BM 054329 + BM 054336 + BM 054348 + BM 054351 + BM 054366 + BM 054400 + BM 054412 + BM 054422 + BM 054433 + BM 054458 + BM 054469 + BM 054485 + BM 054513 + BM 054524 + BM 054528 + BM 054545 (Nabonidus 28, ex. 18) [Nabonidus][via ribo/sources]

[...] x (x) [...]

[...]

[...] ⸢é-zi-da⸣

[...] ⸢i⸣-na ŠÀ um-mi-šú

[...] ⸢i⸣-ši-mu ši-ma-at-su

[...]-⸢qá⸣ pa-li-ḫu DINGIR GAL.GAL a-na-ku

[...].⸢ZU⸣ ša qé-re-eb URU.ḫar-ra-nu

[...] ⸢ṣa-a⸣-ti ^dEN.ZU be-lu ra-bu-ú

[...] ⸢ṭu⸣-ub ⸢ŠÀ⸣-šú ra-mu-ú qé-re-eb-šu

[x x] ⸢URU ù É⸣ ša-a-šu lìb-bu-uš i-zu-uz-ma

⸢um-ma⸣-an-man-du ú-šat-⸢ba-am-ma É⸣ šu-a-tim ub-bit-ma

⸢ú⸣-ša-lik-šu kar-mu-tu i-na pa-⸢le-e-a ki-i-nim⸣

^dEN.ZU be-lu ra-bu-ú i-na na-ra-am LUGAL-ú-ti-ia

a-na URU ù É ša-a-šu is-li-mu ir-šu-ú ta-a-a-ri

i-na re-eš LUGAL-ú-ti-ia da-rí-ti ú-šab-ru-ʾi-in-ni šu-ut-ti

^dAMAR.UTU EN GAL ù ^dEN.ZU na-an-na-ri AN-e ù KI-tim

iz-⸢zi-zu ki-lal⸣-la-an ^d⸢AMAR.UTU⸣ i-ta-ma-a it-ti-ia

^d⸢AG⸣-[x].⸢TUKU⸣ LUGAL TIN.TIR.⸢KI i⸣-na ANŠE.KUR.RA ru-ku-bi-ka

i-⸢ši⸣ [...] ⸢é⸣-ḫúl-ḫúl e-pu-uš-ma

^dEN.⸢ZU be⸣-[...]-⸢ú i⸣-na qé-er-bi-šu šu-ur-ma-a šu-bat-su

pa-al-ḫi-⸢iš⸣ [...] ⸢a⸣-na ^dEN.LÍL DINGIR.MEŠ ^dAMAR.UTU

É šu-a-tim ⸢ša taq⸣-[x x] ⸢e⸣-pe-eš₁₅-su

um-ma-an-man-du sa-⸢ḫi-ir⸣-[x]-⸢ma pu-ug-gu-lu e-mu-qá-a-šu⸣

^dAMAR.UTU-ma i-⸢ta⸣-[...] ⸢um⸣-ma-an-⸢man⸣-du ša taq-bu-ú

ša-a-⸢šu⸣ [...] ⸢LUGAL⸣.MEŠ a-lik i-di-šu ul i-ba-áš-ši

[...]-⸢lu-ul⸣-[x x].⸢AN⸣.NA i-na ⸢ka-šá⸣-da ú-šat-bu-niš-šu-⸢um-ma⸣

[x x]-⸢ra⸣-áš LUGAL ⸢KUR⸣.an-za-an ⸢ARAD-su ṣa-aḫ-ri⸣

[...]-⸢ma-ni-šu i-ṣu-tu um⸣-[...]-⸢du rap⸣-šá-ti ú-sap-pi-iḫ

[x] ⸢iš⸣-tu-me-gu LUGAL um-ma-an-man-du ⸢iṣ-bat⸣-[x] ⸢ka⸣-mu-ut-su a-na KUR-šu il-⸢qé⸣

⸢a⸣-mat ^dEN GAL-ú ^dAMAR.UTU ù ^dEN.⸢ZU⸣ na-an-na-ri AN-e ù ⸢KI-tim⸣

⸢ša⸣ qí-bit-su-nu la in-nen-nu-ú a-na ⸢qí-É⸣-šu-nu ṣi-ir-⸢tim⸣

⸢ap⸣-la-aḫ ak-ku-ud na-qú-ut-ti ⸢ar⸣-še-e-⸢ma⸣

⸢dul⸣-lu-ḫu pa-nu-ú-a la e-gi la a-⸢še-et⸣ a-ḫi ⸢la ad⸣-di

⸢ú⸣-šat-ba-am-ma um-ma-ni-ia rap-šá-a-tu ul-⸢tu KUR.ḫa⸣-az-za-ti

⸢pa⸣-aṭ KUR.mi-ṣir tam-tim e-li-ti a-bar-ti ⸢ÍD⸣.BURANUN.KI

⸢a⸣-di tam-tim šap-li-ti LUGAL.MEŠ NUN.MEŠ GÌR.NÍTA.MEŠ ù ⸢um⸣-ma-ni-ia rap-⸢šá⸣-a-ti

