BM 054334 + BM 054338 + BM 054368 + BM 054383 + BM 054401 + BM 054410 + BM 054436 + BM 054440 + BM 054454 + BM 054463 + BM 054505 + BM 054507 + BM 054508 + BM 054534 + BM 054535 + BM 054538 (Nabonidus 28, ex. 16) [Nabonidus][via ribo/sources]

[x]-⸢na-ku ^dna-bi-um-na-ʾi-id LUGAL ra-bu-ú LUGAL da-an-num⸣

[x] ⸢kiš⸣-šá-tum LUGAL KÁ.DINGIR.RA.⸢KI⸣ LUGAL kib-ra-a-ti er-bé-et-tum

[x]-⸢ni⸣-in é-sag-<íl> ⸢ù⸣ é-⸢zi⸣-da ša ^dEN.ZU ù ^dnin-gal

[x]-⸢na⸣ ŠÀ AMA-šu a-na ši-ma-⸢at⸣ LUGAL-ú-ti i-ši-⸢mu⸣ ši-ma-at-su

[x] ⸢^m⸣^dAG-TIN-su-iq-bi NUN e-⸢em⸣-qá pa-li-iḫ DINGIR ⸢GAL⸣.GAL a-na-ku

[x]-ḫúl-⸢ḫúl É ^dEN.ZU ša qé-re-eb URU⸣.ḫar-ra-nu

⸢ša⸣ ul-tu u₄-um ṣa-⸢a⸣-ti ^dEN.ZU EN ⸢ra⸣-bu-ú

[x]-⸢ba⸣-at ṭu-ub ⸢lìb⸣-bi-⸢šu⸣ ra-mu-ú qé-⸢re-eb-šu⸣

⸢e⸣-li URU ù ⸢É⸣ ša-a-šu lìb-bu-uš i-⸢zu⸣-uz-ma

[(x)] ⸢um⸣-ma-an-ma-an-⸢da⸣ ú-šá-at-ba-am-ma

[x] ⸢ša-a-tim ub-bi⸣-it-ma ú-ša-li-⸢ik⸣-šu kar-mu-⸢tu⸣

[x]-⸢na pa-le⸣-e-a ⸢ki-i-nim ^dEN⸣.ZU ⸢EN⸣ ra-bu-ú

[x]-na na-ra-am ⸢šar⸣-ru-ti-ia ⸢a-na⸣ URU ù É ša-a-šu

⸢is⸣-li-mu ir-šu-ú ⸢ta⸣-a-a-ri

⸢i⸣-na re-eš LUGAL-ti-ia da-ri-ti ú-šab-ru-⸢ʾi-in-ni MÁŠ.GI₆⸣

⸢^d⸣AMAR.UTU EN GAL ù ^dEN.ZU na-an-na-ri ša-mé-e ù ⸢er-ṣe⸣-tim

⸢iz⸣-zi-zu ki-lal-la-an ^dAMAR.UTU (erasure) i-ta-ma-a it-ti-⸢ia⸣

[x] ⸢na-bi-um-NÍ⸣.TUKU LUGAL TIN.TIR.KI i-na ANŠE.KUR.RA ru-ku-bi-ka

[...].⸢A é⸣-ḫúl-ḫúl e-pu-uš-ma

[...] ⸢i-na qé-er-bi-ša šu-ur-ma-a šu-ba-at-su⸣

[...]-⸢iš a-ta⸣-ma-a a-na ^dEN.LÍL DINGIR.DINGIR ^dAMAR.⸢UTU⸣

[...]-⸢tim⸣ šá taq-bu-ú e-pé-eš-su

[x]-⸢ma⸣-an-ma-an-da sa-ḫi-ir-šum-ma pu-ug-gu-lu e-mu-qa-a-šu

[x] ⸢AMAR⸣.UTU-ma i-ta-ma-a it-ti-ia um-ma-an-ma-an-da šá taq-bu-ú

