUR aš-šur.KI ḫi-šiḫ-ti AN.ŠÁR LUGAL DINGIR.MEŠ EN ⸢gim-ri⸣ |
| r 2323 | ⸢GÌR⸣.II.MEŠ ru-bu-ti-šú ṣa-bat-ma LUGAL-su pit-⸢luḫ⸣-ma ṣu-ul-la-a be-lut-su |
| r 2424 | ša e-piš ARAD-u-ti u na-din man-da-at-ti ⸢lil⸣-li-ku-uš su-up-pu-ka |
| r 2525 | u₄-mu MÁŠ.GI₆ an-ni-tu e-mu-ru a-na šá-ʾa-al šul-mì-ia LÚ.RA.GABA-ú-šú iš-pu-ra a-di maḫ-ri-ia |
| r 2626 | LÚ.gi-mir-ra-a-a mu-dal-li-pu-u-ti KUR-šú šá ina qer-bi tam-ḫa-ri bal-ṭu-us-su ik-šú-da ŠU.II-šú |
| r 2727 | it-ti ta-mar-ti-šú ka-bit-⸢tú⸣ a-na NINA.KI URU be-lu-ti-ia ú-še-bil-am-ma ú-na-áš-šiq GÌR.II-ia |
| r 2828 | mmu-gal-li LUGAL KUR.[tab-URU] a-šib ḫur-šá-a-ni šá-di-i pa-áš-qu-u-ti |
| r 2929 | ša a-na LUGAL.MEŠ AD.MEŠ-ia GIŠ.⸢TUKUL⸣.MEŠ šit-pu-ru e-tap-pa-lu da-ṣa-a-ti |
| r 3030 | qé-reb KUR-šú ḫat-ti ⸢im⸣-qut-⸢su⸣-ma pu-luḫ-ti LUGAL-ti-ia is-ḫup-šú-ma |
| r 3131 | ba-lu e-peš MURUB₄ ⸢GIŠ.TUKUL⸣ [MÈ] ⸢a-na NINA.KI⸣ iš-pu-ram-ma ú-ṣal-la-a be-lu-ú-ti |
| r 3232 | ⸢ANŠE⸣.KUR.RA.MEŠ GAL.⸢MEŠ⸣ [man-da]-⸢at-tu⸣ na-dan šat-ti-šú ú-kin ṣe-ru-uš-šú |
| r 3333 | [m]⸢ik⸣-ki-lu-ú ⸢LUGAL KUR.ar⸣-ú-a-⸢da⸣ a-šib ra-pa-áš-ti MURUB₄ tam-tim |
| r 3434 | ⸢ša⸣ ki-ma KU₆ ina A.MEŠ la ni-i-bi ⸢gi-piš⸣ e-de-e dan-ni šit-ku-nu šub-tu |
| r 3535 | ša UGU tam-tim gal-la-ti ⸢tak-lu⸣-ú-ma la kit-nu-šú a-na ni-i-ri |
| r 3636 | be-lu-u-ti ip-⸢làḫ⸣-ma a-⸢na⸣ e-⸢peš ARAD⸣-ti-ia ik-nu-uš-ma i-šu-ṭa ab-šá-a-ni |
| r 3737 | KÙ.GI.MEŠ SÍG SA₅.MEŠ SÍG GI₆.MEŠ ⸢KU₆.MEŠ⸣ MUŠEN.MEŠ šat-ti-šam-ma ú-kin e-li-šú |
| r 3838 | ina ⸢tu⸣-kul-ti DINGIR.MEŠ GAL.MEŠ ⸢ù d⸣[EN].⸢ZU?⸣ a-šib URU.ḫar-ra-na EN-ia |
| r 3939 | ⸢rag⸣-gi ik-nu-šú ši-ip-ṣi ⸢mi⸣-[it-ru]-⸢ti⸣ ú-na-áš-ši-⸢qu⸣ GÌR.II-⸢ia⸣ |
| r 4040 | KUR.KUR la ma-gi-re-ia ak-šu-⸢ud⸣ [áš]-⸢lu?-la šal-lat⸣-su-nu ka-bit-tu |
| r 4141 | ⸢SAG⸣.MEŠ KÙ.BABBAR KÙ.GI mim-ma aq-⸢ru⸣ [ni-ṣir-ti NÍG.ŠU] na-ki-ri šad-lu-ú-ti |
| r 4242 | a-⸢na⸣ DINGIR.MEŠ KUR aš-šur.KI DINGIR.MEŠ KUR ⸢EME⸣.[GI₇ u] ⸢URI.KI⸣ a-qiš a-na qiš-ti |
