Ashurbanipal 006
| Obverse | |
| Column i | |
| ii | Lacuna |
| i 1'1' | [kul-lat ṭup-šar-ru-ti] ⸢ú⸣-[šá-ḫi-zu ka-ra-ši] |
| i 2'2' | e-[li LUGAL].⸢MEŠ⸣ a-šib ⸢pa-rak⸣-[ki] |
| i 3'3' | zi-[kir MU]-⸢ia⸣ ú-šar-ri-⸢ḫu⸣ |
| i 4'4' | ú-⸢šar⸣-[bu]-⸢ú⸣ EN-ú-ti |
| i 5'5' | eš-re-⸢e⸣-[ti] ⸢KUR⸣ aš-šur.KI KUR URI.KI |
| i 6'6' | ša mAN.⸢ŠÁR-PAP⸣-[AŠ] LUGAL KUR aš-šur.KI AD ba-ni-ia |
| i 7'7' | tem-me-en-šú-⸢un id⸣-du-ú |
| i 8'8' | la ig-mu-ru ši-pir-šú-un |
| i 9'9' | e-nen-na a-na-ku ina qí-bit DINGIR.MEŠ GAL.MEŠ EN.MEŠ-ia |
| i 10'10' | ag-mu-ra ši-pir-šun |
| i 11'11' | é-ḫur-sag-gal-kur-⸢kur⸣-ra É AN.ŠÁR |
| i 12'12' | EN-ia ú-šak-lil |
| i 13'13' | É.GAR₈.MEŠ-⸢šú ú⸣-šal-bi-šá KÙ.GI KÙ.BABBAR |
| i 14'14' | GIŠ.tim-me MAḪ.⸢MEŠ⸣ me-ser KÙ.BABBAR ú-rak-kis |
| i 15'15' | ina KÁ ḫi-ṣib KUR.KUR az-qu-up |
| i 16'16' | AN.ŠÁR ina é-ḫur-sag-gu-la ú-še-rib-ma |
| i 17'17' | ú-šar-ma-a pa-rak da-ra-a-ti |
| i 18'18' | é-sag-íl É.GAL DINGIR.MEŠ e-pu-uš |
| i 19'19' | ú-šak-li-⸢la⸣ GIŠ.ḪUR.MEŠ-šú |
| i 20'20' | ⸢dEN⸣ dGAŠAN-MU ⸢d⸣[be-let]-KÁ.DINGIR.RA.KI |
| i 21'21' | dé-a dDI.KU₅ |
| i 22'22' | ul-tu qé-reb é-šár-ra ú-bil |
| i 23'23' | ú-še-rib qé-reb šu-an-na.KI |
| i 24'24' | BÁRA.MAḪ-ḫu šu-bat DINGIR-ti-šú ṣir-ti |
| i 25'25' | 50 GUN za-ḫa-lu-ú eb-bu [a-na] ⸢a⸣-gúr-ri ap-ti-iq-ma |
| i 26'26' | ú-rab-ba-a EDIN-uš-šú |
| i 27'27' | ú-še-piš-ma GIŠ.er-me a-nu GIŠ.MES.MÁ.KAN.NA |
| i 28'28' | iṣ-ṣi ⸢da-re-e⸣ šá šit-nu-nu šá-ma-me-eš |
| i 29'29' | ⸢34⸣ [GUN 20] ⸢MA⸣.NA KÙ.GI ḪUŠ.A |
| i 30'30' | [kip-pat]-⸢su ú-šal⸣-biš ú-dan-ni-na rik-se-e-šú |
| i 31'31' | ⸢e⸣-li dAMAR.UTU EN GAL-e ṣu-lul-šú |
| i 32'32' | at-ru-uṣ-ma ú-kin ta-ra-an-šú |
| i 33'33' | GIŠ.GIGIR ṣir-tu ru-kub dAMAR.UTU |
| i 34'34' | e-tel-li DINGIR.MEŠ EN EN.EN |
| i 35'35' | ina KÙ.GI KÙ.BABBAR NA₄.⸢MEŠ⸣ ni-siq-ti ag-mu-ra nab-nit-sa |
| i 36'36' | a-na dAMAR.UTU LUGAL kiš-šat AN-e u KI-tim |
| i 37'37' | sa-pi-in LÚ.KÚR.MEŠ-ia a-na ši-rik-ti áš-ruk |
| i 38'38' | GIŠ.NÁ GIŠ.MES.MÁ.KAN.NA iṣ-ṣi da-re-e |
| i 39'39' | ša pa-šal-lu lit-bu-šat NA₄.MEŠ ni-siq-ti za-aʾ-nat |
| i 40'40' | ⸢a⸣-[na ma-a-a]-⸢al tak-né⸣-e dEN u dGAŠAN-MU |
| i 41'41' | [šá-kan ḫa-šá-di e]-peš ru-ʾa-a-me nak-liš e-pu-uš |
| i 42'42' | [ina ká-ḫi-li]-⸢sù⸣ maš-tak dzar-pa-ni-tum |
| i 43'43' | [ša ku-uz]-⸢bu⸣ sa-al-ḫu ad-di |
| i 44'44' | [4 AM].⸢MEŠ KÙ.BABBAR⸣ ek-du-ú-ti |
| i 45'45' | [na]-⸢ṣi⸣-ru ki-bi-is LUGAL-ti-ia |
| i 46'46' | ⸢ina⸣ KÁ ṣi-it dUTU-ši u KÁ dLAMMA-RA.BI |
| i 47'47' | ina KÁ é-zi-da šá qé-reb bár-sipa.KI ul-ziz |
| i 48'48' | é-maš-maš é-gašan-kalam-ma KÙ.BABBAR KÙ.GI ú-za-ʾi-in |
| i 49'49' | lu-le-e ú-mal-li |
| i 50'50' | dšar-rat-kid-mu-ri šá ina ug-gat lìb-bi-šá |
| i 51'51' | at-man-šá e-zi-bu ú-⸢ši-bu⸣ a-šar la si-ma-ti-šá |
| i 52'52' | ina BALA-ia [dam-qí] |
| i 53'53' | ša AN.ŠÁR iš-ru-ka tar-šá-a sa-li-mu |
| i 54'54' | a-na šuk-lul DINGIR-ti-šá ṣir-ti |
| i 55'55' | šur-ru-ḫi mi-se-⸢e⸣-šá šu-qu-ru-u-ti |
| i 56'56' | [ina] ⸢MÁŠ.GI₆ ši-pir⸣ [maḫ-ḫe]-⸢e⸣ iš-ta-nap-pa-ra ka-a-a-na |
| i 57'57' | [dUTU dIŠKUR áš-al-ma e]-pu-lu-in-ni an-nu ke-e-nu |
| i 58'58' | [si-mat DINGIR-ti-šá GAL]-⸢ti⸣ ú-šar-ri-iḫ |
| i 59'59' | [ú-še-šib-ši ina BÁRA.MAḪ šu]-⸢bat⸣ da-ra-a-ti |
| i 60'60' | [par-ṣe-e-šá šu-qu-ru-ti] ú-kin-ma |
| i 61'61' | [ú-šal-li-ma mi-se]-⸢e⸣-šá |
| i 62'62' | [dIM.DUGUD.MUŠEN.MEŠ GIŠ.šu-ri]-⸢in⸣-ni |
| i 63'63' | [a-na TI.LA ZI].⸢MEŠ⸣-ia |
| i 64'64' | [ina KÁ é-galam-mes É dU.GUR ša URU.tar-bi-ṣi az]-⸢qu-up⸣ |
| i 65'65' | [a-di a-di-ni a-bi la im-ma-al-la]-⸢du⸣ |
| i 66'66' | [um-mì a-lit-ti la ba-na-a-ta ina lìb-bi AMA-šá] |
| i 67'67' | ⸢a⸣-[na e-peš é-ḫúl-ḫúl iz-kur ni-bit MU-ia] |
| i 68'68' | d[30 šá ib-na-an-ni a-na LUGAL-u-ti] |
| i 69'69' | um-⸢ma⸣ [mAN.ŠÁR-DÙ-A É.KUR šú-a-tú ip-pu-uš-ma] |
| i 70'70' | qé-⸢reb⸣-[šú ú-šar-man-ni pa-rak da-ra-a-ti] |
| i 71'71' | a-mat ⸢d⸣[30 šá ul-tu UD.MEŠ ru-qu-ti iq-bu-u] |
| i 72'72' | e-⸢nen⸣-[na ú-kal-lim UN.MEŠ ar-ku-u-ti] |
| i 73'73' | É ⸢d⸣[30 šá mdsál-ma-nu-MAŠ A maš-šur-PAP-IBILA] |
| i 74'74' | ⸢LUGAL⸣ [pa-ni] ⸢maḫ⸣-ri-⸢ia⸣ [e-pu-šu] |
| i 75'75' | la-⸢ba-riš⸣ ú-šá-lik-ma ú-šad-⸢gi⸣-[la pa-nu-u-a] |
| i 76'76' | É.[KUR] šu-a-tú šá la-ba-riš ⸢il⸣-[li-ku] |
| i 77'77' | [ina a]-⸢mat⸣ d30 dnusku an-ḫu-us-⸢su ad-ke⸣ |
| i 78'78' | [e]-⸢li⸣ ša u₄-me pa-ni šu-bat-su ú-rap-piš |
| i 79'79' | [ul]-tu UŠ₈-šú a-di gaba-dib-bi-šú ar-ṣip ú-šak-lil |
| i 80'80' | [é]-⸢me⸣-lám-an-na É dnusku SUKKAL MAḪ |
| i 81'81' | [ša] LUGAL pa-ni maḫ-ri-ia e-pu-šú |
| i 82'82' | [ab]-na-a qé-reb-šú |
| i 83'83' | [GIŠ].⸢ÙR⸣.MEŠ GIŠ.EREN MAḪ.MEŠ ú-šat-ri-ṣa UGU-šú-un |
| i 84'84' | [GIŠ].IG.MEŠ GIŠ.li-ia-a-ri me-ser KÙ.BABBAR |
| i 85'85' | ⸢ú⸣-rak-kis ú-rat-ta-a KÁ.MEŠ-šú-un |
| i 86'86' | ⸢2 AM⸣.MEŠ KÙ.BABBAR mu-nak-ki-pu ga-re-ia |
| i 87'87' | ina at-⸢man d⸣30 EN-ia ul-ziz |
| i 88'88' | 2 dlàḫ-⸢me eš-ma-re-e šá ti-iṣ-bu-tú GIŠ.šu-ri-in-ni⸣ |
| i 89'89' | mu-šal-li-mu kib-si LUGAL-⸢ti⸣-[ia] |
| i 90'90' | mu-še-ri-bu ḫi-ṣib šad-de-e u tam-⸢tim⸣ |
| i 91'91' | ina KÁ é-ḫúl-ḫúl ul-[ziz] |
| i 92'92' | ŠU.II d30 dnusku aṣ-bat ú-še-rib ú-še-⸢šib⸣ |
| i 93'93' | ina pa-rak da-ra-a-ti |
| i 94'94' | eš-re-e-ti KUR aš-šur.KI u KUR URI.KI |
| i 95'95' | a-na si-ḫir-ti-ši-na ú-šak-lil |
| i 96'96' | [mim-ma] ⸢si⸣-mat É.KUR ma-la ba-šú-u šá KÙ.BABBAR KÙ.GI e-pu-uš |
| i 97'97' | [e-li] ⸢ša LUGAL.MEŠ⸣ AD.MEŠ-ia ú-rad-di |
| i 98'98' | [DINGIR.MEŠ GAL.MEŠ] ti-ik-⸢le-ia⸣ |
| Lacuna | |
| i 1''1'' | ⸢SI.SÁ BURU₁₄⸣ [na-pa-áš dnisaba] |
| i 2''2'' | ka-a-a-⸢an⸣ [ú-šaḫ-na-bu gi-pa-ru] |
| i 3''3'' | ṣip-pa-a-ti šu-⸢um⸣-[mu-ḫa in-bu MÁŠ.ANŠE šu-te-šur ina ta-lit-ti] |
| i 4''4'' | ina BALA.MEŠ-ia ḪÉ.⸢NUN⸣ [ṭuḫ-du ina MU.AN.NA.MEŠ-ia ku-um-mu-ru ḪÉ.GÁL-lum] |
| i 5''5'' | ⸢12⸣ ANŠE ŠE.PAD.MEŠ ⸢3⸣ [ANŠE GEŠTIN.MEŠ BANMIN Ì.MEŠ GUN SÍG.MEŠ] |
| i 6''6'' | [ina] ⸢nap⸣-ḫar KUR-ia KI.⸢LAM⸣ [nap-šú i-šam-mu ina 1 GÍN kas-pi] |
| i 7''7'' | [šat]-⸢ti⸣-šam-ma [ina ṭuḫ-di u me-šá-ri] |
| i 8''8'' | [ar-te]-⸢ʾa ba⸣-[ʾu-ú-lat dEN.LÍL] |
| i 9''9'' | [DINGIR.MEŠ] ⸢GAL⸣.MEŠ [šá ap-tal-la-ḫu DINGIR-us-su-un] |
| Lacuna | |
| Column ii | |
| iiii | Lacuna |
| ii 1'1' | ⸢ú⸣-[na-áš-šá-qu GÌR.II-ia] |
| ii 2'2' | mal-⸢ki⸣ [GAL.MEŠ šá ṣi-taš u ši-la-an] |
| ii 3'3' | a-na kit-⸢ri⸣-[šu-nu ú-pa-qu-u-ni] |
| ii 4'4' | i-na maḫ-⸢re⸣-[e ger-ri-ia] |
| ii 5'5' | a-na KUR.má-kan [u KUR.me-luḫ-ḫa lu-u al-lik] |
| ii 6'6' | mtar-qu-u MAN KUR.⸢mu⸣-[ṣur u KUR.ku-u-si] |
| ii 7'7' | ša mAN.ŠÁR-PAP-AŠ MAN KUR ⸢AN⸣.[ŠÁR.KI AD ba-nu-u-a] |
| ii 8'8' | BAD₅.BAD₅-šú iš-ku-nu i-[be-lu KUR-su] |