⸢ša⸣ ^dEN.ZU ^dUTU ù ^diš-tar EN.MEŠ-e-a ia-⸢a-tu i-qí-pu-nim⸣

⸢a⸣-na e-pe-šu é-ḫúl-ḫúl É ⸢^dEN.ZU⸣ be-li-⸢ia⸣

⸢a⸣-lik i-di-ia ša qé-re-eb ⸢URU⸣.ḫar-ra-⸢nu⸣

⸢ša⸣ ^mAN.ŠÁR-DÙ-IBILA LUGAL KUR-aš-šur.KI ⸢DUMU⸣ [x] ⸢AN.ŠÁR⸣-ŠEŠ-⸢MU⸣ LUGAL KUR-aš-šur.KI

⸢ru⸣-bu-ú a-lik maḫ-ri-⸢ia⸣ i-pu-šu

⸢i-na ITI⸣ [x]-⸢al-mu i⸣-na u₄-mu še-mi-⸢i⸣

[...]-⸢ad⸣-du-ú ⸢^dUTU ù ^dIŠKUR⸣

[...]-⸢lú⸣-ḫi i-na ka-kù-gál-ú-tu

[...] ⸢uš⸣-šu ù SIG₄.ḪI.A

[...] ⸢šu⸣-qu-ru-tu ḫi-biš-tú GIŠ.TIR

[...]-⸢ti ù ri-šá-a-ti⸣

⸢e⸣-[...]-⸢an-IBILA LUGAL⸣ [...]

[...] ⸢šul⸣-man-SAG.⸢KAL DUMU⸣ ^mAN.ŠÁR-na-ṣir-⸢IBILA⸣ [...]

[...] ad-di-ma ú-ki-in ⸢lib-na-at⸣-[x]

i-na KAŠ ⸢GEŠTIN⸣ Ì.GIŠ LÀL šal-la-ar-šu am-ḫa-aṣ-ma ⸢ab⸣-lu-ul ta-ra-aḫ-[x x]

