[a-na ^d]⸢NIN.LÍL⸣ ru-ba-tu ṣir-tu e-tel-lat ^dí-gì-gì u ^dGÉŠ.U šá-ru-uḫ-tum i-lá-a-ti šar-⸢rat⸣ [šar-ra]-⸢a⸣-ti

^diš-tar ta-na-da-a-ti šá ku-uz-bu za-aʾ-⸢nat⸣ ma-lat nam-ri-ri be-el-tu šur-bu-tú ša ina DINGIR.MEŠ

⸢kul^?⸣-lat^? da-ád-me šu-tu-qát be-lut-sa šur-ba-a-ta DINGIR-⸢us-sa⸣ ^dZÍB be-let DÙ mim-ma šum-šú šá ina paṭ šá-ma-⸢me⸣ u qaq-qa-ri

[ṣa-bi-ta-at^?] ⸢mar⸣-kas bu-ru-um-me KÙ.MEŠ šá ina AN-e rap-šu-ti šur-šú-du gis-gal-la-[šá^? ...]

[ḫi-rat^{? d}]⸢EN⸣.LÍL.⸢LÁ⸣ DINGIR.MEŠ šá-qu-ú LUGAL AN-e u ⸢KI⸣-tim mu-šim ši-ma-a-ti AMA DINGIR.⸢MEŠ⸣ ša

⸢qí⸣-bit-sa la in-nen-nu-ú la ut-tak-ka-ru ṣi-it [pi-i]-šá ḫa-mì-mat GARZA.MEŠ ^da-num ⸢šu⸣-qu-ru-ti

ta-me-ḫat pi-⸢qí⸣-ti ^dEN.LÍL-u-ti ri-im^*-tú <šá>-qu-⸢tú⸣ šá qar-na-šá ed-da mu-nak-ki-pat za-ʾi-[ri ...]

⸢ka-bi-sa-at^?⸣ áš-ṭu-ti ra-ki-pat UD.MEŠ GAL.MEŠ šá ina DINGIR.MEŠ ge-ru-šá la i-šu-u ina ^d15.MEŠ la ib-šú-u [...]

sa-par-šá šu-par-ru-ru a-na a-a-bi šu-nu-⸢ul⸣-lu ina giš-par-ri-šá la ip-pa-raš-ši-du na-[ki-ru^? ...]-ni

[i^?]-na i-di le-ʾu-ú-ti šá nap-ḫar ⸢ka⸣-la ta-bé-lu-ma KUR.KUR DÙ-ši-na tu-šak-ni-[šú a-na^? ni^?]-ri-šá

⸢an⸣-tum réme-ni-tum le-qát un-ni-ni še-⸢ma-at⸣ ik-ri-bi ⸢na⸣-ṣi-rat na-piš-ti qa-⸢i⸣-[šat TI.LA]

a-li-kàt i-di [LUGAL] mi-gir-i-šá ša ina PAP.⸢ḪAL⸣ BAD₄ ú-še-⸢zi⸣-[bu] NUN pa-[liḫ]-šá a-ši-bat [NINA.KI] ⸢URU⸣ KÙ

šu-bat [(x)] x DINGIR.MEŠ GAL.MEŠ GAŠAN GAL-tu GAŠAN-ia [a-na-ku] ^mAN.ŠÁR-DÙ-⸢A⸣ [MAN] ŠÚ MAN KUR [AN.ŠÁR.KI ti-ri]-iṣ ŠU.II-[ki^?]

GÌR.NÍTA ⸢mut⸣-nen-nu-u šá-ʾi-iṭ ni-ri-ki ki-⸢ṣir⸣ [...] U MU ŠÚ [...]

ú-ša-pu-ma ú-ṣal-lu-u be-lut-ki a-na x [...] x AN x [... ib-šá-a^?] GEŠTU.II-šú [...]

ina ⸢er⸣-bi qí-šá-a-ti ŠÀ.GI.GURU₆.A tés-li-[ti ... šá]-pal-ki [...]

