Ashurbanipal 007
| Obverse | |
| Column i | |
| i 1i 1 | a-na-ku mAN.ŠÁR-DÙ-A LUGAL GAL ⸢LUGAL⸣ [dan-nu] |
| i 22 | LUGAL ŠÚ LUGAL KUR aš-šur.KI LUGAL kib-rat [LÍMMU-tim] |
| i 33 | ṣi-it lìb-bi mAN.ŠÁR-PAP-AŠ ⸢LUGAL⸣ [KUR aš-šur.KI] |
| i 44 | GÌR.NÍTA ⸢KÁ⸣.DINGIR.RA.KI LUGAL KUR ⸢EME⸣.[GI₇ u URI.KI] |
| i 55 | ⸢ŠÀ.BAL.BAL <m>d30-PAP.MEŠ-SU LUGAL⸣ [ŠÚ LUGAL KUR aš-šur.KI] |
| i 66 | [DINGIR.MEŠ] ⸢GAL?⸣.[MEŠ] ina [UKKIN-šú-nu si-mat SIG₅-tim i-šim-mu šim-ti] |
| Lacuna | |
| i 1'1' | [at-ru]-⸢uṣ-ma⸣ [ú-kin ta-ra-an-šú] |
| i 2'2' | [GIŠ.GIGIR] ⸢ṣir-tu⸣ [ru]-⸢kub? d?⸣[AMAR.UTU] |
| i 3'3' | ⸢e-tel⸣-li DINGIR.⸢MEŠ EN EN.EN⸣ |
| i 4'4' | ⸢ina⸣ KÙ.GI KÙ.BABBAR NA₄.MEŠ ni-⸢siq-ti ag-mu⸣-ra nab-nit-sa |
| i 5'5' | a-na dAMAR.UTU LUGAL kiš-šat ⸢AN-e⸣ u KI-tim |
| i 6'6' | sa-pi-in LÚ.KÚR.MEŠ-ia ana ši-⸢rik-ti⸣ áš-ruk |
| i 7'7' | GIŠ.NÁ GIŠ.MES.MÁ.KAN.NA iṣ-ṣi [da]-re-⸢e⸣ |
| i 8'8' | ša pa-šal-lu lit-bu-šat NA₄.MEŠ ni-siq-⸢ti⸣ [za-aʾ-nat] |
| i 9'9' | a-na ma-a-a-al tak-né-e dEN u ⸢d⸣[GAŠAN-MU] |
| i 10'10' | šá-kan ḫa-šá-di e-peš ru-⸢ʾa⸣-[a-me] |
| i 11'11' | nak-liš e-pu-[uš] |
| i 12'12' | ina ká-ḫi-li-sù maš-tak dzar-pa-⸢ni⸣-[tum] |
| i 13'13' | ša ku-uz-bu sa-al-ḫu ad-[di] |
| i 14'14' | 4 AM.MEŠ KÙ.BABBAR ek-du-ú-[ti] |
| i 15'15' | na-ṣi-ru ⸢ki-bi⸣-is LUGAL-ti-⸢ia⸣ |
| i 16'16' | ina KÁ ṣi-⸢it⸣ d⸢šam⸣-ši u KÁ dLAMMA-RA.BI |
| i 17'17' | ina KÁ é-⸢zi⸣-da šá qé-reb bár-sipa.KI ul-ziz |
| i 18'18' | é-maš-maš é-gašan*-kalam-ma |
| i 19'19' | ⸢KÙ.BABBAR⸣ KÙ.GI ú-za-ʾi-in |
| i 20'20' | lu-⸢le⸣-e ú-ma-al-li |
| i 21'21' | dšar-rat-⸢kid-mu-ri⸣ ša ina ug-gat lìb-bi-šá |
| i 22'22' | at-man-šá e-zi-⸢bu⸣ [ú]-ši-bu a-šar la si-ma-⸢ti-šá⸣ |
| i 23'23' | ina BALA-ia ⸢dam⸣-qí |
| i 24'24' | ša AN.ŠÁR iš-ru-⸢ka⸣ [tar]-⸢šá-a⸣ sa-li-mu |
| i 25'25' | a-na šuk-lul DINGIR-ti-[šá] ṣir-ti |
| i 26'26' | šur-ru-ḫi mi-se-e-[šá] ⸢šu-qu⸣-ru-ti |
| i 27'27' | ina MÁŠ.GI₆ ⸢ši-pir⸣ maḫ-ḫe-e |
| i 28'28' | iš-ta-nap-pa-ra ⸢ka⸣-a-a-na |
| i 29'29' | dUTU dIŠKUR ⸢áš-al⸣-ma |
| i 30'30' | e-pu-lu-in-ni an-⸢nu⸣ [ke-e]-⸢nu⸣ |
| i 31'31' | si-mat DINGIR-ti-šá GAL-ti ú-[šar-ri]-⸢iḫ?⸣ |
| i 32'32' | ú-še-šib-ši ina BÁRA.MAḪ šu-⸢bat⸣ [da]-⸢ra⸣-a-⸢ti⸣ |
| i 33'33' | par-ṣe-e-šá šu-qu-ru-⸢ti ú⸣-kin-ma |
| i 34'34' | ú-šal-li-ma mi-se-e-šá |
| i 35'35' | dIM.DUGUD.MUŠEN.MEŠ [GIŠ].⸢šu⸣-ri-in-ni |
| i 36'36' | a-na ⸢TI⸣.[LA] ⸢ZI⸣.MEŠ-ia |
| i 37'37' | ina KÁ é-[galam-mes] ⸢É⸣ dU.GUR |
| i 38'38' | ša URU.tar-⸢bi-ṣi az⸣-qu-up |
| i 39'39' | a-di a-di-ni a-[bi la] im-⸢ma-al⸣-la-du |
| i 40'40' | um-mì [a]-⸢lit⸣-ti ⸢la⸣ [ba-na]-a-ta ina ⸢lìb⸣-[bi] ⸢AMA?-šá?⸣ |
| i 41'41' | a-na e-⸢peš⸣ é-ḫúl-[ḫúl] ⸢iz⸣-kur ni-⸢bit⸣ [MU-ia] |
| i 42'42' | d30 šá ib-na-an-[ni] ⸢a⸣-na ⸢LUGAL⸣-[u-ti] |
| i 43'43' | um-ma mAN.ŠÁR-DÙ-⸢IBILA⸣ [É.KUR] šú-a-tú ip-⸢pu⸣-[uš-ma] |
| i 44'44' | qé-reb-šú ú-[šar-man]-⸢ni⸣ pa-rak ⸢da⸣-[ra-a-ti] |
| i 45'45' | a-mat d30 šá ul-tu [UD.MEŠ] ⸢ru⸣-qu-ti [iq-bu-u] |
| i 46'46' | e-nen-na ú-kal-[lim UN].MEŠ ⸢ar⸣-[ku-u-ti] |
| i 47'47' | É d30 šá mdsál-[ma-nu-MAŠ A maš-šur]-PAP-⸢IBILA⸣ |
| i 48'48' | LUGAL pa-ni maḫ-⸢ri⸣-[ia e-pu-šu] |
| i 49'49' | la-ba-riš ú-šá-⸢lik⸣-[ma ú-šad-gi-la pa-nu-u-a] |
| i 50'50' | É.KUR šú-a-tu šá la-ba-[riš il-li-ku] |
| i 51'51' | ina a-mat d30 dnusku ⸢an⸣-[ḫu-us-su ad-ke] |
| i 52'52' | e-li ša u₄-me pa-ni ⸢šu⸣-[bat-su ú-rap-piš] |
| i 53'53' | ul-tu UŠ₈-šú a-di GABA.DIB-⸢šú⸣ ar-[ṣip ú-šak-lil] |
| i 54'54' | é-me-lám-an-na É dnusku [SUKKAL MAḪ] |
| i 55'55' | ša LUGAL pa-ni maḫ-ri-ia e-pu-šú ab-na-⸢a⸣ [qé-reb-šú] |
| i 56'56' | GIŠ.ÙR.MEŠ GIŠ.EREN MAḪ.MEŠ ú-šat-ri-[ṣa UGU-šú-un] |
| i 57'57' | GIŠ.IG.MEŠ GIŠ.li-ia-a-ri me-ser [KÙ.BABBAR] |
| i 58'58' | ú-rak-kis ú-rat-ta-a KÁ.MEŠ-⸢šú-un⸣ |
| i 59'59' | 2 AM.MEŠ KÙ.BABBAR mu-nak-ki-pu ga-re-ia |
| i 60'60' | ina at-man d30 EN-ia ul-ziz |
| i 61'61' | 2 dlàḫ-me eš-ma-re-e šá ti-iṣ-bu-tú GIŠ.šu-ri-in-ni |
| i 62'62' | mu-šal-li-mu kib-si LUGAL-ti-ia |
| i 63'63' | mu-še-ri-bu ḫi-ṣib šad-de-e u tam-tim |
| i 64'64' | ina KÁ é-ḫúl-ḫúl ul-ziz ŠU.II d30 dnusku aṣ-bat |
| i 65'65' | ú-še-rib ú-še-šib ina BÁRA da-ra-a-ti |
| i 66'66' | eš-re-e-ti KUR aš-šur.KI u KUR URI.KI |
| i 67'67' | a-na si-ḫir-ti-ši-na ú-šak-lil |
| i 68'68' | mim-ma si-mat É.KUR ma-la ba-šú-u ša KÙ.BABBAR KÙ.GI e-pu-uš |
| i 69'69' | e-li ša LUGAL.MEŠ AD.MEŠ-ia ú-rad-di |
| i 70'70' | DINGIR.MEŠ GAL.MEŠ ti-ik-le-ia ina at-ma-ni-šú-nu ṣi-i-ri ú-še-šib-šú-nu-ti |
| i 71'71' | UDU.SISKUR.MEŠ taš-ri-iḫ-ti ma-ḫar-šú-un aq-qí ú-šam-ḫi-ra kàd-ra-a-a |
| i 72'72' | sat-tuk-ku gi-nu-u UGU ša u₄-me ul-lu-ti ú-šá-tir-ma ar-ku-us |
| i 73'73' | ALAM.MEŠ LUGAL-ti-ia ša KÙ.BABBAR KÙ.GI URUDU nam-ri |
| i 74'74' | ina ši-pir dnin-á-gal dkù-si₂₂-bàn-da |
| i 75'75' | dnin-kur-ra nak-liš ú-še-piš |
| i 76'76' | a-na mu-ter-ri-ši ba-la-ṭi-ia |
| i 77'77' | ma-ḫar DINGIR.MEŠ ti-ik-le-ia ú-kin na-an-za-sún |
| i 78'78' | ul-tu ṣe-ḫe-ri-ia a-di ru-bé-ia |
| i 79'79' | áš-te-ʾa-a áš-rat DINGIR.MEŠ GAL.MEŠ |
| i 80'80' | LÚ.šá-an-gu-ti iḫ-šu-ḫu i-ram-mu na-dan zi-bi-ia |
| i 81'81' | dIŠKUR ŠÈG.MEŠ-šú ú-maš-še-ra dé-a ú-paṭ-ṭi-ra IDIM.MEŠ-šú |
| i 82'82' | 5 KÙŠ ŠE.AM iš-qu ina AB.SÍN-ni-šá |
| i 83'83' | e-ri-ik šu-bu-ul-tú 5/6? KÙŠ SI.SÁ BURU₁₄ na-pa-áš dnisaba |
| i 84'84' | ka-a-a-an ú-šaḫ-na-bu gi-pa-ru |
| i 85'85' | ṣip-pa-a-ti šu-um-mu-ḫa in-bu MÁŠ.ANŠE šu-te-šur ina ta-lit-ti |
| i 86'86' | ina BALA.MEŠ-ia ḪÉ.NUN ṭuḫ-du ina MU.AN.NA.MEŠ-ia ku-um-mu-ru ḪÉ.GÁL-lum |
| i 87'87' | 12? ANŠE ŠE.PAD.MEŠ 3 ANŠE GEŠTIN.MEŠ BANMIN Ì.MEŠ GUN SÍG.MEŠ |
| i 88'88' | ina nap-ḫar KUR-ia KI.LAM nap-šú i-šam-mu ina 1 GÍN kas-pi |
| i 89'89' | šat-ti-šam-ma ina ṭuḫ-di u me-šá-ri ar-te-ʾa ba-ʾu-ú-lat dEN.LÍL |
| i 90'90' | DINGIR.MEŠ GAL.MEŠ šá ap-tal-la-ḫu DINGIR-us-su-un |
| i 91'91' | du-un-nu zik-ru-u?-tu? e-mu-qi ṣi-ra-a-te ú-šat-li-mu-in-ni |
| i 92'92' | KUR.KUR la ma-gi-re-ia ina ŠU.II-ia im-nu-ú |
| i 93'93' | ú-šam-ṣu-in-ni ma-la lìb-bi-ia |
| i 94'94' | ul-tu tam-tim e-liti a-di tam-tim šap-liti |
| i 95'95' | ša LUGAL.MEŠ AD.MEŠ-ia ir-te-ed-du-u a-na-ku lu-u ar-de |
| i 96'96' | ⸢ma⸣-lak ITI UD.20.KÁM ina MURUB₄ tam-tim u na-ba-li |
| i 97'97' | [mi]-⸢iṣ⸣-ru e-li ša LUGAL.MEŠ AD.MEŠ-ia ú-rad-di-ma a-bel |
| i 98'98' | [UN.MEŠ] a-ši-bu-ti KUR.KUR šá-a-ti-na ú-šak-ni-šá ana GIŠ.ŠUDUN-ia |
| i 99'99' | [GUN] ⸢man⸣-da-at-tú šat-ti-šam-<ma> ú-kin EDIN-uš-šú-un |
| i 100'100' | [ina qí-bit] ⸢AN⸣.ŠÁR d15 LUGAL.MEŠ a-šib pa-rak-ki ú-na-áš-šá-qu GÌR.II-ia |
| i 101'101' | [mal-ki GAL.MEŠ šá] ṣi-taš u ši-la-an ana kit-ri-šu-nu ú-pa-qu-u-ni |
| Column ii | |
| iiii | Lacuna |
| ii 1'1' | m[GISSU-EN LUGAL KUR.ḫa-zi-ti] |
| ii 2'2' | m⸢mi⸣-[ti-in-ti LUGAL KUR.is-qa-lu-na] |
| ii 3'3' | m⸢i⸣-[ka-ú-su LUGAL KUR.am-qar-u-na] |
| ii 4'4' | m⸢mil⸣-[ki-a-šá-pa LUGAL KUR.gu-ub-li] |
| ii 5'5' | m⸢ia⸣-[ki-in-lu-ú LUGAL KUR.ar-ú-a-da] |
| ii 6'6' | ma-[bi-ba-aʾ-al LUGAL KUR.sa-am-si-mu-ru-na] |
| ii 7'7' | m⸢am⸣-[mi-na-ad-bi LUGAL KUR.É-am-ma-na] |
| ii 8'8' | m[PAP-mil-ki LUGAL KUR.as-du-di] |
| ii 9'9' | [me-ki-iš-tu-ra LUGAL KUR.e-di-iʾ-li] |
| ii 10'10' | [mpi-la-a-gu-ra-a LUGAL KUR.ki-it-ru-si] |
| ii 11'11' | [mki-i-su LUGAL KUR.si-lu-u-a] |
| ii 12'12' | [mi-tu-u-an-da-ar LUGAL KUR.pa-ap-pa] |
| ii 13'13' | m[e-re-su LUGAL KUR.si-il-lu] |
| ii 14'14' | m[da-ma-su LUGAL KUR.ku-ri-i] |
| ii 15'15' | mád-[me-su LUGAL KUR.ta-me-su] |
| ii 16'16' | mda-[mu-u-su LUGAL KUR.qar-ti-ḫa-da-as-ti] |
| ii 17'17' | ⸢mú⸣-[na-sa-gu-su LUGAL KUR.li-di-ir] |
| ii 18'18' | mbu-[ṣu-su LUGAL KUR.nu-re-e] |
| ii 19'19' | ŠU.NIGIN ⸢22⸣ [LUGAL.MEŠ ša a-ḫi tam-tim] |
| ii 20'20' | MURUB₄ tam-tim [u na-ba-li ARAD.MEŠ da-gíl pa-ni-ia] |
| ii 21'21' | ta-mar-⸢ta⸣-[šú-nu ka-bit-tu] |
| ii 22'22' | ina IGI-ia iš-⸢šu⸣-[nim-ma ú-na-ši-qu GÌR.II-ia] |