| r 4343 | ina u₄-me-šú é-ḫúl-ḫúl É d⸢30⸣ [(...) ša] ⸢qé⸣-reb URU.ḫar-ra-na |
| r 4444 | ša [m]⸢dsál⸣-ma-nu-MAŠ DUMU maš-šur-PAP-⸢IBILA⸣ [LUGAL pa-ni maḫ]-⸢ri⸣-ia e-pu-šú |
| r 4545 | ⸢É šu-a⸣-[tu ša] ⸢la⸣-ba-riš ⸢il-li⸣-[ku i-qu]-ba É.GAR₈.MEŠ-šú |
| r 4646 | an-ḫu-⸢us-su⸣ am-si ad-ke tem-me-⸢en⸣-[šú ap-te-ma? a]-⸢mur?⸣ IGI?-šú du-rug-šú |
| r 4747 | si-ḫir-ti É šu-a-tu 30 ti-ib-ki ⸢ú⸣-[šaq-qi ap-ti]-qa pi-ti-iq-šú |
| r 4848 | ⸢3⸣ ME 50 GÍD.DA 72 DAGAL ti-ib IM.KUR.RA x [... ú]-rad-di ina muḫ-ḫi |
| r 4949 | 1 ME 30 ti-ib-ki TA ku-tal URU ú-mal-li [...] x qé-reb MURUB₄ URU |
| r 5050 | ina eš-qí NA₄.MEŠ KUR-i dan-ni UŠ₈-šú ad-di tem-me-en-šú ⸢ú⸣-[kin? šu?-bat?]-⸢su?⸣ ú-rap-piš |
| r 5151 | GIŠ.EREN MAḪ.MEŠ šá qé-reb URU.lab-na-na ⸢ik⸣-[bi-ru i-ši]-⸢ḫu⸣ la-a-nu |
| r 5252 | GIŠ.ŠUR.MÌN e-re-šú DÙG.GA šá qé-reb URU.si-ra-ra ú-x [x x zu-un?]-nu dIŠKUR |
| r 5353 | ša LUGAL.MEŠ ki-šad tam-tim ARAD.MEŠ da-gíl pa-ni-ia ik-⸢ki⸣-[su ina ṭè]-⸢e⸣-me-ia |
| r 5454 | TA šad-de-šú-nu a-šar nam-ra-ṣi pa-áš-qiš ú-šal-di-du-u-⸢ni⸣ [a-na URU].⸢ḫar⸣-ra-na |
| r 5555 | ṣe-er é-ḫúl-ḫúl šu-bat ḪÚL.MEŠ ú-ṣa-lil-ma ú-[kin ta]-⸢ra⸣-nu |
| r 5656 | GIŠ.IG.MEŠ GIŠ.ŠUR.MÌN rab-ba-a-ti me-ser KÙ.BABBAR ú-rak-kis ⸢ú⸣-[rat-ta-a] ⸢KÁ⸣.MEŠ-⸢šú⸣ |
| r 5757 | SAG LUGAL-ti-ia É.KUR šú-a-tú a-na si-ḫir-ti-šú ú-šar-⸢ri⸣-[iḫ-ma ú]-šak-⸢lil⸣ |
| r 5858 | at-man ⸢d30⸣ EN-ia 70 GUN za-ḫa-lu-ú eb-bu ú-[šal]-⸢biš⸣ |
| r 5959 | 2 AM.MEŠ KÙ.BABBAR ek-du-u-ti šá mal-ma-liš pat-qu ti-x [...] |
| r 6060 | ina 20 GUN eš-ma-re-e meš-re-te-šú-nu nak-liš ⸢ap⸣-[ti-iq ...] |
| r 6161 | a-na it-ku-up za-ma-a-ni da-a-iš a-a-bi-⸢ia⸣ [ina at-man d30 EN-ia ul-ziz] |
| r 6262 | 2 ⸢d⸣làḫ-me KÙ.BABBAR tam-šil šu-ut A.AB.BA ša ziq-⸢ni?⸣ [...] |
| r 6363 | ⸢ša⸣ ina a-tu-li-ma-ni-šú-nu GIŠ.šu-ri-in-ni tam-⸢ḫu⸣ [...] x |
| r 6464 | [ina] ⸢30⸣ GUN gat-ta-šú-nu ap-ti-iq ú-šar-ri-⸢iḫ⸣ [si]-⸢ma⸣-a-ti |
| r 6565 | [a]-⸢na⸣ mu-ter-riš TI.LA-ia ina KÁ pa-pa-ḫi ṣi-it [dUTU-ši ú-kin]-⸢šú⸣-nu-ti |
