[This cuneiform text was computer-generated from a transliteration. See this page for trouble-shooting tips.]
1 | 𒀭𒀸𒋩 𒀭𒀀𒉡𒌝 𒀭𒂗𒆤 𒀭𒂍𒀀 𒀭𒌍 𒀭𒌓 𒀭𒅎 𒀭𒀫𒌓 𒀭𒀝 𒀭𒌋𒄥 𒀭𒅖𒋻 𒀭𒐌𒁉 𒀭𒎌 𒃲𒎌 |
𒊭 𒀸 𒄀𒂇 𒀜𒈾𒀀𒋾 𒀀𒈾 𒄿𒋻𒊑𒂊 𒉌𒆳 𒊕𒁺 𒂊𒉡 𒄿𒈾𒀾𒋗𒌑 𒄿𒉆𒁍𒌋 𒂷𒆪 | |
𒁹𒀭𒌍𒉽𒎌𒋢 𒈗 𒃲 𒈗 𒆗𒉡 𒈗 𒋙 𒈗 𒆳 𒀸𒋩 𒈗 𒄒𒋥 𒇹𒁴 𒉣 𒍝𒎏𒋙𒌦 𒄿𒈾 𒀭𒉌𒆪𒉡 𒆠𒉏 | |
𒌌𒌅 𒌓𒁴 𒂊𒀖 𒀀𒁲 𒌓𒁴 𒉺𒅁𒀖 𒊩𒎌 𒇻 𒀜𒋫𒋃𒈠 𒂷𒆠 𒊭 𒄒𒋥 𒊺𒁍𒌋𒀀 𒌑𒊕𒎙𒈠 | |
5 | 𒄿𒋗𒂅 𒀊𒃻𒉌 𒄿𒈾 𒌓𒈨𒋗𒈠 𒊭 𒀏𒆠 𒋗𒁁𒋢 𒈠𒃲 𒍑𒊐𒁉 𒂦𒋙 𒅇 𒊩𒄷𒋙 𒊭 𒀸 𒈤𒊑𒂊 |
𒆷 𒅁𒋙 𒌍𒋀 𒌑𒊺𒄫𒈠 𒌑𒍠𒄫 𒄯𒃻𒎙 𒋫𒈨𒊏𒌅𒋙 𒊭 𒄿𒈾 𒆷 𒈠𒈪 𒈾𒈬𒋫 𒋗𒇻𒅗𒈠 | |
𒃻𒋫𒀀 𒆠𒂊 𒀉𒌅𒋾 𒅇 𒌦𒎌𒋙 𒀀𒎌 𒅆𒆥 𒆷 𒄿𒁕𒀀𒈠 𒀀𒈾 𒍪𒌦𒉌 𒋾𒅅 𒀭𒂊 𒌉𒊒𒍝 𒅆𒅀𒎌𒊿 | |
𒀾𒄣𒈠 𒌌𒌅 𒊮 𒌷𒈠𒋛𒋾 𒌷𒉼𒁀𒊑𒈾 𒌷𒃻𒀊𒉺𒊑𒋙 𒌷𒋼𒀀𒁹𒀭𒌓𒉽𒅕 𒌷𒋼𒀀𒉡𒌑𒊑 𒌷𒊑𒈬𒊓 | |
𒌷𒄩𒋫𒀀 𒌷𒁕𒆷𒀀𒅔 𒌷𒊑𒌍𒂊𒉌 𒌷𒋢𒇻 𒌷𒂦𒀭𒌋 𒌷𒅆𒁀𒉌𒁀 𒌷𒄑𒉺𒊑𒅕𒊏 | |