DUMU ^md30-PAP.MEŠ-SU MAN ŠÚ MAN KUR AN.ŠÁR.KI-ma ŠÀ.⸢BAL⸣.[BAL ^mLUGAL]-GI.NA MAN ⸢ŠÚ⸣ [MAN KUR AN].ŠÁR.KI [GÌR.NÍTA KÁ.DINGIR.RA.KI MAN KUR EME.GI₇ u] URI.KI

šá a-bu la ú-rab-ban-ni la iṣ-pu-pan-ni [kap-pi ...] x TAR x [... nu]-bal-lu

[...]-Ú taḫ-ti-nin-ni [...] x TI x [... sa^?]-⸢li⸣-mu

[ṣu-lul-ki] DÙG.GA tu-šat-ri-ṣi UGU-[ia ...] šur-šú-diš ⸢tu⸣-[še-ši-bi-in-ni ina GIŠ.GU.ZA^?] ⸢AD⸣ DÙ-ia

^dALAD dum-qí na-ṣi-ru ^dLAMMA me-⸢šá⸣-ri mu-šal-⸢li⸣-[mat^? ZI^?]-⸢tim^?⸣ Á.II-a-⸢a⸣ [lil-li-ku^? ... ina tukul-ti^?]-⸢ki⸣ GAL-ti

at-ta-lak ar-ki-ki i-da-a-a tal-li-⸢ki⸣ a-ta-tab-⸢lak⸣-[kat ... a]-a-bi-ia

ina li-i-ti da-na-ni ki-šit-ti ŠU.II tu-[šá-zi-zi-in-ni EDIN] ga-re-ia [... šá] ⸢la^? ut^?-tak⸣-ka-ru

e-peš LUGAL-u-ti-ia taq-bi-i ana UD.MEŠ da-ru-te [...] iš-re-e-te [... AN.ŠÁR u ^dNIN].LÍL

ina ni-iš IGI.II-šú-nu SIG₅.MEŠ ip-pal-su-in-ni-ma iq-bu-u ZA [... ina qí-bi^?]-⸢ti⸣-ki ṣir-te

a-na šuk-lul eš-re-e-ti za-⸢na⸣-an ma-ḫa-zi šu-te-šur par-ṣe ki-du-de-e [...] x áš-kun-ma

é-⸢ḫur-sag⸣-gal-kur-kur-ra É AN.ŠÁR EN-ia šá ^mAN.ŠÁR-PAP-AŠ MAN KUR AN.ŠÁR.KI AD ba-[nu-u-a la ig]-mu-ra ⸢ši⸣-pir-šú

i-na qí-bit AN.ŠÁR EN GAL-e EN-ia ši-pir-šú ag-mur-ma É.GAR₈.MEŠ-šú ú-šal-[bi-šá] ⸢KÙ⸣.GI KÙ.BABBAR [GIŠ.tim-me GIŠ].⸢EREN⸣ MAḪ.MEŠ

me-ser KÙ.BABBAR ú-rak-kis ina KÁ ḫi-ṣib KUR.KUR az-qup AN.ŠÁR ina é-šár-ra tam-šil É ^dEN.LÍL šá AN-e [ú-še]-rib-ma [ú-šar-ma-a pa]-rak da-ra-a-ti

é-maš-maš É ^dNIN.LÍL GAŠAN-⸢ia⸣ at-ma-nu mu-šab be-lu-ti-šá KÁ.MEŠ-šú sip-pi-šú ⸢SI⸣.GAR-i-šú [KÙ.BABBAR KÙ.GI lu]-⸢u⸣ uḫ-ḫi-iz

á-ki-tu mu-šab be-lu-ti-šá ša UD.21.KAM šá ITI.AB GAŠAN GAL-tu uṣ-ṣu-ma ú-šal-la-mu [...] ⸢par⸣-ṣe-šá^? [ul-tu u₄-me^? LUGAL].⸢MEŠ⸣ AD.MEŠ-ia

im-ma-šu-ma ina si-ma-ti-šá LIBIR.RA.MEŠ GIM šá maḫ-ri la šu-pu-šá-tu i-na-an-na a-na-[ku ina a-gúr-ri^? tam]-⸢lit⸣ NA₄.ZÚ NA₄.ZA.GÌN

a-na si-ḫir-ti-šá ar-ṣip ú-⸢šak⸣-lil lu-le-e ú-mal-li da-ad-me na-ki-ri ša ⸢ik⸣-šú-da ŠU.II-a-a

si-ma-a-ti na-⸢ki⸣-ri šá ina qí-bit ⸢DINGIR⸣-ú-ti-šá ṣir-ti áš-tak-ka-nu ù LUGAL.MEŠ la kan-šú-[ti]-⸢ia⸣

ina ši-pir ^dnin-zá-dím UGU-šá ú-⸢ṣir⸣ é-ki-bi-kù-ga ziq-qur-rat ⸢NINA⸣.KI [...]

