[This cuneiform text was computer-generated from a transliteration. See this page for trouble-shooting tips.]
| 1 | 𒂍𒃲 𒁹𒀭𒂗𒍪𒋀𒎌𒌷𒁀 𒈗 𒃲 𒈗 𒆗𒉡 𒈗 𒋙 𒈗 𒆳 𒀸𒋩 𒈗 𒄒𒋥 𒇹𒁴 𒈪𒄫 𒀭𒎌 𒃲𒎌 𒅕𒋗 𒀉𒉿𒋙 𒍣𒅗𒊒 𒃼𒁺 𒀀𒃻𒈩 𒆗 𒂷𒆠 |
𒊐𒁍 𒆷𒀪𒀉 𒆷 𒈠𒄀𒊑 𒈬𒉺𒅁𒊑𒄣 𒍝𒈠𒀀𒉌 𒀭𒀸𒋩 𒆳 𒃲 𒈗𒌓 𒆷 𒃻𒈾𒀭 𒌑𒆳𒇷𒈠𒀭𒉌𒈠 𒌋𒅗 𒄀𒂇 𒀀𒈨 𒉺𒊩𒆠 𒌑𒊬𒁀𒀀 𒄑𒆪𒎌𒅀 | |
𒌌𒌅 𒀀𒀊𒁀 𒂊𒇷𒉌𒋾 𒊭 𒂄𒈬 𒀭𒌓𒅆 𒀀𒁲 𒌓𒁴 𒉺𒅁𒇷𒋾 𒊭 𒍢𒀉 𒀭𒌓𒅆 𒁶𒊑 𒈠𒀠𒆠 𒊭 𒄒𒊏𒀀𒋾 𒌑𒊕𒎙 𒊺𒁍𒌋𒀀 𒄿𒈾 𒈤𒊑𒄿 | |
𒄫𒊑𒅀 𒊭 𒁹𒀭𒀫𒌓𒌉𒍑𒋧𒈾 𒈗 𒆳𒃸𒀭𒂄𒐊𒐋 𒀀𒁲 𒂟𒄭𒀀 𒉏𒈠𒆠 𒊑𒍢𒋗 𒄿𒈾 𒋫𒂇𒋾 𒆧𒆠 𒀾𒋫𒃶 𒅆𒅆𒋙 𒋗𒌑 𒀀𒈾 𒋗𒍪𒌒 𒈾𒄫𒋾𒋙 𒂊𒁹 | |
| 5 | 𒅁𒌓𒋃𒈠 𒄑𒇀𒎌 𒄑𒍮𒌝𒁉 𒀲𒆳𒊏𒎌 𒀲𒋙𒀯𒎌 𒊭 𒌑𒈦𒅆𒊒 𒅅𒋗𒁕 𒋗𒅀𒀀𒀀 𒀀𒈾 𒂍𒃲𒋙 𒊭 𒆠𒆗 𒆍𒀭𒊏𒆠 𒂊𒊒𒌝𒈠 𒀊𒋼𒂊𒈠 |
𒂍 𒉌𒈲𒋾𒋙 𒆬𒄀 𒆬𒌓 𒌑𒉡𒌓 𒆬𒄀 𒆬𒌓 𒎎 𒀀𒃼𒌓 𒃻𒋗 𒃻𒂵 𒂍𒃲𒋙 𒀾𒇻𒆷 𒌷𒎌𒋙 𒆗𒉡𒋾 𒂍 𒂦𒎌 𒊭 𒆳𒆗𒁲 𒀀𒁲 𒌷𒎌 𒌉𒎌 𒊭 𒇷𒈪𒋾𒋙𒉡 | |
𒆳𒌓𒈠 𒀾𒇻𒆷 𒊩𒆷𒋢𒌦 𒄿𒈾 𒋫𒀀𒀀𒅈𒋾𒅀 𒇽𒀀𒊏𒈨 𒊭 𒋃𒁲 𒀀𒇉 𒀀𒇉𒌓𒄒𒉣𒆠 𒀝𒋤𒌓𒈠 𒀾𒇻𒆷 𒊩𒆷𒋢𒌦 𒄿𒈾 𒈪𒋾𒅅 𒄫𒊑𒅀 | |
𒊭 𒇽𒆠𒉿 𒌷𒄩𒊏𒊏𒋾 𒎙𒁕𒋫𒋙 𒅗𒂍𒌅 𒄠𒄯 𒁀𒄷𒆷𒀀𒋾 𒌷𒄭𒆸𒈨 𒇽𒉽 𒀝𒍢 𒄿𒈾 𒄑𒆪𒎌 𒌑𒌑𒆤𒈠 𒂊𒁺 𒌌 𒂊𒍦 𒌷 𒋗𒀀𒌅 𒀀𒈾 𒌍𒋗𒋾 | |
𒊍𒁁 𒁹𒂗 𒄞 𒌋 𒇻𒎌 𒌋 𒀲 𒃾𒎌 𒎙 𒀲 𒅗𒈝𒈠 𒊑𒊺𒋾𒋙 𒀀𒈾 𒀭𒎌 𒆳 𒀸𒋩𒆠 𒌑𒆥 𒄿𒈾 𒈫𒂊 𒄫𒊑𒅀 𒀀𒈾 𒆳 𒇽𒁉𒅆𒄿 𒅇 𒆳 𒇽𒅀𒋢𒁉𒃲𒆷𒀀𒀀 𒇻 𒀠𒌨 𒆠𒆗 𒄯𒃻𒀀𒉌 | |
| 10 | 𒀀𒊮 𒉆𒊏𒍢 𒄿𒈾 𒀲𒆳𒊏 𒅈𒆏 𒀾𒊒 𒊒𒋗𒄣 𒄿𒈾 𒄊𒅀𒅀 𒊑𒈠𒎙 𒀜𒋳𒄑 𒌷𒂍𒁹𒆠𒇴𒍝𒄴 𒌷𒄯𒁹𒉿 𒌷𒂍𒁹𒆪𒁁𒋾 𒌷𒎌𒋙𒉡 𒂍 𒂦𒎌𒉌 𒆗𒉡𒋾 |
𒆳𒌓𒈠 𒀾𒇻𒆷 𒊩𒆷𒋢𒉡 𒅇 𒌷𒎌𒋙𒉡 𒌉𒎌 𒊭 𒉌𒁀 𒆷 𒄿𒋗𒌑 𒀊𒇧 𒀝𒄥 𒂍 𒂔 𒆰𒋫𒊑𒋙𒉡 𒄿𒈾 𒀭𒄑𒁇 𒀝𒈬 𒌑𒌁𒈠 𒌷𒂍𒁹𒆠𒇴𒍝𒄴 𒋗𒀀𒌅 | |
𒀀𒈾 𒄵𒌅𒋾 𒊍𒁁 𒌦𒎌 𒆳𒆳 𒆠𒋃𒋾 𒋗𒅀𒅀 𒄿𒈾 𒊮𒁉 𒌑𒊺𒈨 𒄿𒈾 𒋗𒅀 𒇽𒂗𒉆 𒌷𒇹𒄩 𒄠𒉡𒋙𒉡𒋾 𒉺𒀭 𒉌𒊑𒅀 𒌑𒌁𒈠 𒀀𒈾 𒆳𒂖𒇷𒉿 | |
𒊍𒍝𒁁 𒄯𒊏𒉡 𒂖𒆷𒈬𒀀 𒁹𒄑𒉺𒁀𒀀𒊏 𒈗𒋙𒌦 𒌷𒎌𒋙 𒆗𒉡𒋾 𒌑𒈦𒋓𒈠 𒀀𒈾 𒊒𒆠𒂊𒋾 𒅔𒈾𒂍 𒌷𒈥𒌑𒄫𒋾 𒌷𒀝𒆪𒌓𒁺 𒌷𒎌 𒂍 𒈗𒋾𒋙 | |
