Ashurbanipal 005

[a-na-ku ^mAN.ŠÁR-DÙ-A LUGAL GAL-u LUGAL dan-nu]

[LUGAL ŠÚ LUGAL KUR AN.ŠÁR.KI LUGAL kib-rat LÍMMU-tim]

[È] ⸢lìb-bi⸣ [^mAN.ŠÁR-PAP-AŠ MAN KUR AN.ŠÁR.KI]

[GÌR].⸢NÍTA KÁ⸣.[DINGIR.RA.KI]

⸢LUGAL⸣ KUR EME.GI₇ ù [URI.KI]

[ŠÀ].⸢BAL⸣.BAL ^md30-PAP.⸢MEŠ⸣-[SU]

⸢LUGAL⸣ kiš-šá-ti LUGAL ⸢KUR⸣ [AN.ŠÁR.KI]

⸢DINGIR.MEŠ GAL⸣.MEŠ ina ⸢UKKIN⸣-[šú-nu]

⸢ši⸣-mat SIG₅-⸢tim i-ši⸣-mu [šim-ti]

⸢uz⸣-nu ra-⸢pa-áš-tum iš⸣-[ru-ku-u-ni]

⸢kul⸣-lat ṭup-⸢šar⸣-[ru-ti]

ú-šá-ḫi-zu ka-[ra-ši]

e-li LUGAL.⸢MEŠ⸣ a-šib [pa-rak-ki]

⸢zi-kir⸣ MU-ia ú-[šar-ri-ḫu]

[ú-šar-bu]-⸢ú EN⸣-[ú-ti]

⸢é⸣-[ḫur-sag-gal-kur-kur-ra É AN.ŠÁR]

⸢EN⸣-[ia ú-šak-lil]

É.[GAR₈.MEŠ-šú ú-šal-bi-šá KÙ.GI KÙ.BABBAR]

GIŠ.⸢tim⸣-[me MAḪ.MEŠ me-ser KÙ.BABBAR ú-rak-kis]

ina [KÁ ḫi-ṣib KUR.KUR az-qu-up]

⸢AN.ŠÁR⸣ [ina é-ḫur-sag-gu-la ú-še-rib-ma]

ú-[šar-ma-a BÁRA da-ra-a-ti]

⸢é⸣-[sag-íl É.GAL DINGIR.MEŠ DÙ-uš]

⸢ú⸣-[šak-li-la GIŠ.ḪUR.MEŠ-šú]

^d⸢EN⸣ [^dGAŠAN-MU ^dbe-let-KÁ.DINGIR.RA.KI]

x x [...]

x [...]

x [...]

50 [GUN za-ḫa-lu-u eb-bu]

a-[na a-gúr-ri ap-ti-iq-ma]

⸢ú⸣-[rab-ba-a EDIN-uš-šú]

x [...]

[a-na ma]-⸢a⸣-a-⸢al⸣ tak-né-e ⸢^d⸣[EN ^dGAŠAN-MU]

[šá-kan] ⸢ḫa⸣-šá-di e-⸢peš⸣ [ru-ʾa-a-me]

[nak]-⸢liš e⸣-[pu-uš]

[ina ká]-⸢ḫi⸣-li-sù maš-[tak ^dzar-pa-ni-tum]

[ša ku]-uz-bu sa-[al-ḫu ad-di]

[4 AM].MEŠ KÙ.BABBAR [ek-du-u-ti]

[na]-⸢ṣi-ru ki⸣-bi-[is LUGAL-u-ti-ia]

[ina KÁ ṣi-it] ⸢^dUTU-ši⸣ [u KÁ ^dLAMMA-RA.BI]

[šá URU.tar-bi-ṣi] ⸢az-qu⸣-[up]

[a-di a-di-ni a-bi] ⸢la⸣ i-ma-⸢al⸣-[la-du]

[um-mì a-lit-ti la] ⸢ba⸣-na-at ina lìb-bi [AMA-šá]