e-⸢li ša LUGAL⸣.MEŠ AD.MEŠ-e-a ⸢e⸣-ep-še-ti-⸢šu⸣

ú-⸢dan⸣-nin-ma ⸢ú-nak⸣-ki-⸢il ši⸣-pi-ir-⸢šu⸣

É.KUR ⸢šu⸣-a-tim ul-tu ⸢te-me-en-ni⸣-šu ⸢a⸣-di gaba-dib-bi-⸢šu⸣

e-eš-ši-iš ab-ni-ma ú-ša-⸢ak-li⸣-il ši-pí-ir-⸢šu⸣

GIŠ.ÙR GIŠ.EREN ṣi-ru-ti ta-⸢ar-bi⸣-it URU.ḫa-⸢ma⸣-nu

ú-ša-at-ri-iṣ ṣe-⸢ru-uš-šu⸣

GIŠ.IG.MEŠ GIŠ.EREN ša i-ri-is-sì-⸢na ṭa-a-bi⸣

ú-ra-at-ta-a i-⸢na KÁ⸣.MEŠ-šu

KÙ.BABBAR ù ⸢KÙ.GI⸣ É.GAR₈.MEŠ-šu ú-šal-⸢biš-ma⸣ ú-ša-an-bi-ṭu ⸢šá⸣-áš-šá-ni-iš

ri-i-mu za-ḫa-le-⸢e⸣ eb-bi mu-na-ak-ki-ip ga-⸢ri⸣-ia

ka-ad-ri-iš uš-zi-iz i-na at-ma-⸢ni⸣-šu

⸢2 ^dlàḫ-mu eš-ma-ru-ú⸣ sa-pi-in a-⸢a⸣-bi-ia

i-na KÁ ṣi-it ^d⸢UTU⸣-ši ZAG ù GÙB ú-⸢šar⸣-ši-id

qá-tì ^dEN.ZU ^dnin-⸢gal⸣ ^dnusku ù ^dsa-⸢dàr⸣-nun-na

EN.MEŠ-e-a ul-tu ⸢šu⸣-an-na.KI URU ⸢LUGAL⸣-[x]-⸢ti-ia⸣

aṣ-bat-ma i-na ḫi-da-⸢a⸣-ti ⸢ù⸣ [...]-⸢ti⸣

šu-ba-at ṭu-ub lib-⸢bi⸣ qé-er-⸢ba-šu ú-še⸣-ši-ib

UDU.SÍSKUR taš-ri-iḫ-⸢ti eb-bi ma⸣-ḫar-šu-nu aq-qí-ma

ú-šam-ḫi-ra ka-ad-⸢ra-a⸣-a é-⸢ḫúl⸣-ḫúl re-eš-tum ú-mál-li-ma

URU.ḫar-ra-nu a-⸢na⸣ pa-aṭ ⸢gi⸣-im-ri-šu

ki-ma ṣe-⸢et⸣ ITI ú-nam-⸢mi⸣-ir ša-ru-ru-šu

^dEN.ZU ⸢LUGAL⸣ DINGIR.MEŠ ša AN-e ⸢ù⸣ KI-tim ⸢ša ul-la⸣-nu-⸢uš-šu⸣

URU ⸢ù⸣ KUR la in-nam-du-ú la i-tur-ru áš-ru-uš-šu

⸢a⸣-na é-ḫúl-ḫúl É šu-ba-at ⸢la-le-e⸣-ka i-na e-re-⸢bi-ka⸣

[x x]-⸢iq-ti URU ù⸣ [...] ⸢li⸣-iš-šá-ki-in šap-tuk-ka

[x x] a-ši-bu-⸢ú-tu šá⸣ [x x] ù KI-tim

[x x]-⸢ta⸣-ra-bu É ^dEN.ZU a-bi ⸢ba⸣-ni-šu-un

⸢ia⸣-a-ti ^dAG-NÍ.TUKU LUGAL ⸢TIN.TIR.KI mu-šak-lil⸣ É šu-a-tim

⸢^d⸣EN.ZU LUGAL DINGIR.MEŠ ša AN-e ù KI-⸢tim i-na ni-iš i-ni-šu dam-qa-a-ti⸣

⸢ḫa⸣-di-iš lip-pal-sa-an-ni-ma ár-ḫi-⸢šam-ma i⸣-na ni-ip-ḫi ù ri-bi

⸢li⸣-dam-mi-iq it-ta-tu-ú-a u₄-⸢mi-ia li-ša⸣-ri-ik

