BM 091087 (Nabonidus 29, ex. 01) [Nabonidus][via ribo/sources]

[šu-ba-at ṭu-ub lìb-bi-šu ra-mu-ú] ⸢qé-reb-šu^?⸣

[e-li URU ù É šá-a-šu lìb-bu-uš] ⸢i-zu-uz-ma⸣

[LÚ.ERIM-man-da ú-šat-ba-am-ma É šu-a-tim ub]-⸢bi⸣-it-ma

[ú-ša-lik-šu kar-mu-tu i]-⸢na pa⸣-[le-e]-⸢a ki-i-nim⸣

[^dEN.ZU EN GAL-ú i-na] ⸢na-ra-am LUGAL-ti⸣-ia

[a-na URU ù É šá-a-šu] ⸢is-li-mu⸣ ir-šu-⸢ú ta⸣-a-a-ri

[i-na re-eš LUGAL-ú-ti]-⸢ia da-rí-ti ú-šab-ru-ʾi-in-ni šu-ut-ti⸣

[...] (traces)

[LÚ.ERIM-man-da sa-ḫi-ir-šum-ma] ⸢pu-ug-gu-lu e-mu-qa-a-šu⸣

[^dAMAR.UTU-ma i-ta-ma-a it]-⸢ti-ia um-man-ma-an-du⸣

[šá taq-bu-ú ša-a-šu KUR-šu] ⸢ù LUGAL.MEŠ a-lik i-di-šu ul i-ba-áš-ši⸣

[i-na ša-lu-ul-ti MU.AN.NA i-na] ⸢ka-šá-du ú-šat-bu-niš-šum-ma⸣

[^mku-ra-áš LUGAL KUR.an-za-an ARAD]-⸢su ṣa-aḫ-ri⸣

[i-na um-ma-ni-šu i-ṣu-tu] ⸢um-man-ma-an-du rap-šá-a-ti ú-sap-pi-iḫ⸣

[^miš-tu-me-gu LUGAL um-man-ma]-⸢an-du iṣ-bat-ma ka-mu-ut-su a-na KUR-šu il-qé⸣

[a-mat ^dEN GAL-ú ^dAMAR.UTU ù ^d]⸢EN⸣.ZU ⸢na-an-na-ri AN-e ù KI-tim⸣

[šá qí-bi-it-su-nu la in-nen-nu]-⸢ú a-na qí-bi-ti-šú-nu ṣir-ti⸣

[ap-la-aḫ ak-ku-ud na-qut]-⸢ti ar-še-e⸣-[ma]

[dul-lu-ḫu pa-nu-ú-a la e-gi] ⸢la a-še-et a-ḫa la ad-du ú-šat-ba-am-ma⸣

[um-ma-ni-ia rap]-⸢šá-a-ti ul-tu KUR.ḫa-az-za-ti⸣

[pa-aṭ KUR.mi-ṣir tam-tim e]-⸢li-ti a-bar-tu₄ ÍD.BURANUN.KI⸣

[a-di tam-tim šap-li-ti] ⸢LUGAL.MEŠ NUN.MEŠ GÌR.NÍTA.MEŠ⸣

[ù um-ma-ni-ia rap-šá-a]-⸢ti⸣ ša ⸢^dEN.ZU ^dUTU ù ^diš-tar⸣

[EN.MEŠ-e-a ia-ti] ⸢i-qí-pu-nu a-na e-pe-šu é-ḫúl-ḫúl⸣

[É ^dEN.ZU EN-ia a-lik] ⸢i-di-ia šá qé-re-eb URU.ḫar-ra-nu⸣

[šá ^mAN.ŠÁR-ba-an-IBILA LUGAL KUR-aš]-⸢šur.KI DUMU ^mAN.ŠÁR-ŠEŠ-MU LUGAL KUR-aš-šur.KI⸣