[a-na e-peš] ⸢é⸣-ḫúl-ḫúl iz-kur ni-bit [MU-ia]

[^d30 šá] ⸢ib⸣-na-an-ni a-na ⸢LUGAL⸣-[u-ti]

[um-ma ^m]⸢AN⸣.ŠÁR-DÙ-A É.KUR šu-a-tú ip-⸢pu⸣-[uš-ma]

[qé-reb-šú] ⸢ú⸣-šar-man-ni pa-rak da-[ra-a-ti]

[a-mat ^d]⸢30⸣ šá ul-tu [UD.MEŠ]

⸢ru⸣-qu-⸢ú⸣-ti iq-bu-[u]

[e-nen-na] ⸢ú⸣-kal-lim UN.MEŠ ar-[ku-u-ti]

[É ^d30 šá ^md]⸢sál⸣-ma-nu-MAŠ A ^maš-šur-⸢PAP⸣-[IBILA]

[LUGAL pa-ni] ⸢maḫ⸣-ri-ia e-[pu-šu]

[la-ba]-⸢riš⸣ ú-šá-[lik-ma]

[ú-šad]-⸢gi⸣-la ⸢pa-nu⸣-[u-a]

[É.KUR šu-a-tú šá] ⸢la⸣-ba-riš ⸢il⸣-[li-ku]

[ina a-mat ^d30 ^d]⸢nusku⸣ an-ḫu-⸢us⸣-[su ad-ke]

[e-li ša u₄-me pa]-⸢ni⸣ šu-bat-⸢su⸣ [ú-rap-piš]

[...] x [...]

[^dnin]-⸢kur⸣-ra nak-⸢liš ú⸣-[še]-⸢piš-ma⸣

[a-na mu]-⸢ter⸣-ri-ši ⸢TI.LA⸣-ia

[ma-ḫar] ⸢DINGIR⸣.MEŠ ti-ik-le-ia

[ú-kin] na-an-za-sún

[ul-tu ṣe-ḫe]-⸢ri⸣-ia a-di ra-bé-ia

[áš-te-ʾa-a áš]-⸢rat⸣ DINGIR.MEŠ GAL.MEŠ

[LÚ.šá-an-gu-ti] ⸢iḫ⸣-šu-ḫu

[i-ram-mu na-dan] ⸢zi⸣-bi-ia

[^dIŠKUR ŠÈG.MEŠ-šú ú]-maš-še-ra

[^dé-a ú-paṭ-ṭi-ra] ⸢IDIM⸣.MEŠ-šú

[5] ⸢KÙŠ⸣ ŠE.AM ⸢iš⸣-[qu ina AB].⸢SÍN⸣-ni-šú

[e]-⸢ri⸣-ik šu-⸢bul⸣-[tú] ⸢5/6⸣ KÙŠ

[SI].⸢SÁ⸣ BURU₁₄ ⸢na-pa⸣-áš [^d]nisaba

[ka-a]-⸢a⸣-an ú-šaḫ-na-bu [gi]-pa-ru

[ṣip-pa]-⸢a⸣-ti šu-um-mu-⸢ḫa in⸣-bu

[MÁŠ].⸢ANŠE⸣ šu-te-šur ina ⸢ta⸣-lit-ti

ina BALA.⸢MEŠ⸣-ia ḪÉ.NUN ṭuḫ-du

[ina MU.AN.NA].MEŠ-ia ku-um-mu-ru ḪÉ.GÁL-lum

[10 ANŠE] ⸢ŠE⸣.PAD.MEŠ 3 ANŠE GEŠTIN.MEŠ

BANMIN Ì.[MEŠ 1] ⸢GUN⸣ SÍG.MEŠ ina nap-ḫar KUR-ia

[KI.LAM] ⸢nap⸣-šú i-šam-ma ina 1 GÍN kas-⸢pi⸣

[šat-ti-šam]-⸢ma⸣ ina ṭuḫ-di u me-šá-ri

[ar-te-ʾa]-⸢a⸣ ba-ʾu-lat ^dEN.LÍL

[DINGIR.MEŠ GAL.MEŠ ša ap-tal-la-ḫu]