| ii 23'23' | LUGAL.MEŠ šá-⸢a⸣-[tu-nu a-di e-mu-qi-šú-nu] |
| ii 24'24' | GIŠ.MÁ.MEŠ-⸢šú?⸣-[nu ina tam-tim u na-ba-li] |
| ii 25'25' | it-ti ERIM.ḪI.⸢A⸣-[ia ur-ḫu pa-da-nu] |
| ii 26'26' | ú-šá-⸢aṣ⸣-[bit-su-nu-ti a-na na-ra-ru-ti] |
| ii 27'27' | [ḫa-mat šá LUGAL.MEŠ LÚ.qé-pa-a-ni] |
| ii 28'28' | ⸢ša⸣ [qé-reb KUR.mu-ṣur ARAD.MEŠ da-gíl pa-ni-ia] |
| ii 29'29' | ur-⸢ru⸣-[ḫi-iš ar-de-e-ma] |
| ii 30'30' | al-lik [a-di URU.kar-dDÙ-ti] |
| ii 31'31' | mtar-⸢qu⸣-[u MAN KUR.mu-ṣur u KUR.ku-u-si] |
| ii 32'32' | qé-reb URU.me-⸢em⸣-[pi a-lak ger-ri-ia iš-me-ma] |
| ii 33'33' | a-na e-peš [MURUB₄ GIŠ.TUKUL.MEŠ u MÈ] |
| ii 34'34' | a-na maḫ-ri-ia ⸢id⸣-[ka-a ERIM.MEŠ MÈ-šú] |
| ii 35'35' | i-na tu-kul-ti ⸢AN⸣.[ŠÁR dEN ù dAG] |
| ii 36'36' | ⸢DINGIR⸣.MEŠ GAL.MEŠ ⸢EN⸣.[MEŠ-ia a-li-kut i-di-ia ina MÈ] |
| ii 37'37' | ⸢EDIN? rap?⸣-[ši áš-ku-na BAD₅.BAD₅ ERIM.ḪI.A-šú] |
| Lacuna | |
| ii 1''1'' | [mni]-⸢ku-ú⸣ [LUGAL URU.me-em-pi ù URU.sa-a-a] |
| ii 2''2'' | [mLUGAL]-⸢lu⸣-dà-ri [LUGAL URU.ṣi-iʾ-nu] |
| ii 3''3'' | [mpi-šá]-⸢an⸣-ḫu-ru [LUGAL URU.na-at-ḫu-ú] |
| ii 4''4'' | [mpa]-⸢aq⸣-ru-ru ⸢LUGAL⸣ [URU.šap-tú] |
| ii 5''5'' | [mni?]-ḫer?-a-u LUGAL ⸢URU⸣.[ḫa-at-ḫi-ri-bi] |
| ii 6''6'' | [mna]-⸢aḫ-ke⸣-e LUGAL URU.ḫi-[ni-in-ši] |
| ii 7''7'' | [LUGAL.MEŠ] an-nu-ti LÚ.NAM.MEŠ [LÚ.qe-pa-ni] |
| ii 8''8'' | [ša qé-reb KUR].⸢mu-ṣur⸣ ú-pa-⸢qí-du⸣ [AD DÙ-u-a] |
| ii 9''9'' | [ša la-pa-an] ti-bu-⸢ut⸣ [mtar-qu-u] |
| ii 10''10'' | [pi-qit-ta-šú-un] ⸢ú⸣-maš-še-⸢ru⸣ [im-lu-ú EDIN] |
| ii 11''11'' | [ú-ter-ma] ⸢a?-šar?⸣ [pi-qit-ti-šú-un] |
| ii 12''12'' | [ina maš-kán-i-šú-un ul-zi-is-su-nu-ti] |
| ii 13''13'' | [KUR.mu-ṣur u KUR.ku-u-si šá AD ba-nu-u-a] |
| ii 14''14'' | ⸢ik?⸣-[šu-du a-na eš-šu-ti aṣ-bat] |
| ii 15''15'' | EN.NUN.MEŠ-[šú UGU šá u₄-me pa-ni ú-dan-nin] |
| ii 16''16'' | ú-rak-⸢ki⸣-[sa rik-se-šú] |
| ii 17''17'' | it-ti ḫu-ub-ti ma?-aʾ?-[di šal-la-ti ka-bit-ti pa-an GIŠ.ŠUDUN-ia ú-ter-ra-am-ma] |
| ii 18''18'' | šal-meš a-tu-ra a-na [KUR aš-šur.KI] |
| ii 19''19'' | EGIR-nu mni-ku-ú mLUGAL-lu-dà-ri mpa-⸢aq⸣-[ru-ru] |
| ii 20''20'' | ina a-de-ia iḫ-ṭu-u la iṣ-ṣu-ru ma-mit [DINGIR.MEŠ GAL.MEŠ] |
| ii 21''21'' | ṭa-ab-ti im-šu-ma? lìb-ba-šú-nu ik-pu-ud ⸢le⸣-[mut-tú] |
| ii 22''22'' | da-bab sur-ra-a-ti id-bu-bu-⸢ma⸣ |
| ii 23''23'' | mì-lik la ku-širi₄ im-li-ku ra-man-šú-un |
| ii 24''24'' | um-ma mtar-qu-u ul-tu qé-reb KUR.mu-ṣur |
| ii 25''25'' | i-na-saḫ-ú-ma at-tu-ni a-šá-ba-ni mì-i-nu |
| ii 26''26'' | e-li mtar-qu-u MAN KUR.ku-u-si |
| ii 27''27'' | a-na šá-kan a-de-e u sa-li-me |
| ii 28''28'' | ú-ma-ʾe-e-ru LÚ.rak-bé-šú-un |
| ii 29''29'' | um-ma su-lum-mu-u ina bi-ri-ni liš-šá-kin-ma |
| ii 30''30'' | ni-in-dag-ga-ru a-ḫa-meš |
| ii 31''31'' | KUR a-ḫe-en-na-a ni-zu-uz-ma |
| ii 32''32'' | a-a ib-ba-ši ina bi-ri-ni šá-nu-um-ma be-lum |
| ii 33''33'' | a-na ERIM.ḪI.A KUR aš-šur.KI e-muq EN-ti-ia šá na-kas ZI-tim |
| ii 34''34'' | iš-te-né-ʾu-ú a-mat ḪUL-tim |
| ii 35''35'' | LÚ.šu-ut SAG.MEŠ-ia a-ma-a-ti an-na-a-ti iš-mu-u-ma |
| ii 36''36'' | LÚ.rak-bé-šú-un a-di šip-ra-ti-šú-un |
| ii 37''37'' | iṣ-ba-tu-nim-ma e-mu-ru ep-šet sur-ra-a-ti-šú-un |
| ii 38''38'' | mni-ku-u mLUGAL-lu-dà-ri iṣ-ba-tu-ma |
| ii 39''39'' | ina bi-re-ti AN.BAR u iš-qa-ti AN.BAR ú-tam-me-ḫu ŠU.II u GÌR.II |
| ii 40''40'' | ma-mit AN.ŠÁR LUGAL DINGIR.MEŠ ik-šu-us-su-nu-ti-ma |
| ii 41''41'' | ša iḫ-ṭu-ú ina a-de-e DINGIR.MEŠ GAL.MEŠ |
| ii 42''42'' | ṭa-ab-ti qa-tuš-šú-un ú-ba-ʾi-i-ma |
| ii 43''43'' | ša e-pu-us-su-nu-ti du-un-qu |
| ii 44''44'' | ù UN.MEŠ URU.sa-a-a URU.bi-in-ṭi-ṭi |
| ii 45''45'' | URU.ṣi-iʾ-nu ma-la it-ti-šú-nu iš-šak-nu |
| ii 46''46'' | ik-pu-du le-mut-tú TUR u GAL ina GIŠ.TUKUL.MEŠ ú-šam-[qí-tu] |
| ii 47''47'' | e-du a-me-lu la e-zi-bu ina lìb-[bi] |
| ii 48''48'' | ADDA.MEŠ-šú-nu e-lu-lu ina GIŠ.ga-[ši-ši] |
| ii 49''49'' | KUŠ.MEŠ-šú-nu iš-ḫu-ṭu ú-ḫal-li-pu ⸢BÀD⸣ [URU] |
| ii 50''50'' | mni-ku-u mLUGAL-lu-dà-ri bal-ṭu-⸢us⸣-[su-un] |
| ii 51''51'' | a-na URU.NINA a-di maḫ-ri-ia ub-[lu-u-ni] |
| ii 52''52'' | mLUGAL-lu-dà-ri ša? MUN? la iṣ-ṣu-ru iḫ-⸢ṭu⸣-[u ...] |
| ii 53''53'' | ina ki-li a-šar ṣi-bit-ti da?-ri?-i? na?-[di ...] |
| ii 54''54'' | a-na mni-ku-u re-e-mu ar-ši-ma ú-⸢bal⸣-[liṭ nap-šat-su] |
| ii 55''55'' | a-de-e UGU šá maḫ-ri ut-tir-ma it-ti-šú [áš-kun] |
| ii 56''56'' | lu-bul-tu bir-me ú-lab-bi-⸢is⸣-[su] |
| ii 57''57'' | al-lu KÙ.GI si-mat LUGAL-ti-šú áš-⸢kun⸣-[šú] |
| ii 58''58'' | ḪAR.MEŠ KÙ.GI ú-rak-ki-sa rit-[ti-šú] |
| ii 59''59'' | GÍR šib-bi šá iḫ-zu-šú ⸢KÙ⸣.[GI] |
| ii 60''60'' | ni-bit MU-ia ina muḫ-ḫi áš-ṭur-ma [a-din-šú] |
| Column iii | |
| iiiiii | Lacuna |
| iii 1'1' | [ina tukul-ti AN.ŠÁR u d15 ik-šu-da ŠU.II]-⸢a-a⸣ |
| iii 2'2' | [KÙ.BABBAR KÙ.GI ni-siq-ti] ⸢NA₄⸣.MEŠ |
| iii 3'3' | [NÍG.ŠU É.GAL-šú ma-la] ⸢ba⸣-šu-ú |
| iii 4'4' | [lu-bul-ti bir-me GADA.MEŠ ANŠE.KUR.RA].MEŠ GAL.MEŠ |
| iii 5'5' | [UN.MEŠ zík-ru] ⸢ù⸣ sin-niš |
| iii 6'6' | [2 tim-me MAḪ.MEŠ pi-ti-iq za-ḫa-le]-⸢e⸣ eb-bi |
| iii 7'7' | [ša 2 LIM 5 ME GUN KI.LÁ-šú]-⸢nu⸣ |
| iii 8'8' | [man-za-az KÁ É.KUR ul-tu man-zal-ti-šú]-⸢nu⸣ as-⸢suḫ⸣-[ma] |
| iii 9'9' | [al-qa-a a]-⸢na⸣ KUR aš-⸢šur⸣.[KI] |
| iii 10'10' | [šal-la-tu ka-bit-tu] ⸢ina⸣ la ⸢mì⸣-ni áš-⸢lu⸣-[la] |
| iii 11'11' | [ul-tu qé]-⸢reb⸣ URU.ni-iʾ |
| iii 12'12' | [e-li KUR.mu-ṣur] ⸢ù⸣ KUR.ku-u-si |
| iii 13'13' | [GIŠ.TUKUL.MEŠ-ia ú-šam-ri]-⸢ir⸣-ma áš-ta-kan li-⸢i-tú⸣ |
| iii 14'14' | [it-ti ŠU.II ma-li]-ti šal-meš a-tu-ra |
| iii 15'15' | [a-na NINA.KI] URU be-lu-ti-ia |
| iii 16'16' | [ina šal-ši] ⸢ger-ri-ia⸣ UGU mba-ʾa-li LUGAL KUR.ṣur-ri |
| iii 17'17' | [a-šib] ⸢MURUB₄⸣ tam-(erasure)-tim lu-u al-lik |
| iii 18'18' | [áš-šú a]-⸢mat LUGAL⸣-[u]-⸢ti⸣-ia la iṣ-ṣu-ru |
| iii 19'19' | [la iš]-mu-ú ⸢zi⸣-kir NUNDUM-ia |
| iii 20'20' | [URU.ḪAL].⸢ṢU⸣.MEŠ [e]-⸢li⸣-šú ú-rak-kis |
| iii 21'21' | [a-na la a]-⸢ṣe⸣-e UN.[MEŠ-šú ú]-⸢dan⸣-nin ma-ṣar-tuš |
| iii 22'22' | [ina tam-tim u] na-ba-⸢li⸣ [ger-re]-⸢e⸣-ti-šú |
| iii 23'23' | [ú]-ṣab-bit ⸢a-lak-ta-šú ap-ru⸣-us |
| iii 24'24' | [A.MEŠ ù te-ʾu-ú]-⸢tu⸣ ba-laṭ ZI-⸢tì⸣-šú-nu |
| iii 25'25' | [a-na pi-i-šú]-⸢nu⸣ ú-šá-qí-ir |
| iii 26'26' | [ina me-se-ri dan-ni šá] la na-par-šu-di e-si-ir-šú-nu-ti |
| iii 27'27' | [nap-šat-su]-⸢nu⸣ ú-si-iq ú-⸢kar⸣-ri |
| iii 28'28' | [a-na GIŠ.ŠUDUN]-ia ú-šak-ni-is-su-⸢nu-ti⸣ |
| iii 29'29' | [DUMU.MUNUS ṣi]-⸢it⸣ lìb-bi-šú ù DUMU.MUNUS ŠEŠ.[MEŠ-šú] |
| iii 30'30' | [a-na e]-⸢peš⸣ MUNUS.AGRIG-⸢ú⸣-[ti] |
| iii 31'31' | [ú-bi-la] a-di maḫ-⸢ri-ia⸣ |
| iii 32'32' | [DUMU-šú šá ma-ti-ma] ⸢ti⸣-amtu la e-bi-⸢ra⸣ |
| iii 33'33' | [iš-šá-a a-na] ⸢e⸣-peš ARAD-ti-ia |
| iii 34'34' | [DUMU.MUNUS-su u] ⸢DUMU.MUNUS⸣ ŠEŠ.MEŠ-šú |
| iii 35'35' | [it-ti ter-ḫa-ti ma-aʾ]-⸢as⸣-si am-ḫur-⸢šú⸣ |
| iii 36'36' | [re-e-mu ar]-⸢ši⸣-šu-⸢ma⸣ |
| iii 37'37' | [DUMU ṣi-it lìb-bi-šú ú-ter]-⸢ma? a?-din?⸣-[šú] |
| iii 38'38' | [URU.ḪAL.ṢU.MEŠ šá UGU mba-ʾa-li LUGAL KUR.ṣur-ri] |
| iii 39'39' | [ú-rak-ki-su ap-ṭur] |
| iii 40'40' | [ina tam-tim u na-ba-li ger]-⸢re-ti-šú⸣ |
| iii 41'41' | [ma-la ú-ṣab-bi-tu] ⸢ap⸣-ti |
| iii 42'42' | [ma-da-at-ta-šú ka-bit-tú] ⸢am⸣-ḫur-šú |
| iii 43'43' | [pa-an GIŠ.ŠUDUN-ia ú-ter-ram-ma šal-meš a-tu-ra a-na NINA.KI URU be]-⸢lu⸣-ti-ia |
| iii 44'44' | [ma-al-ki MURUB₄ tam]-tim |
| iii 45'45' | [u LUGAL.MEŠ a-ši-bu-ti šad-de-e] šá-qu-ti |
| iii 46'46' | [da-na-an ep-še-ti-ia an-na]-⸢a-ti⸣ |
| Lacuna | |
| iii 1''1'' | [DUMU.MUNUS.MEŠ ṣi-it lìb-bi-šú]-⸢nu⸣ |
| iii 2''2'' | [it-ti nu-dun-né-e ma-aʾ-di ù ter-ḫa-ti ma-aʾ]-⸢as⸣-si |
| iii 3''3'' | [a-na e-peš MUNUS.AGRIG]-⸢ú⸣-ti |
| iii 4''4'' | [a-na NINA.KI ú-bi-lu-nim-ma ú-na-áš-ši]-⸢qu⸣ GÌR.II-ia |
| iii 5''5'' | ⸢e-li⸣ [mmu-gal-li ANŠE.KUR.RA].⸢MEŠ⸣ GAL.MEŠ |
| iii 6''6'' | ma-da-at-⸢tú⸣ [šat-ti-šam-ma ú-kin] ⸢EDIN⸣-uš-šú |
| iii 7''7'' | ul-tu mia-⸢ki⸣-[in-lu-u LUGAL KUR].ar-ú-a-⸢da⸣ |