[NUN a-lik maḫ-ri-ia i-pú-šu] ⸢i-na ITI šá-al-mu⸣ [i]-⸢na u₄-mu še-mi-i⸣

[šá i-na bi-ri ú-ad-du-ni ^dUTU] ⸢ù ^dIŠKUR⸣

[i-na né-me-qu ^dé-a ù ^dasal-lú-ḫi i]-⸢na ka-kù-gál-ú-tu⸣

[i-na ši-ip-ri ^dkulla EN uš-šu] ⸢ù SIG₄.ḪI.A⸣

[i-na KÙ.BABBAR KÙ.GI NA₄ ni-siq-ti šu-qu-ru-tu ḫi-biš]-⸢ti GIŠ.TIR⸣

[ŠIM.ḪI.A GIŠ.EREN i-na ḫi-da-a-ti ù ri-šá-a-ti]

[e-li te-me-en]-⸢na šá ^mAN.ŠÁR-ba-an-IBILA LUGAL KUR-aš-šur.KI⸣

[ša te-me-en-na ^mšul]-⸢ma-an-a-šá-red⸣ DUMU ^mAN.⸢ŠÁR-na-ṣir-IBILA⸣

[i-mu-ru uš-šu]-⸢šu ad-di-ma ú-kin lib-na-at-su⸣

[i-na KAŠ GEŠTIN Ì].⸢GIŠ LÀL šal-la-ar-šu am-ḫa-aṣ-ma⸣

[ab-lu-ul ta-ra]-⸢aḫ-ḫu-uš⸣ e-li šá LUGAL ab-bé-e-a

[ép-še-ti-šu] ⸢ú⸣-dan-nin-⸢ma⸣ ú-na-ak-ki-lu ⸢ši-pí-ir-šu⸣

[É.KUR šu-a-tim] ⸢ul-tu te-me-en-<ni>-šu a-di gaba-dib-bi-šu⸣

[e-eš-ši-iš] ⸢ab-ni-ma ú-šak-lil ši-pí-ir-šu⸣

[GIŠ.ÙR GIŠ].⸢EREN⸣ ṣi-ru-⸢tu ta-ar-bi-it URU.ḫa-ma-nu⸣

ú-ša-at-ri-iṣ ṣe-ru-uš-šu GIŠ.IG.MEŠ GIŠ.EREN

⸢ša⸣ i-ri-is-si-na ṭa-a-⸢bi ú-ra-at-ta-a i-na KÁ.MEŠ-šu⸣

⸢KÙ⸣.BABBAR ù KÙ.GI É.GAR₈.MEŠ-šu ⸢ú-ša-al-bi-iš-ma⸣

⸢ú-ša⸣-an-bi-iṭ ⸢ša-aš-ša-ni-iš⸣

⸢ri-i-mu za-ḫa-le⸣-e eb-bi ⸢mu-nak-kip ga-ri-ia⸣

⸢ka-ad-ri-iš uš-zi-iz i⸣-na at-ma-ni-šu

⸢2⸣ ^dlàḫ-mu ⸢eš-ma-ru-ú sa-pi-in⸣ a-a-bi-⸢ia⸣

⸢i⸣-na KÁ ṣi-⸢it ^dUTU-ši ZAG ù GÙB⸣ [ú-šar]-⸢ši-id⸣

⸢qá⸣-at ^dEN.ZU ⸢^dnin-gal ^dnusku ù ^dsa⸣-[dàr-nun]-⸢na⸣

EN.⸢MEŠ⸣-e-a ⸢ul-tu šu-an-na.KI URU LUGAL-ú-ti-ia⸣

aṣ-⸢ba⸣-at-ma ⸢i⸣-[na ḫi]-⸢da-a-ti ù ri-šá-a-ti⸣

⸢šu-ba⸣-at ṭu-⸢ub⸣ [lìb-bi] ⸢qé-er-ba-šu ú-še-ši-ib⸣

UDU.SÍSKUR taš-⸢ri-iḫ-ti eb⸣-bi ma-ḫar-šu-nu aq-[qí]-⸢ma⸣

⸢ú⸣-šá-am-ḫi-ir kad-ra-a-⸢a é⸣-ḫúl-ḫúl re-⸢eš-ti ú⸣-[mál]-⸢li-ma⸣

⸢URU⸣.ḫar-ra-nu a-na ⸢pa-aṭ gi-im-ri-šu⸣

⸢ki⸣-ma ṣe-et ⸢ITI ú-nam-mi-ir ša-ru-ru-šu⸣

[^d]⸢EN⸣.ZU ⸢LUGAL DINGIR.MEŠ⸣ šá ⸢AN-e⸣ ù KI-⸢tim šá ul-la-nu-uš-šu⸣

⸢URU ù KUR la in-nam-du-ú la i-tur-ru áš-ru-uš-šu⸣

(traces)

SIG₅.MEŠ URU ù É šá-⸢a⸣-šu (traces) [...]

