[This cuneiform text was computer-generated from a transliteration. See this page for trouble-shooting tips.]
| 1 | 𒂍𒃲 𒁹𒈗𒄀𒈾 𒈗 𒃲 𒎙 𒆗𒉡 𒎙 𒆧𒃻𒁴 |
𒈗 𒆳 𒀸𒋩𒆠 𒄊𒀴 𒆍𒀭𒊏𒆠 𒎙 𒆳 𒋗𒈨𒊑 | |
𒅇 𒌵𒆠 𒈪𒄫 𒀭𒎌 𒃲𒎌 𒀭𒀸𒋩 𒀭𒀝 𒀭𒀫𒌓 | |
𒊬𒊒𒌓 𒆷 𒃻𒈾𒀭 𒌑𒆳𒇷𒈬𒉌𒈠 𒍣𒄫 𒈬𒅀 | |
| 5 | 𒁮𒄣 𒌑𒊺𒍮𒌑 𒀀𒈾 𒊑𒊺𒂊𒋾 𒊭 𒌓𒄒𒉣𒆠 |
𒂗𒆤𒆠 𒆍𒀭𒊏𒆠 𒅇 𒁈𒉺𒇻𒆠 𒍝𒎏𒊻𒋢𒌦 | |
𒂊𒁳𒁍𒃻 𒊭 𒂟𒎌 𒆠𒁷𒉌 𒂷 𒁀𒋗𒌑 𒄭𒉈𒋫𒋙𒉡 𒀀𒆗𒈠 | |
𒌑𒃻𒀾𒋠 𒁾𒋝𒆠 𒂦𒀭𒆠 𒋀𒀕𒆠 𒀕𒆠 𒉣𒆠 | |
𒌓𒀕𒆠 𒆰𒀕𒆠 𒆠𒋝𒆠 𒌷𒉌𒁁𒀭𒆷𒄖𒁕 𒌑𒉺𒅁𒅆𒄩 | |
| 10 | 𒌦𒎌𒋙𒌦 𒍝𒋻 𒁄𒌀𒆠 𒅇 𒌷𒄯𒊏𒉌 𒃻 𒌌𒌅 𒌓𒈨 |
𒈠𒀪𒁺𒋾 𒅎𒈠𒋗𒈠 𒆠𒁷𒉡𒊻𒋢𒌦 𒁀𒀸𒋫 𒌑𒌁 | |
𒀾𒊒𒍑𒃻 𒀭𒎌 𒃲𒎌 𒀸 𒆪𒌦 𒊮𒁉𒋙𒉡 𒅁𒁄𒋢𒉌𒈠 | |
𒄿𒈾 𒀮𒄯 𒈠𒇷𒆠 𒂄𒉡 𒍨𒊒𒋾 𒅖𒊒𒆪𒉏𒈠 𒌑𒃻𒋼𒊒 𒅆𒆤𒋾 𒀸 𒌓𒌝 𒁁𒇻𒋾𒅀 𒂷𒆪 𒃮𒊏𒀀𒀀 𒌌 𒅁𒅆𒈠 𒀸 𒂊𒄫 X 𒌋 𒀞 𒌌 𒀀𒈬𒊏 𒈬𒉌𒄷 | |
𒆳𒎌 𒈾𒆠𒊑 𒅗𒇷𒊿 𒋼𒀀𒉺𒎙 𒌑𒆸𒉿𒈠 𒄩𒄠𒈠𒈪 𒊭 𒅈𒁀𒀪 𒀜𒁕𒀀 𒈲𒊑𒂊𒋾 𒄯𒃻𒀀𒉌 𒁉𒊒𒋾 𒃻 𒉌𒆗𒋙𒉡 𒀾𒂅 𒆷 𒈪𒉆 | |
| 15 | 𒌑𒉻𒋾𒈠 𒀀𒈬𒊏 𒁺𒊒𒊌𒋙𒌦 𒂅𒁕𒀜 𒆷 𒀪𒀀𒊑 𒉺𒀾𒋡𒀀𒋾 𒊭 𒀀𒊬𒅆𒈾 𒉻𒂁𒁺 𒊏𒄫 𒂊𒋼𒀉𒋾𒋡 𒂊𒁳𒁉𒊏 𒈾𒃮 𒁁𒊏𒀀𒋾 |
𒄿𒈾 𒇷𒄿𒋾 𒌋 𒁕𒈾𒉌 𒃻 𒀭𒎌 𒃲𒎌 𒂗𒎌𒅀 𒊭 𒄑𒆪𒎌𒅀 𒌑𒆳𒁍𒈠 𒌑𒊏𒊍𒋛𒁀 𒈾𒃮 𒂵𒊑𒅀 𒅖𒌅 𒆳𒅀𒀜𒈾𒈾 𒊭 X 𒌓𒁴 | |
𒃻𒇴 𒀭𒌓𒅆 𒀀𒁲 𒉺𒀜 𒆳𒈬𒍮𒊑 𒌋 𒆳𒈬𒍑𒆠 𒆳 𒈥𒌅𒆠 𒂼𒌈 𒆳𒉺𒋾 𒀀𒈾 𒋛𒆟𒋾𒃻 𒀮𒄩𒅈 𒄖𒋾𒌝𒆠 𒆳𒈠𒁕𒀀𒀀 𒊒𒄣𒌑𒋾 | |
𒊭 𒉺𒀜 𒆳𒁉𒅅𒉌 𒀀𒁲 𒆳𒂖𒇷𒁉 𒆳𒊏𒀀𒅆 𒃻 𒄿𒋼𒂊 𒆳𒉏𒈠𒆠 𒊭 𒀀𒄴 𒀀𒇉𒄘𒃼 𒇽𒄿𒌅𒀪 𒇽𒊒𒁍𒀪 𒇽𒄩𒊑𒈝 𒇽𒆗𒁺𒁺 𒇽𒄩𒄠𒊏𒉡 | |
𒇽𒌑𒁍𒈝 𒇽𒊒𒀪𒇇𒀀 𒇽𒇷𒀪𒋫𒀀𒀀 𒊭 𒀀𒄴 𒀀𒇉𒋢𒊐𒉿 𒀀𒇉𒊌𒉌𒂊 𒇽𒃵𒁍𒇻 𒇽𒄭𒅔𒁕𒊒 𒇽𒁍𒄣𒁺 𒇽𒋢𒋼𒂊 𒍝𒀊 𒂔 | |
| 20 | 𒊭 𒆳𒅀𒀜𒁍𒊑 𒈠𒆷 𒁀𒋗𒌑 𒀀𒁲 𒌷𒊓𒄠𒀪𒌑𒈾 𒌷𒆍𒂦 𒌷𒂦𒀭𒋼𒇷𒋾 𒌷𒄭𒇷𒅎𒈬 𒌷𒉈𒆷𒌈 𒌷𒂄𒉌𒀭𒌓 𒌷𒁍𒁉𒂊 𒌷𒇯𒀭𒈝𒁀 |
𒊭 𒈪𒈲 𒆳𒉏𒈠𒆠 𒆳𒃸𒂄𒐊𒀾 𒂊𒇺 𒌋 𒉺𒅁𒇺 𒆳𒂍𒁹𒀀𒈮𒅗𒉌 𒆳𒂍𒁹𒁖𒆪𒊑 𒆳𒂍𒁹𒋻𒀀𒉌 𒆳𒂍𒁹𒊓𒀪𒀠𒆷 𒋛𒆟𒋾 𒆳𒆗𒁲 𒈠𒆷 𒁀𒋗𒌑 | |
𒆳𒂍𒁹𒅀𒁺 𒃻 𒆠𒆳 𒀀𒇉𒈥𒊏𒋾 𒀀𒁲 𒉺𒀜 𒉌𒌇𒆠 𒁁𒄩𒊕 𒀀𒉈𒈠 𒇽𒋗𒌓 𒊕𒎌𒅀 𒇽𒂗 𒉺𒄩𒀀𒋾 𒌋𒅗𒋙𒉡 𒀾𒋳𒃶𒈠 𒉌𒅕 𒁁𒇻𒋾𒅀 | |
𒂊𒅂𒋢𒉡𒋾 𒌌𒌅 𒊕 𒈗𒋾𒅀 𒀀𒁲 𒌋 𒁄𒅀 𒃻 𒁹𒀭𒈝𒁀𒉌𒂵𒀾 𒉏𒈠𒆠𒄿 𒀸 𒊑𒂍 𒂦𒀭𒆠 𒀾𒆪𒈾 𒈭𒋫𒋙 𒌷𒊓𒈨𒊑𒈾 𒀠𒈨 𒀝𒋤 | |
𒎙 𒅆 𒈫 𒈨 𒐕 𒌦𒎌 𒀀𒈨 𒊮𒋙 𒀾𒇻𒆷 𒐐 𒄑𒇀𒎌 𒀸 𒊮𒋙𒉡 𒀝𒀫𒈠 𒅇 𒋛𒀉𒌅𒋾 𒄿𒉡𒋙𒉡 𒌑𒃻𒄭𒄑 𒇽𒋗𒌓 𒊕𒅀 𒌋𒅗𒋙𒉡 𒀾𒆲𒈠 𒄘𒌦 𒈗 𒈤𒊑𒂊 | |
| 25 | 𒂊𒅂𒋢𒉡𒋾 𒁹𒄩𒉡𒉡 𒎙 𒌷𒄩𒍣𒋾 𒀉𒋾 𒁹𒉺𒇻𒀪𒂊 𒇽𒋻𒆗𒉡 𒆳𒈬𒍮𒊑 𒀸 𒌷𒊏𒉿𒄭 𒀀𒈾 𒂊𒄫 X 𒌋 𒀞 𒀀𒈾 𒃮𒅀 𒀉𒁍𒉌 |
𒅆𒅆𒋙𒉡 𒄠𒄩𒊍 𒁹𒉺𒇻𒀪𒂊 𒊑𒁶 𒄑𒆪𒎌𒅀 𒂊𒂉𒈠 𒅔𒈾𒂍𒈠 𒆷 𒅔𒈾𒂇 𒀀𒊬𒋙 𒁹𒄩𒉡𒉡 𒈗 𒌷𒄩𒍣𒋾 𒀸 𒋡𒋾 𒊍𒁁 | |
