[This cuneiform text was computer-generated from a transliteration. See this page for trouble-shooting tips.]
| 1 | 𒁹𒀭𒌍𒉽𒎌𒋢 𒎙 𒃲 𒎙 𒆗𒉡 𒎙 𒋙 𒎙 𒆳 𒀸𒋩𒆠 𒎙 𒄒𒋥 𒇹𒁴 𒄷𒄭𒋻𒊒𒌋 |
𒌦𒎌 𒂼𒎌 𒂊𒄫 𒍝𒇴 𒀭𒊹 𒀭𒀀𒉏 𒀭𒌍 𒀭𒌓 𒀭𒅎 | |
𒀭𒌋𒄥 𒀭𒌋 𒃻 𒂍𒆤𒈬𒊑 𒀭𒈤 𒅇 𒀭𒎌 𒃲𒎌 | |
𒈬𒊕𒇸 𒉺𒊏𒊍 𒂍𒊹𒊏 𒌋 𒂍𒈩𒈩 𒃻 𒉺𒈛 𒀭𒎌 𒃻 𒀭𒂊 𒌋 𒀭𒎌 | |
| 5 | 𒆳 𒀸𒋩𒆠 𒊏𒄫 𒈬𒁺𒌋 𒂊𒄫 𒆳 𒀸𒋩𒆠 𒈬𒊕𒇸 𒈠𒄩𒍣𒋙 𒈾𒋛𒄴 |
𒈾𒆠𒊑 𒈬𒀊𒂍 𒁕𒄉𒈨𒋙𒌦 𒂷𒆪 𒂍𒄣𒁺 𒃻 𒌋𒅗 𒈗𒎌 𒀀𒈨 𒁈 | |
𒉡𒀪𒌑𒁕𒀜 𒁁𒂁𒋢 𒆪𒋾 𒆳𒋙 𒈾𒀪𒀉 X 𒅇 𒀞 𒍮𒇻𒇻 | |
𒂟𒄭𒀀𒋙 𒀀𒈾𒆪 𒄿𒉡𒋙 𒂍𒄯𒊕𒃲𒆳𒆳𒊏 𒃻 𒆠𒆗 𒂍𒊹𒊏 𒉺𒊩 𒀭𒊹 | |
𒂗 𒃲𒄿 𒂗𒅀 𒃻 𒌌𒌅 𒌓𒎌 𒋤𒎌 𒋛𒈠𒌅𒋙 𒅎𒄣𒋫𒀀𒈠 𒆍𒋙 | |
| 10 | 𒉿𒌅𒌋 𒀀𒈾 𒅎𒍇𒇻 𒀸 𒅆𒅀 𒊏𒉺𒀾𒋾 𒃻 𒀭𒂍𒀀 𒅖𒊒𒅗 |
𒀸 𒅆𒅅𒇻𒌑𒋾 𒃻 𒀭𒊹 𒌑𒆳𒇷𒎙𒉌 𒅀𒀀𒅆 𒀸 𒉈𒅎 𒉘𒉌𒅀 | |
𒄠𒊑𒌨𒈠 𒆍 𒂍𒄯𒊕𒃲𒆳𒆳𒊏 𒀀𒈾 𒈾𒉺𒄴 𒀭𒌓𒅆 𒈪𒄴𒈩 𒅎𒆳𒊏 | |
𒉿𒋫𒀀𒋙 𒊮𒁉 𒌒𒆷𒀭𒉌 𒉈𒅎 𒀭𒌓 𒀭𒅎 𒀠𒆳𒈠 𒀭𒈾 𒆠𒄿𒉡 | |
𒄿𒁍𒇻𒅔𒉌𒈠 𒃻 𒆍 𒋗𒀀𒋾 𒀀𒈾 𒈾𒉺𒄴 𒀭𒌓𒅆 𒈪𒄴𒈩 𒅎𒆳𒊏 | |
| 15 | 𒀭𒌓 𒌋 𒀭𒅎 𒅅𒁍𒌋 𒉿𒋫𒀀𒋙 𒀸 𒌓𒈨𒋙𒈠 𒂍𒋞 𒀭𒁕𒀝𒆧𒈠 |
𒀀𒈾 𒃮 𒀭𒊹 𒂗𒅀 𒈪𒄴𒈩 𒅎𒆳𒊏 𒆍 𒌍𒋀 𒀊𒋼𒂊𒈠 𒆍 𒈗𒋾 | |
𒈬𒋙 𒄠𒁉 𒂍 𒃻𒄷𒊒 𒌍𒋀 𒂊𒁍𒍑𒈠 𒆍𒋙 𒌑𒊐𒄫 𒀸 𒆍 𒂍 𒃻𒄷𒊒 | |
𒋗𒀀𒌅 𒐉 𒄞 𒌉 𒀭𒌓 𒌓𒅗𒁇 𒍽𒀀 𒂊𒇺 𒋗𒅀𒋙𒉡 𒀭𒌓𒅆 𒈾𒋗𒌑 | |
𒌑𒆗𒇻 𒍮𒇻𒇻 𒉺𒅁𒇺 𒄊𒋙𒉡 𒄿𒈾 𒌋𒅗 𒈫 𒁈 𒌓𒅗𒁇 | |