DINGIR.MEŠ a-ši-⸢bu-tu šá AN⸣-[e ù KI-tim]

li-ik-ta-ra-⸢bu É ^dEN.ZU a-bi ba⸣-[ni-šu]-⸢un⸣

ia-a-ti ^d⸢AG-NÍ.TUKU LUGAL TIN.TIR.KI mu-šak⸣-[lil É šu-a]-⸢tim⸣

^dEN.ZU LUGAL DINGIR.MEŠ šá ⸢AN⸣-e ù ⸢KI-tim i-na ni-iš i-ni-šu SIG₅.MEŠ⸣

ḫa-di-iš lip-⸢pal⸣-sa-⸢an-ni-ma ár-ḫi-šá-am-ma i⸣-[na ni-ip-ḫi ù ri-ba]

li-dam-mi-⸢iq⸣ it-ta-tu-ú-⸢a UD.MEŠ-ia li-šá-ri-ik⸣

MU.AN.NA.MEŠ-⸢ia⸣ li-šá-an-di-⸢il li-ki-in pa-lu-ú-a⸣

na-ak-ru-ti-ia ⸢lik-šu-ud za-ma-ni-ia li-šá-am-qí-it⸣

⸢li-is-pu-un⸣ ga-ri-⸢ia ^dnin-gal AMA DINGIR GAL.GAL⸣

i-na ma-⸢ḫar ^d⸣EN.ZU ⸢na-ar-mi-šu li-iq-ba-a ba-ni-ti⸣

^dUTU ù ⸢^d⸣iš-tar ⸢ṣi-it lìb-bi-šú na-am-ra⸣

a-na ^dEN.⸢ZU a-bi ba-ni-šu-un li-iq-bu-ú SIG₅⸣-[tì]

^d⸢nusku⸣ [su-uk-kal]-⸢lum ṣi-i-ri su-pe-e-a li-iš-me⸣-[e-ma]

⸢li⸣-[iṣ-ba-at] ⸢a-bu-tu mu-sa-ru-ú ši-ṭi-ir⸣ [šu-um]

⸢ša⸣ ^mAN.ŠÁR-ba-an-IBILA LUGAL KUR-aš-šur.KI a-⸢mu⸣-[ur-ma]

la ú-nak-ki-ir Ì.⸢GIŠ ap⸣-šu-uš UDU.⸢SÍSKUR⸣ [aq-qí]

it-ti mu-sa-⸢re⸣-e-⸢a⸣ áš-ku-⸢un⸣-[ma ú-te-er áš-ru-uš-šu]