𒈠𒁕𒀜𒌅 𒊭 𒁹𒉿𒅕𒀪𒌑 𒎙 𒆳𒈬𒍮𒊑 𒊩𒊓𒄠𒋛 𒊬𒋥 𒆳𒀀𒊑𒁉 𒁹𒀉𒀪𒄠𒀀𒊏 𒆳𒊓𒁀𒀪𒀀𒀀 𒆬𒄀 𒅖𒁉 𒆳𒊏 𒀲𒆳𒊏𒎌 𒀲𒃵𒂷 𒄠𒄯 | |
𒁹𒆠𒀝𒆠 𒌷𒅆𒉡𒄴𒋫𒀀𒀀 𒊭 𒉌𒅕 𒀭𒀸𒋩 𒄑𒇻𒌑𒈠 𒅅𒇻𒌑 𒋫𒈥𒆪 𒃻𒀀𒋙 𒂵𒁺 𒌍 𒄑𒇀𒎌𒋙 𒐌 𒅆 𒐈 𒈨 𒐐 𒇽𒁵𒈭𒍢𒋙 𒀀𒈾 𒊩𒆷𒋾 𒄠𒉡𒋗 | |
𒌷𒅆𒉡𒄴𒌅 𒌷 𒎙𒋾𒋙 𒀀𒈾 𒁹𒆳𒋾𒄿 𒆳𒌅𒌦𒈾𒀀𒀀 𒀜𒁷𒈠 𒀲𒆳𒊏𒎌 𒀲𒉺𒊑𒂊 𒌋𒅗 𒎙𒁕𒀜𒋾𒋙 𒈤𒊑𒋾 𒊻𒍦𒈠 𒌋𒅗𒋙 𒀾𒆲 𒁹𒄠𒊑𒄑 | |
| 30 | 𒆳𒋫𒁄𒀀𒀀 𒊭 𒀸 𒄑𒄖𒍝 𒁹𒅆𒌨𒇷𒄿 𒀜𒋙 𒌑𒊺𒅆𒁍𒋙 𒁉𒅔𒋾 𒀉𒋾 𒆳𒄭𒋃𒆠 𒆷 𒈪𒈲 𒀜𒎌𒋙 𒀜𒁷𒋙𒈠 𒌑𒊐𒄫 𒆳𒋢 𒅇 𒋗𒌑 𒆷 𒈾𒈲 𒆤𒋾 |
𒀀𒈾 𒁹𒌨𒊓𒀀 𒆳𒌵𒀀𒀀 𒅇 𒁹𒈪𒋫𒀀 𒎙 𒆳𒈬𒊻𒆠 𒃻 𒂊𒆠𒈨 𒈪𒄑𒊑𒅀 𒅖𒁍𒊏 𒇽𒀀 𒈨𒊑 𒁹𒄠𒊑𒄑 𒀉𒋾 𒁶𒋾 𒉌𒋗𒋾 𒆰 𒂍 𒀜𒋙 𒀀𒃻𒈩𒁺𒋾 𒆳𒋙 | |
𒀉𒋾 𒁹 𒈨 𒄑𒇀𒎌𒋙 𒀀𒈾 𒆳 𒀸𒋩𒆠 𒀠𒋡𒀾𒋙 𒇽𒀸𒋩𒆠𒌑 𒉺𒌓 𒁁𒇻𒋾𒅀 𒀸 𒊮 𒌑𒊺𒈨 𒇽𒋗𒌓 𒊕𒅀 𒇽𒂗𒉆 𒌋𒅗𒋙𒉡 𒀾𒆲𒈠 𒄘𒌦 𒈠𒁕𒀜𒌅 𒌑𒆥 𒂊𒇷𒋙𒌦 | |
𒁹𒀭𒅀𒌑𒁉𒀪𒁲 𒆳𒀀𒈠𒋫𒀀𒀀 𒍝𒀊 𒄽𒅆 𒆷 𒂗 𒄑𒄖𒍝 𒇽𒉺𒌅𒌑 𒅆𒉡 𒀀𒈾 𒈗𒌓 𒆳𒀀𒈠𒀜𒋾 𒊮𒋙 𒅅𒁍𒌓𒈠 𒌷𒅈𒉻𒁕 𒌷𒍢𒂇𒊏 𒌷𒁲𒈦𒋡 𒌷𒊓𒈨𒊑𒈾 | |
𒀉𒋾𒅀 𒍑𒁄𒆤𒈠 𒉺𒀀 𒂊𒁕 𒌑𒃻𒀾𒆥𒈠 𒅅𒍮𒊏 𒀞 𒌝𒈠𒈾𒀜 𒀭𒀀𒋩 𒃮𒃻𒀀𒋾 𒀜𒆠𒈠 𒀸 𒌷𒃼𒋡𒊑 𒌷 𒈾𒉘𒄿𒋙 𒃻𒀀𒋙 𒀀𒁲 𒇽𒁵𒈭𒍢𒋙 | |
| 35 | 𒀠𒈨 𒀝𒋤𒋢 𒌷𒃼𒋡𒊒 𒀸 𒀭𒄑𒁇 𒀝𒈬 𒃻𒀀𒋙 𒈠𒊕𒋙 𒀀𒆪𒊻 𒀸 𒆠𒆗 𒌷𒎌 𒋙𒉡𒋾 𒂗 𒄭𒀉𒁲 𒀀𒂁𒈠 𒋢𒈝𒈬𒌋 𒌑𒃻𒀾𒆥 𒈫 𒈨 𒄑𒇀 𒐋 𒈨 𒀲𒁁𒄬𒈝 |
𒄿𒈾 𒊮 𒌦𒎌 𒆳𒀀𒈠𒀜𒋾 𒀝𒀫𒈠 𒌋𒅗 𒆠𒈲 𒈗𒋾𒅀 𒌑𒋥𒁲 𒀸 𒌓𒈨 𒁹𒅕𒀭𒍪 𒆳𒎙𒈾𒀀𒀀 𒀴 𒃶𒋗 𒃻𒁲𒀉 𒉌𒊑𒅀 𒋆𒌅 𒌑𒁉𒇻𒋗𒈠 | |
𒁹𒀀𒍝𒀀 𒌉𒋙 𒀸 𒄑𒄖𒍝𒋙 𒌑𒊺𒅆𒁍 𒁹𒌨𒊓𒀀 𒆳𒌨𒅈𒁕𒀀𒀀 𒀀𒈾 𒇽𒆳𒌑𒅖𒁲𒅖𒀀𒀀 𒇽𒆳𒍣𒄫𒋫𒀀𒀀 𒇽𒆳𒈪𒋛𒀭𒁲𒀀𒀀 𒇽𒃻𒆳𒎌 | |
𒆳𒎙𒈾𒀀𒀀 𒃲𒎌 𒀀𒆳 𒋢𒌌𒇷𒂊 𒌋 𒇡𒊏𒀀𒋾 𒀉𒁍𒌒𒋙𒉡𒋾𒈠 𒀸 𒆳𒌑𒀀𒍑 𒆳𒄿 𒈥𒍢 𒇿 𒁹𒀀𒍝𒀀 𒌉 𒂗𒋗𒉡 𒀉𒁺𒌑 𒁹𒌌𒇻𒋢𒉡 | |
𒆳𒎙𒈾𒀀𒀀 𒊭 𒄿𒈾 𒄑𒄖𒍝 𒀜𒋙 𒌑𒊺𒅆𒁍 𒀀𒈾 𒁹𒌨𒊓𒀀 𒆳𒌨𒅈𒁕𒀀𒀀 𒀉𒋫𒆸𒈠 𒎙 𒌷𒄬𒍮𒎌𒋙 𒆠𒄿 𒁕𒀪𒌅𒌑𒋾 𒀉𒁷𒋙 | |
| 40 | 𒄿𒈾 𒊌𒃰 𒊮𒅀 𒌝𒈠𒈾𒀜 𒀭𒀸𒋩 𒃮𒃻𒀀𒋾 𒀜𒆠𒈠 𒆗𒄫 𒀭𒈾𒋛𒀀𒈠 𒀀𒈾 𒅗𒆳 𒆳𒎌 𒃻𒋾𒈾 𒀾𒋫𒃶 𒉺𒉌𒅀 𒁹𒌌𒇻𒋢𒉡 𒆳𒎙𒈾𒀀𒀀 |
𒀀𒅗𒈬 𒄫𒊑𒅀 𒂊𒄯𒈠 𒌷𒍑𒋙 𒊻𒍢𒈠 𒀸 𒁍𒊻𒋥 𒆳𒄿 𒈥𒍢 𒀀𒁲𒊕 𒌑𒈨 𒌷𒄿𒆰𒌅 𒌷 𒈗𒋾𒋙 𒌷𒄿𒍣𒁉𒀀 𒌷𒅈𒈨𒀉 | |
𒌷𒄬𒍮𒎌𒋙 𒆗𒈾𒀀𒋾 𒀝𒋤𒈠 𒀸 𒀭𒄑𒁇 𒀝𒈬 𒁲𒅅𒌅 𒃻 𒁹𒌨𒊓𒀀 𒆳𒌨𒅈𒁕𒀀𒀀 𒄿𒈾 𒆳𒌑𒀀𒍑 𒆳𒄿 𒈥𒍢 𒀀𒂁𒈠 𒈫 𒈨 𒐐 𒆰 𒎙𒋾𒋙 | |
𒄿𒈾 𒋡𒋾 𒌑𒂟𒂍 𒐐 𒌷𒎌 𒆗𒎌 𒂍 𒂦𒎌 𒊭 𒐍 𒈾𒄀𒂊𒋙 𒀀𒁲 𒌋 𒌷𒄬𒍮𒎌𒋙 𒈥𒍝𒀀𒋾 𒀝𒋤𒈠 𒄿𒈾 𒀭𒄑𒁇 𒀝𒈬 | |
𒎙 𒌷𒄬𒍮𒎌 𒃻 𒁹𒌌𒇻𒋢𒉡 𒆳𒎙𒈾𒀀𒀀 𒂊𒆠𒈠𒀾𒋳𒈠 𒀀𒈾 𒈪𒈲 𒆳 𒀸𒋩𒆠 𒌑𒌁𒊏 𒐍 𒌷𒄬𒍮𒎌 𒊭 𒆳𒌅𒀀𒅀𒁲 𒈾𒄀𒂊 | |
| 45 | 𒊭 𒁹𒋼𒇻𒋛𒈾 𒆳𒀭𒁲𒀀𒀀 𒀝𒋤 𒐉 𒅆 𒈫 𒈨 𒌦𒎌 𒀀𒁲 𒈥𒅆𒋾𒋙𒉡 𒀾𒇻𒆷 𒁹𒈪𒋫𒀜𒋾 𒆳𒍣𒄫𒋫𒀀𒀀 |