[DINGIR-us-su-un dun-nu zik-ru]-u-⸢ti⸣

[e-mu-qí ṣi-ra-a-ti ú]-⸢šat⸣-li-mu-⸢in⸣-[ni]

[KUR.KUR la ma-gi-re-ia ina] ⸢ŠU.II⸣-ia im-⸢nu⸣-[ú]

[ú-šam-ṣu-in-ni] ⸢ma-la⸣ lìb-⸢bi⸣-[ia]

[ul-tu tam-tim e-liti a-di] ⸢tam-tim šap⸣-[liti]

[ša LUGAL.MEŠ AD.MEŠ-ia ir]-⸢te-ed⸣-[du-ú]

[ú-šak-ni-šá] ⸢a⸣-na ni-ri-ia

[GUN man-da-at-tú] šat-ti-šam-ma

[ú-kin] ⸢EDIN⸣-uš-šú-un

[ina qí-bit ^d30 ^d]⸢nin⸣-gal ^dUTU u ^da-a

[LUGAL.MEŠ a]-⸢šib⸣ pa-rak-ki

[ú-na-áš-šá-qu] GÌR.II-ia

[mal-ki GAL.MEŠ šá ṣi-taš] u ši-la-an

[a-na kit-ri-šú-nu ú]-pa-qu-ni

[ina u₄-me-šú-ma É ^d30 ^dnin-gal] ^dUTU ^da-a

[ša qé-reb NINA.KI ša ^mAN.ŠÁR-PAP-AŠ] ⸢LUGAL⸣ KUR aš-šur.KI

[AD DÙ-ia e]-pu-šú

[il-li-ku] ⸢la⸣-ba-riš

[É.KUR šú-a-tú e-na]-aḫ-ma

[i-qu-pa É].⸢GAR₈⸣.MEŠ-šú

[É.KUR šú-a-tú a-na si]-⸢ḫir⸣-ti-šú

[ar-ṣip ú-šak-lil ul-la-a] re-ši-šú

[GIŠ.ÙR.MEŠ GIŠ.ŠUR.MÌN] ⸢MAḪ^?.MEŠ^?⸣

[ú-šat-ri-ṣa ta-ra-an-šú]

[GIŠ.IG.MEŠ GIŠ.li-ia-a-ri]

⸢šá e-re⸣-[si-na DÙG.GA]

ú-rat-[ta-a KÁ.MEŠ-šú]

ul-tu ⸢É⸣.[KUR šú-a-tú ú-šak-li-lu]

⸢ú⸣-qat-tu-[u ag-mu-ra ši-pir-šú]

⸢^d⸣30 ⸢^d⸣[nin-gal ^dnusku ^dUTU u ^da-a]

[DINGIR].⸢MEŠ⸣ [tik-le-ia]

[ina] ⸢qer-bi⸣-[šú ú-še-rib-ma]

⸢ú-šar⸣-[me BÁRA da-ra-a-ti]

ep-[še]-⸢ti-ia⸣ [SIG₅.MEŠ ḫa-diš lit-tap-la-su^?]

^d⸢30 ^d⸣[nin-gal ^dnusku ^dUTU u ^da-a]

⸢DINGIR.MEŠ⸣ [tik-le-ia^?]

⸢ia⸣-a-⸢ti⸣ [^mAN.ŠÁR-DÙ-A]

⸢LUGAL⸣ [mi-gir lìb-bi-šú-nu^?]

e-piš ku-[um-mi^?]-⸢šú⸣-nu [ṣi-ru-ti^?]

pa-liḫ DINGIR-⸢ti-šú⸣-nu ⸢GAL⸣-[ti]

ina ni-ip-⸢ḫi⸣ u ri-⸢i⸣-bi e-ma it-x [x (x)]

PI^?-x [...] ⸢ša-ma⸣-[me^?]

