Ashurbanipal 197

x [...]

i-⸢na^?⸣ [...]

⸢i^?-na^?⸣ x x [...]

⸢i-na⸣ su-up-pe-⸢e te⸣-me-qí šá ⸢AN⸣ [...]

^mtar-qu-u MAN KUR.mu-⸢ṣur⸣ [u KUR.ku-ú-si ...]

a-na e-peš MURUB₄ mit-⸢ḫu⸣-[ṣi ...]

⸢nam⸣-ri-ir-ri ⸢^dèr⸣-ra qar-[di ...]

⸢URU.me⸣-em-pi ⸢ú-maš-šir⸣-[ma a-na šu-zu-ub ZI-tì-šú in-na-bit a-na qé-reb URU.ni-iʾ]

⸢URU⸣ šú-a-tú ⸢aṣ⸣-[bat ERIM.ḪI.A-ia ú-še-rib ú-še-šib ina lìb-bi ...]

x x (x) [...]

x x [...]

x [...]

[...] x x x [...]

[LUGAL.MEŠ LÚ].⸢NAM⸣.MEŠ LÚ.⸢qe-pa⸣-[a-ni šá qé-reb KUR.mu-ṣur ú-pa-qí-du AD ba-nu-u-a]

[šá la-pa-an] ⸢te⸣-bu-ut ^mtar-⸢qu⸣-ú [pi-qit-ta-šú-un ú-maš-še-ru im-lu-ú EDIN]

[ú-ter-ma] a-šar pi-qit-ti-šú-un ina [maš-kán-i-šú-un ul-zi-is-su-nu-ti]

x [x x (x)] x ⸢ša⸣ ia-a-ti ú-maš-še-ru-in-ni it-ti ^m⸢tar^?⸣-[qu-ú ...]

a-di a-na-ku qé-reb KUR.mu-uṣ-ri u KUR.ku-ú-⸢si⸣ [...]

i-na la a-šá-bi-ia ^mur-ta-ku LUGAL KUR.e-lam-ti a-na mit-ḫu-⸢ṣi⸣ [...]

^dU.GUR u ^di-šum mi-ḫi-iṣ la nab-la-ṭi im-ḫa-ṣu-šú-u-⸢ma⸣ [...]

^mur-ta-ku LUGAL KUR.e-lam-ti ina qaq-qar ba-la-ṭi GÌR.II-šú ⸢ul⸣ [iš-kun ...]

EGIR-nu ^mUR-da-ma-né-e DUMU NIN₉-šú ⸢ša⸣ [ina GIŠ.GU.ZA LUGAL-ti-šú ú-ši-bu]

URU.ni-iʾ URU.^dú-nu a-na dan-nu-ti-šú iš-[kun ú-paḫ]-⸢ḫi^?⸣-[ra el-lat-su]

a-na mit-ḫu-ṣi ERIM.ḪI.A KUR AN.ŠÁR.KI ša qé-reb URU.⸢me⸣-[em-pi id]-⸢ka-a⸣ [qa-bal-šú]

UN.MEŠ KUR AN.ŠÁR.KI šá-a-tu-nu e-si-ir-ma ⸢iṣ⸣-[ba-ta] ⸢mu⸣-uṣ-⸢ṣa⸣-[šú-un ...]

ina ṭè-e-me u mil-ki šá DINGIR.MEŠ GAL.MEŠ ú-šá-ḫi-zu-in-ni šá-ni-a-⸢nu a-na⸣ [...] x KUR.má-kan u KUR.me-⸢luḫ⸣-[ḫa uš-te-še-ra ḫar-ra-nu]

^mUR-da-ma-né-e a-lak ger-ri-ia iš-⸢me⸣-[ma ša ak-bu]-⸢su⸣ mi-ṣir [KUR.mu-ṣur]

URU.me-em-pi ú-maš-šir-ma a-na šu-⸢zu⸣-[ub ZI-tì-šú] ⸢in⸣-na-bit a-na qé-reb ⸢URU⸣.[ni-iʾ]