[x]-⸢a⸣-šu KUR-šú ù LUGAL.MEŠ a-li-ku i-di-šú ul i-ba-áš-ši

[x]-⸢na⸣ ša-lul-ti MU.AN.NA i-na ka-šá-di ú-šat-bu-ni-iš-šu-um-ma

[x] ⸢ku⸣-ra-áš LUGAL KUR.an-za-an ARAD-su ṣa-aḫ-ri

[x]-⸢na⸣ ni-ši-šu i-ṣu-tu um-ma-an-ma-an-da rap-šá-a-ti ú-sap-pi-iḫ

[x] ⸢iš⸣-tu-me-gi LUGAL KUR.um-ma-an-ma-an-da iṣ-ba-at-ma

⸢ka-mu-ut-su a-na ma-ti⸣-šu il-qé

[x]-ma-at EN GAL-⸢ú ^dAMAR.UTU ù ^dEN.ZU na-an-na-ri⸣ ša-mé-e ù er-ṣe-⸢tim⸣

[x] ⸢qí⸣-bit-su-nu la in-nen-nu-ú a-na qí-bi-ti-šu-nu ṣi-ir-ti

⸢ap⸣-la-aḫ ak-ku-ud na-qú-ut-ti ar-še-e-ma

⸢dul⸣-lu-ḫu pa-nu-ú-a la e-gi la a-še-et a-ḫa la ad-⸢di⸣

⸢ú⸣-šá-at-ba-am-ma um-ma-ni-ia ra-ap-ša-a-⸢ti⸣

⸢ul⸣-tu KUR.ḫa-az-za-ti pa-aṭ KUR.mi-ṣir ⸢tam-tim⸣ e-li-tim

[x]-⸢ba⸣-ar-ti ÍD.BURANUN.KI a-⸢di tam⸣-tim šap-li-tim

[x].⸢MEŠ NUN.MEŠ GÌR.NÍTA.MEŠ ù um-ma-ni⸣-ia DAGAL.MEŠ

[...].⸢ZU⸣ ^dUTU ù ^diš-tar EN.MEŠ-e-⸢a ia-ti i-qí-pu-ni⸣

[x x] ⸢e⸣-pé-šu é-ḫúl-ḫúl É ^dEN.⸢ZU⸣

[x]-lí-ia a-li-ku i-di-ia šá qé-re-eb URU.ḫar-⸢ra⸣-nu

[x] ⸢^m⸣AN.ŠÁR-ba-an-IBILA LUGAL KUR-aš-šur.KI DUMU ^mAN.ŠÁR-ŠEŠ-MU LUGAL ⸢KUR⸣-[x]-⸢šur.KI⸣

⸢ru⸣-bu-ú a-li-ku maḫ-ri-ia i-pú-šu

[x]-⸢na⸣ ITI ša-al-mu i-na u₄-um še-mi-i

[x] i-na bi-ri ú-ad-du-ú ^dUTU ù ^dIŠKUR

[x]-⸢na⸣ né-me-qí ^dé-a ù ^dasal-lú-ḫi i-na ka-kù-gál-⸢ú-tu^?⸣

[x]-⸢na⸣ ši-pí-ir ^dkulla EN uš-šu ù SIG₄.⸢ḪI⸣.[x]

[x x] ⸢KÙ.BABBAR⸣ KÙ.GI NA₄ ni-sì-iq-ti šu-⸢qu-ru-ti⸣

[x]-⸢biš-ti⸣ GIŠ.⸢TIR ŠIM.ḪI.A GIŠ.EREN⸣

[x]-⸢na⸣ ḫi-da-a-ti ù ri-ša-a-ti

[x]-⸢li⸣ te-me-en-<na> ša ^mAN.ŠÁR-ba-an-IBILA LUGAL KUR-aš-šur.KI

[x] ⸢te⸣-me-en^* (text: 1+EN) na šá ^m⸢sál⸣-ma-an-SAG.KAL DUMU ^mAN.ŠÁR-na-ṣir-IBILA i-mu-ru