| r 6666 | [ina a-gúr-ri] ⸢NA₄⸣.ZÚ NA₄.ZA.GÌN né-bé-ḫu e-bi-iḫ-šú ⸢ú⸣-[šak?]-⸢li⸣-lu |
| r 6767 | [É.KUR šu-a-tú] ⸢a⸣-na si-ḫir-ti-šú ina ep-šet dnu-dím-mud [ag-mu-ra?] ⸢ši⸣-pir-šú |
| r 6868 | [ŠU.II d30 EN]-⸢ia⸣ aṣ-bat-ma ina ḪÚL.MEŠ ú-še-rib-šú ú-šar-[me-šú pa-rak da]-⸢ra⸣-a-ti |
| r 6969 | ⸢UDU⸣.[SISKUR.MEŠ (taš-ri-iḫ-ti)] ⸢KÙ⸣.MEŠ ma-ḫar-šú aq-qí-ma ú-šam-[ḫi-ra kàd]-⸢ra⸣-a-⸢a⸣ |
| r 7070 | ⸢d30⸣ [dnin-gal] u dnusku ep-še-ti-ia dam-qa-a-⸢ti⸣ [ḫa-diš lit-tap]-⸢la?⸣-su |
| r 7171 | [...] x x-e i-da-at dum-qi li-šá-pa-a [...]-⸢ia⸣ |
| r 7272 | [... bu-un-ni-šú?] ⸢nam⸣-ru-ú-ti it-ti dUTU-⸢ši⸣ [i-li-it?]-⸢ti⸣-šú |
| r 7373 | [...] ⸢šul⸣-bur iš-di GIŠ.GU.ZA LUGAL-ti-ia li-tap-pa-lu a-ḫa-⸢meš⸣ |
| r 7474 | [...]-ni EŠ.BAR-šú šá šum-qut na-ki-ri-ia li-šak-li-im ṣa-ad-du |
| r 7575 | [... a-na ni-iš] ⸢ŠU⸣.II-ia re-e-mu li-ir-ši-ma li-im-gu-ra qa-ba-a-a |
| r 7676 | [...] MU.AN.NA.MEŠ ṭu-ub ⸢UZU⸣.MEŠ ḫu-ud lìb-bi li-šim šim-ti |
| r 7777 | [dnin-gal ...] x a-na d30 ⸢na⸣-[ram]-i-šá li-ḫa-as-si-sa SIG₅.MEŠ-ia |
| r 7878 | [...] ⸢AD?⸣ u₄-me-šam ⸢la na-par⸣-ka-a li-iṣ-bat ab-bu-ut-ti |
| r 7979 | [a-na EGIR u₄-me ina LUGAL.MEŠ]-ni DUMU.MEŠ-ia šá ⸢AN.ŠÁR d⸣30 a-na be-lut KUR i-nam-bu-u zi-kir-šú |
| r 8080 | [e-nu-ma É.KUR šu-a-tu] ⸢la⸣-ba-riš il-la-⸢ku⸣ i-lab-bi-ru e-na-ḫu |
| r 8181 | [an-ḫu-us-su] ⸢ud⸣-da-šu-ú-ma ú-tar-ru šip-⸢ru⸣ šu-a-tu eš-šiš i-ban-nu-u |
| r 8282 | [šu-mì it-ti MU]-šú liš-ṭur ⸢ša⸣ šu-mì MU AD-ia AD AD-ia i-pa-áš-ši-ṭu-u-ma MU-šú i-šaṭ-ṭa-⸢ru⸣ |
| r 8383 | [d30 EN GAL-ú] ⸢ar-nu⸣ kab-tu še-er-ta-šu GAL-tum li-šá-áš-ši-šú-u-ma a-a ir-ši-šú re-e-mu |
| r 8484 | [...] x kam-mu É d30 ša URU.KASKAL |
Created by Jamie Novotny and Joshua Jeffers, 2015-22. Lemmatized by Joshua Jeffers, 2018-22, for the NEH-funded RINAP Project at the University of Pennsylvania. The annotated edition is released under the Creative Commons Attribution Share-Alike license 3.0. Please cite this page as http://oracc.org/rinap/Q007615/.