GIŠ.má-tum-ma-⸢al^?⸣ GIŠ.MÁ ^dNIN.LÍL šá GIŠ.EREN ab-ni-ma KÙ.BABBAR uḫ-ḫi-iz KÁ AŠ.A.AN šá mu-us-saḫ-⸢ra^?⸣-[...] x iš-pil-lu-ur-⸢ti⸣

a-šar pel-lu-⸢de⸣-e x (x)-ti LUGAL a-⸢na si⸣-ḫir-ti-šú ar-ṣip ú-šak-lil ul-tú mim-ma ši-pir É [...]-⸢ia⸣ e-⸢pu⸣-šú KÙ.BABBAR KÙ.GI ú-za-⸢ʾi⸣-[nu]

at-man ^dAG EN-ia šá qé-reb NINA.KI KÙ.BABBAR KÙ.GI lu-u uḫ-ḫi-iz É ^d30 ^dnin-gal ^dUTU [^da]-a šá [qé]-⸢reb⸣ NINA.KI

a-na si-⸢ḫir⸣-ti-šú ar-ṣip ú-šak-lil ^d30 ^dnin-gal ^d[nusku ^dUTU ^d]⸢a⸣-[a DINGIR.MEŠ] ⸢tik-le⸣-[ia ...] x ina qé-reb-e-šú

ú-še-rib-ma ú-šar-ma-a pa-rak da-ra-a-ti é-gašan-kalam-⸢ma⸣ [...] É.GAR₈.MEŠ-šú ú-[šal-bi]-⸢šá⸣ KÙ.⸢GI⸣ [... ú-še^?]-piš

KÁ.DINGIR.RA.KI ud-diš é-sag-íl ú-šak-⸢lil⸣ BÁRA.MEŠ-šú tam-šil šá-ma-⸢mi⸣ [...]

be-lum [^dGAŠAN-MU] ^dbe-let-KÁ.DINGIR.RA.KI ^d⸢é⸣-a ^dDI.KU₅ [...] x ka-bat-⸢ti⸣ [...]

UDU.NÍTA.[MEŠ ... iq^?]-⸢bu⸣-u a-lak ú-ru-uḫ šul-me ⸢ra^?⸣-[...]

LUGAL [...]-su a-[...] ⸢URU^?⸣ ^d⸢asal^?⸣-[lú^?]-ḫi^? KÁ.DINGIR.RA.⸢KI⸣ [...]

⸢BÁRA⸣.[MAḪ]-⸢ḫu⸣ šu-bat DINGIR-ú-ti-[šú ṣir-ti 50 GUN] ⸢za⸣-ḫa-⸢lu⸣-[u eb]-bu a-na a-[gúr-ri ap-ti-iq-ma ú-rab-ba-a EDIN-uš-šú]

[ú-še-piš-ma^? GIŠ.er-me a-nu] GIŠ.MES.⸢MÁ⸣.KAN.NA GIŠ dà-[re-e ... 34] GUN [20 MA.NA] ⸢KÙ⸣.GI ⸢ḪUŠ⸣.[A kip-pat-su ú-šal-biš ... ú]-šat-ri-⸢iṣ⸣

[GIŠ.GIGIR ṣir]-⸢tum⸣ ru-⸢kub⸣ be-lu-ti-šú ina [KÙ.GI KÙ.BABBAR NA₄.MEŠ ni-siq-ti ag-mu-ra nab-nit-sa a-na ^dAMAR.UTU LUGAL kiš-šat AN-e] u KI-tim

[sa-pi-in LÚ].⸢KÚR.MEŠ^?⸣-ia a-na ši-rik-[ti áš-ruk GIŠ.NÁ GIŠ.MES.MÁ.KAN.NA iṣ]-⸢ṣi⸣ dà-re-e

[šá pa-šal-lu lit-bu-šat NA₄.MEŠ ni-siq-ti za-aʾ-nat a-na ma-a-a-al] tak-né-e ^dEN ^dGAŠAN-ia

[šá-kan ḫa-šá-di e-peš] ⸢ru^?-ʾa⸣-[a-me nak-liš e-pu-uš ina ká-ḫi-li-sù maš]-tak ^dzar-pa-ni-tum

⸢šá ku⸣-[uz-bu sa-al-ḫu ad-di GIŠ.NÁ GIŠ.ESI iṣ]-ṣi ⸢dà⸣-[re-e šá KÙ].⸢GI⸣ ḪUŠ.A lit-⸢bu⸣-[šat a-na ^d]AMAR.UTU ⸢MAN⸣ DINGIR.MEŠ ra-ʾi-im BALA-ia aq-qiš

[ú-na-at KÙ.BABBAR KÙ.GI] ⸢NA₄⸣.MEŠ ni-⸢siq-ti⸣ ZABAR AN.⸢BAR⸣ mim-ma [ši-pir] ⸢É⸣.KUR ú-še-piš-ma qé-reb [é]-⸢sag⸣-gíl É.GAL DINGIR.MEŠ ú-⸢kin⸣