a-na ^dUTU ⸢da⸣-a-a-nu ⸢šá AN-e ù KI-tim é-babbar-ra É-su⸣

šá qé-re-eb ⸢ZIMBIR.KI šá ^mdAG-NÍG.GUB-ÙRU LUGAL maḫ-ri i-pu-šu-ma⸣

te-me-en-šu la-⸢bi-ri ú-ba-ʾu-ú-ma la i-mu-ru⸣

É šu-a-tim i-⸢pu-uš-ma i-na 45 MU.AN.NA.MEŠ⸣

ša É šu-a-tim i-⸢qu-pu i-ga-ru-šu ak-ku-ud áš-ḫu-ut⸣

na-qú-ut-ti ⸢ar-še-e-ma dul-lu-ḫu pa-nu-ú-a⸣

a-di ^dUTU ⸢ul-tu qé-re-bi-šu ú-še-ṣu-ú⸣

ú-še-ši-bu ⸢i-na É ša-nim-ma⸣

É ⸢šu-a-tim ad-ke-e-ma te-me-en-šu la-bi-ri⸣

⸢ú⸣-ba-ʾi-⸢ma 18 KÙŠ qaq-qa-ri ú-šap-pil-ma⸣

te-me-en-na ^mna-ra-⸢am-^dEN.ZU DUMU ^mLUGAL-GI.NA⸣

⸢ša⸣ 3 LIM 2 ME MU.AN.⸢NA.MEŠ ma-na-ma LUGAL a-lik maḫ-ri-ia⸣

la i-mu-ru ^dUTU ⸢EN GAL-ú é-babbar-ra É šu-bat ṭu-ub lìb-bi-šu⸣

ú-kal-lim-an-ni ia-a-⸢ši i-na ITI.DU₆ i-na ITI šal-mu i-na UD ŠE.GA⸣

ša i-na bi-ri ⸢ú-ad-du-ni ^dUTU ù ^dIŠKUR⸣

i-na KÙ.BABBAR KÙ.GI^* ⸢NA₄ ni-siq-ti šu-qu-ru-tu ḫi-biš-ti GIŠ.TIR⸣

ŠIM.ḪI.A GIŠ.⸢EREN⸣ i-⸢na ḫi-da-a-ti ù ri-šá-a-ti⸣

e-li ⸢te-me⸣-en-na ^mna-ra-⸢am-^dEN.ZU DUMU ^mLUGAL-GI.NA⸣

ŠU.SI ⸢la⸣ [a]-ṣe-e ⸢ŠU.SI la e-re-<bi> ú-ki-in lib-na-at-su⸣

5 LIM GIŠ.⸢EREN dan-nu-tu a-na ṣu-lu-li-šú ú-šat-ri-iṣ⸣

[x x (x)] x GIŠ.EREN ṣi-ra-a-ti ⸢as-kup-pu ù nu-ku-še-e⸣

⸢i-na KÁ.KÁ-šu ú-ra-at-ti⸣

⸢é-babbar-ra a-di é-kun₄-an-kù-ga ziq-qur-ra-ti⸣-[šú]

⸢eš-ši-iš e-pu-uš-ma ú-šak-lil ši-pí-ir⸣-[šu]

qa-at ^dUTU EN-⸢ia aṣ-bat-ma i-na ḫi-da-a-ti ù ri-šá⸣-[a-ti]

šu-ba-at ṭu-<ub> lìb-bi ⸢qé-er-ba-šu ú-še-ši⸣-[ib]

ši-ṭi-ir ⸢šu-um šá ^mna-ra-am-^d30 DUMU ^mLUGAL-GI.NA a-mu⸣-[ur-ma]

la ú-nak-⸢ki-ir Ì.GIŠ ap-šu-uš UDU.SÍSKUR⸣ [aq-qí]

⸢it⸣-ti mu-sa-⸢re-e-a áš-ku-un-ma ú-te-er⸣ [áš-ru-uš-šu]

^dUTU EN GAL šá AN-e ⸢ù KI⸣-tim nu-ú-[úr DINGIR].MEŠ ab-bé-⸢e-šu⸣

ṣi-it lìb-bi ⸢ša ^dEN.ZU ù ^dnin-gal⸣

a-na é-babbar-ra É na-⸢ra⸣-[mi]-⸢ka i-na e-re-bi-ka⸣

BÁRA-ka da-ru-⸢ú⸣ [i-na ra-mé]-⸢e-ka ia-ti ^dAG-NÍ.TUKU LUGAL TIN.TIR.KI⸣

NUN za-nin-⸢ka mu-ṭi-ib lìb-bi-ka e-pí-iš ku-um-mi-ka ṣi-i-ri⸣

⸢e-ep-še-tu-ú-a dam-qa-a-ti ḫa-di-iš na-ap-li-is-ma⸣

⸢u₄⸣-mi-ša-am ⸢i-na ni-ip-ḫu ù ri-bi i-na šá-ma-mi ù qaq-qa-ri⸣

du-um-mi-iq ⸢it-ta-tu-ú⸣-[a]

un-nin-ni-⸢ia le-qé-e-ma mu-gu-ur ta-aṣ-li-ti⸣

⸢GIŠ.NÍG.GIDRU ù ši-bir-ri ki-i-nim šá tu-šat-mi-ḫu qa-tu-ú-a⸣

⸢lu-bé-el a-na du-ur da-a-ri⸣

⸢a-na ^dINANNA a-kà-dè.KI be-let DINGIR.DINGIR⸣ x x x x x

⸢be-let ta-ḫa-za mu-šal-li^?-ma^?-at^? qí-bi-it ^dEN.LÍL a-bi⸣-[šu]