| ii 9'9' | da-na-an AN.ŠÁR u ⸢d⸣[15 DINGIR.MEŠ GAL.MEŠ] EN.MEŠ-ia [im-ši-ma] |
| ii 10'10' | it-ta-kil a-na e-⸢muq⸣ ra-[ma-ni-šú] |
| ii 11'11' | e-li LUGAL.MEŠ LÚ.qe-⸢pa⸣-[a-ni] |
| ii 12'12' | ša qé-reb KUR.mu-⸢ṣur⸣ ú-pa-qí-du AD ⸢ba⸣-[nu-u-a] |
| ii 13'13' | a-na da-⸢a-ki⸣ ḫa-ba-a-te u e-kem KUR.mu-[ṣur] |
| ii 14'14' | il-li-ka EDIN-uš-⸢šú⸣-[un] |
| ii 15'15' | e-ru-um-ma ú-šib qé-reb URU.me-em-[pi] |
| ii 16'16' | URU ša AD ba-nu-u-a ik-šu-⸢du⸣ |
| ii 17'17' | a-na mi-ṣir KUR-šú ú-ter-ru |
| ii 18'18' | al-la-ku ḫa-an-ṭu qé-reb NINA.KI il-lik-am-ma |
| ii 19'19' | ú-šá-an-na-a ia-a-ti |
| ii 20'20' | UGU ep-še-e-ti an-na-a-ti |
| ii 21'21' | ⸢lìb⸣-bi i-gug-ma iṣ-ṣa-ru-uḫ ka-bat-ti |
| ii 22'22' | ⸢ad⸣-ke-e-ma LÚ.e-mu-qi-ia ṣi-ra-a-ti |
| ii 23'23' | ⸢ša⸣ AN.ŠÁR u d15 ú-mal-lu-u qa-a-tu-u-a |
| ii 24'24' | a-na KUR.mu-ṣur u KUR.ku-u-si uš-te-še-ra ḫar-ra-nu |
| ii 25'25' | ina me-ti-iq ger-ri-ia |
| ii 26'26' | mba-ʾa-lu LUGAL KUR.ṣur-ri |
| ii 27'27' | mmi-in-se-e LUGAL KUR.ia-ú-di |
| ii 28'28' | mqa-uš-gab-ri LUGAL KUR.ú-du-me |
| ii 29'29' | mmu-ṣur-i LUGAL KUR.ma-ʾa-ba |
| ii 30'30' | mGISSU-EN LUGAL KUR.ḫa-zi-ti |
| ii 31'31' | mmi-ti-in-ti LUGAL KUR.is-qa-lu-na |
| ii 32'32' | mi-ka-ú-su LUGAL KUR.am-qar-u-na |
| ii 33'33' | mmil-ki-a-šá-pa LUGAL KUR.gu-ub-li |
| ii 34'34' | mia-ki-in-lu-ú LUGAL KUR.ar-ú-a-da |
| ii 35'35' | ma-bi-ba-aʾ-al LUGAL KUR.sa-am-si-mu-ru-na |
| ii 36'36' | mam-mi-na-ad-bi LUGAL KUR.É-am-ma-na |
| ii 37'37' | mPAP-mil-ki LUGAL KUR.as-du-di |
| ii 38'38' | me-ki-iš-tu-ra LUGAL KUR.e-di-iʾ-li |
| ii 39'39' | mpi-la-a-gu-ra-a LUGAL KUR.ki-it-ru-si |
| ii 40'40' | mki-i-su LUGAL KUR.si-lu-u-a |
| ii 41'41' | mi-tu-u-an-da-ar LUGAL KUR.pa-ap-pa |
| ii 42'42' | me-re-su LUGAL KUR.si-il-lu |
| ii 43'43' | mda-ma-su LUGAL KUR.ku-ri-i |
| ii 44'44' | mád-me-su LUGAL KUR.ta-me-su |
| ii 45'45' | mda-mu-u-su LUGAL KUR.qar-ti-ḫa-da-as-ti |
| ii 46'46' | mú-na-sa-gu-su LUGAL KUR.li-di-ir |
| ii 47'47' | mbu-ṣu-su LUGAL KUR.nu-re-e |
| ii 48'48' | ŠU.NIGIN 22 LUGAL.MEŠ ša a-ḫi tam-tim |
| ii 49'49' | ⸢MURUB₄⸣ tam-tim ù na-ba-li |
| ii 50'50' | ⸢ARAD⸣.MEŠ da-gíl pa-ni-ia |
| ii 51'51' | [ta]-⸢mar⸣-ta-šú-nu ka-bit-tu |
| ii 52'52' | [ina IGI-ia] ⸢iš⸣-šu-nim-ma ú-na-ši-qu GÌR.II-⸢ia⸣ |
| ii 53'53' | [LUGAL.MEŠ šá]-⸢a?-tu⸣-nu ⸢a-di⸣ e-⸢mu-qi-šú-nu⸣ |
| ii 54'54' | [GIŠ.MÁ].⸢MEŠ⸣-šú-nu ina ⸢tam-tim⸣ [u na-ba-li] |
| ii 55'55' | [it-ti] ⸢ERIM.ḪI⸣.A-ia ur-⸢ḫu⸣ pa-da-nu ⸢ú⸣-[šá-aṣ-bit]-⸢su⸣-nu-⸢ti⸣ |
| ii 56'56' | [a-na na]-⸢ra⸣-ru-ti ḫa-mat šá LUGAL.MEŠ ⸢LÚ⸣.qé-pa-a-ni |
| ii 57'57' | [ša qé-reb KUR].mu-ṣur ARAD.MEŠ da-gíl pa-ni-ia |
| ii 58'58' | [ur-ru-ḫi]-⸢iš⸣ ar-[de]-⸢e⸣-ma |
| ii 59'59' | al-lik a-di URU.kar-dDÙ-ti |
| ii 60'60' | [m]⸢tar⸣-qu-u MAN KUR.mu-ṣur u KUR.ku-u-si |
| ii 61'61' | ⸢qé⸣-reb URU.me-em-pi a-⸢lak⸣ ger-ri-ia iš-me-ma |
| ii 62'62' | ⸢a⸣-na e-peš MURUB₄ ⸢GIŠ⸣.TUKUL.MEŠ u MÈ |
| ii 63'63' | ⸢a⸣-na maḫ-ri-ia ⸢id⸣-[ka]-⸢a⸣ LÚ.ERIM.MEŠ MÈ-šú |
| ii 64'64' | [i-na] ⸢tu⸣-kul-ti AN.ŠÁR dEN ⸢ù⸣ d⸢AG⸣ [DINGIR].⸢MEŠ⸣ GAL.MEŠ EN.MEŠ-ia |
| ii 65'65' | [a]-⸢li⸣-kut [i]-⸢di?⸣-ia |
| ii 66'66' | [ina MÈ] ⸢EDIN rap⸣-[ši áš-ku-na] ⸢BAD₅⸣.BAD₅ ERIM.ḪI.A-šú |
| ii 67'67' | [mtar-qu-ú ina qé-reb] ⸢URU⸣.me-em-pi |
| ii 68'68' | [iš-ma-a taḫ-te-e] ⸢ERIM⸣.ḪI.A-šú |
| ii 69'69' | [nam-ri-ri AN.ŠÁR u] d15 |
| ii 70'70' | [is-ḫu-pu-šu-ma il-li]-⸢ka⸣ maḫ-ḫu-tíš |
| ii 71'71' | [me-lam-me MAN-ti-ia ik-tu]-⸢mu-šu⸣-ma |
| ii 72'72' | [šá ú-za-ʾi-i-nu-u-ni DINGIR.MEŠ šu]-⸢ut⸣ AN KI |
| ii 73'73' | [URU.me-em-pi] ⸢ú⸣-[maš-šir]-ma |
| ii 74'74' | ⸢a-na šu-zu⸣-ub ZI-tì-šú in-na-bit a-na qé-reb URU.ni-⸢iʾ⸣ |
| ii 75'75' | URU ⸢šu⸣-a-tú aṣ-bat ERIM.ḪI.A-ia ú-še-rib ú-še-šib ina lìb-bi |
| ii 76'76' | mni-⸢ku⸣-u LUGAL URU.me-em-pi ù URU.sa-a-a |
| ii 77'77' | m⸢LUGAL⸣-lu-dà-ri LUGAL URU.ṣi-iʾ-nu |
| ii 78'78' | mpi-[šá]-an-ḫu-ru LUGAL URU.na-at-ḫu-ú |
| ii 79'79' | m⸢pa-aq⸣-ru-ru LUGAL URU.šap-tú |
| ii 80'80' | m⸢ni?-ḫer?⸣-a-u LUGAL URU.ḫa-at-ḫi-ri-bi |
| ii 81'81' | m⸢na⸣-[aḫ-ke]-⸢e⸣ LUGAL URU.ḫi-ni-in-ši |
| ii 82'82' | ⸢LUGAL⸣.[MEŠ an-nu]-⸢ti⸣ LÚ.NAM.MEŠ LÚ.qe-pa-ni |
| ii 83'83' | ⸢ša⸣ [qé-reb KUR.mu-ṣur] ⸢ú⸣-pa-qí-du AD DÙ-u-a |
| ii 84'84' | ⸢ša⸣ [la-pa-an ti]-⸢bu⸣-ut mtar-qu-u |
| ii 85'85' | [pi-qit-ta-šú-un ú-maš-še]-⸢ru im⸣-[lu-ú] ⸢EDIN⸣ |
| Lacuna | |
| ii 1''1'' | ⸢pa⸣-[an GIŠ.ŠUDUN-ia ú-ter-ra-am-ma] |
| ii 2''2'' | ⸢šal?⸣-[meš a-tu-ra a-na KUR aš-šur.KI] |
| ii 3''3'' | ⸢EGIR⸣-[nu mni-ku-ú mLUGAL-lu-dà-ri mpa-aq-ru-ru] |
| ii 4''4'' | ina ⸢a⸣-[de-ia iḫ-ṭu-u la iṣ-ṣu-ru ma-mit DINGIR.MEŠ GAL.MEŠ] |
| ii 5''5'' | [ṭa-ab-ti im-šu-ma lìb-ba-šú-nu ik-pu-ud le-mut-tú] |
| ii 6''6'' | [da-bab sur-ra-a-ti id-bu-bu-ma] |
| ii 7''7'' | [mì]-⸢lik la ku⸣-[širi₄ im-li-ku ra-man-šú-un] |
| ii 8''8'' | [um-ma mtar]-⸢qu⸣-u ul-tú ⸢qé-reb KUR.mu⸣-[ṣur] |
| ii 9''9'' | [i-na-saḫ-ú-ma at]-tu-ni a-šá-ba-ni [mì-i-nu] |
| ii 10''10'' | [e]-⸢li mtar⸣-qu-u MAN KUR.ku-u-si |
| ii 11''11'' | [a]-⸢na⸣ šá-⸢kan⸣ [a-de-e] ⸢ù sa⸣-li-me |
| ii 12''12'' | ú-ma-ʾe-e-⸢ru LÚ.rak-bé⸣-šú-un |
| ii 13''13'' | [um]-⸢ma⸣ su-lum-mu-ú ina bi-⸢ri-ni⸣ liš-šá-kin-ma |
| ii 14''14'' | [ni]-⸢in-dag⸣-ga-ra a-ḫa-meš |
| ii 15''15'' | [KUR] ⸢a⸣-[ḫe-en-na-a] ⸢ni-zu⸣-uz-ma |
| ii 16''16'' | a-a ib-[ba-ši ina bi]-⸢ri⸣-[ni] šá-nu-um-ma be-lum |
| ii 17''17'' | ⸢a-na ERIM.ḪI⸣.A KUR AN.⸢ŠÁR.KI⸣ [e]-⸢muq⸣ EN-ti-ia |
| ii 18''18'' | [šá na-kas ZI-tim iš-te]-né-ʾu-u |
| ii 19''19'' | [a-mat ḪUL-tim LÚ.šu-ut SAG].⸢MEŠ⸣-ia a-ma-a-ti |
| Lacuna | |
| Column iii | |
| iiiiii | Lacuna |
| iii 1'1' | [al-lu KÙ.GI] ⸢si⸣-mat LUGAL-ti-šú ⸢áš-kun⸣-[šú] |
| iii 2'2' | [ḪAR.MEŠ KÙ].⸢GI⸣ ú-rak-ki-sa rit-ti-šú |
| iii 3'3' | [GÍR šib-bi] šá iḫ-zu-šú KÙ.GI |
| iii 4'4' | [ni-bit MU-ia ina] ⸢muḫ⸣-ḫi áš-ṭur-ma a-din-šú |
| iii 5'5' | [GIŠ.GIGIR.MEŠ ANŠE.KUR].⸢RA⸣.MEŠ ANŠE.KUNGA.MEŠ |
| iii 6'6' | [a-na ru-kub EN]-ti-šú a-qis-su |
| iii 7'7' | [LÚ.šu-ut SAG.MEŠ-ia] LÚ.NAM.MEŠ |
| iii 8'8' | [a-na kit-ri-šú it]-⸢ti⸣-šú áš-pur |
| iii 9'9' | [a-šar] ⸢AD⸣ [DÙ-u-a i]-⸢na⸣ URU.sa-a-a |
| iii 10'10' | [a-na LUGAL-ti ip]-⸢qí⸣-du-šú |
| iii 11'11' | a-na maš-kán-i-šú ⸢ú⸣-ter-šú |
| iii 12'12' | [ù] mdAG-še-zib-a-ni DUMU-šú |
| iii 13'13' | ina ⸢URU⸣.[ḫa-at-ḫa-ri]-⸢ba⸣ ap-qid |
| iii 14'14' | ⸢MUN⸣ SIG₅-tú ⸢UGU⸣ [šá AD] ba-ni-ia |
| iii 15'15' | ⸢ú?⸣-šá-tir-ma ⸢e-pu⸣-us-su |
| iii 16'16' | mtar-⸢qu⸣-u ⸢a-šar⸣ in-nab-tu |
| iii 17'17' | ra-šub-⸢bat GIŠ⸣.TUKUL AN.ŠÁR ⸢EN-ia⸣ is-ḫúp-šú-ma |
| iii 18'18' | [il-lik nam]-⸢mu⸣-ši-šu EGIR-⸢nu⸣ [mUR-da-ma-né-e] ⸢DUMU⸣ NIN₉-šú |
| iii 19'19' | ú-⸢šib⸣ [ina GIŠ.GU.ZA LUGAL]-⸢ti⸣-šu |
| iii 20'20' | URU.ni-iʾ [URU.ú-nu a-na dan-nu-ti-šú iš]-⸢kun⸣ |