⸢GIŠKIM^?⸣ [SIG₅^?] šá a-rak ⸢u₄⸣-me pa-[le-ia^?]

[...] LUGAL-⸢ti⸣-[ia^?]

[šul-bur SUḪUŠ^?] ⸢GIŠ⸣.GU.ZA EN-u-⸢ti⸣-[ia^?]

[ITI-šam-ma^?] ⸢la na-par⸣-[ka-a]

[li-tap-pa]-⸢lu^?⸣ a-[ḫa-meš]

[...]-⸢šú^?-nu^?⸣

⸢ina⸣ tukul-ti-šú-nu GAL-te ⸢e⸣-[ma a-qab-bu-u la-be-el]

a-šar ú-ṣar-ra-mu ⸢li⸣-[ik-šu-da ŠU.II-a-a]

a-na EGIR u₄-me ina DUMU.MEŠ [DUMU DUMU.MEŠ]

DUMU.MEŠ u DUMU.MEŠ ina LUGAL.MEŠ [DUMU.MEŠ-ia]

šá AN.ŠÁR ^d30 ^dUTU ut-tu-šú-ma a-na be-lut [KUR u UN.MEŠ]

i-nam-bu-u ⸢zi⸣-[kir-šú]

e-nu-ma eš-re-⸢e⸣-ti šá-[ti-na]

i-lab-bi-ra-ma en-⸢na⸣-[ḫa]

an-ḫu-us-si-na lu-ud-[diš]

MU.SAR-ú ši-ṭir MU-[ia]

li-mu-ur-ma Ì.MEŠ lip-šu-⸢uš⸣

UDU.SISKUR BAL-qí a-na áš-ri-šú lu-ter

ki-i šá a-na-ku MU.SAR-u

ši-ṭir šu-me ^mAN.ŠÁR-PAP-AŠ MAN KUR aš-šur.⸢KI⸣

AD DÙ-ia a-mu-ru

Ì.MEŠ ap-šu-šú UDU.SISKUR aq-qu-u

⸢it⸣-ti MU.SAR-re-e ši-⸢ṭir šu⸣-mì-ia áš-ku-nu

at-ta ki-ma ia-a-ti-ma

MU.SAR-a-a ⸢a⸣-mur-ma

⸢Ì⸣.MEŠ pu-šu-⸢uš⸣ UDU.⸢SISKUR⸣ BAL-qí

⸢it⸣-ti mu-šá-re-e

ši-ṭir šu-mì-ka šu-⸢kun^?⸣

DINGIR.⸢MEŠ⸣ [GAL].⸢MEŠ⸣ ma-la ina mu-šá-re-e

⸢an⸣-[né-e] šá-aṭ-ru

[LUGAL]-⸢ut-ka⸣ lik-tar-ra-bu

[li]-⸢iṣ⸣-ṣu-ru BALA.MEŠ-ka

[ša] ⸢mu⸣-šá-ru-u ši-⸢ṭir⸣ šu-me AD ba-ni-ia

[u] ši-ṭir šu-⸢mì⸣-ia ib-ba-tú

[ina mim]-⸢ma⸣ ši-⸢pir⸣ ni-⸢kil-ti⸣ ú-ḫal-⸢la⸣-qu

[it]-⸢ti⸣ MU.⸢SAR⸣-e ši-ṭir šu-mì-šú

[la] ⸢i-šak⸣-ka-nu

[DINGIR].⸢MEŠ GAL⸣.MEŠ ⸢šá⸣ AN-e u KI-tim

[LUGAL]-⸢us-su⸣ lis-ki-pu

⸢MU-šú⸣ <NUMUN-šú> ⸢i-na⸣ [KUR] lu-ḫal-li-qu

[ITI].⸢NE^?⸣ UD.8.⸢KAM⸣

[lim-me ^m]be-el-šú-⸢nu LÚ.EN⸣.[NAM URU].ḫi-in-⸢da⸣-[na]