𒄑𒆪𒎌𒅀 𒂊𒂉𒈠 𒋗𒌑 𒀀𒁲 𒌦𒎌 𒆳𒋙 𒀀𒈾 𒆠𒆗 𒄯𒃻𒀀𒉌 𒅔𒈾𒂍𒈠 𒆷 𒅔𒈾𒂇 𒀀𒊬𒋗 | |
𒌷𒉺𒅈𒁕 𒌷 𒈗𒋾𒋙 𒀸 𒀭𒄑𒁇 𒀝𒈬 𒎙 𒌷𒎌 𒆗𒎌 𒊭 𒇷𒈨𒋾𒋙 𒀝𒋤𒈠 𒀾𒇻𒆷 𒊩𒆷𒋢𒌦 | |
𒌷𒋗𒀭𒁕𒄷𒌌 𒌷𒍪𒌨𒍪𒊌𒅗 𒌷𒎌 𒊭 𒆳𒎙𒈾𒀀𒀀 𒊭 𒌋𒅗 𒁹𒈪𒋫𒀜𒋾 𒀉𒋳𒇻 𒀝𒋤𒈠 𒊩𒆳𒋢𒉡 𒀾𒇻𒆷 | |
𒊭 𒁹𒁀𒀝𒁕𒀜𒋾 𒆳𒌑𒅖𒁲𒅖𒀀𒀀 𒈠𒊕𒋙 𒀀𒆪𒊻 𒁹𒁕𒀀𒀀𒊌𒆪 𒀀𒁲 𒁶𒋾𒋙 𒊍𒋢𒄩𒄠𒈠 𒆠𒆗 𒆳𒀀𒈠𒀜𒋾 𒌑𒊺𒈨 | |
| 50 | 𒁹𒌌𒇻𒋢𒉡 𒆳𒎙𒈾𒀀𒀀 𒅁𒊺𒀉 𒂊𒁳𒁍𒋗 𒆠𒆗 𒆳𒄿 𒈥𒍢 𒅖𒈨𒈠 𒄑𒍮𒊕 𒅁𒌓𒌑𒈠 𒄑𒁁 𒄊𒅀𒅀 |
𒄭𒁕𒋾𒋗 𒆷 𒈪𒈾 𒀀𒁍𒊌𒈠 𒀀𒈪𒅖 𒆸𒆳𒋢 𒊑𒂊𒈠 𒅈𒅆𒋗𒈠 𒄿𒈾 𒄑𒄖𒍝 𒈗𒋾𒋙 𒌑𒊺𒈨𒋙 | |
𒎙 𒌷𒄬𒍮𒎌 𒀀𒁲 𒈫 𒌷𒎌𒋙 𒆗𒉡𒋾 𒊭 𒌌𒌅 𒋗𒅀 𒁹𒌨𒊓𒀀 𒅇 𒁹𒈪𒋫𒀜𒋾 𒂊𒆠𒈠 𒀜𒁷𒋙𒈠 𒌑𒋳𒆥𒈾 𒁕𒇷𒄴𒌅 𒆳𒋢 | |
𒍝𒇴 𒈗𒋾𒅀 𒆕𒍑𒈠 𒇷𒄿𒋾 𒀭𒀸𒋩 𒁁𒉌𒅀 𒌋𒅗𒋗 𒀾𒄙 𒄿𒈾 𒌷𒄿𒆰𒋾 𒌷 𒈗𒋾𒋙 𒌌𒁁 𒄴𒊏𒌨 | |
𒊭 𒁹𒅀𒀭𒍪𒌑 𒎙 𒆳𒈾𒀪𒄿𒊑 𒀸 𒌷𒄷𒁍𒍑𒆠𒀀 𒌷 𒆗𒉡𒋾𒋙 𒀲𒆳𒊏𒎌 𒄞𒎌 𒅇 𒍢𒂊𒉌 𒎙𒁕𒀜𒋫𒋙 𒄠𒄯 | |
| 55 | 𒁹𒀭𒀸𒋩𒇷𒀪 𒆳𒋼𒀀𒀠𒆷𒀀𒀀 𒁹𒀉𒋾𒄿 𒆳𒀠𒆷𒀊𒊏𒀀𒀀 𒊭 𒉌𒅕 𒀭𒀸𒋩 𒄑𒇻𒌑 𒅋𒄣𒌑 𒊺𒂅𒋾 |
𒈠𒊕 𒁹𒀭𒀸𒋩𒍪 𒀀𒆪𒊻𒈠 𒌦𒎌 𒆳𒋼𒀀𒀠𒆷 𒂷 𒁀𒋗𒌑 𒅇 𒁹𒀉𒋾𒄿 𒀀𒁲 𒆥𒉌𒋙 𒊍𒋢𒄩𒄠𒈠 𒀸 𒆠𒆗 𒆳𒀀𒈠𒀜𒋾 𒌑𒊺𒈨 | |
𒌦𒎌 𒌷𒋢𒊌𒆠𒀀 𒌷𒁀𒀀𒆷 𒌷𒀀𒁉𒋾𒅅𒈾 𒌷𒉺𒀊𒉺 𒌷𒇲𒇻𒊌𒉡 𒌌𒌅 𒀾𒊑𒋙𒉡 𒊍𒈽𒋙𒉡𒋾𒈠 𒀸 𒌷𒁲𒈦𒆥 𒌋 𒆳𒉺𒋾 𒌑𒊺𒈨𒋙𒉡𒋾 | |
𒐋 𒌷𒎌 𒃻 𒆳𒉌𒅅𒊓𒄠𒈠 𒈾𒄀𒄿 𒀝𒋗𒌓 𒁹𒄊𒅀𒈗 𒇽𒂗𒌷 𒊭 𒌷𒋩𒂵𒁲𒀀 𒀸 𒋡𒋾 𒊍𒁁 𒌷𒎌 𒋙𒀀𒌓𒉡 𒌋𒅗 𒉿𒄩𒀜 𒆳𒌓𒋢𒀾 𒌑𒋥𒁲 | |
𒁹𒂗𒈗𒌑𒀫 𒊭 𒌷𒆠𒊺𒋛𒅎 𒃻𒀀𒋙 𒀀𒁲 𒃻𒋗 𒃻𒂵 𒉌𒈲𒋾 𒂍𒃲𒋙 𒀀𒈾 𒆳 𒀸𒋩𒆠 𒌑𒆜𒋙 𒇽𒋗𒌓 𒊕𒅀 𒇽𒂗𒉆 𒌋𒅗 𒌷𒋙 𒀾𒆲 | |
| 60 | 𒌷𒋼𒀀𒀭𒈦𒈦 𒈬𒋙 𒀊𒁉 𒍝𒇴 𒈗𒋾𒅀 𒂊𒁍𒍑𒈠 𒀸 𒄫𒁉𒋙 𒌌𒁁 𒐋 𒌷𒎌 𒉺𒁲𒋙 𒀝𒋤𒈠 𒌋𒅗 𒉿𒄩𒋾𒋗 𒌑𒋥𒁲 |
𒁹𒆠𒁀𒁀 𒇽𒂗𒌷 𒊭 𒌷𒄯𒄩𒅈 𒀠𒈨 𒀝𒋤𒌓 𒃻𒀀𒋙 𒀀𒁲 𒌦𒎌 𒆳𒋙 𒀀𒈾 𒊩𒆷𒋾 𒄠𒉡𒋗 | |
𒌷 𒋗𒀀𒌅 𒀀𒈾 𒌍𒋗𒋾 𒊍𒁁 𒌦𒎌 𒆳𒎌 𒆠𒋃𒋾 𒋗𒅀𒅀 𒀸 𒊮 𒌑𒊺𒈨 𒇽𒋗𒌓 𒊕𒅀 𒇽𒂗𒉆 𒌋𒅗𒋙𒉡 𒀾𒆲 | |
𒌷𒋼𒀀𒁹𒎙𒄀𒈾 𒈬𒋙 𒊍𒆳 𒄑𒆪 𒀭𒀸𒋩 𒂗𒅀 𒄿𒈾 𒊮 𒌑𒊺𒈨 𒍝𒇴 𒈗𒋾𒅀 𒀸 𒄫𒁉𒋙 𒌌𒁁 𒐋 𒈾𒄀𒄿 𒉺𒁲𒋗 | |
𒀝𒋗𒌓𒈠 𒌋𒅗 𒉿𒄩𒋾𒋙 𒌑𒋥𒁲 𒌷𒆠𒋀𒇻 𒌷𒆠𒅔𒁕𒀀𒌑 𒌷𒂍𒁹𒁀𒂵𒅀 𒌷𒀭𒍝𒊑𒀀 𒀠𒈨 𒀝𒋗𒌓 | |
| 65 | 𒌑𒌁𒈠 𒀀𒈾 𒌍𒋗𒋾 𒊍𒁁 𒌷𒋼𒀀𒀭𒀝 𒌷𒋼𒀀𒀭𒌍 𒌷𒋼𒀀𒀭𒅎 𒌷𒋼𒀀𒀭𒅖𒋻 𒈬𒋙𒉡 𒀊𒁉 𒀀𒈾 𒉻𒉡𒍑 𒆳𒈠𒁕𒀀𒀀 |
𒇷𒈨𒀉 𒌷𒋼𒀀𒁹𒈗𒄀𒈾 𒌑𒆗𒉌𒈾 𒈠𒇡𒌅 𒌍 𒈾𒄀𒂊 𒊭 𒆳𒈠𒁕𒀀𒀀 𒀝𒋗𒌓𒈠 | |
𒀀𒈾 𒈪𒈲 𒆳 𒀸𒋩𒆠 𒌑𒌁𒊏 𒈾𒆗 𒀲𒆳𒊏𒎌 𒆳𒋾𒌑 𒌋𒅗𒋙𒉡 𒊌𒁷 𒌷𒂊𒊑𒅖𒋫𒈾 | |
𒀀𒁲 𒌷𒎌𒉌 𒊭 𒇷𒈨𒋾𒋙 𒊭 𒆳𒁀𒀪𒀉𒄿𒇷 𒈾𒄀𒄿 𒀠𒈨 𒆳𒌓 𒀾𒇻𒆷 𒊩𒆷𒋢𒌦 | |
𒆳𒀀𒂵𒍣 𒆳𒄠𒁀𒀭𒁕 𒆳𒈠𒁕𒀀𒀀 𒊭 𒉺𒋾 𒇽𒀀𒊑𒁉 𒉌𒉿𒄴 𒀭𒌓𒅆 𒊭 𒎙𒁕𒀜𒋫𒋙𒉡 𒅅𒇻𒌑 | |
| 70 | 𒀊𒇧 𒀝𒄥 𒄿𒈾 𒉈 𒀾𒊒𒌒 𒁹𒊑𒋫𒀀 𒆳𒂖𒇷𒉺𒀀𒀀 𒀴 𒃶𒋗 𒃻𒁲𒀉 𒉌𒅕 𒀭𒀸𒋩 𒐊 𒈾𒄀𒄿 𒃻 𒉺𒁲𒋗 |