10 | 𒌷𒄀𒅔𒄀𒇷𒎙 𒌷𒉆𒉺𒂵𒀀𒋼 𒌷𒇯 𒌷𒀀𒈝𒍮𒋛 𒀀𒎌 𒊭 𒍢𒅕 𒌷𒄩𒁕𒁉𒋾 𒌋 𒀀𒇉𒎌 𒌑𒋚𒊏𒀀 𒀀𒈾 𒊮 |
𒀀𒇉𒄷𒋢𒌨 𒌑𒊺𒋓 𒈠𒋃𒊿 𒌌𒌅 𒉺𒀀𒁲 𒌷𒆠𒋛𒊑 𒀀𒁲 𒀏𒆠 𒀀𒇉𒄭𒊑𒌓 𒌑𒋚𒊏𒀀 𒀀𒎌 𒋗𒉡𒋾 | |
𒌑𒊬𒁕𒀀 𒆠𒆗𒃻 𒉻𒋾𒁹𒀭𒌍𒉽𒎌𒋢 𒀜𒋫𒁉 𒉌𒂍𒋢 𒌑𒊺𒋓𒈠 𒄖𒁍𒍑 𒀀𒎌 𒃻𒌅𒉡 𒌌𒌅 𒊮 𒆳𒋫𒊍 | |
𒆳𒄿 𒈥𒍢 𒊭 𒄿𒋼𒂊 𒌵 𒆠𒆗 𒆳𒅀 𒉺𒈾𒈠 𒀀𒇉 𒋗𒀀𒌓 𒀀𒇉𒄿𒉆𒁍𒌋 𒈬𒉈 𒂊𒎏𒈾 𒀀𒈾𒆪 𒄿𒈾 𒆠𒂍 | |
𒀭𒀸𒋩 𒂗 𒃲𒂊 𒂗𒅀 𒀀𒎌 𒅎𒈾 𒅇 𒋗𒈨𒇷 𒆳𒄿 𒊭 𒄿𒋫𒌅𒍑𒋙 𒅇 𒀀𒎌 𒊭 𒌷𒈨𒂊𒋢 𒌷𒆪𒊌𒆠𒉡 𒌷𒁉𒀉𒌨𒊏 | |
15 | 𒌷𒎌𒉌 𒊭 𒇷𒈨𒋾𒋙 𒌋𒅗𒋙 𒍑𒋥𒁲 𒄿𒈾 𒊮 𒐕 𒇽𒂟𒎌 𒀀𒇉 𒋗𒀀𒌅 𒄴𒊑𒂊𒈠 𒀀𒇉𒁹𒀭𒌍𒉽𒎌𒋢 𒊍𒆪𒊏 |
𒉌𒂍𒋢 𒌋𒅗 𒀀𒎌 𒆪𒌒𒉿 𒅇 𒀀𒋰𒉿 𒈤𒊒𒋾 𒊭 𒄴𒊒𒌑 𒌑𒋥𒁲𒈠 𒌑𒊺𒋓 𒈠𒋃𒋙𒌦 | |
𒀀𒈾 𒀏𒆠 𒈠𒄩𒍪 𒍢𒄿𒊒 𒋗𒁁 𒈗𒋾𒅀 𒊭 𒌌𒌅 𒌌𒆷 𒈗𒎌𒉌 𒀜𒎌𒅀 𒋗𒁁𒋢 𒆷 𒌑𒊬𒁍𒌋 | |
𒆷 𒌑𒅘𒆠𒇻 𒊩𒌨𒆷𒋢 𒂊𒉈𒈾 𒀀𒈾𒆪 𒁹𒀭𒌍𒉽𒎌𒋢 𒈗 𒆳 𒀸𒋩𒆠 𒀀𒃻𒈩 𒆗 𒂷𒆠 𒊭 𒌌𒌅 𒍢𒀉 𒀭𒌓𒅆 | |
𒀀𒁲 𒂊𒆗 𒀭𒌓𒅆 𒄿𒃻𒊕 𒀜𒋫𒋃𒈠 𒀸 𒀀𒎌 𒉻𒋫𒀀𒋾 𒊭 𒌑𒋚𒊒𒌑 𒀏𒆠 𒀀𒈾 𒇷𒈨𒋾𒋙 𒄑𒊬𒎌 𒄑𒃾𒎌 | |