[é-sa]-⸢bad⸣ É ^d⸢gu⸣-[la šá] ⸢qé⸣-reb KÁ.DINGIR.⸢RA⸣.[KI ul-tu UŠ₈-šú a]-⸢di⸣ gaba-dib-bi-šú ar-ṣip ú-šak-lil

[6 AM.MEŠ KÙ.BABBAR ek-du-ti na-ṣi-ru ki-bi]-⸢is⸣ LUGAL-ú-ti-[ia ina KÁ lú-gú]-⸢dù⸣-e-ne

KÁ ṣi-it ^dUTU-ši [u KÁ ^dLAMMA-RA.BI ina é-zi-da šá qé-reb bár-sipa].⸢KI⸣ ul-[ziz]

[KUN₄^? KÙ.GI] ⸢ḪUŠ⸣.A šá 50 MA.NA KI.LÁ-šá a-[na me-le-e^? šá]-qu^?-ú-ti

[... ki-zálag-ga šu]-⸢bat⸣ ^dIZI.GAR 83 GUN za-ḫa-lu-u eb-bu

[ap-tiq-ma a-na nu-um-mur KI.NE si-mat é-zi-da nak-liš] ú-še-piš

[2 per-ki KÙ.BABBAR eb]-bi šá AŠ₄ GUN.TA.ÀM KI.LÁ-šú^*-nu^* ⸢ina⸣ [ká-maḫ u ká-nam]-⸢ti⸣-la a-na ⸢tal⸣-[lak-ti ru-bu-ti-šú] ⸢ṣir⸣-ti ⸢ḫur⸣-šá-niš áš-pu-uk

[...] ⸢šá⸣ ul-tu UD.MEŠ ul-lu-u-ti [(x)] im-[ma-šu-u] ⸢ši⸣-pir-šú [...] x ap-tiq-ma

[...] x-šú é-mes-lam É ^dU.GUR šá GÚ.DU₈.A.[KI šá i-na]-⸢ḫu⸣-ma il-li-[ku la-ba]-⸢riš⸣ an-ḫu-su ud-diš

[mi-qit-ta-šú ad-ke ul-tu] ⸢UŠ₈⸣-šú a-di gaba-dib-bi-šú ar-ṣip ú-šak-lil GIŠ.[ÙR.MEŠ GIŠ.EREN MAḪ].⸢MEŠ⸣ ú-šat-ri-[ṣa UGU-šú] GIŠ.IG.MEŠ ⸢GIŠ.li⸣-ia-a-ri

[šá e-re-si]-na DÙG.GA ú-rat-ta-a ina KÁ.MEŠ-šú ina GIŠ.MES.MÁ.KAN.[NA GIŠ.KA GIŠ].⸢ESI GIŠ⸣.TÚG [GIŠ^?.KÌM^? u GIŠ].UMBIN us-si-[ma] É

[é-ḫúl]-⸢ḫúl⸣ É ^d30 šá qé-reb URU.KASKAL šá ul-tú UD.⸢MEŠ⸣ [SÙ.MEŠ^{? d}30^? ...] x ú-šad-gi-lu pa-[nu]-ú-a

[ul-tu] UŠ₈-šú a-di gaba-dib-bi-šú ar-ṣip ú-⸢šak⸣-[lil ...] ⸢ú⸣-šal-biš é-me-⸢lám⸣-an-na

É <^d>nusku^* SUKKAL MAḪ ab-⸢na-a qé-reb⸣-[šú 2 AM.MEŠ KÙ.BABBAR mu-nak-ki-pu ga-re-ia ina at-man] ^d30 EN-ia ul-ziz 2 làḫ-me eš-ma-re-e

šá ti-iṣ-⸢bu⸣-[tú GIŠ.šu-ri-in-ni (mu-šal-li-mu kib-si LUGAL-ti-ia) mu-še-ri-bu ḫi-ṣib KUR-i u tam-tim ina KÁ] ⸢é⸣-ḫúl-ḫúl ul-ziz É á-ki-tu

mu-⸢šab^?⸣ [be-lu-ti-šú^?] ⸢ar⸣-ṣip ú-šak-lil KÙ.BABBAR KÙ.[GI ... GIŠ].MES.MÁ.KAN.NA ⸢GIŠ⸣ dà-re-e za-[ḫa]-⸢lu⸣-[u] eb-bu