MU.AN.NA.MEŠ-ia li-šá-⸢an-di⸣-lu ⸢lu-ki-in pa-lu⸣-ú-a

LÚ.na-ak-ru-ti-ia lik-šu-ud LÚ.za-⸢ma-ni-ia li-šá-am-qí-it⸣

li-is-pu-un ga-ri-ia ^d⸢nin⸣-gal AMA DINGIR GAL.⸢GAL⸣

i-na ma-ḫar ^dEN.ZU na-ra-mi-⸢šu⸣ liq-ba-a ba-ni-⸢tú⸣

^dUTU ù ^diš-tar ṣi-it ⸢lib⸣-bi-šu na-am-ra

a-na ^dEN.ZU a-bi ba-ni-šu-un ⸢li-iq-bu⸣-ú da-mi-iq-ti

^dnusku suk-kal-lum ṣi-i-ri su-pe-e-a li-⸢iš-me-e-ma li-iṣ-bat a-bu-tu⸣

MU.SAR-ru-ú ši-ṭi-ir šu-⸢um ša ^m⸣AN.ŠÁR-ba-an-IBILA LUGAL KUR-aš-šur.⸢KI⸣

a-mu-ur-ma la ú-nak-⸢ki⸣-ir Ì.GIŠ ap-šu-uš ⸢UDU.SISKUR aq-qu⸣

it-ti MU.SAR-e-⸢a⸣ áš-ku-un-⸢ma⸣ ú-te-er áš-ru-uš-⸢šu⸣

a-na ^d⸢UTU da⸣-a-a-nu ša AN-e ù KI-tim

⸢é-babbar⸣-ra É-su ša qé-re-eb ZIMBIR.⸢KI⸣

[x] ^mdAG-NÍG.GUB-ÙRU LUGAL ⸢maḫ⸣-ri i-pu-šu-⸢ma⸣

⸢te-me⸣-en-šu la-bi-ri ú-ba-ʾu-ú-ma la i-mu-⸢ru⸣

É šu-⸢a-tim i-pu⸣-šu-⸢ma i-na 45 MU.AN.NA.MEŠ⸣

⸢ša É šu-a⸣-tu i-qu-pu i-ga-ru-⸢šu⸣

ak-ku-ud áš-ḫu-ut ⸢na-qú⸣-ut-ti ar-še-e-ma dul-lu-ḫu pa-nu-⸢ú⸣-a

a-di ^dUTU ⸢ul-tu⸣ qé-er-bi-šu ú-še-ṣu-ú

ú-še-ši-bu ⸢i⸣-na É ša-nim-⸢ma⸣

É šu-a-ti ⸢ad-ke-e⸣-ma te-me-en-šu la-bi-ri ú-ba-⸢ʾi-ma⸣

18 KÙŠ ⸢qá⸣-qá-⸢ri⸣ [...]-⸢ma te-me-en-<na> šá⸣ na-ram-^dEN.ZU ⸢DUMU ^mLUGAL-GI.NA⸣

⸢ša⸣ 3 LIM 2 ME MU.AN.[...]-⸢ri⸣-ia ⸢la i⸣-[x]-⸢ru⸣

⸢^d⸣UTU be-lu ra-bu-ú é-babbar-ra É šu-bat ṭu-ub lìb-bi-šu ú-kal-lim-an-[...]

⸢i⸣-na ITI.DU₆ i-na ITI šá-al-mu i-na u₄-mu ⸢ŠE.GA⸣

⸢ša⸣ i-na bi-ri ú-ad-du-ú ^dUTU ù ^dIŠKUR i-na ⸢KÙ.BABBAR⸣ [x x]

NA₄ ni-siq-ti šu-qu-ru-tu ḫi-biš-ti GIŠ.⸢TIR⸣

ŠIM.ḪI.A GIŠ.EREN i-na ḫi-da-a-ti ù ri-šá-a-⸢ti⸣

e-li te-me-en-<na> ^mna-ra-⸢am⸣-^dEN.ZU DUMU ^mLUGAL-⸢GI.NA⸣

ŠU.SI la a-ṣe-e ŠU.SI la e-re-bi ú-ki-in ⸢lib-na⸣-[x x]

