[This cuneiform text was computer-generated from a transliteration. See this page for trouble-shooting tips.]
| 1 | 𒀀𒈾 𒀭𒀀𒋩 𒀀𒁍 𒀭𒎌 𒂗 𒃲𒂊 𒀀𒈨 𒂍𒄯𒊕𒃲𒆳𒆳𒊏 𒂍𒆳𒋙 𒃲𒄿 𒀀𒆗𒎙 𒀀𒆗𒎙 𒇻 𒂄𒈬 |
𒀀𒈾 𒀭𒎌𒉌 𒀭𒉆𒎌 𒀭𒈹𒎌 𒀀𒅆𒁍𒌓 𒂍𒄯𒊕𒃲𒆳𒆳𒊏 𒂍𒆳𒋙𒉡 𒃲𒄿 𒀀𒆗𒎙 𒀀𒆗𒎙 𒇻 𒂄𒈬 | |
𒀀𒈾 𒀭𒎌𒉌 𒀭𒉆𒎌 𒀭𒈹𒎌 𒀀𒅆𒁍𒌓 𒌷 𒀭𒀀𒇳𒊬 𒂍𒆳𒋙𒉡 𒃲𒄿 𒀀𒆗𒎙 𒀀𒆗𒎙 𒇻 𒂄𒈬 | |
𒀀𒈾 𒌷 𒅇 𒌦𒎌𒋙 𒇻 𒂄𒈬 𒀀𒈾 𒂍𒃲𒅆 𒀀𒈨 𒊮𒁉𒃻 𒇻 𒂄𒈬 | |
| 5 | 𒀀𒈾 𒁹𒈗𒄀𒈾 𒋃 𒆬 𒀴 𒉺𒌓 𒀭𒋾𒅗 𒃲𒋾 𒅇 𒆠𒆘𒋗 𒀀𒆗𒎙 𒀀𒆗𒎙 𒂄𒈬 |
𒄿𒈾 𒌗𒋗𒃻𒆰𒈾 𒈬𒆥 𒉈𒅎 𒀜𒈾𒀀𒋾 𒌗 𒁉𒊑 𒌉𒍑 𒀀𒃻𒈩𒁲 𒊭 𒀭𒂗𒆤 𒁉𒁉 𒀭𒎌 𒀭𒎏𒅁 | |
𒊭 𒀀𒈾 𒁍𒄴𒄯 𒌝𒈠𒉌 𒂄𒇻𒌝 𒅗𒊏𒅆 𒄿𒈾 𒁾𒉿 𒈤𒊑 𒅖𒂅𒊒𒋗 𒂗 𒉌𒈨𒆥 𒀭𒎏𒅆𒆬 | |
𒌌𒌅 𒌷𒆗𒄩 𒌷 𒈗𒋾𒅀 𒄠𒈲𒈠 𒀀𒇉𒍝𒉼 𒀭𒋫𒌑 𒄿𒈾 𒆧𒃻𒋾𒋗 𒌑𒊕 𒂊𒄵 | |
𒌓𒐈𒄰 𒀾𒋗 𒄩𒁕𒄠 𒉿𒄿 𒈲𒋻𒄭 𒅗𒊍 𒁍𒈩𒁲 𒃼𒁮𒈪 𒀀𒈾 𒀭𒂗𒆤 𒀭𒎏𒆤 𒁄𒌓 𒍑𒆥𒈠 | |
| 10 | 𒀀𒇉𒍝𒉼 𒆠𒋫𒌑 𒊭 𒉌𒄵𒋫𒋙 𒉺𒀾𒋡𒀜 𒌝𒈠𒈾𒀜 𒀭𒌓 𒀭𒀫𒌓 𒁄𒄀𒅖 𒌑𒃻𒀾𒄭𒀉 |
𒄿𒈾 𒉌𒊑𒁉 𒊭 𒆳𒆰𒆷𒅈 𒆳𒄿 𒍠𒊑 𒊭 𒆳𒇻𒇻𒈪𒄿 𒊭 𒆳𒍝𒈬𒀀 𒄿𒃮𒁍𒋗𒉌 𒂊𒋻𒁀 | |
𒄿𒈾 𒆳𒋢𒌝𒁉 𒈾𒄀𒄿 𒉿𒆤𒋾 𒌝𒈠𒉌𒅀 𒀾𒆲𒈠 𒊭 𒀲𒆳𒊏𒎌 𒅇 𒄑𒇀 𒀀𒈬𒊏 𒈪𒈾𒀀𒋗𒌦 | |
𒄿𒈾 𒌅𒆰𒋾𒋙𒉡 𒃲𒋾 𒊭 𒀭𒊹 𒀭𒌓 𒀭𒀝 𒀭𒀫𒌓 𒌑𒊩𒇺𒈠 𒀀𒈾 𒆠𒆗 𒄯𒃻𒀀𒉌 𒊍𒁲𒊏 𒋫𒇻𒆪 | |
𒀀𒈾 𒆳𒍣𒄫𒋼 𒅇 𒆳𒀭𒁲𒀀 𒊭 𒀭𒌶𒃲 𒀭𒅎 𒌑𒆸𒃲𒇷 𒀀𒇷𒋻 𒈤𒊑𒅀 𒌑𒆳𒊑𒍝 𒉌𒅕𒋗𒌦 | |
| 15 | 𒄿𒈾 𒁉𒈩 𒆳𒉌𒄒𒉺 𒆳𒌑𒉺𒀀 𒆳𒎌 𒀭𒋫𒎌 𒊭 𒄀𒂇 𒄑𒎌 𒄭𒀉𒇻𒁍𒈠 𒄫𒁉𒄢 𒂊𒅆𒉐𒈠 𒂍𒇻𒄷 𒉌𒆗𒋙𒌦 |
𒆠𒈠 𒄑𒌁 𒌷𒅆 𒌋𒅗 𒋫𒂇𒋾𒋗𒉡 𒉣𒇻 𒋻𒍮𒈠 𒀀𒌨 𒌨𒄭𒋗𒉡 𒆷 𒅎𒈠𒊒 𒃻𒊒𒌨 𒀭𒌓𒅆 𒂊𒄘𒈠 | |
𒀀𒇉𒁍𒌑𒅀 𒀀𒇉𒌈 𒁉𒊑𒋗𒉡 𒀀𒁲 𒎙𒀀𒀭 𒂊𒄵𒈠 𒌝𒈠𒉌 𒄿𒈾 𒄀𒅁𒅆𒃻 𒆷 𒅅𒂁𒁺 𒀀𒎌 𒈪𒇷 | |
𒆳𒋛𒂇𒊑𒀀 𒋗𒋛 𒆳𒄿 𒃲𒌅 𒊭 𒆠𒈠 𒊺𒇻𒌓 𒋗𒆳𒊑 𒍠𒉻𒈠 𒌋𒅗 𒄯𒃻𒀀𒉌 𒋗𒁁 𒀭𒁁𒀖𒀭𒎌 𒃻𒋡𒀜 𒊑𒂊𒅆 | |
𒊭 𒂊𒇺 𒊑𒃻𒀀𒃻 𒃻𒈠𒈪 𒂗𒁕𒈠 𒉺𒅁𒆷𒉡 𒋩𒋗𒃻 𒉻𒋤𒁺 𒆠𒆗 𒀀𒊏𒀠𒇷 | |
| 20 | 𒅇 𒆠𒈠 𒂔 𒉡𒌑𒉌 𒄿𒁲 𒀀𒈾 𒄿𒁲 𒈨𒋼𒋡 𒆷 𒄿𒃻𒀜𒈠 𒉺𒎙 𒅇 𒅈𒆧 𒋳𒊒𒍮 𒈬𒇻𒌑𒃻 |
𒄿𒈾 𒀀𒄭𒃻 𒄯𒊑 𒈾𒀜𒁀𒀝 𒆳𒎌𒂊 𒄷𒁺𒁺𒌑𒈠 𒀀𒈾 𒄿𒋰𒇻𒊻 𒉌𒀸 𒅆𒅀 𒋃𒁍𒋥 𒁍𒈛𒌅 | |
𒀀𒈾 𒈨𒇷𒂊 𒄑𒇀 𒋃𒄯 𒀲𒆳𒊏𒎌 𒆷 𒁕𒁁𒈠 𒀀𒈾 𒈨𒋼𒅅 𒇽𒍪𒊌 𒄊𒅀 𒊒𒋗𒄣 𒈠𒋃𒃻 | |
𒄿𒈾 𒉿𒀉 𒄩𒋀𒋛 𒅇 𒃻𒊑 𒋼𒀀𒊺 𒊭 𒀭𒂍𒀀 𒅇 𒀭𒁁𒀖𒀭𒎌 𒄿𒅆𒈬𒉌𒈠 𒀀𒈾 𒊓𒉼 𒆳 𒀀𒀀𒁉 𒅁𒌅𒌑 𒁍𒈩𒁲 | |
𒀝𒆰𒇷 𒂊𒊑𒂊 𒆗𒉡𒋾 𒊕𒁍𒌑𒅀 𒌑𒃻𒀾𒅆𒈠 𒁍𒇻𒊌 𒆳𒄿 𒍠𒊑 𒉿𒆷𒎙 𒌑𒌓𒊑𒊒𒈠 𒌑𒁲𒅁𒁍 𒄫𒊒 | |
| 25 | 𒈤𒈩 𒌝𒈠𒉌𒅀 𒊍𒁁𒈠 𒄑𒇀 𒂍𒄬𒈝 𒍝𒀊 𒋫𒄩𒍣 𒀀𒇷𒋻 𒄿𒁲𒅀 𒆠𒈠 𒀉𒄷𒎌 𒃼𒁺𒋾 𒍢𒊒𒍑𒃻 𒌑𒉺𒅁𒊕 |
𒍝𒀊 𒄽𒅆 𒆗𒆷𒁍 𒂕𒋙𒉡 𒌑𒃻𒊍𒂍𒈠 𒀲𒀀𒀊𒁀𒎌 𒀲𒎌 𒉈𒋾 𒆠𒈠 𒌅𒊏𒄭 𒋻𒂍 𒆳𒄿 𒅖𒈭𒄭𒂅 𒆹𒋾𒃻 | |
𒌝𒈠𒈾𒀜 𒀭𒀀𒋩 𒃮𒃻𒀀𒋾 𒈨𒇷𒃻 𒉺𒀾𒄣𒋾 𒁕𒄫 𒌑𒊺𒇷𒈠 𒂖𒂗 𒆳𒄿 𒋗𒀀𒌅 𒀝𒍮𒊏 𒍑𒎙𒉌 | |
𒆳𒋛𒈾𒅆𒌨𒍣 𒆳𒁉𒊒𒀜𒋾 𒆳𒎌 𒁉𒂊𒊒𒋼 𒊭 𒌨𒆤𒋢𒉡 𒌑𒋼𒀀𒋗 𒋆𒃵𒈠 𒄿𒊑𒋗 𒄭𒂵 | |
𒆳𒌅𒌨𒋫𒉌 𒆳𒋛𒈾𒁉𒅕 𒆳𒄴𒋗𒌑𒊒 𒅇 𒆳𒋢𒌑𒅀 𒆳𒎌 𒋛𒂍𒋾𒋙𒉡 𒉆𒊏𒍢𒅖 𒀜𒋫𒁄𒆑 | |
| 30 | 𒀀𒇉𒊐𒉺𒀀 𒀀𒇉𒀀𒋥𒋫𒀀 𒀀𒇉𒎌 𒋾𒅁𒆠𒋗𒉡 𒄿𒈾 𒈪𒇷𒅆𒈾 𒄿𒆠𒅖 𒂊𒋾𒅅 |
𒀀𒈾 𒆳𒋢𒊑𒅗𒀾 𒈾𒄀𒄿 𒊭 𒆳𒎙𒈾𒀀𒀀 𒊭 𒉻𒋾 𒆳𒋼𒀀𒀠𒇷 𒅇 𒆳𒀠𒆗𒊑𒀀 𒀜𒋫𒋥 | |
𒁹𒌌𒇻𒋢𒉡 𒆳𒈠𒀭𒈾𒀀𒀀 𒀾𒋗 𒀀𒈾 𒌅𒌨𒊑 𒄀𒅖𒇷𒋗 𒊭 𒈬𒀭𒈾𒌑 𒆷𒉺𒊩𒆪𒌑 𒀀𒋃 𒄫𒊑𒅀 𒅖𒈨𒈠 | |
𒋗𒌑 𒀀𒁲 𒇽𒃲𒎌𒋙 𒅆𒄿𒁉 𒈠𒇷𒆠 𒆰 𒂍 𒀜𒋙 𒊕𒅗𒅘𒆠 𒅇 𒊑𒁲𒂊 𒈬𒈠𒀪𒊒𒌓 𒆳𒋗 | |
𒄿𒈾 𒌌𒇻𒊻 𒊮𒁉 𒅇 𒄭𒁺𒌓 𒉺𒉌 𒌌𒌅 𒆠𒆗 𒆳𒋙 𒁀𒇻 𒇷𒄿𒁲 𒄭𒀉𒈬𒁲𒅖 𒌑𒍝𒄠𒈠 | |
| 35 | 𒌌𒌅 𒌷𒄿𒍣𒅕𒋾 𒌷 𒈗𒋾𒋙 𒀀𒈾 𒌷𒋛𒉌𒄭𒉌 𒄵𒋾 𒁍𒇻𒊌 𒆳𒋗 𒀀𒁲 𒈤𒊑𒅀 𒅋𒇷𒅗 |
𒈠𒁕𒀜𒋫𒋗 𒀲𒆳𒊏𒎌 𒍢𒅔𒁕𒀜 𒉌𒄿𒊑 𒀀𒁲 𒌀𒇷𒋙𒉡 𒄞𒎌 𒅇 𒇇𒇻𒄭𒀀 𒌒𒇴𒈠 𒅖𒋠 𒄊𒅀𒅀 | |
𒀀𒈾 𒌷𒆷𒋫𒊺𒂊 𒂦 𒊭 𒄿𒈾 𒌋𒅗 𒀀𒇉𒋾 𒊭 𒆳𒆷𒀀𒊒𒂊𒋼 𒈾𒄀𒄿 𒊭 𒆳𒀠𒆷𒆗𒊑𒀀 𒀝𒁲𒆗 | |
𒊭 𒁹𒂗𒌉𒍑𒋧𒈾 𒆳𒀠𒆗𒊑𒀀𒀀 𒈠𒁕𒋫𒋗 𒀲𒆳𒊏𒎌 𒄞𒎌 𒅇 𒇇𒇻𒄭𒀀 𒄠𒄯 𒀀𒈾 𒆳𒌓𒋢𒀾 𒀜𒋫𒋥 | |
𒇽𒂗𒌷𒎌𒉌 𒊭 𒆳𒉆𒊑 𒆳𒊓𒀭𒄀𒁍𒋾 𒆳𒂍𒀊𒁕𒁕𒉌 𒅇 𒆳𒈠𒁕𒀀𒀀 𒆗𒉡𒋾 𒀀𒋃 𒄫𒊑𒅀 𒅖𒈬𒈠 | |
| 40 | 𒋗𒄴𒊒𒌒 𒈠𒋫𒀀𒋾𒋙𒉡 𒊭 𒄿𒈾 𒈬𒀭𒈾𒅀 𒈤𒊑𒋾 𒄿𒈾 𒊻𒉌𒋙𒉡 𒅁𒅆𒈠 𒃻𒄯𒊏𒌓 𒀉𒋫𒁉𒅅 𒌋𒅗𒋙𒌦 |
𒈠𒁕𒋫𒋙𒉡 𒅗𒂍𒌅 𒌌𒌅 𒆠𒆗 𒈠𒋫𒀀𒋾𒋗𒉡 𒅖𒋗𒉏𒈠 𒄿𒈾 𒆳𒌓𒋢𒀾 𒌑𒆳𒄀𒇻 𒉺𒉌𒅀 | |
𒊭 𒁹𒋫𒀠𒋫𒀀 𒆳𒂖𒇷𒉺𒀀𒀀 𒁹𒊌𒊓𒋻 𒁹𒁺𒊑𒋛 𒁹𒊓𒋻𒂊𒋙 𒇽𒂗𒌷𒎌𒉌 𒊭 𒀀𒇉𒋾 | |
𒁹𒀭𒍣𒄿 𒊭 𒌷𒄬𒄷𒁇𒊏 𒁹𒉺𒀀𒀀𒊌𒆪 𒊭 𒌷𒆠𒇴𒁀𒋼 𒁹𒌑𒍣𒄿 𒊭 𒌷𒈠𒀀𒇷 | |
𒁹𒌑𒀀𒆠𒅕𒌅 𒊭 𒌷𒈾𒀊𒉿 𒁹𒈠𒆠𒅕𒌅 𒊭 𒌷𒂍𒊓𒀝𒁁 𒁹𒆠𒋫𒀝𒆠 𒊭 𒌷𒌑𒊑𒀭𒄀 | |
| 45 | 𒁹𒈠𒀾𒁕𒀀𒀀𒊌𒆪 𒊭 𒌷𒆠𒅔𒂵𒊏𒆪 𒁹𒌑𒍣𒋻 𒊭 𒌷𒋡𒀭𒋫𒀀𒌑 𒁹𒉺𒀀𒊌𒆪 𒊭 𒌷𒂍𒆏𒋛 |
𒁹𒄷𒌝𒁉𒂊 𒊭 𒌷𒂍𒍪𒀠𒍝𒀾 𒁹𒌑𒍪𒈠𒀭𒁕 𒊭 𒌷𒆠𒋛𒆷𒄩 𒁹𒁓𒁍𒊏𒍪 𒊭 𒌷𒂍𒀭𒌋 | |
𒁹𒁀𒀝𒁇𒅈𒈾 𒊭 𒌷𒍠𒊒𒋼 𒁹𒁕𒊑𒄿 𒊭 𒆳𒃻𒁇𒁕 𒁹𒍑𒊏𒀀 𒊭 𒌷𒅗𒀭𒍝𒁀𒅗𒉌 | |
𒁹𒊬𒊒𒋾 𒊭 𒌷𒋼𒀀𒍣𒉡𒌑 𒁹𒈠𒀾𒁖𒆪 𒊭 𒌷𒀭𒋛𒀀𒉺𒋾𒀀𒉡 𒁹𒀝𒆪𒊻𒋢 𒊭 𒌷𒌑𒋛𒄥 𒁹𒄵𒋫𒌅 𒊭 𒌷𒍢𒁓𒀀𒀀 | |
𒁹𒍝𒅈𒁺𒊌𒆪 𒊭 𒌷𒄩𒅈𒍣𒀀𒉡 𒁹𒈠𒀾𒁖𒆪 𒊭 𒌷𒀀𒋥𒄑𒋾 𒁹𒊓𒋻𒉺𒉡 𒊭 𒌷𒁀𒊑𒅗𒉡 𒁹𒋼𒀀𒀝𒆪 𒊭 𒆳𒌑𒊑𒅗𒀀𒀀 | |
| 50 | 𒀲𒆳𒊏𒎌 𒉿𒆗 𒄵𒆠 𒀲𒉺𒊑𒂊 𒇡𒄷𒋾 𒀲𒌓𒊑 𒄿𒀖𒋾 𒆳𒋗𒉡 𒄞𒎌 𒅇 𒍢𒂊𒉌 𒄠𒄯 |
𒋫 𒆳𒌓𒋢𒀾 𒀜𒌅𒈲 𒀀𒈾 𒆳𒈪𒄑𒋛 𒈾𒄀𒄿 𒊭 𒆳𒈠𒀭𒈾𒀀𒀀 𒀝𒁲𒆗 | |
𒁹𒌌𒇻𒋢𒉡 𒀀𒁲 𒌦𒎌 𒆳𒋗 𒄿𒈾 𒋳𒂇𒋾 𒊮𒁉 𒊭 𒂊𒄫 𒅈𒁺𒋾 𒄿𒈾 𒌷𒋛𒅕𒁕𒀝𒅗 𒄵𒋾𒋙 𒌑𒋡𒀪 𒄫𒊑 | |
