Harran Stele ex. 02 (Nabonidus 47, ex. 02) [Nabonidus][via ribo/sources]

i-piš-ti ^d30 GAL-ti šá DINGIR.MEŠ ù ^d15 ma-am-ma-an

NU ZU-šú šá ul-tu u₄-mu ru-qu-tu a-na ma-a-tu

la tu-ri-du u UN.MEŠ KUR <la> ip-pal-su-ma

ina ṭup-pi la iš-ṭu-ru-ma la iš-tak-ka-nu

a-na u₄-mu ṣa-a-ti ^d30 EN DINGIR.MEŠ u ^d15

[...]-⸢tú⸣ šá AN-e šá ina pa-ni ^mdMUATI-[x x]

[...]-e tal-li-ku a-na-ku

[...] ⸢la⸣ i-šu-u

[...]

[...]

[...]-⸢ši⸣ MÁŠ.GI₆ ú-šab-ra-an-⸢ni⸣ [x x]

é-ḫúl-ḫúl É ^d30 šá KASKAL.II.KI ḫa-⸢an-ṭi-iš⸣

e-pu-uš KUR.KUR.MEŠ ka-la-ši-na a-na ŠU.II-ka

lu-mál-la UN.MEŠ DUMU.MEŠ TIN.TIR.KI bár-sipa.KI

NIBRU.KI úri.KI UNUG.KI larsa.KI LÚ.SANGA.MEŠ

UN.MEŠ ma-ḫa-zu KUR-URI.KI a-na DINGIR-ti-šú GAL-tú

iḫ-ṭu-ʾi-i-ma i-še-ti u ú-gal-li-lu-uʾ

la i-du-u e-ze-es-sú GAL-tú šá LUGAL DINGIR.MEŠ

^dŠEŠ.KI-ri par-ṣi-šú-nu im-šu-ʾi-i-ma

i-dab-bu-bu sur-ra-a-tú u la ki-na-a-tú

ki-ma UR.GI₇ i-ta-na-kal a-ḫa-míš di-ʾu

u su-gu-u ina lìb-bi-šú-nu ú-šab-šu-ú

ú-ṣa-ḫi-ri UN.MEŠ KUR u a-na-ku ul-tu

URU-ía TIN.TIR.KI ú-še-ri-qa-an-ni-ma

ú-ru-uḫ URU.te-ma-aʾ URU.da-da-nu

URU.ḫi-bi-ra-a URU.pa-dak-ka URU.ía-di-ḫu

u a-di URU.ía-at-ri-bu 10 MU.AN.NA.MEŠ

at-tal-lak qé-reb-šú-un a-na URU-ía TIN.TIR.KI

la e-ru-ub ina a-mat ^d30 LUGAL DINGIR.MEŠ

EN EN.EN šá DINGIR.MEŠ u ^dIŠ.TAR

a-ši-bu-tú šá AN-e ú-šal-li-mu-uʾ

qí-bit ^d30 ^dŠEŠ.KI-ri ^dUTU ^d15

^dIŠKUR u ^dU.GUR EN.NUN-tì šu-lum u TIN