𒀀𒁲 𒌷𒎌 𒊭 𒇷𒈪𒋾𒋙𒉡 𒆳𒌓𒈠 𒀾𒇻𒆷 𒊩𒆷𒋢𒌦 𒀊𒇧 𒀝𒄥 𒄿𒈾 𒀭𒄑𒁇 𒀝𒈬 𒌷𒍢𒍢𒅕𒌓 𒌷𒆪𒌝𒈠𒄴𒇻 𒌷𒎌 𒆗𒉡𒋾 𒀀𒁲 𒌷𒎌 𒌉𒎌 | |
| 15 | 𒊭 𒇷𒈪𒋾𒋙𒉡 𒆳𒌓 𒆳𒂍𒁹𒁀𒅈𒊒𒌑 𒈾𒄖𒌑 𒀀𒈾 𒄀𒂇𒋾𒋙 𒌌𒌅 𒆠𒆗 𒆳𒋙 𒀊𒌇𒈠 𒌋𒅗 𒈪𒈲 𒆳 𒀸𒋩𒆠 𒌑𒋥𒁲 𒌷𒂖𒂗𒍝𒀾 𒀀𒈾 𒆗𒈾𒀜 𒈾𒄀𒂊 |
𒋗𒀀𒌅 𒊍𒁁 𒈬𒋙 𒌑𒅘𒄫𒈠 𒌷𒋼𒀀𒁹𒀭𒂗𒍪𒋀𒎌𒌷𒁀 𒀜𒋫𒁉 𒉌𒂍𒋢 𒌦𒎌 𒆳𒆳 𒆠𒋃𒋾 𒋗𒅀𒅀 𒄿𒈾 𒊮𒁉 𒌑𒊺𒈨 𒄿𒈾 𒋗𒅀 𒇽𒂗𒉆 𒌷𒄯𒄯 | |
𒄠𒉡 𒄿𒈾 𒋫𒀀𒀀𒅈𒋾𒅀 𒊭 𒆳𒈠𒁕𒀀𒀀 𒊒𒄣𒌑𒋾 𒊭 𒈗𒎌 𒀜𒎌𒅀 𒆷 𒅖𒈬𒌑 𒍣𒄫 𒆳𒋙𒌦 𒎙𒁕𒋫𒋙𒉡 𒄠𒄯 𒀀𒈾 𒉌𒊑𒅀 𒌑𒊕𒉌𒋢𒉡𒋾 | |
𒄿𒈾 𒊩𒅆 𒄫𒊑𒅀 𒀀𒈾 𒆳𒄩𒀜𒋾 𒇻 𒀠𒌨 𒁹𒇻𒇷𒄿 𒈗 𒌷𒍢𒁺𒌦𒉌 𒁍𒈛𒋾 𒈨𒇴𒈨𒅀 𒄑𒄽𒋗𒈠 𒌌𒌅 𒆠𒆗 𒌷𒀫𒊑 𒀀𒈾 𒆳𒅀𒀜𒈾𒈾 | |
𒊭 𒌘 𒌓𒁴 𒅔𒈾𒂍𒈠 𒆳𒋙 𒂊𒅂 𒁹𒌅𒁀𒀪𒇻 𒄿𒈾 𒄑𒄖𒍝 𒈗𒋾𒋙 𒌑𒊺𒈨𒈠 𒎙𒁕𒀜𒌅 𒁁𒇻𒋾𒅀 𒌑𒆥 𒍢𒊒𒍑𒋙 𒈗𒎌 𒆳 𒈥𒌅𒆠 𒁉𒆳𒋢𒌦 𒅗𒂍𒌓 | |
| 20 | 𒄿𒈾 𒋫𒂇𒋾 𒌷𒌑𒋗𒌑 𒀀𒁲 𒈤𒊑𒅀 𒌑𒁉𒇻𒉌 𒅇 𒁹𒍢𒀉𒋡𒀀 𒈗 𒌷𒄑𒋡𒀠𒇻𒈾 𒊭 𒆷 𒅅𒉡𒋙 𒀀𒈾 𒉌𒊑𒅀 𒀭𒎌 𒂍 𒀜𒋙 𒃻𒀀𒋗 𒀀𒁲 𒆠𒅎𒋾𒋗 |
𒊍𒋢𒄩𒄠𒈠 𒀀𒈾 𒆳 𒀸𒋩𒆠 𒌑𒆜𒋗 𒁹𒈗𒇻𒆕𒀀𒊑 𒌉 𒁹𒊒𒄒𒋾 𒈗𒋙𒉡 𒈤𒊒𒌑 𒌋𒅗 𒌦𒎌 𒌷𒄑𒋡𒀠𒇻𒈾 𒀾𒆲𒈠 𒎙𒁕𒀜𒌅 𒁁𒇻𒋾𒅀 𒌑𒆥 𒍢𒊒𒍑𒋗 | |
𒄿𒈾 𒈪𒋾𒅅 𒄫𒊑𒅀 𒌷𒎌𒋙 𒊭 𒀀𒈾 𒄊𒅀𒅀 𒆷 𒅅𒉡𒋗𒈠 𒀾𒇻𒆷 𒊩𒆷𒋢𒌦 𒄊𒀴𒎌 𒅇 𒌦𒎌 𒌷𒄠𒃼𒊒𒈾 𒊭 𒁹𒉺𒁲𒄿 𒈗𒋗𒉡 | |
𒂗 𒀀𒁲𒂊 𒊭 𒆳 𒀸𒋩𒆠 𒁉𒊑𒌅 𒀭𒁇 𒀉𒁺𒈠 𒀀𒈾 𒁹𒄩𒍝𒆥𒀀𒌑 𒆳𒅀𒌑𒁕𒀀𒀀 𒀉𒁲𒉡𒋙 𒀀𒈾 𒀭𒉣𒇷 𒂊𒁍𒋙 𒅁𒈛 𒊮𒋙𒉡 𒈗𒎌 𒆳𒈬𒍮𒊑 𒂟𒎌 𒄑𒉼 | |
𒄑𒇀𒎌 𒀲𒆳𒊏𒎌 𒊭 𒈗 𒆳𒈨𒈛𒄩 𒂊𒈬𒆠 𒆷 𒉌𒁉 𒅅𒋼𒊒𒉌 𒄿𒈾 𒋫𒂇𒋾 𒌷𒀠𒋫𒄣𒌑 𒀉𒋾𒋙𒌦 𒄠𒁕𒄭𒄑𒈠 𒀾𒋫𒃶 𒅆𒅆𒋙𒌦 𒇽𒂗 𒄑𒇀𒎌 | |
| 25 | 𒅇 𒌉𒎌 𒈗 𒆳𒈬𒍮𒊏𒀀𒀀 𒀀𒁲 𒇽𒂗 𒄑𒇀𒎌 𒊭 𒈗 𒆳𒈨𒈛𒄩 𒁄𒂅𒋢𒌦 𒄿𒈾 𒋡𒋾 𒊍𒁁 𒀀𒈾 𒌷𒄠𒃼𒊒𒈾 𒀝𒆗𒈠 𒄊𒀴𒎌 𒊭 𒄭𒀉𒂅 |
𒌑𒉺𒅁𒋗𒌑 𒄿𒈾 𒄑𒆪𒎌 𒀀𒂁 𒌉𒎌 𒌷 𒂊𒄫 𒀭𒉌 𒀀𒈾 𒊩𒆷𒋾 𒄠𒉡 𒋛𒀉𒌅𒋼𒋙𒉡 𒊭 𒄢𒈜𒋫𒋙𒌦 𒆷 𒅁𒋗𒌑 𒍑𒋩𒋗𒌦 𒀝𒁉 𒁹𒉺𒁲𒄿 𒈗𒋙𒉡 | |
𒌌𒌅 𒆠𒆗 𒌷𒌨𒊓𒇷𒅎𒈠 𒌑𒊺𒍝𒄠𒈠 𒄿𒈾 𒄑𒄖𒍝 𒌋𒅗𒋙𒌦 𒌑𒊺𒈨𒈠 𒎙𒁕𒀜𒌓 𒁁𒇻𒋾𒅀 𒌑𒆥 𒍢𒊒𒍑𒋙 𒊭 𒁹𒄩𒍝𒆥𒀀𒌑 𒆳𒅀𒌑𒁕𒀀𒀀 𒊭 𒆷 𒅅𒉡𒋙 | |