𒆠𒈠 𒇽𒋗𒌓 𒊕𒎌𒅀 𒇽𒂗𒉆𒎌 𒊭 𒆳 𒀸𒋩𒆠 𒍥𒁕𒎌 𒃾𒎌 𒀀𒈾 𒋫𒆰𒋾 𒌝𒈠𒉌𒅀 𒅗𒊑𒂊 𒅖𒁍𒊌𒈠 | |
𒌉𒋙 𒃲𒌑 𒀉𒋾 𒅆𒁲𒂊 𒂄𒈠𒉌 𒌑𒆳𒇷𒎙𒉌𒈠 𒀀𒈾 𒆲𒉌 𒊬𒊒𒋾𒋙 𒅁𒆤𒁕 𒈾𒊏𒀀𒋗 | |
| 55 | 𒀲𒆳𒊏𒎌 𒃲𒎌 𒇲𒀜 𒉌𒄿𒊑 𒄞𒎌 𒅇 𒇇𒇻𒄭𒀀 𒈠𒁕𒋫𒋙 𒄠𒄯𒋗𒈠 𒀾𒋙 𒌉𒊑 𒄀𒅖𒇷𒋗 𒅋𒁉𒈾 𒀊𒁍 |
𒄊𒅀 𒆳𒅗𒀝𒈪𒄿 𒇽𒉽 𒅆𒉌 𒋫 𒆠𒆗 𒆳𒋗 𒉺𒊏𒋛𒅎𒈠 𒊭 𒁹𒌨𒊓𒀀 𒄿𒈾 𒋰𒁲𒂊 𒂔 𒈽𒄯𒋫𒋙 𒃻𒅗𒉌 | |
𒆳𒈠𒀭𒈾𒀀𒀀 𒉺𒅁𒄷 𒀀𒈾 𒀾𒊑𒋗 𒌉𒊑 𒌋𒅗 𒇽𒉽𒋙 𒄿𒈾 𒇷𒋾 𒊻𒍪𒍣𒅎𒈠 𒈠𒍢𒂊 𒂷 𒊮𒁉 | |
𒋗𒌑 𒀀𒁲 𒇽𒊏𒉼𒉌 𒇽𒃻𒄯 𒉈𒅎 𒆳𒋙 𒌑𒉌𒇻𒉌𒈠 𒄿𒈾 𒉺𒉌𒅀 𒌋𒅗 𒅕𒁉 𒈩𒋾𒋙𒉡 𒅁𒌨𒅆𒇻 𒆠𒈠 𒆗𒁉 | |
𒊑𒂊𒈠 𒅈𒅆𒋗𒉡𒋾𒈠 𒌓𒎏𒉌𒋗𒉡 𒀠𒆥 𒀜𒈬𒋗𒉡 𒊭 𒋼𒎏𒋾 𒀾𒈪𒈠 𒀝𒁉𒋗𒉡 𒀀𒄷𒆗 | |
| 60 | 𒀾𒋗 𒁕𒈾𒉌 𒋗𒌅𒊑 𒊭 𒀭𒀀𒋩 𒀭𒀫𒌓 𒅖𒊒𒆪𒉌𒈠 𒌋𒅗 𒆰𒆳 𒂷𒆠 𒊭 𒆧𒃻𒋾 𒌑𒊬𒁍𒌑 𒄑𒆪𒎌𒅀 |
𒊓𒆏 𒆳𒌨𒅈𒁲 𒌉𒊑 𒈪𒄑𒊑𒋗𒌦 𒌦𒎌 𒆳𒎙𒈾𒀀𒀀 𒊑𒉺𒀀𒋼 𒊒𒋗𒄭 𒀝𒁉𒋗𒉡𒋾𒈠 𒅕𒄭𒍮 𒈜𒁍 | |
𒊭 𒁹𒌌𒇻𒋢𒉡 𒈗 𒁁𒉌𒋗𒉡 𒄑𒍎 𒋳𒂍𒋾 𒈠𒄯𒋗 𒅈𒆪𒋢𒈠 𒌋𒅗 𒊭 𒁹𒅕𒀭𒍣 𒀀𒁉 𒀀𒀖𒁲𒋙 𒌑𒊕𒆠 𒄑𒄖𒍝𒋙 | |
𒃻𒀀𒋗𒉡 𒀉𒋾 𒌦𒎌 𒆳 𒀸𒋩𒆠 𒄿𒈾 𒄑𒍎 𒄭𒁕𒀀𒋾 𒌑𒊺𒈨𒋗𒉡𒋾𒈠 𒈠𒄯 𒀭𒊹 𒅇 𒀭𒎌 𒆳𒋙𒉡 𒅅𒊒𒁍 𒈗𒋾 | |
𒁹𒍣𒄿𒍣𒄿 𒊭 𒌷𒀊𒉺𒋻 𒁹𒍝𒆷𒀀𒀀 𒊭 𒌷𒆠𒀉𒉻𒀀𒀀 𒇽𒂗𒌷𒎌𒉌 𒊭 𒆳𒄀𒍣𒅋𒁍𒌦𒁲 𒈾𒄀𒄿 | |
| 65 | 𒊭 𒄿𒈾 𒆳𒎌𒂊 𒉌𒋢𒋾 𒀀𒊬 𒊒𒊌𒋼 𒍑𒁍𒈠 𒄿𒈾 𒋃𒁲 𒆳𒎙𒈾𒀀𒀀 𒅇 𒆳𒈠𒁕𒀀𒀀 𒆠𒈠 𒄑𒊑 𒌓𒆪 |
𒅇 𒌦𒎌 𒀀𒅆𒁍𒌓 𒌷𒎌𒉌 𒋗𒀀𒌅𒉡 𒀀𒈾 𒂊𒈬𒆥 𒊏𒈠𒉌𒋙𒉡 𒋳𒇻𒈠 𒆷 𒄿𒁺𒌑 𒁁𒇻𒌅 | |
𒊭 𒄿𒈾 𒈗𒎌𒉌 𒀀𒇷𒋻 𒈤𒊑𒅀 𒀀𒀀𒌝𒈠 𒋗𒁁𒋢𒌦 𒆷 𒂊𒈬𒊒𒈠 𒈬𒋙𒉡 𒆷 𒅖𒈬𒌑 𒆷 𒅎𒄷𒊒 𒁉𒆳𒋢𒌦 | |
𒄿𒈾 𒍣𒄫𒋙 𒃲𒄿 𒊭 𒀭𒀀𒋩 𒂗𒅀 𒊭 𒉻𒉡𒍑 𒂷𒆠 𒊭 𒆳𒎌𒂊 𒅇 𒈠𒄯 𒅆𒁲𒂊𒋙𒉡 𒅖𒊒𒆪 𒅆𒋆𒋾 | |
𒈨𒋼𒅅 𒄫𒊑𒅀 𒅖𒈬𒈠 𒁍𒈛𒋾 𒈨𒇴𒈨𒅀 𒅅𒉐𒋗𒉡𒋾 𒄿𒈾 𒆠𒆗 𒆳𒋗𒉡 𒅎𒋻𒋢𒉡 𒉺𒌅 | |
| 70 | 𒈠𒁕𒋫𒋗𒉡 𒀲𒆳𒊏𒎌 𒍢𒅔𒁕𒀜 𒉌𒄿𒊑 𒀀𒈾 𒆷 𒈠𒉌 𒄞𒎌 𒅇 𒇇𒇻𒄭𒀀 |
𒋫 𒌷𒀊𒉺𒋻 𒅇 𒌷𒆠𒀉𒉻 𒅖𒋗𒉏𒈠 𒄿𒈾 𒌷𒍣𒅕𒁲𒀝𒅗 𒊭 𒆳𒎙𒈾𒀀𒀀 𒀀𒁲 𒈤𒊑𒅀 𒌒𒇻𒉌 | |
𒀾𒋗 𒂊𒋛𒀀 𒈾𒄫𒋾𒋗𒌦 𒄿𒁀𒇻𒉌𒈠 𒀀𒈾 𒆷 𒈾𒃼 𒂦𒎌𒋙𒉡 𒌑𒈾𒀾𒅆𒄣 𒄊𒅀𒅀 | |
𒅇 𒀀𒈾 𒃻𒇴 𒆳𒋗𒌦 𒇽𒆥𒂊𒁍 𒌋𒅗𒋗𒉡 𒀊𒆤𒈠 𒄿𒈾 𒋗𒅀 𒇽𒋗𒌓 𒊕𒎌𒅀 𒇽𒃻𒆳 𒆳𒌓𒋢𒀾 𒄠𒉡𒋙𒉡𒋾 | |
𒋫 𒌷𒍣𒅕𒁲𒀝𒅗 𒌷𒄵𒋾 𒊭 𒆳𒈠𒀭𒈾𒀀𒀀 𒀜𒌅𒈲 | |
| 75 | 𒌍 𒆜𒁍 𒆕𒋡𒊒 𒄿𒈾 𒁉𒈩 𒆳𒈠𒀭𒈾𒀀𒀀 𒆳𒂍𒆏𒋛 𒅇 𒆳𒈠𒁕𒀀𒀀 𒆗𒉡𒋾 𒋃𒈬𒊕 𒀠𒌨𒈠 |
𒀀𒈾 𒌷𒉺𒀭𒍣𒅖 𒄵𒋾𒋙 𒃲𒋾 𒊭 𒌋𒅗 𒆳𒍣𒄫𒋼 𒅇 𒆳𒀭𒁲𒀀 𒀀𒈾 𒅗𒀀𒁲 𒈾𒁕𒀜 | |
𒊭 𒀀𒈾 𒆷 𒀀𒍢𒂊 𒀯𒈭𒁲 𒅗𒇷𒂊 𒄊𒅀 𒇽𒉽 𒌋𒅗 𒈾𒄀𒂊 𒆠𒇲𒆷𒀭 𒊩𒊓𒌅 𒀝𒁲𒆗 | |
𒊭 𒌷𒄵𒋾 𒋗𒀀𒋾 𒋆𒋛𒃻 𒌑𒆗𒎏𒈠 𒊺𒉻𒎌 𒉌𒎌 𒃾𒎌 𒅇 𒌑𒉡𒌓 𒋫𒄩𒍣 𒄿𒈾 𒊮𒁉 𒌑𒊺𒇷 | |
𒋫 𒌷𒉺𒀭𒍣𒅖 𒀜𒌅𒈲 𒀀𒇉𒅖𒋻𒀀𒌑𒊏𒀀 𒀀𒇉𒌈 𒂊𒋼𒄵 𒀀𒈾 𒆳𒀀𒌑𒅗𒉌𒂊 𒈾𒄀𒄿 𒊭 𒆳𒍣𒄫𒋼 𒀝𒁲𒆗 | |
| 80 | 𒁹𒈨𒋫𒀜𒋫𒋾 𒆳𒍣𒄫𒋫𒀀𒀀 𒊭 𒉌𒅕 𒀭𒀀𒋩 𒄑𒇻𒈠 𒊺𒂅𒌅 𒁹𒌌𒇻𒋢𒉡 𒈗 𒁁𒉌𒋙 𒅋𒄣𒌑 𒄿𒈪𒋗 𒀴𒋢 |
𒀀𒈾 𒁹𒌨𒊓𒀀 𒆳𒌨𒅈𒁕𒀀𒀀 𒊭 𒆠𒄿 𒃻𒋗𒈠 𒋫𒋆𒌅 𒆷 𒄿𒁺𒌑 𒉌𒊏𒊑 𒆷 𒂊𒋛𒀀 𒍣𒋙 𒀉𒋫𒆸𒈠 | |
𒌋𒅗 𒆳𒌑𒀾𒁲𒋆𒅗 𒆳𒄿 𒈥𒍢 𒁄𒌓 𒂊𒇷𒈠 𒈠𒋃 𒄫𒊑𒅀 𒀀𒈾 𒊒𒆥𒂊𒋼 𒀉𒇥𒈠 𒅕𒊒𒂅 𒍜𒎌𒋙 | |
𒆰𒆳 𒌦𒎌 𒆳𒋙 𒌑𒈜𒆟𒈠 𒀀𒈾 𒆳𒎌𒂊 𒊒𒄣𒌑𒋼 𒉆𒊏𒍢𒅖 𒌑𒊺𒇷𒈠 𒆷 𒅔𒈾𒂇 𒀀𒊬𒋗𒌦 | |
𒅇 𒋗𒌑 𒌷𒉺𒅈𒁕 𒌷 𒈗𒋾𒋙 𒉺𒉡𒍑𒋗 𒆷 𒄿𒄫𒈠 𒁍𒊺𒂊 𒂍𒃲𒋙 𒂊𒍦𒈠 𒌑𒍢 𒅗𒈠𒋾𒅖 | |
| 85 | 𒀲𒆳𒊏𒎌𒋙 𒅇 𒍝𒀊 𒋫𒄩𒍣𒋗 𒌑𒍠𒆠𒈠 𒀀𒈾 𒊑𒍮𒌓 𒁹𒌨𒊓𒀀 𒉌𒊏𒊑𒋗 𒌑𒉋 𒆠𒀉𒊒 |
𒇽𒂟𒎌 𒋾𒁺𒆠𒋗 𒅅𒁺𒋾 𒊭 𒄿𒈾 𒉌𒊑𒁉 𒊭 𒆳𒌑𒀾𒁲𒋆𒅗 𒀀𒈾 𒅗𒀀𒁲 𒍑𒁍 𒀀𒂁𒈠 | |
𒌷𒅖𒋫𒅁𒉺 𒌷𒊕𒋫𒌅𒍑 𒌷𒈾𒀭𒍪 𒌷𒀀𒌑𒅗𒉌𒂊 𒌷𒅗𒀀𒁀𒉌 𒌷𒄥𒊒𒋢𒉺 𒌷𒊏𒀝𒋛 | |
𒌷𒁶𒁕𒀝𒋆𒅗 𒌷𒁀𒊒𒅘𒅗 𒌷𒌑𒁀𒁀𒊏 𒌷𒋛𒋼𒊏 𒌷𒋫𒀾𒋫𒈪 𒌷𒋼𒊓𒄠𒈪𒀀 | |
𒌋 𒌷𒎌𒋙𒉡 𒆗𒉡𒋾 𒂍 𒂦𒎌𒉌 𒀀𒁲 𒐕 𒌷𒎌𒉌 𒊭 𒋛𒄴𒊑𒋙𒉡 𒄀𒂇𒌅 𒀝𒋗𒌓 | |
| 90 | 𒂦𒎌𒋙𒉡 𒀊𒁍𒌌 𒂍𒎌 𒄫𒁉𒋙𒉡 𒀭𒉈𒄀 𒌑𒃻𒊍𒂍𒈠 𒆠𒈠 𒊭 𒀀𒁍𒁍 𒌑𒀊𒁉𒌅 𒇯𒎙 𒌑𒆚𒂇 |
𒋫 𒆳𒀀𒌑𒅗𒉌𒂊 𒀜𒌅𒈲 𒀀𒈾 𒆳𒌑𒅖𒁲𒅖 𒈾𒄀𒄿 𒊭 𒆳𒎙𒈾𒀀𒀀 𒊭 𒁹𒌨𒊓𒀀 𒂊𒆠𒈬𒍑 𒀝𒁲𒆗 | |
𒂖𒆷𒈬𒇇𒀀 𒁹𒌨𒊓𒀀 𒆳𒌨𒅈𒁕𒀀𒀀 𒆷 𒈾𒈲 𒍣𒄫 𒀭𒀀𒋩 𒀭𒀫𒌓 𒆷 𒉺𒇷𒄷 𒈠𒁁 𒂗 𒂗𒂗 | |
𒇽𒆳𒁺𒇇𒀀 𒆰 𒉌𒅕𒋾 𒊭 𒋫𒋆𒌅 𒆷 𒄿𒁺𒌋 𒀀𒈾 𒁕𒁀𒀊 𒆪𒅆 𒉡𒌌𒆷𒋾 𒋾𒄑𒁍𒊏 𒉺𒅁𒋫𒀀𒋙 | |
𒊭 𒀭𒌓 𒁲𒋻𒃲 𒀭𒎌 𒍣𒄫𒋙 𒆏𒌅 𒆷 𒈾𒊍𒊒𒈠 𒈬𒀭𒈾𒌑 𒀀𒈾 𒆷 𒂊𒄀𒂊 𒂊𒋼𒋾𒄣 𒄑𒄯𒋙 | |
| 95 | 𒂕 𒄭𒁕𒀀𒋼𒋙 𒈤𒊏𒀀𒋼 𒄢𒈜𒌅 𒃲𒌅 𒊭 𒄭𒉿𒂊 𒆳𒋗 𒅇 𒋳𒋻 𒌦𒎌𒋙 𒂊𒁍𒍑𒈠 |
𒄿𒈾 𒆳𒌑𒀀𒍑 𒆳𒄿 𒃲𒄿 𒊭 𒀉𒋾 𒅆𒄯 𒅎𒋛𒀀 𒄿𒈾 𒆠𒆗 𒀭𒂊 𒌝𒈬𒁕 𒊑𒃻𒀀𒋗 | |
𒊭 𒅖𒌅 𒌓𒌝 𒍝𒀀𒋾 𒆰 𒋝𒆳 𒍣𒁴 𒀀𒊬𒋗 𒆷 𒂊𒋾𒄣𒈠 𒀀𒌨 𒌨𒄭 𒆷 𒂊𒈬𒊒 𒁺𒊿𒋙 | |
𒅇 𒄑𒀫 𒀭𒂊 𒈬𒌒𒌓𒋗 𒍢𒊒𒍑 𒆷 𒄿𒁀𒀪𒌑𒈠 𒀀𒈾 𒋗𒊻𒁍𒌒 𒆏𒉿 𒌉𒎌𒋙 𒆷 𒅅𒉡𒉡 𒆥𒉆 | |
𒆳𒌑 𒍠𒊒 𒊭 𒆠𒈠 𒊺𒅋𒋾 𒉻𒊑 𒍠𒁍𒈠 𒄯𒊑 𒈾𒀜𒄷 𒆳𒎌𒂊 𒊒𒄣𒌑𒋼 XXX𒌑 𒀫𒊒𒍑𒋗 | |
| 100 | 𒄿𒈾 𒌝𒊺 𒃲𒎌 𒅇 𒆗𒈾𒀜 𒂗𒋼𒈾 𒊭 𒋡𒀾𒌅 𒋗𒋻𒁺 𒄿𒈾 𒊺𒆸 𒇷𒇲𒀀𒋾 𒍑𒋫𒁀𒊒𒌑 𒉌𒉿𒄴𒋗𒌦 |
𒊩𒄖 𒌨𒊒 𒅇 𒈬𒋗 𒍢𒊒𒍑𒋙 𒆤𒈬𒊒𒈠 𒄀𒂇 𒆷𒀀𒉌𒋗 𒀖𒁍𒋗 𒄬𒁍𒌑 𒅇 𒋗𒊑𒁍 | |
𒂊𒋾𒅅 𒄿𒋼𒂊𒋗 𒄿𒈾 𒅆𒂍 𒅎𒅆𒌨𒇷 𒍪𒄯𒋗 𒄿𒉺𒅁𒁉𒂅𒈠 𒄿𒈾 𒁕𒈾𒀭 𒂊𒊑𒅀𒀀𒋾 𒊌𒁮𒈬𒌑 𒍜𒎌𒋙 | |
𒌝𒈠𒀭𒋗 𒈠𒀪𒁺 𒀀𒁲 𒊑𒍢𒂊𒋙 𒀉𒄰𒈠 𒀀𒈾 𒌉𒊑 𒄀𒅖𒇷 𒊭 𒁹𒈨𒋫𒀜𒋾 𒆳𒍣𒄫𒋫𒀀𒀀 𒅖𒆪𒈾 𒁍𒄯 | |
𒇽𒁵𒈭𒍢𒋗 𒇷𒀪𒌓 𒋫𒄩𒍣 𒌅𒆰𒋾 𒌝𒈠𒉌𒋗 XXXXX𒋗𒉡 𒌑𒍠𒆠𒈠 | |
| 105 | 𒀲𒆳𒊏𒎌 𒊒𒁺𒄿𒋗𒉡 𒉿𒆗 𒄵𒆠 𒄑X𒌑𒃻𒀾𒅆𒋗𒉡𒋾 𒄑𒆪𒎌 |