| iii 8''8'' | il-li-ku [a-na] ⸢šim-ti⸣ |
| iii 9''9'' | ma-zi-ba-aʾ-al ma-bi-ba-⸢aʾ⸣-[al m]⸢a⸣-du-ni-ba-aʾ-al |
| iii 10''10'' | DUMU.MEŠ mia-ki-in-lu-[u a]-⸢šib⸣ MURUB₄ tam-tim |
| iii 11''11'' | ul-tu MURUB₄ tam-tim [e]-⸢lu⸣-nim-ma |
| iii 12''12'' | it-ti ta-mar-ti-šú-nu ⸢ka⸣-[bit-tu il-lik-ú-nim-ma ú-na-áš-ši]-⸢qu⸣ GÌR.II-ia |
| iii 13''13'' | ma-zi-ba-aʾ-al ḫa-[diš ap]-⸢pa-lis-ma⸣ |
| iii 14''14'' | a-na LUGAL-ú-ti KUR.ar-⸢ú⸣-[a-da áš-kun] |
| iii 15''15'' | ma-bi-ba-aʾ-al ma-du-ni-[ba-aʾ-al] ⸢lu⸣-bul-tu bir-me ú-lab-biš-[ma] |
| iii 16''16'' | ḪAR.MEŠ KÙ.GI áš-⸢kun⸣ [ina] ⸢maḫ⸣-ri-ia ul-⸢zis⸣-[su-nu-ti] |
| iii 17''17'' | mgu-ug-gu LUGAL ⸢lu⸣-[ud-di] |
| iii 18''18'' | na-gu-ú šá né-ber-[ti A.AB.BA] áš-ru ⸢ru⸣-ú-qu |
| iii 19''19'' | ša LUGAL.MEŠ AD.MEŠ-⸢ia⸣ la iš-⸢mu⸣-ú zi-kir [MU-šú] |
| iii 20''20'' | ni-bit LUGAL-ti-ia ina MÁŠ.⸢GI₆⸣ |
| iii 21''21'' | ú-šab-ri-[šú-ma] AN.ŠÁR DINGIR [ba-nu-u-a] |
| iii 22''22'' | u₄-mu MÁŠ.GI₆ an-ni-⸢tu⸣ [e-mu-ru] |
| iii 23''23'' | LÚ.rak-bu-šú iš-pu-ra ana šá-⸢ʾa-al⸣ [šul-mì-ia] |
| iii 24''24'' | LÚ.gi-mir-a-a LÚ.⸢KÚR⸣ [ek-ṣu] |
| iii 25''25'' | ša la ip-tal-la-ḫu [AD.MEŠ-ia] |
| iii 26''26'' | ù ia-a-ti la iṣ-ba-⸢tú GÌR⸣.[II LUGAL-ti-ia] |
| iii 27''27'' | ina tukul-ti AN.ŠÁR u d15 ⸢EN?⸣.[MEŠ-ia] |
| iii 28''28'' | ina GIŠ.ṣi-iṣ-ṣi šat qa-ti GIŠ.⸢ši⸣-[ga-ri] |
| iii 29''29'' | ú-tam-me-eḫ-ma it-ti ta-mar-⸢ti⸣-[šú ka-bit-ti] |
| iii 30''30'' | ú-še-bi-la a-di ⸢maḫ⸣-[ri-ia] |
| iii 31''31'' | [ina] ⸢4-e⸣ ger-ri-ia a-na ⸢URU⸣.[qir-bít] |
| iii 32''32'' | [šá qé]-⸢reb⸣ URU.ḫa-re-e-ḫa-as-⸢ta⸣ [lu al-lik] |
| iii 33''33'' | [ša mta]-⸢an⸣-da LÚ.⸢EN⸣.[URU-šú-nu] |
| iii 34''34'' | [a-na LUGAL].⸢MEŠ⸣ AD.MEŠ-ia ⸢la⸣ [ik-nu-šú a-na GIŠ.ŠUDUN] |
| iii 35''35'' | [ù UN.MEŠ] ⸢a⸣-ši-bu-⸢ti⸣ [URU.qir-bít] |
| Lacuna | |
| Column iv | |
| iviv | Lacuna |
| iv 1'1' | [...] ⸢PAP?⸣ x |
| iv 2'2' | [... a-di a-di?]-⸢ni?⸣ la ⸢al⸣-la-ku |
| iv 3'3' | [... m]⸢aḫ⸣-še-⸢e⸣-ri MAN KUR.man-na-a-a |
| iv 4'4' | [... aṣ]-⸢ba?⸣-ta ḫar-ra-nu |
| iv 5'5' | [... AD].MEŠ-⸢ia⸣ la-⸢a⸣ (erasure) kit-nu-šú |
| iv 6'6' | [...] da-ṣa-a-ti |
| iv 7'7' | [...] x URU.LÍMMU-DINGIR |
| iv 8'8' | [...] x iq-ba-a |
| iv 9'9' | [...] ⸢aq?⸣-bi-ma |
| iv 10'10' | [...] x ⸢ša⸣ [KUR].⸢man⸣-na-a-a |
| iv 11'11' | [...] x ⸢ME NI⸣ [(x)] x-nu |
| iv 12'12' | [...] x a-ḫa-meš |
| iv 13'13' | [...] ⸢at⸣-ta-ʾi-⸢id⸣-[ma] |
| iv 14'14' | [ad-ke ERIM].⸢MEŠ⸣ MÈ-⸢ia⸣ |
| iv 15'15' | [a-na ka-šá-ad KUR.man-na-a-a] ⸢uš⸣-te-še-ra ḫar-ra-nu |
| iv 16'16' | [al-lik-ma qé]-⸢reb⸣ URU.BÀD-aš-šur |
| iv 17'17' | [uš-man-nu ad-di-ma áš]-⸢kun⸣ ka-ra-ši |
| iv 18'18' | [maḫ-še-e-ri a-lak ger]-⸢ri-ia⸣ iš-me-ma |
| iv 19'19' | [ú-ma-ʾe-e-ra] um-man-šú |
| iv 20'20' | [ina šat mu-ši ina ši]-⸢pir⸣ ni-kil-ti |
| iv 21'21' | [a-na e-peš MÈ it]-⸢bu⸣-u-ni |
| iv 22'22' | [a-na mit-ḫu-ṣi] ⸢ERIM⸣.ḪI.A-ia |
| iv 23'23' | [ERIM.MEŠ MÈ-ia it-ti-šú-un] ⸢im⸣-da-ḫa-ṣu |
| iv 24'24' | [iš-ku-nu] ⸢BAD₅⸣.BAD₅-šú-un |
| iv 25'25' | [ma-lak 3 KASKAL.GÍD A.ŠÀ šal]-⸢ma-a⸣-te-šú-nu |
| iv 26'26' | [ú-mal-li EDIN] ⸢rap⸣-šú |
| Lacuna | |
| iv 1''1'' | a-⸢na⸣ [URU.at-ra-a-na URU tukul-ti-šú] |
| iv 2''2'' | in-⸢na⸣-[bit e-ḫu-uz mar-qí-tu] |
| iv 3''3'' | URU.i-zir-[tu URU.ur-me-ia-te URU.uz]-⸢bi-a⸣ |
| iv 4''4'' | URU.MEŠ dan-[nu-ti-šú] ⸢al⸣-me |
| iv 5''5'' | UN.MEŠ a-ši-bu-[ti URU.MEŠ šá-a]-⸢tu⸣-nu |
| iv 6''6'' | e-si-ir-ma nap-šat-⸢su⸣-[nu ú-si]-⸢iq⸣ ú-kar-ri |
| iv 7''7'' | na-gu-u šu-a-tu ⸢ak-šu-ud⸣ ap-pul aq-qur |
| iv 8''8'' | ina dGIŠ.BAR aq-mu ma-lak 10 u₄-me 5 u₄-me ú-šaḫ-rib-ma |
| iv 9''9'' | šá-qu-um-ma-tú at-bu-uk |
| iv 10''10'' | ina me-ti-iq ger-ri-ia URU.MEŠ-ni šá li-me-et URU.pad-di-ri |
| iv 11''11'' | ša ina ter-ṣi LUGAL.MEŠ-ni AD.MEŠ-ia |
| iv 12''12'' | KUR.man-na-a-a e-ki-mu a-na ra-ma-ni-šú-nu ú-ter-ru |
| iv 13''13'' | ak-šu-ud ina dGIŠ.BAR aq-mu áš-⸢lu-la⸣ šal-la-sún |
| iv 14''14'' | URU.MEŠ šá-a-tu-nu a-na mi-⸢ṣir⸣ [KUR] aš-šur.KI ú-ter-ra |
| iv 15''15'' | na-gu-u ša URU.ar-si-ia-ni-⸢iš ša⸣ bi-rit URU.a-za-qa-na-ni |
| iv 16''16'' | ⸢ša⸣ KUR.ḫa-ar-si šá-di-i |
| iv 17''17'' | ⸢ša SAG KUR⸣.ku-mu-ur-da-a-a ⸢ša⸣ qé-reb KUR.man-na-a-a |
| iv 18''18'' | as-⸢pu⸣-un ina d⸢GIŠ⸣.BAR aq-mu |
| iv 19''19'' | mra-a-a-⸢di⸣-šá-di-i LÚ.GAL ḪAL.ṢU-šú-nu |
| iv 20''20'' | a-duk ⸢áš⸣-lu-la šal-lat-su |
| iv 21''21'' | na-gu-u ša URU.⸢e⸣-ri-is-[te]-ia-na ak-šu-ud |
| iv 22''22'' | URU.MEŠ-šú as-pu-un ina d⸢GIŠ.BAR?⸣ [aq]-mu áš-lu-la šal-la-su |
| iv 23''23'' | ina ti-ib MÈ-ia [na-gu]-šú ú-šaḫ-rib |
| iv 24''24'' | ú-ṣa-aḫ-ḫi-ir ⸢nap⸣-ḫar KUR-šú |
| iv 25''25'' | it-ti ḫu-ub-ti ma-aʾ-⸢di⸣ [šal]-⸢la⸣-ti ka-bit-ti |
| iv 26''26'' | šal-meš a-tu-ra ak-bu-⸢sa⸣ [mi]-⸢ṣir KUR⸣ aš-šur.KI |
| iv 27''27'' | URU.bi-ru-a URU.LUGAL-iq-[bi URU.gu-si-né]-⸢e⸣ |
| iv 28''28'' | URU.MEŠ maḫ-⸢ru⸣-u-ti ⸢ša⸣ [mi-ṣir KUR aš-šur.KI] |
| iv 29''29'' | ša ina ter-ṣi LUGAL.MEŠ AD.⸢MEŠ⸣-[ia e-ki-mu KUR.man-na-a-a] |
| iv 30''30'' | da-ád-me šá-a-tu-nu [ak-šu-ud] |
| iv 31''31'' | ⸢KUR⸣.man-na-a-a ul-tu ⸢lìb⸣-[bi as-suḫ] |
| iv 32''32'' | ANŠE.KUR.RA.MEŠ GIŠ.til-li ⸢ú⸣-[nu-ut MÈ-šú-nu] |
| iv 33''33'' | áš-lu-la ⸢a⸣-[na KUR aš-šur.KI] |
| iv 34''34'' | URU.MEŠ šá-a-tu-nu a-⸢na⸣ [eš-šu-ti aṣ-bat] |
| iv 35''35'' | ú-ter-ra ⸢a⸣-[na mi-ṣir KUR aš-šur.KI] |
| iv 36''36'' | maḫ-še-e-ri ⸢la⸣ [pa-liḫ EN-ti-ia] |
| iv 37''37'' | AN.ŠÁR d15 [im-nu-šú i-na ŠU.II ARAD.MEŠ-šú] |
| iv 38''38'' | UN.MEŠ KUR-⸢šú⸣ [si-ḫu UGU-šú ú-šab-šú-u] |
| iv 39''39'' | ina ⸢SILA⸣ [URU-šú] |
| iv 40''40'' | ⸢id⸣-[du-u ADDA-šu] |
| iv 41''41'' | [EGIR-nu mú-al-li-i DUMU-šú] |
| iv 42''42'' | [ú-šib ina GIŠ.GU.ZA-šú] |
| iv 43''43'' | [da-na]-⸢an AN⸣.[ŠÁR d30 dUTU dEN u dAG] |
| iv 44''44'' | [d]⸢15⸣ šá ⸢NINA⸣.[KI d15 šá LÍMMU-DINGIR.KI] |
| iv 45''45'' | ⸢d⸣MAŠ d⸢nusku⸣ [dU.GUR DINGIR.MEŠ GAL.MEŠ] |
| iv 46''46'' | EN.MEŠ-ia e-mur-[ma ik-nu-šá a-na GIŠ.ŠUDUN-ia] |
| iv 47''47'' | áš-šú ba-laṭ ZI-⸢tì⸣-[šú up-na-a-šú ip-ta-a] |
| iv 48''48'' | ú-ṣal-la-a [EN-ú-ti] |
| iv 49''49'' | me-ri-si-in-ni ⸢DUMU⸣ [UŠ-ti-šú a-na NINA.KI] |
| iv 50''50'' | iš-pur-am-ma [ú-na-áš-ši-qa GÌR.II-ia] |
| iv 51''51'' | re-e-mu ar-ši-šú ⸢LÚ⸣.[A KIN-ia šá šul-me] |
| iv 52''52'' | ú-ma-ʾe-er [EDIN-uš-šú] |
| iv 53''53'' | DUMU.MUNUS-su ṣi-it lìb-⸢bi⸣-[šú ú-še-bi-la] |
| iv 54''54'' | a-na e-peš [MUNUS.AGRIG-u-ti] |
| iv 55''55'' | ma-da-at-ta-šú maḫ-⸢ri⸣-[tú ša ina ter-ṣi LUGAL.MEŠ] |
| iv 56''56'' | AD.MEŠ-ia ú-šab-ṭi-⸢lu⸣ [iš-šu-u-ni a-di maḫ-ri-ia] |
| iv 57''57'' | 30 ANŠE.KUR.RA.MEŠ [UGU ma-da-at-ti-šú] |
| iv 58''58'' | ⸢maḫ⸣-ri-ti ú-rad-⸢di⸣-[ma e-mì-is-su] |
| iv 59''59'' | [ina u₄]-⸢me-šú⸣ m⸢bi⸣-ri-is-ḫa-⸢at-ri LÚ.EN.URU ša mad⸣-[a-a] |
| iv 60''60'' | [msar-a-ti] mpa-ri-⸢ḫi⸣ |
| iv 61''61'' | [2 DUMU.MEŠ mga-a-gi] ⸢LÚ⸣.EN.URU KUR.sa-ḫi |
| iv 62''62'' | [ša iṣ-lu-u] ⸢GIŠ⸣.ŠUDUN be-lu-ti-ia |
| iv 63''63'' | [75 URU.MEŠ-šú-nu dan-nu-ti ak-šu]-⸢ud áš⸣-lu-la šal-lat-sún |
| iv 64''64'' | [šá-a-šú-nu bal-ṭu-us-su-nu] ⸢ina⸣ ŠU.II aṣ-bat |
| iv 65''65'' | [ú-bi-la a-na NINA.KI URU be-lu]-⸢ti⸣-ia |
| iv 66''66'' | [man-da-ri-a LÚ.tur-ta-an? KUR].⸢ur⸣-ar-ṭi |
| iv 67''67'' | [ša a-na ka-šá-ad KUR.up]-⸢pu⸣-um-me [ù URU.kul]-⸢li⸣-im-me-ri |
| iv 68''68'' | [ir-da-a il-li-ka] ⸢qé⸣-reb mu-ši-ti |
| iv 69''69'' | [UN.MEŠ a-ši-bu]-ti URU.kul-li-im-me-ri |
| iv 70''70'' | [ARAD.MEŠ] ⸢da⸣-gíl pa-ni-ia |
| iv 71''71'' | [ina šat mu-ši] ⸢di⸣-ik-ta-šú ma-aʾ-as-su |
| iv 72''72'' | [i-du-ku la] ⸢iz⸣-zi-bu a-a-um-ma |
| iv 73''73'' | [SAG.DU man]-⸢da⸣-ri-a ik-ki-su-nim-ma |
| iv 74''74'' | [a-na NINA.KI] ⸢i⸣-na maḫ-ri-ia ú-bil-u-ni |
| iv 75''75'' | [ina 6-ši ger-ri-ia UGU mur-ta-ki MAN KUR.ELAM.MA.KI lu-u al-lik] |
| iv 76''76'' | [ša MUN AD DÙ-ia la ḫa-as-su la iṣ-ṣu-ru ib-ru-ti] |
| iv 77''77'' | ⸢ul-tu ina⸣ [KUR.ELAM.MA.KI su-un-qu iš-ku-nu] |