𒀀𒈾 𒉌𒊑𒅀 𒐏 𒌷𒎌𒋙 𒂍 𒂦𒎌 𒆗𒉡𒋾 𒅇 𒌷𒎌 𒊭 𒇷𒈨𒋾𒋙𒉡 𒊭 𒉌𒁀 𒆷 𒄿𒋗𒌑 𒀠𒈨 𒆳𒌓 𒀾𒇻𒆷 𒊩𒆷𒁹 𒄠𒉡 𒃻𒋗 𒁶 𒄷 𒄣𒌒𒉿 𒆠𒆗 | |
𒌷𒌨𒊓𒇷𒅎𒈠 𒌷 𒈗𒋾𒋙 𒂊𒁍𒋗 𒌷𒄬𒍮𒎌 𒌋𒅗𒋗 𒌑𒊩𒆧 𒌷𒎌𒋙 𒊭 𒀾𒇻𒆷 𒌌𒌅 𒆠𒆗 𒆳𒋙 𒀊𒌇𒈠 𒀀𒈾 𒈗𒎌 𒌷𒊍𒁺𒁲 𒌷𒄑𒋡𒀠𒇻𒈾 | |
| 30 | 𒌷𒄠𒃼𒊒𒈾 𒌷𒄩𒍣𒋾 𒀜𒁷𒈠 𒌑𒍝𒄴𒄭𒅕 𒆳𒋢 𒂊𒇷 𒄘𒌦 𒈤𒊑𒋾 𒈾𒆗 𒆳𒋾𒋙𒌦 𒎙𒁕𒀜𒌓 𒌑𒋥𒁲𒈠 𒌑𒆥 𒍢𒊒𒍑𒋗𒌦 𒋗𒌑 𒁹𒄩𒍝𒆥𒀀𒌑 𒇧𒄭 𒈨𒇴𒈨 |
𒁁𒇻𒋾𒅀 𒄑𒄷𒁍𒋗𒈠 𒇽𒌫𒁉 𒅇 𒇽𒂟𒎌𒋙 𒅆𒂟𒎌 𒊭 𒀀𒈾 𒆠𒆗 𒌷𒌨𒊓𒇷𒅎𒈠 𒌷 𒈗𒋾𒋙 𒌑𒊺𒊑𒁍𒈠 𒀉𒋾 𒌍 𒄘𒌦 𒆬𒄀 𒐍 𒈨 𒄘𒌦 𒆬𒌓 | |
𒊩𒈠 𒋳𒋗 𒉌𒈲𒋾 𒂍𒃲𒋙 𒅇 𒌉𒊩𒎌𒋙 𒊩𒌦𒎌 𒂍𒃲𒋙 𒇽𒈜𒎌 𒊩𒈜𒎌 𒀀𒈾 𒆠𒆗 𒀏𒆠 𒌑𒊺𒁉𒇴𒈠 𒀀𒈾 𒈾𒆗 𒎙𒁕𒀜𒋾 𒅖𒁍𒊏 𒊩𒁍𒋙 | |
𒄿𒈾 𒐉𒂊 𒄫𒊑𒅀 𒀀𒈾 𒆳𒂍𒁹𒅀𒁺 𒇻 𒀠𒇷𒅅 𒄿𒈾 𒈪𒋾𒅅 𒄫𒊑𒅀 𒊭 𒁹𒋗𒍪𒁉 𒇽𒆗𒁕𒀀𒀀 𒀀𒈨 𒆠𒆗 𒀀𒇉𒀀𒃵𒈨 𒄿𒈾 𒌷𒁉𒀉𒌅𒋾 𒀾𒋫𒃶 | |
𒅆𒅆𒋙 𒋗𒌑 𒄑𒆪𒎌𒅀 𒂊𒂉𒈠 𒂊𒁹 𒅁𒌓𒋃𒈠 𒌌 𒅔𒈾𒂇 𒀀𒊬𒋙 𒉺𒀭 𒉌𒊑𒅀 𒌑𒌁 𒀀𒈾 𒆳𒂍𒁹𒅀𒁺 𒊍𒍝𒁁 𒄯𒊏𒉡 𒋗𒌑 | |
| 35 | 𒁹𒀭𒀫𒌓𒌉𒍑𒋧𒈾 𒊭 𒄿𒈾 𒀀𒋃 𒄫𒊑𒅀 𒈤𒊑𒂊 𒀾𒆪𒉡 𒅆𒅆𒋙 𒊑𒁶 𒄑𒆪𒎌𒅀 𒆗𒉡𒋾 𒂊𒂉𒈠 𒀀𒈾 𒌷𒈾𒄀𒄿𒋾 𒊭 𒌘 𒌓𒁴 𒅔𒈾𒂍 |
𒋀𒎌𒋙 𒆰 𒂍 𒀜𒋙 𒊭 𒌑𒈦𒅆𒊒 𒀀𒄭 𒌓𒁴 𒋛𒀉𒋾 𒌦𒎌 𒆳𒋙 𒌌𒌅 𒆳𒂍𒅀𒁺 𒆠𒆗 𒀀𒇉𒀀𒃵𒈨 𒌋 𒀊𒉺𒊏𒀀𒋾 𒀾𒇻𒆷 𒌑𒌁𒈠 𒌷𒎌𒋙 | |
𒀊𒇧 𒄿𒈾 𒀭𒄑𒁇 𒀝𒈬 𒄿𒈾 𒋫𒀀𒀀𒅈𒋾𒅀 𒁹𒀸𒋩𒈾𒁷𒈬 𒌉𒌑𒀀 𒄿𒈾 𒄑𒄖𒍝 𒁁𒇻𒋾𒋙 𒌑𒊺𒈨𒈠 𒌑𒆳𒄀𒆷 𒉺𒉡𒍑𒋙 𒄿𒈾 𒐊 𒄫𒊑𒅀 | |
𒇽𒎌 𒌷𒌅𒄯𒊏𒀀𒀀 𒃻 𒁶 𒆥𒉌 𒀉𒄷 𒍢𒅕 𒆹𒋾 𒆳𒉌𒁓 𒆳𒄿 𒈥𒍢 𒋗𒁁𒋢𒌦 𒋃𒆪𒈾𒀜𒈠 𒆷 𒆤𒉡𒋗 𒀀𒈾 𒉌𒊑𒅀 𒄿𒈾 𒄊𒅀 𒆳𒉌𒁓 𒅗𒊏𒅆 | |
𒌑𒃻𒀾𒆥𒈠 𒀉𒋾 𒇽𒂟𒎌 𒀞𒅀 𒆷 𒂵𒈨𒇻𒋾 𒀀𒈾𒆪 𒁶 𒄞𒄠 𒅅𒁲 𒉺𒉡𒍑𒋙𒌦 𒊍𒁁 𒄯𒊑 𒈨𒇷𒂊 𒆳𒎌 𒈥𒍮𒋾 𒄿𒈾 𒄑𒄖𒍝 𒀾𒋫𒄠𒁲𒄴 | |
| 40 | 𒀀𒊬 𒀀𒈾 𒄑𒄖𒍝 𒊒𒋗𒄣 𒄿𒈾 𒄊𒅀𒅀 𒀾𒈭𒄭𒀉 𒁶 𒅈𒈨 𒀀𒊬 𒄵𒅗𒀀𒀀 𒅕𒈠𒀀 𒄿𒃻𒀀 𒈠𒈾𒄴𒌓 𒍢𒅕 𒎎 𒆳𒄿 𒌑𒈨𒈠 𒀀𒎌 𒋢𒀀𒂔𒇲 |
𒅗𒍮𒋾 𒀀𒈾 𒍮𒈨𒅀 𒇻 𒀾𒋾 𒄿𒈾 𒋗𒋛𒎌 𒄯𒃻𒀀𒉌 𒅈𒁲𒋙𒉡𒋾𒈠 𒀾𒋫𒃶 𒈭𒋫𒋙𒌦 𒌷𒎌𒋙𒉡 𒆳𒌓𒈠 𒀾𒇻𒆷 𒊩𒆷𒋢𒌦 | |
𒀊𒇧 𒀝𒄥 𒄿𒈾 𒀭𒄑𒁇 𒀝𒈬 𒉺𒀭 𒉌𒊑𒅀 𒌑𒌁𒈠 𒍢𒅕 𒁹𒈠𒉌𒅀𒂊 𒈗 𒌷𒊌𒆠 𒆷 𒃶𒊺 𒊍𒍝𒁁 𒄯𒊏𒉡 𒌨𒄭 𒉺𒀾𒄣𒋾 𒊭 𒆷𒉺𒀭 𒆳𒎌 | |