𒁹𒈨𒋫𒀜𒋾 𒆳𒍣𒄫𒋫𒀀𒀀 𒊭 𒅖𒌅 X𒋾 𒅖𒃻𒄯 𒊑𒍮𒋢 | |
𒊭 𒈗𒎌𒉌 𒇷𒈪𒋾𒋙 𒊭 𒆳𒎌𒂊 𒅗𒆷𒋙𒉡 𒄿𒌅𒉘𒈠 𒅕𒋫𒅆 𒉌𒊏𒊏 | |
𒀀𒈾 𒄀𒄫 𒂟𒄭𒀀𒋙 𒈠𒀪𒁲 𒅇 𒆤𒊑 𒅋𒋡𒀀 𒊺𒂅𒄢 | |
𒋫𒍑𒋾 𒇷𒀪𒋾 𒋫𒄩𒍣𒋙 X𒆠 𒃻𒎏 𒂊𒈮𒅀 | |
| 110 | 𒀉𒋾𒅀 𒀀𒈾 𒁁𒄷𒊻 𒌅𒃻𒊑 𒊮𒁀𒋙 𒄴𒋗𒄴𒈠 𒈽𒄯𒋾 𒌝𒈠𒎙 𒀭𒂗𒆤 𒀸𒋩𒆠 𒄿𒅗𒂍 𒆷 𒋫𒀀𒀀𒅈 |
𒄿𒈾 𒈾𒆏 𒆳𒄿 𒋗𒀀𒌅 𒋛𒋛𒀀𒌅 𒅖𒆲𒈠 𒊭 𒋳𒊒𒌒𒋾 𒅇 𒋗𒋼𒇻𒌒 𒀀𒈾𒀭𒋾 𒅖𒁍𒊏 𒇽𒀀 𒈨𒊑 | |
𒀀𒈾𒆪 𒁹𒈗𒄀𒈾 𒈗 𒄒𒋥 𒇹𒄿 𒊑𒀪 𒆳 𒀸𒋩𒆠 𒈾𒈲 𒊓𒄠𒉌 𒀭𒂗𒆤 𒀭𒀫𒌓 𒈬𒉿𒅅 𒁲𒂗 𒀭𒃻𒈦 | |
𒆰 𒁄𒌀𒆠 𒌷 𒉌𒈨𒆥 𒉿𒀉 𒄩𒋀𒋛 𒊭 𒀀𒆳 𒀭𒎌 𒃲𒎌 𒁄𒌓 𒌑𒋳𒄣𒈠 𒆷 𒄿𒊓𒀭𒉌𒄣 𒄑𒄯𒋗𒌦 | |
𒈗 𒆠𒄿𒉡 𒁕𒁉𒅁 𒁮𒋡𒀀𒋼 𒊭 𒅅𒄒𒋙 𒀀𒆳 𒌨𒄫𒋾 𒂊𒄫 𒅆𒌨𒁴 𒄩𒁀𒇻 𒆷 𒊻𒍮𒌑 𒄿𒈾 𒉿𒄿𒋗 | |
| 115 | 𒅆𒅅 𒂷𒆠 𒊭 𒆧𒃻𒋾 𒊭 𒄿𒈾 𒅖𒆠 𒅇 𒉈𒂊𒈪 𒅁𒁀𒉡𒌑 𒉺𒌓 𒀭𒎌 𒅇 𒀭𒅖𒋫𒊑 𒌑𒆗𒇻 𒈩𒌅𒍑𒋙 |
𒀀𒈾 𒀭𒀀𒋩 𒈗 𒆰𒆳 𒀭𒎌 𒁁𒂖 𒈠𒋫𒀀𒋼 𒀀𒀖 𒁶𒊑 𒈗 𒁶𒋥 𒀭𒎌 𒃲𒎌 𒆷𒄿𒂅 𒄒𒊏𒀀𒋾 | |
𒁁𒂖 𒁄𒌀𒆠 𒆗𒆗𒉡 𒊭 𒄿𒈾 𒊻𒍝𒀜 𒋼𒁶𒋾𒋗 𒃲𒋾 𒂷𒆠 𒊭 𒆧𒃻𒋾 𒂊𒁷𒉡𒈠 𒍑𒋫𒅆 𒆷𒆷𒈾𒀀𒋼 | |
𒆏𒌅 𒃼𒊏𒁺 𒊭 𒄿𒈾 𒄑𒌓𒊑𒋙 𒂊𒄫 𒇷𒄷𒄭𒋾 𒆷 𒅁𒌓𒋃𒁺𒈠 𒆷 𒉺𒌓 𒈠𒁁𒋗 𒅔𒈾𒊓𒄷 𒋩𒊻𒋢 | |
𒀀𒈾 𒆷 𒉺𒌓 𒍨𒊑𒋗 𒊭 𒀀𒈾 𒂊𒈮𒆠 𒊏𒈠𒉌𒋙 𒋳𒇻 𒉪𒁉 𒀭𒋾𒋗 𒈪𒂊𒋗𒈠 𒄿𒁕𒁍𒁀 𒌨𒊑𒄴𒌅 | |
| 120 | 𒄿𒈾 𒋃𒉡𒌦 𒀾𒂵𒄀 𒀝𒄀𒅖 𒅕𒊑𒄷𒋗𒈠 𒄑𒆪𒎌𒋙 𒌑𒉺𒅁𒁀𒊒𒈠 𒂖𒆳𒋢 𒅗𒈲𒌅 𒌑𒋻𒊒 𒀀𒈾 𒃻𒀀𒊑 |
𒅇 𒀀𒈾 𒈾𒈲 𒈨𒎗 𒀭𒎌 𒊭 𒀀𒈾 𒁮𒆥 𒁲𒂗 𒀭𒌓 𒋳𒇻𒈠 𒊭 𒀭𒀀𒋩 𒀭𒂗𒆤𒇲 𒀭𒎌 𒂍𒇻𒄷 𒀭𒊻𒋢 | |
𒌌𒈪𒋗 𒊺𒂊𒊒𒋾 𒄿𒁺𒍑𒋗 𒌑𒊩𒋃 𒌋𒅗 𒀀𒀀𒁉 𒅇 𒍝𒈠𒉌𒂊 𒍑𒍝𒀀𒋢 𒄿𒈾 𒃻𒌓𒁺 | |
𒀾𒋗 𒄿𒋼𒂊 𒁹𒌨𒊓𒀀 𒆳𒌨𒅈𒁕𒀀𒀀 𒉻𒋾 𒆳𒋗 𒂼𒁴 𒆷 𒂊𒋾𒄣 𒄿𒈾 𒂔 𒆷 𒀝𒄣𒌑 𒍗𒎌 𒄣𒊏𒁲𒂊𒋙 | |
𒄿𒈾 𒆠𒆗 𒌓𒄩𒊑 𒋛𒄒𒋫𒋗 𒀀𒈾 𒃻𒅗𒉌 𒅇 𒄿𒊑𒄴 𒉿𒄿𒋗 𒌋𒅗𒋗 𒌅𒌨𒆸𒈠 𒀭𒈾𒋗 𒋗𒍑𒅆𒄿 𒋡𒋾 𒀾𒅆𒋗 | |
| 125 | 𒀭𒀀𒋩 𒁁𒉌 𒀜𒈠𒀀𒀀 𒊭 𒈪𒃻𒊑 𒅖𒈪𒈠 𒌋𒅗𒋗 𒄿𒁲𒅁 𒀀𒈾 𒌨𒉿𒋾𒅀 𒆤𒋾 𒄑𒆤𒉘𒈠 𒅎𒄖𒊏 𒌨𒇷𒋾 |
𒄑𒆪𒎌𒋙 𒄑𒍪𒋾 𒊭 𒄿𒈾 𒀀𒍢𒋗𒉡 𒅖𒌅 𒍢𒀉 𒀭𒌓𒅆 𒀀𒁲 𒂊𒆗 𒀭𒌓𒅆 𒆷 𒈠𒄀𒊑 𒄿𒈩𒋗 𒄿𒁺𒇇𒀀 𒌑𒈠𒅕𒈠 | |
𒌝𒈠𒈾𒀜 𒀭𒀀𒋩 𒊑𒉺𒀀𒋾 𒊭 𒄯𒊏𒀭 𒊒𒊌𒋾 𒅋𒇷𒅗𒉏𒈠 𒋗𒉡𒄩 𒅇 𒈬𒊌𒋡 | |
𒆳𒎌𒂊 𒁉𒂊𒊒𒋼 𒊭 𒈬𒇻𒌑 𒈬𒋥𒁺 𒊒𒋗𒄣 𒆷 𒈪𒈾 𒂊𒋫𒀜𒋾𒋡𒀀𒈠 𒅅𒆠𒊏 𒍣𒈬𒅆𒅔 | |
𒀭𒄷𒊻𒋛𒅔 𒌌 𒌑𒉺𒅁𒅆𒄴𒈠 𒀀𒎌 𒍮𒈪 𒌌 𒀾𒆥 𒍑𒎙𒉌 𒌌 𒀾𒆲𒈠 𒂦 𒆠𒆘 𒌌 𒀝𒀫 | |
| 130 | 𒇽𒄣𒊏𒁲𒅀 𒌌 𒌑𒈠𒀪𒅕 𒆷 𒌑𒈜𒄭𒊏 𒆠𒄑𒊑𒅀 𒊭 𒌋 𒌋 𒈫𒌍 𒀀𒈾 𒄿𒁲𒅀 𒆷 𒌑𒋼𒉘 𒂕𒌑 𒆷 𒊌𒆥 |
𒌌 𒀀𒁺𒌨 𒄀𒄫 𒂟𒄭𒀀𒋗 𒀲𒆳𒊏𒎌𒋙 𒀀𒊺𒀉𒈠 𒀀𒈾 𒀀𒈾 𒈬𒀪𒁲𒂊 𒄣𒊏𒁲𒋗 𒊭 𒈭𒇻𒌒𒋾 𒉌𒅖 𒅆𒅀 𒌌 𒅈𒅆 | |
𒀉𒋾 𒄑𒇀 𒄊𒅀𒅀 𒂊𒁲𒉌𒋾 𒅇 𒀲𒆳𒊏𒎌 𒀀𒇷𒋻 𒄿𒁲𒅀 𒊭 𒀀𒊬 𒅘𒊑 𒅇 𒊓𒀠𒈪 𒆷 𒅁𒉺𒊩𒆪𒌑 𒆠𒌋𒌆𒈝 𒉿𒅕𒊏 𒁹𒌍𒉽𒉽 XX | |
𒆠𒄿 𒄑𒋻𒋫𒄭 𒄑𒍣 𒄿𒈾 𒊮𒁉𒋗 𒄠𒋻𒈠 𒅆𒅆𒋙 𒄠𒄩𒊍𒈠 𒌑𒆤𒄭𒊏 𒋾𒁀𒀀𒋗 | |
𒁲𒅅𒋫𒋗 𒈠𒀪𒀜𒌅 𒀀𒁺𒊌𒈠 𒇿𒎌 𒄣𒊏𒁲𒋗 𒆠𒈠 𒊺𒊺𒁑 𒀾𒁲𒈠 𒊓𒉼𒉌 𒆳𒂊 𒌑𒂷𒇷 | |
| 135 | 𒍗𒎌𒋙𒉡 𒄯𒊑 𒈾𒀜𒁀𒆠 𒀀𒇉𒌍 𒌑𒊬𒁲𒈠 𒍢𒂊𒊑 𒆠𒄿𒁲 𒁀𒈠𒀀𒋼 𒊍𒊒𒁀 𒅋𒇻𒊕 |
𒇽𒁵𒈭𒍢𒋗 𒌅𒆰𒋾 𒌝𒈠𒉌𒋗 𒈾𒀾 𒄑𒉼 𒊍𒈠𒊑𒂊 𒉺𒀭 𒄊𒅀𒋗 𒆠𒈠 𒊍𒇷 𒌑𒁕𒁉𒄴𒈠 𒊕𒁺𒎌𒋙𒉡 𒌑𒅘𒆧 | |
𒊕𒆗𒎌𒋙 𒈠𒇷𒆠 𒎙𒍝𒊍 𒉺𒉌𒋗 𒄿𒈾 𒆠𒆗 𒌅𒃻𒊑 𒄑𒆪𒎌𒋙𒉡 𒌑𒉺𒅁𒄵𒈠 𒀀𒁲 𒀲𒆳𒊏𒎌𒋙𒉡 𒀠𒋡𒋗𒉡𒋾 | |
𒈫 𒈨 𒐕 𒆰 𒈗𒋾𒋙 𒇽𒋗𒌓 𒊕𒎌 𒇽𒂗𒉆𒎌𒋙 𒇽𒃻 𒂍𒄬𒅆𒋙 𒄿𒈾 𒋗𒅀 𒌑𒂟𒂍𒈠 𒌑𒉺𒅁𒁲𒊏 𒋫𒄩𒍪 | |
𒅇 𒃻𒀀𒋗 𒄿𒈾 𒁍𒄯 𒆠𒆘𒋗 𒂊𒁍𒋗𒈠 𒀲𒆳𒊏𒎌 𒇲𒀜 𒉌𒊑𒋗 𒄿𒈾 𒊻𒍢 𒀯𒀯𒇷 𒌑𒊕𒆠𒊏 𒉺𒅁𒇻𒍑𒋙 | |
| 140 | 𒀀𒈾 𒋗𒍪𒌒 𒍣𒎌𒋙 𒄑𒇀𒋗 𒂊𒍦𒈠 𒄿𒈾 𒊩𒀲𒆳𒊏𒎌 𒅕𒆏𒈠 𒈤𒈩 𒌝𒈠𒉌𒋗 𒅔𒈾𒂍 |
𒁹𒈨𒋫𒀜𒋾 𒆳𒍣𒄫𒋫𒀀𒀀 𒀀𒁲 𒈗𒎌𒉌 𒊭 𒇷𒈨𒋾𒋙 𒁍𒄯𒋗𒌦 𒌑𒌑𒆤𒈠 𒌑𒌓𒊑𒊏 𒆠𒄑𒊑𒋗𒌦 | |
𒊭 𒌝𒈠𒈾𒀜 𒆳𒌨𒅈𒁲 𒇽𒉽 𒅆𒉌 𒀀𒁲 𒆤𒊑𒋗 𒈽𒄯𒋫𒋗 𒀾𒆲𒈠 𒄿𒈾 𒆠𒆗 𒆳𒌑𒀀𒍑 𒆳𒄿 𒄿𒉌𒀪 𒅕𒌅 | |
𒀲𒆳𒊏𒎌𒋗𒉡 𒄯𒊑 𒈾𒀜𒄷 𒆳𒂊 𒅎𒇻𒈠 𒅇 𒋗𒉡 𒆠 𒆰𒁀𒁉 𒄿𒈾 𒁍𒍑𒆥𒋗 𒌑𒉻𒌅 𒌑𒊒𒄴 𒉺𒀾𒋡𒀀𒋾 | |
𒄿𒈾 𒋃𒄯 𒄑𒆪𒎌𒅀 𒆗𒉡𒋾 𒂕𒋗𒉡 𒂊𒇷𒈠 𒈬𒇻𒌑 𒅇 𒈬𒋥𒁺 𒌑𒂷𒆷𒀀 𒇿𒎌 𒈮𒋰𒇷 | |
| 145 | 𒐋 𒆜𒁍 𒆕𒋡𒊒 𒋫 𒆳𒌑𒀀𒍑 𒀀𒁲 𒆳𒍣𒄯 𒆳 𒎎𒀸𒉿𒂊 𒄿𒈾 𒍣𒆥𒀉 𒀯𒀯𒇷 𒅈𒁺𒋢 |
𒋛𒋫𒀜 𒌦𒎌 𒊭 𒀀𒈾 𒋗𒍮𒌑 𒈾𒄫𒋾 𒅁𒌓𒅆𒁺 𒇷𒄿𒋾 𒀭𒀀𒋩 𒂗𒅀 𒀀𒈾 𒁕𒆷𒇷 𒌑𒈦𒊺𒊒𒋗𒉡𒋾 | |
𒀭𒅎 𒁉𒊒 𒌉 𒀭𒀀𒉏 𒃼𒁺 𒊑𒁶𒋗 𒃲𒌅 𒌋𒅗𒋗𒉡 𒀉𒁲𒈠 𒄿𒈾 𒌨𒉻 𒊑𒄴𒍢 𒅇 𒎎 𒀭𒂊 𒌑𒋗𒋾 𒊑𒂊𒄩 | |
𒁹𒌨𒊓𒀀 𒈠𒌨𒋗𒉡 𒊭 𒄿𒋼𒂊 𒀭𒌓 𒀭𒀫𒌓 𒂊𒋾𒄣𒈠 𒊭 𒀭𒀀𒋩 𒈗 𒀭𒎌 𒆷 𒌑𒆏𒁉𒁺 𒈠𒁁𒋢 | |
𒊑𒁶 𒄑𒆪𒎌𒅀 𒆗𒉡𒋾 𒅁𒌓𒈠 𒆠𒈠 𒄑𒀫 𒄯𒊑 𒊭 𒆷𒉺𒀭 𒀉𒄷 𒅁𒌓𒋃𒁺 𒀉𒊒𒆪 𒈜𒁍𒋗 | |
| 150 | 𒆠𒄿 𒋫𒁉𒅅 𒁕𒈪 𒌷𒂅𒊒𒍑𒉺𒀀 𒌷 𒈗𒋾𒋗 𒌑𒈦𒋓𒈠 𒆠𒄿 𒁵𒀮𒋾 𒍝𒀀𒀀𒁲 𒂊𒅂𒁕 𒃻𒄩𒀜 𒆳𒋙 |
𒆠𒈠 𒊩𒄩𒊕𒋾 𒄿𒈾 𒄑𒈿 𒅔𒈾𒁲𒈠 𒀝𒇻 𒅇 𒀀𒎌 𒄿𒈾 𒉿𒄿𒋗 𒅁𒊒𒊻𒈠 𒈬𒊒𒊻 𒆷 𒍣𒂊 𒂊𒅂 𒊏𒎙𒋙 | |
𒇷𒄿𒋾 𒀭𒀀𒋩 𒁁𒉌𒅀 𒀀𒈾 𒌓𒈪 𒍝𒀀𒋾 𒌋𒅗 𒆳𒌨𒅈𒁲 𒀾𒆲𒈠 𒇧𒉺𒋢 𒀀𒈾 𒆷 𒈠𒊺𒂊 𒂊𒍣𒁀 𒄴𒊏𒌨 | |
𒁕𒈾𒀭 𒆧𒋗𒋾𒅀 𒋗𒌉𒌅 𒅇 𒋾𒁍𒌓 𒄑𒆪𒎌𒅀 𒋩𒁍𒋾 𒊭 𒄿𒈾 𒄒𒋥 𒇹𒄿 𒆷 𒅎𒈤𒄩𒊒𒈠 𒆷 𒄿𒉌𒀪𒌑 𒅈𒆧 | |
𒄿𒈾 𒆠𒆗 𒌓𒄩𒊑 𒁕𒀊𒉌 𒌋𒅗 𒆳𒌨𒅈𒁲 𒌑𒌑𒊑𒊒 𒌦𒎌 𒆳𒍣𒄫𒋼 𒅇 𒆳𒀭𒁲𒀀 𒊍𒄷𒉺 𒄿𒆳 𒈬𒌑𒋾 | |
| 155 | 𒄊𒅀 𒇽𒉽 𒅆𒈾 𒋫 𒆠𒆗 𒆳𒎙𒈾𒀀𒀀 𒀊𒊒𒊻𒈠 𒊮𒁉 𒁹𒌌𒇻𒋢𒉡 𒁁𒉌𒋗𒉡 𒌑𒁳𒈠 𒀀𒈾 𒌦𒎌𒋙 𒊑𒉺𒀀𒋼 𒌑𒊺𒍢 𒉡𒌋𒊒 |
𒀀𒈾𒆪 𒁹𒈗𒄀𒈾 𒈾𒈲 𒆤𒋾 𒆷 𒂊𒋾𒅅 𒄿𒋼𒂊 𒀭𒀀𒋩 𒀭𒌓 𒋚𒌅 𒆷 𒈬𒌒𒌓𒆪𒌑 𒉺𒌓 𒀭𒀝 𒀭𒀫𒌓 | |
