Ashurbanipal 200

a-na-ku áš-re-e-ki áš-te-né-ʾi al-li-ka a-na pa-làḫ ⸢DINGIR⸣-[ti-ki šul-lum par-ṣe-e-ki]

ù šu-ú ^mte-um-man MAN KUR.ELAM.MA.KI la mu-šá-qir DINGIR.MEŠ ⸢ku-uṣ⸣-[ṣur ka]-li a-na mit-ḫu-ṣi ERIM.ḪI.A-[ia]

um-ma at-ti be-let be-le-e-ti i-lat qab-li be-let ta-ḫa-⸢zi ma⸣-li-kàt DINGIR.⸢MEŠ⸣ AD.MEŠ-[šá]

šá ina ma-ḫar AN.ŠÁR AD ba-ni-ki SIG₅-tì taq-bi-i ina ni-iš IGI.II-⸢šú⸣ [KÙ.MEŠ] ⸢iḫ⸣-šu-ḫa-an-ni ⸢a-na^?⸣ LUGAL-u-ti

a-na šu-ṭu-ub lìb-bi AN.ŠÁR u nu-uḫ-ḫi ka-bat-ti ^dAMAR.UTU [...] x RU ⸢ur-ru⸣-ki ⸢IGI^?⸣ [...]

áš-šú ^mte-um-man MAN KUR.ELAM.MA.KI ša a-na ⸢AN⸣.[ŠÁR MAN DINGIR.MEŠ AD ba]-ni-ki iḫ-tu-u [bil-tu]

ù a-na ^dAMAR.UTU ŠEŠ ta-li-mì-ki ^dUTU ŠU NAM [...] x x x [...]

ù ⸢ia⸣-a-ši ^mAN.ŠÁR-DÙ-⸢A⸣ ša a-na nu-uḫ lìb-bi AN.ŠÁR u ^d[AMAR.UTU ...] ⸢tu⸣-šá-te-ri zik-ri x [...]

id-ka-a um-man-⸢šú⸣ ik-ṣu-ra ta-ḫa-zu ú-šá-ʾa-⸢a⸣-la [GIŠ.TUKUL.MEŠ-šú a-na a-lak KUR aš-šur.KI]

⸢um⸣-ma at-ti qa-rit-ti DINGIR.MEŠ GIM GUN ina MURUB₄ ⸢tam⸣-[ḫa-ri pu-uṭ-ṭi-ri-šú-ma] ⸢di⸣-kiš-šú me-⸢ḫu⸣-[u IM lem-nu]

in-ḫe-ia šu-nu-ḫu-ti ^diš-tar iš-me-ma ⸢la ta⸣-pal-làḫ [iq-ba-a ú-šar-ḫi-ṣa-an-ni lìb-bu]

a-na ni-iš ŠU.II-ka ša taš-šá-a IGI.II-ka im-⸢la⸣-[a di-im]-ta ar-[ta-ši re-e-mu]

am-šá-la iš-tén šab-ru-ú ša ina šá-at mu-ši ⸢šá^?⸣ [am-ḫur-ši ú-tu-ul-ma i-na-aṭ-ṭal MÁŠ.GI₆]