5 LIM GIŠ.⸢EREN⸣.MEŠ da-nu₄-tim a-na ⸢ṣu⸣-lu-li-šu ú-šat-⸢ri-iṣ⸣

⸢GIŠ.IG⸣.[x] ⸢GIŠ⸣.EREN ṣi-ra-a-ti as-kup-pu ù nu-ku-še-⸢e⸣

[x]-⸢na⸣ KÁ.MEŠ-šu ú-⸢ra⸣-at-⸢ti⸣

[x]-⸢babbar⸣-ra a-di-i é-kun₄-an-kù-ga ziq-qur-ra-ti-⸢šu⸣

⸢e-eš⸣-ši-iš e-pu-uš-ma ú-⸢šak-li⸣-il ši-pi-ir-⸢šu⸣

⸢qá-tì⸣ ^dUTU EN-ia aṣ-bat-ma i-na ⸢ḫi-da-a-ti ù ri⸣-šá-a-⸢ti⸣

⸢šu⸣-ba-at ⸢ṭu⸣-ub lìb-bi qé-er-ba-šu ú-še-⸢ši-ib⸣

[x]-⸢ṭi⸣-ir šu-⸢um ša ^mna-ra-am⸣-^dEN.ZU DUMU ^mLUGAL-GI.NA a-⸢mur-ma⸣

⸢la⸣ ú-nak-ki-ir Ì.GIŠ ap-šu-uš UDU.SISKUR aq-⸢qí⸣

it-ti MU.SAR-e-a áš-ku-un-ma ú-te₉-er áš-ru-uš-⸢šu⸣

^dUTU EN GAL ša AN-e ù KI-tim nu-úr DINGIR.MEŠ ab-bé-e-⸢šu⸣

ṣi-it lìb-bi ša ^dEN.ZU ù ^dnin-gal

a-na é-babbar-ra É na-ra-⸢mi-ka⸣ i-na ⸢e-re⸣-bi-⸢ka⸣

BÁRA-ka da-ru-⸢ú⸣ i-na ra-mé-e-ka

ia-a-tú ^dAG-NÍ.TUKU ⸢LUGAL⸣ TIN.TIR.KI ru-bu-ú za-nin-ka

mu-ṭi-ib lib-bi-ka e-pí-iš ku-um-mi-ka ṣi-i-ri

e-ep-še-tu-ú-a SIG₅.MEŠ ḫa-di-iš na-ap-li-is-ma

u₄-⸢mì^?-šam⸣-ma i-na ni-ip-ḫi ù ri-bi i-na šá-ma-mi ù qá-⸢qá-ri⸣

⸢du⸣-um-mi-iq it-ta-tu-ú-a un-nin-ni-ia le-qé-e-⸢ma⸣

mu-gu-ur ta-aṣ-li-ti GIŠ.NÍG.GIDRU ù ši-⸢bir-ri ki-i-nim⸣

ša tu-šat-mi-ḫu qa-tu-ú-a lu-bé-el a-na du-ri da-⸢a-ri⸣

a-na ^da-nu-ni-tum be-le-et ta-ḫa-⸢zi⸣ na-šá-at GIŠ.PAN ù iš-pa-⸢ti⸣

⸢mu⸣-šal-li-ma-at qí-bit ^dEN.LÍL a-bi-⸢šu⸣

sa-pi-na-at na-ak-ru mu-ḫal-⸢li⸣-qa-at rag-⸢gu⸣

a-li-ka-at maḫ-ri ša DINGIR.MEŠ ša i-na ^dUTU.È ù ^dUTU.⸢ŠÚ.A⸣

ú-da-am-ma-qu it-ta-tu-ú-⸢a⸣

é-ul-maš É-su ša i-na ZIMBIR.KI-^da-nu-ni-tum

ša 8 ME MU.AN.NA.MEŠ ul-tu pa-ni ^mšag-ga^* (text: BI) <rak>-ti-šur^* (text: BUR) ia-áš LUGAL TIN.⸢TIR.KI⸣

DUMU ^mNÍG.GUB-^dEN.LÍL LUGAL ma-na-ma la i-pu-⸢šu⸣

te-me-en-šu la-bi-ri ⸢aḫ⸣-ṭu-uṭ-ma a-ḫi-iṭ ab-re-⸢e-ma⸣

e-li te-me-en-<na> ^mšag-ga^* (text: BI) <rak>-ti-šur^* (text: BUR) ia-áš DUMU ^mku-dúr-ri-^dEN.⸢LÍL⸣

⸢uš⸣-šu-šu ad-di-ma ú-ki-in lib-na-at-su

⸢É šu⸣-a-tu e-eš-ši-iš e-pu-uš-ma ú-⸢šak-lil⸣ ši-pí-ir-⸢šu⸣

⸢^da-nu⸣-ni-tum be-let ta-ḫa-zi mu-šal-li-ma-at ⸢qí-bit⸣ ^dEN.LÍL a-⸢bi⸣-[x]

sa-⸢pi-na⸣-at na-⸢ak⸣-ru ⸢mu-ḫal⸣-li-qa-at ra-ag-⸢gu⸣

a-⸢li-ka-at⸣ maḫ-⸢ri šá DINGIR⸣.MEŠ ú-šar-ma-⸢a⸣ šu-bat-su

sat-tuk-[x] ⸢ù nin-da-bé-e⸣ e-li ⸢ša⸣ ma-aḫ-⸢ri⸣

ú-ša-⸢te-er⸣-ma ú-ki-⸢in ma-ḫar-šu⸣ at-ta ^da-nu-ni-tum GAŠAN GAL-⸢ti⸣

a-na É ⸢šu-a⸣-tu ḫa-di-iš i-na e-re-bi-⸢ka⸣

e-ep-še-⸢tu⸣-ú-a SIG₅.MEŠ ḫa-⸢di-iš na⸣-ap-li-si-⸢ma⸣

ar-ḫi-šam-⸢ma⸣ i-na ^dUTU.⸢È⸣ ù ^dUTU.ŠÚ.⸢A⸣

⸢a-na⸣ ^dEN.ZU ⸢a⸣-bi a-li-di-ka šu-uq-ri-ba da-mi-iq-tì

man-nu ⸢at-ta ša ^dEN.ZU ù ^dUTU⸣ a-na LUGAL-ú-ti i-nam-bu-šu-ma

i-na pa-⸢le⸣-e-šu É šu-a-tu in-na-ḫu-ma eš-šiš ip-pu-šu

mu-⸢sa-ru⸣-ú ši-ṭi-ir šu-mi-ia li-mu-ur-ma la ú-nak-ka-⸢ar⸣

Ì.GIŠ li-ip-šu-uš UDU.SISKUR li-iq-qí it-ti mu-sa-ru-ú ši-ṭi-ir šu-⸢mi-šu⸣

li-iš-ku-un-ma lu-ter áš-ru-uš-šu ^dUTU ù ^da-nu-ni-tum

su-pu-ú-šu li-iš-mu-ú li-im-gu-ra qí-bit-su i-da-a-⸢šú⸣ lil-⸢li-ku⸣

⸢li⸣-šam-qit ga^* (text: TA) ri-šú u₄-mu-šam-ma a-na ^dEN.ZU a-bi ba-ni-šú-nu da-mi-iq-ta-⸢šú⸣ [...]