[x]-šu-šu ad-di-ma ú-ki-in li-ib-na-at-su

⸢i-na KAŠ GEŠTIN Ì.GIŠ LÀL šal⸣-la-ar-⸢šu am-ḫa-aṣ-ma⸣

ab-lu-ul ta-ra-aḫ-⸢ḫu-uš⸣

e-⸢li⸣ šá LUGAL.MEŠ AD.MEŠ-⸢e⸣-a ep-še-ti-šu ú-⸢da⸣-[x]-⸢ni-in⸣-ma

ú-na-ak-ki-lu ši-⸢pí⸣-ir-šu É.KUR [x x]-⸢tim^?⸣

ul-tu te-me-en-⸢ni⸣-šu a-⸢di⸣ [...]

eš-ši-iš ab-ni-⸢ma ú-šak^?⸣-[...]

GIŠ.⸢ÙR GIŠ.EREN ṣi-ru⸣-[...]

⸢ú-šá-at⸣-ri-iṣ ṣe-ru-⸢uš-šu⸣ [...]

ṭa-a-bi ú-ra-at-⸢ta-a i-na KÁ.MEŠ-šu⸣

KÙ.BABBAR ù KÙ.GI i-ga-⸢ra⸣-a-ti-šu ú-šá-al-bi-iš-⸢ma⸣

ú-šá-an-bi-iṭ ša-aš-ša-ni-⸢iš⸣

ri-i-mu za-ḫa-⸢le⸣-e eb-bi mu-nak-ki-ip ga-⸢ri-ia⸣

ka-ad-⸢ri-iš⸣ uš-zi-iz i-na ⸢at⸣-ma-[x]-⸢šu⸣

2 ^dlàḫ-⸢mu⸣ eš-ma-ru-ú sa-pi-in a-⸢a⸣-bi-ia

i-⸢na KÁ⸣ ṣi-it ^dUTU-ši i-mit-ti ù šu-me-⸢lu⸣ ú-šar-ši-id

⸢qá⸣-at ^dEN.ZU ^dnin-gal ^dnusku ù ⸢^dsa⸣-dàr-nun-na

EN.MEŠ-e-a ul-tu ba-bi-lam.KI URU [x]-⸢ú⸣-ti-ia aṣ-ba-at-ma

i-na ḫi-da-a-ti ù ri-⸢ša-a-ti⸣ šu-ba-at ṭu-ub lìb-bi

qé-er-ba-šu ú-še-ši-ib

⸢UDU.SISKUR⸣ taš-⸢ri-iḫ⸣-ti ⸢eb⸣-ba ma-ḫar-šu-nu aq-qí-ma

ú-šá-⸢am-ḫi⸣-ra ⸢ka⸣-ad-ra-a-a

é-⸢ḫúl⸣-ḫúl re-eš-⸢ta⸣ ú-ma-al-li-ma

⸢URU⸣.KI ḫar-ra-nu a-na pa-aṭ gi-mi-ri-šu

⸢ki⸣-ma ṣe-et ITI (erasure) ú-nam-mi-ir ša-ru-ru-šu

⸢^dEN.ZU LUGAL DINGIR.MEŠ⸣ ša AN-e ù KI-tim šá ul-la-nu-uš-šu

URU ù ma-a-⸢ti la⸣ in-nam-du-ú

la i-tu-ru ⸢áš⸣-ru-uš-šu

a-na é-ḫúl-ḫúl É šu-bat la-⸢le-e⸣-ka i-na ⸢e-re-bi-ka⸣

SIG₅-tì URU ù É šá-a-šu ⸢li⸣-iš-⸢šá-ki-in šap⸣-[x x]-⸢ka⸣

DINGIR.MEŠ a-ši-bu-ú-tu ⸢AN⸣-e ⸢ù KI-tim⸣

lik-tar-ra-bu É ^dEN.⸢ZU⸣ a-bi ⸢ba-ni⸣-šu-⸢un⸣

ia-a-ti ^md⸢AG-NÍ⸣.TUKU LUGAL TIN.TIR.KI

mu-šá-ak-li-⸢il⸣ É šu-a-tim

^dEN.ZU LUGAL DINGIR.⸢MEŠ⸣ ša AN-e ⸢ù⸣ KI-tim