LUGAL.MEŠ LÚ.NAM.MEŠ LÚ.qe-pa-a-⸢ni ša qé⸣-[reb KUR.mu-ṣur áš-ku-nu ina] ⸢ir⸣-ti-ia il-li-ku-nim-ma ú-⸢na⸣-[áš-ši-qu GÌR.II-ia]

EGIR ^mUR-da-ma-né-e ḫar-⸢ra⸣-[nu aṣ-bat al-lik a]-⸢di⸣ URU.ni-iʾ URU dan-⸢nu⸣-[ti-šú]

⸢ti⸣-ib MÈ-ia e-⸢mur⸣-[ma URU.ni-iʾ ú-maš-šir] ⸢in⸣-na-bit a-na URU.ki-⸢ip⸣-[ki-pi]

URU šu-a-tu a-na [si-ḫir-ti-šú ina tukul-ti ^dU.GUR u ^d]⸢i⸣-šum ik-šu-da ŠU.II-[a-a]

KÙ.BABBAR.MEŠ KÙ.GI.⸢MEŠ⸣ [ni-siq-ti NA₄.MEŠ NÍG.ŠU] ⸢É⸣.GAL-šú ma-la ba-šú-[u]

lu-bul-tu bir-me ⸢GADA⸣.[MEŠ ANŠE.KUR.RA.MEŠ GAL.MEŠ UN.MEŠ zik]-ru ù sin-⸢niš⸣

2 GIŠ.tim-me ⸢MAḪ⸣.[MEŠ pi-tiq za-ḫa-le-e eb-bi ša 2 LIM 5 ME] ⸢GUN⸣ KI.LÁ-šú-nu man-za-az KÁ ⸢É.KUR⸣

ul-tu man-⸢zal⸣-[ti-šú-nu as-suḫ-ma al-qa-a] a-na KUR AN.ŠÁR.⸢KI⸣

i-na ta-⸢a⸣-[a-ar-ti-ia ... ša] ⸢la⸣ ik-nu-šú a-na LUGAL.MEŠ AD.MEŠ-⸢ia⸣

x [... il-li-ku]-⸢nim⸣-ma ú-na-áš-ši-qu GÌR.II-ia

[... mi-iṣ-ru e-li ša LUGAL.MEŠ AD].⸢MEŠ⸣-ia ú-rad-di-ma a-bel

[ina qí-bit AN.ŠÁR ... ^dU.GUR ...] x ^di-⸢šum⸣ [...]

[...] x [...]

[... a]-⸢na LUGAL⸣-[u-ti]

[...]-a^? qí-bi-⸢ti⸣

[... ša la] ⸢iṣ⸣-ṣu-ra a-de-ia

[... it-ti ^mdGIŠ.NU₁₁-MU-GI.NA ŠEŠ] ⸢nak⸣-ri iš-ku-na pi-i-šú

[^mtam-ma-ri-tu EDIN-uš-šú ib-bal-kit-ma šá-a-šú] ⸢ga⸣-du ⸢kim-ti⸣-šú ú-ra-sib-šú ina GIŠ.TUKUL.MEŠ

[^mtam-ma-ri-tu šá e-la ^mum-man-i]-⸢gaš⸣ ek-[ṣu] ⸢ú⸣-šib ina GIŠ.GU.ZA KUR.ELAM.MA.KI

[ki-ma šá-a-šú-ma ul-tu ŠU].II ⸢^mdGIŠ.NU₁₁⸣-MU-GI.⸢NA⸣ [ṭa-ʾa-a-tú im]-⸢ḫur ul iš⸣-al šu-lum LUGAL-ti-⸢ia⸣

[a-na re-ṣu-ut ^mdGIŠ.NU₁₁-MU]-⸢GI⸣.NA il-lik-am-ma [a-na mit]-⸢ḫu⸣-ṣi ⸢ERIM.ḪI.A⸣-ia ur-ri-ḫa GIŠ.TUKUL.⸢MEŠ⸣-šú