| iv 78''78'' | ib-ba-šú-⸢ú⸣ [né]-⸢eb?-re⸣-[tu] |
| iv 79''79'' | dnisaba ba-laṭ ⸢ZI-tim (erasure?) UN⸣.[MEŠ] |
| iv 80''80'' | ú-še-bil-šu-ma aṣ-bat ŠU.⸢II⸣-[su] |
| iv 81''81'' | UN.MEŠ-šú ša la-pa-an su-⸢un⸣-[qí] |
| iv 82''82'' | in-nab-tu-nim-ma ú-ši-bu qé-reb KUR aš-⸢šur⸣.[KI] |
| iv 83''83'' | ⸢a⸣-di zu-un-nu ina KUR-šú iz-⸢nu⸣-[nu] |
| iv 84''84'' | ⸢ib⸣-ba-šu-ú e-bu-[ru] |
| iv 85''85'' | ⸢UN⸣.MEŠ šá-a-tu-nu ša ina KUR-⸢ia⸣ |
| iv 86''86'' | ⸢ib-lu-ṭu⸣ ú-še-bil-šú-ma |
| iv 87''87'' | [LÚ.e-la-mu-ú] ⸢šá⸣ ti-bu-us-su |
| iv 88''88'' | [it-ti lìb-bi-ia] ⸢la⸣ da-ab-ba-ku |
| iv 89''89'' | [la ḫa-as-sa]-ku ṣe-let-su |
| iv 90''90'' | [mEN-BA-šá KUR.gam-bu-la]-⸢a⸣-a mdAG-MU-URU₄-eš LÚ.GÚ.EN.NA |
| iv 91''91'' | ⸢ARAD⸣.[MEŠ] da-gíl pa-ni-ia |
| iv 92''92'' | mdAMAR.⸢UTU⸣-[MU-DÙ LÚ].⸢šu⸣-ut SAG ša mur-ta-ki |
| iv 93''93'' | ša it-ti-⸢šú-nu⸣ iš-ku-nu pi-i-šú |
| iv 94''94'' | a-na mit-ḫu-ṣi ⸢KUR⸣ EME.GI₇ u KUR URI.KI |
| iv 95''95'' | ina pi-ir-ṣa-a-ti [id]-⸢ku⸣-u-ni mur-ta-ku MAN KUR.ELAM.MA.⸢KI⸣ |
| iv 96''96'' | mur-ta-ku ša ⸢la ag-ru-šú⸣ qa-bal-šú id-⸢ka⸣-[a] |
| iv 97''97'' | a-na KUR.kár-ddun-ía-àš ur-⸢ri⸣-[ḫa ta-ḫa-zu] |
| iv 98''98'' | áš-šú ti-bu-ut LÚ.⸢e⸣-[la-me-e] |
| iv 99''99'' | [LÚ.A KIN a]-⸢na NINA⸣.KI ⸢il⸣-[lik-am-ma] |
| iv 100''100'' | [iq-ba-a ia-a-ti a-ma-ti šá-a-ti-na ša ti-bu-ut] |
| iv 101''101'' | [mur-ta-ki ul áš-du-ud ina lìb-bi-ia] |
| Column v | |
| v 1v 1 | [šu-ut LÚ.EDIN.MEŠ-šú šá su-lum-me]-⸢e⸣ |
| v 22 | [iš-ta-nap-pa-ra ina] ⸢maḫ-ri⸣-ia |
| v 33 | [a-na a-mar LUGAL] ⸢KUR⸣.ELAM.MA.KI |
| v 44 | [LÚ.A KIN-ia ú-ma-ʾe]-⸢er⸣ ḫa-an-ṭiš |
| v 55 | [il-lik i-tu-ram-ma a-ma-a-ti ka-a]-a-ma-na-a-ti |
| v 66 | [ú-šá-an-na-a] ia-a-ti |
| v 77 | [um-ma LÚ.e-la-mu-ú GIM] ⸢ti⸣-bu-ut BURU₅.ḪI.A |
| v 88 | [ka-tim KUR] ⸢URI⸣.KI ka-li-šá |
| v 99 | [ṣe-er KÁ.DINGIR.RA.KI uš-man]-⸢nu⸣ šá-kin-ma na-di ma-dak-tú |
| v 1010 | [a-na na-ra-ru-ti d]⸢EN⸣ u dAG EN.MEŠ-ia |
| v 1111 | [ša ap-tal-la-ḫu] DINGIR-us-su-un |
| v 1212 | [ERIM.MEŠ MÈ-ia ad-ke-e-ma] ⸢aṣ⸣-ba-ta ḫar-ra-nu |
| v 1313 | [a-lak ger-ri-ia] iš-me-ma |
| v 1414 | [ḫat-tu is-ḫup-šú-ma i-tur] ⸢a⸣-na KUR-šú |
| v 1515 | [EGIR-šú aṣ-bat a-bi-ik]-⸢ta⸣-šú áš-kun |
| v 1616 | [aṭ-ru-us-su a-di] ⸢mi⸣-ṣir KUR-šú |
| v 1717 | [mur-ta-ku LUGAL KUR.ELAM.MA.KI ša la iṣ]-⸢ṣu⸣-ru ib-ru-ti |
| v 1818 | [ina u₄-me la šim-ti-šú mu]-⸢ú⸣-tú ú-gar-ru-u |
| v 1919 | [ina ta-né-ḫi iq-tu]-⸢ú⸣ i-zu-bu |
| v 2020 | [ina qaq-qar ba-la-ṭi GÌR.II-šú] ⸢ul⸣ iš-⸢kun⸣ |
| v 2121 | [ina MU.AN.NA-šú na-piš-ta-šú iq-ti il-lik] ⸢nam⸣-mu-ši-šú |
| v 2222 | [mEN-BA-šá KUR.gam-bu]-⸢la-a-a⸣ |
| v 2323 | [ša iṣ-lu-u GIŠ.ŠUDUN be]-⸢lu⸣-ti-ia |
| v 2424 | [ina ni-šik] ⸢PÉŠ⸣ [iš-ta-kan] ⸢na⸣-piš-tú |
| v 2525 | [md]⸢AG⸣-MU-KAM-eš LÚ.⸢GÚ⸣.[EN.NA la na]-⸢ṣir⸣ a-de-e |
| v 2626 | iš-ši a-ga-⸢nu⸣-[til-la]-⸢a A.MEŠ⸣ [ma]-⸢lu⸣-ú-ti |
| v 2727 | mdAMAR.UTU-MU-DÙ ⸢LÚ⸣.[šu-ut] ⸢SAG⸣-šú mu-⸢šad-bi⸣-ib-šú |
| v 2828 | ša ḪUL-tú ⸢ú⸣-[šak-pi]-⸢du⸣ a-na m⸢ur-ta⸣-ki |
| v 2929 | e-mì-is-su ⸢d⸣[AMAR.UTU LUGAL] DINGIR.MEŠ še-er-⸢ta⸣-[šú GAL]-tu |
| v 3030 | ina 1-et MU.AN.⸢NA⸣ [mé-eḫ-ret] a-ḫa-meš iš-ku-nu na-⸢piš-tú⸣ |
| v 3131 | lìb-bi ⸢AN⸣.[ŠÁR ag-gu] ul i-nu-uḫ-šú-nu-⸢ti⸣ |
| v 3232 | ⸢ul⸣ [ip-šaḫ-šú-nu-ti ka-bat]-⸢ti⸣ d15 šá ú-tak-kil-an-ni |
| v 3333 | [BALA-e LUGAL-ti]-⸢šú⸣ iš-ki-pu |
| v 3434 | [be-lut KUR.ELAM.MA.KI] ⸢ú-šal⸣-qu-u šá-nam-ma |
| v 3535 | ⸢EGIR m⸣[te-um-man] ⸢tam-šil GAL₅.LÁ⸣ |
| v 3636 | ú-šib [ina GIŠ.GU.ZA mur-ta-ki] |
| v 3737 | a-na da-a-⸢ki⸣ [DUMU.MEŠ mur-ta-ki] |
| v 3838 | ù DUMU.⸢MEŠ⸣ [mum-man-al-da-a-še] |
| v 3939 | ŠEŠ mur-ta-⸢ki iš-te-né-ʾa⸣-[a MUNUS.ḪUL] |
| v 4040 | mum-man-i-gaš mum-man-ap-pa ⸢mtam-ma-ri⸣-[tú] |
| v 4141 | DUMU.MEŠ mur-ta-ki LUGAL KUR.ELAM.MA.⸢KI⸣ |
| v 4242 | mku-dúr-ru mpa-ru-ú DUMU.MEŠ mum-man-al-da-a-še |
| v 4343 | LUGAL a-lik pa-ni mur-ta-ki |
| v 4444 | ù 60 NUMUN LUGAL ina la mì-ni LÚ.ERIM.MEŠ GIŠ.PAN |
| v 4545 | DUMU.MEŠ ba-né-e ša KUR.ELAM.MA.KI |
| v 4646 | šá la-pa-an da-a-ki mte-um-man in-nab-tu-nim-ma |
| v 4747 | iṣ-ba-tu GÌR.II.MEŠ ⸢LUGAL⸣-ti-ia |
| v 4848 | ina 7-e ger-ri-ia UGU mte-um-man |
| v 4949 | LUGAL KUR.ELAM.MA.KI lu-u al-lik |
| v 5050 | ša UGU mum-man-i-gaš mum-man-ap-pa |
| v 5151 | mtam-ma-ri-tú DUMU.MEŠ mur-ta-ki LUGAL KUR.ELAM.MA.KI |
| v 5252 | mku-dúr-ru mpa-ru-u DUMU.MEŠ mum-man-al-da-a-še |
| v 5353 | ŠEŠ mur-ta-ki LUGAL KUR.ELAM.MA.KI |
| v 5454 | ⸢LÚ.EDIN⸣.MEŠ-šú iš-ta-nap-pa-ra a-na še-bu-li |
| v 5555 | UN.MEŠ šá-a-tu-nu šá in-nab-tu-nim-ma |
| v 5656 | iṣ-ba-tu GÌR.⸢II⸣-ia še-bul-šú-nu ul aq-bi-šú |
| v 5757 | ina muḫ-ḫi me-re-eḫ-e-ti |
| v 5858 | ina ŠU.II mum-ba-da-ra-a ù mdAG-SIG₅-iq |
| v 5959 | iš-⸢ta⸣-nap-pa-ra ar-ḫi-šam |
| v 6060 | qé-⸢reb⸣ KUR.ELAM.MA.KI uš-tar-ra-aḫ ina UKKIN ERIM.ḪI.A-šú |
| v 6161 | um-⸢ma⸣ ul ú-maš-šar a-di al-la-ku |
| v 6262 | ⸢it⸣-ti-šú ep-pu-šú mit-ḫu-ṣu-tú |
| v 6363 | ⸢UGU⸣ a-ma-a-ti an-na-a-ti |
| v 6464 | [ša m]⸢te⸣-um-man iq-bu-ú |
| v 6565 | [ú-šá]-⸢an⸣-nu-u-ni ṭè-e-mu |
| v 6666 | [at-kil a-na AN].⸢ŠÁR⸣ d30 dUTU dEN u dAG |
| v 6767 | [d15 šá] ⸢NINA⸣.KI d15 šá URU.LÍMMU-DINGIR šá ú-tak-kil-u-in-ni |
| v 6868 | [qí-bit pi]-⸢i⸣-šú er-ḫu ul am-gúr |
| v 6969 | [ul a-din-šú] ⸢mun⸣-nab-ti šá-a-tu-nu |
| v 7070 | [mte-um-man le-mut]-⸢tu⸣ iš-te-né-ʾi-i |
| v 7171 | [d30 iš-te-né-ʾa]-⸢šú⸣ GIŠKIM.MEŠ le-mut-ti |
| v 7272 | [ina ITI.ŠU AN.MI šat ur]-⸢ri⸣ EN ZÁLAG uš-ta-ni-iḫ-ma |
| v 7373 | [dUTU IGI-šú-ma ki-ma] ⸢šu-a⸣-tu-ma kal u₄-me uš-ta-ni-iḫ |
| v 7474 | [a-na qí]-⸢it⸣ BALA.MEŠ mte-um-man LUGAL KUR.ELAM.MA.KI |
| v 7575 | [ZÁḪ] ⸢KUR⸣-šú ú-kal-lim-an-ni |
| v 7676 | [GURUN] EŠ.BAR-šú šá la in-nen-nu-ú |
| v 7777 | ⸢ina⸣ u₄-me-šú mi-iḫ-ru im-ḫur-šú-ma |
| v 7878 | ⸢NUNDUM⸣-su uk-tam-bil-ma IGI.II-šú is-ḫur-ma |
| v 7979 | ga-ba-ṣu iš-šá-kin ina lìb-bi-šá |
| v 8080 | it-⸢ti⸣ ep-še-e-ti an-na-a-ti |
| v 8181 | ša d30 u d15 e-pu-šu-uš |
| v 8282 | ul i-ba-áš id-ka-a ERIM.ḪI.A-šú |
| v 8383 | ina ITI.NE ITI na-an-mur-ti MUL.PAN |
| v 8484 | i-sin-ni šar-ra-ti ka-bit-ti DUMU.MUNUS dEN.LÍL |
| v 8585 | a-na pa-làḫ DINGIR-ti-šá GAL-ti |
| v 8686 | áš-ba-ak ina URU.LÍMMU-DINGIR URU na-ram lìb-bi-šá |
| v 8787 | áš-šú ti-bu-ut LÚ.e-la-me-e šá ba-lu DINGIR.MEŠ |
| v 8888 | it-ba-a ú-šá-an-nu-u-ni ṭè-e-mu |
| v 8989 | um-ma mte-um-man ki-a-⸢am⸣ [iq]-⸢bi⸣ |
| v 9090 | ša d15 ú-šá-an-nu-u ⸢mi⸣-[lik ṭè-me-šú] |
| v 9191 | ⸢ša iq⸣-bu-u um-ma ul ⸢ú⸣-[maš-šar a-di al-la-ku] |
| v 9292 | ⸢it-ti-šú ep⸣-pu-⸢šú⸣ [mit-ḫu-ṣu-tú] |
| v 9393 | šu-ut me-re-⸢eḫ-ti⸣ [an-ni-te] |
| v 9494 | ša mte-um-man ⸢iq⸣-[bu-u] |
| v 9595 | am-ḫur šá-qu-tú qa-rit-⸢tú⸣ [diš-tar] |
| v 9696 | az-zi-iz a-na tar-ṣi-šá ak-mì-[is šá-pal-šá] |
| v 9797 | DINGIR-us-sa ú-sap-pa-a il-⸢la⸣-[ka di-ma-a-a] |
| v 9898 | um-ma dbe-let [URU.LÍMMU-DINGIR.KI] |
| v 9999 | a-na-ku mAN.ŠÁR-DÙ-A ⸢MAN⸣ [KUR aš-šur.KI] |
| v 100100 | bi-nu-ut ŠU.II-ki šá iḫ-šu-ḫu-⸢šú AN⸣.[ŠÁR] ⸢AD⸣ [ba-nu-ki] |
| v 101101 | a-na ud-du-uš ⸢eš⸣-[re-e-ti] |
| v 102102 | šul-lum par-ṣe-šú-⸢un⸣ [na-ṣar pi-riš-te]-⸢šú⸣-un |
| v 103103 | šu-ṭu-⸢ub lìb-bi⸣-[šú-un im-bu-u zi]-⸢kir⸣-šú |
| v 104104 | a-na-ku áš-re-⸢e-ki áš-te-né-ʾi⸣-i |
| v 105105 | al-li-ka a-na pa-laḫ DINGIR-⸢ti⸣-[ki] |
| v 106106 | ù šul-lum par-ṣe-e-ki ù šu-ú m[te-um-man] |
| v 107107 | LUGAL KUR.ELAM.MA.KI la ⸢mu⸣-šá-qir ⸢DINGIR⸣.[MEŠ] |
| v 108108 | ku-uṣ-ṣur ⸢ka-li⸣ a-na mit-ḫu-ṣi ERIM.ḪI.A-ia |
| v 109109 | um-ma at-ti ⸢d⸣be-let be-le-e-ti |
| v 110110 | i-⸢lat MURUB₄⸣ [be-let MÈ] ⸢ma⸣-li-kàt DINGIR.MEŠ AD.MEŠ-šá |
| v 111111 | [ša ina ma-ḫar AN.ŠÁR] ⸢AD⸣ ba-ni-ki |
| v 112112 | [MUNUS.SIG₅ taq-bi-i ina ni]-⸢iš⸣ IGI.II-šú KÙ.MEŠ |
| v 113113 | [iḫ-šu-ḫa-an-ni a]-⸢na⸣ LUGAL-ú-ti |
| v 114114 | [áš-šú mte-um-man] LUGAL KUR.ELAM.MA.KI |
| v 115115 | [ša a-na AN.ŠÁR] LUGAL DINGIR.MEŠ |