i-na ni-iš i-ni-⸢šu⸣ SIG₅.MEŠ ḫa-di-iš ⸢lip⸣-<pal>-sa-an-ni-ma

ár-ḫi-šam-ma i-na ⸢ni⸣-ip-ḫi ù ri-ba

li-da-am-⸢mi-iq⸣ it-ta-tu-ú-a UD.⸢MEŠ⸣-ia ⸢li⸣-šá-rik

⸢MU.AN.NA.MEŠ-ia⸣ li-ša-an-di-il lu-ki-⸢in⸣ pa-lu-ú-a

LÚ.nak-ru-⸢ti⸣-ia lik-šu-ud LÚ.za-ma-ni-ia ⸢li⸣-šá-am-qit

li-is-pu-⸢un⸣ ga-ri-ia ^dnin-gal um-⸢mi⸣ DINGIR GAL.GAL

i-na ⸢maḫ-ri ^dEN⸣.ZU na-ra-mi-šú liq-⸢ba⸣-a ba-ni-tú

⸢^dUTU⸣ ù ^d⸢iš-tar⸣ ṣi-it lib-bi-šú nam-ri

a-na ^dEN.ZU a-bi ba-⸢ni-šu-nu liq-bu-ú SIG₅-tì⸣

^dnusku suk-kal-lum ṣi-i-ri su-pe-e-a ⸢li⸣-iš-me-e-ma

li-iṣ-ba-at a-bu-ú-tu

MU.SAR-ru-ú ši-ṭi-ir šu-um ⸢ša⸣ ^mAN.ŠÁR-ba-an-IBILA

LUGAL KUR-aš-šur.KI a-mu-ur-ma la ⸢ú⸣-na-ak-ki-ir

⸢Ì.GIŠ ap-šu-uš UDU.SÍSKUR⸣ aq-qí

⸢it⸣-ti MU.⸢ŠAR⸣-e-a áš-kun-⸢ma ú⸣-te-er áš-ru-uš-šu

a-na ^dUTU (erasure) da-a-a-⸢nu⸣ ša AN-e ù KI-⸢tim⸣

é-babbar-⸢ra É⸣-su ⸢ša⸣ qé-re-eb ZIMBIR.KI

ša ^md⸢AG-ku-dúr⸣-ri-ÙRU LUGAL maḫ-ri i-pu-šu-ma

te-me-⸢en-šú la⸣-bi-ri ú-ba-ʾu-ú-ma la i-mu-ru

⸢É šu⸣-a-tu i-pu-uš-ma i-na 45 MU.AN.NA.MEŠ

⸢ša⸣ É šu-a-tu i-qu-⸢pu⸣ i-ga-ru-šu

⸢ak⸣-ku-ud áš-ḫu-ut na-qú-ut-ti ar-še-e-ma^* (text: ŠU)

⸢dul⸣-lu-ḫu pa-nu-ú-a a-di ^dUTU ul-tu qé-re-bi-šú ú-še-ṣu-ú

⸢ú-še-ši-bu i⸣-na É šá-nim-ma É šu-a-tu ad-ke-e-⸢ma⸣

te-me-en-šu la-bi-ri ⸢ú-ba-ʾi-i-ma 18 KÙŠ qá-qá-ru ú-šap⸣-pil-ma

te-me-en-<na> ^mna-ra-am-^dEN.ZU DUMU ^mLUGAL-GI.⸢NA⸣

ša ⸢3 LIM⸣ 2 ME MU.AN.NA.MEŠ ma-na-ma LUGAL a-lik ⸢maḫ-ri⸣-ia

la i-mu-⸢ru⸣ ^dUTU be-lu GAL é-babbar-ra É šu-bat ⸢ṭu-ub⸣ ŠÀ-šú

ú-kal-lim-an-ni ⸢ia-a⸣-ši i-na ITI.DU₆ i-na ITI ⸢šá-al⸣-mu

i-na u₄-mu ma-ag-ru šá i-⸢na bi-ri⸣ ú-ad-du-ú ^dUTU ⸢ù⸣ ^dIŠKUR

⸢i-na KÙ.BABBAR⸣ KÙ.GI NA₄ ni-⸢si⸣-[...]