𒈥𒍮𒋾 𒆠𒆗𒋙𒌦 𒈠𒉆𒈠 𒆷 𒅋𒇷𒆪 𒈗 𒉺𒉌 𒈤𒊑𒅀 𒄿𒈾 𒄊𒅀 𒆳𒀀𒈾𒊏 𒅇 𒆳𒌒𒉺 𒆳𒎌 𒆗𒉡𒋾 𒅗𒊏𒅆 𒌑𒃻𒀾𒆥𒈠 | |
𒀀𒈾𒆪 𒄿𒈾 𒄑𒄖𒍝 𒉌𒈨𒁲 𒀉𒋾 𒇽𒂟𒎌 𒀞𒅀 𒈥𒍢𒅖 𒄿𒋼𒂖𒆷𒀀 𒋗𒋛𒎌 𒆳𒎌 𒉺𒀾𒋡𒀀𒋾 | |
| 45 | 𒋗𒌑 𒁹𒈠𒉌𒅀𒂊 𒀀𒋃 𒄀𒅕𒊑𒅀 𒅖𒈨𒈠 𒌷𒊌𒆪 𒌷 𒈗𒋾𒋙 𒂊𒍦𒈠 𒀀𒈾 𒊒𒆠𒋾 𒅔𒈾𒂍 𒂊𒊒𒌝𒈠 |
𒀀𒈾 𒆠𒆗 𒂍𒃲𒋙 𒊩𒈠 𒋳𒋙 𒃻𒋗 𒃻𒂵 𒆷 𒉌𒁉 𒀾𒇻𒆷 𒉌𒈲𒋫𒋙 𒅗𒂍𒌓 𒌷𒎌𒋙 𒀊𒇧 𒀝𒄥 𒄿𒈾 𒀭𒄑𒁇 𒀝𒈬𒈠 | |
𒆠𒈠 𒇯 𒀀𒁍𒁉 𒌑𒊺𒈨 | |
𒄿𒈾 𒐋 𒄫𒊑𒅀 𒀀𒈾 | |
𒌷𒈾𒄀𒋾 𒌷𒈾𒄀𒋾𒁲𒀪𒁉𒈾 | |
| 50 | 𒌷𒎌 𒊭 𒈗 𒆳𒂊𒇴𒋾 𒊭 𒄿𒈾 |
𒂊𒄵𒆗 𒀀𒇉𒈥𒊏𒋾 𒋃𒆪𒈾𒀜 | |
𒋗𒁁𒋢𒌦 𒌦𒎌 𒆳𒂍𒁹𒅀𒁺 𒆷𒉺𒀭 | |
𒄑𒆪 𒀭𒀸𒋩 𒆗𒉡𒋾 𒅖𒄷𒌅𒈠 𒄑𒍣𒁍 | |
𒁕𒄉𒈨𒋗𒉡 𒀀𒇉𒈥𒊏𒁺 𒄿𒁉𒊒𒌑𒈠 | |
| 55 | 𒆠𒃻𒁕 𒀀𒄭𒂗𒈾𒀀 XXX𒌑 XX𒉌𒄴𒋾 |
𒀭𒀸𒋩 𒁁𒉌 𒌑𒋳𒆸𒀭𒉌𒈠 𒍢𒊒𒍑𒋙𒌦 𒀀𒈾 | |
𒆳𒈾𒄀𒋾 𒀀𒆷𒆪 𒀝𒁉 𒇽𒂟𒎌 𒆳𒄩𒀜𒋾 𒄷𒁍𒌓 | |
𒄑𒉼𒎌𒅀 𒄿𒈾 𒀏𒆠 𒌑𒊺𒈨𒈠 𒄑𒈣𒎌 𒍢𒊏𒀀𒋾 | |
𒂊𒄫𒋾 𒆳𒋗𒌦 𒅁𒉡𒌑 𒅘𒇺 𒇽𒈣𒁺𒁺𒎌 𒌷𒀫𒊏𒀀𒀀 | |
| 60 | 𒌷𒍢𒁺𒌦𒈾𒀀𒀀 𒆳𒅀𒄠𒈾𒀀𒀀 𒆠𒋃𒋾 𒋗𒅀𒅀 𒌑𒃻𒄭𒋢𒉡𒋾 |
𒌨𒌈 𒆠𒆗 𒀀𒇉 𒀉𒋾 𒅆𒈾𒋾 𒀀𒈾 𒆤𒁕𒋾 𒀀𒁲 𒌷𒌑𒉿𒀀 | |
𒌑𒊺𒆸𒁍𒌑 𒅇 𒋫 𒌷𒌑𒉿𒀀 𒈾𒁀𒇺 𒌑𒊺𒇻𒅆𒈾𒋾𒈠 | |
𒍢𒅕 𒄑𒃵𒄖𒄀 𒀀𒈾 𒌓𒄒𒉣𒆠 𒅋𒁺𒁺𒅆𒈾𒋾𒈠 𒆠𒆗 𒀀𒇉𒀀𒈛𒋾 | |
𒀉𒁺𒅆𒈾𒋾 𒀀𒈾 𒄯𒊑 𒂍𒁖𒆪𒊑 𒊭 𒆳𒆗𒁲 𒌑𒊺𒆸𒁍𒌑 | |
| 65 | 𒋗X𒄿𒈾 X𒀭 𒀠𒌨 XX𒈠 𒄣 XX𒎌𒅀 𒌑𒊒𒋾 |
𒃻 𒆷 𒄿𒁺𒌑 𒀀𒁕𒊒 𒇽𒄥𒁍𒋾 𒄊𒅀𒅀 𒁍𒈠𒇻𒋾 𒅇 𒇽𒂟𒎌 𒋫𒄩𒍣𒅀 | |
𒃼𒁺𒋾 𒊭 𒆷 𒄿𒈾 𒆠𒆗 𒄑𒈣𒎌 𒌑𒊬𒄒𒋗𒉡𒋾𒈠 | |
𒍢𒁲𒌅 𒀜𒁷𒋗𒉡𒋾 𒊺𒅎 𒅇 𒊺𒅔𒉡𒄭𒀀 𒀀𒈾 𒈬𒌨𒉌𒄑𒆠 𒌑𒊺𒆷𒀀 | |
𒀉𒋾𒋙𒌦 𒄣𒊏𒁺𒌑𒀀 𒄿𒈾 𒄑𒈣𒎌 𒄿𒆸𒁍𒌑 𒀀𒇉𒁍𒋥𒌅 𒀀𒈾𒆪 | |
| 70 | 𒀀𒈾 𒄿𒋾𒋙𒌦 𒈾𒁀𒇻 𒂟𒋫𒆪𒈠 𒀀𒈾 𒌷𒆍𒊓𒇷𒈨𒋾 𒌑𒊬𒁕𒀀 𒌨𒄭 |
𒄿𒈾 𒌌𒇻𒌑 𒊑𒅆𒅀 𒌌𒌅 𒀀𒄭 𒀀𒇉𒁍𒋥𒋾 𒀀𒁲 𒄒𒊑 𒌓𒁴 𒈠𒋃 𒈫 𒆜𒁍 𒆕𒋡𒊒 | |
𒅗𒇷 𒅗𒇻𒃻 𒄿𒈾 𒀀𒀀𒊑𒁺𒌑𒀀 | |
𒀀𒆳 𒀀𒈾 𒊮𒁉𒅀 𒌌 𒀾𒁺𒌓 | |
𒄿𒈾 𒀾𒊑 𒋗𒀀𒁺 𒀜𒋫𒁲 𒅗𒊏𒅆 𒂊𒁺𒌑 𒋫𒈠𒋾 𒃮𒋀 𒅖𒃻𒄠𒈠 𒆠𒆗 | |
| 75 | 𒄑𒍝𒊏𒋾𒅀 𒂊𒊒𒌝𒈠 𒉌𒋾𒅖 𒅋𒈠𒀀 𒁶𒊑 𒅗𒊏𒅆𒅀 𒄿𒈾 𒀀𒎌 𒆗𒉡𒋾 |