[... KÙ.GI] ⸢ḪUŠ⸣.A ú-za-ʾi-in [...] ⸢az⸣-qup ^d30 EN-⸢ia⸣ [...] ⸢at⸣-man ⸢^d⸣[nusku] ⸢SUKKAL⸣ MAḪ

[ṣa-bit ab]-⸢bu-ut-ti⸣-ia mu-šaḫ-sis [(...)] ^d30 EN-ia KÙ.BABBAR uḫ-⸢ḫi⸣-[iz (...)] x GIŠ SI x ti šá a-na šub-ruq [... ^dIM.DUGUD.MUŠEN.MEŠ^?] ḪUŠ.MEŠ

[...] é-me-lám-an-na É ^dnusku SUKKAL MAḪ im-nu u ⸢šu⸣-me-⸢lu ul⸣-ziz

[... ŠU.II ^d30 ^dnusku aṣ]-⸢bat⸣-ma ú-še-rib ú-še-šib pa-rak ⸢da-ra⸣-a-ti

é-dim-gal-kalam-ma É ⸢AN⸣.GAL šá ⸢BÀD⸣.[AN.KI a-na] ⸢si⸣-ḫir-ti-šú ⸢ar⸣-ṣip^* ú-[šak-lil AN].GAL ^dGAŠAN-BÀD.AN.KI ⸢^d⸣DUMU.É

qé-reb-šú ú-še-rib-ma ⸢ú⸣-[še-šib^? pa-rak^? da-ra-a]-⸢ti^?⸣ KI.TUŠ GIŠ.MES.⸢MÁ⸣.KAN.NA GIŠ dà-re-⸢e⸣ a-⸢na⸣ mu-šab EN-ti-šú

KÙ.[BABBAR eb]-⸢bu ú⸣-[šal-biš ...] ⸢KÙ^?⸣.BABBAR šá KÙ.GI ḪUŠ.A lit-bu-šú a-na ⸢si⸣-[ḫir-ti-šú ...] x-su

[^d]IM.DUGUD.MUŠEN.MEŠ KÙ.BABBAR eb-bi šá ma-lu-u pu-luḫ-tu a-na TI.LA ZI.MEŠ-⸢ia⸣ [ina KÁ é-galam-mes É] ⸢^d⸣U.GUR šá URU.tar-bi-ṣi ul-ziz

eš-ret KUR AN.ŠÁR.⸢KI⸣ [...]-šú-nu ú-še-piš sat-tuk-ki ⸢ù⸣ [...] IGI [...] lu-u ú-kin ú-ter ⸢áš⸣-ru-uš-šùn

UGU nin-da-bé-e kun-nu-[ti lu-u ú-šá]-tir lu^*-u ú-ṭáḫ-ḫi-id DINGIR.⸢MEŠ⸣ GAL.MEŠ EN.MEŠ-⸢ia⸣ [šá ap-tal-la-ḫu-šú]-nu-ti

ke-niš ip-pal-su-in-ni-ma ⸢i⸣-[tap-pa-lu] Á.II-a-a AN.DÙL-la-šú-nu DÙG.GA UGU-ia it-⸢ru⸣-[ṣu-ma ep-še]-⸢ti⸣-ia SIG₅.MEŠ ḫa-diš ip-pal-su-ma

ik-⸢tar⸣-[ra-bu] LUGAL-u-ti KUR.KUR DÙ-ši-na ul-tu tam-tim AN.[TA] a-⸢di⸣ tam-tim ⸢šap-li⸣-ti a-na ni-[ri-ia] ú-⸢šak⸣-[ni-šu]-⸢ú⸣-ma

i-šu-ṭu ab-šá-a-ni ina qí-bi-ti-⸢šú⸣-[nu] ⸢ṣir⸣-ti ina kul-⸢lat⸣ [KUR.KUR] ⸢at⸣-tal-⸢lak⸣-[ma ma-ḫi-ri ul] ⸢i⸣-ši

URU.ni-iʾ URU LUGAL-u-ti KUR.mu-ṣur u KUR.ku-u-si KUR-ud šal-lat-su ⸢ka⸣-bit-tú [áš-lu-la a-na KUR AN].ŠÁR.KI

^mba-ʾa-lu LUGAL KUR.ṣur-ri šá a-mat LUGAL-u-ti-ia la iṣ-ṣu-ru URU.ḪAL.ṢU.[MEŠ UGU-šú ú-rak]-kis

ina tam-tim u na-ba-li ger-⸢re⸣-ti-šú ú-ṣab-bit a-na ni-ri-ia ú-šak-[nis-su-nu]-⸢ti⸣