| iii 21'21' | ú-paḫ-⸢ḫi⸣-[ir el-lat-su] |
| iii 22'22' | a-na mit-ḫu-⸢ṣi⸣ [ERIM.ḪI.A DUMU.MEŠ KUR aš-šur.KI] |
| iii 23'23' | ša qé-reb URU.me-[em-pi id-ka-a qa-bal-šú] |
| iii 24'24' | UN.MEŠ šá-a-⸢tu⸣-[nu e-si-ir-ma] |
| iii 25'25' | iṣ-ba-ta [mu-uṣ-ṣa-šú-un] |
| iii 26'26' | LÚ.DUMU šip-ri ḫa-an-[ṭu a-na NINA.KI] |
| iii 27'27' | il-lik-am-ma iq-ba-[a ia-a-ti] |
| iii 28'28' | áš-ni-ma a-na KUR.mu-ṣur [u KUR.ku-u-si] |
| iii 29'29' | uš-te-še-ra [ḫar-ra-nu] |
| iii 30'30' | mUR-da-ma-né-e a-lak [ger-ri-ia iš]-me-ma |
| iii 31'31' | ša ak-bu-su mi-ṣir [KUR.mu-ṣur] |
| iii 32'32' | URU.me-em-pi ú-maš-šir-ma a-na šu-zu-ub ⸢ZI⸣-[tì-šú] |
| iii 33'33' | ⸢in-na⸣-bit a-na qé-reb [URU.ni-iʾ] |
| iii 34'34' | LUGAL.MEŠ LÚ.NAM.MEŠ ⸢LÚ⸣.[qe-pa-a-ni] |
| iii 35'35' | ša qé-reb KUR.mu-ṣur [áš-ku-nu] |
| iii 36'36' | ina ir-ti-ia il-lik-u-nim-ma ú-na-áš-ši-[qu GÌR.II-ia] |
| iii 37'37' | EGIR mUR-da-ma-né-⸢e⸣ [ḫar-ra-nu aṣ-bat] |
| iii 38'38' | al-lik a-di URU.ni-iʾ ⸢URU dan⸣-[nu-ti-šú] |
| iii 39'39' | ti-ib MÈ-ia ⸢e-mur⸣-[ma] URU.ni-iʾ ú-maš-šir |
| iii 40'40' | in-na-bit a-na URU.⸢ki⸣-[ip]-ki-pi |
| iii 41'41' | URU šu-a-tú a-⸢na⸣ [si]-⸢ḫir⸣-ti-šú |
| iii 42'42' | ina tukul-ti AN.ŠÁR u d⸢15 ik⸣-šu-da ŠU.II-a-a |
| iii 43'43' | KÙ.BABBAR KÙ.GI ni-siq-ti NA₄.MEŠ |
| iii 44'44' | [NÍG.ŠU] ⸢É⸣.GAL-šú ma-la ba-šú-u |
| iii 45'45' | lu-bul-ti ⸢bir⸣-[me] GADA.MEŠ ANŠE.KUR.RA.MEŠ GAL.MEŠ |
| iii 46'46' | UN.MEŠ ⸢zík?⸣-ru ù sin-niš |
| iii 47'47' | 2 tim-me MAḪ.⸢MEŠ pi⸣-ti-iq za-ḫa-le-e eb-bi |
| iii 48'48' | ša 2 LIM 5 ⸢ME⸣ GUN KI.LÁ-šú-nu |
| iii 49'49' | [man-za-az] KÁ É.KUR |
| iii 50'50' | ul-tu man-zal-⸢ti⸣-šú-nu as-suḫ-ma |
| iii 51'51' | [al-qa-a a]-⸢na⸣ KUR aš-šur.KI |
| iii 52'52' | šal-la-tu ka-[bit]-⸢tu?⸣ ina la mì-ni áš-lu-la |
| iii 53'53' | [ul-tu qé-reb] ⸢URU⸣.ni-iʾ |
| iii 54'54' | ⸢e⸣-li ⸢KUR⸣.[mu-ṣur ù KUR].⸢ku-u⸣-si |
| iii 55'55' | ⸢GIŠ⸣.TUKUL.MEŠ-⸢ia⸣ [ú-šam-ri-ir-ma áš-ta-kan] ⸢li⸣-i-tu |
| iii 56'56' | it-⸢ti⸣ [ŠU.II ma-li-ti šal-meš a-tu]-⸢ra⸣ |
| iii 57'57' | a-⸢na⸣ [NINA.KI URU be-lu-ti-ia] |
| iii 58'58' | [ina šal-ši ger-ri-ia] |
| iii 59'59' | [UGU mba-ʾa]-⸢li LUGAL⸣ [KUR.ṣur-ri] |
| iii 60'60' | [a-šib MURUB₄ tam-tim] ⸢lu⸣-u ⸢al⸣-[lik] |
| iii 61'61' | [áš-šú a-mat LUGAL-u-ti-ia] ⸢la⸣ iṣ-ṣu-[ru] |
| iii 62'62' | [la iš-mu-ú zi]-⸢kir⸣ NUNDUM-⸢ia⸣ |
| iii 63'63' | [URU.ḪAL.ṢU.MEŠ e-li]-šú ú-rak-kis |
| iii 64'64' | [a-na la a-ṣe-e UN.MEŠ]-⸢šú ú⸣-dan-nin ma-ṣar-tuš |
| iii 65'65' | ina ⸢tam⸣-[tim u na-ba-li] ⸢ger⸣-re-ti-šú ú-ṣab-bit |
| iii 66'66' | a-⸢lak⸣-[ta-šú] ⸢ap⸣-ru-us |
| iii 67'67' | A.MEŠ ù [te-ʾu-ú-tu ba-laṭ] ZI-tì-šú-nu |
| iii 68'68' | a-na pi-i-šú-⸢nu ú⸣-šá-qí-ir |
| iii 69'69' | ina me-se-⸢ri⸣ [dan-ni] |
| iii 70'70' | šá la na-par-šu-di e-si-ir-šú-nu-ti |
| iii 71'71' | nap-šat-[su]-⸢nu ú⸣-si-iq ú-kar-ri |
| iii 72'72' | ⸢a?⸣-[na] GIŠ.ŠUDUN-ia ú-šak-ni-is-su-nu-ti |
| iii 73'73' | [DUMU.MUNUS] ṣi-it lìb-bi-šú u DUMU.MUNUS ŠEŠ.MEŠ-šú |
| iii 74'74' | [a-na] ⸢e⸣-peš MUNUS.AGRIG-ú-ti |
| iii 75'75' | [ú-bi]-la a-di maḫ-ri-ia |
| iii 76'76' | [DUMU-šú šá] ma-ti-ma ti-amtu la e-bi-ra |
| iii 77'77' | [iš-šá]-⸢a⸣ a-na e-peš ARAD-ti-ia |
| iii 78'78' | ⸢DUMU⸣.[MUNUS]-⸢su⸣ u DUMU.MUNUS ŠEŠ.MEŠ-šú |
| iii 79'79' | it-⸢ti⸣ [ter]-⸢ḫa⸣-ti ma-aʾ-as-si am-ḫur-šú |
| iii 80'80' | re-⸢e-mu⸣ ar-ši-šú-ma |
| iii 81'81' | DUMU ṣi-it ⸢lìb⸣-[bi-šú ú]-ter-ma a-din-šú |
| iii 82'82' | URU.ḪAL.ṢU.MEŠ šá ⸢UGU⸣ [mba]-⸢ʾa⸣-li |
| iii 83'83' | [LUGAL KUR.ṣur-ri] ú-rak-ki-su [ap]-⸢ṭur⸣ |
| iii 84'84' | ina tam-tim u na-⸢ba⸣-[li ger-re]-⸢ti⸣-šú |
| iii 85'85' | ma-la ú-ṣab-⸢bi⸣-[tu ap]-⸢ti⸣ |
| iii 86'86' | ma-da-ta-šú ⸢ka⸣-[bit-tú am-ḫur-šú] |
| iii 87'87' | pa-an GIŠ.ŠUDUN-⸢ia⸣ [ú-ter-ram-ma] |
| iii 88'88' | šal-meš a-tu-⸢ra a-na NINA.KI URU be-lu-ti-ia⸣ |
| iii 89'89' | ma-al-ki ⸢MURUB₄ tam⸣-tim u LUGAL.MEŠ |
| iii 90'90' | [a-ši-bu-ti] ⸢šad-de⸣-e šá-qu-ti |
| iii 91'91' | [da-na-an ep]-⸢še-ti⸣-ia an-na-a-ti |
| iii 92'92' | [e-mu-ru]-⸢ma⸣ ip-la-ḫu EN-u-ti |
| iii 93'93' | [mia-ki-in]-⸢lu-u⸣ LUGAL KUR.ar-ú-a-da |
| iii 94'94' | [mmu-gal-lu] LUGAL KUR.tab-a-la |
| iii 95'95' | [msa-an-di-šar-me] ⸢KUR.ḫi⸣-lak-ka-a-a |
| iii 96'96' | [ša a-na LUGAL.MEŠ AD.MEŠ-ia la] ⸢kan⸣-šú |
| iii 97'97' | [ik-nu-šú a-na GIŠ].⸢ŠUDUN⸣-ia |
| iii 98'98' | [DUMU.MUNUS.MEŠ ṣi-it lìb-bi-šú]-nu |
| iii 99'99' | [it-ti nu-dun-né-e ma-aʾ]-⸢di⸣ |
| iii 100'100' | [ù ter-ḫa-ti ma-aʾ-as-si] |
| iii 101'101' | [a-na e-peš MUNUS.AGRIG-ú-ti] |
| iii 102'102' | [a-na NINA.KI ú-bi-lu-nim-ma] |
| iii 103'103' | [ú-na-áš-ši-qu GÌR.II-ia] |
| iii 104'104' | [e-li mmu-gal-li ANŠE].⸢KUR⸣.RA.⸢MEŠ⸣ [GAL.MEŠ] |
| iii 105'105' | [ma-da-at-tú šat-ti-šam]-⸢ma⸣ ú-kin ⸢EDIN-uš⸣-[šú] |
| iii 106'106' | [ul-tu mia-ki-in-lu-u] ⸢LUGAL⸣ KUR.a-ru-ad-da |
| iii 107'107' | [il-li-ku a-na šim-ti] ma-zi-ba-⸢al⸣ |
| iii 108'108' | [ma-bi-ba-aʾ-al ma]-⸢du⸣-ni-ba-aʾ-[al] |
| iii 109'109' | [DUMU.MEŠ mia-ki-in-lu-u] ⸢a⸣-šib MURUB₄ ⸢tam⸣-[tim] |
| iii 110'110' | [ul-tu MURUB₄ tam-tim] ⸢e⸣-lu-⸢nim⸣-[ma] |
| iii 111'111' | [it-ti ta-mar-ti-šú-nu] ka-bit-⸢tu⸣ |
| iii 112'112' | [il-lik-ú-nim-ma ú-na-áš]-⸢ši⸣-qu ⸢GÌR⸣.II-ia |
| iii 113'113' | [ma-zi-ba-aʾ-al ḫa-diš] ⸢ap⸣-pa-lis-ma |
| iii 114'114' | [a-na LUGAL-ú-ti KUR.a-ru-ad]-⸢da⸣ áš-kun |
| iii 115'115' | [ma-bi-ba-aʾ-al ma-du]-⸢ni⸣-ba-⸢aʾ⸣-al |
| Column iv | |
| iv 1iv 1 | [...] x x x x [(x)] |
| Lacuna | |
| iv 1'1' | [LÚ.gi-mir-a-a LÚ.KÚR ek]-⸢ṣu⸣ |
| iv 2'2' | ⸢ša la ip-tal⸣-[la-ḫu AD.MEŠ]-⸢ia⸣ |
| iv 3'3' | ù ia-a-ti ⸢la⸣ [iṣ-ba-tú GÌR.II] ⸢LUGAL⸣-ti-ia |
| iv 4'4' | ina tukul-ti AN.ŠÁR ⸢d⸣[15 EN].⸢MEŠ⸣-ia |
| iv 5'5' | ina GIŠ.ṣi-iṣ-ṣi šat [qa-ti GIŠ.ši]-⸢ga⸣-ri |
| iv 6'6' | ú-tam-me-eḫ-ma ⸢it⸣-[ti ta-mar-ti]-⸢šú⸣ ka-bit-ti |
| iv 7'7' | ú-še-bi-⸢la⸣ [a-di] ⸢maḫ⸣-ri-ia |
| iv 8'8' | ina 4 ger-ri-ia a-⸢na URU⸣.qir-bít |
| iv 9'9' | šá qé-reb URU.ḫa-re-e-ḫa-⸢as⸣-ta ⸢lu al⸣-lik |
| iv 10'10' | ša mta-an-da ⸢LÚ.EN⸣.URU-šú-nu |
| iv 11'11' | a-na LUGAL.MEŠ AD.MEŠ-ia la ⸢ik-nu-šú⸣ a-na GIŠ.ŠUDUN |
| iv 12'12' | ù ⸢UN⸣.MEŠ a-ši-bu-⸢ti⸣ URU.qir-bít |
| iv 13'13' | ka-a-a-an iḫ-⸢ta⸣-nab-ba-tu |
| iv 14'14' | ḫu-bu-ut KUR.ia-⸢mut⸣-ba-li |
| iv 15'15' | URU šu-a-tu ina tukul-ti ⸢AN⸣.ŠÁR d30 dUTU |
| iv 16'16' | dEN dAG d15 ša NINA.KI ⸢d⸣15 ša ⸢URU⸣.LÍMMU-DINGIR |
| iv 17'17' | ak-šu-ud áš-⸢lu⸣-[la] ⸢šal⸣-lat-su |
| iv 18'18' | m⸢ta⸣-[an-da LÚ.EN].URU-šú-nu |
| iv 19'19' | [it-ti šal-lat URU-šú al-qa-a] ⸢a-na KUR aš-šur.KI⸣ |
| Lacuna | |
| iv 1''1'' | [m]⸢aḫ?-še?⸣-[e-ri a-lak ger-ri-ia iš-me-ma] |
| iv 2''2'' | ⸢ú⸣-ma-⸢ʾe-e⸣-[ra um-man-šú] |
