Ashurbanipal Babylonian 16

a-na ^dEN.LÍL LUGAL DINGIR.DINGIR ⸢EN⸣ AN-e ù KI-tim NUN x [...]

pa-ri-is pu-ru-us-su-ú šá la in-nin-nu-⸢ú⸣ [qibīssu^?]

a-šá-rid ^dí-gì-gì ma-am-lu₄ ^da-nun-na-ki mu-ma-[ʾ-ir ...]

ta-mi-iḫ ṣer-ret gi-im-ri sa-ni-[iq mitḫurti^?]

EN KUR.KUR IGI.GÁL DINGIR.MEŠ a-šib é-kur šá qé-⸢reb⸣ [nippur (bēli rabî) bēlīšu]

AN.⸢ŠÁR-DÙ-IBILA⸣ [šarru rabû] ⸢LUGAL⸣ dan-nu LUGAL ⸢kiš⸣-[šat šar māt aššur]

[... šarru ša ina kullat] KUR.KUR ma-ḫi-⸢ru⸣ [lā īšû]

[mār aššur-aḫa-iddin šarru rabû šarru] ⸢dan⸣-nu LUGAL kiš-šat LUGAL ⸢KUR⸣ [aš-šur]

[mār mār] ⸢^d30-ŠEŠ.MEŠ-SU⸣ LUGAL GAL LUGAL dan-nu LUGAL kiš-šat LUGAL KUR aš-šur.KI-⸢ma⸣

⸢LUGAL⸣ KUR EME.<<UR>>.GI₇ u URI.KI GÌR.NÍTA AN.ŠÁR ^dEN.LÍL u ^dnin-urta

za-nin ma-ḫa-zi E MA TAR DU DÙ sì-ma-ak-ku

a-na ba-laṭ ZI-šu ur-ruk u₄-me-šú šu-un-mur SU-šú šu-ul-lum NUMUN-šú

e-⸢li⸣ a-a-bi-šu ú-zu-uz-zu BAL.MEŠ-šú la-ba-ri GIŠ.GIDRU-šú šu-te-šu-ri

EN-us-⸢su⸣ [UGU] ⸢KUR⸣-šú šu-ṭúb-bi UN.MEŠ-šú ina ṭuḫ-di u nu-uḫ-šú i-tar-ri-i

é-gi-gu-nu-ú ziq-qur-rat NIBRU.KI šá ina i-rat ZU.AB šur-šu-du tim-me-en-šú

šá i-ga-ri-šú la-ba-⸢riš il-li⸣-ku-ma ib-ba-šu-ú si-ri-iḫ-šú

ina SIG₄.AL.ÙR.RA UDUN KÙ-tim ma-qit-⸢ta⸣-šú ⸢ak-šìr-ma⸣ ú-šak-lil bu-na-a-šú

ina ši-pir ^dkulla eš-šiš ú-še-piš-ma ú-nam-mir-šú ki-ma u₄-mu

re-ši-šu ki-ma šá-di-i ul-li-ma ú-šá-an-bi-iṭ zi-⸢mi⸣-[šú]

a-na šat-ti ^dEN.LÍL LUGAL DINGIR.MEŠ ^den-líl DINGIR.MEŠ EN [rabû^? (EN-šú)]

é-gi-gu-nu-ú ṣa-ad-di ma-a-tim ḫa-diš ina nap-⸢lu⸣-[si-šú]

šá AN.ŠÁR-DÙ-IBILA LUGAL KUR aš-šur.KI SIPA ki-i-nu pa-liḫ DINGIR-u-ti-⸢šu⸣ [GAL-ti^?]

LUGAL-us-su lik-tar-rab BALA.MEŠ-šú li-iṣ-ṣur ana UD.⸢MEŠ⸣ [SÙ.MEŠ]

GIŠ.GIDRU SIPA-tú sa-ni-qat mit-ḫur-ti li-šat-⸢mi⸣-[iḫ-šú^?]

UGU KUR-šú liš-ṭib re-é-ut-su UGU na-ki-⸢ri⸣-[šú lišziz^?]