| v 116116 | [AD ba-ni-ki iḫ]-⸢tu⸣-u bil-tú |
| v 117117 | [id-ka-a ERIM.ḪI.A-šú ik]-⸢ṣu⸣-ra ta-ḫa-zu |
| v 118118 | ú-šá-ʾa-⸢a-la⸣ [GIŠ.TUKUL.MEŠ-šú a]-⸢na⸣ a-lak KUR aš-šur.KI |
| v 119119 | um-ma at-ti [qa-rit]-ti DINGIR.MEŠ |
| v 120120 | GIM GUN ina MURUB₄ tam-ḫa-⸢ri⸣ [pu]-⸢uṭ⸣-ṭi-ri-šú-ma |
| v 121121 | di-kiš-šú me-ḫu-⸢ú⸣ IM lem-nu |
| v 122122 | in-ḫe-ia šu-nu-ḫu-u-⸢ti⸣ [d]⸢15⸣ iš-me-e-ma |
| v 123123 | la ta-pal-laḫ iq-ba-[a] ⸢ú⸣-šar-ḫi-ṣa-an-ni lìb-bu |
| v 124124 | a-na ni-iš ŠU.II-⸢ka ša⸣ taš-šá-a |
| v 125125 | IGI.II-ka im-la-a di-im-tú ⸢ar-ta⸣-ši ARḪUŠ |
| v 126126 | ina šat mu-ši šu-a-tu ⸢šá am⸣-ḫu-⸢ru⸣-ši |
| v 127127 | 1-en (erasure) šab-ru-u ú-tu-⸢ul-ma i⸣-na-aṭ-⸢ṭal MÁŠ⸣.GI₆ |
| v 128128 | i-gi-il-ti-ma tab-rit mu-ši |
| v 129129 | ša d15 ú-šab-ru-u-⸢šú ú⸣-šá-an-na-a ia-a-ti |
| v 130130 | um-ma d15 a-ši-bat URU.LÍMMU-⸢DINGIR⸣ e-ru-ba-am-ma |
| v 131131 | 15 u 2.30 tul-la-a-⸢ta?⸣ iš-pa-a-ti |
| v 132132 | tam-ḫa-at GIŠ.PAN ⸢ina⸣ i-di-šá |
| v 133133 | šal-pat nam-ṣa-ru zaq-[tú] šá e-peš MÈ |
| v 134134 | ma-ḫar-šá ta-zi-iz ⸢ši⸣-i ki-i AMA |
| v 135135 | a-lit-ti i-tam-ma-a it-ti-ka |
| v 136136 | il-si-ka d15 šá-qu-ut DINGIR.⸢MEŠ⸣ i-šá-kan-ka ṭè-e-mu |
| v 137137 | um-ma ta-na-aṭ-ṭa-la ⸢a⸣-na e-peš šá-áš-me |
| v 138138 | a-šar pa-nu-u-⸢a⸣ šak-⸢nu⸣ te-ba-ku a-na-ku |
| v 139139 | at-ta ta-qab-bi-ši um-⸢ma⸣ a-šar tal-la-ki |
| v 140140 | ⸢it-ti⸣-ki ⸢lul-lik be⸣-let GAŠAN.MEŠ |
| v 141141 | ⸢ši-i tu-šá-an-nak-ka um⸣-[ma at]-⸢ta a-kan⸣-na |
| v 142142 | lu-u áš-ba-a-ta ⸢a-šar⸣ maš-kán-i-⸢ka⸣ |
| v 143143 | a-kul a-ka-lu ši-ti ku-ru-un-⸢nu⸣ |
| v 144144 | nin-gu-tú šu-⸢kun⸣ nu-ʾi-id DINGIR-u-ti |
| v 145145 | a-di al-la-ku šip-ru šú-a-tú ep-pe-šú |
| v 146146 | ú-šak-šá-du ṣu-um-me-rat lìb-bi-ka |
| Column vi | |
| vi 1vi 1 | pa-nu-ka ul ur-raq ul i-nàr-ru-ṭa GÌR.II-ka |
| vi 22 | ul ta-šam-maṭ zu-ut-ka MURUB₄ tam-ḫa-ri |
| vi 33 | ina ki-rim-mì-šá DÙG.GA taḫ-ṣi-in-ka-ma |
| vi 44 | taḫ-ti-na gi-mir la-a-ni-ka |
| vi 55 | ⸢pa⸣-nu-uš-šá dGIŠ.BAR in-na-pi-iḫ |
| vi 66 | ez-zi-iš nam-ri-ri-iš È-ma |
| vi 77 | ⸢a⸣-na ka-šá-ad LÚ.KÚR-šá DU-ik |
| vi 88 | [e]-⸢li⸣ mte-um-man LUGAL KUR.ELAM.MA.KI |
| vi 99 | [ša] ⸢ug⸣-ga-at pa-nu-uš-šá taš-kun |
| vi 1010 | [ina ITI].⸢KIN⸣ ši-pir dINANNA.MEŠ i-sin-ni AN.ŠÁR ṣi-i-ri |
| vi 1111 | [ITI d30] ⸢na⸣-an-nàr AN-e u KI-tim |
| vi 1212 | [at-kil a]-⸢na⸣ EŠ.BAR dŠEŠ.KI-ri nam-ri |
| vi 1313 | [ù ši-pir] ⸢d15⸣ GAŠAN-ia ša la in-nen-nu-u |
| vi 1414 | [ad-ke ERIM.MEŠ] ⸢MÈ⸣-ia mun-daḫ-ṣe |
| vi 1515 | [ša ina qí-bit AN.ŠÁR] ⸢d30⸣ u d15 |
| vi 1616 | [it-ta-na-áš-ra-bi]-⸢ṭu⸣ MURUB₄ tam-ḫa-ri |
| vi 1717 | [e-li mte-um-man] ⸢MAN KUR.ELAM⸣.MA.KI |
| vi 1818 | [ur-ḫu aṣ-bat-ma uš-te-še-ra ḫar]-⸢ra⸣-nu |
| vi 1919 | [el-la-mu-u-a mte-um-man MAN KUR.ELAM].⸢MA⸣.KI |
| vi 2020 | [ina URU.É-mim-bi-i na-di ma]-⸢dak⸣-tu |
| vi 2121 | [e-reb LUGAL-ti-ia šá qé-reb BÀD.AN].⸢KI⸣ |
| Lacuna | |
| vi 1'1' | ⸢qé-reb⸣ [DU₆-URU.tu-ba BAD₅.BAD₅-šú-nu áš-kun] |
| vi 2'2' | ina ADDA.[MEŠ-šú-nu ÍD.ú-la-a-a as-ki-ir] |
| vi 3'3' | šal-ma-a-te-⸢šú⸣-[nu GIM GIŠ.DÌḪ u GIŠ.KIŠI₁₆] |
| vi 4'4' | ú-mal-la-[a ta-mir-ti URU.šu-šá-an] |
| vi 5'5' | SAG.DU m⸢te⸣-[um-man LUGAL KUR.ELAM.MA.KI] |
| vi 6'6' | ina qí-bit AN.⸢ŠÁR⸣ [u dAMAR.UTU DINGIR.MEŠ GAL.MEŠ] |
| vi 7'7' | EN.MEŠ-⸢ia KUD⸣-[is ina UKKIN ERIM.ḪI.A-šú] |
| vi 8'8' | mé-lam-me AN.[ŠÁR u d15 KUR.ELAM.MA.KI] |
| vi 9'9' | is-ḫu-up-ma ⸢ik⸣-[nu-šú a-na ni-ri-ia] |
| vi 10'10' | mum-man-i-gaš [šá in-nab-tu iṣ-ba-tu GÌR.II-ia] |
| vi 11'11' | ina GIŠ.GU.ZA-šú [ú-še-šib] |
| vi 12'12' | mtam-ma-ri-tu ⸢ŠEŠ⸣-[šú šal-šá-a-a] |
| vi 13'13' | ina URU.ḫi-da-lu [a-na LUGAL-ú-ti áš-kun] |
| vi 14'14' | GIŠ.GIGIR.MEŠ GIŠ.ṣu-⸢um⸣-[bi ANŠE.KUR.RA.MEŠ ANŠE.KUNGA.MEŠ] |
| vi 15'15' | ṣi-mit-ti ni-⸢i⸣-[ri GIŠ.til-li si-mat MÈ] |
| vi 16'16' | ša ina tu-kul-ti ⸢AN⸣.[ŠÁR d15 DINGIR.MEŠ GAL.MEŠ] |
| vi 17'17' | bi-rit URU.šu-šá-[an u ÍD.ú-la-a-a] |
| vi 18'18' | ik-šu-da [ŠU.II-a-a] |
| vi 19'19' | ina qí-bit AN.⸢ŠÁR⸣ [u dAMAR.UTU] |
| vi 20'20' | DINGIR.MEŠ GAL.MEŠ EN.MEŠ-⸢ia⸣ ul-⸢tu⸣ [qé-reb KUR.ELAM.MA.KI] |
| vi 21'21' | ḫa-diš [ú-ṣa-am-ma] |
| vi 22'22' | a-na gi-mir ERIM.ḪI.[A-ia šá-lim-tu šak-na-at] |
| vi 23'23' | ina 8-e ger-ri-⸢ia⸣ UGU mdu-na-ni |
| vi 24'24' | DUMU mdEN-BA-šá a-na KUR.gam-bu-li lu-u ⸢al⸣-[lik] |
| vi 25'25' | ša a-na LUGAL KUR.ELAM.MA.KI it-tak-lu |
| vi 26'26' | la ik-nu-šú ana GIŠ.⸢ŠUDUN⸣-[ia] |
| vi 27'27' | ta-ḫa-zi dan-nu KUR.gam-bu-lu a-na si-ḫir-ti-šú |
| vi 28'28' | GIM im-ba-ri [ak-tùm] |
| vi 29'29' | URU.šá-pi-i-dEN URU dan-nu-ti-⸢šú⸣ |
| vi 30'30' | ša qé-reb ÍD.MEŠ na-da-at šu-bat-su ak-šu-ud |
| vi 31'31' | mdu-na-nu ŠEŠ.MEŠ-šú ul-tu qé-reb URU šú-a-tú |
| vi 32'32' | bal-ṭu-us-su-un ú-še-ṣa-a |
| vi 33'33' | DAM-su DUMU.MEŠ-šú DUMU.MUNUS.MEŠ-šú |
| vi 34'34' | MUNUS.sek-re-ti-šú LÚ.NAR.MEŠ MUNUS.NAR.MEŠ |
| vi 35'35' | ú-še-ṣa-am-ma šal-la-tiš am-nu |
| vi 36'36' | KÙ.BABBAR KÙ.GI NÍG.ŠU na-kám-ti É.GAL-šú |
| vi 37'37' | ú-še-ṣa-am-ma šal-la-tiš am-nu |
| vi 38'38' | LÚ.šu-ut SAG.MEŠ LÚ.man-za-az pa-ni-šú |
| vi 39'39' | LÚ.kit-ki-tu-ú mu-šá-ki-le-e-šú |
| vi 40'40' | ú-še-ṣa-am-ma šal-la-tiš am-nu |
| vi 41'41' | gi-mir um-ma-ni ma-la ba-šú-u mar-kas URU u EDIN |
| vi 42'42' | ú-še-ṣa-am-ma šal-la-tiš am-nu |
| vi 43'43' | GU₄.MEŠ ṣe-e-ni ANŠE.KUR.RA.MEŠ ANŠE.KUNGA.MEŠ |
| vi 44'44' | ša ni-ba la i-šú-u ú-še-ṣa-am-ma šal-la-tiš am-nu |
| vi 45'45' | UN.MEŠ KUR-šú zik-ra u sin-niš TUR u GAL e-du ul e-zib |
| vi 46'46' | ú-še-ṣa-am-ma šal-la-tiš am-nu |
| Lacuna | |
| vi 1''1'' | ⸢na-gu⸣-[u šu-a-tu ú-šaḫ-rib] |
| vi 2''2'' | ri-gim a-[me-lu-ti ap-ru-sa EDIN-uš-šú] |
| vi 3''3'' | ⸢ina⸣ tu-kul-ti [DINGIR.MEŠ GAL.MEŠ LÚ.KÚR.MEŠ-ia a-ni-ir] |
| vi 4''4'' | ⸢šal⸣-meš ⸢a-tu-ra⸣ [a-na NINA.KI] |
| vi 5''5'' | SAG.DU mte-⸢um⸣-man ⸢MAN⸣ [KUR.ELAM.MA.KI] |
| vi 6''6'' | ina GÚ mdu-na-nu [a-lul] |
| vi 7''7'' | SAG.DU mdiš-tar-na-an-di ina GÚ ⸢msa⸣-[am-gu-nu] |
| vi 8''8'' | ⸢ŠEŠ m⸣du-na-nu tar-den-nu [a-lul] |
| vi 9''9'' | it-ti ki-šit-ti KUR.⸢ELAM⸣.[MA.KI šal]-⸢la⸣-at KUR.gam-⸢bu⸣-[li] |
| vi 10''10'' | ša ina qí-bit AN.ŠÁR ik-šu-da ⸢ŠU⸣.[II-a-a] |
| vi 11''11'' | ⸢it⸣-ti LÚ.NAR.MEŠ e-piš nin-⸢gu⸣-[ti] |
| vi 12''12'' | a-na NINA.KI e-ru-ub ina ḪÚL.⸢MEŠ⸣ |
| vi 13''13'' | mum-ba-da-ra-a mdAG-SIG₅-iq |
| vi 14''14'' | LÚ.MAḪ.MEŠ šá mte-um-man MAN KUR.ELAM.MA.KI |
| vi 15''15'' | ša mte-um-man ina ŠU.II-šú-nu |
| vi 16''16'' | ⸢iš⸣-pu-ra ši-pir me-re-eḫ-ti |
| vi 17''17'' | ša ina maḫ-ri-ia ak-lu-ú |
| vi 18''18'' | ú-qa-ʾu-u pa-an ši-kin ṭè-e-me-ia |
| vi 19''19'' | ni-kis SAG.DU mte-um-man (erasure) EN-šú-nu |
| vi 20''20'' | qé-reb NINA.KI e-mu-ru-ma |
| vi 21''21'' | šá-né-e ṭè-e-me iṣ-bat-su-nu-ti |
| vi 22''22'' | mum-ba-da-ra-a ib-qu-ma ziq-na-a-⸢šú⸣ |
| vi 23''23'' | mdAG-SIG₅-iq ina GÍR ⸢AN⸣.[BAR šib-bi-šú is-ḫu-la kar-as-su] |
| vi 24''24'' | ni-kis SAG.DU mte-um-man ⸢ina⸣ [GABA KÁ.GAL MURUB₄ URU ša NINA.KI] |
| vi 25''25'' | ú-maḫ-ḫi-ra [maḫ-ḫu-riš] |
| vi 26''26'' | áš-šú da-na-an AN.ŠÁR u d⸢15⸣ [EN.MEŠ-ia UN.MEŠ kul-lu-me] |
| vi 27''27'' | ni-kis SAG.DU mte-um-man ⸢LUGAL KUR.ELAM.MA.KI⸣ |
| vi 28''28'' | mIBILA-ia DUMU mdAG-sa-lim |
| vi 29''29'' | ⸢DUMU⸣ DUMU mdAMAR.UTU-A-AŠ |
| vi 30''30'' | ša la-pa-an AD AD ba-ni-ia |
| vi 31''31'' | AD-šú in-nab-tu a-na KUR.ELAM.MA.KI |
| vi 32''32'' | ul-tu mum-man-i-gaš qé-reb KUR.ELAM.MA.KI |
| vi 33''33'' | áš-ku-nu a-na LUGAL-ú-ti |
| Column vii | |
| vii 1vii 1 | mIBILA-ia DUMU mdAG-sa-lim |
| vii 22 | iṣ-[bat ú-še-bi-la a-di] ⸢IGI⸣-ia |
| vii 33 | mdu-na-nu msa-am-gu-nu |
| vii 44 | DUMU.MEŠ [mdEN-BA-šá KUR.gam-bu]-⸢la⸣-a-a |
| vii 55 | ša AD.MEŠ-šú-nu a-na LUGAL.MEŠ |
| vii 66 | AD.MEŠ-⸢ia⸣ [ú-dal]-⸢li⸣-pu-ma |
| vii 77 | ⸢ù šu-nu ú-nàr⸣-ri-ṭu |
| vii 88 | [e-peš] ⸢LUGAL⸣-ti-ia |