𒄿𒈾 𒀭𒉌𒋗𒉡 𒆠𒂊𒉌 𒋫𒊍𒂇𒋾 𒊮𒅀 𒀝𒋤𒈠 𒌋𒅗 𒊬𒄭 𒈬𒍝𒇷𒅀 𒊍𒍣𒍝 𒄿𒈾 𒇷𒄿𒋾 | |
𒌋𒅗 𒆰𒆳 𒆳𒎌𒂊 𒅗𒆷𒀀𒋗𒉡 𒋚𒊏𒅈𒌅 𒀜𒁍𒊌𒈠 𒄣𒌑𒇻 𒅇 𒁲𒅎𒈠𒌅 𒂊𒅂𒁕 𒌦𒎌 𒅘𒊏𒋾 | |
𒄿𒈾 𒄷𒌓 𒊮𒁉 𒅇 𒊑𒃻𒀀𒋾 𒀉𒋾 𒇽𒈜𒎌 𒄑𒍠𒊩𒎌 𒅇 𒋫𒁀𒇷 𒀀𒈾 𒆠𒆗 𒍑𒎙𒉌𒅀 𒂊𒊒𒌒 | |
| 160 | 𒀀𒈾 𒀭𒌶𒃲 𒀭𒅎 𒅇 𒀭𒅖𒋻 𒁁𒉌 𒋫𒄩𒍣 𒀭𒎌 𒀀𒅆𒁍𒌓 𒀭𒂊 𒆠𒁴 𒅇 𒀭𒎌 𒀀𒅆𒁍𒌓 𒆳 𒀸𒋩𒆠 |
𒇻𒀬𒀬𒎌𒂊 𒌨𒊑𒄴𒋾 𒅁𒁍𒋾 𒀝𒆥𒈠 𒄿𒈾 𒆷𒉼 𒀊𒉿 𒅇 𒌓𒎏𒉌 𒈠𒄯𒋗𒌦 𒊍𒁁𒈠 𒌑𒊬𒁀𒀀 𒀭𒋢𒌦 | |
𒀀𒈾 𒆳𒀭𒁲𒀀 𒅇 𒆳𒍣𒄫𒋼 𒀀𒊬 𒉺𒉡𒅀 𒊕𒉡 𒄫𒊑 𒌑𒉺𒅁𒀸𒈠 𒀀𒈾 𒆳𒌨𒅈𒁲 𒀾𒆪𒈾 𒉺𒉌𒅀 | |
𒆳𒌑𒅖𒁲𒅖 𒈾𒄖𒌑 𒊭 𒆳𒎙𒈾𒀀𒀀 𒊭 𒁹𒌨𒊓𒀀 𒂊𒆠𒈬𒈠 𒊏𒈠𒉡𒍑 𒌑𒌁𒊒 | |
𒌷𒎌𒋙 𒈠𒀪𒁺𒋾 𒊭 𒆠𒄿 𒀯𒎌 𒀭𒂊 𒈪𒄿𒈾 𒆷 𒄿𒋗𒌑 𒄀𒂇𒌅 𒀝𒋗𒌓 | |
| 165 | 𒂦𒎌𒉌𒋗𒉡 𒁺𒌦𒉡𒉡𒋾 𒀀𒁲 𒅆𒉿𒅅 𒍑𒅆𒋗𒉡 𒋻𒁀𒋾𒅖 𒌑𒁖𒆥𒅅𒈠 𒆕𒋡𒊕 𒄠𒉡 |
𒆥𒊏𒀀𒋼𒋗𒉡 𒈠𒀪𒁕𒀀𒋾 𒆷𒀀 𒈪𒈾 𒌑𒉻𒋾𒈠 𒊺𒉻𒎌 𒆷 𒉌𒄿𒁉 𒌝𒈠𒉌 𒌑𒃻𒀀𒆸 | |
𒋫 𒆳𒌑𒅖𒁲𒅖 𒀜𒌅𒈲 𒀀𒈾 𒌷𒍑𒋡𒅀 𒄵𒋾 𒃲𒋾 𒊑𒌍 𒈪𒄑𒊑 𒊭 𒆳𒌨𒅈𒁲 𒀝𒁲𒆗 | |
𒊭 𒄿𒈾 𒉌𒊑𒁉 𒊭 𒆳𒍝𒊏𒀭𒁕 𒈾𒄀𒄿 𒆠𒈠 𒄑𒅅 𒀉𒆳𒈠 𒅗𒆷𒀜 𒇽𒌉 𒈨𒊑 | |
𒅇 𒄿𒈾 𒆳𒈠𒀠𒆷𒌑 𒆳 𒋆𒇷 𒇧𒊌𒆧 𒀀𒍝𒀜𒈠 𒌋𒅗 𒋫𒂇𒋾 𒆳𒋢𒌑𒁉 𒋗𒊑𒁍𒆳 𒃻𒊒𒊕 | |
| 170 | 𒌦𒎌 𒀀𒅆𒁍𒌓 𒈾𒄀𒄿 𒋗𒀀𒌅 𒄿𒈾 𒆳𒌨𒅈𒁲 𒂷 𒁀𒋗𒌑 𒇷𒀪𒌓 𒀲𒆳𒊏𒎌 𒂍𒄬𒅆 𒆷 𒌇𒌑 𒌓𒋻𒋗𒌦 |
𒈬𒊑𒂊 𒄯𒉌𒄑𒆥 𒍢𒄴𒄭𒊒𒋾 𒄿𒀖𒋾 𒆳𒋗 𒂼𒁴 𒊭 𒀀𒈾 𒆠𒈲 𒈗𒋾𒋙 𒌑𒊐𒁍𒌑 𒄿𒂟𒁀𒌅 𒈬𒀭𒈾𒌑 | |
𒀀𒁲 𒀀𒈾 𒆳𒋢𒌑𒁉 𒈾𒄀𒄿 𒊭 𒌦𒎌 𒆳𒌨𒅈𒁲 𒆳𒎙𒈾𒀀𒀀 𒄿𒃮𒁍𒋗𒉌 𒆷 𒅋𒌨𒄣𒈠 𒆷 𒅔𒉆𒈠𒊒 𒇷𒋾𒅅𒋙𒌦 | |
𒍢𒊒𒍑𒋗𒌦 𒄬𒆷 𒆷 𒅁𒌅𒈠 𒀀𒍮𒌑 𒋛𒄴𒊒 𒅇 𒋫𒀀𒊒 𒋛𒆳 𒋫𒄩𒍣 𒆷 𒆰𒇻𒈬 𒊒𒂅𒌨 𒍢𒁁𒌅 | |
𒇽𒂟𒎌 𒋗𒉡𒋾 𒊭 𒄵𒋾 𒅇 𒈾𒄀𒄿 𒀀𒁉𒅅𒋾 𒁹𒌨𒊓𒀀 𒂗𒋙𒉡 𒂊𒈬𒊒𒈠 𒆠𒈠 𒋩𒍑 𒄒𒊑 𒀀𒇉 𒅕𒁍𒁀 𒁼𒋙𒌦 | |
| 175 | 𒀀𒌨 𒉺𒉌𒋗𒉡 𒈬𒁺𒌓 𒃮𒇷 𒊭 𒆷𒉺𒀭 𒄑𒆪𒎌 𒅁𒌓𒋃𒁺 𒄿𒆳 𒈬𒌑𒋼 𒆤𒁍𒈠 𒅅𒊒𒁍 𒍢𒊒𒍑𒋗𒌦 |
𒁕𒇸 𒀭𒀀𒋩 𒁁𒉌𒅀 𒊭 𒄿𒈾 𒁍𒄯 𒇽𒁵𒈭𒍢𒋙𒉡 𒀯𒈭𒂅 𒆷 𒄿𒋛𒌅𒈠 𒌑𒃻𒀭𒉡𒋗𒉡𒋾𒈠 𒅅𒋤𒁺 𒈪𒌅𒋾𒅖 | |
𒌷𒍑𒋡𒅀 𒌅𒆰𒋾 𒆳𒋗 𒀀𒁲 𒋛𒆟 𒌷𒎌𒉌𒃻 𒄯𒁉𒌍 𒌑𒊺𒈬𒌑 𒁍𒊺𒂊𒋙𒉡 𒂊𒍣𒁍𒈠 𒄑𒁍𒌓 𒀀𒈛 𒆷 𒋫𒀀𒊑 | |
𒄿𒈾 𒋾𒁍𒌓 𒄑𒆪𒎌𒅀 𒆗𒉡𒋾 𒀀𒈾 𒄵𒋾 𒋗𒀀𒋾 𒂊𒇷𒈠 𒁍𒊺𒂊𒃻 𒆳𒇻𒋾 𒀾𒇻𒇴𒈠 𒀀𒈾 𒆠𒆗 𒍑𒎙𒉌𒅀 𒌑𒊺𒆗 | |
𒂦𒃻 𒆗𒉡 𒊭 𒁴𒎙𒋗 𒌋𒅗 𒆠𒈲 𒆳𒄿 𒋩𒋗𒁺𒈠 𒅇 𒐍 𒀸 𒁹𒌑 𒈠𒅆𒄴 𒆪𒁓𒋗 | |
| 180 | 𒌌𒌅 𒃮𒁳𒁉𒋗 𒊍𒁁𒄠𒈠 𒀀𒁲 𒍑𒋗 𒍠𒊒𒋼 𒀝𒋤𒁺 𒅖𒋼𒎙 𒀊𒁍𒌌𒈠 𒆕𒋡𒊕 𒌑𒌑𒄭𒅕 |
𒂍𒎌 𒄫𒁉𒂊𒃻 𒀭𒉈𒄀 𒌑𒃻𒊍𒂍𒈠 𒄑𒃡𒎌𒅆𒈾 𒅆𒄷𒋾 𒁲𒊑𒇷𒅖 𒌑𒊺𒈪 | |
𒁹 𒈨 𒌋 𒌷𒎌𒉌 𒊭 𒇷𒈪𒋾𒃻 𒆠𒈠 𒀊𒊑 𒀀𒄣𒌓𒈠 𒄣𒌉𒋗𒌦 𒆠𒈠 𒀀𒌑𒃻𒋾 𒉺𒀭 𒀭𒂊 𒌑𒊕𒁴 | |
𒆠𒈠 𒊭 𒀀𒁍𒁍 𒌑𒀊𒁉𒌅 𒄫𒁉𒊓 𒌑𒊺𒄫𒈠 𒆠𒈠 𒄰𒊑 𒀾𒁍𒅗 𒌷𒎌𒉌𒃻 𒀾𒁍𒋾 | |
𒌷𒀀𒉌𒀾𒋫𒉌𒀀 𒂍 𒋢𒄢𒆷𒋼𒋗 𒄿𒈾 𒈪𒈲 𒆳𒊓𒀭𒄀𒁍𒋼 𒁉𒈩 𒌷𒍑𒋡𒅀 𒅇 𒌷𒋻𒈠𒆠𒊓 𒅁𒋗𒌋 | |
| 185 | 𒀀𒁲 𒌋 𒌷𒎌𒉌 𒊭 𒇷𒈪𒋾𒋙 𒀊𒇧𒈠 𒆕𒋡𒊕 𒄠𒉡 𒄑𒃡𒎌 𒋫𒊍𒇸𒋾𒋗𒉡 𒊺𒄷𒋾 𒄿𒈾 𒀭𒉈𒄀 𒀝𒈬 |
𒂙𒎌𒋗𒉡 𒌑𒁍𒂊𒋗𒉡 𒀾𒊒𒌒 𒆥𒊏𒋼 𒈾𒄰𒀀𒋼 𒌑𒉻𒋾𒈠 𒊺𒉻𒎌 𒆷 𒉌𒄿𒁉 𒌝𒈠𒉌 𒌑𒃻𒀀𒆸 | |
𒆠𒈠 𒂊𒊑𒁉 𒁲𒆪𒋾 𒁍𒌌 𒆠𒆘𒅀 𒄿𒈾 𒌑𒊩𒇷𒋙 𒀜𒁲𒈠 𒌑𒄭𒀀 𒌇𒆷𒋾𒋙 𒄑𒋢𒄷𒈠 𒌑𒋚𒊑𒁍 𒀀𒃼𒋙 | |
𒋫 𒌷𒍑𒋡𒅀 𒀜𒌅𒈲 𒀀𒈾 𒆳𒁀𒊑 𒌅𒆰𒋾 𒁍𒇷𒋗 𒊭 𒆳𒊓𒀭𒄀𒁍𒌅 𒄿𒃮𒁍𒋗𒉌 𒀝𒁲𒆗 | |
𒌷𒋻𒌑𒄿 𒌷𒋻𒈠𒆠𒊓 𒂍 𒂦𒎌𒉌 𒆗𒉡𒋾 𒊭 𒄿𒈾 𒆳𒁕𒆷𒀀𒀀 𒋫𒂇𒋾 𒂍 𒊺𒉻𒎌𒋙 𒈠𒀜𒋾 𒅁𒋗 | |
| 190 | 𒂦𒎌𒉌𒋗𒉡 𒂄𒉡𒉡𒈠 𒊩𒄷𒋗𒉡 𒄤𒊒 𒄭𒊑𒄑𒍝𒉌𒋗𒉡 𒊒𒁍𒇻𒈠 𒋗𒌨𒄷𒊒 𒇷𒈪𒄑𒄢 |
𒊭 𒄿𒈾 𒄫𒁉𒋗𒉡 𒀲𒆳𒊏𒎌 𒈾𒄰𒋾 𒆠𒈲 𒈗𒋾𒋙 𒄿𒈾 𒌑𒊑𒂊 𒋗𒍪𒍪𒌑𒈠 𒌑𒌑𒊒𒌑 𒈬𒀭𒈾𒌑 | |
𒌦𒎌 𒀀𒅆𒁍𒌅 𒈾𒄀𒄿 𒋗𒀀𒌅 𒅁𒋃 𒁁𒇻𒋾𒅀 𒊭 𒄿𒈾 𒌷𒎌𒉌 𒇷𒈨𒋾𒋗𒉡 𒂊𒁳𒁍𒋗 𒂊𒈬𒊒𒈠 𒅕𒋗𒌑 𒄀𒀖𒌓 | |
𒌷𒎌𒉌𒋗𒉡 𒌑𒈦𒊺𒊒𒈠 𒄿𒈾 𒈾𒁀𒇷 𒀀𒊬 𒍮𒈠𒈪 𒆳𒁀𒊑𒌍 𒅔𒀮𒌅𒈠 𒀮𒃻𒋫 𒄿𒊺𒀪𒌑 | |
𒈾𒄖𒌑 𒋗𒀀𒌅 𒄷𒄩𒊕 𒊍𒄷𒌒𒈠 𒄿𒈾 𒁉𒈩 𒌷𒎌𒋗𒉡 𒆗𒉡𒋾 𒌑𒊕𒁲𒊏 𒀀𒉡𒌦𒌅 | |
| 195 | 𒂦𒎌𒉌𒋗𒉡 𒆗𒉡𒋾 𒌌𒌅 𒃮𒁳𒁉𒋗𒉡 𒊍𒁁 𒀀𒁲 𒁴𒎙𒉌𒋗𒉡 𒀝𒋗𒌓 𒀊𒇧𒈠 𒆕𒋡𒊕 𒌑𒌑𒄭𒅕 |
𒂍𒎌 𒄫𒁉𒋗𒉡 𒀭𒉈𒄀 𒌑𒃻𒊍𒂍𒈠 𒄑𒃡𒎌𒅆𒈾 𒊺𒄷𒌑𒋾 𒁲𒊑𒇷𒅖 𒌑𒊺𒈪 | |
𒂙𒋗𒉡 𒈠𒀪𒁺 𒀾𒊒𒌒 𒆥𒊏𒋼 𒈾𒄰𒀀𒋼 𒌑𒉻𒋾𒈠 𒊺𒉻𒎌 𒆷 𒉌𒄿𒁉 𒌝𒈠𒉌 𒌑𒃻𒀀𒆸 | |
𒌍 𒌷𒎌𒉌 𒇷𒈪𒋾𒋗𒉡 𒆠𒈠 𒀊𒊑 𒀀𒄣𒌓𒈠 𒄣𒌉𒋗𒌦 𒆠𒈠 𒀀𒌑𒃻𒋾 𒉺𒀭 𒀭𒂊 𒌑𒊕𒁴 | |
𒋫 𒌷𒋻𒈠𒆠𒊓 𒀜𒌅𒈲 𒀝𒁲𒆗 | |
| 200 | 𒌷𒌌𒄷 𒌷 𒆗𒉡𒋾 𒊭 𒄿𒈾 𒄊𒅀 𒆳𒆧𒁄 X𒋛 X |
𒅇 𒌦𒎌𒋙 𒆠𒈠 𒉡𒌑𒉌 𒀀𒈾 𒍮𒌝𒈨𒋗𒉡 𒀀𒎌 𒄿𒆳𒌅𒌑 𒆷 𒄿𒉺𒅁𒁍𒌑 | |
𒁹𒌨𒊓𒀀 𒈗 𒈠𒌨𒋗𒉡 𒄿𒈾 𒁉𒅁𒆳 𒊮𒁉𒋗 𒈬𒍢𒂊 𒈠𒀀𒈪 𒌑𒊕𒅆 | |
𒁄𒄖 𒁀𒉋 𒀀𒎌 𒋩𒁺𒋾 𒄴𒊑𒈠 𒀀𒎌 𒃶𒉣 𒆠𒈠 𒁍𒋥𒋾 𒌑𒊬𒁲 | |
𒀀𒋰𒉿 𒆷 𒈪𒄿𒈾 𒀫𒊒𒍑𒃻 𒌑𒊺𒍝𒄠𒈠 𒇻𒌑 𒌑𒌑𒆠𒊏 𒃼𒁀𒀀𒋼 | |
| 205 | 𒀀𒃼𒋙 𒅈𒁍 𒊭 𒌌𒌅 𒌓𒌝 𒌌𒇻𒋾 X𒁺𒈠 𒄧 𒅇 𒃾 𒆠𒈠 𒍪𒌦𒉌 𒌑𒃻𒊍𒎏 |
𒄑𒌋𒌆𒁍 𒄑𒋗𒋥𒄷 𒁄𒋾 𒂍𒃲𒅆𒋙 X𒆠𒈠 𒄑𒌁 𒌋𒅗 𒋫𒂇𒋾𒋙 𒋫𒊏𒉡 𒌑𒃻𒀾𒅆 | |
𒅇 𒄿𒈾 𒄫𒁉𒋾𒋗 𒈾𒁲𒋾 𒀀𒊏𒄴𒄭 XX𒊑𒁶 𒀭𒀀𒆷𒆷 𒄭𒂵 𒌑𒊩𒊓𒀀 𒌦𒎌𒋗 | |
𒐈 𒈨 𒀲 𒊺𒆰𒎌 𒆪𒉻 𒀭𒊺𒉀 𒄿𒈾 𒀊𒉆𒎌𒋙 𒌑𒋚𒉌𒅁𒈠 𒊺𒄠 𒄿𒈾 𒉺𒂡𒋼 𒊻𒍝𒁍 𒋼𒇷𒌅 | |
𒀀𒊮 𒀀𒃼𒋙 𒅈𒁍𒋾 𒆤𒄭𒅖 𒌑𒊺𒈪 XXXX𒈠 𒁲𒅖 𒉺𒀭 𒆳𒋾 𒌑𒈬 𒅇 𒊑𒄿𒌅 𒆷 𒅁𒉺𒊩𒆪𒌑 𒆪𒍮 𒄯𒁍 | |
| 210 | 𒀀𒈾 𒋻𒁀𒊍 𒀲𒆳𒊏𒎌 𒅇 𒋢𒄢𒇷 𒌑𒌁𒋗𒈠 𒀲𒀀𒀊𒁀 𒄀𒂇 𒆳𒋗 𒋻𒌈𒋼 𒌑𒊩𒅂𒈠 𒄿𒉺𒅁𒉺𒆪 𒅕𒊑𒌅 |