⸢sa-pi-na-at na-ak-ru mu-ḫal-li-qa-at ra-ag⸣-[gu]

⸢a-li-ka-at maḫ-ri ša DINGIR.MEŠ šá i-na⸣ x x x [x x]

x x x x x [x] x x x

x x x x x [x] ⸢I LI⸣ [x] x x x

x x x x x [x x] x x x

x x x x x [x x] x x x

⸢te-me-en-šu la-bí-ri⸣ x x x [x x] x x x

x x x x ⸢te-me-en-na ^mna-ra-am⸣-[^dEN].⸢ZU⸣ [x]

⸢te-me-en-šu la⸣-bi-ri ⸢da-rí-a a-mu-ur⸣-[ma]

ŠU.SI ⸢la⸣ a-⸢ṣe-e ŠU.SI la e-re-bi⸣

e-li te-me-en-na ⸢ša-a-šu uš^?⸣-x [x] x x x

⸢É šu-a-tim e-eš-ši-iš e⸣-x x x [x] x x x

[^d]⸢INANNA^? a-kà-dè.KI GAŠAN ra-bi-ti GAŠAN ta-ḫa-zi⸣

⸢mu-šal-li-ma-at qí-bi-ti ^dEN.LÍL a-bi-šu⸣

⸢sa⸣-[pi]-⸢na-at na-ak-ru mu-ḫal-li-qa-at rag-gu^?⸣

[a-li]-⸢ka-at maḫ⸣-[ri] ⸢ša⸣ DINGIR.⸢DINGIR⸣

[ú-šar]-⸢ma^?⸣-a [šu]-⸢bat^?-su^?⸣

[sat-tuk-ku ù nin-da-bé]-e e-li šá maḫ-ri

[ú-šá-te-er-ma ú]-⸢ki-in ma-ḫar-ša^?⸣

[at-ta ^dINANNA] ⸢a-kà-dè.KI GAŠAN ra-bi-ti⸣

[a-na É šu-a]-⸢tim ḫa-di-iš i-na e-<re>-bi-ka⸣

[ép-še-tu]-⸢ú-a SIG₅.MEŠ ḫa-di-iš na-ap-li-si⸣-[ma]

⸢ár-ḫi-šam-ma i-na⸣ ^dUTU.È ù ^dUTU.⸢ŠÚ.A⸣

⸢a-na ^d30 a-bi a-li-di-ka šu⸣-[uq]-ri-⸢bi SIG₅-tì⸣

⸢^da-nu-ni-tum⸣ be-el-⸢ti ṣir-tum⸣

⸢u₄-mi-šam^?-ma i-na maḫ-ri ^dEN⸣.[LÍL]

x x x x x ⸢da-mi-iq-ti⸣

⸢man-nu at-ta ša ^d30 ù ^dUTU⸣

⸢a-na LUGAL-ú-tu i-nam-bu-šu-ma⸣

⸢i-na pa-le-e-šu É šu-a-tim⸣

⸢in-na-ḫu e-eš-ši-iš ip-pu-šu⸣

⸢mu-sa-ru-ú ši-ṭi-ir šu-mi-ia li-mur-ma⸣

⸢la ú-nak-ka-ar Ì.GIŠ lip-šu-uš UDU.SÍSKUR li⸣-[iq-qí]

⸢it-ti mu-sa-re-e ši-ṭi-ir šu-mi-šu⸣

⸢li-iš-ku-un-ma lu-te-er áš-ru-uš-šu⸣

⸢^dINANNA a-kà-dè.KI ù ^da-nu-ni-tum⸣

⸢su-pu-ú-šu li-iš-mu-ú⸣

⸢li-im-gu-ra qí-bi-it-su⸣

⸢i-da-a-šu li-il-li-ka⸣

⸢u₄-mi-šam-ma a-na ^d30 a-bi ba-ni-šu-un⸣

⸢da-mi-iq-ta-šu li-iq-ba-aʾ⸣