| vii 99 | qé-reb bal-til.KI ⸢ù⸣ URU.LÍMMU-DINGIR |
| vii 1010 | a-na da-lál aḫ-ra-a-ti ú-⸢bil⸣-šú-nu-ti |
| vii 1111 | mur-sa-a ⸢MAN⸣ [KUR].⸢ur⸣-ar-ṭi |
| vii 1212 | da-na-an AN.ŠÁR u d15 |
| vii 1313 | EN.⸢MEŠ⸣-[ia iš-me-e]-ma |
| vii 1414 | pu-luḫ-ti LUGAL-ti-ia [is-ḫup]-⸢šú?⸣-ma |
| vii 1515 | LÚ.MAḪ.MEŠ-šú a-na šá-ʾa-al šul-mì-⸢ia⸣ [iš-pu-ra a-na qé-reb URU.LÍMMU-DINGIR.KI] |
| vii 1616 | ANŠE.KUR.RA.MEŠ ANŠE.KUNGA.MEŠ [...] |
| vii 1717 | qar-na-a-te GIŠ.GIDRU.MEŠ [...] |
| vii 1818 | GIŠ.pu-ur-ṭi-i ta-mar-ta-⸢šú⸣ [...] |
| vii 1919 | mdAG-SIG₅-iq mum-ba-da-⸢ra⸣-[a LÚ.MAḪ.MEŠ ša KUR.ELAM.MA.KI] |
| vii 2020 | it-ti GIŠ.ZU.MEŠ ši-pir me-re-⸢eḫ⸣-[ti ul-ziz ina maḫ-ri-šú-un] |
| vii 2121 | ša mman-nu-ki-PAP.MEŠ LÚ.[2-u šá mdu-na-ni] |
| vii 2222 | ⸢ù mdAG⸣-ú-ṣal-li LÚ.šá UGU URU KUR.gam-bu-li |
| vii 2323 | ša UGU DINGIR.MEŠ-⸢ia⸣ iq-⸢bu⸣-u šil-la-tú GAL-tú |
| vii 2424 | qé-reb URU.LÍMMU-DINGIR EME-šú-⸢un áš⸣-[lu]-⸢up⸣ áš-ḫu-ṭa KUŠ-šú-un |
| vii 2525 | mdu-na-nu ⸢qé-reb⸣ URU.ni-na-a |
| vii 2626 | e-li GIŠ.ma-ka-ṣi ⸢id⸣-du-šú-ma |
| vii 2727 | iṭ-bu-ḫu-uš as-liš |
| vii 2828 | si-it-ti ŠEŠ.MEŠ-⸢šú⸣ [šá] mdu-na-ni |
| vii 2929 | ù mIBILA-ia a-ni-⸢ir⸣ [UZU.MEŠ]-⸢šú⸣-nu ú-nak-kis |
| vii 3030 | ú-še-bil a-na ta-⸢mar⸣-[ti] ⸢ma⸣-ti-tan |
| vii 3131 | mdAG-I mdEN-KAR-⸢ir DUMU⸣.[MEŠ mdAG-MU-KAM-eš LÚ].⸢GÚ⸣.EN.NA |
| vii 3232 | ša AD ba-nu-šú-un mur-ta-[ki id]-⸢ka⸣-a [a-na mit-ḫu-ṣi KUR] ⸢URI⸣.KI |
| vii 3333 | GÌR.PAD.DU.MEŠ mdAG-MU-[KAM-eš ša ul-tu qé-reb KUR.gam]-⸢bu⸣-li |
| vii 3434 | il-qu-u-ni a-na KUR aš-⸢šur⸣.KI [GÌR.PAD.DU.MEŠ šá-a-ti]-⸢na⸣ |
| vii 3535 | mé-eḫ-ret KÁ.GAL MURUB₄ URU [NINA.KI ú-šaḫ-ši-la DUMU.MEŠ-šú] |
| vii 3636 | mdGIŠ.NU₁₁-MU-GI.⸢NA⸣ [...] |
| vii 3737 | áš-ku-nu-uš ⸢a?⸣-[na ...] |
| vii 3838 | ú-nak-ki-sa su-⸢lum⸣-[mu]-⸢ú⸣ [...] |
| vii 3939 | KÁ.GAL.MEŠ KÁ.DINGIR.⸢RA⸣.[KI x (x)] TA [...] |
| vii 4040 | mum-man-i-⸢gaš⸣ [(...) ARAD] da-gíl pa-[ni-ia] |
| vii 4141 | ša a-na LUGAL-[u-ti] ⸢áš⸣-ku-nu ina KUR.e-⸢lam⸣-[ti] |
| vii 4242 | it-ti-ia [(...)] ⸢ú⸣-šam-kír-šú-⸢ma⸣ |
| vii 4343 | ⸢ú⸣-šá-aṣ-[li-šú] ⸢GIŠ⸣.ŠUDUN be-lu-ti-[ia] |
| vii 4444 | ⸢NÍG⸣.GA é-⸢sag⸣-[íl u é-zi?]-⸢da?⸣ it-⸢bal?⸣-[ma?] |
| vii 4545 | ⸢ú⸣-še-⸢bil?⸣ [...] x [...] |
| Lacuna | |
| vii 1'1' | [ERIM.MEŠ MÈ-ia šá ina KUR.man-gi-si šá qé-reb URU.su-man]-⸢dir⸣ |
| vii 2'2' | [EDIN-uš-šú-un e-lu-nim]-⸢ma⸣ |
| vii 3'3' | [iš-ku-nu taḫ-ta-šú]-un |
| vii 4'4' | [ša mun-da-si DUMU mte-um-man LUGAL KUR.ELAM].⸢MA⸣.KI |
| vii 5'5' | [ša mza-za-az mpar-ru-ú mat]-⸢ta⸣-me-tu |
| vii 6'6' | [SAG.DU.MEŠ-šú-nu ik-ki-su]-⸢nim⸣-ma |
| vii 7'7' | [ú-bil-u-ni a-di maḫ-ri]-ia |
| vii 8'8' | [šu-ut a-ma-a-ti an-na-a]-ti |
| vii 9'9' | [LÚ.A KIN-ia ú-ma-ʾe-er ṣe-er mum-ma]-ni?-gaš? |
| vii 10'10' | [LÚ.šu-ut SAG-ia šá áš-pu-ru ik]-⸢la⸣-ma |
| vii 11'11' | [la ú-ter-ra tur-tú a-mat]-ia |
| vii 12'12' | [AN.ŠÁR d30 dUTU dEN d]⸢AG⸣ |
| vii 13'13' | [dMAŠ dnusku?] dU.GUR |
| vii 14'14' | [DINGIR.MEŠ tik]-⸢le⸣-ia |
| vii 15'15' | [di-in kit-ti it-ti mum-man-i]-gaš |
| vii 16'16' | [i-di]-⸢nu⸣-in-ni |
| vii 17'17' | [mtam-ma-ri-tu EDIN-uš-šú ib-bal]-kit-ma |
| vii 18'18' | [šá-a-šú ga-du kim-ti-šú ú-ra-sib]-⸢šú⸣ ina GIŠ.TUKUL.MEŠ |
| vii 19'19' | ⸢mtam-ma⸣-[ri-tu šá e-la mum-man]-⸢i⸣-gaš ek-ṣu |
| vii 20'20' | ú-⸢šib⸣ [ina GIŠ.GU].⸢ZA⸣ KUR.ELAM.MA.KI |
| vii 21'21' | ki-ma šá-a-šú-⸢ma⸣ [ul-tu ŠU.II mdGIŠ.NU₁₁-MU-GI].NA |
| vii 22'22' | ṭa-ʾa-a-tú im-ḫur |
| vii 23'23' | ul iš-al [šu-lum] ⸢LUGAL⸣-ti-ia |
| vii 24'24' | a-na kit-ri [mdGIŠ].⸢NU₁₁⸣-MU-GI.NA |
| vii 25'25' | ŠEŠ la ke-[e-nu] ⸢il⸣-lik-am-ma |
| vii 26'26' | a-na mit-ḫu-[ṣi] ERIM.ḪI.A-ia |
| vii 27'27' | ina su-up-⸢pe-e⸣ ša AN.ŠÁR u d15 ú-sap-pu-u |
| vii 28'28' | un-ni-ni-ia il-qu-⸢ú⸣ |
| vii 29'29' | iš-mu-⸢ú⸣ zi-kir NUNDUM-ia |
| vii 30'30' | ARAD.MEŠ-šú EDIN-uš-šú ib-bal-ki-tu-ma |
| vii 31'31' | a-ḫa-meš ú-ra-si-bu EN ḪUL-tì-ia |
| vii 32'32' | min-da-bi-bi ARAD-su ša si-ḫu |
| vii 33'33' | [UGU-šu ú-šab-šu-ú] ⸢ú⸣-šib ina GIŠ.GU.ZA-šú |
| vii 34'34' | [mtam-ma-ri-tu MAN KUR.ELAM].⸢MA.KI⸣ |
| vii 35'35' | [ša me-re-eḫ-tu iq-bu-ú] |
| vii 36'36' | ⸢e⸣-[li ni-kis SAG.DU mte-um-man] |
| vii 37'37' | ⸢ša⸣ ik-⸢ki⸣-[su a-ḫu-ru-ú ERIM.ḪI.A-ia] |
| vii 38'38' | ⸢ù⸣ ŠEŠ.⸢MEŠ⸣-[šú qin-nu-šú NUMUN É AD-šu] |
| vii 39'39' | it-ti ⸢85⸣ [NUN.MEŠ šá KUR.ELAM.MA.KI] |
| vii 40'40' | a-li-kut [i-di-i-šú] |
| vii 41'41' | ša la-pa-an GIŠ.⸢TUKUL.MEŠ⸣ [AN.ŠÁR u d15 ip-par-šu-nim-ma] |
| vii 42'42' | a-na da-lál DINGIR-ti-⸢šú⸣-[nu GAL-ti] |
| vii 43'43' | ⸢it⸣-ti mdAMAR.UTU-MAN-⸢PAP⸣ [LÚ.šu-ut SAG-ia] |
| vii 44'44' | ⸢ša⸣ ib-ši-mu-šú [ina da-na-ni] |
| vii 45'45' | [mi]-⸢ra⸣-nu-uš-šú-un [ina UGU lìb-bi-šu-nu] |
| vii 46'46' | [ip]-⸢ši⸣-lu-[nim-ma iṣ-ba-tu GÌR.II LUGAL-ti-ia] |
| vii 47'47' | [mtam]-⸢ma-ri⸣-[tu a-na e-peš ARAD-ti-ia] |
| vii 48'48' | ⸢ra⸣-man-šú [im-nu-ma] |
| vii 49'49' | a-na kàt-a-⸢ri⸣-[šú ú-ṣal-la-a EN-u-ti] |
| vii 50'50' | šu-ut 1-en LÚ.[šu-ut SAG-ia] |
| vii 51'51' | AN.ŠÁR d30 dUTU [dEN dAG dMAŠ? dnusku? dU.GUR?] |
| vii 52'52' | DINGIR.MEŠ ti-⸢ik⸣-[le-ia] |
| vii 53'53' | 1 LIM-A.A ri-bi-ia [i-ri]-⸢bu-ú⸣-[ni] |
| vii 54'54' | mtam-ma-ri-tu UN.MEŠ ⸢ma-la it⸣-ti-šú |
| vii 55'55' | ⸢qé⸣-reb É.GAL-ia ⸢ul⸣-zi-⸢is⸣-su-nu-ti |
| Column viii | |
| viii 1viii 1 | GIŠ.⸢PAN⸣.[MEŠ ša mtam-ma-ri-tu MAN KUR.ELAM.MA.KI] |
| viii 22 | qé-⸢reb⸣ [KUR.ELAM.MA.KI uš-tar-ri-ḫu ina lìb-bi-ši-na] |
| viii 33 | a-na ⸢mit⸣-[ḫu-ṣi ERIM.ḪI.A KUR aš-šur.KI] |
| viii 44 | e-nen-[na qé-reb KUR aš-šur.KI] |
| viii 55 | GIŠ.⸢PAN⸣.[MEŠ šá-ti-na] |
| viii 66 | uq-⸢ṭa⸣-[na-ar-ra-ba a-na? ...] |
| viii 77 | AN.ŠÁR ⸢d⸣[30 dUTU dEN dAG] |
| viii 88 | d15 [ša URU.NINA dšar-rat-kid-mu-ri] |
| viii 99 | d⸢15⸣ [ša URU.LÍMMU-DINGIR.KI] |
| viii 1010 | d⸢MAŠ⸣ [dnusku dU.GUR] |
| viii 1111 | ša [LÚ.KÚR.MEŠ-ia ...] |
| viii 1212 | ⸢ù⸣ [si-it-tu-ti im-...] |
| Lacuna | |
| viii 1'1' | ú-ṣa-am-ma x [...] |
| viii 2'2' | lu-bu-uš-tú [...] |
| viii 3'3' | a-na gat-ti-šú [...] |
| viii 4'4' | ub-bu-ṭu [...] |
| viii 5'5' | mu-ut ú-bi-x [...] |
| viii 6'6' | ir-ku-us [...] |
| viii 7'7' | NÍG.ŠU.MEŠ-šú-⸢nu⸣ [...] |
| viii 8'8' | NÍG.GA.MEŠ-šú-nu gam?-⸢lu?-ú-ti a?⸣-[na a-ki-li] |
| viii 9'9' | ina un-ṣi né-eb-re-ti ⸢la⸣ [ig-mì-lu] |
| viii 10'10' | e-ku-lu UR.GI₇.MEŠ d[NIN.KILIM.MEŠ] |
| viii 11'11' | NÍG.GIG-šú-nu [ra-bu-u] |
| viii 12'12' | ina šam-mu pi-i-šú-nu [ig-mu-ru] |
| viii 13'13' | MUŠ GÍR.TAB nam-maš-ti qaq-[qa-ri ma-la ba-šú-u] |
| viii 14'14' | zer-man-du ⸢iq⸣-[ti-šú-nu-ti] |
| viii 15'15' | ik-su-su gi-⸢il⸣-[du ku-ru-us-su] |
| viii 16'16' | KUŠ.DA.E.SIR.MEŠ [u KUŠ.E.SÍR.MEŠ] |
| viii 17'17' | [a]-⸢na⸣ bu-ri-šú-⸢nu⸣ [ú-ṭa-ab-bi-ḫu] |
| viii 18'18' | [DUMU.MEŠ] DUMU.⸢MUNUS⸣.[MEŠ ŠEŠ.MEŠ NIN₉.MEŠ] |
| viii 19'19' | [... DÙ]-⸢šú-un UZU.MEŠ⸣ [DUMU.MEŠ-šú-nu] |
| viii 20'20' | [e-ku-lu] ku-⸢um⸣ [NINDA.MEŠ] |
| viii 21'21' | [ÚŠ.MEŠ] ⸢DUMU⸣.MUNUS.MEŠ-šú-nu iš-⸢ta⸣-[at-tu-u] |
| viii 22'22' | [ku-um] ši-⸢ka⸣-[ri] |
| viii 23'23' | [ina la] ⸢ma⸣-ka-le-e iq-ta-a [i-zu-ba] |
| viii 24'24' | [meš]-⸢re⸣-e-ti-šú-nu e-mu-u [šá-lam-tíš] |
| viii 25'25' | ⸢zi⸣-i-me UN.MEŠ ku-ri u ni-[is-sa-ti] |
| viii 26'26' | iq-ṭu-ru GIM ⸢qut⸣-[ri] |
| viii 27'27' | eṭ-lu ša ar-[da-ti] |
| viii 28'28' | ar-da-tu ša [eṭ-li] |
| viii 29'29' | ina re-bet URU i-na-aṭ-ṭa-lu pu-⸢zur⸣-[šùn] |
| viii 30'30' | ša la ṣu-ba-ti na-an-⸢du⸣-[qu?] |
| viii 31'31' | ⸢te⸣-di-iq EN ar-ni ba-šá-mu u x [...] |
| viii 32'32' | iḫ-šu-ḫu UN.MEŠ-[...] |
| viii 33'33' | mi-tu-tu GIM ⸢ḪAL⸣ [...] |
| viii 34'34' | re-e-me UN.MEŠ IG-[...] |
| viii 35'35' | AD a-na DUMU-šú AMA a-na ⸢DUMU⸣.[MUNUS-šá] |
| viii 36'36' | ⸢ul⸣ i-ra-áš-ši re-[e-mu?] |
| viii 37'37' | ⸢eṭ-lu⸣ ḫi-rat-su un-da-⸢áš⸣-[šir] |
| viii 38'38' | AD ⸢e⸣-te-zib DUMU na-ram [lìb-bi-šú] |