20 | 𒄀𒂇 𒄧 𒌑X𒉺𒅁 XX𒋗𒁁𒆳 𒄯𒃻𒀀𒉌 𒅗𒇷𒋙𒌦 𒄧 𒀜𒈾𒀀𒋾 |
𒅗𒆷𒈠 𒋆𒄭𒀀 𒅇 𒄑𒋛𒅕𒁲 𒊍𒁺 𒀀𒁲 𒀀𒎌 𒆷 𒄿𒁉𒃻𒁺 𒀀𒈾 𒍮𒈠𒈨𒋾 𒌑𒈦𒋓𒈠 𒄠𒁀𒋢 | |
𒈬𒉈 XX𒄀𒂇 𒍦𒉺𒀀𒋾 𒀸 𒂊𒊑𒁉 𒂊𒊑𒍢𒋾 𒂊𒇷𒂗 𒌷 𒅇 𒆠𒋫 𒋫 𒊮 𒌷𒋻𒁉𒍢 | |
𒀀𒁲 𒌷𒃻𒇽𒊮𒌷𒀀𒀀 𒀀𒈾 𒈪𒊕 𒊺𒄠 𒅇 𒊺𒄑𒉌 𒌑𒌑𒅗𒊏 𒆳𒋾𒌑 𒉣 𒅈𒆪𒌑 𒄿𒈾 𒈗𒎌𒉌 | |
𒌉𒎌𒅀 𒊭 𒀉𒋾 𒊮𒁉 𒍑𒌓𒈬𒈠 𒀀𒈾 𒋡𒀀𒉿 𒆷 𒌉𒊒 𒄿𒌓𒈠 𒀀𒆠𒄿 𒄿𒈾 𒊮 𒇽𒂟𒎌 𒀭𒉡𒋾 𒂊𒍮𒋾 | |
25 | 𒀀𒇉 𒋗𒀀𒌅 𒌑𒋚𒊑 𒉌𒅖 𒀭𒀸𒋩 𒀭𒅀 𒃲 𒀜𒋫𒈠𒀀 𒋳𒈠 𒀸 𒊮 𒇽𒂟𒎌 𒀭𒉡𒋾 𒀀𒇉 𒋗𒀀𒌅 𒆷 𒄴𒊒𒌋 |
𒅇 𒄿𒈾 𒈬𒀭𒈾 𒐈 𒌗 𒆷 𒌑𒋗𒌅𒌑 𒅆𒌓𒃻 𒆷 𒅅𒃵𒊒𒌑 𒌑𒋗𒌅𒌑 𒄭𒊒𒊓 | |
𒀀𒈾 𒉺𒋼𒂊 𒀀𒇉 𒋗𒀀𒌅 𒇽𒈦𒈦 𒇽𒍑𒆪 𒌑𒈠𒀪𒅕𒈠 𒌑𒆳𒎎𒍝𒄢 𒎎𒍝𒆳 𒎎𒈲𒄈 𒎎𒍝𒂆 𒎎𒌓𒀸𒎌 | |
𒎎𒎌 𒉌𒋝𒋾 𒁄𒄀𒄩 𒃻𒅮𒈾𒄩 𒌓𒋻 𒁉𒋾𒅅 𒆬𒌓 𒆬𒄀 𒋆𒄭𒀀 𒉌𒄑 𒄭𒂵 𒀀𒈾 𒀭𒂍𒀀 𒂗 𒅘𒁉 𒁺𒉿 | |
𒅇 𒋫𒈠𒈪𒋾 𒀭𒂗𒁉𒇻𒇻 𒄘𒃲 𒀀𒇉𒎌 𒀭𒂗𒂊𒅎𒁺 𒂗 𒂊 𒌋 𒉽𒂊 𒌑𒋡𒀀𒀀𒅖 𒆠𒃻𒀀𒋾 𒀀𒈾 𒀭𒎌 𒃲𒎌 𒌓𒎏𒈠 | |
30 | 𒋢𒌒𒉿𒅀 𒅖𒈬𒈠 𒌑𒊺𒅆𒊒 𒇷𒂍 𒋗𒅀𒅀 𒆍 𒀀𒇉 𒋗𒀀𒌅 𒁀𒇻 𒄑𒈥 𒅇 𒄑𒈥𒊺𒊏𒄴 𒀀𒈾 𒊏𒈠𒉌𒋗 𒅁𒉿𒋾𒈠 |