𒅁𒁄𒆠𒌅𒋗𒈠 𒆷 𒅎𒄖𒊒 𒁁𒂁𒋢 𒀀𒈾 𒉌𒊏𒊒𒋾𒋙 𒀠𒌨 𒈾𒄀𒄿 𒋗𒀀𒌅𒉡 𒀠𒈨 𒀝𒋤𒌓 𒌦𒎌 𒀀𒁲 𒈥𒅆𒋾𒋙𒉡 | |
𒀉𒋾 𒀲𒆳𒊏𒎌 𒆷 𒈪𒉆 𒊩𒆷𒌅 𒅗𒂍𒌅 𒀀𒈾 𒆠𒆗 𒆳 𒀸𒋩𒆠 𒀾𒇻𒆷 𒁹𒌨𒍝𒈾 𒌷𒈬𒍝𒈲𒀀𒀀 𒊭 𒀀𒈾 𒁹𒌨𒊓𒀀 | |
𒆳𒌨𒅈𒁕𒀀𒀀 𒀉𒋳𒇻𒈠 𒄿𒈪𒋗 𒅈𒁺𒌅 𒄿𒈾 𒄀𒄫 𒌝𒈠𒉌𒅀 𒌷𒈬𒍝𒍢𒊒 𒀀𒊑𒄫 𒀝𒉐𒈠 | |
𒅇 𒋗𒌑 𒀀𒈾 𒋗𒍪𒌒 𒍣𒋙 𒂊𒁷𒉡𒍑𒋙 𒅁𒌓𒋃𒈠 𒆳𒋗 𒂊𒇷 𒀀𒈾 𒌷𒈬𒍝𒍢𒊑 𒋃𒇻𒁹 𒂊𒊒𒌝𒈠 | |
| 75 | 𒁮𒋢 𒌉𒎌𒋙 𒌉𒊩𒎌𒋙 𒃻𒋗 𒃻𒂵 𒉌𒈲𒋾 𒂍𒃲𒋙 𒈠𒆷 𒁀𒋗𒌑 𒀉𒋾 𒎙 𒅆 𒁹 𒈨 𒐕 𒌦𒎌 𒀀𒁲 𒈥𒅆𒋾𒋙𒉡 |
𒀭𒄬𒁲𒀀 𒀭𒁀𒀝𒁇𒌈 𒀭𒎌𒋙 𒀀𒁲 𒃻𒂵𒋙𒉡 𒈠𒀪𒀜𒋾 𒊩𒆷𒋾𒅖 𒄠𒉡 𒁹𒌨𒊓𒀀 𒈗 𒆳𒌨𒅈𒁲 | |
𒄭𒉿𒂊 𒌷𒈬𒍝𒈲 𒃻𒇲 𒀭𒄬𒁲𒀀 𒀭𒋗 𒅖𒈨𒈠 𒄿𒈾 𒋗𒅀 𒊏𒈠𒉌𒋙 𒀸 𒄈 𒀭𒁇 𒈨𒁉𒋙 𒈾𒄫𒋫𒋙 𒌑𒋗𒋾 | |
𒌋𒅗 𒆳𒌨𒅈𒁲 𒀀𒈾 𒉻 𒁶𒊑𒃻 𒆠𒅆𒌨𒇻𒌑 𒌑𒉺𒅁𒅆 𒌦𒎌 𒀀𒅆𒅁 𒊮𒁉𒃻 𒂊𒈨𒁕 𒋛𒂍𒌅 𒅇 𒈲𒄩 𒁹𒋻𒄷𒈾𒍣 | |
𒌷𒈨𒀖𒁕𒀀𒀀 𒌅𒄣𒌦𒌅 𒄴𒋗𒄴𒈠 𒀀𒁲𒂊 𒀭𒎌 𒃲𒎌 𒂊𒁍𒊌𒈠 𒅅𒆷𒀀 𒋫𒈥𒆪 𒀸 𒊌𒃰 𒊮𒅀 𒌷𒈨𒀖𒁺 | |
| 80 | 𒌷 𒈗𒋾𒋙 𒀀𒁲 𒌷𒎌 𒊭 𒇷𒈪𒋾𒋙 𒋼𒀀𒉺𒎙 𒄴𒉿 𒃻𒀀𒋙 𒀀𒁲 𒁮𒋙 𒌉𒎌𒋙 𒌉𒊩𒎌𒋙 𒉌𒈲𒋾 𒂍𒃲𒋙 𒈠𒆷 𒁀𒋗𒌑 |
𒀉𒋾 𒐊 𒅆 𒊩𒆳 𒇽𒄣𒊏𒁲𒋙 𒌌𒌅 𒆠𒆗 𒌷𒇯𒂵𒆸𒈨 𒌷 𒆗𒉡𒋾𒋙 𒌑𒊺𒍝𒀾𒋳𒈠 𒊩𒆷𒋾𒅖 𒄠𒉡𒋗 | |
𒌷𒇯𒂵𒆸𒈨 𒀀𒈾 𒌍𒋗𒋾 𒊍𒁁 𒇽𒋢𒋼𒂊 𒍝𒀊 𒄑𒉼 𒆳𒋾 𒋗𒅀𒅀 𒆳𒄰𒈠𒉡 𒀀𒈾 𒋛𒆟𒋾𒋙 𒌑𒃻𒊍𒂍𒈠 𒌑𒊐𒉿𒃻 𒆠𒋩𒊑 | |
𒆳 𒋗𒀀𒌅 𒀸 𒋗𒅀 𒇽𒋗𒌓 𒊕𒅀 𒄠𒉡𒈠 𒅋𒆪 𒁾𒋝𒆪 𒆠𒄿 𒊭 𒁹𒆲𒍣𒈾𒉡 𒈗 𒈤𒊑 𒌑𒆥 𒌋𒅗𒋙 𒁹𒋻𒄷𒆷𒊏 𒆳𒃵𒄖𒈠𒀀𒀀 | |
𒊭 𒁹𒄷𒄭𒊑𒈝 𒌉𒍑𒋙 𒄿𒈾 𒄑𒆪 𒌑𒊏𒊍𒋛𒁍𒋗𒈠 𒁀𒈝 𒉈𒈨𒅀 𒄿𒈾 𒄑𒄖𒍝𒋙 𒌑𒅆𒁍𒈠 𒌑𒈠𒀪𒊒 𒆳𒋢 𒄿𒈾 𒋗𒄷𒌓 𒊮𒁉𒅀 | |
| 85 | 𒀉𒋾 𒄑𒇀 𒄊𒅀𒅀 𒌋 𒀲𒁁𒄬𒅆𒅀 𒊭 𒀀𒊬 𒊩𒈨 𒀉𒅀𒀀𒀀 𒆷 𒅁𒌓𒆪𒌑 |
𒀀𒈾 𒌷𒈥𒋡𒋛 𒄭𒀉𒈬𒁹 𒀠𒌨 𒁹𒄷𒄭𒊑𒇻 𒌉𒍑𒋙 𒀀𒁲 𒁶𒋾 𒆳𒂍𒁹𒉺𒀪𒀠𒆷 | |
𒂷 𒁀𒋗𒌑 𒀉𒋾 𒆬𒄀 𒆬𒌓 𒃻𒋗 𒂍𒃲𒋙 𒊭 𒉌𒁀 𒆷 𒄿𒋗𒌑 𒊩𒆷𒋾𒅖 𒄠𒉡𒋙 | |
𒌦𒎌 𒆳𒃵𒄖𒈨 𒀀𒈾 𒉻 𒁶𒊑𒃻 𒀀𒈾 𒌍𒋗𒋾 𒀀𒋩 𒇽𒋗𒌓 𒊕𒅀 | |
𒇽𒂗𒉆 𒌋𒅗𒋙𒉡 𒀾𒆲𒈠 𒀉𒋾 𒌦𒎌 𒆳 𒀸𒋩𒆠 𒄠𒉡𒋙𒉡𒋾 | |
| 90 | 𒁹𒀀𒍪𒊑 𒈗 𒌷𒊍𒁺𒁲 𒀀𒈾 𒆷 𒈾𒊺𒂊 𒉈𒋾 |
𒊮𒋗 𒅅𒁍𒌓𒈠 𒀀𒈾 𒈗𒎌𒉌 𒇷𒈨𒋾𒋗 | |
𒍣𒊏𒀀𒋾 𒆳 𒀸𒋩𒆠 𒅖𒁓 𒀾𒋗 𒅆𒌨𒌈 𒂊𒁍𒋗 | |
𒌋𒅗 𒌦𒎌 𒈠𒋾𒋗 𒁁𒂁𒋢 𒌑𒅘𒄫 | |
𒁹𒀀𒄭𒈪𒋾 𒋀 𒋫𒅆𒋗 𒀀𒈾 𒈗𒋾 𒌋𒅗𒋙𒉡 𒀾𒆲𒈠 | |
| 95 | 𒇽𒄩𒀜𒋼 𒁕𒁉𒅁 𒍝𒈜𒋾 𒁁𒂁𒋢 𒄿𒍣𒊒𒈠 𒁹𒅀𒈠𒉌 𒆷 𒂗 𒄑𒄖𒍝 |
𒃻 𒆠𒈠 𒃻𒀀𒋙𒉡𒈠 𒉺𒌓 𒁁𒇻𒋾 𒆷 𒄿𒁺𒌑 𒌑𒊐𒁍𒌑 𒌋𒅗𒋙𒌦 | |
𒄿𒈾 𒋗𒄷𒌓 𒈜𒁉𒅀 𒄀𒄫 𒂟𒄭𒀀𒅀 | |
𒌌 𒌑𒈜𒆟𒈠 𒌌 𒀝𒍮𒊏 𒅗𒊏𒅆 | |
𒀉𒋾 𒇽𒄣𒊏𒁲𒅀 𒃻 𒀀𒊬 𒊓𒀠𒈨 | |
| 100 | 𒀉𒅀𒀀𒀀 𒆷 𒅁𒌓𒆪𒌑 𒀀𒈾 𒌷𒊍𒁺𒁲 |
𒀠𒌨𒈠 𒅇 𒋗𒌑 𒁹𒅀𒈠𒉌 𒀀𒋃 𒄫𒊑𒅀 | |
𒊒𒆧 𒅖𒈨𒈠 𒀀𒈾 𒄿𒋼𒂊 𒆳𒈬𒍮𒊑 | |
𒊭 𒉺𒀜 𒆳𒈨𒈛𒄩 𒅔𒈾𒂍𒈠 𒆷 𒅔𒈾𒂇 | |