| iv 3''3'' | ina šat mu-ši ina ⸢ši⸣-[pir ni-kil-ti] |
| iv 4''4'' | a-na e-⸢peš⸣ [MÈ it-bu-u-ni] |
| iv 5''5'' | a-na mit-ḫu-⸢uṣ⸣-[ṣi ERIM.ḪI.A-ia] |
| iv 6''6'' | ERIM.MEŠ MÈ-ia ⸢it⸣-[ti-šú-un im-da-ḫa-ṣu] |
| iv 7''7'' | iš-ku-nu [BAD₅.BAD₅-šú-un] |
| iv 8''8'' | ma-lak 3 KASKAL.GÍD A.⸢ŠÀ⸣ [šal-ma-a-te-šú-nu] |
| iv 9''9'' | ú-mal-li [EDIN rap-šú] |
| iv 10''10'' | ina qí-bit AN.ŠÁR d⸢30⸣ [dUTU DINGIR.MEŠ GAL.MEŠ] |
| iv 11''11'' | EN.MEŠ-ia šá [ú-tak-ki-lu-in-ni] |
| iv 12''12'' | qé-reb KUR.man-na-a-a ⸢e⸣-[ru-ub-ma at-ta-lak šal-ṭiš] |
| iv 13''13'' | ina me-ti-iq ⸢ger-ri-ia⸣ |
| iv 14''14'' | URU.a-a-ú-⸢si⸣-[áš URU.ḪAL.ṢU URU.áš-šá-áš dan-na-su] |
| iv 15''15'' | URU.bu-su-tú URU.⸢áš⸣-[di-áš URU.ur-ki-ia-mu-un] |
| iv 16''16'' | URU.up-pi-iš ⸢URU⸣.[si-ḫu-u-a URU.na-zi-ni-ri] |
| iv 17''17'' | 8 URU.MEŠ dan-nu-[ti ù a-di ṣe-eḫ-ru-ti] |
| iv 18''18'' | ša ni-⸢ba la?⸣ [i-šu-u] |
| iv 19''19'' | a-di qé-⸢reb⸣ URU.i-zir-te [ak-šu-ud] |
| iv 20''20'' | ap-⸢pul⸣ aq-qur ina dGIŠ.BAR [aq-mu] |
| iv 21''21'' | UN.MEŠ ANŠE.KUR.RA.MEŠ ANŠE.MEŠ GU₄.MEŠ US₅.⸢UDU.ḪI.A⸣ |
| iv 22''22'' | ul-tu qé-reb URU.MEŠ šá-a-tu-nu |
| iv 23''23'' | ú-še-ṣa-am-ma šal-la-tiš am-nu |
| iv 24''24'' | maḫ-še-e-ri a-lak ger-ri-ia iš-me-ma |
| iv 25''25'' | ú-maš-šir URU.i-zir-tú URU LUGAL-ti-šú |
| iv 26''26'' | a-na URU.at-ra-a-na URU tukul-ti-šú |
| iv 27''27'' | in-na-bit e-ḫu-uz mar-qí-tu |
| iv 28''28'' | URU.i-zir-tu URU.ur-me-ia-te URU.uz-bi-a |
| iv 29''29'' | URU.MEŠ dan-nu-ti-šú al-me |
| iv 30''30'' | UN.MEŠ a-ši-bu-ti URU.MEŠ šá-a-tu-nu |
| iv 31''31'' | e-si-ir-ma nap-šat-su-nu ú-si-iq ú-kar-ri |
| iv 32''32'' | na-gu-u šu-a-tu ak-šu-ud |
| iv 33''33'' | ap-pul aq-qur ina dGIŠ.BAR aq-mu |
| iv 34''34'' | ma-lak 10 u₄-me 5 u₄-me ú-šaḫ-ri-ib-ma |
| iv 35''35'' | šá-qu-um-ma-tú at-bu-uk |
| iv 36''36'' | ina me-ti-iq ger-ri-ia |
| iv 37''37'' | URU.MEŠ šá li-me-et URU.pad-di-ri |
| iv 38''38'' | ša ina ter-ṣi LUGAL.MEŠ AD.MEŠ-ia KUR.man-na-a-a e-ki-mu |
| iv 39''39'' | a-na ra-ma-ni-šú-nu ú-ter-ru |
| iv 40''40'' | ⸢ak⸣-šu-ud ina dGIŠ.BAR aq-mu áš-lu-la šal-la-sún |
| iv 41''41'' | URU.MEŠ šá-a-tu-nu a-na mi-ṣir KUR aš-šur.KI ú-ter-ra |
| iv 42''42'' | na-gu-⸢u⸣ ša URU.ar-si-ia-ni-iš |
| iv 43''43'' | ša bi-⸢rit⸣ URU.a-za-qa-na-ni |
| iv 44''44'' | ša KUR.ḫa-⸢ar⸣-si šá-di-i |
| iv 45''45'' | ša SAG KUR.ku-⸢mu⸣-ur-da-a-a |
| iv 46''46'' | ša qé-reb KUR.man-na-a-a |
| iv 47''47'' | as-pu-un ina dGIŠ.BAR aq-mu |
| iv 48''48'' | mra-a-a-di-šá-di-i LÚ.GAL ḪAL.ṢU-šú-nu |
| iv 49''49'' | a-duk áš-lu-la šal-lat-su |
| iv 50''50'' | na-gu-u ša URU.e-ri-is-te-ia-na |
| iv 51''51'' | ak-šu-ud URU.MEŠ-šú as-pu-un |
| iv 52''52'' | ina dGIŠ.BAR aq-mu áš-lu-la šal-lat-su |
| iv 53''53'' | ina ti-ib MÈ-ia na-gu-šú ú-šaḫ-rib |
| iv 54''54'' | ú-ṣa-aḫ-ḫi-ir nap-ḫar KUR-šú |
| iv 55''55'' | it-ti ḫu-ub-ti ma-aʾ-di |
| iv 56''56'' | [šal]-⸢la⸣-ti ka-bit-ti šal-meš a-tu-ra |
| iv 57''57'' | [ak]-⸢bu⸣-sa mi-ṣir KUR aš-šur.KI |
| iv 58''58'' | ⸢URU⸣.bi-ru-a URU.LUGAL-iq-bi |
| iv 59''59'' | [URU.gu-si-né-e] URU.MEŠ ⸢maḫ-ru⸣-u-⸢te⸣ |
| iv 60''60'' | [ša mi-ṣir] KUR aš-šur.KI |
| iv 61''61'' | ⸢ša⸣ ina ter-[ṣi] ⸢LUGAL⸣.MEŠ AD.MEŠ-ia |
| iv 62''62'' | e-ki-⸢mu⸣ KUR.man-na-a-a |
| iv 63''63'' | da-ád-⸢me šá⸣-a-tu-nu ak-šu-ud |
| iv 64''64'' | KUR.man-⸢na⸣-a-⸢a⸣ ul-tu lìb-bi as-suḫ |
| iv 65''65'' | ANŠE.⸢KUR.RA⸣.MEŠ GIŠ.til-li ú-nu-ut MÈ-šú-nu |
| iv 66''66'' | áš-lu-⸢la⸣ a-na KUR aš-šur.KI |
| iv 67''67'' | URU.⸢MEŠ šá⸣-a-tu-nu a-na eš-šu-ti aṣ-bat |
| iv 68''68'' | ú-⸢ter⸣-ra a-na mi-ṣir KUR aš-šur.KI |
| iv 69''69'' | m⸢aḫ⸣-[še]-⸢e⸣-ri la pa-liḫ EN-ti-ia |
| iv 70''70'' | ⸢AN⸣.[ŠÁR d]⸢15⸣ im-nu-šú i-na ŠU.II ARAD.MEŠ-šú |
| iv 71''71'' | [UN.MEŠ KUR]-⸢šú⸣ si-ḫu UGU-šú ú-šab-šú-u |
| iv 72''72'' | [ina SILA] ⸢URU⸣-šú id-du-u ADDA-šu |
| iv 73''73'' | [EGIR-nu] mú-a-al-li-i DUMU-šú |
| iv 74''74'' | [ú]-⸢šib⸣ i-na GIŠ.GU.ZA-šú |
| iv 75''75'' | [da-na-an] ⸢AN⸣.ŠÁR d30 dUTU dEN u dAG |
| iv 76''76'' | [d15 šá] ⸢NINA⸣.KI d15 šá LÍMMU-DINGIR.KI dMAŠ dnusku dU.GUR |
| iv 77''77'' | DINGIR.MEŠ GAL.MEŠ EN.MEŠ-ia e-mur-ma |
| iv 78''78'' | ik-nu-šá a-na GIŠ.ŠUDUN-ia |
| iv 79''79'' | [áš-šú ba-laṭ] ZI-tì-šú up-na-a-šú ip-ta-a |
| iv 80''80'' | ú-ṣal-la-a EN-⸢ú-ti⸣ |
| iv 81''81'' | [me-ri]-⸢si⸣-in-ni DUMU UŠ-ti-šú |
| iv 82''82'' | [a-na] ⸢NINA⸣.KI iš-pur-⸢am⸣-ma |
| iv 83''83'' | ú-na-áš-⸢ši-qa⸣ GÌR.II-ia |
| iv 84''84'' | [re-e-mu ar-ši-šú LÚ.A KIN]-⸢ia⸣ šá šul-me ú-ma-ʾe-er EDIN-⸢uš⸣-[šú] |
| Column v | |
| v 1v 1 | [DUMU.MUNUS ṣi-it lìb-bi-šú ú-še]-⸢bi⸣-la a-na e-peš MUNUS.⸢AGRIG⸣-[u-ti] |
| v 22 | [ma-da-at-ta-šú maḫ-ri-tú] ⸢ša⸣ ina tar-ṣi LUGAL.MEŠ ⸢AD⸣.[MEŠ-ia] |
| v 33 | [ú-šab-ṭi-lu iš-šu-u-ni] ⸢a⸣-di ⸢maḫ⸣-[ri-ia] |
| v 44 | [30 ANŠE.KUR.RA.MEŠ UGU] ⸢ma⸣-da-⸢at⸣-[ti-šú] |
| v 55 | [maḫ-ri-ti ú-rad-di]-⸢ma⸣ e-⸢mì⸣-[is-su] |
| v 66 | [ina u₄-me-šú mbi-ri-is-ḫa-at-ri LÚ].⸢EN.URU⸣ [ša mad-a-a] |
| v 77 | [msar-a-ti mpa-ri-ḫi 2 DUMU.MEŠ mga-a-gi LÚ.EN.URU KUR.sa-ḫi] |
| v 88 | ⸢ša?⸣ [iṣ-lu-u GIŠ.ŠUDUN be-lu-ti-ia] |
| v 99 | 75 ⸢URU⸣.[MEŠ-šú-nu dan-nu-ti ak-šu-ud] |
| v 1010 | áš-lu-la [šal-lat-sún] |
| v 1111 | ⸢šá⸣-a-šú-nu bal-ṭu-us-⸢su⸣-[nu ina ŠU.II aṣ-bat] |
| v 1212 | ú-bi-la a-na NINA.KI ⸢URU⸣ [be-lu-ti-ia] |
| v 1313 | man-da-ri-a LÚ.tur-ta-⸢an?⸣ [KUR.ur-ar-ṭi] |
| v 1414 | ša a-na ka-šá-ad KUR.<up>-⸢pu⸣-[um-me] |
| v 1515 | ù URU.kul-li-im-⸢me?⸣-[ri] |
| v 1616 | ir-da-a il-li-ka qé-reb ⸢mu⸣-[ši-ti] |
| v 1717 | UN.MEŠ a-ši-bu-ti URU.kul-⸢li⸣-[im-me-ri] |
| v 1818 | ARAD.MEŠ da-gíl pa-ni-[ia] |
| v 1919 | ina šat mu-ši di-ik-ta-[šú] |
| v 2020 | ma-aʾ-as-su ⸢i⸣-[du-ku] |
| v 2121 | la e-zi-bu ⸢a⸣-[a-um-ma] |
| v 2222 | SAG.DU man-da-⸢ri⸣-[a ik-ki-su-nim-ma] |
| v 2323 | a-na NINA.⸢KI⸣ ina [maḫ-ri-ia ú-bil-u-ni] |
| v 2424 | ina ⸢6-ši?⸣ [ger-ri-ia UGU mur-ta-ki MAN KUR.ELAM.MA.KI lu-u al-lik] |
| v 2525 | ⸢ša⸣ [MUN AD DÙ-ia la ḫa-as-su la iṣ-ṣu-ru ib-ru-ti] |
| v 2626 | [ul-tu ina KUR.ELAM.MA.KI su-un-qu iš-ku-nu] |
| v 2727 | [ib-ba-šú-ú né-eb-re-tu] |
| v 2828 | [dnisaba ba-laṭ ZI-tim UN.MEŠ] |
| v 2929 | [ú-še-bil-šu-ma aṣ-bat ŠU.II-su] |
| v 3030 | [UN.MEŠ-šú] ⸢ša la-pa-an su-un-qí⸣ |
| v 3131 | [in-nab-tu]-⸢nim⸣-ma ú-ši-bu qé-reb KUR aš-šur.KI |
| v 3232 | [a-di zu]-⸢un⸣-nu ina KUR-šú iz-nu-nu |
| v 3333 | [ib-ba]-⸢šu⸣-ú e-bu-ru |
| v 3434 | [UN.MEŠ šá-a]-⸢tu⸣-nu ša ina KUR-ia ib-lu-ṭu ú-še-bil-šú-ma |
| v 3535 | [LÚ.e-la]-⸢mu⸣-ú šá ti-bu-us-su |
| v 3636 | [it-ti] ⸢lìb⸣-bi-ia la da-ab-ba-ku |
| v 3737 | [la ḫa-as]-⸢sa⸣-ku ṣe-let-su |
| v 3838 | [mEN-BA]-⸢šá⸣ KUR.gam-bu-la-a-a |
| v 3939 | [mdAG-MU-KAM]-⸢eš⸣ LÚ.GÚ.EN.NA |