𒐊 𒌓𒈨 𒅇 𒈪 𒆠𒈠 𒆪𒌒𒉿𒂊 𒋩𒁍𒍝 𒄀𒂇 𒁀𒄷𒆷𒀀𒋾𒅀 𒄑𒈣𒎌 𒄣𒊏𒁲𒅀 | |
𒀀𒈾 𒊩𒋡𒀜 𒉿𒄿 𒀀𒇉 𒅅𒋗𒁕 𒀀𒊬 𒀀𒇉𒁍𒋥𒌅 𒀀𒎌𒃻 𒌑𒋀𒊺𒊒 | |
𒄫𒁍𒍑 𒌓𒁴 𒂵𒀖𒋾 𒀀𒈾𒆪 𒀀𒈾 𒈪𒄭𒅕𒋾𒋙𒌦 𒄿𒈾 𒄘 𒀀𒇉𒈥𒊏𒋾 | |
𒊍𒁁𒈠 𒀀𒈾 𒀭𒂍𒀀 𒈗 𒍪𒀊 𒌑𒊺𒉿𒃻 𒇻𒀬𒎌 𒆬𒎌 𒀉𒋾 𒄑𒈣 𒆬𒄀 𒄩 𒆬𒄀 | |
| 80 | 𒀠𒂁𒌓 𒆬𒄀 𒀀𒈾 𒆠𒆗 𒌓𒁴 𒀜𒁲𒈠 𒄑𒈣𒎌𒅀 𒀀𒈾 𒌋𒅗 𒆳 𒌷𒈾𒄀𒄿𒋾 |
𒌨𒊒𒄭𒅖 𒌑𒊺𒄵 𒄿𒈾 𒄒𒊑 𒌓𒁴 𒃲𒆷𒋾 𒊭 𒀀𒈾 𒅆𒅅𒉡 𒀀𒈾 𒂊𒇷𒂊 | |
𒀲𒆳𒊏𒎌 𒅇 𒋃𒆲 𒄊𒅀 𒇽 𒆷 𒈾𒂅 𒈠𒃲 𒋳𒊒𒊻𒈠 𒁀𒄷𒆷𒋾 𒆳𒆗𒁲 | |
𒀀𒈨 𒌷𒈾𒄀𒋾 𒌷𒈾𒄀𒋾𒁲𒀪𒁉𒈾 𒌦𒎌 𒆳𒄭𒅋𒈬 𒆳𒉈𒆷𒌓 | |
𒅇 𒆳𒄷𒉺𒉺𒉡 𒄑𒈣𒎌 𒄣𒊏𒁲𒅀 𒄿𒈬𒊒𒈠 𒂟𒎌 𒄑𒉼 𒄑𒍮𒌝𒁉 | |
| 85 | 𒀲𒆳𒊏𒎌 𒀲𒋙𒀯𒎌 𒂊𒈮 𒆷 𒉌𒁉 𒌑𒆏𒉿𒌓 𒁁𒄩𒊕 |
𒂖𒆷𒈨𒋙𒌦 𒄿𒈾 | |
𒀀𒇉𒌑𒆷𒀀 𒈾𒀀𒊒 𒊭 𒄒𒊒𒃻 | |
𒄭𒂵 𒋛𒀉𒊒 𒋃𒆪𒉡 | |
𒈨𒇷𒂊 𒂟𒄭𒀀𒅀 𒂟𒌅𒈠 | |
| 90 | 𒌑𒃻𒀪𒇻 𒄑𒆪𒎌𒋙𒌦 |
𒄣𒊏𒁺𒌑𒀀 𒀀𒈾 𒅗𒀀𒊑 | |
𒈠𒆗𒇷𒂊 𒅅𒋗𒁺 𒍢𒊒𒍑𒋙𒌦 | |
𒌌𒌅 𒆠𒆗 𒄑𒈣𒎌 𒀀𒈾 𒄒𒊑 𒀀𒊑𒄫 | |
𒅁𒌓𒋗𒈠 𒅖𒆪𒉡 𒈭𒋫𒋙𒌦 𒌷𒈾𒄀𒌅 | |
| 95 | 𒌷𒈾𒄀𒌅𒁲𒀪𒁉𒈾 𒆳𒄭𒅋𒈬 𒆳𒉈𒆷𒌅 |
𒅇 𒆳𒄷𒉺𒉺𒉡 𒌷𒎌 𒊭 𒈗 𒆳𒂊𒇴𒋾 𒅅𒋗𒁺 | |
𒆗𒉡𒋢𒌦 𒋼𒉈𒋃 𒇽𒆗𒁲 𒀭𒎌 𒁶𒊑 𒆳𒂍𒁹𒅀𒁺 | |
𒀀𒁲 𒃻𒂵𒋙𒉡 𒅇 𒌦𒎌 𒂊𒆷𒈨𒄿 𒄑𒍮𒌝𒁉 𒀲𒆳𒊏𒎌 | |
𒀲𒋙𒀯𒎌 𒀲𒀴𒎌 𒅖𒇻𒇻𒉌 𒆠𒆗 𒄑𒈣𒎌𒋙𒉡 | |
| 100 | 𒌑𒊺𒇻𒈠 𒀀𒄩𒀭𒈾𒀀 𒀀𒈾 𒌷𒆍𒊓𒇷𒈨𒋾 𒀀𒁲 𒈤𒊑𒅀 |
𒌑𒊺𒁉𒊒𒉌 𒌷𒎌 𒃻𒌅𒉡 𒅁𒁍𒇻 𒅅𒄣𒊒 𒄿𒈾 𒀭𒄑𒁇 𒀝𒈬 | |
𒌋𒅗 𒆳𒉏𒈠𒆠 𒂼𒁴 𒀉𒁍𒆪 𒃻𒄴𒊏𒅈𒌓 𒄿𒈾 𒊩𒆳 𒆳𒎌 | |
𒌍 𒅆 𒐊 𒈨 𒄑𒉼 𒎙 𒅆 𒈫 𒈨 𒄑𒀀𒊑𒌓 𒄿𒈾 𒊮𒁉𒋙𒉡 𒀝𒀫𒈠 𒌋𒅗 𒆠𒈲 | |
𒈗𒋾𒅀 𒌑𒋥𒁲 𒋛𒀉𒋾 𒊩𒆳 𒈾𒆠𒊑 𒅗𒂍𒋾 𒀀𒈾 𒄀𒂇 | |
| 105 | 𒆠𒆘𒅀 𒇽𒂗𒉆𒎌𒅀 𒅇 𒌦𒎌 𒈠𒄩𒍝𒉌𒅀 𒁶 𒍢𒂊𒉌 |
𒇻 𒌑𒍝𒀪𒄑 𒄿𒈾 𒌓𒈨𒋙𒈠 𒂍𒃲 𒌘 𒌷 𒊭 𒀏𒆠 𒊭 𒐈 𒈨 𒐕 𒀸 𒁹𒌑 𒍑 | |
𒐕 𒀸 𒁹𒌑 𒊕𒆠 𒈠𒊏𒆪 𒋃𒆪𒈾𒀜𒈠 𒍮𒄴𒄷𒋥 𒋗𒁁𒊓 𒊭 𒈗𒎌 | |
𒀀𒇷𒋻 𒈤𒊑 𒀜𒎌𒅀 𒀀𒈾 𒊑𒁁 𒁁𒇻𒋾𒋙𒌦 𒌑𒊺𒉿𒋙𒈠 𒆷 𒌑𒅘𒆠𒇻 | |
𒅆𒌓𒃻 𒀭𒆘𒀭𒆗𒎌 𒊭 𒎎𒉿𒄿𒇷 𒉿𒍢𒂊 𒄿𒈾 𒌷𒋫𒊍𒋾𒀀𒋼 𒅁𒌅𒄣 | |