𒀀𒊬𒋙 𒌷𒊍𒁺𒁺 𒌷𒄀𒅎𒌅 𒌷𒊍𒁺𒁲𒅎𒈬 | |
| 105 | 𒀠𒈨 𒀝𒋤 𒀭𒎌𒋙 𒁮𒋢 𒌉𒎌𒋙 𒌉𒊩𒎌𒋙 |
𒃻𒋗 𒃻𒂵 𒉌𒈲𒋾 𒂍𒃲𒋙 𒀉𒋾 𒌦𒎌 𒆳𒋙 | |
𒀀𒈾 𒊩𒆷𒋾 𒄠𒉡 𒌷𒎌 𒋗𒀀𒌅𒉡 𒀀𒈾 𒌍𒋗𒋾 | |
𒊍𒁁 𒌦𒎌 𒆳𒆳𒎌 𒆠𒋃𒋾 𒋡𒋾𒅀 | |
𒊭 𒆠𒆗 XXX𒉌𒉿𒄴 𒀭𒌓𒅆 𒀸 𒊮𒁉 𒌑𒊺𒈨𒈠 𒇽𒋗𒌓 𒊕𒅀 𒇽𒂗𒉆 𒌋𒅗𒋙𒉡 𒀾𒆲 𒀉𒋾 𒌦𒎌 𒆳 𒀸𒋩𒆠 𒄠𒉡𒋙𒉡𒋾𒈠 𒄿𒋗𒂅 𒀊𒃻𒉌 𒈗 𒆳𒈨𒈛𒄩 | |
| 110 | 𒊭 𒄿𒈾 𒆠𒆗 𒈝 XX𒆳𒌑𒊑𒄑𒍪 𒀀𒊬 𒆷 𒀪𒀀𒊑 𒌑𒊒𒄴 XXXXXXXXX𒋢 𒊭 𒌌𒌅 𒌓𒎌 𒊒𒄣𒋾 𒀀𒁲 𒄿𒀭𒋀𒆠 𒀜𒎌𒋙 𒀀𒈾 𒈗𒎌𒉌 𒀜𒎌𒅀 |
𒊩𒁍𒋙𒌦 𒆷 𒅖𒁍𒊒 𒀀𒈾 𒃻𒀪𒀠 𒂄𒈨𒋙𒌦 𒁕𒈾𒀭 𒀭𒀸𒋩 𒀭𒀝 𒀭𒀫𒌓 𒀀𒈾 𒊒𒆥 𒅖𒈨𒈠 𒇧𒄭 𒈨𒇴𒈨 𒈗𒋾𒅀 𒅅𒌅𒈬𒋗𒈠 𒀉𒋫𒁉𒅅𒋙 𒄩𒀜𒌓 | |
𒄿𒈾 𒍢𒄑𒍢 𒅇 𒄑𒋡𒋾 𒁉𒊑𒌓 𒀭𒁇 𒀉𒁲𒋳𒈠 𒀀𒈾 𒆠𒆗 𒆳 𒀸𒋩𒆠 𒄯𒊏𒉌 𒊒𒊌𒋾 𒀀𒁲 𒈤𒊑𒅀 𒌒𒇻𒉌 𒁹𒄷𒄭𒊑𒈝 𒇽𒉈𒈬𒄩𒀀𒀀 𒇽𒉺𒌅𒌑 𒅆𒉡 𒆷 𒀀𒋛𒀀 𒍨𒊑 𒀭𒎌 𒅗𒉿𒁺 | |
𒅆𒉌𒂊𒋾 𒁕𒁉𒁍 𒍝𒈜𒋾 𒌋𒅗 𒁹𒅈𒄑𒋾 𒈗 𒆳𒌨𒅈𒁲 𒉈𒊏𒊑 𒆷 𒈬𒊺𒍣𒁉𒋙 𒀉𒋫𒆸𒈠 𒉈𒌅 𒎙𒁕𒀜𒌓 𒈾𒆗 𒆳𒋾𒋙 𒌑𒉺𒅁𒀸𒈠 𒅅𒆷𒀀 𒋫𒈥𒆪 𒄿𒈾 𒊌𒃰 𒈜𒁉𒅀 | |
𒀉𒋾 𒄑𒇀 𒄊𒅀𒅀 𒅇 𒀲𒁁𒄬𒇷𒅀 𒃻 𒀀𒊬 𒊓𒀠𒈨 𒀉𒅀𒀀𒀀 𒆷 𒅁𒌓𒆪𒌑 𒊍𒍝𒁁 𒌑𒊒𒄴𒋙 𒀀𒅗𒈬 𒄫𒊑𒅀 𒂊𒄯𒈠 𒌷𒍑𒋙 𒊻𒍢𒈠 𒆷 𒅔𒈾𒂇 𒀀𒊬𒋙 𒌷 𒋙𒀀𒌅 | |
| 115 | 𒀀𒁲 𒐕 𒌷𒎌 𒆗𒎌 𒊭 𒇷𒈨𒋾𒋙 𒀠𒈨 𒀝𒋤 𒁮𒋢 𒌉𒎌𒋙 𒌉𒊩𒎌𒋙 𒃻𒋗 𒃻𒂵 𒊩𒈠 𒀝𒊒 𒉌𒈲𒋾 𒂍𒃲𒋙 𒀉𒋾 𒌦𒎌 𒆳𒋙 𒀾𒇻𒇴𒈠 𒆷 𒂊𒍣𒁀 𒈠𒉆𒈠 𒈾𒄖𒌑 𒋙𒀀𒌓 𒀀𒈾 𒌍𒋗𒋾 |
𒊍𒁁 𒌦𒎌 𒆳𒂍𒁹𒅀𒁺 𒆠𒋃𒋾 𒋗𒅀𒅀 𒀸 𒊮𒁉 𒌑𒊺𒈨 𒇽𒋗𒌓 𒊕𒅀 𒇽𒂗𒉆 𒌋𒅗𒋙𒉡 𒀾𒆲 𒉌𒅕 𒁁𒇻𒋾𒅀 𒌑𒆥 𒌋𒅗𒋙𒌦 𒁹 𒈨 𒐐 𒄑𒇀 𒁹 𒅆 𒐊 𒈨 𒀲𒁁𒄬𒈝 𒎙 𒅆 𒂟𒎌 𒄑𒉼 | |
𒁹 𒅆 𒈾𒀾 𒄑𒅗𒁀𒁉 𒌋 𒄑𒊍𒈠𒊑𒂊 𒄿𒈾 𒊮𒁉𒋙𒉡 𒀝𒀫𒈠 𒌑𒆳𒄀𒆷 𒉺𒉡𒍑𒋙 𒄿𒈾 𒌓𒈨 𒁹𒊑𒋫𒀀 𒈗 𒆳𒂖𒇷𒉿 𒀴 𒃶𒊺 𒃻𒁲𒀉 𒉌𒊑𒅀 𒌑𒍮𒋥 𒀀𒆗𒉌 𒅅𒋗𒁕𒀾𒋳𒈠 | |
𒅋𒇷𒅗 𒌑𒊒𒄴 𒈬𒌑𒋾 𒁹𒉌𒁉𒂊 𒁹𒅖𒉺𒁀𒀀𒊏 𒌉𒎌 𒎐𒎌𒋙 𒀀𒈾 𒀀𒉺𒅁 𒄑𒄖𒍝 𒈗𒋾𒋙 𒆳𒋢 𒂼𒌈 𒅖𒋼𒎙 𒄿𒍪𒍪𒈠 𒅁𒁍𒋙 𒋫𒄩𒍪 𒁹𒉌𒁉𒂊 𒀾𒋙 𒄙𒊑 𒄀𒅖𒇷𒋙 | |
𒌋𒅗 𒁹𒋗𒄙𒀭𒈾𒄷𒌦𒁲 𒇽𒉏𒈠𒆠𒄿 𒌨𒊑𒄩 𒌉 𒈨𒊑 𒆤𒊒 𒀉𒁷𒋗𒈠 𒅋𒇷𒅗 𒊑𒍮𒊻𒋢 𒁹𒅖𒉺𒁀𒀀𒊏 𒀀𒈾 𒄙𒊑 𒄀𒅖𒇷 𒅇 𒂊𒁲𒅕 𒈾𒄫𒋾𒋙 | |
| 120 | 𒄿𒈾 𒋢𒉿𒂊 𒅇 𒋼𒈨𒆥 𒌑𒉌𒆷𒀭𒉌𒈠 𒂊𒊕𒀭𒉌 𒆤𒊒 𒐌 𒇽𒋗𒌓 𒊕𒎌𒅀 𒀀𒁲 𒌝𒈠𒈾𒋼𒋙𒉡 𒀀𒈾 𒌉𒊑 𒄀𒅖𒇷𒋙 𒀾𒁓 𒊭 𒁹𒉌𒁉𒂊 𒀀𒁲 𒌝𒈠𒀭 𒂊𒆷𒈪𒄿 |
𒊑𒍢𒄿𒋙 𒄿𒈾 𒌷𒈥𒌑𒁉𒅖𒋾 𒅖𒆪𒉡 𒈭𒋫𒀀𒋙 𒁹𒅖𒉺𒁀𒀀𒊏 𒄿𒈾 𒄑𒄖𒍝𒋙 𒌑𒊺𒈨𒈠 𒆳𒂖𒇷𒉿 𒁕𒇷𒄴𒌓 𒌑𒋳𒆥𒈠 𒌑𒆳𒄀𒆷 𒉺𒉡𒍑𒋙 𒁹𒀭𒀫𒌓𒌉𒍑𒋧𒈾 | |
𒌉 𒁹𒅀𒁺 𒈗 𒆳𒆗𒁲 𒍣𒅕 𒉌𒅕𒋾 𒄭𒊑𒄑 𒋼𒇲 𒅆𒉌 𒆷 𒉺𒇷𒄷 𒍣𒄫 𒂗 𒂗𒂗 𒌋𒅗 𒀀𒇉𒈥𒊏𒋾 𒄖𒁍𒍑 𒂊𒁲𒄿 𒀉𒋫𒆸𒈠 𒀀𒁲𒂊 𒀭𒎌 𒃲𒎌 𒄿𒁍𒊌𒈠 𒅅𒆷𒀀 | |
𒋫𒈥𒆪 𒁹𒀭𒈝𒁀𒉌𒂵𒀾 𒇽𒉏𒈠𒆠𒌑 𒀀𒈾 𒊑𒍮𒋾 𒄑𒄯𒈠 𒄀𒂇 𒇽𒋢𒋼𒂊 𒍝𒀊 𒂔 𒀉𒋾𒅀 𒍑𒁄𒆤𒈠 𒅅𒍮𒊏 𒋫𒄩𒍪 𒅔𒎙𒉘𒈠 𒀀𒈾 𒆳 𒅴𒂠 𒌋 𒌵𒆠 | |