𒂍𒃲 𒋗𒁁 𒈗𒋾 𒀀𒈾 𒀯𒋫𒀪𒋾𒋙 𒄿𒈾 𒀀𒄭 𒀀𒇉𒋾 𒅁𒉌 𒄑𒃡𒎌 𒋆𒇷 𒌑𒉌𒇸𒅆𒈠 𒄿𒊑𒊓 𒌑𒁳 | |
𒌷𒊬𒁺𒊑𒄷𒌨𒁕 𒄵𒌅 𒀀𒈾 𒅗𒀀𒁲𒋙 𒄿𒈾 𒆳𒆧𒋼𒅕 𒆕𒈠 𒆳𒋾𒈾𒀀𒀀 𒌅𒆰𒋾 𒆳𒋗 𒄿𒈾 𒊮𒁉 𒌑𒊺𒆗 | |
𒌦𒎌 𒈾𒄀𒄿 𒋗𒀀𒋾 𒀀𒆳 𒈠𒊒𒍑𒋾 𒊭 𒄿𒈾 𒉺𒀭 𒁹𒌨𒊓𒀀 𒈗𒋙𒉡 𒌑𒉺𒅁𒊑𒆪 𒅖𒈬𒈠 𒇇𒀀 𒅅𒁍𒌑 𒅎𒄩𒍮 𒃻𒁇𒋗𒌦 | |
𒌷𒌌𒄷 𒌷 𒆗𒉡𒋾𒋗𒉡 𒀀𒁲 𒌷𒊬𒁺𒊑𒄷𒌨𒁕 𒄵𒋾 𒌇𒆷𒋾𒋙𒉡 𒌑𒈦𒊺𒊒𒈠 𒀀𒈾 𒃻𒉺 𒆳𒂊 𒉺𒀾𒋡𒋼 𒅁𒌓𒋃𒁺 𒈬𒅆𒌨 | |
| 215 | 𒄿𒈾 𒋗𒄷𒌓 𒊮𒁉𒅀 𒇷𒈪𒀉 𒈾𒄀𒄿 𒋗𒀀𒋾 𒆠𒈠 𒅎𒁀𒊑 𒊍𒄷𒌒𒋗𒈠 𒋃𒁺 𒅇 𒁍𒌑𒌅 𒀝𒍮𒊏 𒋗𒊑𒄫 |
𒀀𒈾 𒌷𒌌𒄭 𒌷 𒋻𒈠𒀀𒋼𒋙 𒊭 𒁹𒌨𒊓𒀀 𒂊𒌀𒇺 𒂊𒊒𒌒𒈠 𒀀𒈾 𒆠𒆗 𒂍𒃲𒅆 𒋗𒁁 𒈗𒋾𒋙 𒊩𒁹 𒀜𒊑𒋃 | |
𒂦𒋙 𒆗𒉡 𒊭 𒄿𒈾 𒎎 𒆳𒄿 𒍠𒊑 𒅁𒋗 𒄿𒈾 𒆰𒈪𒄿 𒀭𒁇 𒌋 𒈥𒊑 𒀭𒁇 𒋻𒁀𒋾𒅖 𒌑𒁖𒆥𒅅𒈠 𒆕𒋡𒊕 𒄠𒉡 | |
𒄑𒃡𒎌 𒋆𒇷 𒊺𒄷𒋾 𒋫𒊍𒇸𒋾 𒂍𒃲𒅆𒋙 𒊍𒈽 𒄿𒈾 𒅗𒆷𒉿 𒌑𒈤𒄭𒄑𒈠 𒀀𒈾 𒆳 𒀸𒋩𒆠 𒀠𒋡𒀀 | |
𒆥𒊏𒀀𒋼𒋙 𒈾𒄰𒀀𒋼 𒌑𒉻𒋾𒈠 𒊺𒉻𒎌𒋢 𒈠𒀜𒌅 𒆷 𒉌𒄿𒁉 𒌝𒈠𒉌 𒌑𒃻𒆸 | |
| 220 | 𒂍 𒃾𒎌𒋙 𒊭 𒉌𒈲𒋼 𒂊𒊒𒌒𒈠 𒌝𒈠𒆳 𒀭𒀀𒋩 𒂼𒎌 𒆠𒈠 𒀀𒎌 𒀀𒇉 𒄿𒈾 𒋢𒈾𒀀𒁲 𒋢𒈦𒇷𒂊 𒄴𒁍𒌑 𒃾 𒄭𒂵 |
𒀀𒇉𒄭𒊑𒌅 𒀀𒇉 𒌇𒆷𒋼𒋗 𒀀𒊒𒌨𒃻 𒊍𒉐𒈠 𒀀𒎌 𒁺𒍑𒋗𒋾 𒀀𒈾 𒊒𒋳𒁲 𒌑𒌁 | |
𒀀𒁕𒀊𒉿 𒄩𒇷𒇷 𒋛𒀖𒋼 𒀫𒊑𒃻 𒌑𒄩𒁲𒅎𒈠 𒃻 XXX𒋗 𒅖𒆥𒆷𒋛𒈾 𒌑𒆗𒅆 𒀭𒌓𒋗 | |
𒀀𒈾 𒄑𒊬𒎌𒋙 𒊍𒈠𒀀𒋾 𒁍𒌦𒈾𒉌𒂊 𒌷𒋙 𒊭 𒄧 𒅇 𒃾𒎌 𒍝𒀪𒈾𒀀𒈠 𒆠𒈠 𒋾𒅅 𒀭𒂊 𒄿𒈾𒌓𒅗 | |
𒇽𒄣𒊏𒁲𒅀 𒅅𒁺𒋾 𒌑𒊺𒊑𒅁𒈠 X𒆠𒈠 𒀭𒅎 𒌑𒃻𒀾𒄀𒈬 𒊑𒁶 𒅗𒆷𒁉 𒀭𒁇 | |
| 225 | 𒄧𒋙 𒈠𒀪𒁺 𒊭 𒈪𒉌𒌅 𒆷 𒄿𒋗𒌑 𒅅𒂅𒁍𒈠 𒀀𒈾 𒀭𒄷𒋾 𒊮𒁉 𒆷 𒂊𒍣𒁍 𒁕𒊑𒌍 𒆳𒋾 𒍮𒄴𒄷 |
𒄑𒎌𒋗 𒃲𒎌 𒋛𒆳 𒂍𒃲𒅆𒋙 𒆠𒈠 𒊺𒊺𒁑 𒀾𒁲𒈠 𒌷 𒋫𒍑𒋾𒋗 𒌑𒈠𒋛𒅅𒈠 𒌑𒆳𒉿𒆷 𒈾𒄖𒋗 | |
𒄑𒄖𒌒𒉌 𒋗𒀀𒌅𒉡 𒄑𒍝 𒂷 𒀝𒋃𒂅 𒌑𒈜𒆟𒈠 𒀀𒈾 𒄖𒊒𒌦𒉌 𒀝𒊒𒌦𒈠 𒄿𒈾 𒀭𒉈𒄀 𒀝𒈬 | |
𒂙𒋗𒉡 𒈠𒀪𒁺 𒊭 𒆠 𒄀 𒀀𒉿 𒉌𒄿𒁀 𒆷 𒄿𒋗𒌑 𒋩𒋀 𒊍𒈽𒈠 𒀀𒈾 𒈲𒅆𒂊 𒋼𒍢𒋾 𒆷 𒂊𒍣𒁀 𒋗𒇧𒌓 | |
𒀀𒃼𒋗 𒊍𒈬 𒊭 𒆠𒄿 𒍝𒆳𒁺𒊑𒂊 𒈲𒉺 𒊕𒉡𒈠 𒄿𒈾 𒁲𒊺 𒅇 𒆸𒁍𒊑 𒋗𒊒𒆳 𒋫𒂇𒌅 | |
| 230 | 𒄿𒈾 𒄑𒇀 𒂍𒄬𒅆 𒈨𒋼𒅅 𒆠𒈥𒊑𒅀 𒆠𒈠 𒀭𒅎 𒅈𒄭𒄑𒈠 𒆤𒄷 𒌅𒆰𒋾 𒀲𒆳𒊏𒎌𒋙 𒆠𒊒𒁀𒎙 𒌝𒈪 |
𒌷𒊬𒁺𒊑𒄷𒌨𒁕 𒆗𒈾𒋢𒉡 𒃲𒌅 𒀀𒁲 𒐐 𒌷𒎌𒉌 𒊭 𒇷𒈪𒋾𒃻 𒊭 𒆳𒊓𒀭𒄀𒁍𒌅 𒈾𒄀𒄿 | |
𒋛𒆟𒋗𒉡 𒀊𒇧𒈠 𒆕𒋡𒊕 𒄠𒉡 𒄑𒃡𒎌 𒋫𒊍𒇸𒋾𒋗𒉡 𒄿𒈾 𒀭𒉈𒄀 𒀝𒈬𒈠 𒁲𒊑𒇷𒅖 𒌑𒊺𒈪 | |
𒋫 𒌷𒌌𒄭 𒀜𒌅𒈲 𒀀𒈾 𒀀𒌉 𒌦𒈾𒋼 𒊑𒌍 𒌷𒎌𒉌 𒆗𒉡𒋾 𒊭 𒆳𒊓𒀭𒄀𒁍𒋼 𒈾𒄀𒄿 𒀝𒁲𒆗 | |
𒈾𒄖𒌑 𒀾𒁍 𒍢𒂍 𒆳𒋗 𒊭 𒌌𒌅 𒌌𒆷𒀀 𒀀𒈾 𒊒𒌒𒁍𒍑 𒆳𒋗𒉡 𒄑𒆠𒇻 𒈗 𒉺𒉌 𒀀𒇷𒋻 𒈤𒊑𒂊𒋗 | |
| 235 | 𒌷𒄷𒌨𒉡𒆪 𒌷𒄩𒅈𒁕𒉌𒀀 𒌷𒄀𒍪𒅈𒍪 𒌷𒃻𒀾𒍣𒄑𒊓 𒌷𒄷𒌦𒁺𒌨𒈾 𒀭𒋫𒌑 |
𒌷XXX𒋛𒂊 𒌷𒌑𒀜𒍪𒌦𒍝 𒌷𒀀𒊏𒍪 𒌷𒊭𒁹𒍢𒉌𒀀 𒌷𒄷𒌦𒁺𒌨𒈾 𒆠𒋫𒌑 | |
𒌷𒂖𒌷X𒅘 𒌷𒍢𒀉𒌅𒅈𒍪 𒌷𒍣𒅕𒈠 𒌷𒋩𒍣𒄿 𒌷𒂊𒇷𒅀𒁲𒉌𒀀 | |
𒌷𒁕𒀝𒌷𒌷𒀫𒍣𒀠𒁲𒌑 𒌷𒅈𒈬𒈾 𒌷𒆠𒅔𒀾𒋫𒉌𒀀 | |
𒎙 𒌷𒎌𒉌 𒆗𒉡𒋾 𒊭 𒆠𒈠 𒄑𒃮𒉌 𒋻𒂍 𒆳𒄿 𒌋𒅗 𒋗𒋛𒎌 𒆳𒅈𒍝𒁉𒀀 𒀀𒍮𒉌 | |
| 240 | 𒂦𒎌𒉌 𒂄𒉡𒉡𒋾 𒊭 X𒈫 𒍑𒋫𒀀𒀭 𒋾𒅁𒆠 𒃮𒁳𒌑 𒆷𒉌𒋗𒉡 𒆷𒈬𒈠 |
𒀀𒈾 𒎙𒍝𒊍 𒁵𒈭𒍢𒋗𒉡 X𒊑 𒋗𒍮𒌑 𒀀𒈾 𒂊𒄫 𒋫𒄩𒍣 𒋗𒊑𒁍𒋗 𒇧𒄩𒀀𒋾 | |
𒄭𒊑𒄑𒍢 𒊒𒁍𒇻𒋼 𒀀𒈾 𒌅𒆰𒋾 𒉌𒆗 𒆍𒃲𒎌𒋗𒉡 𒊒𒊌𒆪𒊓 𒁲𒈠𒀀𒋾 | |
𒀀𒇉𒎌 𒁀𒁉𒆳 𒀀𒎌 𒈪𒇷 𒄿𒈾 XX𒄿𒈾 𒋫𒂇𒋾𒋗𒉡 𒆷 𒄿𒋗𒌑 𒁀𒀸𒌅 | |
𒌦𒎌𒋗𒉡 𒄿𒈾 𒃮𒁲 𒅇 𒎌𒊑𒂊 𒊑𒁲 𒂷 𒁀𒋗𒌑 𒈩𒁍𒋗 𒋛𒆸𒌅 | |
| 245 | 𒂍𒃲𒎌 𒊐𒁀𒀀𒋼 𒊿𒈾𒀜 X𒄑𒉌𒈨𒁺 𒋗𒌓𒊒𒍮 𒋛𒆳 𒈗𒋾 |
𒄑𒃡𒎌 𒋆𒇷 𒂊𒊑𒋗 𒄭𒂵 𒋫 X𒄩X𒈠 𒊭 𒂊𒊑𒁉𒅆𒈾 𒆠𒈠 𒄩𒋩𒊑 𒄿𒍝𒋡 𒊮𒁍𒍑 | |
𒌦𒎌 𒆳𒊓𒀭𒄀𒁍𒋼 𒈾𒄀𒄿 𒀀𒅆𒁍𒌓 𒆳 𒅇 𒀀𒅆𒁍𒌓 𒌷𒎌𒉌 𒋗𒀀𒌅𒉡 𒄀𒂇𒌅 | |
𒀀𒅗𒈠 𒄫𒊑𒅀 𒊭 𒀀𒈾 𒁹 𒆜𒁍𒀀𒀭 XXX𒌅 𒌋𒅗 𒆳𒌨𒅈𒁲 𒀀𒈾 𒉻 𒁶𒊑𒋙 𒋃𒆪𒈾𒀜 𒂊𒅆𒌅 | |
𒊭 𒈠𒀜𒄀𒇷𒋗𒉡 𒊭 𒈾𒄖𒌑 𒀀𒈾 𒈾𒀝𒊑 𒌋𒅗 𒋗𒋛𒎌 𒆳𒂊 𒁲𒈠𒀀𒋼 𒊒𒊌𒆪𒊓𒈠 𒋗𒍪𒊻𒍝 𒀀XXXXX | |
| 250 | 𒆥𒁕𒀜 𒀊𒊑 𒊭 𒄊𒅀 𒅘𒊑 𒌌𒇻XX𒋾𒈠 𒁲𒌓 𒊺𒆸 𒇷𒇲𒀀𒋼 𒂊𒈬𒊒𒈠 𒌑𒀜𒁺𒌑 XXXX |
𒋾𒅁 𒀀𒉣𒋾𒅀 𒌑𒊒 𒊭 𒆷 𒅖𒃻𒈾𒉡 𒅖𒄷𒌅𒈠 𒋗𒄯𒊏𒌅 𒀉𒋫𒁉𒅅𒋗𒉡𒋾𒈠 𒅅XXX𒍣 | |
𒀀𒈾 𒁍𒅆𒄿𒋗𒉡 𒈠𒀪𒁲 𒉺𒈾 𒆷 𒅖𒋗𒌑 𒂦𒎌𒋗𒉡 𒆗𒉡𒋾 𒌑𒈦𒅆𒊒𒈠 𒂊𒅂𒁺 𒃻𒄩𒌅 | |
𒆠𒈠 𒌨𒉻 𒇷𒇲𒀀𒋼 𒃻𒉿𒋾 𒈾𒄖𒌑 𒋗𒀀𒌅 𒀝𒉐𒈠 𒄀𒂇 𒌷𒎌𒋙 𒆗𒉡𒋾 𒆠𒈠 𒀀𒆗 𒁁𒄯𒋾 𒊍𒄷𒌒 | |
𒄿𒈾 𒁉𒈩 𒆳𒅈𒍝𒁉𒀀 𒆳𒅕𒋾𒀀 𒆳𒎌𒂊 𒃻𒄣𒋾 𒌋 𒆜𒁍 𒆕𒋡𒊒 𒈠𒆷𒆪 𒀾𒆲𒈠 𒌑𒅗𒍢𒊏 𒍑𒎙𒉌 | |
| 255 | 𒄿𒈾 𒃻𒄩𒋼 𒉪𒆤 𒊮𒁉𒋗𒉡 𒄣𒊏𒁲𒅀 𒅅𒁺𒋼 𒆠𒈠 𒁉𒅁𒁉 𒍑𒁉𒀪𒈠 𒀀𒈾 𒊺𒈨𒂊 𒌨𒋾𒋙𒉡 𒆷 𒂊𒍣𒁍 𒄩𒀀𒀀𒂅 |
𒌝𒈠𒈾𒀜 𒀭𒀀𒋩 𒊐𒃻𒀀𒋼 𒄀𒂇 𒌷𒎌𒉌𒋗𒉡 𒂊𒊑𒄫 𒌑𒊕𒁴𒈠 𒃻𒇸𒅀 𒅕𒄷𒋾 𒌑𒊺𒊑𒁀 𒌨𒅆𒋗𒌦 | |
𒁍𒋗𒌑 𒈠𒀝𒆪𒊒 𒉌𒈲𒋼 𒈗𒋾 X𒌒𒇻𒉏𒈠 𒄿𒋃𒋫𒋗𒉡 𒆤𒄯𒌅 𒅅𒋤𒁺 𒋡𒋫𒀀𒀀 | |
𒍝𒀊 𒄽𒅆 𒆗𒆷𒁍 𒈾𒀾 𒄑𒉼 𒊍𒈠𒊑𒂊 𒀀𒈾 𒂦𒎌𒋗𒉡 𒌑𒊺𒇷𒈠 𒀉𒋾 𒉺𒀾𒆥 𒅇 𒀀𒍢𒋼 𒈾𒆥𒊑 𒌑𒃻𒊍𒁁 | |
𒄑𒃡𒎌 𒋆𒇷 𒋫𒊍𒇸𒋾 𒂍𒃲𒎌 𒌑𒈾𒋛𒄴𒈠 𒌦𒎌 𒆳𒎙𒈾𒀀𒀀 𒆳𒈾𒀪𒊑 𒇷XX𒀀 XXX𒌑𒊩XXXX | |
| 260 | 𒄫𒄭𒋗𒉡 𒂊𒇻𒋾 𒊭 𒆠𒈠 𒆳𒎌𒂊 𒋩𒋤𒁺 𒀀𒁲 𒁴𒎙𒈠𒉌𒋗𒉡 𒁀𒍢𒅖 𒌑XXX |
𒄿𒈾 𒂍𒎌𒋗𒉡 𒅘𒆷𒀀𒋼 𒀭𒉈𒄀 𒌑𒃻𒊍𒂍𒈠 𒄣𒌉𒋗𒉡 𒌑𒆳𒁉𒈠 𒉺𒀭 𒀭𒂊 𒆠𒈠 𒅎𒁀𒊑 𒌑𒃻𒊍𒂍 | |
𒋰𒅗𒀀𒉌 𒃲𒎌 𒊭 𒊺𒉻𒎌 𒊺𒍼𒎌 𒊭 𒄿𒈾 𒌓𒈨 𒈠𒀪𒁺𒋾 𒀀𒈾 𒁀𒆳 𒆳 𒅇 𒌦𒎌 𒅖𒁍𒆪 𒆥𒊏𒀀𒋼 | |
𒀮𒄯 𒌝𒈠𒉌𒅀 𒄿𒈾 𒀲𒆳𒊏𒎌 𒀲𒉺𒊑𒂊 𒀲𒀀𒀊𒁀 𒀲𒎌 𒌑𒃻𒊍𒉋𒈠 𒄿𒈾 𒆠𒆗 𒍑𒎙𒉌𒅀 𒆠𒈠 𒇯𒎌 𒌑𒉺𒅁𒋝 | |
𒀀𒆗 𒃮𒁲 𒅇 𒎙𒁉𒂊 𒌦𒎌𒅀 𒌑𒃻𒆸𒈠 𒍮𒌓𒁲𒂊 𒋳𒂍𒋾 𒊭 𒋫𒀀𒀀𒅈𒋾 𒆳 𒀸𒋩𒆠 𒂊𒁍𒋗 𒄿𒈾 𒄭𒁺𒋾 | |