| 110 | 𒀀𒈾 𒈬𒆸 𒆍𒎌𒊿 𒀀𒈾 𒋗𒁍𒍑 𒄑𒈣𒎌 𒆠𒆗 𒄑𒌁𒎌 𒄑𒎌 𒃲𒎌 𒌑𒆠𒊒 |
𒄿𒈾 𒀮𒄯 𒆳𒈨𒋙𒌦 𒄿𒈾 𒌗𒄞 𒌓𒈬 𒀀𒆗𒉌 𒂊𒁲𒂊 𒉺𒀭 𒆳𒋾 𒄿𒈾 𒄑𒈣𒎌 | |
𒍢𒊏𒀀𒋾 𒀀𒈾 𒀀𒄩𒀭𒈾𒀀 𒌑𒈨𒁉𒊒𒉌 𒈥𒍢𒅖 𒄿𒈾 𒉌𒄵 𒅗𒀀𒊑 | |
𒄑𒈣𒄖𒆷𒎌 𒌑𒁲𒅁𒁍𒌑 𒁀𒄷𒆷𒋾𒋙𒌦 𒌑𒃻𒉌𒄷 𒌑𒇴𒈨𒉡 | |
𒅗𒆜𒌍 𒄿𒈾 𒁕𒈾𒉌 𒅇 𒊒𒋗𒆠 𒈥𒍢𒅖 𒌑𒁉𒇻𒉏𒈠 𒌑𒃻𒊍𒁉𒌅 | |
| 115 | 𒆍𒎌𒅆𒅔 𒀀𒇉𒋼𒉈𒋾 𒀀𒄖𒌑 𒋃𒈬𒊒 𒊭 𒌌𒌅 𒌓𒎌 𒋤𒎌 𒁲𒄴 |
𒂍𒃲 𒄿𒁀𒀪𒌑𒈠 𒄿𒈾 𒀀𒆗𒃻 𒃮𒅆 𒌑𒆗𒁍 𒁴𒈨𒂗𒃻 𒂍𒃲𒌉𒊏 | |
𒃻𒀀𒌅 𒀀𒈾 𒋛𒄭𒅕𒋾𒃻 𒀝𒄥 𒊭 𒀀𒇉𒋼𒉈𒋾 𒈠𒋃𒃻 𒌌𒌅 𒋡𒁄𒋾 𒌷 | |
𒀊𒊒𒊻𒈠 𒄿𒈾 𒋫𒂇𒋾 𒆪𒊑 𒌷 𒌑𒊺𒋓 𒈬𒍮𒃻 𒄿𒈾 𒁹 𒃷 𒈠𒋃 𒀀𒎌 | |
𒐉 𒎎𒉿𒄿𒇷 𒃲𒎌 𒀉𒋾 𒀀𒇒𒌓𒀀 𒀝𒋛𒈠 𒄀𒎌 𒀀𒉿 𒅇 𒆪𒉿𒂊 𒌑𒆳𒊑𒍝 𒌋𒅗𒋙𒌦 | |
| 120 | 𒐊 𒈨 𒐐 𒀸 𒁹𒌑 𒍑 𒈫 𒈨 𒐕 𒀸 𒁹𒌑 𒊕𒆠 𒆕𒋡𒊒 𒌌𒌅 𒆠𒆗 𒀀𒇉𒄷𒋢𒌨 𒅇 |
𒋫𒂇𒋾 𒌷 𒆠𒈠 𒀀𒋻𒁴𒈠 𒇻 𒊍𒁀𒋫 𒍢𒅕 𒈨𒅆𒄴𒋾 𒌓𒇷𒄿 𒈤𒊑𒂊 𒇻 𒌑𒋥𒁲𒈠 | |
𒀀𒈾 𒋛𒄭𒅕𒋾𒋗 𒄿𒈾 𒁹 𒈨 𒐕 𒋾𒅁𒆠 𒌌𒆷𒀀 𒊑𒅆𒋗 𒀀𒈾 𒐎 𒈨 𒌋 𒄿𒈾 𒆹𒈝 𒃲𒁴 𒍑 𒅇 𒐉 𒈨 𒐏 𒀸 𒆹𒈝 | |
𒃲𒁴 𒊕𒆠 𒅆𒆤𒋾 𒂍𒃲 𒌑𒌁𒈠 𒋗𒁁𒊓 𒍑𒊐𒁉 𒂍𒃲𒎌 𒆬𒄀 𒆬𒌓 𒌓𒅗𒁇 𒎎𒀭𒍝𒄢𒈨 𒎎𒂉𒈪𒈾𒌉𒁕 | |
𒎎𒄑𒉢𒃲 𒅗 𒄠𒋛 𒄑𒆗 𒄑𒌆 𒄑𒈩𒈣𒃶𒈾 𒄑𒌷𒉌 𒄑𒋩𒎙 𒋆𒇷 𒄑𒂊𒇴𒈠𒆪 𒄑𒋛𒅔𒁕𒀀 𒀀𒈾 𒈬𒉺𒅁 𒁁𒇻𒋾𒅀 | |
| 125 | 𒀊𒉌𒈠 𒂍 𒈬𒌁𒊑𒋼 𒌓𒋻 𒂍𒃲 𒆳𒄩𒀜𒋾 𒈪𒄴𒈩 𒁀𒁀𒀀𒋾 𒌑𒊺𒄫 𒄑𒃡𒎌 𒄑𒌷𒉌 𒄑𒋩𒎙 𒊭 𒂊𒊑𒋢𒌦 |
𒁕𒀀𒁍 𒁉𒉡𒌓 𒆳𒄩𒈠𒉏 𒆳𒋛𒊏𒊏 𒆳𒎌 𒆬𒎌 𒌑𒆳𒊑𒍝 𒂊𒇷𒊿 𒄑𒅅𒎌 𒄑𒌷𒉌 𒄑𒋩𒎙 𒋆𒇷 𒈨𒋤 𒆠𒊕 𒅇 𒍏 | |
𒌑𒊩𒆧𒈠 𒌑𒋥𒋫𒀀 𒁀𒁉𒊿 𒄿𒈾 𒁀𒊩𒆠 𒊭 𒆠𒆗 𒂍𒉺𒈜𒎌𒉌 𒀊𒋾 𒁉𒅕𒊑 𒌑𒉻𒋫𒀀 𒊩𒀭𒆗𒎌 𒎎𒄑𒉢𒃲 | |
𒅗 𒄠𒋛 𒊭 𒅋𒇻𒊒 𒈾𒃻𒀀 𒆤𒈬𒊓 𒈩𒋫𒊿 𒁄𒌅 𒆪𒊻𒁍 𒄭𒀉𒇻𒉺 𒇻𒇷𒂊 𒈠𒆷𒀀 𒄿𒈾 𒆍𒎌𒅆𒅔 𒌌𒍣𒄑𒈠 | |
𒀀𒈾 𒋰𒊏𒀀𒋾 𒌑𒃻𒌨 𒍮𒈜 𒋫𒊏𒀀𒉌 𒊭 𒆠𒆗 𒁀𒊩𒅗𒉌 𒂊𒂅𒋢𒌦 𒌑𒋚𒆷𒀀 𒌓𒈨𒅖 𒍑𒉆𒂇 𒋝𒆑 𒋼𒀀𒊑 | |
| 130 | 𒆜𒉿 𒅇 𒍏 𒆠𒆗𒊿 𒌑𒊩𒈨 𒄿𒈾 𒋞𒀠𒃡𒊏 𒎎𒅗 𒎎𒍝𒆳 𒊻𒋛𒈠 𒋛𒂖𒈝 𒉌𒁉𒄭 𒅇 𒄀𒂇 𒉺𒊍𒆠𒋗 𒀾𒋙 𒈨𒊑 𒂍𒃲𒅀 |
𒋗𒋼𒋗𒊑 𒅇 𒇷𒂍 𒋗𒅀𒅀 𒂄𒇻𒈨 𒄿𒈾 𒌓𒈨𒋗𒈠 𒀭𒀸𒋩 𒅇 𒀭𒅖𒋻 𒊏𒀪𒈬 𒇽𒋃𒋾𒅀 𒈾𒁍 𒈬𒅀 𒄑𒈤𒄭 𒄑𒌷𒉌 | |