^mia-ki-in-lu-u LUGAL KUR.a-ru-ad-da ^msa-an-di-⸢šar⸣-me KUR.ḫi-lak-ka-a-a šá a-na LUGAL.⸢MEŠ⸣ [AD.MEŠ]-ia [la kan-šú]

ik-nu-šú a-na GIŠ.⸢DUN₄⸣-[ia ^mgu-ug-gu] LUGAL [KUR.lu-ud-di] ⸢AN⸣.ŠÁR DINGIR ba-nu-ú-a ni-⸢bit⸣ [MU-ia]

ina MÁŠ.GI₆ ⸢ú⸣-[šab-ri-šú um-ma] ⸢GÌR.II⸣ ^mAN.ŠÁR-DÙ-A LUGAL KUR AN.ŠÁR.KI ṣa-[bat-ma]

i-na zi-⸢kir⸣ [MU-šú ku-šu-ud LÚ.KÚR.MEŠ]-⸢ka i⸣-na zi-kir MU-ia LÚ.KÚR.⸢MEŠ⸣-šú ik-šú-⸢ud⸣ [...]

LÚ.rak-bu-šú šá šul-me ⸢it⸣-[ti ta-mar-ti-šú^? ka]-⸢bit^?⸣-ti ú-še-bi-lam-ma ú-na-áš-⸢šiq⸣ GÌR.II-⸢ia⸣

^mú-al-⸢li⸣-[i LUGAL^? KUR.man-na-a-a^? da-na-an^?] AN.ŠÁR ^dNIN.LÍL EN.MEŠ-⸢ia⸣ [... e-mur-ma^?] ik-nu-šá a-⸢na⸣ [GIŠ.DUN₄-ia]

ANŠE.KUR.RA.MEŠ ⸢GAL⸣.MEŠ man-da-at-ta-šu [...] šat-ti-šam la ⸢na⸣-[par-ka-a ...]-ma ú-ṣa-al-la-a be-[lu-u-ti]

ina ⸢e⸣-muq AN.ŠÁR MAḪ.MEŠ šá ⸢GABA⸣.[RI] ⸢la⸣ i-šá-a KUR.ELAM.MA.KI DAGAL-[tu ...]

LUGAL KUR.ELAM.MA.KI áš-⸢kun^?⸣ [... URU].⸢MEŠ⸣-šú dan-nu-ti É ni-ṣir-ti-šú a-di [URU.MEŠ TUR.MEŠ]

šá ni-[ba la] ⸢i^?⸣-šu^?-u ak-⸢šud^?⸣ [...]-ti-šú ú-nam-me URU.šu-šá-an URU.pi-[di-il-ma ...]

ap-⸢pul⸣ [aq-qur ...] Aʾ MU DINGIR.MEŠ x [...]-šú NÍG.GA-šú šal-lat-su DUGUD-tú áš-lu-la a-na KUR AN.ŠÁR.KI

^mum-man-[i-gaš šá in-nab-tu iṣ-ba]-tu GÌR.II LUGAL-ti-ia ⸢ina⸣ [GIŠ.GU].⸢ZA⸣-[šú ú-še-šib ^mtam-ma]-ri-tu ŠEŠ-šú šal-šá-a-a

ina URU.ḫi-da-a-⸢li⸣ ap-qid ^d[na]-⸢na⸣-a šá ul-tú UD.MEŠ SÙ.MEŠ tas-bu-šu-ma [tu-ši-bu a-šar la si-ma]-ti-šá

ul-tú qé-reb URU.šu-šá-an ú-še-ṣa-am-ma a-na ⸢UNUG⸣.KI ⸢URU⸣ be-lu-⸢ti⸣-[šá ú]-⸢še⸣-rib-ši ina é-an-na šá ta-ram-mu

ú-⸢šar⸣-[me-ši pa-rak da]-ra-a-ti ^mtam-ma-ri-tu ^mpa-ʾe-e ^mum-man-al-da-⸢si⸣ [ša EGIR a-ḫa-meš] ⸢e⸣-pu-šú be-lut KUR.ELAM.MA.KI

ša AN.ŠÁR ^dNIN.LÍL [^d]⸢15⸣ a-ši-bat URU.LÍMMU-DINGIR ú-šak-ši-du qa-ti iṣ-ba-tú GÌR.II LUGAL-u-ti-ia ip-pu-šú ARAD-u-ti

^mdu-⸢na⸣-nu [DUMU] ⸢^m⸣EN-BA-šá KUR.gam-bu-la-a-a ša GIŠ.DUN₄ AN.⸢ŠÁR iṣ⸣-lu-u a-na KUR.ELAM.MA.KI it-tak-lu