| v 4040 | [ARAD.MEŠ] ⸢da-gíl⸣ pa-ni-ia |
| v 4141 | [mdAMAR.UTU-MU-DÙ] ⸢LÚ⸣.šu-ut SAG šá m⸢ur-ta-ki⸣ |
| v 4242 | [ša it-ti-šú-nu] iš-ku-nu pi-i-šú |
| v 4343 | [a-na mit-ḫu-ṣi KUR] ⸢EME⸣.GI₇ u URI.KI |
| v 4444 | [ina pi-ir-ṣa-a]-⸢ti⸣ id-ku-u-ni |
| v 4545 | [mur-ta-ku] LUGAL KUR.ELAM.MA.KI |
| v 4646 | [mur-ta-ku] šá la ag-ru-šú |
| v 4747 | [qa-bal-šú] id-ka-a |
| v 4848 | [a-na KUR.kár-ddun]-⸢ía⸣-àš ur-ri-ḫa ta-ḫa-zu |
| v 4949 | [áš-šú ti-bu]-⸢ut⸣ LÚ.e-la-me-e |
| v 5050 | [LÚ.A KIN a]-⸢na⸣ NINA.KI il-lik-am-ma |
| v 5151 | [iq-ba-a] ia-a-ti |
| v 5252 | a-⸢ma⸣-[ti] šá-a-ti-na |
| v 5353 | ša ⸢ti-bu⸣-ut mur-ta-ki |
| v 5454 | ul ⸢áš-du⸣-ud ina lìb-bi-ia |
| v 5555 | šu-ut LÚ.EDIN.MEŠ-⸢šú⸣ šá su-lum-me-e |
| v 5656 | iš-ta-nap-pa-ra ina ⸢maḫ⸣-ri-ia |
| v 5757 | a-na a-mar LUGAL ⸢KUR.ELAM.MA⸣.KI |
| v 5858 | LÚ.A KIN-ia ú-ma-ʾe-⸢er⸣ [ḫa]-⸢an⸣-ṭiš |
| v 5959 | il-lik i-tu-⸢ram⸣-ma |
| v 6060 | a-⸢ma⸣-a-ti ka-a-a-ma-na-a-ti |
| v 6161 | ú-šá-an-na-a ia-a-ti |
| v 6262 | um-ma LÚ.e-la-mu-ú |
| v 6363 | GIM ti-bu-ut ⸢BURU₅⸣.ḪI.A |
| v 6464 | ka-tim KUR URI.KI ka-⸢li⸣-[šá] |
| v 6565 | ṣe-er KÁ.DINGIR.RA.KI uš-man-nu šá-kin-ma na-di ⸢ma?⸣-[dak-tú] |
| v 6666 | a-na na-ra-ru-ti dEN u dAG EN.MEŠ-ia |
| v 6767 | ša ap-tal-la-ḫu DINGIR-us-su-un |
| v 6868 | ERIM.MEŠ MÈ-ia ad-ke-e-ma aṣ-ba-ta ḫar-ra-⸢nu⸣ |
| v 6969 | a-lak ger-ri-ia iš-me-ma |
| v 7070 | ḫat-tu is-ḫup-šu-ma i-tur [a]-⸢na⸣ KUR-šú |
| v 7171 | EGIR-šú aṣ-bat a-bi-ik-⸢ta-šú⸣ áš-⸢kun⸣ |
| v 7272 | aṭ-ru-us-su a-di ⸢mi-ṣir⸣ KUR-šú |
| v 7373 | mur-ta-ku ⸢LUGAL KUR⸣.[ELAM].MA.⸢KI⸣ |
| v 7474 | ša la iṣ-ṣu-ru ib-[ru]-ti |
| v 7575 | ina u₄-me la šim-ti-šú mu-ú-[tú ú]-⸢gar⸣-ru-u |
| v 7676 | ina ta-né-ḫi iq-tu-ú [i]-⸢zu⸣-bu |
| v 7777 | ina qaq-qar ba-la-ṭi GÌR.II-šú [ul] ⸢iš⸣-kun |
| v 7878 | ina MU.AN.NA-šú na-piš-ta-šú iq-ti [il-lik nam-mu-ši]-šú |
| v 7979 | mEN-BA-šá KUR.gam-[bu-la]-⸢a⸣-a |
| v 8080 | ša iṣ-lu-u GIŠ.⸢ŠUDUN EN-ti-ia⸣ |
| v 8181 | ina ni-šik PÉŠ iš-ta-kan na-piš-tú |
| v 8282 | mdAG-MU-KAM-eš LÚ.GÚ.EN.NA la na-ṣir a-de-e |
| v 8383 | iš-ši a-ga-nu-til-la-a A.MEŠ ma-lu-u-ti |
| v 8484 | mdAMAR.UTU-MU-DÙ LÚ.šu-ut SAG-šú mu-šad-bi-ib-šú |
| v 8585 | ša ḪUL-tú ú-šak-pi-du a-na mur-ta-ki |
| v 8686 | e-mì-is-su dAMAR.UTU LUGAL DINGIR.MEŠ |
| v 8787 | še-er-ta-šú GAL-tú |
| v 8888 | ina 1-et MU.AN.NA mé-eḫ-ret a-ḫa-meš |
| v 8989 | iš-ku-nu na-piš-tú |
| v 9090 | lìb-bi AN.ŠÁR ag-gu ul i-nu-uḫ-šú-nu-ti |
| v 9191 | ul ip-šaḫ-šú-nu-ti ka-bat-ti d15 šá ú-tak-kil-an-ni |
| v 9292 | BALA-e LUGAL-ti-šú iš-ki-pu |
| v 9393 | be-lut KUR.ELAM.MA.KI ú-šal-qu-u šá-nam-ma |
| v 9494 | EGIR mte-um-man tam-šil GAL₅.LÁ |
| v 9595 | ú-šib ina GIŠ.GU.ZA mur-ta-ki |
| v 9696 | a-na da-a-ki DUMU.MEŠ m⸢ur⸣-ta-ki |
| v 9797 | ù DUMU.MEŠ mum-man-al-da-a-⸢še⸣ |
| v 9898 | ŠEŠ mur-ta-ki iš-te-né-ʾa-a ⸢MUNUS.ḪUL⸣ |
| v 9999 | mum-man-i-⸢gaš m⸣um-man-ap-pa mtam-ma-⸢ri-tú⸣ |
| v 100100 | DUMU.MEŠ mur-ta-ki LUGAL KUR.ELAM.MA.KI |
| v 101101 | mku-dúr-ru mpa-ru-ú |
| v 102102 | DUMU.MEŠ mum-man-al-da-a-še |
| v 103103 | LUGAL a-lik pa-ni mur-ta-[ki] |
| v 104104 | ù 60 NUMUN LUGAL ina la mì-ni ⸢LÚ⸣.[ERIM.MEŠ GIŠ.PAN] |
| v 105105 | DUMU.MEŠ ba-né-e ⸢ša KUR⸣.[ELAM.MA.KI] |
| v 106106 | šá la-pa-an da-⸢a⸣-[ki mte-um-man] |
| v 107107 | ⸢in-nab-tu⸣-[nim-ma iṣ-ba-tu GÌR.II LUGAL-ti-ia] |
| Lacuna | |
| v 1'1' | UN.⸢MEŠ⸣ [šá-a-tu-nu šá in-nab-tu-nim-ma] |
| v 2'2' | x x [...] |
| Lacuna | |
| Column vi | |
| vivi | Lacuna |
| vi 1'1' | ⸢DINGIR-us⸣-[sa ú-sap-pa-a il-la-ka di-ma-a-a] |
| vi 2'2' | um-ma [dbe-let URU.LÍMMU-DINGIR.KI] |
| vi 3'3' | a-na-ku m⸢AN⸣.[ŠÁR-DÙ-A MAN] ⸢KUR⸣ aš-šur.[KI] |
| vi 4'4' | bi-nu-ut ŠU.II-ki ⸢šá⸣ [iḫ-šu-ḫu]-⸢šú⸣ AN.ŠÁR AD ba-⸢nu-ki⸣ |
| vi 5'5' | a-na ud-du-uš [eš-re-e-ti] |
| vi 6'6' | šul-lum par-ṣe-šú-un ⸢na-ṣar⸣ [pi-riš-te-šú-un] |
| vi 7'7' | šu-ṭu-ub lìb-bi-šú-un [im-bu-u zi-kir-šú] |
| vi 8'8' | a-na-ku áš-re-e-ki áš-te-né-ʾi-i |
| vi 9'9' | al-li-ka a-na pa-⸢laḫ DINGIR⸣-ti-ki |
| vi 10'10' | ù šul-lum par-ṣe-ki |
| vi 11'11' | ù šu-ú m⸢te-um⸣-man |
| vi 12'12' | ⸢LUGAL⸣ KUR.ELAM.MA.KI la mu-šá-⸢qir⸣ [DINGIR].⸢MEŠ⸣ |
| vi 13'13' | ku-uṣ-ṣur ka-li ⸢a-na mit-ḫu-ṣi⸣ [ERIM.ḪI].⸢A⸣-ia |
| vi 14'14' | um-ma at-ti dbe-let be-⸢le⸣-[e]-⸢ti⸣ |
| vi 15'15' | i-lat MURUB₄ be-let MÈ ma-li-kàt DINGIR.MEŠ [AD.MEŠ-šá] |
| vi 16'16' | ⸢ša⸣ ina ma-ḫar AN.ŠÁR AD ba-⸢ni⸣-[ki] |
| vi 17'17' | MUNUS.SIG₅ taq-bi-i ina ni-iš IGI.II-šú ⸢KÙ⸣.[MEŠ] |
| vi 18'18' | iḫ-šu-ḫa-an-ni a-na LUGAL-u-[ti] |
| vi 19'19' | áš-šú mte-um-man LUGAL KUR.ELAM.⸢MA⸣.[KI] |
| vi 20'20' | ša a-na AN.ŠÁR LUGAL DINGIR.MEŠ AD ba-ni-ki iḫ-tu-u [bil-tú] |
| vi 21'21' | id-ka-a ERIM.ḪI.A-šú ik-ṣu-ra ta-ḫa-⸢zu⸣ |
| vi 22'22' | ú-šá-ʾa-a-la GIŠ.TUKUL.MEŠ-šú a-na a-lak KUR aš-šur.KI |
| vi 23'23' | um-ma at-ti qa-rit-ti DINGIR.MEŠ |
| vi 24'24' | GIM GUN ina MURUB₄ tam-ḫa-ri pu-uṭ-ṭi-ri-šú-ma |
| vi 25'25' | di-kiš-šú me-ḫu-u IM lem-nu |
| vi 26'26' | in-ḫe-ia šu-nu-ḫu-u-ti diš-tar iš-me-e-ma |
| vi 27'27' | la ta-pal-làḫ iq-ba-a ú-šar-ḫi-ṣa-an-ni lìb-bu |
| vi 28'28' | a-na ni-iš ŠU.II-ka ša taš-šá-a |
| vi 29'29' | IGI.II-ka im-la-a di-im-tu ar-ta-ši re-e-[mu] |
| vi 30'30' | ⸢ina⸣ šat mu-ši šu-a-tu šá am-ḫu-ru-ši |
| vi 31'31' | [1]-⸢en⸣ šab-ru-u ú-tu-ul-ma i-na-aṭ-ṭal MÁŠ.GI₆ |
| vi 32'32' | [i]-⸢gi⸣-il-ti-ma tab-rit mu-ši |
| vi 33'33' | [ša d15] ⸢ú⸣-šab-ru-u-šú ú-šá-an-na-a ia-a-ti |
| vi 34'34' | [um-ma d15] ⸢a-ši-bat⸣ URU.LÍMMU-DINGIR e-ru-ba-am-ma |
| vi 35'35' | [15 u 2.30 tul-la-a-ta] ⸢iš⸣-pa-a-ti |
| vi 36'36' | [tam-ḫa-at GIŠ.PAN ina] ⸢i⸣-di-šá |
| vi 37'37' | [šal-pat nam-ṣa-ru zaq-tú šá e]-peš MÈ |
| vi 38'38' | [...] x x |
| Lacuna | |
| vi 1''1'' | ⸢nin-gu⸣-[tú šu-kun nu-ʾi-id DINGIR-u-ti] |
| vi 2''2'' | ⸢a-di al-la⸣-[ku šip-ru šú-a-tú ep-pe-šú] |
| vi 3''3'' | ⸢ú-šak⸣-šá-[du ṣu-um-me-rat lìb-bi-ka] |
| vi 4''4'' | pa-nu-ka ⸢ul⸣ [ur-raq ul i-nàr-ru-ṭa GÌR.II-ka] |
| vi 5''5'' | ⸢ul⸣ ta-šam-⸢maṭ⸣ [zu-ut-ka MURUB₄ tam-ḫa-ri] |
| vi 6''6'' | ⸢ina ki⸣-rim-mì-šá [DÙG.GA taḫ-ṣi-in-ka-ma] |
| vi 7''7'' | taḫ-ti-na [gi-mir la-a-ni-ka] |
| vi 8''8'' | pa-nu-uš-šá ⸢d⸣[GIŠ.BAR in-na-pi-iḫ] |
| vi 9''9'' | ez-zi-iš ⸢nam⸣-[ri-ri-iš È-ma] |
| vi 10''10'' | a-na ka-šá-ad LÚ.⸢KÚR⸣-[šá DU-ik] |
| vi 11''11'' | e-li mte-um-man [LUGAL KUR.ELAM.MA.KI] |
| vi 12''12'' | ša ug-gu-ga-at pa-[nu-uš-šá taš-kun] |
| vi 13''13'' | ina ITI.KIN ši-pir dINANNA.MEŠ [i-sin-ni AN.ŠÁR ṣi-i-ri] |
| vi 14''14'' | ITI d30 na-an-nàr AN-⸢e⸣ [u KI-tim] |
| vi 15''15'' | at-kil a-na EŠ.BAR d⸢ŠEŠ⸣.[KI-ri nam-ri] |
| vi 16''16'' | ù ši-pir d15 GAŠAN-⸢ia⸣ [ša la in-nen-nu-u] |