[^min-da-bi-bi] ⸢ARAD⸣-su ṣe-ru-⸢uš⸣-[šú ib-bal]-⸢kit⸣-ma ú-šib ina GIŠ.⸢GU⸣.ZA-šú

[^mtam-ma-ri-tu la-pa]-⸢an⸣ ^min-da-bi-⸢bi⸣ [in]-nab-tam-ma iṣ-ba-ta GÌR.II ⸢LUGAL⸣-ti-ia

[a-lak^? LÚ.A KIN-ia ša a-na BÀD.AN.KI áš-pu-ru] ⸢iš⸣-mu-ú qé-reb ⸢KUR⸣.ELAM.MA.KI

[ina^? tukul-ti^? AN.ŠÁR (...) ^dU.GUR ... pu]-⸢luḫ⸣-ti LUGAL-ti-ia KUR.⸢ELAM.MA⸣.KI is-ḫup-ma

[UN.MEŠ KUR.ELAM.MA.KI ṣe-er] ⸢^min-da⸣-bi-⸢bi ib⸣-[bal]-⸢ki⸣-tu i-na-ru-⸢uš⸣ ina GIŠ.TUKUL.MEŠ

^m⸢um-man⸣-[al-da-si DUMU] ^m⸢at⸣-ta-me-tu ⸢ú⸣-[še]-⸢ši-bu⸣ ina GIŠ.⸢GU.ZA⸣ KUR.ELAM.MA.KI

^mtam-ma-ri-⸢tú⸣ [áš-šú e-peš de]-e-⸢ni⸣-šú ù a-lak Á.TAḪ-šú ina ⸢qí-bit⸣ AN.ŠÁR u ^dU.GUR ú-ṣal-la-a EN-ú-ti

a-na-⸢ku⸣ ^m⸢AN.ŠÁR-DÙ-A⸣ [lìb]-⸢bu rap⸣-šú ⸢la⸣ ka-ṣir ik-ki^* (TI erased) ⸢i⸣-[na] ⸢tukul⸣-ti AN.ŠÁR u ^dU.GUR DINGIR.MEŠ ti-ik-le-ia

šá-ni-a-nu ad-⸢ke ERIM.ḪI.A-ia⸣ ṣe-er ^mum-man-al-da-⸢si LUGAL^?⸣ KUR.e-lam-⸢ti⸣ aq-ba-a a-la-ku

aṭ-ru-ud ^mum-man-⸢al-da⸣-su LUGAL KUR.ELAM.MA.KI la-pa-⸢an⸣ [GIŠ].⸢TUKUL.MEŠ-ia in⸣-na-bit-ma šá-da-a-šú e-li

^mum-ba-LAGAB-u-a ša mé-eḫ-rat ^mum-man-al-da-si ⸢áš⸣-[bu ina GIŠ.GU.ZA KUR.ELAM.MA.KI]

URU.bu-bi-lu URU mu-šab EN-ti-šú ú-maš-šir-⸢ma⸣ [iṣ-bat šu-pul A.MEŠ ru-qu-u-ti]

^mtam-ma-ri-tú šá in-nab-ta iṣ-ba-ta GÌR.II-ia qé-reb URU.⸢šu-šá⸣-an áš-kun-šú a-na LUGAL-u-ti

⸢SIG₅⸣-tu e-pu-šú-uš šá áš-pu-ru Á.TAḪ-su in-ši-ma iš-te-né-⸢ʾa⸣-[a] ⸢ḪUL⸣-tú a-na ka-šad ERIM.ḪI.A.MEŠ-ia

AN.ŠÁR LUGAL DINGIR.MEŠ ^dU.⸢GUR⸣ be-lum ṣi-i-ru ša ina maḫ-ri-ia il-la-ku ú-šá-zi-zu-in-ni ṣe-er ga-re-ia

lìb-bi ^mtam-ma-ri-⸢tú⸣ ek-ṣu ba-ra-nu-ú ib-ru-ma im-nu-ú-šú qa-tu-ú-a

ul-⸢tu⸣ GIŠ.GU.ZA ⸢LUGAL⸣-ti-šú id-ku-niš-šum-ma ú-ter-<ru>-ni-šum-ma ú-šak-ni-šú-uš a-na GÌR.II-ia