ip-qí-du it-ti-ía ina MU.AN.NA <šá>-a-šú

<ina> ITI.BÁRA u ITI.DU₆ UN.<MEŠ> KUR-URI.KI u KUR.ḫat-ti

ḫi-ṣib KUR.MEŠ u tam-tim i-leq-qu-nim-ma

ina dan-na-ti um-ma-a-tú ITI.SIG₄ ITI.ŠU

ITI.NE ITI.KIN ITI.DU₆ ina ITI.MEŠ an-nu-tú

ina kal MU.AN.NA.MEŠ an-na-a-tú a-na

la ba-ṭa-lu ina qí-bit ^d30 ^dIŠKUR

GÚ.GAL AN-e u KI-tim A.MEŠ ŠÈG

i-šaq-qí-šú-nu-tú NÍG-šú-nu u bu-šá-šú-nu

ina šu-lum ir-ru-bu-nu a-na IGI-ia

⸢ina a⸣-mat ^d30 u ^diš-tar be-let ta-ḫa-zu

[x x]-kúr-tú u su-lum-mu-u ina ba-li-šú

[x] KUR la GÁL-ú u kak-ku

[x] in-né-ep-pu-šú ŠU.II-su a-na

⸢muḫ⸣-ḫi-šú-nu ta-ap-ri-ik-ma

[x x] mi-ṣir URU.ma-da-a-a

KUR.a-ra-bi u nap-ḫar LUGAL.MEŠ na-ki-ru-tú

a-na su-lum-mu-ú u ṭu-ub-ba-a-ti

⸢i-šap⸣-pa-ru-nu a-na maḫ-ri-⸢ia UN⸣.MEŠ

⸢KUR.a-ra-bi šá GIŠ.TUKUL⸣ x x x

x x ⸢šá KUR-URI.KI⸣ x x x

⸢ḫa-ba-ti u la-qé-e šá bu-še-e⸣ [...]

⸢ina^? a-mat ^d30 ^dU.GUR⸣ [...]

⸢ú-šab⸣-[...]

[...]

[...]

[...]-⸢mu⸣ mu-šal-lim

[...]-⸢ti^?⸣

šá ú-mál-⸢lu⸣-[...]

ki-i-nim ⸢it⸣-[...]

i-na-aṣ-ṣa-ru EN.NUN-⸢tì⸣ [...]

qí-É ina pi-rik KUR-i.MEŠ né-⸢su⸣-[x]

ur-ḫu pa-rik-ti šá at-tal-la-ku

10 MU.AN.NA.MEŠ ik-šu-dam-<ma> a-dan-nu

im-lu-ú u₄-mu šá iq-bu-u LUGAL DINGIR

^dŠEŠ.KI-ri ina ITI.DU₆ UD.17.KAM

u₄-mu ^d30 im-ma-ag-gàr pi-šìr-šú

^d30 EN šá DINGIR.<MEŠ> šá ina UD.1.KAM TUKUL ^da-nim

zi-kìr-šú AN-e ta-lap-pa-tú u KI-tim

ta-ḫe-ep-pu-u ḫa-mi-im GARZA ^da-nù;