| vi 17''17'' | ad-ke ERIM.MEŠ MÈ-⸢ia⸣ [mun-daḫ-ṣe] |
| vi 18''18'' | ša ina qí-bit AN.ŠÁR [d30 u d15] |
| vi 19''19'' | it-ta-na-áš-⸢ra⸣-[bi-ṭu MURUB₄ tam-ḫa-ri] |
| vi 20''20'' | e-li mte-[um-man MAN KUR.ELAM.MA].⸢KI⸣ |
| vi 21''21'' | ur-ḫu aṣ-bat-⸢ma⸣ [uš-te-še-ra ḫar]-⸢ra⸣-nu |
| vi 22''22'' | ⸢el-la-mu⸣-u-a [mte-um-man MAN KUR.ELAM.MA].⸢KI⸣ |
| vi 23''23'' | ⸢ina⸣ [URU.É-mim-bi-i na]-⸢di? ma?⸣-[dak]-⸢tu?⸣ |
| vi 24''24'' | ⸢e⸣-[reb LUGAL-ti-ia šá] ⸢qé⸣-reb BÀD.AN.KI |
| vi 25''25'' | [iš-me-e-ma iṣ-bat]-⸢su⸣ ḫat-tu |
| vi 26''26'' | [mte-um-man ip-làḫ-ma a-na] ⸢EGIR⸣-šú i-tur |
| vi 27''27'' | [e-ru-ub qé-reb] ⸢URU⸣.šu-šá-an |
| vi 28''28'' | [KÙ.BABBAR KÙ.GI a-na šu-zu]-⸢ub⸣ ZI-tì-šú |
| vi 29''29'' | [ú-za-ʾi-iz] ⸢a-na UN⸣.MEŠ KUR-šú |
| vi 30''30'' | [re-ṣe-e-šú a]-⸢lik⸣ i-di-i-šú pa-nu-uš-⸢šú ú⸣-te-ram-ma |
| vi 31''31'' | [ug-dáp-pi]-⸢šá⸣ a-na maḫ-⸢ri-ia⸣ |
| vi 32''32'' | [ÍD.ú-la]-⸢a⸣-a a-na dan-nu-ti-šú ⸢iš-kun⸣ |
| vi 33''33'' | [iṣ-bat] ⸢pa⸣-an maš-qé-⸢e⸣ |
| vi 34''34'' | [ina qí-bit AN.ŠÁR] ⸢d⸣AMAR.UTU DINGIR.MEŠ GAL.MEŠ EN.MEŠ-⸢ia⸣ |
| vi 35''35'' | [šá ú-tak]-⸢ki⸣-lu-in-⸢ni⸣ |
| vi 36''36'' | [ina GIŠKIM.MEŠ SIG₅.MEŠ] ⸢MÁŠ⸣.GI₆ INIM.GAR ši-pir maḫ-⸢ḫe-e⸣ |
| vi 37''37'' | [qé-reb DU₆-URU.tu]-⸢ba⸣ BAD₅.BAD₅-šú-nu áš-kun |
| vi 38''38'' | [ina ADDA.MEŠ-šú-nu ÍD].ú-la-a-a as-ki-ir |
| vi 39''39'' | [šal-ma-a-te-šú-nu] ⸢GIM⸣ GIŠ.DÌḪ u GIŠ.⸢KIŠI₁₆⸣ |
| Lacuna | |
| Column vii | |
| vii 1vii 1 | [ina GIŠ.GU.ZA-šú ú-še-šib] |
| vii 22 | [mtam-ma-ri-tu ŠEŠ-šú šal-šá-a-a] |
| vii 33 | [ina URU.ḫi-da-lu a-na LUGAL-ú-ti áš-kun] |
| vii 44 | [GIŠ.GIGIR.MEŠ GIŠ.ṣu-um-bi ANŠE.KUR.RA].⸢MEŠ ANŠE.KUNGA.MEŠ⸣ |
| vii 55 | [ṣi-mit-ti ni-i-ri GIŠ.til]-⸢li⸣ si-mat MÈ |
| vii 66 | [ša ina tu-kul-ti AN.ŠÁR d]⸢15⸣ DINGIR.MEŠ GAL.MEŠ |
| vii 77 | [bi-rit URU.šu-šá-an u ÍD.ú-la]-a-a ik-šu-da ŠU.II-a-a |
| vii 88 | [ina qí-bit AN.ŠÁR u dAMAR.UTU? DINGIR].⸢MEŠ⸣ GAL.MEŠ EN.MEŠ-ia |
| vii 99 | [ul-tu qé-reb KUR.ELAM.MA.KI] ⸢ḫa⸣-diš ú-ṣa-am-ma |
| vii 1010 | [a-na gi-mir ERIM.ḪI.A-ia] ⸢šá⸣-lim-tu šak-na-at |
| vii 1111 | [ina 8-e] ⸢ger⸣-ri-ia |
| vii 1212 | [UGU mdu-na-ni DUMU] mEN-BA-šá |
| vii 1313 | [a-na KUR.gam-bu-li lu]-⸢u⸣ al-lik |
| vii 1414 | [ša a-na LUGAL KUR.ELAM].⸢MA⸣.KI it-tak-lu |
| vii 1515 | [la ik-nu-šú ana] GIŠ.ŠUDUN-ia |
| vii 1616 | [ta-ḫa-zi] dan-nu |
| vii 1717 | [KUR.gam-bu-lu a-na] si-ḫir-ti-šú |
| vii 1818 | [GIM im-ba-ri] ak-tùm |
| vii 1919 | [URU.šá-pi-i-dEN] ⸢URU⸣ dan-nu-ti-šú |
| vii 2020 | [ša qé-reb ÍD.MEŠ na]-da-at šu-bat-su ak-šu-ud |
| vii 2121 | [mdu-na-nu ŠEŠ.MEŠ-šú] ⸢ul⸣-tu qé-reb URU šú-a-tú |
| vii 2222 | [bal-ṭu-us-su-un] ⸢ú⸣-še-ṣa-a |
| vii 2323 | [DAM-su DUMU.MEŠ-šú DUMU.MUNUS.MEŠ-šú MUNUS.sek-re-ti-šú] |
| vii 2424 | [LÚ.NAR.MEŠ MUNUS.NAR.MEŠ ú-še-ṣa-am-ma šal-la-tiš am-nu] |
| vii 2525 | [KÙ.BABBAR KÙ.GI NÍG.ŠU na-kám-ti É.GAL-šú] |
| vii 2626 | ⸢ú-še⸣-[ṣa-am-ma šal-la-tiš am-nu] |
| vii 2727 | LÚ.šu-ut SAG.[MEŠ LÚ.man-za-az pa-ni-šú LÚ.kit-ki-tu-ú] |
| vii 2828 | mu-šá-ki-le-⸢šú⸣ [ú-še-ṣa-am-ma šal-la-tiš am-nu] |
| vii 2929 | gi-mir um-ma-[ni ma-la ba-šú-u] |
| vii 3030 | mar-kas URU u ⸢EDIN⸣ [ú-še-ṣa-am-ma šal-la-tiš am-nu] |
| vii 3131 | GU₄.MEŠ ṣe-e-ni ⸢ANŠE⸣.[KUR.RA.MEŠ ANŠE.KUNGA.MEŠ] |
| vii 3232 | šá ni-ba ⸢la i⸣-šú-u [ú-še-ṣa-am-ma šal-la-tiš am-nu] |
| vii 3333 | UN.MEŠ KUR-šú ⸢zi-kar⸣ [u sin-niš TUR u GAL] |
| vii 3434 | e-du ul ⸢e⸣-[zib ú-še-ṣa-am-ma šal-la-tiš am-nu] |
| vii 3535 | [mmas-si-ra-a LÚ.GAL GIŠ.PAN šá mte-um-man] |
| vii 3636 | [MAN KUR.ELAM.MA.KI šá a-na kit-ri KUR.gam-bu-li] |
| vii 3737 | ma-[ṣar-tu mdu-na-nu áš-bu qé-reb URU.šá-pi-i-d]⸢EN⸣ |
| vii 3838 | bal-[ṭu-us-su ina qa-ti aṣ]-bat* |
| vii 3939 | SAG.DU-[su ak-kís it-ti pa-ni m]⸢du⸣-na-nu |
| vii 4040 | kit-ri [la mu-še-zib-i-šú ar-pi]-⸢iq?⸣ |
| vii 4141 | URU šu-a-⸢tu⸣ [ap]-⸢pul⸣ [aq-qur] |
| vii 4242 | ina A.MEŠ uš-⸢ḫar⸣-[miṭ a-di la] ba-še*-e ⸢ú⸣-[šá-lik] |
| vii 4343 | na-gu-u ⸢šu⸣-[a-tu] ú-⸢šaḫ⸣-[rib] |
| vii 4444 | ri-gim a-me-⸢lu-ti⸣ ap-ru-sa EDIN-⸢uš⸣-[šú] |
| vii 4545 | [ina] ⸢tu⸣-kul-ti ⸢DINGIR.MEŠ⸣ GAL.MEŠ LÚ.KÚR.MEŠ-ia a-ni-[ir] |
| vii 4646 | [šal]-meš a-⸢tu⸣-ra a-na NINA.⸢KI⸣ |
| vii 4747 | [SAG].⸢DU m⸣[te]-⸢um⸣-man MAN KUR.⸢ELAM.MA⸣.[KI] |
| vii 4848 | [ina GÚ mdu-na-nu a]-lul |
| vii 4949 | [SAG.DU mdiš-tar-na-an-di ina GÚ m]⸢sa⸣-am-gu-nu |
| vii 5050 | [ŠEŠ mdu-na-nu tar-den-nu] ⸢a⸣-lul |
| vii 5151 | [it-ti ki-šit-ti KUR.ELAM.MA.KI šal-la-at KUR.gam]-⸢bu⸣-li |
| vii 5252 | [ša ina qí-bit AN.ŠÁR ik-šu-da ŠU.II-a]-⸢a⸣ |
| vii 5353 | [it-ti LÚ.NAR.MEŠ e-piš nin-gu]-⸢ti⸣ |
| Lacuna | |
| vii 1'1' | ⸢mdAG-SIG₅-iq ina GÍR AN.BAR šib-bi-šú is-ḫu-la kar-as-su⸣ |
| vii 2'2' | ni-kis SAG.DU mte-um-man |
| vii 3'3' | ina GABA KÁ.GAL MURUB₄ URU ša URU.NINA |
| vii 4'4' | ú-maḫ-ḫi-ra maḫ-ḫu-riš |
| vii 5'5' | áš-šú da-na-an AN.ŠÁR u d15 EN.MEŠ-ia UN.MEŠ kul-lu-me |
| vii 6'6' | ni-kis SAG.DU mte-um-man MAN KUR.ELAM.MA.KI |
| vii 7'7' | mIBILA-a-a DUMU mdAG-sa-lim |
| vii 8'8' | DUMU DUMU mdAMAR.UTU-A-AŠ |
| vii 9'9' | ša la-pa-an AD AD ba-ni-ia |
| vii 10'10' | AD-šú in-nab-tu a-na KUR.ELAM.MA.KI |
| vii 11'11' | ul-tu mum-man-⸢i-gaš⸣ qé-reb KUR.ELAM.MA.KI áš-ku-nu a-na LUGAL-u-ti |
| vii 12'12' | mIBILA-ia DUMU mdAG-sa-lim |
| vii 13'13' | iṣ-bat ú-⸢še⸣-bi-la a-di IGI-ia |
| vii 14'14' | mdu-na-nu msa-am-gu-nu |
| vii 15'15' | DUMU.MEŠ mdEN-BA-šá KUR.gam-bu-la-a-a |
| vii 16'16' | ša AD.MEŠ-šú-un a-na LUGAL.MEŠ AD.MEŠ-ia ú-dal-li-pu-ma |
| vii 17'17' | [ù] ⸢šu⸣-nu ú-nàr-ri-ṭu e-peš LUGAL-ti-ia |
| vii 18'18' | [qé-reb] ⸢bal-til⸣.KI ù URU.LÍMMU-DINGIR |
| vii 19'19' | [a-na da-lál aḫ]-⸢ra⸣-a-ti ú-bil-šú-nu-ti |
| vii 20'20' | [mur-sa-a] LUGAL KUR.ur-ar-ṭi |
| vii 21'21' | [da-na-an AN.ŠÁR u d15] ⸢EN.MEŠ⸣-ia iš-me-e-ma |
| vii 22'22' | [pu-luḫ-ti LUGAL-ti-ia is]-⸢ḫup-šú⸣-ma |
| vii 23'23' | [LÚ.MAḪ.MEŠ-šú a-na šá-ʾa-al šul-mì-ia iš-pu-ra a-na qé]-⸢reb⸣ URU.LÍMMU-DINGIR.KI |
| vii 24'24' | [ANŠE.KUR.RA.MEŠ ANŠE.KUNGA.MEŠ ...] |
| vii 25'25' | [qar-na-a-te GIŠ.GIDRU.MEŠ ...] |
| vii 26'26' | [GIŠ.pu-ur-ṭi-i ta-mar-ta-šú ...] |
| vii 27'27' | [mdAG-SIG₅-iq mum-ba-da-ra-a LÚ.MAḪ.MEŠ ša KUR.ELAM.MA.KI] |
| vii 28'28' | [it-ti GIŠ.ZU.MEŠ ši-pir me-re-eḫ-ti ul-ziz ina maḫ-ri-šú-un] |
| vii 29'29' | ša m⸢man-nu⸣-[ki-PAP.MEŠ LÚ.2-u šá mdu-na-ni] |
| vii 30'30' | ù mdAG-ú-⸢ṣal⸣-[li LÚ.šá UGU URU KUR.gam-bu-li] |
| vii 31'31' | ⸢ša⸣ UGU DINGIR.MEŠ-ia ⸢iq⸣-[bu-u šil-la-tú GAL-tú] |
| vii 32'32' | qé-reb URU.⸢LÍMMU-DINGIR EME-šú⸣-[un áš-lu-up] |
| vii 33'33' | áš-ḫu-ṭa KUŠ-šú-⸢un⸣ mdu-⸢na-nu⸣ [qé-reb URU.ni-na-a] |
| vii 34'34' | UGU GIŠ.ma-ka-⸢a⸣-ṣi id-du-[šú-ma] |