URU.šá-pi-i-^dEN URU tu-kul-⸢ti⸣-šú šá ina bi-⸢rit⸣ ÍD.MEŠ na-da-at šu^*-bat-su ak-šu-ud

šá-a-šú ⸢bal⸣-ṭu-us-su ina qa-ti aṣ-bat it-ti šal-lat KUR-šú DUGUD-tú al-qa-a a-na KUR AN.ŠÁR.KI

[^mdMUATI]-EN-MU.MEŠ DUMU ^mdAMAR.UTU-⸢IBILA⸣-AŠ ARAD da-gíl pa-ni-⸢ia⸣ [šá] ina a-de-ia iḫ-ṭu-ú in-na-bi-tu qé-reb KUR.ELAM.MA.KI

ḫat-ti AN.ŠÁR EN-ia is-⸢ḫup⸣-šú NU x ḪAR LÚ.ki-zu-[šú šu-u LÚ].⸢ki⸣-zu-šú ina GÍR AN.BAR šib-bi-šú-nu [ú]-ras-si-bu a-ḫa-meš

^mum-man-al-da-si LUGAL KUR.ELAM.MA.KI pu-luḫ-tú ir-ši-ma pa-gar-šú ú-⸢še⸣-[bi-la] a-di maḫ-ri-ia

a-na ep-šet da-⸢na⸣-an ⸢AN⸣.ŠÁR ^dNIN.LÍL pa-gar-šú ul ad-din a-na qé-bé-ri

^mdGIŠ.NU₁₁-MU-GI.NA ŠEŠ la ke-e-nu šá MUN ⸢e⸣-pu-šú-uš áš-ku-nu-uš a-na LUGAL-u-ti KÁ.DINGIR.RA.KI

⸢MUN⸣ e-pu-šú-uš im-ši-ma KUR URI.KI KUR.kal-du KUR.a-ru-mu ARAD.MEŠ da-gíl pa-ni-ia it-ti-ia ú-⸢šam⸣-kír-ma ip-ru-sa ŠEŠ-ut-⸢tu⸣

[^dEN].LÍL [^dNIN.LÍL^?] u ^dAMAR.UTU DINGIR.MEŠ tik-le-ia ep-še-ti-šú ḪUL.MEŠ ip-pal-su-ma il-li-ku re-ṣu-ti MÈ-šú-nu dan-ni

x [...] x [...] ⸢^d⸣GIŠ.BAR ŠU.II-šú ú-šá-ḫi-zu ú-šaq-mu-ú pa-gar-šú ^mú-a-a-te-eʾ LUGAL KUR.su-mu-ìl

⸢šá⸣ [it]-⸢ti⸣-šú iš-šak-nu bal-ṭu-us-su ⸢ina ŠU⸣.[II] aṣ-bat ^mam-mu-la-ad-di LUGAL KUR.qé-da-ri

ina mit-ḫu-ṣi GIŠ.TUKUL.MEŠ ina ŠU.II ERIM.ḪI.A-ia iš-šá-kin-ma a-⸢di⸣ maḫ-ri-ia il-qu-u-ni bal-ṭu-us-su

ul-tu GIŠ.TUKUL.<MEŠ> AN.ŠÁR ka-ši-du-ti KUR.ELAM.MA.KI DÙ-šá ik-šu-du i-na-ru ^mku-ra-áš MAN KUR.par-su-ú-ma-áš

^mpi-iš-lu-me-⸢e⸣ LUGAL KUR.ḫu-di-me-ri LUGAL.MEŠ šá a-šar-šú-nu ru-ú-qu šá ina a-ḫi KUR.ELAM.MA.KI ul-liti áš-bu

pu-luḫ-ti AN.ŠÁR ^d[NIN].LÍL ù ^d15 a-⸢ši⸣-bat URU.LÍMMU-DINGIR^* is-ḫup-šú-nu-ti-ma ir-šu-u na-kut-tú

LÚ.MAḪ.MEŠ-šú-nu šá ⸢ṭu⸣-[u-bi u su]-⸢lum⸣-me-⸢e it⸣-ti ⸢ta-mar-ti⸣-šú-nu DUGUD-tú a-na maḫ-⸢ri⸣-ia ú-bi-lu-nim-ma ú-na-áš-ši-qu GÌR.II-ia

^mtam-ma-ri-tu ^mpa-⸢ʾe⸣-[e] ⸢^m⸣um-man-⸢al-da^?⸣-[si LUGAL.MEŠ] KUR.ELAM.MA.KI ^mia-u-te-eʾ LUGAL KUR.su-mu-ìl