𒌑𒊬𒁕𒀀 𒀀𒎌 𒃶𒉣 𒄿𒈾 𒅆𒌓 𒋗𒅀 𒇽𒁴 𒆍𒋙 𒆷 𒅁𒉿𒋾 𒆠𒈠 𒁉𒉈 𒊮𒁉 𒀭𒎌 𒌑𒋚𒉽 𒈠𒀀𒈨 | |
𒅖𒌅 𒀀𒇉 𒀊𒁄𒋢𒈠 𒍑𒋼𒌍𒊺𒊏 𒅆𒌓𒃻 𒀀𒈾 𒀭𒎌 𒃲𒎌 𒀀𒌨 𒄿𒁲𒅀 𒈬𒆥𒉡 𒁄𒅀 𒄞𒎌 𒊺𒎌 | |
𒇻𒎌 𒁺𒍑𒋙𒋾 𒇻𒀬𒎌 𒅁𒁉𒋾 𒇻 𒀝𒆠 𒇽𒂟𒎌 𒋗𒉡𒋾 𒊭 𒀀𒇉 𒋗𒀀𒌅 𒄴𒊒𒌑 𒌆𒃰 𒌆𒎌 𒄵𒈨 𒌑𒄬𒈜𒋗𒉡𒋾 | |
𒄯𒎌 𒆬𒄀 𒃮𒎌 𒆬𒄀 𒀾𒆲𒋙𒉡𒋾 𒀸 𒈬𒀭𒈾 𒌑𒈠 𒀉𒋾 𒅈 𒀀𒇉 𒋗𒀀𒌅 𒊭 𒄴𒊒𒌑 𒀉𒋾 𒁹𒌝𒈠𒀭𒈨𒈾𒉡 | |
35 | 𒈗 𒆳 𒉏𒈠𒆠 𒅇 𒈗 𒆍𒀭𒊏𒆠 𒀀𒁲 𒈗𒎌𒉌 𒈠𒀪𒁺𒋾 𒊭 𒆳𒄿 𒅇 𒆳 𒌓𒁴 𒊭 𒊑𒍮𒋾𒋙𒉡 𒄿𒈾 𒋫𒂇𒋾 𒌷𒄩𒇻𒇷𒂊 |
𒀾𒋫𒃶 𒋛𒋛𒀀𒋫 𒀸 𒆠𒂍 𒀭𒀸𒋩 𒂗 𒃲𒂊 𒂗𒅀 𒆠𒄿 𒄑𒋻𒋫𒄭 𒌑𒊑 𒄿𒈾 𒊮𒁉𒋙𒉡 𒀠𒌨𒈠 𒋛𒄒𒋾 𒂟𒄭𒀀𒎌𒋙𒉡 | |
𒀾𒆲 𒁍𒄯𒋙𒉡 𒌑𒉺𒅁𒉿𒄴𒈠 𒌑𒌓𒊑𒅕 𒂖𒆳𒋢𒌦 𒇽𒃲𒎌 𒈗 𒆳𒉏𒈠𒆠 𒀀𒁲 𒁹𒀭𒀝𒈬𒃻𒌦 𒌉 𒁹𒀭𒀫𒌓𒀀𒋧𒈾 | |
𒈗 𒆳𒃸𒀭𒂄𒐊𒐋 𒁄𒂅𒋢𒌦 𒆠𒆗 𒌓𒄩𒊑 𒅅𒋗𒁕 𒋗𒅀𒀀𒀀 𒈗 𒆳𒉏𒈠𒆠 𒅇 𒈗 𒆍𒀭𒊏𒆠 𒄯𒁀𒋗 𒀞𒅀 𒆗𒉌 | |
𒄑𒄽𒋙𒉡𒋾𒈠 𒆠𒆗 𒄑𒇀𒎌𒋙𒉡 𒌑𒈦𒊺𒊒𒌑𒉌 𒍪𒌑𒋙𒌦 𒀀𒈾 𒋗𒍪𒌒 𒀮𒃻𒋼𒋙𒉡 𒈠𒌅𒍑𒋙𒌦 𒅔𒀮𒌅𒈠 | |