𒊭 𒌌𒌅 𒌓𒎌 𒋤𒎌 𒄿𒅆𒄷𒈠 𒅅𒁉𒊒 𒈠𒃲 𒄿𒈾 𒆠𒆗 𒆳𒋛𒊏𒊏 𒆳𒁲𒄿 𒄿𒈾 𒁍𒊻𒊑 𒈾𒀭𒍪𒍪 𒌑𒊕𒇷𒈬𒅔𒉌 | |
𒍢𒄿𒋢𒌦 𒊭 𒎎𒄑𒉢𒃲 𒊭 𒄿𒈾 𒋻𒍢 𒈗𒎌𒉌 𒀜𒎌𒅀 𒀀𒈾 𒋼𒀀𒊑 𒉆𒍝𒊑 𒋗𒄣𒊒 𒄿𒈾 𒊓𒉼 𒆳𒄠𒈠𒈾𒈾 𒌑𒉺𒅁𒌅𒉌 𒉺𒉌𒋗 | |
𒅇 𒎎𒂉𒈪𒈾𒌉𒁕 𒈠𒆷 𒂁𒁓𒍣𒃲𒇷 𒊭 𒆷 𒅔𒉆𒊒 𒈠𒋾𒈠 𒄿𒈾 𒌷𒆏𒊑𒁕𒅈𒄀𒆷𒀀 𒃻 𒉺𒀀𒁲 𒌷𒇯𒁇𒋛𒅁 | |
| 135 | 𒌑𒆗𒅆 𒊏𒈠𒉡𒍑 𒄿𒋼𒂊 𒀏𒆠 𒄿𒈾 𒅕𒍢𒀉 𒌷𒁀𒆷𒁕𒀀𒀀 𒆠𒄿 𒉈𒅎 𒀭𒈠 𒎎𒉿𒄿𒇻 𒉿𒍮𒌑 𒀀𒈾 𒈬𒀪𒁲𒂊 |
𒅔𒈾𒂇𒈠 𒀭𒆘𒀭𒆗𒎌 𒅇 𒍝𒇴 𒎌𒊑𒋾 𒎎𒄑𒉢𒃲 𒊭 𒄿𒈾 𒁹𒂗 𒎎 𒅁𒁀𒉡𒌑 𒈪𒈾𒀀𒋾 𒉻𒇻𒇻 𒄿𒈾 𒆠𒃲𒇷 | |
𒉘𒉌𒋙𒉡 𒃻𒆧 𒈾𒀭𒍪𒍪 𒊩𒀖𒍝𒍝𒀀𒋾 𒎎𒄑𒉢𒃲 𒊭 𒍣𒄿𒈨 𒉡𒊻𒋢𒋡 𒁶 𒌓𒈨 𒈾𒌓𒁲𒂊 𒉡𒌝𒈬𒊒 𒍪𒄯𒊿 𒄿𒇻𒎌 𒎎𒂉𒈪𒈾𒌉𒁕 | |
𒍢𒊏𒀀𒋾 𒀊𒉌 𒆠𒇲𒆷𒀭 𒄿𒈾 𒆳𒁲𒋙𒌦 𒀊𒌇𒈠 𒀀𒈾 𒈨𒊑 𒂍𒃲𒅀 𒌑𒊩𒁲𒁕 𒆠𒆗 𒀏𒆠 𒀭𒆘𒀭𒆗𒎌 𒃲𒎌 𒅇 𒊩𒀖𒍝𒍝𒀀𒋾 𒎎𒉿𒄿𒇷 | |
𒉿𒍢𒂊 𒄿𒈾 𒈜𒋫𒀜 𒀭𒎏𒆳𒊏 𒄿𒈾 𒅕𒍢𒀉 𒌷𒁀𒆷𒁕𒀀𒀀 𒌑𒃻𒀪𒀖𒈠 𒌑𒊕𒇷𒆷 𒃰𒋫𒋙𒌦 𒊭 𒌌𒌅 𒌌𒆷 𒈗𒎌 𒀜𒎌𒅀 𒍝𒇴 𒍏 | |
| 140 | 𒌓𒋻 𒃰𒋾𒋙𒌦 𒀀𒈾 𒋗𒍪𒍣 𒆠𒆗 𒂍𒆳𒎌 𒅁𒉡𒈠 𒄿𒈾 𒂊𒄫𒋾𒋙𒉡 𒌑𒃻𒉌𒄷 𒄀𒂇 𒌉𒎌 𒌝𒈠𒀀𒉌 𒄿𒈾 𒆷 𒁉𒋃 𒊻𒉌 𒆷 𒄩𒊓𒊍 𒀀𒈠𒋾 𒀀𒈾 𒈨𒊑 |
𒄭𒋚𒋾𒋙𒉡 𒉌𒄑 𒅖𒆪𒊒 𒈾𒀠𒁀𒀾 𒍢𒂊𒉌 𒌑𒆠𒊒 𒆠𒆗 𒆳𒎌𒋙𒌦 𒅀𒀀𒋾 𒁹𒀭𒌍𒉽𒎌𒋢 𒀀𒃻𒈩 𒆗 𒂷𒆠 𒈬𒁲𒂊 𒈨𒊑 𒅗𒆷𒈠 𒁴𒈨 𒍏 𒃲𒎌 | |
𒌨𒈤𒄭 𒉿𒆗 𒄵𒆠 𒊭 𒈠𒈾𒈠 𒆷 𒅁𒋾𒄣 𒈗 𒉺𒉌 𒈤𒊑𒅀 𒄿𒈾 𒊻𒉌 𒉌𒆸𒋾 𒊭 𒌑𒆳𒇷𒈠 𒊒𒁍𒌑 𒀭𒎏𒅆𒆬 𒄿𒈾 𒅆𒌋𒌆𒋾 𒉘𒉌𒅀 | |
𒀀𒈾 𒂊𒄫 𒈨𒊑 𒋗𒀀𒌅 𒊏𒄫 𒄠𒊑𒌨𒈠 𒄿𒈾 𒈨𒌨 𒉈𒈨𒅀 𒅇 𒈨𒊕 𒅗𒁁𒋾𒅀 𒉿𒋾𒅅 𒍏 𒌑𒁀𒀾𒋆𒈠 𒌑𒅘𒆠𒆷 𒊩𒌨𒇲𒋢 𒊭 𒄑𒈤𒄭 | |
𒅇 𒀀𒆷𒁁𒋫 𒄑 𒎌𒊑𒂊 𒌋 𒌨𒈤𒎌 𒉌𒀪𒊒𒋾 𒀀𒁲 𒌋 𒀭𒆘𒀭𒆗𒎌 𒈤𒎌 𒊭 𒉻𒇻𒇻 𒀮𒉌𒌅 𒎙 𒊩𒀖𒍝𒍝𒀀𒋾 𒊭 𒆪𒊻𒁍 𒅇 𒌌𒍮 | |
| 145 | 𒄭𒀉𒇻𒉺 𒁄𒌅 𒆷𒆷𒀀 𒉈𒈬𒊒 𒍢𒊒𒍑𒊿 𒆠𒄿 𒉈𒅎 𒀭𒈠 𒍣𒀪𒉿 𒁲𒀉𒁲 𒀊𒉌𒈠 𒂊𒊏𒀀 𒆠𒆗𒋙 𒀾𒋰𒉺𒅗 𒆠𒄿 𒉿𒋾𒅅 𒁹 𒂆𒋫𒀀𒀭 |
𒌑𒊕𒇷𒆷 𒀮𒉌𒋢𒌦 𒀭𒆘𒀭𒆗𒎌 𒀮𒍑 𒍏 𒊭 𒈫 𒀸 𒊮𒁉 𒍝𒄩𒇻𒌑 𒀖𒁍𒋙 𒀭𒆘𒀭𒆗𒎌 𒎎𒄑𒉢𒃲 𒀀𒁲 𒀭𒆘𒀭𒆗𒎌 𒊩𒀖𒍝𒍝𒀀𒋾 | |
𒎎𒉿𒄿𒇷 𒉿𒍢𒂊 𒊭 𒂍𒃲𒎌𒅀 𒌑𒃻𒊍𒁉𒋫 𒋛𒃻𒅆𒅔 𒁴𒈨 𒍏 𒈤𒎌 𒀀𒁲 𒄑𒁴𒈨 𒄑𒌷𒉌 𒃲𒎌 𒁉𒅁𒆳 𒆳𒄩𒈠𒉏 𒈨𒋤 𒍏 | |