𒌋 𒈬𒀭𒈾𒎌 𒆠𒄿 𒆷 𒊮𒁉 𒀭𒎌 𒆍𒀭𒊏𒆠 𒌷 𒀭𒂗𒆤𒇲 𒀭𒎌 𒄿𒉈 𒅇 𒅖𒁓 𒄿𒈾 𒆠𒂍 𒀭𒀸𒋩 𒀜 𒀭𒎌 𒅇 𒂗 𒃲𒄿 𒀭𒀫𒌓 𒍑𒋼𒊺𒊏 𒍢𒅔𒁲𒅀 𒀝𒍮𒊏 𒍑𒈠𒉌 | |
| 125 | 𒀀𒈾 𒇽𒆗𒁲 𒇽𒉽 𒀝𒍢 𒀀𒆷𒆪 𒀝𒁉 𒅇 𒋗𒌑 𒁹𒀭𒈩𒀀𒋧𒈾 𒀀𒋃 𒄫𒊑𒅀 𒅖𒈨𒈠 𒉺𒌅 𒉘𒉌𒋙 𒅎𒋻𒋢𒈠 𒌌𒌅 𒆠𒆗 𒆍𒀭𒊏𒆠 𒀀𒈾 𒌷𒅅𒁉𒀭𒂗 𒆠𒈠 𒋢𒁷𒉌 |
𒅁𒉺𒊕 𒈬𒋀 𒌷𒎌𒋙 𒀸𒁍𒋼 𒅇 𒀭𒎌 𒀀𒈨 𒊮𒋙𒌦 𒆠𒄿 𒅖𒁷 𒌑𒈜𒆟𒈠 𒀀𒈾 𒌷𒂦𒁹𒅀𒁺 𒌑𒊺𒆗𒈠 𒌑𒆗𒉌𒈾 𒄫𒄭𒂊𒋙 𒇽𒃵𒁍𒈝 𒇽𒁍𒄣𒁺 𒇽𒁕𒈬𒉡 | |
𒇽𒊒𒀪𒇇𒀀 𒇽𒄭𒅔𒁕𒊒 𒅅𒋼𒉘𒈠 𒀀𒈾 𒄫𒁉𒋙 𒌑𒊺𒆗𒈠 𒌑𒃻𒊍𒊑𒄩 𒀞 𒀾𒆷𒋫𒀀𒀭 𒆷𒉺𒀭 𒂦𒋙 𒃲𒄿 𒌑𒉌𒄑𒋛𒈠 𒈫 𒈨 𒀸 𒁹𒌑 𒂼 𒄩𒊑𒍢 𒅖𒆲𒈠 | |
𒁹 𒁹 𒃻 𒌑𒉺𒅁𒉈𒈠 𒅅𒋗𒁕 𒀀𒎌 𒅘𒁉 𒁍𒌇𒌅 𒌌𒌅 𒆠𒆗 𒀀𒇉𒁍𒋥𒋾 𒅁𒌅𒋡 𒌑𒊬𒁕𒀀 𒋫𒂇𒆪 𒌑𒊩𒈝 𒌷 𒀀𒊬 𒅘𒊏𒁉 𒀀𒎌 𒌑𒂷𒇷𒈠 𒌑𒁁𒋾𒋡 | |
𒋾𒌉𒊑 𒋗𒌑 𒀀𒁲 𒊑𒍢𒋙 𒂟𒎌 𒀞𒋙 𒄿𒈾 𒁉𒈩 𒀀𒇉𒎌 𒆠𒈠 𒄷𒆪𒈪𒄿 𒆰𒋻 𒈗𒋾𒋙 𒅖𒆲𒈠 𒅅𒍮𒊏 𒍑𒈠𒀭𒋙 𒇽𒁵𒈭𒍢𒅀 𒌋𒅗 𒀀𒇉𒎌𒋙 𒀀𒊏𒎙 𒌑𒉺𒅁𒊕𒈠 | |
| 130 | 𒅖𒆪𒉡 𒈭𒋫𒀀𒋙 𒀀𒎌 𒀀𒇉𒎌𒋙 𒄿𒈾 𒍗𒎌 𒇽𒄣𒊏𒁲𒋙 𒄑𒊒𒁍 𒈾𒁀𒋛𒅖 𒇽𒋢𒋼𒂊 𒆠𒋻𒋙 𒊭 𒄿𒁕𒀀𒋙 𒄑𒄷𒊒𒈠 𒅋𒇷𒆪 𒊑𒍮𒊻𒋢 𒀀𒁲 𒇽𒈥𒃻𒈾𒀀𒀀 |
𒊍𒇷𒅖 𒌑𒅘𒆧𒈠 𒄿𒆳 𒈬𒌑𒋾 𒊍𒇻𒄩 𒋛𒀉𒋫𒀜 𒌦𒎌 𒀯𒈭𒂅 𒅇 𒋗𒌑 𒆰𒋻 𒈗𒋾𒋙 𒄑𒈿 𒆬𒄀 𒄑𒄖𒍝 𒆬𒄀 𒄑𒉌𒆳𒋾 𒆬𒄀 𒄑𒉺 𒆬𒄀 𒄑𒇀 𒆬𒌓 | |
𒄑𒃻 𒉣𒇷 𒆬𒄀 𒅇 𒋾𒅅𒉌 𒄘𒋙 𒆠𒆗 𒆠𒆘𒋙 𒂊𒍦𒈠 𒂊𒁲𒅖 𒅁𒌓𒋃𒈠 𒆠𒈠 𒋗𒊏𒉌 𒁲𒄭 𒂦𒋙 𒄑𒁁𒈠 𒂊𒊒𒁀 𒀀𒈝𒍑𒋙 𒌷𒂦𒁹𒅀𒁺 𒀠𒈨 𒀝𒋤 | |
𒃻𒀀𒋙 𒀀𒁲 𒁮𒋙 𒌉𒎌𒋙 𒌉𒊩𒎌𒋙 𒆬𒄀 𒆬𒌓 𒃻𒋗 𒃻𒂵 𒉌𒈲𒋾 𒂍𒃲𒋙 𒈠𒆷 𒁀𒋗𒌑 𒀉𒋾 𒊩𒆳 𒌷𒋙 𒅗𒂍𒋾 𒅇 𒀯𒈭𒂅 𒋛𒀉𒋫𒀜 𒌦𒎌𒋙 𒊭 𒆷𒉺𒀭 𒄑𒆪𒎌𒅀 𒅁𒌓𒋃𒁺 | |
𒆠𒄿 𒅖𒁷 𒌑𒌁𒉘𒈠 𒀀𒈾 𒊩𒆷𒋾 𒄠𒉡𒋙𒉡𒋾 𒌷𒂦𒁹𒅀𒁺 𒌷 𒆗𒉡𒋾𒋙 𒀸 𒀭𒄑𒁇 𒀝𒈬 𒄫𒄭𒋙 𒍠𒊒𒋼 𒀊𒇧 𒀝𒄥 𒋼𒈨𒂗𒋙 𒊍𒋢𒄩 𒆠𒈠 𒇯 𒀀𒁍𒁉 𒌑𒊺𒈨𒋙 𒌉𒎌 𒌓𒄒𒉣𒆠 𒂗𒆤𒆠 | |
| 135 | 𒆍𒀭𒊏𒆠 𒌋 𒁈𒉺𒇻𒆠 𒊭 𒄿𒈾 𒆷 𒀭𒉌𒋙𒉡 𒄿𒈾 𒄫𒁉𒋙 𒅗𒈬𒌑 𒍢𒂍𒋫𒋙𒉡 𒀀𒁍𒌓𒈠 𒌑𒆗𒅆𒋙𒉡𒋾 𒉡𒊒 𒀀𒊮𒎌𒋙𒉡 𒊭 𒌌𒌅 𒌓𒈨 𒌌𒇻𒋾 𒄿𒈾 𒄿𒅆𒋾 𒈠𒀀𒋾 𒇽𒋢𒋾𒄿 |
𒂊𒆠𒈬𒌑𒈠 𒊏𒈠𒉡𒍑𒋙𒌦 𒌑𒌁𒊒 𒇽𒋢𒋾𒄿 𒂟𒎌 𒂔 𒄿𒈾 𒄑𒆪 𒌑𒌑𒆤 𒆠𒋩𒊑𒋙𒉡 𒈠𒋗𒌑𒋾 𒊭 𒀸 𒁲𒇷𒄴 𒆳 𒅁𒁁𒇻 𒌑𒆳𒄀𒆷 𒉺𒉡𒍑𒋙𒌦 𒊭 𒋀𒀕𒆠 𒀕𒆠 𒉣𒆠 | |
𒌓𒀕𒆠 𒆰𒀕𒆠 𒆠𒋝𒆠 𒌷𒉌𒁁𒀭𒆷𒄖𒁕 𒀾𒆪𒈾 𒀭𒁺𒊏𒅈𒋙𒌦 𒅇 𒀭𒎌𒋙𒉡 𒊩𒇻𒋾 𒀀𒈾 𒈠𒄩𒍣𒋙𒉡 𒌑𒌁𒈠 𒆳𒌇𒆠𒋙𒉡 𒁀𒀜𒇻𒌑𒋾 𒌑𒌁 𒀾𒊒𒍑𒋙𒌦 𒆳𒂍𒁹𒅀𒁺 | |
𒂊𒇺 𒌋 𒉺𒅁𒇺 𒀀𒁲 𒌷𒊓𒄠𒀪𒌑𒈾 𒌷𒆍𒂦 𒌷𒂦𒀭𒋼𒇷𒁴 𒌷𒁍𒁉𒂊 𒌷𒇯𒀭𒈝𒁀 𒊭 𒈪𒈲 𒆳𒉏𒈠𒆠 𒁁𒄩𒊕 𒀀𒉈𒈠 𒌦𒎌 𒆳𒉈𒈬𒄭 𒊭 𒆠𒆗 𒆳𒉺𒋾 𒊭 𒀸 𒌅𒆰𒋾 | |
𒀭𒎌 𒃲𒎌 𒂗𒎌𒅀 𒅅𒋗𒁕 𒋗𒅀𒀀𒀀 𒆠𒆗𒋙 𒌑𒊬𒈨𒈠 𒌑𒊺𒅆𒁀 𒉌𒁺𒊻𒋢 𒌋𒅗 𒈪𒈲 𒆳𒉏𒈠𒆠 𒀸 𒌷𒊓𒀝𒁁 𒁹𒀭𒀝𒅆𒂟𒀭𒎌 𒀀𒈾 𒊒𒊒𒊻 𒄊𒅀 𒇽𒉽 𒆳𒉏𒈠𒆠𒄿 𒌑𒊬𒆧 𒌷𒄵𒌓 | |