40 | 𒆷 𒄿𒌅𒊒𒉌 𒅈𒆧 𒎙𒁲𒈠 𒁹𒀭𒌍𒋀𒎌𒋢 𒈗 𒆳 𒀸𒋩𒆠 𒀝𒄑 𒄿𒁁𒈠 𒀀𒈾 𒆳 𒉏𒈠𒆠 𒄿𒊕𒅗𒉡 𒋫𒀀𒀀𒅈𒌓 |
𒉺𒌅 𒁍𒈛𒌅 𒌋𒅗 𒆳𒉏𒈠𒆠 𒅗𒇷𒋙𒌦 𒀉𒋫𒁉𒅅𒈠 𒆳𒋢𒉡 𒌑𒈦𒊺𒊒𒈠 𒀀𒈾 𒋗𒍪𒌒 𒀮𒃻𒋼𒋙𒉡 𒆠𒄿 𒀉𒄷 | |
𒆳𒁕𒀀 𒈥𒍮 𒅔𒎏𒁺𒈠 𒆠𒄿 𒀀𒈾 𒄑𒍮𒊑 𒋢𒋗𒁲 𒄿𒋻𒊏𒆪 𒈜𒁍𒋙𒌦 𒀀𒁲 𒌓𒈪 𒅆𒁴𒋾𒋙𒉡 𒂅𒁺 | |
𒆷 𒅁𒌅𒈠 𒆷 𒂊𒁍𒋗 𒋫𒄩𒍪 𒄿𒈾 𒈫𒄿 𒆜𒅀 𒀀𒈾 𒆍𒀭𒊏𒆠 𒃻 𒀀𒈾 𒅗𒃻𒁲 𒌑𒍝𒄠𒈨𒊒𒋗 𒄭𒀉𒈬𒁹 | |
𒀠𒌨𒈠 𒆠𒈠 𒋾𒅁 𒈨𒄭𒂊 𒀀𒍨𒈠 𒆠𒈠 𒅎𒁀𒊑 𒊍𒄷𒌒𒋗 𒌷 𒉌𒄿𒋾 𒀠𒈨𒈠 𒄿𒈾 | |
45 | 𒉈𒅆 𒅇 𒈾𒁄𒆐𒋾 𒋗𒅀𒀀𒀀 𒅅𒋗𒁕 𒄷𒁍𒌓 𒌷 𒄴𒁍𒌓 𒌦𒎌𒋙 𒌉 𒅇 𒃲𒀀 𒆷 𒂊𒍦𒈠 𒇿𒎌𒋙𒉡 𒊑𒂍 𒌷 |
𒌑𒂷𒇷 𒁹𒋗𒍪𒁍 𒈗 𒆍𒀭𒊏𒆠 𒂵𒁺 𒁶𒋾𒋙 𒎌𒋙 𒁄𒂅𒋢𒌦 𒀀𒈾 𒆠𒆗 𒆳𒅀 𒌑𒉈𒋗 | |
𒃻𒂵 𒌷 𒋗𒀀𒌅 𒆬𒌓 𒆬𒄀 𒎎𒎌 𒉌𒋝𒋾 𒃻𒋗 𒃻𒂵 𒀀𒈾 𒋗𒅀 𒌦𒎌𒅀 𒄠𒉌𒄿𒈠 𒀀𒈾 𒄿𒁲 𒊏𒈠𒉌𒋙𒉡 𒌑𒌁𒊒 | |
𒀭𒎌 𒀀𒈨 𒊮𒁉𒋙 𒋗𒅀 𒌦𒎌𒅀 𒅅𒋗𒋢𒉡𒋾𒈠 𒌑𒉺𒅁𒁉𒊒𒈠 𒃻𒋗𒋙𒉡 𒃻𒂵𒋙𒉡 𒅋𒄣𒌑 𒀭𒅎 𒀭𒊭𒆷 𒀭𒎌 | |
𒊭 𒌷𒂍𒃲𒎌 𒊭 𒁹𒀭𒀫𒌓𒋧𒋀𒎌 𒈗 𒆳 𒌵𒆠 𒀀𒈾 𒋻𒍢 𒁹𒆪𒋾𒀀𒂍𒊹𒊏 𒈗 𒆳 𒀸𒋩𒆠 𒅋𒄣𒈠 𒀀𒈾 𒆍𒀭𒊏𒆠 𒌑𒉈𒇻 | |