| 265 | 𒄑𒊬𒎌𒋗 𒆷𒆷𒀀𒈾𒋾 𒀝𒋃𒈠 𒃾𒋗 𒀀𒈾 𒈬𒀪𒁲𒂊 𒀝𒋃𒈠 𒌑𒉺𒅁𒁲𒆷 𒂷𒋾𒋢 |
𒄑𒌁𒎌𒋗 𒊐𒁀𒀀𒋾 𒊭 𒆠𒈠 𒀀𒉿 𒀉𒇻𒋾 𒄭𒀉𒇻𒁍 𒄑𒍮𒅆𒅔 𒀝𒆧𒈠 𒌑𒉆𒈠𒀀 𒋫𒂇𒌅𒍑 | |
𒆰𒆳 𒄑𒁺𒉌𒋗 𒅘𒋢𒋾 𒆠𒈠 𒄭𒅎𒈠𒀜 𒀀𒌑𒋗𒋾 𒌑𒈜𒆟𒈠 𒄿𒈾 𒀭𒉈𒄀 𒀝𒈬 | |
𒁹 𒈨 𒐏 𒌷𒎌𒉌 𒊭 𒇷𒈪𒋾𒋗𒉡 𒆠𒈠 𒀊𒊑 𒀀𒄣𒌓𒈠 𒄣𒌉𒋗𒌦 𒆠𒈠 𒀀𒌑𒃻𒋾 𒉺𒀭 𒀭𒂊 𒌑𒊕𒁴 | |
𒋫 𒌷𒎌𒉌 𒆗𒉡𒋾 𒊭 𒆳𒊓𒀭𒄀𒁍𒋼 𒀜𒌅𒈲 𒀀𒈾 𒆳𒅈𒈠𒊑𒅀𒇷𒄿 𒈾𒄀𒄿 𒀝𒁲𒆗 | |
| 270 | 𒌷𒁍𒁍𒍣 𒄵𒌅 𒌷𒄷𒌦𒁺𒌨 𒊭 𒈫 𒂦𒎌𒉌 𒆷𒈬𒌑 𒉿𒄿 𒁲𒅎𒋾 𒌅𒁄𒂊 𒈠𒄭𒊑 𒊒𒊌𒆪𒋢 |
𒌷𒀀𒀀𒇷𒂊 𒌷𒍢𒉌𒅖𒉺𒆷𒀀 𒌷𒍢𒉌𒌑𒅘 𒌷𒅈𒈾 𒌷𒊬𒉌𒄿 | |
𒐌 𒌷𒎌𒉌 𒆗𒉡𒋾 𒀀𒁲 𒌍 𒌷𒎌𒉌 𒊭 𒇷𒈪𒋾𒋗𒉡 𒊭 𒄿𒈾 𒄊𒅀 𒆳𒌑𒁉𒀭𒁕 𒆳𒂊 𒈾𒁺𒌑 | |
𒋛𒆟𒋗𒉡 𒀊𒇧𒈠 𒆕𒋡𒊕 𒄠𒉡 𒄑𒃡𒎌 𒋫𒊍𒇸𒋾𒋗𒉡 𒄿𒈾 𒀭𒉈𒄀 𒀝𒈬𒈠 𒁲𒊑𒇷𒅖 𒌑𒊺𒈪 | |
𒆥𒊏𒀀𒋼𒋗𒉡 𒈾𒄰𒀀𒋾 𒌑𒉻𒋾𒈠 𒊺𒉻𒎌𒋢𒉡 𒈠𒀪𒀜𒌅 𒊭 𒆷 𒉌𒄿𒁉 𒌝𒈠𒉌 𒌑𒃻𒀀𒆸 | |
| 275 | 𒂙 𒌇𒆳 𒌦𒎌𒋙 𒅇 𒌑𒁍𒂊 𒀮𒆳 𒁍𒇷𒋗 𒀊𒊑𒅖 𒀀𒄣𒌓𒈠 𒅈𒁍𒋾𒅖 𒌑𒃻𒇷𒅗 𒋫𒂇𒌅𒍑 |
𒄑𒊬𒎌𒋙𒉡 𒀀𒆧𒈠 𒄑𒌁𒎌𒋙𒉡 𒀝𒋃 𒀮𒄯 𒄑𒁺𒉌𒋗𒉡 𒀀𒈾 𒄖𒊒𒌦𒉌 𒀝𒊒𒌦𒈠 𒄿𒈾 𒀭𒉈𒄀 𒀝𒈬 | |
𒄿𒈾 𒈨𒋳𒋾𒅀 𒀀𒈾 𒌷𒅈𒁍 𒌷 𒂍 𒀜𒋗 𒊭 𒁹𒌨𒊓𒀀 𒅇 𒌷𒊑𒅀𒅈 𒌷𒋙 𒊭 𒁹𒀭𒌋𒂦 𒀀𒌨 | |
𒐌 𒌷𒎌𒉌 𒊭 𒇷𒈪𒋾𒋗𒉡 𒊭 𒋀𒎌𒋙 𒆰 𒈗𒋾𒋙 𒄿𒈾 𒊮𒁉𒋗𒉡 𒋗𒋗𒁍𒈠 𒂄𒉡𒉡 𒈠𒇡𒌅 | |
𒌷𒎌𒉌 𒋗𒀀𒌅𒉡 𒀊𒇧 𒆕𒋡𒊕 𒄠𒉡 𒂍 𒀭𒄬𒁲𒀀 𒀭𒋗 𒀊𒊑𒌍 𒀀𒄣𒌓𒈠 𒌑𒊩𒉿𒋫 𒊓𒀀𒄀𒋗 | |
| 280 | 𒋫 𒆳𒅈𒈠𒊑𒅀𒇷𒄿 𒀜𒌅𒈲 𒆳𒌑𒄿𒍪𒆪 𒆳 𒋆𒇷 𒊭 𒅆𒋝𒋗 𒎎𒂉𒈪𒈾 𒀜𒋫𒁄𒆑 𒀀𒈾 𒆳𒀀𒅀𒁲 𒀝𒁲𒆗 |
𒌷𒀭𒍝𒇷𒀀 𒌷𒆪𒀀𒅀𒅔 𒌷𒋡𒀠𒆷𒉌𒀀 𒌷𒁉𒀉𒀀𒀀 𒌷𒀀𒇻𒅈𒍝 𒌷𒆥𒌑𒈾 𒌷𒀠𒇷𒄿 | |
𒌷𒅈𒍪𒄖 𒌷𒋠𒅗𒉡 𒌷𒅈𒁲𒌑𒅘 𒌷𒁕𒅀𒍪𒈾 𒌷𒄀𒂊𒋫 𒌷𒁀𒀀𒉌𒌑 | |
𒌷𒄵𒄭𒇻𒍝 𒌷𒁲𒂊𒍣𒍪 𒌷𒁲𒇷𒍣𒀀 𒌷𒀀𒁀𒅔𒁲 𒌷𒁺𒀀𒅔 𒌷𒄩𒊍𒊏𒈾 | |
𒌷𒉺𒅈𒊏 𒌷𒀀𒅀𒍮𒌦 𒌷𒀀𒉌𒀾𒋫𒉌𒀀 𒌷𒁄𒁺𒅈𒍝 𒌷𒊬𒌑𒅈𒁲𒄿 | |
| 285 | 𒌷𒋗𒈠𒀜𒋻 𒌷𒃻𒀠𒍣𒄿 𒌷𒀠𒁍𒌑𒊑 𒌷𒍢𒃼𒊏 𒌷𒌑𒀀𒅀𒄑 𒆷𒁉𒊒 |
𒌍 𒌷𒎌𒋙 𒆗𒉡𒋾 𒊭 𒄿𒈾 𒀀𒄭 𒀀𒀊𒁀 𒃲𒆷𒋾 𒋾𒁉𒅅 𒆳𒎌 𒃲𒎌 𒊓𒀜𒊒𒈠 𒋗𒊻𒁍𒌓 𒆠𒈠 𒊻𒋛 | |
𒌷𒅈𒄑𒋾𒌑𒈾 𒌷𒋡𒀠𒆷𒉌𒀀 𒁉𒊏𒋾𒋗 𒆗𒈾𒀀𒋼 𒊒𒊌𒆪𒊓 𒁉𒊒𒍑𒋗𒌦 | |
𒂖𒂗 𒆳𒅈𒍢𒁺 𒅇 𒆳𒈤𒌦𒉌𒀀 𒆕𒅗𒄫 𒀀𒍝𒈠 𒀀𒈾 𒐉 𒍑𒋫𒀀𒀭 𒅔𒈾𒀜𒁕𒇻 𒈽𒊿 | |
𒇽𒄣𒊏𒁲𒋗 𒀀𒊭𒊑𒌓 𒌝𒈠𒉌𒋗 𒇷𒀪𒌅 𒋫𒄩𒍣 𒈾𒀾 𒅗𒁀𒁉 𒊍𒈠𒊑𒄿 𒌅𒆰𒋾 𒆳𒋙 𒋗𒇻𒌑 𒆠𒆗𒊿 | |
| 290 | 𒆠𒋃𒋾 𒆳𒅈𒈠𒊑𒅀𒇷𒄿 𒈾𒄀𒂊 𒄿𒋼𒂊𒋗𒉡 𒂊𒈬𒊒𒈠 𒀉𒊒𒊏 𒅖𒁕𒀀𒋗𒌦 |
𒌷𒎌𒉌𒋗𒉡 𒀉𒋾 𒈥𒅆𒋾𒋗𒉡 𒌑𒈦𒊺𒊒𒈠 𒀀𒈾 𒆠𒆗 𒁉𒊏𒀀𒋾 𒋗𒀀𒋾𒈾 𒆠𒈠 𒄑𒍮𒊑 𒅁𒌓𒋗 | |
𒌝𒈠𒉌 𒈠𒀪𒀜𒋫𒌅 𒀀𒈾 𒌷𒎌𒉌𒋗𒉡 𒌑𒊺𒇷𒈠 𒃻𒋗𒋙𒉡 𒀀𒈾 𒈬𒀪𒁲𒂊 𒅖𒇻𒇻 𒃻𒂵𒋗𒌦 | |
𒂦𒎌𒉌𒋗𒉡 𒆗𒉡𒋾 𒀀𒁲 𒐕 𒌷𒎌𒉌 𒊭 𒇷𒈪𒋾𒋗𒉡 𒀊𒇧𒈠 𒆕𒋡𒊕 𒌑𒊕𒅆𒀉 | |
𒄿𒈾 𒂍𒎌 𒄫𒁉𒋗𒉡 𒀭𒉈𒄀 𒌑𒃻𒊍𒂍𒈠 𒄑𒃡𒎌 𒋫𒊍𒇸𒋾𒋗𒉡 𒁲𒊑𒇷𒅖 𒌑𒊺𒈪 | |
| 295 | 𒆥𒊏𒋼𒋗𒉡 𒈾𒄰𒀀𒋼 𒌑𒉻𒋾𒈠 𒊺𒉻𒎌 𒆷 𒉌𒄿𒁉 𒌝𒈠𒉌 𒌑𒃻𒀀𒆸 |
𒄑𒊬𒎌𒋗𒉡 𒀝𒆧𒈠 𒄑𒌁𒎌𒋗𒉡 𒀝𒋃 𒆰𒆳 𒄑𒁺𒉌𒋗𒉡 𒌑𒈜𒆟𒈠 𒄿𒈾 𒀭𒉈𒄀 𒀝𒈬 | |
𒋫 𒆳𒀀𒅀𒁲 𒀜𒌅𒈲 𒀀𒇉𒀠𒇻𒊑𒀀 𒀀𒇉𒋡𒀠𒆷𒉌𒀀 𒀀𒇉𒅔𒈾𒀀𒀀 𒀀𒇉𒎌 𒂊𒋼𒄵 | |
𒀀𒈾 𒌷𒌑𒀀𒅀𒄑 𒈾𒄀𒄿 𒌇𒆷𒋼𒋗 𒊺𒂍 𒈪𒄑𒊑 𒊭 𒆳𒌨𒅈𒁲 𒊭 𒉻𒋾 𒆳𒈾𒀪𒊑 𒀝𒁲𒆗 | |
𒌷𒌑𒀀𒅀𒄑 𒌷 𒆗𒉡𒋾𒋗 𒄵𒌅𒋗 𒃲𒌅 𒊭 𒌋𒅗 𒆰𒆳 𒁉𒊏𒀀𒋼𒋗 𒂄𒉡𒈾𒀜𒈠 𒉡𒊌𒆪𒆳 𒅁𒊺𒄑𒊓 | |
| 300 | 𒇽𒂟𒎌 𒋾𒁺𒆠𒋗 𒅅𒁺𒋾 𒇽𒁕𒀀𒀀𒇷 𒈬𒊺𒊑𒁍 𒉈𒅎 𒆳𒆳𒎌 𒇷𒈪𒋾𒋙 𒋗𒋗𒁍 𒄫𒁍𒍑𒋗 |
𒇽𒂗𒉆𒎌𒋗 𒀀𒁲 𒆠𒄑𒊑𒋗𒉡 𒄿𒈾 𒊮𒁉 𒌑𒊺𒇷𒈠 𒀉𒋾 𒂦𒋗 𒆗𒉌 𒁵𒈭𒍢 𒌑𒊩𒈪 | |
𒊭 𒌷𒄵𒋾 𒋗𒀀𒋾 𒆪𒊑𒆷𒃻 𒀝𒋗𒌓 𒇽𒄣𒊏𒁲𒋗 𒄿𒈾 𒅆 𒆍𒃲𒋙 𒆠𒈠 𒊍𒇷 𒌑𒀮𒉿𒄑 | |
𒄑𒊬𒎌𒋙 𒀝𒋃𒈠 𒄑𒌁𒎌𒋙 𒀝𒆧 𒆰𒆳 𒄑𒁺𒉌𒋗 𒅘𒋢𒋾 𒌑𒈜𒆟𒈠 𒄿𒈾 𒀭𒉈𒄀 𒀝𒈬 | |
𒌷𒁇𒍪𒊑𒀀𒉌 𒌷𒌑𒀠𒂅𒄣𒅀 𒌷𒄣𒌓𒋫 𒌷𒆥𒅁𒉺 𒌷𒀀𒊓𒉺𒀀 | |
| 305 | 𒐊 𒂍 𒂦𒎌𒉌 𒆗𒉡𒋾 𒀀𒁲 𒐏 𒌷𒎌𒉌 𒊭 𒇷𒈪𒋾𒋗𒉡 𒄿𒈾 𒀭𒉈𒄀 𒀝𒈬 |
𒌌𒌅 𒌷𒌑𒀀𒅀𒄑 𒀜𒌅𒈲 𒀀𒈾 𒈾𒄀𒄿 𒊭 𒁹𒅀𒀭𒍪𒌑 𒈗 𒆳𒈾𒀪𒄿𒊑 𒀝𒁲𒆗 | |
𒁹𒅀𒀭𒍪𒌑 𒈗 𒆳𒈾𒀪𒄿𒊑 𒐉 𒆜𒁍 𒆕𒋡𒊒 𒋫 𒌷𒄷𒁍𒍑𒆠𒀀 𒌷 𒈗𒋾𒋙 𒀀𒈾 𒃮𒅀 𒅋𒇷𒄰𒈠 𒅖𒋠 𒄊𒅀𒅀 | |
𒈠𒁕𒋫𒋗 𒀲𒆳𒊏𒎌 𒇲𒀜 𒉌𒄿𒊑 𒄞𒎌 𒅇 𒇇𒇻𒄭𒀀 𒄿𒈾 𒆠𒆗 𒌷𒄷𒁍𒍑𒆠𒀀 𒌷𒋙 𒄠𒄯𒋗 | |
𒄿𒈾 𒋫𒀀𒀀𒅈𒋾𒅀 𒁹𒌨𒍝𒈾 𒌷𒈬𒍝𒈲𒀀𒀀 𒂊𒄫 𒀭𒉌 𒅇 𒄃𒆷𒋾 𒂊𒋾𒅅 𒈠𒁁 𒀭𒎌 𒆷 𒅗𒉌𒋗 𒁁𒇻𒋾 | |
| 310 | 𒅅𒍮 𒇽𒆳𒁕𒀀𒇇𒌑 𒊭 𒄿𒈾 𒀀𒁲𒂊 𒀭𒀀𒋩 𒀭𒌓 𒀭𒀝 𒀭𒀫𒌓 𒄴𒂅𒈠 𒅁𒁄𒆠𒌅 𒀉𒋾𒅀 |
𒀀𒋃 𒈤𒊑𒅀 𒊭 𒋫𒀀𒀀𒅈𒋾 𒄫𒊑 𒌑𒉺𒅁𒀸𒈠 𒀉𒋾 𒋫𒈥𒋾𒋗 𒅗𒂍𒋼 𒆷 𒅖𒅆𒋡 𒄊𒅀𒅀 | |
𒉋𒌅 𒈠𒁕𒀜𒌅 𒋫𒈥𒋫𒋗 𒅅𒆷𒈠 𒀀𒈾 𒃻𒀪𒀠 𒂄𒈪𒅀 𒂊𒁲𒉡𒌑 𒆷 𒅖𒁍𒊏 𒇽𒊩𒁀𒋗 | |
𒄿𒈾 𒋗𒄷𒌓 𒊮𒁉𒅀 𒆰𒆳 𒄑𒇀𒎌𒅀 𒀲𒆳𒊏𒎌 𒈠𒀪𒁺𒋾 𒄀𒂇 𒆠𒆘𒅀 𒄯𒊏𒀭 𒆳 𒀸𒋩𒆠 𒌑𒃻𒊍𒂍 | |
𒄿𒈾 𒌅𒆰𒋾𒋗 𒃲𒋾 𒊭 𒀭𒀀𒋩 𒀀𒁍 𒀭𒎌 𒁁𒂖 𒈠𒋫𒀀𒋾 𒈗 𒆧𒆳 𒀭𒂊 𒆠𒁴 𒀀𒀖 𒁶𒊑 𒂗 𒂗𒂗 | |
| 315 | 𒊭 𒌌𒌅 𒌓𒌝 𒍝𒀀𒋾 𒀭𒎌 𒆳 𒅇 𒆳𒄿 𒊭 𒄒𒋥 𒇹𒄿 𒀀𒈾 𒋗𒌇𒄣𒊑𒋗 𒆷 𒈾𒌓𒋗𒁲 𒈠𒈾𒈠 |
𒀉𒋾 𒄿𒋃𒋾𒋗𒉡 𒆤𒄯𒋾 𒀀𒈾 𒋗𒊒𒌒 𒂍𒄯𒊕𒃲𒆳𒆳𒊏 𒅖𒊒𒆪𒍑 𒀭𒂗𒆤𒇲 𒀭𒎌 𒀭𒀫𒌓 | |
𒄿𒈾 𒆠𒁉𒋾 𒈲𒋼 𒊭 𒀭𒀝 𒀭𒀫𒌓 𒊭 𒄿𒈾 𒎙𒍝𒊍 𒀯𒎌 𒊭 𒋗𒌓𒁉𒂊 𒄑𒆪𒎌𒅀 𒄑𒁀𒌅 𒋫𒇻𒆪 | |
𒅇 𒄿𒁕𒀜 𒌈𒆠 𒊭 𒇷𒆥𒂊 𒆧𒋗𒋾 𒀭𒈣𒋽 𒂗 𒀀𒄀𒂊 𒀀𒈾 𒂄𒁍𒌓 𒆳𒄖𒋾𒆠 𒌑𒃻𒉌𒄩 𒂗𒉣 | |
𒄿𒈾 𒀭𒉌 𒋗𒄣𒊑 𒊭 𒀭𒌓 𒄣𒊏𒁲 𒊭 𒍜𒎌 𒋾𒆸𒋾 𒊭 𒀀𒋃 𒄿𒁲𒅀 𒌑𒃻𒀾𒁲𒊏 𒀀𒈬𒋾 | |
| 320 | 𒀉𒋾 𒁹𒀉 𒄑𒇀 𒄊𒅀𒅀 𒂊𒁲𒉌𒋾 𒅇 𒁹 𒅆 𒂍𒄬𒅆𒅀 𒋃𒄯𒋾 𒍝𒀊 𒄑𒉼 𒅗𒁀𒁉 𒊍𒈠𒊑𒄿 |
𒇽𒄣𒊏𒁲𒅀 𒅅𒁺𒋾 𒈬𒁺𒌓 𒋫𒄩𒍣 𒌑𒍠𒆠𒈠 𒄯𒊏𒀭 𒌷𒈬𒍝𒈲 𒌨𒄴 𒈥𒍝𒋾 𒊍𒁁𒈠 | |