| vii 35'35' | ⸢iṭ⸣-bu-ḫu-uš as-[liš] |
| vii 36'36' | ⸢si⸣-it-ti ŠEŠ.MEŠ-šú šá m⸢du-na⸣-[ni] |
| vii 37'37' | ù ⸢m⸣IBILA-ia a-ni-[ir UZU.MEŠ-šú]-nu ú-nak-kis |
| vii 38'38' | ú-še-bil a-na ta-mar-ti ma-ti-[tan] |
| vii 39'39' | ⸢mdAG?⸣-I mdEN-KAR-[ir] |
| vii 40'40' | DUMU.MEŠ mdAG-MU-KAM-eš LÚ.GÚ.⸢EN⸣.[NA] |
| vii 41'41' | ša AD ba-nu-šú-un mur-ta-ki id-⸢ka⸣-[a] |
| vii 42'42' | a-na mit-ḫu-ṣi KUR URI.⸢KI⸣ |
| vii 43'43' | GÌR.PAD.DU.<MEŠ> mdAG-MU-KAM-eš ša ul-tu qé-reb KUR.gam-bu-⸢li⸣ |
| vii 44'44' | il-qu-ú-ni a-na KUR aš-šur.⸢KI⸣ |
| vii 45'45' | GÌR.PAD.DU.MEŠ šá-a-ti-[na] |
| vii 46'46' | ⸢mé-eḫ⸣-ret KÁ.GAL MURUB₄ ⸢URU⸣ [NINA.KI] |
| vii 47'47' | ú-⸢šaḫ⸣-ši-la [DUMU.MEŠ-šú] |
| vii 48'48' | mdGIŠ.NU₁₁-[MU]-⸢GI.NA⸣ [...] |
| Lacuna | |
| Column viii | |
| viiiviii | Lacuna |
| viii 1'1' | ⸢ú-kab⸣-[ba-su KUR.kal-du ina la i-de ṣe-er] |
| viii 2'2' | mun-⸢da⸣-[si DUMU mte-um-man LUGAL KUR.ELAM.MA.KI] |
| viii 3'3' | mza-za-⸢az⸣ [LÚ.EN.URU KUR.pil-la-te] |
| viii 4'4' | mpar-ru-u [LÚ.EN.URU KUR.ḫi-il-mu] |
| viii 5'5' | mat-ta-me-⸢tu⸣ [LÚ.GAL GIŠ.PAN] |
| viii 6'6' | mné-e-šu a-⸢lik⸣ [pa-ni ERIM.ḪI.A šá KUR.ELAM.MA.KI] |
| viii 7'7' | a-na re-ṣu-⸢ut?⸣ [mdGIŠ.NU₁₁-MU-GI.NA?] |
| viii 8'8' | a-na mit-ḫu-ṣi ERIM.[ḪI.A KUR aš-šur.KI?] |
| viii 9'9' | mum-man-i-gaš [ú-ma-ʾe-er-šú-nu-ti] |
| viii 10'10' | iš-kun-šú-nu-⸢ti⸣ [ṭè-e-mu] |
| viii 11'11' | mum-man-i-gaš ki-⸢a⸣-[am iq-bi] |
| viii 12'12' | um-ma a-lik ul-[tu KUR aš-šur.KI] |
| viii 13'13' | ter-ra tuk-te-e [AD ba-ni-ka] |
| viii 14'14' | mun-da-su mza-za-az ⸢m⸣[pa-ru-u] |
| viii 15'15' | mat-ta-me-tu [mné-e-šú] |
| viii 16'16' | it-ti LÚ.A KIN.MEŠ ⸢šá⸣ [mdGIŠ.NU₁₁-MU-GI.NA] |
| viii 17'17' | ŠEŠ nak-ri ur-ḫu ⸢iṣ⸣-[ba-tu-nim-ma] |
| viii 18'18' | uš-te-eš-šer-u-ni [ḫar-ra-nu] |
| viii 19'19' | ⸢ERIM⸣.MEŠ MÈ-ia šá ina KUR.[man-gi-si šá qé-reb URU.su-man-dir] |
| viii 20'20' | x x x (x) x [...] |
| Lacuna | |
| viii 1''1'' | [DINGIR].MEŠ [tik-le-ia] |
| viii 2''2'' | ⸢di⸣-in ⸢kit⸣-[ti it-ti mum-man-i-gaš i-di-nu-in-ni] |
| viii 3''3'' | mtam-ma-ri-[tu EDIN-uš-šú ib-bal-kit-ma] |
| viii 4''4'' | šá-a-šú ga-[du kim-ti-šú ú-ra-sib-šú ina GIŠ.TUKUL.MEŠ] |
| viii 5''5'' | mtam-ma-ri-⸢tu⸣ [šá e-la mum-man-i-gaš ek-ṣu] |
| viii 6''6'' | ú-šib [ina GIŠ.GU.ZA KUR.ELAM.MA.KI] |
| viii 7''7'' | ki-ma šá-a-šú-⸢ma⸣ [ul-tu ŠU.II mdGIŠ.NU₁₁-MU-GI.NA] |
| viii 8''8'' | ⸢ṭa⸣-aʾ-tú im-[ḫur ul iš-al šu-lum LUGAL-ti-ia] |
| viii 9''9'' | [a]-⸢na kit-ri⸣ [mdGIŠ.NU₁₁-MU-GI.NA] |
| viii 10''10'' | [ŠEŠ la ke-e-nu il-lik-am-ma] |
| viii 11''11'' | [a-na mit-ḫu-ṣi ERIM.ḪI.A-ia] |
| viii 12''12'' | [ina su-up-pe-e ša AN.ŠÁR u d15 ú-sap-pu-u] |
| viii 13''13'' | [un-ni-ni-ia il-qu-ú iš-mu-ú zi-kir] ⸢NUNDUM-ia⸣ |
| viii 14''14'' | ARAD.MEŠ-šú ⸢EDIN⸣-[uš-šú] ⸢ib⸣-bal-ki-tu-ma |
| viii 15''15'' | a-⸢ḫa⸣-meš ú-⸢ra-si⸣-bu EN MUNUS.ḪUL-ia |
| viii 16''16'' | m⸢in⸣-da-bi-bi ARAD-su ša si-⸢ḫu⸣ |
| viii 17''17'' | UGU-⸢šu⸣ ú-šab-šu-ú ú-šib ina GIŠ.GU.ZA-šú |
| viii 18''18'' | mtam-⸢ma⸣-ri-tu MAN KUR.ELAM.⸢MA⸣.KI |
| viii 19''19'' | ša me-⸢re⸣-eḫ-tu iq-bu-ú |
| viii 20''20'' | ⸢UGU ni⸣-kis SAG.DU mte-um-man |
| viii 21''21'' | [ša ik-ki]-⸢su⸣ a-ḫu-ru-ú ERIM.ḪI.A-⸢ia⸣ |
| viii 22''22'' | [ù ŠEŠ.MEŠ-šú] ⸢qin⸣-nu-šú NUMUN É AD-⸢šu⸣ |
| viii 23''23'' | [it-ti 85 NUN.MEŠ šá KUR].⸢ELAM⸣.MA.KI a-li-kut i-di-⸢i?⸣-[šú] |
| viii 24''24'' | [ša la-pa-an GIŠ.TUKUL.MEŠ AN.ŠÁR u] ⸢d⸣15 ip-⸢par⸣-[šu-nim-ma] |
| Lacuna | |
| viii 1'''1''' | [...] x x [...] |
| viii 2'''2''' | GIŠ.PAN.MEŠ ⸢ša mtam-<ma>-ri-tu⸣ [MAN KUR.ELAM.MA.KI] qé-reb KUR.ELAM.MA.KI |
| viii 3'''3''' | ⸢uš⸣-[tar-ri-ḫu ina lìb-bi-ši-na] a-na mit-ḫu-ṣi [ERIM.ḪI.A KUR] aš-šur.KI |
| viii 4'''4''' | e-nen-na qé-reb KUR aš-šur.KI GIŠ.⸢PAN⸣.[MEŠ šá]-⸢ti⸣-na |
| viii 5'''5''' | uq-ṭa-na-ar-ra-ba a-[na ...]-⸢ti⸣-ia |
| viii 6'''6''' | AN.ŠÁR d30 dUTU dEN [dAG] d15 ša URU.NINA dšar-rat-kid-mu-⸢ri⸣ [d15 ša URU.LÍMMU-DINGIR].⸢KI⸣ |
| viii 7'''7''' | dMAŠ dnusku dU.GUR ša LÚ.KÚR.⸢MEŠ⸣-[...] x |
| viii 8'''8''' | ù si-it-tu-ti im-x [...] x |
| viii 9'''9''' | ú-BI-šú mdGIŠ.NU₁₁-[MU-GI.NA ...] |
| viii 10'''10''' | ù UN.MEŠ KUR URI.KI ma-⸢la⸣ [...] |
| viii 11'''11''' | ša ia-a-ti ⸢ú⸣-[maš-ši-ru-in-ni ...] |
| viii 12'''12''' | it-ti mum-man-i-⸢gaš⸣ [...] |
| viii 13'''13''' | min-da-bi-bi ⸢iš⸣-[ku-nu ...] |
| viii 14'''14''' | e-gu-ug-ma AN.⸢ŠÁR⸣ [...] |
| viii 15'''15''' | iq-ba-a sa-pa-⸢aḫ⸣ [...] |
| viii 16'''16''' | áš-šú da-na-an AN.⸢ŠÁR?⸣ [...] |
| viii 17'''17''' | ù pu-luḫ-ta-šú KUR [...] |
| viii 18'''18''' | e-mid-su še-ret-[su ...] |
| viii 19'''19''' | UN.MEŠ KUR URI.KI šá x [...] |
| viii 20'''20''' | NINDA.MEŠ UZU.MEŠ u ⸢mim⸣-[ma ...] |
| viii 21'''21''' | ⸢ú⸣-šá-qir [...] |
| Lacuna | |
| Column ix | |
| ixix | Lacuna |
| ix 1'1' | [ul] ⸢i-ra⸣-[áš-ši re-e-mu] |
| ix 2'2' | ⸢eṭ⸣-lu ḫi-rat-⸢su un-da-áš⸣-[šir] |
| ix 3'3' | AD e-te-zib DUMU na-ram ⸢lìb⸣-[bi-šú] |
| ix 4'4' | šu-ut mi-tu-tu a-ḫa-meš la na-⸢ṭa⸣-[li] |
| ix 5'5' | a-na LÚ.KÚR da-a-a-ki-⸢šú⸣ |
| ix 6'6' | it-ta-din pi-i-šú |
| ix 7'7' | šib-ṭu NAM.ÚŠ.MEŠ GIG šu-ru-up-pu-u |
| ix 8'8' | ⸢ú⸣-ṣa-aḫ-ḫi-ir UN.MEŠ KUR URI.KI DÙ-šú-un |
| ix 9'9' | [bi]-⸢rit⸣ URU u EDIN ig-mur-šú-nu-ti |
| ix 10'10' | [GÍR] ⸢AN⸣.BAR ḫa-an-ṭu |
| ix 11'11' | [GÌR.NÍTA] ⸢SIPA⸣-šú-nu ina lìb-bi-šú-nu iz-⸢zi-iz-ma⸣ |
| ix 12'12' | [ú-šam]-⸢qit⸣ si-⸢it⸣-[tú] |
| ix 13'13' | [ADDA.MEŠ UN.MEŠ SILA su-lu]-⸢u pur⸣-[ru-ku] |
| ix 14'14' | [pu-uḫ-ḫu]-⸢ú⸣ [KÁ.MEŠ] |
| ix 15'15' | [UGU URU u NUN] šá-qu-um-ma-⸢tú⸣ [na-da-ta] |
| ix 16'16' | [šá-ḫur]-⸢ra⸣-tú tab-[kàt] |
| ix 17'17' | [ga-nun-šú]-un šu-uḫ-ru-[ub] |
| ix 18'18' | [A.GÀR.MEŠ]-⸢šú⸣-un ba-ku-u sa-⸢ap⸣-[du] |
| ix 19'19' | [ÍD.MEŠ]-⸢šú⸣-un šá ú-šaḫ-bi-ba A.MEŠ [ḪÉ.NUN] |
| ix 20'20' | [im-la]-a sa-ki-[ka] |
| ix 21'21' | [mdGIŠ.NU₁₁]-⸢MU-GI⸣.NA ŠEŠ nak-⸢ri⸣ |
| ix 22'22' | [ša a-na KUR aš-šur].⸢KI⸣ ik-pu-du né-er-[tú] |
| ix 23'23' | [ù e-li AN].⸢ŠÁR⸣ DINGIR ba-ni-⸢ia⸣ [iq-bu-ú šil-la-tú GAL-tú] |
| ix 24'24' | [mu-u-tú lem-nu i]-⸢šim?-šu?⸣-ma [ina mi-qit dGIBIL₆ id-di-šu-ma] |
| Lacuna | |
| ix 1''1'' | [GIŠ.GIGIR GIŠ.šá šá-da-di ru]-⸢kub EN⸣-[ti-šú] |
| ix 2''2'' | [ANŠE.KUR.RA.MEŠ ṣi-mit]-⸢ti⸣ ni-ri-⸢i-šú⸣ |
| ix 3''3'' | [UN.MEŠ zi-kir u sin-niš] ⸢TUR⸣ u GAL |
| ix 4''4'' | [šá la-pa-an mit-ḫu]-ṣi GIŠ.TUKUL.MEŠ |
| ix 5''5'' | [di-ʾu šib-ṭu] ⸢NAM⸣.ÚŠ.MEŠ |
| ix 6''6'' | [ù né-eb-re-tú] ⸢i⸣-še-tu-u-ni |
| ix 7''7'' | [ik-šu-da ŠU.II-a-a áš-lu]-⸢la⸣ a-na KUR aš-šur.KI |
| ix 8''8'' | [UN.MEŠ EN ḫi-iṭ-ṭi an-nu kab]-tu e-mid-su-nu-ti |
| ix 9''9'' | [bu-un-na-an-ni-šú-nu at-bal KUŠ].MEŠ-šú-nu áš-ḫu-uṭ |