šá ina qí-bit AN.ŠÁR ^dNIN.LÍL ù ^d15 [a-ši-bat URU.LÍMMU-DINGIR ik]-šu-da ⸢ŠU⸣.II-a-a ul-⸢tu⸣ a-na e-peš UDU.SISKUR.MEŠ

šul-lum par-ṣe ina é-šár-ra é-maš-maš ⸢é⸣-[...]-⸢e^?⸣ ina GIŠ.šá šad-⸢da⸣-[di] ru-[kub LUGAL]-ti-ia

ki-⸢ma⸣ mur-ni-⸢is⸣-[qí] aṣ-mid-su-nu-ti iṣ-[ba]-⸢tu⸣ ab-šá-ni ^md15-BÀD ⸢MAN⸣ [KUR.ur-ar-ṭi] šá LUGAL.⸢MEŠ AD⸣.MEŠ-šú

a-na ⸢AD⸣.[MEŠ-ia] iš-ta-nap-pa-ru-u-ni ŠEŠ-tu i-[na]-⸢an⸣-na da-na-an ep-še-e-ti [ša]

DINGIR.MEŠ ⸢GAL⸣.[MEŠ] ⸢i⸣-ši-mu-⸢ú⸣-[in-ni iš-me-e-ma] ḫat-tu UGU-šú im-⸢qut⸣-[ma iš]-⸢ta⸣-nap-pa-ra

um-ma lu-u šul-mu ⸢a⸣-[na] ⸢LUGAL⸣ EN-ia [^mna-at-nu LUGAL KUR.na-ba]-⸢a⸣-a-ti šá ⸢a⸣-[šar-šú ru]-ú-qu

ša a-na LUGAL.MEŠ AD.MEŠ-ia la kan-šú ⸢ik⸣-nu-šá a-na GIŠ.⸢DUN₄⸣-[ia ... KUR].⸢na^?⸣-ba-a-a-⸢ti^?⸣ [...] x AD x

[... ik]-lu-u ta-[mar-ta-šú] ina qí-bit AN.[ŠÁR] ⸢^d⸣NIN.LÍL DINGIR.MEŠ ⸢GAL⸣.[MEŠ] ⸢EN⸣.MEŠ-ia šá ú-tak-kil-u-in-ni

[...] BAD₅.BAD₅-[šú áš-kun URU.MEŠ-šú] ⸢ap⸣-pul [aq-qur] a-na DU₆ u kar-me ú-ter

šá-a-šú DAM-su DUMU.MEŠ-šú DUMU.MUNUS.MEŠ-[šú šal]-⸢lat⸣ KUR-šú ⸢ka⸣-[bit-tu áš-lu-la a]-⸢na⸣ KUR AN.ŠÁR.KI

^mnu-ḫu-ru DUMU-šú šá la-pa-an GIŠ.TUKUL.MEŠ AN.ŠÁR u ^d15 ip-par-⸢ši⸣-[du ...] ma^?-a-ti

[...]-⸢šú⸣-nu is-ḫup-šú-ma it-ti man-da-at-ti-šú ⸢ka⸣-[bit-ti il-li-ka^?] a-di maḫ-ri-ia

re-e-mu ar-ši-šú-ma ina GIŠ.GU.ZA AD-šú ú-še-⸢šib⸣-[šú ^m]ḫu-un-da-ru LUGAL KUR.NI.[TUK.KI ... AN.ŠÁR u ^dNIN].LÍL DINGIR.MEŠ ti-ik-le-ia

is-ḫup-šú-ma it-ti [man-da-at-ti-šú^? ka-bit-ti^?] ⸢a⸣-na NINA.KI šat-ti-šam la ba-ṭa-li il-li-kam-ma ú-⸢ṣa⸣-[al]-⸢la⸣-a ⸢be⸣-lu-ú-[ti]

[...]-ra-a-BAD-te LUGAL KUR.x-[up-pi] ^mpa-de-e LUGAL KUR.qa-de-e šá ina URU.iz-ke-e áš-bu šá ⸢ma⸣-ti-⸢ma^*?⸣

[...] la ik-bu-su mi-ṣir KUR AN.ŠÁR.KI ina qí-bit AN.ŠÁR ^dNIN.LÍL LÚ.rak-bu-šú-nu ša ⸢ṭu⸣-[u-bi]

[su-lum-me-e iš-pur-u]-ni it-ti man-da-at-ti-šú-nu ka-bit-ti ma-lak 6 ITI ir-du-u-ni il-⸢lik⸣-[u]-⸢ni⸣ a-di ⸢maḫ⸣-[ri]-⸢ia⸣