šal-ši-a-nu AN.ŠÁR ⸢EN ṣi-i⸣-ru ^dU.GUR qar-rad DINGIR.MEŠ ^di-šum šá ŠU.II-šú as-ma ú-tak-ki-lu-ni-ma a-na KUR.⸢ELAM⸣.[MA.KI] ⸢iq⸣-bu-u-ni a-la-ku

URU.É-^mim-bi-i ⸢ša⸣ [ina] ⸢ger⸣-ri-ia maḫ-re-e ak-šú-du e-nen-na KUR.ra-a-ši URU.ḫa-ma-nu a-di ⸢na⸣-[ge-šú] ⸢ak-šu-ud⸣

ù šu-ú ^m⸢um-man⸣-al-da-si LUGAL KUR.ELAM.MA.KI ka-šad KUR.ra-a-ši u ⸢URU.ḫa⸣-ma-ni [iš-me-e-ma]

pu-luḫ-ti AN.ŠÁR EN-ia ⸢ù^? nam⸣-ri-ri ^dU.GUR DINGIR-ia₅ a-lik Á.II-ia is-ḫu-pu-šú-ma

URU.⸢ma-dak-tú⸣ URU LUGAL-ti-šú ú-⸢maš⸣-[šir-ma in-na-bit a-na URU.BÀD-^mun-da-si]

⸢ÍD⸣.id-id-⸢e e-bir⸣-[ma] ⸢ÍD⸣ šú-a-tú a-na dan-nu-ti-šú iš-kun uk-taṣ-ṣar ⸢a⸣-[na ṣal-ti-ia]

⸢URU⸣.na-ṭi-tu ⸢URU⸣.[É-^mbu-na]-⸢ku⸣ URU.ḫar-tap-pa-a-nu URU.MEŠ LUGAL-ti-šú a-di na-ge-šú-[nu ak-šu-ud]

⸢URU⸣.tu-ú-⸢bu⸣ [a-di na-ge-šú ak-šu-ud bi-rit] ⸢ÍD⸣ ka-la-ma ak-šud URU.ma-dak-tu URU.ḫal-te-ma-áš URU.[šu-šá-an URU.MEŠ LUGAL-ti-šú]

URU.di-in-[LUGAL URU.su-mu-un-tu-na-áš URU.pi-di-il]-⸢ma URU⸣.bu-bi-lu URU.ka-bi-in-ak URU.MEŠ ⸢LUGAL⸣-[ti-šú ak-šu-ud]

URU.BÀD-^m⸢un⸣-[da-a-si URU LUGAL-ti-šú KUR-ud] ⸢14^? URU⸣.MEŠ mu-šab LUGAL-u-ti a-di URU.MEŠ ⸢TUR⸣.[MEŠ (šá ni-i-ba la i-šu-u) ù 12 na-ge-e]

ša qé-⸢reb⸣ [KUR.ELAM.MA.KI ka-li-šá ak-šu-ud ap-pul aq-qur ina ^dGIŠ.BAR] ⸢aq-mu⸣ a-na [DU₆ u kar-me ú-ter]

i-na la mì-⸢ni⸣ [a-duk qu-ra-de-e-šú ina GIŠ.TUKUL.MEŠ ú-ras-sib] ⸢mun^?⸣-[daḫ-ṣe-e-šú MAḪ.MEŠ]

^mum-man-⸢al⸣-[da-si LUGAL KUR.ELAM.MA.KI mi-ra-nu-uš-šú in-na-bit-ma iṣ-ba-ta KUR-ú]

URU.ba-⸢nu⸣-[nu ...]

20.ÀM [URU.MEŠ ...]

60 KASKAL.[GÍD qaq-qa-ru ...]

i-na ⸢ta⸣-[a-a-ar-ti-ia ...]

⸢KÙ^?⸣.[...]