50 | 𒄿𒈾 𒐉 𒈨 𒌋 𒈬𒀭𒈾𒎌 𒌌𒌅 𒆍𒀭𒊏𒆠 𒌑𒊺𒍝𒄠𒈠 𒁹 𒌷𒂍𒃲𒎌 𒀀𒈾 𒀾𒊑𒋙𒉡 𒌑𒌁𒋙𒉡𒋾 𒌷 𒅇 𒂍𒎌 |
𒌌𒌅 𒀳𒋙 𒀀𒁲 𒃮𒁳𒁉𒋙 𒀊𒇧 𒀝𒄥 𒄿𒈾 𒀭𒄑𒁇 𒀝𒈬 𒂦 𒅇 𒊩𒄷𒌋 𒂍𒎌 𒀭𒎌 𒍨𒄥𒋥 𒋞 𒌋 𒅖𒄭𒀀 𒈠𒆷 𒁀𒋗𒌑 | |
𒊍𒈽𒈠 𒀀𒈾 𒀀𒇉𒀀𒊏𒄴𒋾 𒀜𒁲 𒄿𒈾 𒆠𒆗 𒌷 𒋗𒀀𒌅 𒄭𒊏𒀀𒋾 𒄴𒊑𒂊𒈠 𒅕𒍢𒄑𒋢𒉡 𒀸 𒀀𒎌 𒊍𒁍𒌦 𒅆𒆥 | |
𒍑𒊺𒋙 𒌑𒄬𒌨𒈠 𒌋𒅗 𒊭 𒀀𒁍𒁍 𒈾𒀠𒉼𒋫𒋙 𒌑𒃻𒌁 𒀾𒋗 𒄴𒋥 𒌓𒈨 𒆕𒃼 𒌷 𒋗𒀀𒌅 𒅇 𒂍𒎌 𒀭𒎌 | |
𒆷 𒈲𒅆𒄿 𒄿𒈾 𒈠𒀀𒈪 𒍑𒄯𒁁𒋢𒈠 𒀝𒁕𒈥 𒌑𒊩𒇺 𒄿𒈾 𒉿𒄿 𒀀𒇉 𒊭 𒌑𒋚𒊒𒌑 𒄿𒈾 𒆠𒆗 𒆳𒄿 | |
55 | 𒐋 𒎎𒈾𒆕𒂊 𒆕𒍑 𒍝𒇴 𒀭𒎌 𒃲𒎌 𒂗𒎌𒅀 𒀊𒋫𒉌 𒆠𒆗𒋙𒌦 𒅇 𒍝𒇴 𒈗𒋾𒅀 𒆷𒁉𒅔 |
𒀊𒉿 𒈠𒄯𒋙𒌦 𒌌𒁁 𒊩𒈠 𒈜𒋫𒀜 𒋗𒅀𒅀 𒊭 𒆠𒆗 𒀏𒆠 𒄿𒁳𒁍𒋙 𒍢𒊒𒍑𒋙𒌦 𒌑𒃻𒀾𒋛𒀀𒈠 | |
𒀀𒈾 𒈗𒎌𒉌 𒌉𒎌𒅀 𒂊𒍦 𒍝𒋾𒅖 𒈠𒋾𒈠 𒉣 𒅈𒆪𒌋 𒄿𒈾 𒈗𒎌𒉌 𒌉𒎌𒅀 𒃻 𒂊𒄫𒋾 𒂊𒁍𒋙 | |
𒌑𒆤𒄷𒌑 𒋆𒊓𒋼 𒅈𒆪𒊓 𒄿𒉻𒁕𒊒 𒀀𒎌 𒉻𒋫𒀀𒋾 𒃻𒋾𒈾 𒌌𒌅 𒋫𒂇𒋾 𒀏𒆠 𒄿𒌓𒊏𒋢 𒈠𒋃𒊿 | |
𒀭𒎌 𒃲𒎌 𒈠𒆷 𒄿𒈾 𒎎𒈾𒆕𒂊 𒀭𒉌𒂊 𒋗𒈬 𒈾𒁍𒌑 𒄿𒈾 𒍢𒀉 𒉿𒄿𒋙𒉡 | |
60 | 𒂖𒇷 𒊭 𒆷 𒈾𒅗𒊑 𒅈𒋥 𒈠𒊒𒍑𒋾 𒇷𒊒𒊒𒋙𒈠 𒇺𒆠𒁍 𒁄𒋙 |