tú mu-gam-mi-ru pa-ra-aṣ ^dEN.LÍL-ú-tú

le-qu-u GARZA ^dIDIM-ú-tu

šá nap-ḫar gi-mi-ir GARZA AN-e

ina qa-ti-šú tam-ḫu ^dEN.LÍL DINGIR.MEŠ

LUGAL LUGAL.LUGAL EN EN.EN šá a-na

qí-bi-ti-šu la i-tur-ru u a-mat-su

la ta-qab-bu-u 2-šú šá pu-luḫ-ti DINGIR-ti-šú

GAL-ti AN-e u KI-tim ma-lu-ú

ki-ma zi-mi-šú AN-e u KI-tim

saḫ-pu šá la ka-a-šú man-nu mi-na-a

ip-pu-uš KUR šá lìb-bi-ka a-šab-šú

ub-lu pu-luḫ-tú DINGIR-ti-ka GAL-ti

ina lìb-bi-šú ta-šak-kan-ma a-na u₄-mu

ru-qu-tú SUḪUŠ.MEŠ-šú i-ku-un-na

KUR šá lìb-ba-ka ḫa-pu-šú ub-la pu-luḫ-ta-ku

ul-tu lìb-bi-šú ta-né-es-se-e-mu

ta-na-an-di-iš a-na u₄-mu SÙ.MEŠ

šá nap-ḫar DINGIR.MEŠ u ^d15 a-ši-bu-tú šá AN-e

i-na-aṣ-ṣa-ru ṣi-it pi-i-šú

ú-šal-la-mu qí-bit ^dŠEŠ.KI-ru

AD ba-ni-šú-un mu-gam-mir GARZA

AN-e u KI-tim šá a-bal qí-bi-ti-šú

ṣir-tú šá u₄-mi-šam-ma ina šá-ma-mu

i-qab-bu-u KUR la tan-na-an-du-u

u nu-úr ina ma-a-tú la ib-ba-šu-u

⸢DINGIR⸣.MEŠ GIM [x x]-⸢šub-bu i-na-ar-ru-ṭu⸣

^da-nun-na-ki šá la-[x x] qí-bit DINGIR-ti-šú

⸢GAL-ti⸣ šá la ⸢in-nen-nu-u⸣ x x ⸢šá-di-i⸣

⸢it-ti LÚ.ḪAL u LÚ.ENSI a-lak^?-ti⸣

ul par-sat ⸢at⸣-til-ma ina šat mu-ši MÁŠ.[x]

[x]-⸢da-at a-di⸣ a-mat ^d?x x x

[...]

[...]

x x [...]

àna šul-ma-[x] u kád-ra-a ⸢il-lu^?-u⸣ a-na ⸢IGI-ía⸣

LUGAL.MEŠ qer-bu-tú il-lu-nim-ma u-na-áš-šá-⸢qu⸣

še-pi-ía u ru-qu-tú iš-mu-u ip-la-ḫu DINGIR-ut-su

GAL-tú DINGIR.MEŠ u ^dINANNA šá ip-par-du-ma i-re-qa

is-saḫ-ru-nim-ma i-qab-bu-u ba-ni-ti ina ⸢pi-i⸣

LÚ.ḪAL iš-šá-kin UZU dum-qí-ía ina nu-uḫ-šú u ṭuḫ-du

u ḪÉ.GÁL-la UN.MEŠ-ía ina KUR-i.MEŠ né-su-tú

aš-te-ed-dam-ma ina šá-lim-ti aṣ-bat <ú>-ru-uḫ

KUR-ia a-mat DINGIR-ti-šú GAL-ti at-taṣ-ṣa-ar-mu

la e-gi la a-šit a-ḫi la ad-du u-šad-kam-ma

UN.MEŠ KUR-URI.KI u KUR.ḫat-ti ul-tu pa-aṭ

KUR.mi-ṣir tam-tim e-lit a-di tam-tim šap-lit

šá ^d30 LUGAL DINGIR u-mál-lu-u ŠU.II-u-a é-ḫúl-ḫúl

É ^d30 eš-šiš e-pu-uš u-šak-lil ši-pir-šú

ŠU.II ^d30 ^dnin-gal ^dnusku

u ^dsa-dàr-nun-na ul-tu šu-an-na

URU LUGAL-u-ti-ía a-ṣa-bat-ma ina ḫi-da-a-tú

u ri-šá-a-tú u-še-rib u-še-šib BÁRA da-ri-a-tú

ni-qu-u taš-<ri>-iḫ-tú ma-ḫar-šú-nu aq-qí-ma

u-šar-ri-ḫi kád-ra-a é-ḫúl-ḫúl reš-⸢tú⸣

u-mál-li-ma u-šá-li-iṣ lìb-bi UN.MEŠ-šú

u-šal-lim qí-bi-ti ^d30 LUGAL DINGIR EN EN

a-šib šá-ma-mu šá DINGIR šá DINGIR.MEŠ ina AN-e

zi-kir-šú šu^* (text: DI?) tuq ^dUTU šá ni-bu-šú

^dnusku ^dINANNA ^dIŠKUR u ^dU.GUR

šá u-šal-lim-uʾ qí-bit ^dŠEŠ.KI-ri šu-tuq-šú-nu

e-ma GIŠ.TUKUL.MEŠ-ía an-na-di-<iq>-ma a-na e-peš

MÈ^* IGI-ía aš-ku-un-ma a-na šul-lu-mu

qí-bit ^dŠEŠ.KI-ri man-nu at-ta

šá ^d30 a-na ⸢LUGAL⸣-u-tú

i-nam-bu-ka-mu DUMU-u-ía-a^?-ma^?

i-qab-bu-ka aš-rat ⸢^d30⸣