| 140 | 𒆳 𒋗𒀀𒌅 𒂷𒈠𒇺 𒀀𒍪𒊻𒈠 𒀸 𒋗𒅀 𒇽𒋗𒌓 𒊕𒅀 𒇽𒃻𒆳 𒆍𒀭𒊏𒆠 𒅇 𒇽𒋗𒌓 𒊕𒅀 𒇽𒃻𒆳 𒇽𒃵𒁍𒇷 𒄠𒉡 𒀀𒈾 𒆍𒀭𒊏𒆠 𒈠𒄩𒍣 𒀭𒂗𒆤𒇲 𒀭𒎌 𒄿𒈾 𒂊𒇷𒄑 𒈜𒁉 |
𒉡𒌝𒄯 𒉺𒉌 𒄩𒁹 𒂊𒊒𒌝𒈠 𒋗𒅀 𒂗 𒃲𒄿 𒀭𒀫𒌓 𒊍𒁁𒈠 𒌑𒊩𒇷𒈠 𒌑𒊒𒄴 𒂍 𒀉𒆠𒋾 𒁹 𒈨 𒐐 𒄘𒌦 𒎙 𒈠𒈾 𒌋 𒂆 𒆬𒄀 𒍽𒋗𒌑 𒁹 𒅆 𒐋 𒈨 𒐉 𒄘𒌦 𒎙 𒈠𒈾 𒆬𒌓 𒅁𒁍 𒍏𒄭𒀀 | |
𒌓𒉣𒆷 𒊭 𒉌𒁀 𒆷 𒄿𒋗𒌑 𒎎𒅗 𒎎𒍝𒆳 𒎎𒌓𒀸 𒎎𒀸𒐕𒐕 𒎎𒌋𒅗𒀸𒐕𒐕 𒁲𒄀𒇷 𒎎𒌓𒀸 𒎎𒈲𒄈 𒀀𒈾 𒈬𒀪𒁲𒂊 𒋠𒋫𒆸𒌓 𒋠𒅈𒂵𒎙𒉡 𒇻𒇧𒋾 𒄵𒈨 𒅇 𒌆𒃰 𒄑𒌆 | |
𒄑𒂞 𒄑𒋩𒎙 𒅗𒆷 𒊑𒅅𒆠 𒁉𒅁𒆳 𒆳𒄩𒈠𒀀𒉌 𒊭 𒂊𒊑𒋢𒌦 𒁕𒀀𒁍 𒀀𒈾 𒀭𒂗 𒀭𒇡𒉺𒉌𒌈 𒀭𒀝 𒀭𒌨𒈨𒌈 𒅇 𒀭𒎌 𒀀𒅆𒁍𒌓 𒈠𒄩𒍣 𒆳 𒋗𒈨𒊑 𒅇 𒌵𒆠 | |
𒌌𒌅 𒊕 𒈗𒋾𒅀 𒀀𒁲 𒈬𒐈𒆚 𒌑𒋡𒄿𒃻 𒆠𒃻𒀀𒋾 𒁹𒌑𒉿𒂊𒊑 𒈗 𒀸𒁵𒆠 𒊭 𒌍 𒆜𒁍 𒀸 X 𒌓𒁴 𒉌𒉿𒄴 𒀭𒌓𒅆 𒆠𒈠 𒉡𒌑𒉌 𒋃𒆪𒉡 𒈜𒁀𒍮 | |
| 145 | 𒁕𒈾𒀭 𒀭𒀸𒋩 𒀭𒀝 𒀭𒀫𒌓 𒅖𒈨𒈠 𒌑𒃻𒁉𒆷 𒆑𒊏𒋗 𒅇 𒐌 𒈗𒎌𒉌 𒊭 𒆳𒅀𒀪 𒈾𒄀𒄿 𒊭 𒆳𒅀𒀜𒈾𒈾 |
𒊭 𒈠𒋃 𒐌 𒌓𒈨 𒄿𒈾 X 𒌓𒁴 𒂊𒆗 𒀭𒌓𒅆 𒋃𒆪𒉡𒈠 𒉌𒄑𒊓𒀜 𒋗𒁁𒋢𒌦 𒊭 𒌌𒌅 𒌓𒈨 𒊒𒄣𒋾 𒀀𒁲 𒄿𒀭𒋀𒆠 | |
𒀀𒈾 𒈗𒎌𒉌 𒀜𒎌𒅀 𒊭 𒆳 𒀸𒋩𒆠 𒌋 𒆳𒋼𒀀𒀭𒁺𒉌𒀾 𒈠𒉆𒈠 𒆷 𒅖𒈬𒌑 𒍣𒄫 𒆳𒋙𒌦 𒅁𒋃 𒄿𒈾 𒆠𒆗 𒆳𒆗𒁲 𒌋 𒆳𒉺𒋾 | |
𒂊𒁳𒁍𒋗 𒄿𒈾 X 𒌓𒁴 𒊒𒆧 𒅖𒈬𒈠 𒈜𒁍𒋙𒌦 𒀉𒊒𒆪𒈠 𒅎𒋻𒋢𒉡𒋾 𒉺𒌅 𒆬𒄀 𒆬𒌓 𒌑𒉡𒌓 𒄑𒆗 𒄑𒌆 𒉌𒄫𒋾 | |
𒆳𒋙𒌦 𒀀𒈾 𒆠𒆗 𒆍𒀭𒊏𒆠 𒀀𒁲 𒈤𒊑𒅀 𒌑𒁉𒇻𒉏𒈠 𒌑𒈾𒀾𒅆𒄣 𒄊𒅀𒅀 𒀀𒁲 𒀀𒈾𒆪 𒋰𒁲𒂊 𒆳𒂍𒁹𒅀𒁺 𒅇 𒈾𒃮 | |
| 150 | 𒇽𒀀𒊑𒈨 𒀀𒊕𒅗𒉡𒈠 𒌋𒅗 𒆳𒅀𒀜𒁍𒊑 𒊭 𒄿𒋼𒂊 𒆳𒉏𒈠𒆠 𒌑𒌑𒊏𒊒 𒄑𒆪𒎌𒅀 𒇽𒋗𒌓 𒊕𒅀 𒇽𒃻𒆳 𒆳𒄣𒂊 𒊭 𒁹𒈪𒋫𒀀 |
𒆳𒈬𒊻𒅗𒀀𒀀 𒀀𒁲 𒐈𒋙 𒀸 𒈾𒄀𒋙 𒅆𒅋𒁍 𒅋𒌨𒈠 𒌷𒎌𒉌𒋙 𒅁𒇧 𒅅𒄥 𒀸 𒉈 𒅖𒊒𒌒 𒊩𒆷𒋢𒉡 𒅗𒂍𒌅 𒅖𒇻𒇴 | |
𒅇 𒋗𒌑 𒁹𒈪𒋫𒀀 𒆳𒈬𒊻𒅗𒀀𒀀 𒊭 𒀀𒈾 𒈗𒎌𒉌 𒀀𒌨 𒉺𒉌𒅀 𒆷 𒅅𒉡𒋗𒈠 𒆷 𒌑𒃻𒀭𒉡𒌑 𒉈𒂗𒋙 𒇽𒀀 𒆥𒋙 𒊭 𒂊𒄫 | |
𒅈𒁺𒋾 𒅇 𒈾𒊺𒂊 𒉈𒋾 𒅆𒁲𒂊 𒀀𒈾 𒌓𒁴 𒊭 𒍢𒀉 𒀭𒌓𒅆 𒀀𒁲 𒈤𒊑𒅀 𒅖𒁍𒊏 𒄿𒈾 𒌓𒈨𒋗𒈠 𒄿𒈾 𒌦𒎌 𒆳𒎌 | |
𒆠𒋃𒋾 𒋗𒅀𒅀 𒊭 𒀭𒀸𒋩 𒀭𒀝 𒀭𒀫𒌓 𒀀𒈾 𒄊𒅀𒅀 𒌑𒊕𒉌𒋗𒈠 𒄿𒋗𒂅 𒀊𒃻𒉌 𒀸 𒄊𒅀 𒆳𒈬𒊻𒊑 𒂊𒇷𒈾 𒀏𒆠 | |
| 155 | 𒆠𒄿 𒉈𒅎 𒀭𒈠 𒄿𒈾 𒁉𒉈 𒊮𒁉𒅀 𒌷 𒆕𒍑𒈠 𒌷𒂦𒁹𒎙𒁺 𒊍𒆪𒊏 𒉌𒂍𒋢 𒀭𒂍𒀀 𒀭𒌍 𒀭𒌓 𒀭𒀝 𒀭𒅎 |
𒀭𒎏𒅁 𒅇 𒄭𒊏𒋾𒋙𒉡 𒊏𒁀𒀀𒋾 𒊭 𒄿𒈾 𒆠𒆗 𒂍𒄯𒊕𒃲𒆳𒆳𒊏 𒆳 𒀀𒊏𒀠𒇷 𒆠𒎙 𒀪𒀠𒁺 𒌍𒊑𒋾 𒉆𒊏𒀀𒋾 | |
𒆹𒆠 𒅘𒇻𒋾 𒀸 𒆠𒆗 𒌷𒂦𒁹𒎙𒁺 𒁕𒄫 𒅕𒈬𒌑 𒆳𒌇𒆠 𒆷 𒈜𒁀𒀀𒋼 𒄑𒄣𒋙𒌦 𒌑𒆥𒈾 𒇽𒉡𒀊𒎌 𒇽𒉘𒆠 𒇽𒋩𒈤𒄭 | |
𒋗𒌓 𒀉𒄷𒍪 𒎏𒁕𒀭𒋙𒌦 𒆷𒅂 𒉿𒊕𒋾 𒀭𒁺𒁀𒎌 𒈾𒀜𒁍𒋾 𒈠𒄯𒋗𒌦 𒌌𒁁 𒂍𒃲 𒅗 𒄠𒋛 𒄑𒆗 𒄑𒌆 𒄑𒈬𒆹𒃶𒉌 𒄑𒂞 𒄑𒋩𒎙 | |
𒄑𒁾𒊏𒉌 𒄑𒇷 𒅇 𒄑𒁍𒌓𒉌 𒂍𒃲𒃮𒊑𒉡𒌇𒀀 𒀀𒈾 𒈬𒉺𒅁 𒁁𒇻𒋾𒅀 𒄫𒁍𒍑𒋙 𒀊𒉌𒈠 𒂊𒇷 𒈬𒊬𒊑𒂊 𒆬𒄀 𒆬𒌓 𒎎𒍝𒆳 𒎎𒀸𒉿𒂊 | |
| 160 | 𒎎𒉺𒊒𒌈 𒍏𒎌 𒀭𒈾 𒀭𒁇 𒀀𒁈 𒅇 𒄭𒄫𒋾 𒋆𒎌 𒍑𒅆𒊿 𒀜𒁲𒈠 𒇷𒂍𒋫𒊿 𒌑𒆥𒈾 𒄑𒃡𒎌 𒄑𒌷𒅆 𒃲𒎌 𒂊𒇷𒊿 𒌑𒆳𒊑𒍝 |