𒆳𒅈𒋛𒌑 𒆳𒌑 𒆗𒉡 𒊭 𒈬𒇻𒋗 𒆠𒄿 𒈪𒇷𒂊 𒉆𒅖𒋾 𒈬𒆷𒀀 𒆷 𒄿𒋗𒌑 𒌝𒈠𒉌 𒌑𒊺𒇷 | |
𒀀𒇉𒍝𒉼 𒀭𒋫𒌑 𒊭 𒌦𒎌 𒆳𒈾𒀪𒊑 𒅇 𒆳𒆸𒄭 𒀀𒇉𒂊𒆷𒈬𒉌𒀀 𒄿𒃮𒁍𒋗𒉌 𒂊𒋼𒄵 | |
𒄿𒈾 𒁉𒈩 𒆳𒊺𒅀𒀝 𒆳𒅈𒁲𒅅𒅆 𒆳𒌑𒆷𒀀𒅀𒌑 𒆳𒀠𒇻𒊑𒌑 𒆳𒎌𒂊 𒂊𒇻𒋾 | |
| 325 | 𒄯𒃻𒀀𒉌 𒃻𒄣𒋾 𒉆𒅖𒀜 𒆳𒎌𒂊 𒉺𒀾𒋡𒋼 𒊭 𒉌𒁀 𒀉𒆪𒈠 𒄿𒈾 𒁉𒊑𒋙𒉡 𒀀𒈾 𒈨𒋼𒅅 𒍪𒊌 𒄊𒅀 𒆷 𒌇𒌑 𒁕𒊩𒄖 |
𒈾𒀜𒁀𒆑 𒀀𒎌 𒆗𒉡𒋾 𒄿𒈾 𒊮𒁉𒋗𒉡 𒋗𒌓𒌅𒋡𒀀𒈠 𒅆𒋛𒀉 𒋾𒅁𒆠𒋙𒉡 𒀀𒈾 𒁹 𒆜𒁍𒀀𒀭 𒄿𒊕𒄖𒈬 𒆠𒈠 𒀭𒀜𒁲 | |
𒆰𒆳 𒄑𒎌 𒄭𒋚𒋾 𒄧 𒅇 𒃾𒎌 𒀀𒉿𒅖 𒄭𒀉𒇻𒁍𒈠 𒀀𒈾 𒊓𒅘 𒉌𒊑𒁉𒋗𒉡 𒈠𒇻𒌑 𒇧𒄩𒀀𒋼 | |
𒊭 𒈗 𒀀𒀀𒌝𒈠 𒀀𒊬𒋗𒌦 𒆷 𒂊𒋾𒄣𒈠 𒅇 𒉣𒌑 𒀀𒌨 𒉺𒉌𒅀 𒆷 𒂊𒈬𒊒 𒁺𒊿𒋗𒌦 | |
𒄑𒁺𒉌𒋗𒉡 𒃲𒎌 𒌑𒆏𒉿𒅕𒈠 𒉺𒀾𒋡𒀀𒋼 𒉆𒅖𒀀𒋼𒋙𒉡 𒄿𒈾 𒀝𒆰𒇷 𒌓𒅗𒁇 𒇻 𒄴𒋛 | |
| 330 | 𒄫𒊏 𒋡𒀜𒈾 𒈨𒋼𒋡 𒋢𒌑𒋡 𒊭 𒍪𒊌 𒄊𒅀 𒍢𒆷𒎙 𒂊𒋾𒄣𒈠 𒀀𒈾 𒈨𒋼𒅅 𒌝𒈠𒉌𒅀 𒄿𒈾 𒁉𒊑𒋗𒉡 𒌑𒁳 |
𒄑𒇀 𒄊𒅀𒅀 𒄿𒈾 𒋾𒅗𒀀𒋾 𒂊𒅂𒈠 𒅇 𒀀𒈾𒆪 𒄿𒈾 𒋻𒁺𒋾 𒀲𒆳𒊏𒎌 𒈤𒈩 𒌝𒈠𒉌𒅀 𒊍𒁁𒈠 | |
𒇽𒄣𒊏𒁲𒅀 𒀀𒁲 𒀲𒆳𒊏𒎌 𒀀𒇷𒋻 𒄿𒁲𒅀 𒅋𒁷𒉡𒌑 𒌑𒋡𒁷𒈠 𒄿𒈾 𒁍𒍑𒆥𒋗𒉡 𒌑𒊺𒄘 | |
𒀾𒋗 𒆷 𒈾𒌓𒋗𒁲𒋗 𒇽𒋗𒌓 𒊕𒎌𒅀 𒇽𒂗𒉆𒎌 𒀀𒁲 𒆠𒄑𒊑𒋗𒉡 𒌨𒌅 𒌑𒈠𒅕𒈠 𒄭𒀉𒈬𒁲𒅖 𒀾𒁓 | |
𒀀𒅗𒈠 𒄫𒊑𒅀 𒂊𒄯𒈠 XXX𒉿 𒌒 XX | |
| 335 | XX𒈾𒁍𒋙𒈠 𒌦𒎌 XX𒌑𒆗𒉌𒉡 |
𒆳𒌨𒅈𒁲𒈠 𒀀𒈾 𒌷 XXX𒈗𒋾𒋗 𒋗𒁁 𒀭𒄬𒁲𒀀 𒀭𒋗 X | |
𒆳𒌨𒅈𒁲 𒀀𒈾 𒉻 𒁶𒊑𒋗 𒊭 𒂖 𒃻𒀀𒋙 𒄿𒈾 𒃻𒈠𒈪 𒌋 𒆕𒋡𒊑 𒆷 𒄿𒁺𒌑 XXX | |
XXXXX𒋳𒋗 X𒊭 𒌌𒆷𒉡𒍑𒋗 𒄑𒉺 𒅇 𒀀𒄖𒌑 𒆷 𒅔𒈾𒀾𒋗𒌑 𒋛𒆳 𒊑𒂍𒌑𒋾 | |
XXX𒂷𒆪 𒉺𒇻 𒌦𒎌 𒆳𒌨𒅈𒁲 X𒌒𒁀𒇻𒋗𒈠 𒀀𒀀𒌝𒈠 𒄿𒈾 𒊮𒁉 𒌉𒎌𒋙 𒍝𒁉𒌅 𒄑𒄖𒍝𒋙 | |
| 340 | 𒀀𒁲 𒆬𒄀 𒅇 𒆬𒌓 𒊩𒈠 𒀝𒊒 𒉌𒈲𒋼 𒂍𒃲𒅆𒋙 𒄿𒈾 𒌷𒈬𒍝𒈲 𒈠𒄯 𒀭𒄬𒁲𒀀 𒌑𒊺𒊑𒁍𒈠 𒄿𒆥𒋗 𒆥𒃻𒊍𒋢 |
𒄞𒎌 𒆏𒊒𒋾 𒇻𒎌 𒈠𒊒𒋾 𒀀𒈾 𒆷 𒈠𒉌 𒈠𒄯𒋙 𒄿𒅘𒄣𒌑 𒀀𒈾 𒄀𒂇 𒌷𒋗 𒄿𒊕𒅗𒉡 𒋫𒆰𒌅 | |
𒅆 𒀭𒄬𒁲𒀀 𒀭𒋗 𒂇 𒁁𒇻𒋾 𒅁𒉿𒊒𒋗𒈠 𒌑𒃻𒀾𒋗𒋗 𒄑𒉺 𒈗𒋾 𒆳𒌨𒅈𒁲 𒅇 𒌦𒎌𒋙 𒄿X𒌑 𒆰𒋗 | |
𒌋𒅗 𒌷 𒋗𒀀𒋾 𒊑𒁶 𒌝𒈠𒉌𒅀 𒃲𒌅 𒆠𒈠 𒀭𒅎 𒌑𒃻𒀾𒄀𒅎𒈠 𒀀𒅆𒁍𒌓 𒊮𒁉𒃻 X𒁁 𒄩 X𒈪 | |
𒌦𒎌𒋙 𒇽𒅆𒄿𒁍 𒊩𒅆𒅁𒌅 𒌋𒅗 𒃡𒎌 𒂍𒎌𒋗𒉡 𒂊𒇻𒈠 𒇡𒄫 𒄿𒁀𒆪𒌑 X | |
| 345 | 𒀾𒋗 𒂊𒋛𒀀 𒈾𒄫𒋾𒋗𒉡 𒌋𒅗 𒅕𒁉 𒈩𒋾𒋗𒉡 𒅁𒌨𒅆𒇻𒈠 𒋡𒋾𒋗𒉡 XXXX𒌑 XXXXX |
𒀾𒋗 𒊭 𒁹𒌨𒍝𒈾 𒈗 𒈠𒌨𒋗𒉡 𒀀𒈾 𒍣𒄫 𒀭𒀀𒋩 𒆷 𒅖𒄷𒌅𒈠 𒉌𒅕 𒁁𒇻𒋾𒅀 𒄑𒇻𒈠 𒄿𒈪𒋗 𒅈𒁺𒋾 | |
𒊭 𒌦𒎌 𒌷 𒋗𒀀𒋾 𒃻𒇲𒋗𒉡 𒀝𒂍𒈠 𒊭 𒀭𒄬𒁲𒀀 𒌅𒆰𒋾 𒆳𒌨𒅈𒁲 𒀝𒋫𒁉 𒋗𒍝𒀀𒋗 | |
𒈤𒈩 𒆍𒃲𒋗 𒊩𒁹 𒌑𒊺𒅆𒅁𒈠 𒁮𒋢 𒌉𒎌𒋙 𒌉𒊩𒎌𒋙 𒌦𒎌𒋙 𒆰 𒂍 𒀜𒋗 𒀾𒇻𒆷 | |
𒀉𒋾 𒐋 𒅆 𒁹 𒈨 𒌋 𒌦𒎌 𒌋 𒀲𒆪𒁷 𒐈 𒈨 𒐕 𒀲𒎌 𒐊 𒈨 𒎙 𒄞𒎌 𒁹 𒅆 𒈫 𒈨 𒌍 𒇻𒀴𒎌 𒄠𒉡𒈠 𒀀𒈾 𒂦 𒆠𒆘𒅀 𒌑𒊺𒆗 | |
| 350 | 𒀀𒈾 𒌷𒈬𒍝𒈲 𒋗𒁁 𒀭𒄬𒁲𒀀 𒊩𒁹 𒂊𒊒𒌒𒈠 𒄿𒈾 𒂍𒃲 𒈬𒉺𒅁 𒁹𒌨𒍝𒈾 𒂊𒌀𒇺 𒌑𒅆𒅁 |
𒅘𒈬𒋾 𒊭 𒄿𒋃𒌅 𒆤𒄯𒌅 𒁺𒍑𒋗𒌑 𒆠𒅔𒄀 𒉌𒈲𒋼𒋗𒉡 𒌑𒉻𒋾𒈠 | |
𒌍 𒄘𒌦 𒌋 𒈠𒈾 𒆬𒄀 𒁹 𒈨 𒐕 𒄘𒌦 𒈫 𒁹 𒈠𒈾 𒆬𒌓 𒍏𒄭𒀀 𒌓𒌑 𒀭𒈾 𒎎𒍝𒄢 𒎎𒍝𒆳 𒎎𒌓𒀸 𒉌𒋝𒋾 𒎎𒎌 𒀀𒈾 𒈬𒀪𒁲𒂊 | |
X𒄑𒌋𒂙𒎌 𒅗 𒄠𒋛 𒄑𒆗 𒄑𒌆 𒀀𒁲 𒄑𒊭𒎌 𒊭 𒄴𒍪𒅆𒈾 𒋗𒁍𒋗 𒆬𒄀 𒅇 𒆬𒌓 | |
X𒄑𒍎𒎌 𒅗 𒄠𒋛 𒄑𒆗 𒄑𒌆 𒃲𒎌 𒋛𒆳 𒈗𒋾 𒊭 𒄴𒍪𒅆𒈾 𒋗𒁍𒋗 𒆬𒄀 𒅇 𒆬𒌓 | |
| 355 | 𒐍 𒄑𒈤𒊑𒍢 𒆗𒉡𒋾 𒅇 𒄑𒊓𒀠𒇷 𒌑 𒌨𒆥 𒅗 𒄠𒋛 𒄑𒆗 𒄑𒌆 𒊭 𒄴𒍪𒅆𒋗𒉡 𒆬𒄀 𒅇 𒆬𒌓 |
𒐋 𒄑𒃶𒉌 𒄑𒃶𒃶𒉌 𒄑𒃮𒆗 𒄑𒄖𒍝𒎌 𒄑𒃶 𒁉𒈜 𒅗 𒄠𒋛 𒄑𒆗 𒄑𒌆 𒊭 𒄴𒍪𒋗𒉡 𒋗 𒆬𒄀 𒅇 𒆬𒌓 | |
𒐋 𒄈𒎌 𒆬𒄀 𒋼𒆸𒆳 𒆬𒄀 𒄈𒌉 𒆬𒄀 𒊭 𒉏 𒆬𒄀 𒎎𒁓𒋛𒀉 𒎎𒄑𒉢𒃲 𒌓𒀖 𒎎𒎌 𒆬𒄀 | |
𒌋 𒆏𒉿 𒆬𒌓 𒁹𒌨𒊓𒀀 𒀀𒁲 𒅘𒋫𒈪𒋗 𒆏𒉿 𒊭 𒆳𒋫𒁀𒇷 𒉿𒅀𒎌 𒆬𒄀 𒄥𒉿𒋛 𒆬𒌓 𒋻𒋫𒄭 𒆬𒌓 𒉌𒄴𒋢 𒆬𒄀 | |
𒌍 𒆏𒉿 𒆬𒌓 𒋗𒋛𒎌 𒆗𒈾𒀀𒋼 𒋡𒀠𒆷𒀀𒋼 𒋡𒋫𒈾𒀀𒋼 𒂁𒁲 𒅇 𒋢𒊓𒉌 𒆬𒌓 | |
| 360 | 𒐐 𒆏𒉿 𒆬𒌓 𒍮𒁍𒋾 𒀀𒁲 𒅘𒋼𒈪𒋗𒉡 𒄘𒍣𒎌 𒍦𒊏𒀀𒋼 𒌓𒊬𒎌 𒄯𒎌 𒆬𒌓 |
𒐊 𒀀𒍝𒈾𒀜 𒆬𒌓 𒋡𒁍𒀀𒋼 𒈬𒋼𒀀𒊑𒋛 𒀮𒇷 𒃻𒈾𒎌 𒆳𒋫𒁀𒇷 𒅇 𒈬𒋡𒋼𒋥 𒆬𒌓 | |
𒌋 𒆠𒌑𒊑 𒍏 𒋰𒄩𒀀𒉌 𒍏 𒉪𒈠𒅗𒀀𒋼 𒍏 𒀀𒊓𒀠𒆷𒋼 𒍏 𒄰𒎌 𒍏 𒄣𒇷𒀀𒋼 𒍏 | |
𒎙 𒃶𒉌 𒍏 𒆠𒌑𒊑 𒍏 𒄷𒊒𒉺𒀀𒋼 𒍏 𒆳𒆪𒊑 𒍏 𒄣𒌌𒇷 𒍏 𒈾𒊍𒊑 𒍏 𒂍 𒁍𒍢𒉌 𒍏 | |
𒁹 𒈨 𒎙 𒌑𒁲𒂊 𒍏 𒆗𒉡𒋾 𒋡𒇻𒋾 𒂊𒄫𒋾 𒆳𒋙𒉡 𒊭 𒉌𒂍 𒈬𒋙𒉡 𒀀𒈾 𒃻𒁕𒀀𒊑 𒆷 𒁕𒀀𒁍 | |
| 365 | X𒅗𒉡𒉡 𒀭𒁇 𒉌𒋛𒁉 𒀭𒁇 𒈾𒊍𒊑 𒀭𒁇 𒀀𒊒𒌓𒄭 𒀭𒁇 𒂍 𒁍𒍢𒉌 𒀭𒁇 |
𒁹 𒈨 𒌍 𒇻𒇧𒋾 𒄵𒈨 𒃰 𒋫𒆸𒌅 𒅇 𒋠𒎌 𒇻𒇧𒋾 𒋫𒁇𒊑 𒊭 𒆳𒌨𒅈𒁲 𒅇 𒆳𒆸𒄭 | |
𒀀𒁲 𒁍𒅆𒂊 𒂍𒃲𒅆𒋙 𒀾𒇻𒇴𒈠 𒀝𒈬𒊏 𒃻𒂵𒋙 𒇽𒋗𒌓 𒊕𒎌𒅀 𒇽𒊑𒁲𒅀 𒀀𒈾 𒂍 𒀭𒄬𒁲𒀀 𒀾𒁓𒈠 | |
𒀭𒄬𒁲𒀀 𒀭𒋗 𒅇 𒀭𒁀𒀝𒁇𒌅 𒀭𒌋𒋗 𒀀𒁲 𒃻𒂵 𒂍𒆳𒋙 𒈠𒀪𒀜𒋾 𒂷 𒁀𒋗𒌑 | |
X𒐉 𒄘𒌦 𒐈 𒈠𒈾 𒆬𒄀 𒁹 𒈨 𒐕 𒄘𒌦 𒎙 𒈠𒈾 𒐋𒋢 𒇲 𒆬𒌓 𒐈 𒅆 𒐋 𒈨 𒄘𒌦 𒌓𒅗𒁇 𒅆𒄵𒌅 | |
| 370 | 𒐋 𒀀𒊑𒀜 𒆬𒄀 𒊭 𒄿𒈾 𒀜𒈠𒉌𒋙 𒅎𒉡 𒅇 𒋗𒈨𒇻 𒀉𒀪𒆷𒀀𒈠 𒄴𒊑𒆷𒀀 𒃻𒊒𒊕 |
𒅇 𒊕𒁺 𒆗𒁉 𒈾𒀜𒊒𒋼 𒀫𒊒𒅆𒅔 𒀀𒍮𒉏𒈠 𒐊 𒄘𒌦 𒌋 𒈠𒈾 𒊓𒀀𒈬 𒊒𒍑𒋗𒌑 𒋾𒄑𒁍𒌅 𒆠𒇲 | |
𒁹 XXXX𒃼𒉌 𒊺𒆷𒆷𒋼 𒀾𒋻𒋾 𒆍𒎌𒋙 𒃻 𒈫 𒄘𒌦 𒆬𒄀 𒊓𒄀𒊒 𒄿𒈾 𒋗𒄣𒌌𒋾 𒉺𒅁𒆪 | |
𒁹 𒊕𒆰 𒆬𒄀 𒈩𒋼 𒀀𒈨𒇻𒋾 𒊑𒆧 𒈬𒌁𒋼 𒊭 𒀀𒁍𒁍 𒈬𒌒𒌓𒋗 𒋩𒁍𒍮 𒍢𒊒𒍑𒋗 | |
𒁹 𒋝𒆑 𒆬𒄀 𒅗𒆷𒀜 𒋝𒆪𒊑 𒈬𒆗𒉌𒈾𒀜 𒊑𒆧 𒂍𒆳 𒈾𒍢𒋥 𒁍𒊺𒂊 𒅘𒈪 𒅇 𒈠𒀝𒆪𒊑 | |
| 375 | 𒈫 𒉆𒍝𒆥 𒆬𒄀 𒀭𒆗𒀜 𒀀𒄀𒂊 𒈾𒆳 𒄑𒁁𒁲 𒅇 𒄒𒉺𒋼 𒊭 𒅆𒄯 𒄊𒅀𒅆𒈾 𒉻𒁍𒊓 𒆗𒁉 𒈾𒀜𒊒𒋼 |