| viii 39'39' | šu?-ut? ⸢mì-tu⸣-tu a-ḫa-meš la ⸢na⸣-[ṭa-li] |
| viii 40'40' | a-na LÚ.KÚR [da-a]-⸢a-ki⸣-šú ⸢it-ta-din⸣ [pi-i-šú] |
| viii 41'41' | šib-ṭu NAM.ÚŠ.[MEŠ GIG šu-ru-up-pu-u] |
| viii 42'42' | ú-ṣa-ḫir UN.MEŠ [KUR URI.KI DÙ-šú-un] |
| viii 43'43' | bi-rit URU u EDIN ⸢ig⸣-[mur-šú-nu-ti] |
| viii 44'44' | GÍR AN.BAR ḫa-⸢an-ṭu⸣ |
| viii 45'45' | GÌR.NÍTA SIPA-šú-nu ina ŠÀ-šú-nu e-zi-iz-⸢ma⸣ |
| viii 46'46' | ú-šam-qit si-it-tú |
| viii 47'47' | ADDA.MEŠ UN.MEŠ SILA su-lu-u pur-ru-ku |
| viii 48'48' | pu-uḫ-ḫu-ú KÁ.MEŠ |
| viii 49'49' | UGU URU u NUN šá-qu-um-ma-tú na-da-ta |
| viii 50'50' | šá-ḫur-ra-tu tab-kàt |
| viii 51'51' | ga-nun-šú-un šu-uḫ-ru-ub |
| viii 52'52' | A.GÀR.[MEŠ?]-šú-un ba-ku-u sa-ap-du |
| viii 53'53' | ÍD.MEŠ-šú-un ša ú-šaḫ-bi-ba A.MEŠ ḪÉ.NUN |
| viii 54'54' | im-la-a sa-ki-ka |
| viii 55'55' | mdGIŠ.NU₁₁-MU-GI.NA ŠEŠ nak-ri |
| viii 56'56' | ša a-na KUR aš-šur.KI ik-pu-du né-er-tú |
| viii 57'57' | ù e-li AN.ŠÁR DINGIR ba-ni-ia |
| viii 58'58' | iq-bu-ú šil-la-tú GAL-tú |
| viii 59'59' | mu-u-tú lem-nu i-šim-šu-ma |
| viii 60'60' | ina mi-qit dGIBIL₆ id-di-šu-ma |
| viii 61'61' | ú-ḫal-li-qa nap-šat-su |
| viii 62'62' | LÚ.ERIM.MEŠ e-piš si-ḫi bar-ti |
| viii 63'63' | ma-la it-ti-šú šak-nu e-du ul ip-par-šid |
| viii 64'64' | mul-taḫ-ṭu ul ú-ṣi ina ŠU.II-ia |
| viii 65'65' | lu-bul-tu šu-kut-tú a-qar-tú mim-ma si-mat LUGAL-⸢ti⸣ |
| viii 66'66' | ḫi-šiḫ-ti É.GAL-šú ma-la ba-šu-⸢ú⸣ |
| viii 67'67' | MUNUS.sek-re-ti-šú GAL.MEŠ-šú LÚ.šu-ut SAG.MEŠ-⸢šú⸣ |
| viii 68'68' | ù UN.MEŠ li-bit É.GAL-šú |
| viii 69'69' | KÙ.BABBAR KÙ.GI NÍG.ŠU NÍG.GA |
| viii 70'70' | GIŠ.GIGIR.MEŠ GIŠ.šá šá-da-di ru-kub EN-ú-ti-šú |
| viii 71'71' | ANŠE.KUR.RA.MEŠ ṣi-mit-ti ni-i-ri-⸢šú⸣ |
| viii 72'72' | UN.MEŠ zi-kir u sin-niš TUR u GAL šá la-pa-an mit-ḫu-ṣi GIŠ.TUKUL.⸢MEŠ⸣ |
| viii 73'73' | di-ʾu šib-ṭu NAM.ÚŠ.MEŠ ù né-eb-re-tú i-še-tu-ni |
| viii 74'74' | ik-šu-da ŠU.II-a-a áš-lu-la a-na KUR aš-šur.KI |
| viii 75'75' | UN.MEŠ EN ḫi-iṭ-ṭi |
| viii 76'76' | an-nu kab-tu e-mid-su-nu-ti |
| viii 77'77' | bu-un-na-an-ni-šú-nu at-bal |
| viii 78'78' | KUŠ.MEŠ-šú-nu áš-ḫu-uṭ |
| viii 79'79' | ú-nak-ki-sa UZU.MEŠ-šú-un |
| viii 80'80' | min-da-bi-bi šá EGIR mtam-ma-ri-⸢ti⸣ |
| viii 81'81' | ú-ši-bu ina GIŠ.GU.ZA KUR.ELAM.MA.KI |
| viii 82'82' | da-na-an GIŠ.TUKUL.MEŠ-ia e-mur-ma |
| viii 83'83' | ⸢šá ul⸣-tú re-e-ši ú-šam-ri-ru UGU KUR.ELAM.MA.⸢KI⸣ |
| viii 84'84' | [DUMU].MEŠ KUR aš-šur.KI šá áš-pu-ru |
| viii 85'85' | [a-na kit]-⸢ri⸣ mdAG-EN-MU.MEŠ DUMU mdAMAR.UTU-A?-[AŠ] |
| viii 86'86' | [ša GIM] ⸢ib⸣-ri tap-pe-e na-ṣar KUR-[šú] |
| viii 87'87' | [it-ta-na]-⸢al⸣-la-ku it-ti-[šú] |
| viii 88'88' | [šá mdAG-EN]-MU.MEŠ ina pi-⸢ir⸣-[ṣa-a-ti] |
| viii 89'89' | [ina šat mu-ši] uṣ-⸢ṣab⸣-[bi-tu ik-lu-u ina ki-li] |
| viii 90'90' | [min-da-bi-bi LUGAL KUR.ELAM.MA.KI] |
| viii 91'91' | [ul-tú É ṣi-bit-ti ú-še-ṣa-áš-šú-nu]-⸢ti⸣ |
| viii 92'92' | [ki-i ṣa-bat a-bu-ut-ti qa-bé-e MUNUS.SIG₅]-⸢šú⸣ |
| viii 93'93' | [la ḫa-ṭe-e mi-ṣir KUR]-šú |
| viii 94'94' | [ina ŠU.II LÚ.A KIN-šú ú-še-bi-la a-di IGI]-⸢ia⸣ |
| viii 95'95' | [e-li mdAG-EN-MU.MEŠ DUMU md]⸢AMAR.UTU⸣-A-AŠ |
| viii 96'96' | [ARAD da-gíl pa]-⸢ni⸣-ia |
| viii 97'97' | [šá in-nab-tu] ⸢il-li⸣-[ku] ⸢a-na⸣ [KUR].⸢ELAM⸣.MA.KI |
| viii 98'98' | ⸢ù si-it-ti⸣ DUMU.MEŠ KUR aš-šur.KI |
| viii 99'99' | ⸢ša⸣ mdAG-EN-MU.MEŠ ina pi-ir-ṣa-a-ti |
| viii 100'100' | ⸢ú⸣-ṣab-bi-tu ú-bi-lu it-ti-šú |
| viii 101'101' | ⸢ina⸣ ŠU.II LÚ.A KIN.MEŠ-šú a-na min-da-bi-bi |
| viii 102'102' | [ki]-a-am áš-pur-šu-ma |
| viii 103'103' | [áš]-⸢šú⸣ UN.MEŠ an-nu-u-ti la tu-še-bi-la |
| viii 104'104' | [um]-⸢ma⸣ al-la-kam-ma URU.MEŠ-ka a-⸢na⸣-qar |
| viii 105'105' | [UN.MEŠ URU].⸢šu⸣-šá-an URU.ma-dak-tu URU.ḫi-da-lu a-šal-⸢lal⸣ |
| viii 106'106' | [ul-tu GIŠ].⸢GU⸣.ZA LUGAL-ti-ka a-dak-ke-ka-⸢ma⸣ |
| viii 107'107' | [šá-nam-ma ina GIŠ].⸢GU⸣.ZA-ka ú-še-⸢šab⸣ |
| viii 108'108' | [ep-šet ina IGI mte-um-man ú]-⸢šap⸣-ri-ku ú-šam-ḫar-ka ka-⸢a⸣-ta |
| viii 109'109' | [a-di LÚ.A KIN-šú ma-ḫar]-⸢šú la⸣ i-kaš-šá-du |
| viii 110'110' | [la ú-šá-an-nu-šú ši-kin] ⸢ṭè⸣-e-me-ia |
| viii 111'111' | [ina tukul-ti AN.ŠÁR d30 dUTU dEN] dAG |
| viii 112'112' | ⸢d15 šá NINA.KI d15 šá URU.LÍMMU-DINGIR⸣ |
| viii 113'113' | dMAŠ d⸢nusku⸣ dU.GUR |
| viii 114'114' | šá it-tal-la-ku Á.II-a-a |
| viii 115'115' | i-na-ar-ru ga-re-ia |
| Column ix | |
| ix 1ix 1 | [a-lak?] ⸢LÚ⸣.A KIN-ia ša a-na URU.de-ri |
| ix 22 | [áš-pu]-⸢ru⸣ iš-mu-u qé-reb KUR.ELAM.MA.KI |
| ix 33 | [pu-luḫ]-⸢ti⸣ LUGAL-ti-ia |
| ix 44 | [šá ú-za]-⸢ʾi⸣-nu-in-ni DINGIR.MEŠ GAL.MEŠ |
| ix 55 | [KUR.ELAM.MA.KI] ⸢is⸣-ḫup-ma UN.MEŠ KUR.ELAM.MA.KI |
| ix 66 | [ṣe-er min]-⸢da-bi⸣-bi ib-bal-ki-tu |
| ix 77 | [i-na-ru-uš] ⸢i⸣-na GIŠ.TUKUL.MEŠ |
| ix 88 | [mum-man-al-da-si DUMU] mat-ta-me-tu |
| ix 99 | [ú-še-ši-bu] ina GIŠ.GU.ZA-šú |
| ix 1010 | [i-na 10-e? ger]-⸢ri⸣-ia |
| ix 1111 | [a-na KUR.ELAM.MA.KI? lu] al-lik |
| ix 1212 | [ina me-ti-iq ger]-⸢ri⸣-ia |
| ix 1313 | [URU.É-mim-bi-i (URU tukul-ti KUR.ELAM.MA.KI?) ak?]-⸢šu?⸣-ud |
| ix 1414 | [...] x-šú |
| ix 1515 | [...] x x |
| Lacuna | |
| ix 1'1' | [...] x x [x (x)] |
| ix 2'2' | [...] x DIŠ x [x] |
| ix 3'3' | [...] x šá KUR.ELAM.⸢MA.KI⸣ |
| ix 4'4' | [...] x iš-pu-ra-áš-šú |
| ix 5'5' | [...] mdGIŠ.NU₁₁-MU-GI.NA |
| ix 6'6' | [...] ⸢MÈ?⸣-ia ina ú-ṣi maḫ-ṣu |
| ix 7'7' | [... la? iq]-tu-ú nap-šat-su |
| ix 8'8' | [... la]-⸢pa⸣-an GIŠ.TUKUL <<MEŠ>> AN.ŠÁR la pa-de-e |
| ix 9'9' | [a]-⸢na⸣ da-la-li ta-nit-ti AN.ŠÁR u d15 EN.MEŠ-ia |
| ix 10'10' | ⸢e⸣-diš-ši-šú in-nab-tu ana KUR.ELAM.MA.KI |
| ix 11'11' | ⸢m?⸣bar?-bu-ru DUMU-šú ⸢ul⸣-tu URU.É-mim-bi-i |
| ix 12'12' | ⸢ú⸣-še-ṣa-am-ma KUŠ-šú áš-ḫu-uṭ |
| ix 13'13' | ⸢m⸣tam-ma-ri-tu MAN KUR.ELAM.MA.KI mun-nab-tu |
| ix 14'14' | ⸢ša ul-tu⸣ qé-reb KUR aš-šur.KI |
| ix 15'15' | [it-bu?]-⸢ú? il⸣-li-ku ana KUR.ELAM.MA.KI |
| ix 16'16' | [ti-ib MÈ]-⸢ia⸣ dan-ni |
| ix 17'17' | [...] x GIŠ.TUKUL.MEŠ-ia |
| ix 18'18' | [šá UGU? KUR.ELAM.MA.KI? ú-šam]-⸢ri-ru⸣ e-mur-ma |
| ix 19'19' | [...] x (x) [x (x)] |
| Lacuna | |
| ix 1''1'' | URU.⸢ma⸣-[dak-tú URU LUGAL-ti-šú ú-maš-šir-ma] |
| ix 2''2'' | in-na-[bit-ma KUR-šú e-li] |
| ix 3''3'' | mam-ba-⸢LAGAB⸣-[u-a šá mé-eḫ-ret mum-man-al-da-si] |
| ix 4''4'' | áš-bu [ina GIŠ.GU.ZA KUR.ELAM.MA.KI (...)] |
| ix 5''5'' | ú-⸢ši⸣-[...] x IA x [...] |
| ix 6''6'' | URU.bu-⸢bi⸣-[lu] ⸢URU?⸣ mu-šab EN-ti-šú [ú-maš-šir-ma] |
| ix 7''7'' | ki?-[ma KU₆.MEŠ?] ⸢šu⸣-pul A.MEŠ iṣ-⸢bat⸣-[ma] |
| ix 8''8'' | ⸢in⸣-[na-bit?] a-na ru-qé-e-[ti] |
| ix 9''9'' | ⸢ina⸣ [ta-a-a-ar]-⸢ti?⸣-ia URU.ga-tu-⸢du⸣ |
| ix 10''10'' | [URU.ga-tu-du]-⸢ma⸣ URU.da-e-ba |
| ix 11''11'' | [URU.na-ṭi]-⸢iʾ⸣ URU.BÀD-am-na-ni |
| ix 12''12'' | [URU.BÀD-am-na-ni]-⸢ma⸣ URU.ḫa-ma-nu |
| ix 13''13'' | [URU.ta-ra]-⸢qu?⸣ URU.ḫa-a-a-ú-si |
| ix 14''14'' | [...] URU.ḫa-ra-aʾ |
| ix 15''15'' | [URU.É-mim-bi]-⸢i⸣ URU.ma-dak-tu |
| ix 16''16'' | [URU.šu-šá]-an URU.bu-bé-e |
| ix 17''17'' | [URU.ŠE-mdŠÚ]-MAN-a-ni URU.ur-da-li-ka |
| ix 18''18'' | [URU.al-ga]-⸢ri⸣-gi URU.tu-u-bu |
| ix 19''19'' | [URU.du]-⸢un?⸣-LUGAL URU.BÀD-mun-da-si |
| ix 20''20'' | [URU.BÀD-m]⸢un-da⸣-si-ma URU.bu-bi-lu |
| ix 21''21'' | [URU.sa]-⸢am⸣-ú-⸢nu⸣ URU.É-mbu-na-ki |
| ix 22''22'' | [...] ⸢URU.qa-ba⸣-ri-na |
| ix 23''23'' | [URU.qa-ba-ri-na-ma] ⸢URU⸣.MEŠ ⸢šu⸣-nu-ti |
| ix 24''24'' | [ap]-⸢pul⸣ aq-qur [ina] ⸢d⸣GIŠ.BAR ⸢aq⸣-mu |
| ix 25''25'' | [UN?].⸢MEŠ-šú⸣-nu GU₄.MEŠ-[šú-nu] ṣe-e-ni-⸢šú⸣-nu |
| ix 26''26'' | [NÍG.ŠU]-⸢šú-nu⸣ NÍG.GA-⸢šú⸣-nu |
| ix 27''27'' | [GIŠ].ṣu-um-⸢bi.MEŠ ANŠE⸣.KUR.RA.⸢MEŠ⸣ |
| ix 28''28'' | ⸢ANŠE⸣.KUNGA.MEŠ ⸢GIŠ.til-li ú-nu-ut MÈ⸣ |
| ix 29''29'' | ⸢áš⸣-lu-la a-na KUR aš-šur.KI |
| ix 30''30'' | UN.MEŠ KUR.ELAM.MA.KI ša md30-PAP.MEŠ-SU |
| ix 31''31'' | ⸢AD⸣ AD ba-ni-ia ina MURUB₄ ta-ḫa-zi |
| ix 32''32'' | NUNDUM.MEŠ-šú-un ip-ru-ʾu-ú-ma |