𒄑𒅅𒎌 𒄑𒋩𒎙 𒄑𒈬𒆹𒃶𒉌 𒈨𒋛𒅕 𒍏 𒉆𒊑 𒌑𒊩𒆧𒈠 𒌑𒋥𒋫𒀀 𒉌𒆗𒊿 𒂍 𒀊𒉺𒀀𒋾 𒌓𒋻 𒂍𒃲 𒆳𒉺𒋾 𒊭 𒄿𒈾 𒇷𒃻𒀭 𒆳 𒈥𒌅𒆠 | |
𒂍 𒄭𒆷𒀭𒉌 𒄿𒃻𒊍𒋢𒋙 𒌑𒊺𒉿𒃻 𒈪𒄴𒈩 𒁀𒁉𒊿 𒐍 𒌨𒈤𒎌 𒌅𒀪𒀀𒈨 𒋗𒌓 𒁹 𒊹 𒐕𒌋 𒐋 𒍑 𒐐𒋫𒀀𒀭 𒄘𒌦 𒂷𒋳𒋾 𒍏 𒉆𒊑 | |
𒊭 𒀸 𒅆𒌓 𒀭𒎏𒀉𒃲 𒅁𒉻𒄣𒌑𒈠 𒈠𒇻𒌑 𒉆𒊑𒊑 𒐉 𒄑𒁴𒈨 𒄑𒌷𒅆 𒋗𒋫𒄷𒋾 𒊭 𒁹 𒃻𒋫𒀀𒀭 𒆪𒁓𒋙𒌦 𒁉𒅁𒆳 𒆳𒄩𒈠𒉌 𒌋𒅗 𒊊𒃲𒂊 | |
𒌑𒆥𒈠 𒄑𒋰𒉿 𒆪𒈜 𒆍𒎌𒊿 𒂊𒅂 𒇻𒎌 𒆳𒁲 𒀭𒆗 𒈤𒎌 𒊭 𒎎 𒆳𒄿 𒌍𒆠 𒅘𒇺 𒀊𒉌𒈠 𒀀𒈾 𒅕𒂍𒋾 𒃻𒀀𒊑 𒌑𒃻𒊍𒁉𒋫 𒋛𒃻𒊿 𒊍𒈬 | |
| 165 | 𒊍𒁺𒉿 𒎎𒉿𒄿𒇷 𒃲𒎌 𒁕𒄉𒈨 𒆠𒋃𒋾 𒋗𒅀𒅀 𒍢𒊒𒍑𒅆𒅔 𒀊𒋆𒈠 𒀀𒋩𒅆𒅔 𒌑𒃻𒊍𒄭𒊏 𒀀𒈾 𒋰𒊏𒀀𒋾 𒌑𒃻𒌨 𒁕𒄉𒈨 𒈠𒋾𒆗 |
𒊭 𒌌𒌅 𒍢𒌨 𒀀𒁲 𒋻𒆷𒀭 𒄿𒈾 𒂊𒈬𒊌 𒀭𒀸𒋩 𒂗𒅀 𒀝𒋤𒁺𒈠 𒀸 𒅆𒌓 𒇽𒃡𒊏𒆪𒋾 𒀸 𒆠𒆗 𒂍𒃲𒎌 𒃻𒋾𒈾 𒀾𒋳𒅗𒈾 𒋛𒈠𒀀𒋾 | |
𒄿𒈾 𒌗 𒊺𒈨𒂊 𒌓𒈬 𒁁𒂵𒊑 𒀭𒀸𒋩 𒀀𒁍 𒀭𒎌 𒂗 𒃲 𒀭𒎌 𒌋 𒀭𒅖𒋻𒎌 𒀀𒅆𒁍𒌓 𒆳 𒀸𒋩𒆠 𒆠𒆗𒅆𒈾 𒀝𒊑𒈠 𒆑𒊑𒂊 𒍝𒊑𒊑 𒊒𒍑𒅆𒂊 | |
𒆬𒌓 𒅁𒁉 𒅆𒁲𒂊 𒆳𒇻𒋾 𒋫𒈥𒌅 𒅗𒂍𒌅 𒃲𒅖 𒌑𒌑𒆟𒋗𒉡𒋾𒈠 𒌑𒃻𒇷𒍝 𒉡𒉺𒅈𒋙𒌦 𒄞𒈤𒄭 𒂍𒊒𒋾 𒋗𒀪𒂊 𒈠𒊒𒌑𒋾 𒆳𒄀𒄷𒎌 | |
𒊻𒌉𒄷𒎌 𒋗𒌝𒈨 𒄑𒄭𒀉 𒄩𒎌 𒌋 𒄷𒎌 𒃶𒅅 𒍪𒀊 𒊭 𒆷 𒄿𒋗𒌑 | |
| 170 | 𒈪𒁲𒋫 𒆪𒊒𒌦𒉡 𒋭𒆷𒊒 𒁉𒅁𒆳 𒆳𒎌 𒆬𒎌 𒊑𒊺𒀉 𒆳𒆳𒎌 |
𒆠𒋃𒋾 𒋗𒅀𒅀 𒊭 𒀀𒈾 𒅖𒆠 𒈗𒋾𒅀 𒊻𒍢𒁀 𒍝𒊒𒌑 𒀭𒎌 | |
𒀭𒀸𒋩 𒀉𒋾 𒉌𒅅 𒊮𒅆𒃸𒂊 𒅁𒁍𒋾 𒍣𒄿𒁉 𒂖𒇻𒋾 𒋻𒆸𒉌 | |
𒋩𒊒𒄭 𒌓𒆥𒋾 𒆷 𒈜𒁀𒀀𒋾 𒈠𒄯𒋙𒌦 𒀝𒆠 𒀾𒋙 𒃻𒁕𒁍 𒈾𒄫𒋾 | |
𒌓𒎌 𒋤𒎌 𒈾𒁕𒉏𒈠 𒅇 𒆲𒉡 𒁄𒅀 𒈾𒀪𒁲𒅖 𒀝𒈨𒊓 | |
| 175 | 𒌓𒎏 𒈠𒄯𒋗 𒆳 𒃲𒌑 𒀭𒂗𒆤 𒂗 𒆳𒎌 𒀀𒈨 𒂍𒄯𒊕𒃲𒆳𒆳𒊏 |
𒀭𒎌 𒅇 𒀭𒅖𒋻𒎌 𒀀𒅆𒁍𒋾 𒆳 𒀸𒋩𒆠 𒄿𒈾 𒌓𒄀𒋾 | |
𒅇 𒍝𒈥 𒋳𒉌𒂊 𒄿𒌅𒊒 𒌷𒍑𒋙𒌦 𒀉𒋾 𒂷𒆠 𒈠𒋾𒆗 | |
𒇽𒂗 𒉺𒄩𒋾 𒆳𒅀 𒀝𒇷 𒃻𒉿𒊑 𒉣𒎌 𒇽𒋗𒌓 𒊕𒎌 | |
𒅇 𒇽𒀊𒁀𒎌 𒆳 𒀸𒋩𒆠 𒀸 𒆠𒆗 𒂍𒃲𒅀 𒌑𒈨𒈠 𒀾𒋫𒃶 𒉌𒄖𒌓 | |
| 180 | 𒆬𒄀 𒆬𒌓 𒌑𒉡𒌓 𒆬𒄀 𒆬𒌓 𒎎 𒀀𒃼𒌈 𒍏 𒌓𒉣𒈝 |
𒌑𒉡𒌓 𒍏 𒌓𒉣𒈝 𒆗 𒋆𒎌 𒉌 𒄭𒂵 𒇻𒇧𒋾 𒄵𒈨 𒅇 𒌆𒃰 | |
𒋠𒋫𒆸𒌓 𒋠𒅈𒂵𒎙𒉡 𒋢 𒄠𒋛 𒅗 𒄠𒋛 | |
𒄖𒄴𒈝 𒄑𒆗 𒄑𒌆 𒀲𒆳𒊏𒎌 𒆳𒈬𒍮𒊑 | |
𒍢𒁁𒋾 𒉌𒄿𒊑 𒊏𒁍𒋾 𒀲𒋙𒀯𒎌 𒀲𒎌 | |
| 185 | 𒀲𒃵𒂷𒎌 𒄞𒎌 𒅇 𒇇𒇻𒄭𒀀 𒎙𒁕𒀜𒋫𒋙𒉡 𒅗𒂍𒌅 |
𒄠𒄯 𒌷 𒄿𒌅𒌓 𒆪𒌦 𒈜𒁉𒅀 𒌋 𒂍𒃲 𒃻𒀀𒌅 | |
𒀭𒀸𒋩 𒀜 𒀭𒎌 𒄿𒈾 𒉡𒌝𒄯 𒁍𒉌𒋙 𒆬𒎌 | |
𒆠𒎙 𒈜𒉺𒇺𒈠 𒀀𒈾 𒌓𒎌 𒊒𒄣𒋾 𒌓𒁺𒋢𒌦 𒀖𒌨𒃼 | |
𒄿𒈾 𒉿𒄿𒋙 𒆬 𒇺𒃻𒆥𒈠 𒀭𒆘 𒈾𒍢𒊒 𒀭 𒈬𒊩𒇷𒈬 | |
| 190 | 𒅎𒈬 𒌋 𒈬𒃻 𒆠𒆗𒋙𒌦 𒇺𒋰𒊒𒈠 𒀀𒀀 𒅁𒌓𒆪𒌑 𒄿𒁕𒋙𒌦 |
𒆠𒁉𒆪𒋗 𒂷𒆪 𒁀𒉡𒋙𒌦 𒅆𒁍𒋫 𒇸𒌨 𒌨𒋗𒌓 𒀖𒌅𒌅 | |
𒀀𒈾 𒌓𒈪 𒁕𒊒𒌑𒋾 𒇷𒁓 𒂊𒉿𒋢𒌦 𒀸 𒉺𒅁𒋾𒋗 | |
𒂖𒇷𒁴 𒇷𒍝𒀀 𒀀𒅆𒅁 𒈜𒁉𒋙𒌦 𒀸 𒂅𒌒 𒍜𒎌 | |
𒉡𒊌 𒊮𒁉 𒅇 𒈾𒈥 𒅗𒁁𒋾 𒆠𒆗𒋙𒌦 𒇷𒃻𒇷𒆷 𒇺𒁀𒀀 𒁍𒀪𒀀𒊑 |