𒌑𒊩𒆧𒈠 𒍢𒅕 𒊊𒃲𒇷𒂊 𒌌𒁁𒈠 𒋰𒉿 𒆪𒈜 𒆍𒎌𒊿 𒂊𒅂 𒊩𒀖𒍝𒍝𒀀𒋾 𒎎𒄑𒉢𒃲 𒀀𒁲 𒊩𒀖𒍝𒍝𒀀𒋾 𒉿𒋾𒅅 𒌑𒊒𒁲𒂊 | |
𒊭 𒍝𒄩𒇻𒌑 𒀖𒁍𒃻 𒅇 𒊩𒀖𒍝𒍝𒀀𒋾 𒉿𒋾𒅅 𒄖𒀭𒈾 𒊭 𒉡𒌝𒈬𒊒 𒃰𒋫𒊿 𒄑𒁴𒈨 𒄑𒆗 𒄑𒋩𒎙 𒄑𒂞 𒄑𒁾𒊏𒉌 𒋆𒇷 | |
| 150 | 𒅇 𒄑𒋛𒅔𒁕𒀀 𒄴𒍣𒀉 𒉺𒊩𒇷 𒅇 𒆜𒉿 𒍢𒊒𒍑𒊿 𒌌𒁁𒈠 𒊭 𒉈𒈨 𒈬𒉺𒅁 𒁁𒇻𒋾𒅀 𒂊𒅂 𒄑𒃶𒌌𒎌𒋙𒌦 𒊍𒁺𒉺𒀀𒋾 |
𒎎𒂉𒈪𒈾𒌉𒁕 𒎎𒄑𒉢𒃲 𒅇 𒄿𒇻𒎌 𒎎𒉿𒄿𒇷 𒃲𒎌 𒀀𒋩𒊒𒊿 𒌑𒃻𒊍𒄭𒊏 𒀀𒈾 𒋰𒊏𒀀𒋾 𒌑𒃻𒌨 𒀾𒋗 𒌓𒈪𒌑𒈠 𒀀𒎌 𒁲𒇻𒋾 | |
𒁕𒈝 𒅁𒇷 𒄖𒋻𒍝𒀀𒋾 𒌓𒅗𒁇 𒅇 𒄯𒄩𒊑 𒌓𒅗𒁇 𒌑𒊺𒄫𒈠 𒆠𒈬𒌑 𒈠𒅗𒀀𒋾 𒄑𒈤𒄭 𒅇 𒀀𒆷𒁁𒋫 𒍢𒅕 𒇥𒎌 𒍑𒁁 𒂍𒃲𒎌 𒃻𒋾𒈾 | |
𒌑𒃻𒌨 𒊍𒈪𒅖 𒋛𒆟𒋾 𒂍𒃲 𒀀𒈾 𒋰𒋥 𒆧𒆳 𒌦𒎌 𒌌𒆷𒀀 𒊑𒅆𒃻 𒂍𒃲 𒊭 𒃻𒉌𒈾 𒆷 𒄿𒋗𒌑 𒉌𒂍𒊓 𒊍𒆳 𒄑𒊬𒈤𒄷 | |
𒌓𒋻 𒆳𒄩𒈠𒉏 𒊭 𒄀𒂇 𒋆𒄭𒀀 𒄧 𒍦𒉺𒀀𒋾 𒄑𒎌 𒌇𒆳 𒆳𒁲𒄿 𒅇 𒆳𒆗𒁲 𒆠𒆗𒋙 𒄯𒊒𒋗 𒄿𒋫𒀀𒃻 𒊍𒁺 𒀀𒈾 𒁁𒊏𒀀𒋾 | |
| 155 | 𒋳𒈬𒄭 𒌌𒌅 𒉺𒀀𒁲 𒌷𒆠𒋛𒊑 𒀀𒁲 𒋫𒂇𒋾 𒌷𒉌𒈾𒀀 𒆳𒀀 𒄿𒈾 𒀝𒆰𒆷𒋾 𒀭𒁇 𒌑𒆳𒌁𒈠 𒌑𒊺𒋓 𒀀𒇉𒄯𒊒 |
𒁹 𒁹 𒆜𒁍 𒆕𒋡𒊒 𒌌𒌅 𒆠𒆗 𒀀𒇉𒄷𒋢𒌨 𒈠𒀀𒈨 𒁕𒊒𒌑𒋾 𒀀𒊬𒃻 𒌑𒊬𒁕𒀀 𒆠𒆗 𒁁𒊏𒀀𒋼 𒊭𒋾𒈾 𒌑𒋚𒁉𒁀 𒉻𒋾𒅖 | |
𒀀𒈾 𒊒𒋗𒄴 𒀀𒋃𒋾 𒀀𒎌 𒊭 𒄑𒊬𒎌 𒀀𒇉𒀀𒃵𒈬 𒌑𒉺𒅁𒅆𒈠 𒍮𒍮𒌑 𒆠𒆗𒊭 𒊍𒋾𒅋 𒆠𒊕𒊩𒄷𒎌 𒋚𒎌 𒄑𒄀 | |
𒀀𒆗 𒆠𒄿𒅆 𒄿𒈾 𒊮𒁉 𒌑𒈦𒋓 𒄿𒈾 𒉈𒅎 𒀭𒈠 𒆠𒆗 𒄑𒊬𒎌 𒄑𒃾 𒄀𒂇 𒄧 𒄑𒋛𒅕𒁺 𒅇 𒋆𒄭𒀀 𒈠𒃲 𒅖𒈬𒄷 𒄑𒋩𒎙 | |
𒄑𒈩𒈣𒃶𒈾 𒀮𒄯 𒄑𒎌 𒄿𒅆𒄷𒈠 𒌑𒇡𒊑𒋗 𒉺𒉺𒀠𒈝 𒀊𒉺𒊏𒀀𒋼 𒈠𒃲 𒄿𒅆𒊏 𒄷 𒀭𒂊 𒆠𒊕𒊩𒄷 𒆥𒈾 𒅅𒉣𒈠 | |
| 160 | 𒋚 𒄑𒄀 𒀀𒆗 𒆠𒄿𒅆 𒌑𒊐𒉿𒋗 𒋫𒀖𒌅 𒄑𒈩𒈣𒃶𒈾 𒄑𒋩𒎙 𒋻𒂍 𒍦𒉺𒀀𒋾 𒄀 𒆹𒎌 𒊭 𒆠𒆗 𒀀𒇉𒀀𒃵𒈨 𒀝𒋃𒈠 |
𒀀𒈾 𒈨𒊑 𒄭𒋚𒋾 𒂍𒃲𒎌 𒁁𒇻𒋾𒅀 𒇻 𒆕𒍑 𒌌𒌅 𒈨𒊑 𒂍𒃲𒅀 𒌑𒋗𒌅𒌑 𒀭𒀸𒋩 𒂗 𒃲 𒀭𒎌 𒅇 𒀭𒅖𒋻𒎌 | |
𒀀𒅆𒁍𒌓 𒆳 𒀸𒋩𒆠 𒄿𒈾 𒄫𒁉𒃻 𒀝𒊑𒈠 𒇻𒀬𒎌 𒌨𒊑𒄴𒋼 𒀝𒆠𒈠 𒌑𒆳𒅆 𒆑𒊏𒀀𒀀 𒉌𒄑 𒄑𒁍𒁲 𒅇 𒄭𒁉𒅖𒋾 | |
𒌑𒊩𒋡𒀀 𒀀𒈾 𒊒𒍑𒋼 𒄿𒈾 𒌨𒊑𒀉 𒂍𒃲 𒊭 𒁀𒄷𒆷𒋾 𒆳𒅀 𒌑𒃻𒀾𒋡𒀀 𒌋𒅗𒄩𒊿 𒃾𒎌 𒁺𒍑𒋗𒁍 𒀫𒊏𒊿 𒄠𒄫 𒄿𒈾 𒆠𒂍 | |
𒀸𒋩 𒀀𒁍 𒀭𒎌 𒅇 𒀭𒅖𒋻 𒊬𒊏𒋾 𒀭𒆘 𒌈𒆠 𒀭𒆗 𒌈𒆠 𒆠𒆗 𒂍𒃲 𒃻𒀀𒌅 𒁕𒀀𒊕 𒇺𒋰𒊒𒌑 𒀀𒀀 𒅁𒌓𒆪𒌑 𒄿𒁕𒀀𒃻 |