| ix 33''33'' | ⸢it⸣-ba-lu bu-un-na-an-ni-šú-un |
| ix 34''34'' | [ša?] ul-tu bi-rit ADDA.MEŠ |
| ix 35''35'' | [BAD₅].⸢BAD₅?⸣ KUR.ELAM.MA.KI in-nab-tu |
| ix 36''36'' | [a-na] šu-zu-ub ZI-tì-šú-un |
| ix 37''37'' | [ina tukul]-ti AN.ŠÁR ù diš-tar |
| ix 38''38'' | [qa-a]-⸢ti⸣ ik-šu-us-su-nu-ti |
| ix 39''39'' | [a]-⸢na⸣ KUR aš-šur.KI ú-ra-a |
| ix 40''40'' | [áš]-⸢ḫu⸣-ṭa KUŠ-šú-un |
| ix 41''41'' | [UN].⸢MEŠ⸣ UNUG.KI NIBRU.KI UD.UD.AG.KI |
| ix 42''42'' | [KUR.É-m]⸢dak⸣-ku-ri KUR.É-ma-muk-ka-ni |
| ix 43''43'' | [...] (x) x-ti KUR aš-šur.KI i-ḫar-ra-ṣu |
| ix 44''44'' | ⸢i⸣-[ṭap]-⸢pu⸣-ú a-na KUR.ELAM.MA.KI |
| ix 45''45'' | ⸢it⸣-[ti] ⸢šal⸣-lat KUR.ELAM.MA.KI |
| ix 46''46'' | áš-⸢lu⸣-la a-na KUR aš-šur.KI |
| ix 47''47'' | e-⸢li UN⸣.MEŠ šá-a-tu-nu |
| ix 48''48'' | áš-⸢al⸣ uṣ-ṣi-iṣ |
| ix 49''49'' | ki-i ⸢ḫi-iṭ⸣-ṭi-šu-nu-ma |
| ix 50''50'' | a-nir-⸢šú⸣-[nu]-⸢ti⸣ ina GIŠ.TUKUL.MEŠ |
| ix 51''51'' | UN.MEŠ ⸢ù⸣ [šal]-la-at KUR.ELAM.MA.KI |
| ix 52''52'' | ša ina qí-[bit AN.ŠÁR] ⸢d⸣30 dUTU dEN dAG |
| ix 53''53'' | d15 ⸢ša⸣ [NINA].⸢KI⸣ dšar-rat-kid-mu-ri |
| ix 54''54'' | d15 ⸢ša⸣ [URU.LÍMMU-DINGIR.KI] dMAŠ u dU.GUR |
| ix 55''55'' | ⸢aḫ⸣-bu-[ta] ⸢re⸣-še-e-ti |
| ix 56''56'' | [a-na DINGIR.MEŠ-ia] ⸢áš⸣-ruk |
| ix 57''57'' | [ERIM.MEŠ GIŠ.PAN] GIŠ.a-ri-tu |
| ix 58''58'' | [...] ⸢ak⸣-ṣur |
| ix 59''59'' | [e-li ki-ṣir LUGAL-ti]-⸢ia⸣ ú-rad-di |
| ix 60''60'' | [si-it-tu-ti a-na] ⸢LÚ⸣.NAM.MEŠ-ia |
| ix 61''61'' | [LÚ.GAL.MEŠ-ia ma]-⸢ḫa⸣-za-ni-ia |
| ix 62''62'' | [...] x-ia |
| ix 63''63'' | [ki-ma ṣe-e-ni ú-za-ʾi-iz?] |
| ix 64''64'' | [mia-u-ta]-⸢aʾ⸣ DUMU mḫa-za-a-DINGIR |
| ix 65''65'' | [LUGAL KUR.qa-ad-ri] ⸢e⸣-piš ARAD-ti-ia |
| ix 66''66'' | ⸢áš⸣-[šú DINGIR.MEŠ-šú] im-ḫur-an-ni-ma |
| ix 67''67'' | ú-ṣal-⸢la⸣-[a] ⸢EN⸣-ú-ti |
| ix 68''68'' | MU DINGIR.MEŠ GAL.MEŠ ⸢ú-šá⸣-az-kír-šú-u-ma |
| ix 69''69'' | da-tar-sa-ma-⸢in⸣ [ú-ter]-⸢ma⸣ a-din-⸢šú⸣ |
| Column x | |
| x 1x 1 | ar-ka-nu ina a-de-⸢ia⸣ [iḫ-ṭi-ma] |
| x 22 | ṭa-ab-ti ⸢la⸣ [iṣ-ṣur-ma] |
| x 33 | iṣ-la-a GIŠ.⸢ŠUDUN⸣ [be-lu-ti-ia] |
| x 44 | a-na šá-ʾa-al ⸢šul⸣-[mì-ia] |
| x 55 | GÌR.II-šú ip-[ru-us-ma] |
| x 66 | ik-la-a [ta-mar-ti] |
| x 77 | UN.MEŠ KUR.a-ri-bi it-[ti-šú] |
| x 88 | ú-šá-⸢bal⸣-kit-[ma] iḫ-ta-nab-ba-tú |
| x 99 | ḫu-bu-⸢ut⸣ [KUR MAR.TU.KI] |
| x 1010 | ERIM.ḪI.A-ia šá ina mi-⸢ṣir⸣ [KUR-šú áš-bu] |
| x 1111 | ú-ma-ʾe-e-⸢ra⸣ [ṣe-ru-uš-šú] |
| x 1212 | BAD₅.BAD₅-šú-[nu iš-ku-nu] |
| x 1313 | UN.MEŠ KUR.a-ri-bi ⸢ma⸣-[la it-bu-u-ni] |
| x 1414 | ú-ra-si-bu [ina GIŠ.TUKUL.MEŠ] |
| x 1515 | É EDIN kul-ta-⸢ri⸣ [mu-šá-bi-šú-nu] |
| x 1616 | IZI ú-šá-ḫi-zu ip-[qí-du a-na dGIŠ.BAR] |
| x 1717 | GU₄.MEŠ ⸢ṣe⸣-e-ni [ANŠE.MEŠ ANŠE.GAM.MAL.MEŠ] |
| x 1818 | [a-me-lu-tu iš-lu-lu-u-ni ina la mì-ni] |
| x 1919 | [se-ḫe-ep KUR ka-la-mu a-na si-ḫir-ti-šú] |
| x 2020 | [un-da-al-lu-u a-na paṭ gim-ri-šá] |
| x 2121 | [ANŠE].⸢GAM⸣.MAL.⸢MEŠ ki⸣-[ma ṣe-e-ni] |
| x 2222 | ⸢ú⸣-par-ri-is [ú-za-ʾi-iz] |
| x 2323 | [a]-⸢na⸣ UN.MEŠ [KUR aš-šur.KI] |
| x 2424 | [qa-bal]-ti KUR-ia [ANŠE.GAM.MAL] |
| x 2525 | [ina] ⸢GÍN⸣ ina 1/2 ⸢GÍN⸣ [kas-pi] |
| x 2626 | [i-šam]-⸢mu⸣ [ina KÁ ma-ḫi-ri] |
| x 2727 | [MUNUS.áš-tam]-⸢mu⸣ [ina ni-id-ni LÚ.LÚNGA ina DUG.ḫa-bé-e] |
| Lacuna | |
| x 1'1' | [mia-u-ta-aʾ ma-ru-uš-tú im]-⸢ḫur-šu-ma⸣ |
| x 2'2' | [e-diš-ši-šú in-na-bit a-na KUR.na]-⸢ba⸣-a-a-ti |
| x 3'3' | ma-⸢bi⸣-[ia-te-eʾ DUMU] ⸢m⸣te-eʾ-ri |
| x 4'4' | a-na ⸢NINA⸣.[KI il]-⸢li⸣-kam-ma |
| x 5'5' | ú-na-⸢áš⸣-[šiq] ⸢GÌR⸣.II-ia |
| x 6'6' | a-de-e [a-na e-peš] ⸢ARAD⸣-ti-ia |
| x 7'7' | it-ti-šú ⸢áš⸣-kun |
| x 8'8' | ku-um mia-u-⸢ta⸣-[aʾ áš]-kun-šú a-na LUGAL-u-ti |
| x 9'9' | KÙ.GI NA₄.IGI.II.⸢MEŠ⸣ [NA₄.BABBAR.DILI] gu-uḫ-lu |
| x 10'10' | ANŠE.GAM.MAL.MEŠ [ANŠE.MEŠ] bit-ru-ú-ti |
| x 11'11' | man-da-at-⸢tú⸣ [šat]-⸢ti⸣-šam-ma |
| x 12'12' | ú-kin ⸢EDIN⸣-uš-šú |
| x 13'13' | mam-mu-la-⸢di-in LUGAL KUR⸣.qa-ad-ri |
| x 14'14' | ša it-ti KUR ⸢aš-šur⸣.KI ⸢ik-ki-ru⸣ |
| x 15'15' | iḫ-ta-nab-ba-tú ḫu-bu-ut KUR MAR.TU.KI |
| x 16'16' | ina zi-⸢kir MU-ia šá⸣ AN.ŠÁR d30 dUTU |
| x 17'17' | d⸢EN d⸣[AG] d15 ša NINA.KI |
| x 18'18' | d⸢šar⸣-[rat-kid-mu]-ri d15 ša URU.LÍMMU-DINGIR |
| x 19'19' | d⸢MAŠ⸣ [dnusku?] dU.GUR ú-šar-bu-u |
| x 20'20' | ⸢mka⸣-[ma-as-ḫal-ta]-⸢a⸣ MAN KUR.ma-ʾa-a-ba |
| x 21'21' | [ARAD da-gíl] pa-ni-ia |
| x 22'22' | [ina MÈ iš]-⸢ku⸣-nu BAD₅.BAD₅-šú |
| x 23'23' | [mam-mu-la-di si]-it-ti UN.MEŠ-šú |
| x 24'24' | [ša la-pa-an da-a-ki] ⸢i⸣-še-tu-ú-ni |
| x 25'25' | [ú-ṣab-bit ina ŠU.II] ⸢ŠU⸣.II u GÌR.II |
| x 26'26' | [bi-re-tú AN.BAR id-di-ma a]-⸢na⸣ NINA.KI |
| x 27'27' | [a-di maḫ-ri-ia ú-še]-bi-la |
| x 28'28' | [mna-at-nu LUGAL KUR.na-ba]-⸢a⸣-a-ti |
| x 29'29' | [ša a-šar-šú ru]-⸢ú-qu⸣ |
| x 30'30' | [iš-ma-a da-na-an AN.ŠÁR u] dAMAR.UTU |
| x 31'31' | [ša ú-tak-kil-ú]-in-ni |
| x 32'32' | [ša ma-ti-ma a-na] ⸢LUGAL⸣.<MEŠ> AD.MEŠ-ia |
| x 33'33' | [LÚ.A KIN-šú la] iš-pu-ra |
| x 34'34' | [la iš-ʾa-a-lu₄ šu]-lum LUGAL-ti-ia |
| x 35'35' | [ul-tu mia-u-ta]-⸢aʾ⸣ LUGAL KUR.a-ri-bi |
| x 36'36' | [ARAD da-gíl] pa-ni-ia |
| x 37'37' | a-na KUR.na-ba-a-a-ti in-nab-tu-ma |
| x 38'38' | il-li-ku ⸢ma⸣-ḫar mna-at-nu |
| x 39'39' | mna-at-nu a-na mia-u-ta-aʾ ki-a-am iq-bi-šú |
| x 40'40' | um-ma a-na-ku ⸢la⸣ ŠU.II KUR aš-šur.KI |
| x 41'41' | ul-te-zi-⸢i⸣-bi |
| x 42'42' | ù at-ta taš-kun-an-ni ⸢a-na⸣ dan-nu-ti-ka |
| x 43'43' | mna-at-nu ip-làḫ-ma ir-⸢šá-a na⸣-kut-tu |
| x 44'44' | LÚ.A KIN.MEŠ-šú a-na šá-ʾa-al šul-⸢mì⸣-ia |
| x 45'45' | iš-pur-am-ma ú-na-áš-ši-qa GÌR.II-ia |
| x 46'46' | a-na šá-kan a-de-e su-lum-me-e |
| x 47'47' | e-peš ARAD-ti-ia |
| x 48'48' | ú-ṣa-na-al-la-a be-lu-u-ti |
| x 49'49' | a-na-ku ḫa-diš ap-pa-lis-šu-ma |
| x 50'50' | pa-ni-ia SIG₅.MEŠ UGU-šú áš-kun |
| x 51'51' | GUN man-da-at-tu šat-ti-šam-ma |
| x 52'52' | ú-kin ṣe-ru-uš-šú |
| x 53'53' | [ina] u₄-me-šú-ma É dAG ša qé-reb URU.kàl-ḫa |
| x 54'54' | ⸢ša⸣ mdIŠKUR-ERIM.TÁḪ DUMU mšam-ši-dIŠKUR MAN KUR aš-šur.KI |
| x 55'55' | LUGAL pa-ni maḫ-ri-ia e-pu-šú |
| x 56'56' | il-li-ka la-ba-riš |
| x 57'57' | an-ḫu-us-su ad-ke-e-ma |
| x 58'58' | ina KAŠ.SAG u GEŠTIN.MEŠ ab-lu-la ka-lak-ku |
| x 59'59' | za-⸢bil⸣ tup-šik-ki ina me-lu-li il-bi-nu li-bit-tú |
| x 60'60' | ina za-⸢ma⸣-ri ḪÚL.MEŠ u ri-šá-a-ti |
| x 61'61' | ul-tu UŠ₈-šú a-di GABA.DIB-šú |
| x 62'62' | ar-ṣip ú-šak-lil |
| x 63'63' | GIŠ.ÙR.MEŠ GIŠ.EREN MAḪ.MEŠ ú-šat-ri-ṣa UGU-šú |
| x 64'64' | [x x x (x)] ⸢us⸣-si-ma gi-mir pa-áš-qí-šú |
| x 65'65' | MU.SAR-ú ši-ṭir MU-ia |
| x 66'66' | ta-nit-ti qar-ra-du-ti-ia |
| x 67'67' | ša ina tukul-ti AN.ŠÁR d30 dUTU |
| x 68'68' | dEN u dAG d15 ša NINA.KI |
| x 69'69' | d15 ša URU.LÍMMU-DINGIR dMAŠ dnusku dU.GUR |
| x 70'70' | ina KUR.KUR at-tal-la-ku |
| x 71'71' | áš-ku-nu da-na-nu u li-i-tú |
| x 72'72' | áš-ṭur-ma e-zi-ba aḫ-ra-taš |
| x 73'73' | a-na EGIR u₄-me ina LUGAL.MEŠ DUMU.MEŠ-ia |
| x 74'74' | ša AN.ŠÁR ⸢ù⸣ [d]⸢15?⸣ |
| x 75'75' | a-na be-lut KUR u UN.MEŠ i-nam-bu-⸢ú⸣ zi-kir-šú |
| x 76'76' | MU.SAR ši-ṭir MU-ia li-mur-ma |
| x 77'77' | Ì.GIŠ lip-šú-uš UDU.⸢SISKUR⸣ liq-qí |
| x 78'78' | it-ti MU.SAR-e ši-ṭir MU-šú liš-kun |
| x 79'79' | DINGIR.MEŠ GAL.MEŠ ma-⸢la⸣ [ina MU.SAR]-⸢e⸣ |
| x 80'80' | an-né-e šaṭ-ru |
| x 81'81' | ki-i ia-a-ti-ma ⸢liš⸣-[ru-ku-šú] |
| x 82'82' | da-na-nu u li-i-tú |
| x 83'83' | ša MU.SAR-ú ši-⸢ṭir⸣ MU-ia |
| x 84'84' | šu-me mAN.ŠÁR-PAP-AŠ AD-ia |
| x 85'85' | ù md30-PAP.MEŠ-SU AD ⸢AD⸣-ia ib-ba-tú |
| x 86'86' | [it-ti MU.SAR-e-šú la i]-⸢šak⸣-ka-nu |
| x 87'87' | DINGIR.MEŠ GAL.MEŠ a-ši-⸢bu-ut⸣ AN-[e u] KI-tim |
| x 88'88' | ag-giš ⸢li-ru⸣-[ru-šú] |
| x 89'89' | LUGAL-us-⸢su⸣ lis-ki-pu |
| x 90'90' | MU-šú NUMUN-⸢šú⸣ ina KUR li-⸢ḫal⸣-[li]-qu |
| x 91'91' | [ITI.x (x x)] ⸢UD⸣.25.KÁM lim-mu mdAG-⸢AŠ⸣-[PAP] |
| x 92'92' | ⸢LÚ⸣.x x URU.kar-mdsál-ma-nu-⸢MAŠ⸣ |