| 20 | 𒃻 𒄩𒇽𒍇𒇻 𒌓𒅗𒁇 𒃻 𒋦𒈧𒄩 𒌓𒅗𒁇 𒋩𒋗𒁺 𒄑𒃲𒆷 |
𒍠 𒌋 𒆏 𒃻 𒆍 𒌨𒅂 𒅇 𒄈𒋰𒇽𒍇𒇻 𒆰𒇻 𒅆𒂵𒊑 𒆍 𒋗𒉡𒌅 | |
𒆍 𒆜 𒋗𒌓 𒀭𒂗𒆤 𒊍𒍝𒋼𒀀 𒈬𒋙 𒆦𒋙 𒌍𒋀 𒀊𒉌𒈠 𒆦 𒋛𒋛𒀀 𒎙𒍝𒊍 | |
𒀭𒐊𒐕𒐕 𒈬𒋙 𒄠𒁉 𒆍𒋙 𒃻 𒀀𒈾 𒍢𒀉 𒀭𒌓𒅆 𒀀𒈾 𒌋𒅗 𒀀𒇉 𒆍 𒁍𒊒𒈬 | |
𒊍𒍝𒋼𒀀 𒉌𒂍𒋢 𒆍 𒉌𒊑𒁉𒋙 𒀀𒈾 𒆦 𒉌𒆗 𒀭𒐊𒐕𒐕 𒈬𒋙 𒊍𒆳 | |
| 25 | 𒆍 𒃻 𒀀𒈾 𒅎𒍇𒇻 𒆍 𒃶𒋢 𒀭𒐊𒐕𒐕 𒈬𒋙 𒄠𒁉 𒆍 𒉌𒊑𒁉𒋙 𒀀𒈾 𒆦 |
𒆍 𒄭𒍦 𒆳 𒈬𒋙 𒊍𒆳 𒆍𒋙 𒃻 𒀀𒈾 𒅎𒋛𒁲 𒆍 𒀯𒈥𒁍𒁕 𒈬𒋙 𒄠𒁉 | |
𒆍 𒉌𒊑𒁉𒋙 𒀀𒈾 𒆦 𒆍 𒁈 𒉆𒎌 𒈬𒋙 𒊍𒆳 𒆍 𒉺𒉺𒄭 𒂍 𒃻𒄷𒊒 | |
𒂍𒋞𒎌𒋙 𒀀𒁲 𒆦𒋙 𒂍𒎌 𒆍𒎌 𒌌𒌅 𒀳𒋙 𒀀𒁲 𒃮𒁳𒁉𒋙 𒀸 𒅆𒌓 𒀭𒋞 | |
𒌑𒊕𒇸𒋗𒈠 𒆠𒈠 𒆳𒄿 𒊑𒅆𒋙 𒌌𒇷 𒀸 𒊩𒌨𒆳 𒊮𒁉𒅀 𒃻 𒆍𒎌 | |
| 30 | 𒅇 𒆦𒅆𒈾 𒈬𒋙𒉡 𒄠𒁉𒈠 𒉌𒂍𒋛𒈾 𒊍𒆳 𒋼𒅎𒈨𒂗𒈾 𒀜𒋫 𒃻 𒁹𒀭𒌍𒉽𒎌𒋢 |
𒎙 𒆳 𒀸𒋩 𒊏𒀪𒅎 𒆠𒈾𒀀𒋾 𒂊𒄫 𒍝𒇴 𒀭𒋙 𒁀𒀭 𒂍 𒁕𒈨𒅅𒋫𒋙 𒀀𒈾 𒀭𒊹 𒆠𒁉 | |
𒀉𒋾 𒁄𒌀𒆠 𒌋 𒂍𒊹𒊏 𒇺𒋼𒇷𒁍 𒉭𒎌𒋙 𒌉𒎌𒋙 𒌉𒎌 𒌉𒎌𒋙 𒀉𒋾 𒉌𒆳 𒊕𒁺 | |
𒇷𒆪𒉡 𒀀𒈾 𒁺𒌨 𒁕𒀀𒊑 𒀀𒀀𒌝𒈠 𒉣 𒂕𒌑 𒃻 𒀭𒊹 𒀀𒈾 𒉺𒇻𒌓 𒆳 𒌋 𒌦𒎌 𒄿𒉆𒁍𒌋 | |
𒈬𒋙 𒃻 𒀸 𒁄𒋙 𒂍 𒋙𒀀𒌓 𒅔𒈾𒄷 𒀭𒄷𒋢 𒀖𒁹 𒈬𒊬𒀀𒀀 𒇷𒄯𒈠 𒉌𒄑 𒈜𒋗𒍑 | |
| 35 | 𒀬𒀬 𒌨𒆠 𒀸 𒀾𒊑𒋙 𒇺𒆲 𒀭𒊹 𒅅𒊑𒁉𒋙 𒄿𒋆𒈨 𒈬𒅘𒆸 𒈬𒊬𒀀𒀀 |
𒁕𒀀𒀀𒄿𒍢 𒀀𒈠𒋾𒅀 𒀭𒊹 𒎙 𒀭𒎌 𒅇 𒀭𒎌 𒃲𒎌 | |
𒃻 𒀭𒂊 𒅇 𒆠𒁴 𒅈𒋥 𒈠𒊒𒍑𒌅 𒇷𒊒𒊒𒋗𒈠 | |
𒈗𒊻𒋢 𒇺𒆠𒁍 𒋾𒆷𒋙 𒇷𒆠𒈬𒋙 𒈬𒋙 𒆰𒋙 | |
𒉭𒋙 𒅇 𒈾𒀭𒀮𒋙 𒄿𒈾 𒅗 𒌦𒎌 𒇷𒄬𒇷𒄣 |