| ix 10''10'' | [ú-nak-ki-sa] ⸢UZU⸣.MEŠ-šú-un |
| ix 11''11'' | [min-da-bi-bi šá EGIR] mtam-ma-ri-tu |
| ix 12''12'' | [ú-ši-bu ina GIŠ.GU].⸢ZA⸣ KUR.ELAM.MA.KI |
| ix 13''13'' | [da-na-an GIŠ.TUKUL.MEŠ]-⸢ia⸣ e-mur-ma |
| ix 14''14'' | [šá ul-tú re-e-ši ú-šam-ri]-⸢ru UGU KUR.ELAM.MA.KI⸣ |
| ix 15''15'' | [DUMU.MEŠ KUR aš-šur.KI šá áš-pu-ra a-na kit-ri] |
| ix 16''16'' | [mdMUATI-EN-MU.MEŠ DUMU md]⸢AMAR.UTU-A-SUM.NA⸣ |
| ix 17''17'' | [ša GIM ib-ri tap-pe-e na-ṣar KUR-šú it]-⸢ta⸣-na-al-la-ku it-ti-⸢šú⸣ |
| ix 18''18'' | [šá mdMUATI-EN-MU.MEŠ ina] ⸢pi⸣-ir-ṣa-a-ti |
| ix 19''19'' | [ina šat mu-ši uṣ-ṣab-bi-tu ik]-⸢lu-u⸣ ina ki-li |
| ix 20''20'' | [min-da-bi-bi LUGAL KUR.ELAM].⸢MA⸣.KI |
| ix 21''21'' | ⸢ul-tú É⸣ [ṣi-bit-ti ú-še]-ṣa-áš-⸢šú-nu-ti⸣ |
| ix 22''22'' | ki-i ṣa-bat a-bu-[ut-ti qa]-⸢bé⸣-e MUNUS.SIG₅-šú |
| ix 23''23'' | la ḫa-ṭe-e [mi]-⸢ṣir⸣ KUR-šú |
| ix 24''24'' | ina ŠU.II LÚ.A KIN-šú ⸢ú⸣-še-bi-la a-di IGI-ia |
| ix 25''25'' | e-li mdMUATI-EN-MU.[MEŠ] DUMU mdAMAR.UTU-A-SUM.NA |
| ix 26''26'' | ARAD da-gíl pa-ni-ia |
| ix 27''27'' | šá in-nab-tu il-⸢li⸣-ku a-na KUR.ELAM.MA.KI |
| ix 28''28'' | ù si-it-ti DUMU.MEŠ KUR aš-šur.KI |
| ix 29''29'' | ⸢ša⸣ mdMUATI-EN-⸢MU⸣.MEŠ ina pi-ir-ṣa-a-ti |
| ix 30''30'' | ⸢ú-ṣab⸣-bi-tu ú-bi-lu it-ti-šú |
| ix 31''31'' | [ina] ⸢ŠU⸣.II LÚ.A ⸢KIN⸣-šú a-na min-da-bi-bi |
| ix 32''32'' | ⸢ki⸣-a-am áš-pur-šu-ma |
| ix 33''33'' | [áš-šú] ⸢UN⸣.MEŠ ⸢an⸣-nu-te la tu-še-bi-la |
| ix 34''34'' | [um-ma] ⸢al⸣-[la]-⸢kam⸣-ma URU.MEŠ-ka a-na-qar |
| ix 35''35'' | [UN.MEŠ URU.šu-šá]-⸢an⸣ [URU.ma-dak-tu] ⸢URU⸣.ḫi-da-lu a-šal-lal |
| ix 36''36'' | [ul]-tu GIŠ.⸢GU.ZA⸣ [LUGAL-ti-ka a]-⸢dak-ke-ka-ma⸣ |
| ix 37''37'' | [šá]-⸢nam⸣-ma ina GIŠ.⸢GU.ZA-ka⸣ [ú-še-šab] |
| ix 38''38'' | [ep]-šet ina IGI mte-um-man ú-⸢šap-ri⸣-[ku] |
| ix 39''39'' | ⸢ú⸣-šam-ḫar-ka ka-a-⸢ta⸣ |
| ix 40''40'' | [a]-⸢di⸣ LÚ.A KIN-šú ma-ḫar-šú la i-kaš-šá-du |
| ix 41''41'' | [la] ú-šá-an-nu-šú ši-kin ṭè-e-me-ia |
| ix 42''42'' | [ina tukul]-⸢ti⸣ AN.ŠÁR d30 dUTU dEN dAG |
| ix 43''43'' | [d15 šá] ⸢NINA⸣.KI d15 šá URU.LÍMMU-DINGIR dMAŠ dnusku dU.GUR |
| ix 44''44'' | [šá it-tal]-⸢la⸣-ku Á.II-a-a i-na-ar-ru ga-re-ia |
| ix 45''45'' | [a-lak? LÚ].⸢A⸣ KIN-ia ša a-na URU.de-ri áš-pu-ru |
| ix 46''46'' | [iš-mu-u qé]-⸢reb⸣ KUR.ELAM.MA.KI pu-luḫ-ti LUGAL-ti-ia |
| ix 47''47'' | [šá ú-za]-⸢ʾi⸣-nu-in-ni DINGIR.MEŠ GAL.MEŠ |
| ix 48''48'' | [KUR.ELAM.MA].⸢KI⸣ is-ḫu-up-ma |
| ix 49''49'' | [UN.MEŠ KUR.ELAM.MA.KI ṣe-er m]⸢in-da-bi⸣-bi ib-bal-ki-tu |
| ix 50''50'' | [i-na-ru-uš i-na] ⸢GIŠ.TUKUL⸣.MEŠ |
| ix 51''51'' | [mum-man-al-da-si DUMU mat]-⸢ta⸣-me-tu |
| ix 52''52'' | [ú-še-ši-bu ina GIŠ].GU.ZA-šú |
| Lacuna | |
| Column x | |
| xx | Lacuna |
| x 1'1' | [(...) AN.ŠÁR d30 dUTU dEN u d]⸢AG?⸣ |
| x 2'2' | [d15 šá NINA.KI d15 šá URU.LÍMMU]-⸢DINGIR?⸣ |
| x 3'3' | [DINGIR.MEŠ? GAL.MEŠ? EN.MEŠ?]-⸢ia?⸣ |
| x 4'4' | [mia-u-ta-aʾ ma-ru-uš-tú im-ḫur-šú]-⸢ma⸣ |
| x 5'5' | [e-diš-ši-šú in-na-bit a-na KUR.na-ba-a]-a-te |
| x 6'6' | [ma-bi-ia-te-eʾ DUMU mte-eʾ]-ri |
| x 7'7' | [a-na NINA.KI il-li-kam-ma ú-na-áš-šiq] ⸢GÌR⸣.II-ia |
| x 8'8' | [a-de-e a-na e-peš ARAD-ti-ia it-ti]-šú áš-kun |
| x 9'9' | [ku-um mia-u-ta-aʾ áš-kun-šú a]-na LUGAL-ti |
| x 10'10' | [KÙ.GI NA₄.IGI.II.MEŠ NA₄.BABBAR.DILI gu]-⸢uḫ⸣-lu |
| x 11'11' | [ANŠE.GAM.MAL.MEŠ ANŠE.MEŠ bit]-⸢ru⸣-ti |
| x 12'12' | [man-da-at-tú šat-ti-šam-ma ú-kin] ⸢EDIN⸣-uš-šú |
| x 13'13' | [mam-mu-la-di-in LUGAL KUR.qa]-⸢ad⸣-ri |
| x 14'14' | [ša it-ti KUR aš-šur.KI ik]-⸢ki⸣-ru |
| x 15'15' | [iḫ-ta-nab-ba-tú ḫu-bu-ut KUR] ⸢MAR⸣.TU.KI |
| x 16'16' | [ina zi-kir MU-ia šá AN.ŠÁR d]⸢30⸣ dUTU dEN dAG |
| x 17'17' | [d15 ša NINA.KI dšar]-⸢rat⸣-kid-mu-ri |
| x 18'18' | [d15 ša URU.LÍMMU-DINGIR d]⸢MAŠ⸣ dGIŠ.BAR |
| x 19'19' | [dU.GUR ú]-šar-bu-⸢u⸣ |
| x 20'20' | [mka-ma-as-ḫal-ta-a MAN] ⸢KUR⸣.ma-ʾa-[a-ba] |
| Lacuna | |
| x 1''1'' | [la iš-ʾa-a-lu₄] ⸢šu-lum⸣ [LUGAL-ti-ia] |
| x 2''2'' | [ul-tu mia]-u-ta-⸢aʾ⸣ [LUGAL KUR.a-ri-bi] |
| x 3''3'' | [ARAD da-gíl pa-ni-ia a]-na KUR.na-ba-a-⸢a⸣-[ti] |
| x 4''4'' | [in-nab-tu-ma il-li-ku] ⸢ma⸣-ḫar mna-⸢at⸣-[nu] |
| x 5''5'' | m⸢na-at⸣-[nu] ⸢a⸣-na mia-u-ta-⸢aʾ⸣ |
| x 6''6'' | ki-a-⸢am⸣ iq-bi-šú-ma |
| x 7''7'' | um-ma a-na-ku ⸢la⸣ ŠU.II KUR aš-šur.KI ul-te-zi-i-bi |
| x 8''8'' | ù at-ta ⸢taš⸣-kun-an-ni a-na dan-nu-ti-ka |
| x 9''9'' | mna-at-nu ⸢ip⸣-làḫ-ma ir-šá-a na-kut-tu |
| x 10''10'' | LÚ.A KIN.MEŠ-⸢šú a⸣-na šá-ʾa-al šul-mì-ia |
| x 11''11'' | iš-pur-am-ma ú-na-áš-ši-qa GÌR.II-ia |
| x 12''12'' | a-na šá-kan a-⸢de⸣-e su-lum-me-e |
| x 13''13'' | e-peš ARAD-ti-ia |
| x 14''14'' | ú-ṣa-na-⸢al-la⸣-a be-lu-ú-ti |
| x 15''15'' | a-na-ku ⸢ḫa⸣-[diš ap]-⸢pa-lis-šu-ma⸣ |
| x 16''16'' | ⸢pa-ni⸣-[ia SIG₅.MEŠ UGU-šú áš-kun] |
| x 17''17'' | [GUN man-da-at-tu šat-ti-šam-ma] |
| x 18''18'' | [ú-kin ṣe-ru-uš-šú] |
| x 19''19'' | ina ⸢u₄-me⸣-[šú-ma É.GAL? ma-šar-ti? ša? qé-reb? NINA.KI?] |
| x 20''20'' | ša m[AN.ŠÁR-PAP-AŠ MAN KUR aš-šur.KI AD DÙ-ia e-pu-šú] |
| x 21''21'' | ⸢il⸣-[li-ka la-ba-riš ...] |
| Lacuna | |
| x 1'''1''' | [a-di gaba-dib-bé-e-šú ar-ṣip ú-šak]-⸢lil⸣ |
| x 2'''2''' | [UGU šá u₄-me pa-ni ú-dan-ni-na tem-me]-⸢en⸣-šá |
| x 3'''3''' | [MU.SAR-ú ši-ṭir MU]-⸢ia⸣ |
| x 4'''4''' | [u ta-nit-ti qar-ra]-⸢du-ti⸣-ia |
| x 5'''5''' | ⸢ša⸣ [ina tukul-ti AN.ŠÁR d30 d]UTU ⸢dEN⸣ dAG |
| x 6'''6''' | d⸢15 ša⸣ [NINA.KI] ⸢d15 ša⸣ URU.LÍMMU-DINGIR.KI dMAŠ dU.GUR |
| x 7'''7''' | ina KUR.KUR at-tal-la-⸢ku⸣ áš-ku-nu da-⸢na⸣-nu li-i-tú |
| x 8'''8''' | áš-ṭur-ma a-na aḫ-rat u₄-me e-zib |
| x 9'''9''' | a-na EGIR u₄-me ⸢ina⸣ LUGAL.MEŠ DUMU.MEŠ-⸢ia⸣ |
| x 10'''10''' | ša AN.ŠÁR u d15 [a-na] be-⸢lut KUR⸣ [u UN.MEŠ] |
| x 11'''11''' | ⸢i⸣-nam-bu-u [zi-kir-šú] |
| x 12'''12''' | [e]-⸢nu-ma⸣ É.⸢GAL⸣ [ma-šar-te? šu-a-tú] |
| x 13'''13''' | [i]-⸢lab-bi⸣-[ru-ma en-na-ḫu] |
| x 14'''14''' | an-ḫu-us-⸢sa⸣ lu-⸢ud⸣-[diš] |
| x 15'''15''' | MU.SAR-ú ši-ṭir MU-⸢ia⸣ |
| x 16'''16''' | šu-me mAN.ŠÁR-PAP-AŠ ⸢AD⸣-ia li-mur-ma |
| x 17'''17''' | Ì.MEŠ lip-šu-⸢uš⸣ UDU.SISKUR liq-qí |
| x 18'''18''' | it-ti MU.SAR-⸢e⸣ ši-ṭir MU-šú liš-kun |
| x 19'''19''' | DINGIR.MEŠ GAL.MEŠ ma-la ina ⸢mu⸣-šá-re-e an-né-e šaṭ-ru |
| x 20'''20''' | ki-ma ia-a-ti-⸢ma⸣ liš-ru-ku-šú |
| x 21'''21''' | da-na-a-nu ⸢u⸣ li-i-tu |
| x 22'''22''' | ša MU.SAR-ú ši-ṭir MU-ia |
| x 23'''23''' | šu-me mAN.ŠÁR-PAP-⸢AŠ⸣ AD-ia ib-ba-tú |
| x 24'''24''' | it-ti MU.SAR-i-⸢šú⸣ la i-šak-ka-nu |
| x 25'''25''' | [DINGIR].MEŠ a-ši-bu-⸢ti AN⸣-e u KI-tim |
| x 26'''26''' | [ag]-⸢giš⸣ [li-ru]-⸢ru⸣-šú |
| x 27'''27''' | [LUGAL-us-su lis-ki]-pu |
| x 28'''28''' | [MU-šú NUMUN-šú ina KUR li-ḫal-li-qu] |
| Date missing |