[...]-⸢ti⸣ GIŠ.TIR ⸢ŠIM⸣.[...] ⸢i-na⸣ ḫi-⸢da-a-ti⸣

ù ⸢ri-šá⸣-a-ti ⸢UGU⸣ [...]-⸢ra⸣-am-^dEN.ZU

DUMU ^m⸢LUGAL⸣-[x].⸢NA ŠU⸣.[...]-⸢e ŠU⸣.SI la e-re-bi

ú-ki-⸢in⸣ [x x]-at-su

5 LIM GIŠ.EREN.MEŠ ⸢dan-nu⸣-[x x]-⸢na⸣ ṣu-lu-li-šú ú-šat-ri-iṣ

⸢GIŠ.IG⸣.MEŠ GIŠ.EREN ṣi-⸢ra-a-tim⸣ as-kup-pu

ù nu-ku-še-e i-na KÁ.⸢MEŠ-šú⸣ ú-ra-at-ti

é-babbar-ra a-di é-kun₄-an-⸢kù⸣-ga ziq-qur-ra-ti-šu

e-eš-ši-iš e-pú-uš-ma ú-ša-ak-⸢li⸣-lu ši-pí-ir-šu

⸢qá⸣-at ^dUTU EN-⸢ia⸣ aṣ-ba-at-ma

i-na ⸢ḫi⸣-da-a-ti (erasure) ⸢ù⸣ ri-ša-a-ti

šu-ba-at ṭu-⸢ub lìb⸣-bi qer-ba-ša ú-še-ši-ib

ši-ṭi-ir šu-um šá ⸢^m⸣na-ra-am-^dEN.ZU

DUMU ^mLUGAL-GI.⸢NA⸣ a-mu-ur-ma

la ú-na-ak-ki-⸢ir⸣ Ì.GIŠ ap-<šu>-uš ni-qu-ú aq-qí

it-ti mu-sa-re-e-a (erasure) áš-⸢ku⸣-un-ma

ú-te-er aš-ru-uš-šu

^dUTU EN GAL šá AN-e ⸢ù⸣ KI-tim nu-úr DINGIR.DINGIR ab-bé-e-šu

ṣi-it lib-bi ⸢šá⸣ ^dEN.ZU ù ^dnin-gal

a-na é-babbar-ra ⸢É na-ra⸣-mi-ka i-na e-re-bi-ka

BÁRA-ka ⸢da⸣-ru-⸢ú⸣ i-na ra-mé-e-ka

⸢ia-a-tú⸣ ^dAG-NÍ.TUKU ⸢LUGAL⸣ TIN.TIR.KI NUN za-nin-ka

mu-ṭi-ib lib-bi-ka ⸢e-pí⸣-iš ku-um-mi-ka ṣi-i-ri

e-ep-še-tu-ú-a ⸢SIG₅⸣.MEŠ ḫa-di-iš nap-li-is-ma

u₄-mi-šam i-na ni-ip-ḫi ⸢ù ri⸣-ba i-na šá-ma-mi ù qá-qá-ri

⸢du-um⸣-mi-iq ⸢it⸣-ta-tu-ú-a

un-nin-ni-⸢ia⸣ le-qé-e-ma ⸢mu⸣-gu-ur ta-aṣ-li-⸢ti⸣

GIŠ.NÍG.GIDRU ù ⸢ši⸣-[x]-⸢ri ki⸣-i-⸢nim ša⸣ tu-šat-mi-ḫi qá-tu-⸢ú⸣-a

lu-bé-el a-na du-⸢ur⸣ (erasure) da-a-ri

a-na ^da-nu-ni-tum be-le-⸢et ta-ḫa-zi na⸣-šá-at GIŠ.PAN ù iš-pa-ti

mu-šal-li-ma-at ⸢qí⸣-bit ^dEN.LÍL a-bi-šu

sa-pi-na-at na-ak-⸢ru⸣ mu-ḫal-li-qa-⸢at⸣ ra-ag-gu

