Esarhaddon 129

[ana ^dEN.LÍL EN KUR.KUR] ⸢šá⸣ la in-nen-nu-ú qí-⸢bit-su⸣

[x x x ša la uš-tam]-⸢sa^?⸣-ku ṣi-it pi-⸢i⸣-šú

[...] x DINGIR.MEŠ šu-⸢ta⸣-x [(...)] x-su

[...] ⸢šá^? la^?⸣ [(...)] x ma-al-ku

[...] DU

[...] EN GAL-i EN-šú

[^mAN.ŠÁR-ŠEŠ-SUM.NA LUGAL GAL-ú LUGAL dan-nu LUGAL ŠÚ LUGAL KUR aš-šur.KI LUGAL kib]-⸢rat⸣ er-bet-ti

[GÌR.NÍTA TIN.TIR.KI LUGAL KUR šu-me-ri u URI.KI i-tu-ut kun lìb]-⸢bi⸣ ^dEN.LÍL

[šá ul-tu ṣe-ḫe-ri-šú ana AN.ŠÁR ^dEN.LÍL ^d30 ^dUTU ^dIŠKUR ^dAMAR.UTU ^d]⸢AG⸣ ^dU.GUR u DINGIR.MEŠ GAL.MEŠ

[EN.MEŠ-šú it-tak-lu-ú-ma ni-iz-mat-su ú-šak-šid]-⸢uš⸣ i-mu-ru da-na-an-šú-un

[a-na nu-uḫ-ḫu lìb-bi DINGIR-ti-šú-nu u nu-up-pu-uš ka-bat-ti-šú-nu] GIŠ.MI-šú-nu da-ru-ú

[it-ru]-⸢ṣu⸣ UGU-šú UGU-šú

[ina e-muq AN.ŠÁR ^dEN.LÍL ^dEN u DUMU ^dEN DINGIR.MEŠ] ti-ik-li-šú kul-lat KUR.KUR i-bé-lu-ma

[gi-mir ma-li-ku ú-šak-ni]-⸢šu⸣ še-pu-uš-šú

[ba-nu-ú É AN.ŠÁR mu-ud-diš é-kur e-piš é]-sag-íl u TIN.TIR.KI

[mu-šak-lil eš-re-e-ti u ma-ḫa]-⸢zu⸣ mu-kin sat-tuk-ku

[LUGAL šá i-na UD.MEŠ BALA-šú EN GAL-ú ^dAMAR.UTU ana] ⸢TIN⸣.TIR.KI sa-li-mu ir-šu-ú

[ina é-sag-íl É.GAL-šú] ir-mu-ú šu-bat-su

[^da-num GAL-ú ana URU-šú BÀD.AN.KI u É]-šú é-dim-gal-kalam-ma ú-še-rib-ú-ma

[ú-še-ši-bu pa-rak] da-ra-a-ti

[DINGIR.MEŠ KUR.KUR šal-lu-tu šu-kut-ta-šú-nu ud-diš]-⸢ma⸣ ul-tu qé-reb KUR aš-šur.KI

[a-na áš-ri-šú-nu ú-ter-šú-nu-ti-ma ú]-⸢kin⸣-nu is-qu-uš-šú-un

[NUN en-qu it-pe-šu ḫa-sis kal šip-ri šá] ⸢ina⸣ ma-ḫa-zu GAL.MEŠ

[si-ma-a-ti iš-tak-ka-nu uš-te]-ši-ru šu-luḫ-ḫu

[DUMU ^md30-ŠEŠ.MEŠ-eri-ba LUGAL ŠÚ LUGAL KUR aš-šur].KI DUMU ^mLUGAL-GIN LUGAL KUR aš-šur.⸢KI⸣

[DUMU ^mLUGAL-GIN LUGAL KUR aš-šur.KI GÌR.NÍTA TIN.TIR.KI LUGAL KUR šu-me-ri] ù URI.KI-⸢i⸣

[li-ip-li-pi da]-ru-ú šá [^mdEN-ba]-ni DUMU ^ma-da-si ⸢LUGAL⸣ KUR aš-šur.⸢KI⸣

[NUNUZ bal-til].⸢KI⸣ šu-qu-ru ⸢NUMUN⸣ [LUGAL-ú]-tu ki-sít-ti ⸢ṣa⸣-a-[ti]

[i-nu]-šu šá é-kur É ^dEN.⸢LÍL⸣ EN KUR.KUR EN-ia šá LUGAL ma-ḫar i-⸢pu⸣-[šu]

[la]-⸢ba⸣-riš^? il-lik-ma i-[qu-(ú)]-⸢pu⸣ É.GAR₈.⸢MEŠ⸣-[šú]

[áš-ra-ti-šú áš]-⸢te⸣-eʾ-e ma-qit-ta-šú ⸢as-suḫ⸣ te-me-⸢en-šú ú-ṣab-bi-ma ki-ma^? si^?⸣-[ma-ti-šú]

[la-bi-ra-(a)]-ti ina ši-pir ^dkulla ⸢ar⸣-[ṣip ú-šak-lil ki-ma KUR-i re-ši-šú ul-li]

[(ana šat-ti^?) ^dEN].⸢LÍL⸣ DINGIR tu-kul-ti-ia ep-⸢še⸣-[ti-ia ḫa-diš lip-pa-lis-ma a-mat SIG₅-tì-ia liš-šá-kin šap-tuš-šá]

[TIN UD.MEŠ] SÙ.MEŠ še-bé-e lit-tu-⸢tu⸣ [DÙG-ub UZU u ḫu-ud lìb-bi li-šim ši-ma-a-ti]

[ma-ti-ma i-na aḫ]-rat UD.MEŠ NUN EGIR-ú šá x [...]

[(...) ma-qit]-ti i-raš-šu-ú áš-ra-[ti-šú liš-te-eʾ]-e ma-qit-⸢ta-šú^? lik^?⸣-[šìr]

[MU.SAR]-⸢ú⸣ ši-⸢ṭir MU-ia Ì^?.GIŠ^?⸣ [lip-šu-uš UDU].⸢SÍSKUR⸣ BAL-qí ina áš-⸢ri⸣-[šú liš-kun]

[...] x [... UD].⸢MEŠ⸣ ú-rap-pa-áš kim-[ti šá MU.SAR-ú]

[ši-ṭir MU-ia ina ši-pir ni-kil]-⸢ti⸣ ib-ba-tu lu-ú a-šar-šú ú-⸢nak⸣-[ka-ru]

[^dEN.LÍL (...) ag-giš lik-kil]-⸢me⸣-šú-ma ši-mat ḪUL-tim li-šim-[šú]

[MU-šú (u) NUMUN-šú ina KUR li-ḫal]-⸢liq^?⸣-ma a-a ir-ši-šú re-e-[me/mu]