𒅕𒂍𒋫𒋗𒉡 𒈥𒆜 𒁀𒀀𒁉 𒌑𒋢𒌝 𒉺𒉺𒄭 𒊭 𒈫 𒄘𒌦 𒌋 𒈠𒈾 𒆬𒄀 𒋗𒆰𒌅 𒂟𒌅𒈠 𒈬𒆸𒇻 𒄑𒅅 | |
𒁹 𒄈 𒆬𒄀 𒃲𒌑 𒉆𒍝𒅈 𒄿𒁲𒋗 𒊭 𒎙 𒈠𒈾 𒐈𒋢 𒆬𒄀 𒋃𒆪𒉡 𒆠𒇲 | |
𒐕 𒋗𒆳𒊑 𒆬𒌓 𒄥𒉿𒋛 𒆬𒌓 𒄑𒉼 𒆬𒌓 𒋻𒋫𒄭 𒆬𒌓 𒊭 𒉌𒄴𒍣 𒅇 𒄴𒍣 𒆬𒄀 | |
𒌋 𒀀𒊑𒀜 𒆬𒌓 𒆗𒈾𒀀𒋼 𒊭 𒊕𒁺 𒀀𒁍𒁉 𒌨𒈤 𒅇 𒄠 𒁍𒌦𒉡𒌑 𒉌𒅁𒄭𒅆𒅔 | |
| 380 | 𒐕 𒆠𒌑𒊑 𒆬𒌓 𒃶𒉌 𒆬𒌓 𒅗𒉡𒉌 𒆬𒌓 𒊓𒀠𒇷 𒌨𒆥 𒆬𒌓 𒊭 𒄴𒍣 𒅇 𒉌𒄴𒋛 𒆬𒄀 |
𒐕 𒈬𒍝𒊑𒅕𒋼 𒆬𒌓 𒇻𒆸𒋼 𒆬𒌓 𒌑𒁲𒂊 𒆬𒌓 𒆷 𒁁𒄩𒊒𒋾 𒊭 𒉌𒄴𒋛 𒅇 𒄴𒍣 𒆬𒄀 | |
𒌍 𒄑𒇀𒎌 𒆬𒌓 𒄑𒉼 𒆬𒌓 𒅖𒉻 𒆬𒌓 𒁁𒁲 𒆬𒌓 𒄑𒉺 𒆬𒌓 𒈠𒀭𒍣𒀀𒊺 𒆬𒌓 𒀀𒊑𒀜 𒆬𒌓 𒍦𒋥 𒆬𒌓 𒁓𒁲𒄿 𒆬𒌓 𒋗𒊑𒉌 𒆬𒌓 | |
𒐈 𒈨 𒐕 𒆏𒉿 𒆬𒌓 𒆗𒉡𒋾 𒋡𒀠𒇻𒋾 𒉌𒄫𒋾 𒆳 𒀸𒋩𒆠 𒆳𒌨𒅈𒁲 𒅇 𒆳𒆸𒄭 | |
𒈫 𒃼𒈾𒀜 𒄠 𒃲𒎌 𒊭 𒄴𒍪𒅆𒈾 𒅇 𒊩𒌨𒅗𒋢𒅆𒈾 𒆬𒌓 𒅇 𒄰𒆳 𒆬𒄀 𒋗𒌨𒄷𒊏 𒄴𒍣𒅆𒅔 | |
| 385 | 𒁹 𒁴𒁍𒌓𒋼 𒆬𒄀 𒊭 𒀀𒈾 𒂄𒇻𒌝 𒌓𒍢 𒊭 𒀭𒁀𒀝𒁇𒋾 𒀠𒋾 𒀭𒄬𒁲𒀀 𒋗𒌓𒇻𒌑 𒉌𒋝𒋾 𒎎𒎌 |
𒑆 𒇻𒁀𒊑𒂊 𒋫𒀠𒇧𒋾 𒀭𒋾𒋗 𒊭 𒉌𒅁𒄭 𒆬𒄀 𒅀𒅈 𒆬𒄀 𒅆𒂍𒋢𒉡 𒄿𒈾 𒈬𒌨𒁲𒂊 𒍮𒌒𒁍𒌅 | |
𒐌𒋙 𒋢𒁕𒂊𒋤 𒊭 𒀯𒎌 𒆬𒄀 𒀯𒇻𒈠 𒀉𒋾 𒅖𒂃𒄭 𒆬𒌓 𒊭 𒄒𒇻 𒅇 𒄴𒍣 𒆬𒄀 | |
𒁹 𒄑𒈿 𒅗 𒈠𒀀𒀀𒀠𒋾 𒆬𒌓 𒋰𒋗𒄴𒋾 𒀭𒋾𒈠 𒌓𒀖 𒎎𒎌 𒆬𒄀 | |
𒁹 𒈨 𒌍 𒄑𒌋𒂙𒎌 𒅗 𒄑𒍎𒎌 𒅗 𒊓𒀠𒇷 𒌨𒆥 𒅗 𒄈 𒅗 𒄈𒌉𒎌 𒅗 𒄑𒆗 𒊭 𒄴𒍪𒅆𒈾 𒆬𒄀 | |
| 390 | 𒌋 𒄑𒍎𒎌 𒄑𒌆 𒈤𒊑𒍢 𒄑𒌆 𒉌𒈨𒁲 𒄑𒆗 𒄑𒌆 𒊭 𒄴𒍪𒋗𒉡 𒆬𒄀 𒅇 𒆬𒌓 |
𒈫 𒄀𒂃 𒌋 𒎎𒎌 𒊓𒈠𒄷𒋼 𒋾𒅅𒉌 𒀭𒋾 𒋗𒅗𒉌 𒀭𒄬𒁲𒀀 𒅇 𒀭𒁀𒀝𒁇𒋾 𒁮𒋙 | |
𒎙 𒅆 𒈫 𒈨 𒌋 𒀀𒊑𒀜 𒍏 𒆗𒈾𒀀𒋼 𒋡𒀠𒆷𒀀𒋼 𒍦𒋥 𒍏 𒄥𒉿𒋛 𒍏 𒅇 𒄢𒄢𒆳 𒍏 | |
𒁹 𒅆 𒐊 𒈨 𒌋 𒋗𒆳𒊑 𒍏 𒆗𒉡𒋾 𒋡𒀠𒇻𒋼 𒊺𒆷𒀜 𒋗𒆳𒊑 𒍏 𒆗𒈾𒀀𒋼 𒁓𒁲𒄿 𒍏 𒆪𒋫𒄭 𒍏 𒀀𒁲 𒆠𒋫𒎌𒋙𒉡 𒍏 | |
𒐈 𒈨 𒐊 𒅆 𒐉 𒈨 𒌋 𒄈𒎌 𒍏 𒆗𒉡𒋾 𒋡𒀠𒇻𒋼 𒄑𒉼𒎌 𒍏 𒀀𒍝𒈾𒋼 𒍏 𒅇 𒋻𒋫𒄭 𒍏 | |
| 395 | 𒐋 𒈨 𒐌 𒆠𒌑𒊑 𒍏 𒆗𒉡𒋾 𒋡𒀠𒇻𒋼 𒉪𒈠𒅗𒀀𒋾 𒍏 𒀀𒊓𒆷𒀀𒋼 𒍏 𒄰𒎌 𒍏 𒄣𒇷𒀀𒋼 𒍏 |
𒐈 𒆠𒌑𒊑 𒍏 𒆗𒉡𒋾 𒊭 𒐐𒀀𒀀 𒄿𒈾 𒎙𒁕𒀜 𒀀𒎌 𒊮𒁀𒋙𒉡 𒂟𒌅 𒀀𒁲 𒃶𒉌𒋗𒉡 𒆗𒉡𒋾 𒍏 | |
𒁹 𒄩𒊒𒌑 𒍏 𒃲𒌅 𒊭 𒐕 𒄿𒈾 𒎙𒁕𒀜 𒀀𒎌 𒊮𒁀𒃻 𒂟𒌅 𒀀𒁲 𒃶𒉌𒃻 𒃲𒄿 𒍏 | |
𒊭 𒈗𒎌𒉌 𒊭 𒆳𒌨𒅈𒁲 𒀀𒈾 𒂊𒄫 𒇻𒀬𒎌 𒈠𒄯 𒀭𒄬𒁲𒀀 𒌑𒂷𒇻𒌑 𒃾𒎌 𒈠𒆥𒋼 | |
𒐉 𒀭𒍝𒇴 𒍏 𒉌𒂃𒃲𒇷 𒈠𒇡 𒆍𒎌𒋗 𒊭 𒐉 𒌑 𒈬𒆷𒀀𒋙𒉡 𒀀𒁲 𒆠𒆪𒎌𒋙𒉡 𒍏𒄭𒀀 𒉺𒅁𒆪 | |
| 400 | 𒁹 𒍝𒇴 𒌓𒎏𒉌 𒎙𒍝𒊍 𒈗𒋾 𒊭 𒁹𒀭𒌋𒂦 𒌉 𒁹𒅖𒁍𒂊𒉌 𒈗 𒆳𒌨𒅈𒁲 𒆠𒆪𒋙 𒌓𒅗𒁇 𒅆𒅁𒆪 |
𒁹 𒄞 𒁹 𒄞𒀖 𒀀𒁲 𒄞𒀫𒃻 𒊭 𒁹𒀭𒌋𒂦 𒌉 𒁹𒅖𒁍𒂊𒉌 𒍏𒄭𒀀 𒂍 𒀭𒄬𒁲𒀀 𒀀𒈾 𒂊𒆥 𒌑𒌁𒊒𒈠 𒅖𒄙 𒍢𒊒𒍑𒋙𒌦 | |
𒁹 𒍝𒇴 𒁹𒅈𒄑𒋾 𒈗 𒆳𒌨𒅈𒁲 𒊭 𒂇 𒀯𒋾 𒀭𒋾 𒀊𒊒𒈠 𒋗𒅀 𒌋𒋙 𒅗𒊑𒁁 𒀀𒁲 𒂍𒋙 𒐕 𒄘𒌦 𒍏𒄭𒀀 𒆠𒇲 | |
𒁹 𒍝𒇴 𒁹𒌨𒊓𒀀 𒀉𒋾 𒈫 𒀲𒆳𒊏𒎌 𒁁𒄬𒅆𒋙 𒇽𒄑𒇀𒋙 𒀀𒁲 𒆠𒆪𒋙𒉡 𒍏𒄭𒀀 𒉺𒅁𒆪 | |
𒊭 𒌨𒊑𒄴𒋾 𒊏𒈠𒉌𒋙 𒈠𒀀 𒄿𒈾 𒈫 𒀲𒆳𒊏𒎌𒅀 𒅇 𒁹𒂗 𒇽𒄑𒇀𒅀 𒈗𒌓 𒆳𒌨𒅈𒁲 𒅅𒋗𒁺 𒋡𒋾 𒁀𒆸 𒂔𒋙𒌦 | |
| 405 | 𒀀𒁲 𒃻𒂵𒋙 𒈠𒀜𒋾 𒊭 𒉌𒄿𒁀 𒆷 𒄿𒋗𒌑 𒀾𒇻𒆷 |
𒂊𒍦 𒌑𒁲𒂊 𒆬𒄀 𒆬𒌓 𒀭𒈾 𒌓𒅗𒁇 𒀭𒁇 𒅗 𒄑𒆗 𒄑𒌆 𒅇 𒄀𒂇 𒄑𒄭𒀀 𒅗𒆷𒀀𒈠 | |
𒊭 𒌌𒌓 𒌷 𒂍𒃲𒅆 𒅇 𒂍 𒀭 𒌝𒈠𒈾𒀜 𒀭𒀀𒋩 𒀭𒀫𒌓 𒀀𒈾 𒆷 𒈠𒉌 𒅖𒇻𒇻𒉌 | |
𒃻𒋗𒎌 𒂍𒃲𒅆 𒁹𒌨𒍝𒈾 𒅇 𒀭𒄬𒁲𒀀 𒀀𒁲 𒃻𒂵𒋙 𒈠𒀪𒁲 𒊭 𒋫 𒆠𒆗 𒌷𒈬𒍝𒈲 𒀾𒇻𒆷 | |
𒌝𒈠𒈾𒋼𒅀 𒊐𒃻𒀀𒋼 𒄿𒈾 𒄀𒅁𒅆𒅆𒈾 𒂊𒅂𒈠 𒀀𒈾 𒆠𒆗 𒆳 𒀸𒋩𒆠 𒌑𒊩𒁲𒀉 | |
| 410 | 𒌦𒎌 𒈾𒄀𒄿 𒊭 𒌷𒈬𒍝𒈲 𒀉𒋾 𒌦𒎌 𒆳 𒀸𒋩𒆠 𒄠𒉡𒈠 𒅋𒆪 𒁾𒋝𒆪 𒆠𒄿 𒊭 𒀾𒋗𒊑 𒂊𒅂𒋢𒉡𒋼 |
𒅖𒈪𒈠 𒁹𒌨𒊓𒀀 𒆕𒋡𒊕 𒅁𒁄𒋛𒄴 𒈾𒄴𒆗𒀀𒋼𒋙 𒌑𒊬𒈩𒈠 𒍑𒊺𒊏 𒄿𒁲𒂊𒋗 | |
𒅖𒄷𒌓 𒆪𒁍𒊻𒋢 𒉿𒋥𒋢 𒄴𒋛𒅁𒈠 𒌑𒆗𒉿𒄑 𒊮𒁀𒋗 𒄿𒈾 𒆠𒇲𒇷𒋙 𒁍𒌒𒉺𒎙 𒄑𒊓𒄭𒅁 | |
𒄑𒁁𒈠 𒀫𒊒𒋗 𒄴𒈬𒁕 𒅗𒁁𒆪 𒄿𒈾 𒉿𒄿𒋗 𒀉𒌨𒆪𒉡 𒄣𒌒𒁉𒂊 𒈥𒍮𒌑𒋼 | |
𒄿𒈾 𒆳𒌨𒅈𒁲 𒀀𒈾 𒉻 𒁶𒊑𒋙 𒋛𒂍𒌅 𒌑𒃻𒊍𒈛𒈠 𒄫𒊏𒉡 𒊭 𒁺𒌨 𒌓𒈨 𒄿𒈾 𒆳𒈾𒀪𒊑 𒌑𒃻𒀾𒄯 | |
| 415 | 𒄿𒈾 𒂊𒈬𒆥 𒍢𒊏𒀀𒋼 𒊭 𒀭𒀀𒋩 𒂗𒅀 𒄿𒈾 𒇷𒄿𒋼 𒁕𒈾𒉌 𒊭 𒀭𒂗 𒀭𒀝 𒀭𒎌 𒄘𒇷𒅀 |
𒄿𒈾 𒀭𒉌 𒆠𒂊𒉌 𒊭 𒀭𒌓 𒁲𒋻𒃲 𒀭𒎌 𒊭 𒂅𒌑𒁲 𒅁𒌅𒈠 𒍮𒇻𒇻 𒅖𒆪𒉡 𒌋𒅗 𒌝𒈠𒉌𒅀 | |
𒄿𒈾 𒉪𒁉 𒊭 𒀭𒌋𒄥 𒆗𒆗 𒀭𒎌 𒀀𒌨 𒄿𒁲𒅀 𒈾𒈲 𒆠𒆘𒅀 | |
𒋫 𒆳𒋢𒌝𒁉 𒈾𒄀𒄿 𒄿𒈾 𒁉𒈩 𒆳𒉌𒄒𒉺 𒆳𒌑𒉺𒀀 𒆳𒎌𒂊 𒈥𒍮𒋾 𒀀𒈾 𒆳𒌨𒅈𒁕 𒂊𒋻𒁀 | |
𒄿𒈾 𒆳𒌨𒅈𒁲 𒆳𒍣𒄫𒋾 𒆳𒈠𒀭𒈾𒀀𒀀 𒆳𒈾𒀪𒄿𒊑 𒅇 𒆳𒈬𒍝𒍢𒊑 | |
| 420 | 𒆠𒈠 𒆗𒁉 𒈾𒀜𒊑 𒊭 𒁍𒈛𒌅 𒊏𒈬𒌑 𒂊𒌀𒇺 𒀜𒊑𒋃𒈠 𒆷 𒀀𒈬𒊏 𒈬𒉌𒄴𒄷 |
𒊭 𒁹𒌨𒊓𒀀 𒆳𒌨𒅈𒁕𒀀𒀀 𒁹𒈨𒋫𒀜𒋾 𒆳𒍣𒄫𒋫𒀀𒀀 𒄿𒈾 𒁕𒀊𒁲𒂊 𒍢𒂊𒊑 𒂟𒄭𒀀𒋙𒉡 𒈠𒀜𒌅 𒌑𒌑𒆤 | |
𒐉 𒈨 𒌍 𒌷𒎌𒉌 𒊭 𒐌 𒈾𒄀𒂊 𒊭 𒁹𒌨𒊓𒀀 𒆳𒌨𒅈𒁕𒀀𒀀 𒄀𒂇𒌅 𒀝𒋤𒈠 𒌑𒋚𒆗 𒆳𒋢 | |
𒊭 𒁹𒌨𒍝𒈾 𒌷𒈬𒍝𒈲𒀀𒀀 𒀭𒄬𒁲𒀀 𒀭𒋗 𒀭𒁀𒀝𒁇𒌅 𒀭𒅖𒋻𒋙 𒀀𒁲 𒁍𒊺𒂊 𒂍𒆳𒋙 𒈠𒀪𒁲 | |
𒀉𒋾 𒐋 𒅆 𒁹 𒈨 𒌋 𒌦𒎌 𒌋 𒀲𒆪𒁷 𒐈 𒈨 𒐕 𒀲𒎌 𒐊 𒈨 𒎙 𒄞𒎌 𒁹 𒅆 𒈫 𒈨 𒐕 𒇻𒎌 𒁮𒋢 𒌉𒎌𒋙 𒌉𒊩𒎌𒋙 𒀾𒇻𒆷 | |
| 425 | 𒄿𒈾 𒉌𒊑𒁉 𒊭 𒆳𒀭𒁕𒊒𒌓𒋫 𒆳𒄿 𒈥𒍢 𒊕 𒌷𒄭𒅁𒌓𒈾 𒀜𒌅𒍢𒀀 𒊩𒈩 𒀀𒈾 𒆳𒅀 𒀀𒌅𒊏 |
𒁹𒂗 𒇽𒂗 𒄑𒇀 𒈫 𒇽𒊭 𒂍𒄬𒅆 𒐈 𒇽𒆗𒆷𒁀𒀀𒉌 𒁲𒂊𒆪 | |
𒇽𒅴𒊕𒎌 𒁹𒄭𒂵𒅎𒀭𒀀𒋩 𒇽𒅆𒁾 𒃲𒌑 𒄿𒈾 𒌋𒅗 𒀭𒀀𒋩 𒁁𒉌𒅀 𒌌𒋼𒁉𒆷 | |
𒁾𒉿 𒁹𒀭𒀝𒊩𒅆𒋗𒉡 𒇽𒁾𒊬 𒊬𒊑 𒃲𒌑 𒇽𒃲𒄀𒌋 𒇽𒌝𒈠𒀭 𒁹𒈗𒄀𒈾 𒈗 𒆳 𒀸𒋩𒆠 | |
𒁍𒊌𒊒 𒁹𒄯𒈠𒀝𒆠 𒇽𒁾𒊬 𒈗 𒁄𒌀𒆠𒌑 | |
| 430 | 𒄿𒈾 𒇷𒄿𒈪 𒁹𒀭𒈹𒂦 𒇽𒃻𒆳 𒌷𒇹𒄩 𒈾𒍮 |