a-li-ka-at ⸢maḫ⸣-ri ša DINGIR.DINGIR

ša i-na ^dUTU.⸢È⸣ ù ⸢^dUTU⸣.ŠÚ.A

⸢ú-da-am-ma-qu it-ta-tu-ú-a⸣

é-ul-maš É-su ša ⸢i-na ZIMBIR⸣.KI-^d⸢a⸣-nu-ni-⸢tum⸣

⸢ša⸣ 8 ME MU.MEŠ ul-tu pa-ni ^mšag-ga^* (text: BI) <rak>-ti-šur^* (text: BUR) ia-áš LUGAL TIN.⸢TIR⸣.KI

DUMU ^mNÍG.GUB-^dEN.LÍL LUGAL ma-na-ma la i-pu-⸢šu⸣

te-me-en-šú la-bi-ri aḫ-ṭu-uṭ-ma a-ḫi-iṭ ab-⸢re⸣-[x]-⸢ma⸣

e-li te-me-en-<na> šá ^mšag-ga^* (text: BI) <rak>-ti-šur^* (text: BUR) ia-áš DUMU ^m⸢NÍG⸣.[...].⸢LÍL⸣

uš-šu-šu ad-di-ma ú-ki-in lib-⸢na⸣-[x]-⸢su⸣

É ša-a-ša e-eš-ši-iš e-pú-uš-ma ú-šak-⸢li⸣-[x] ši-pí-ir-šu

^da-nun-ni-tum be-le-et ta-ḫa-za mu-šal-li-ma-[x] ⸢qí-bit⸣ ^dEN.⸢LÍL⸣ a-bi-⸢šú⸣

sa-pi-na-at na-ak-ru mu-ḫal-li-qa-⸢at ra⸣-ag-⸢ga⸣

a-li-ka-at maḫ-ri šá DINGIR.⸢MEŠ ú-šar⸣-[x]-⸢a⸣ šu-bat-⸢su⸣

sat-tuk-ku ù nin-da-⸢bé⸣-[...] ⸢ša⸣ maḫ-⸢ri⸣

ú-ša-te-er-⸢ma ú⸣-ki-⸢in⸣ [x]-⸢ḫa-ar⸣-[x]

at-ta ^da-nun-[x]-⸢tum^? GAŠAN GAL⸣-ti a-na É šu-⸢a-tú ḫa-di⸣-iš i-⸢na⸣ [...]

e-⸢ep-še-tu⸣-ú-a dam-qa-a-ti ḫa-di-iš ⸢na⸣-ap-⸢li⸣-si-⸢ma⸣

ar-ḫi-šam-ma i-na ^dUTU.È ù ⸢^d⸣UTU.ŠÚ.[x]

a-na ^dEN.ZU a-bi a-li-di-ka šu-uq-ri-⸢bi⸣ da-mi-⸢iq⸣-[x]

man-nu at-ta ša ^dEN.ZU ù ^dUTU a-na LUGAL-ú-⸢ti^?⸣ i-nam-⸢bu⸣-[x x]

i-na pa-le-e-šu É šu-a-tim in-na-ḫu-ma ⸢eš⸣-[x] ⸢ip-pu⸣-[x]

mu-sa-ru-ú ši-ṭi-ir šu-mi-ia li-mu-⸢ur⸣-[x x] ú-⸢nak⸣-[x x]

Ì.GIŠ li-ip-šu-uš UDU.SISKUR li-iq-qí it-ti [x x]-⸢re-e⸣ [...]

li-iš-ku-un-ma lu-te-er aš-ru-uš-šu ⸢^d⸣[x x] ^d⸢a⸣-[...]

su-pu-ú-šú liš-mu-ú li-im-gu-⸢ru^? qí^?⸣-[...]-a-⸢šú⸣ [...]

li-šam-qí-ta ga-ri-šu u₄-mi-šam a-na ⸢^dEN⸣.[...] x [...]