BM 091088 (Nabonidus 24, ex. 03) [Nabonidus][via ribo/sources]

[...]-⸢um-na-ʾi-id LUGAL⸣ (traces)

[...]-⸢an-šu⸣ pa-⸢li-iḫ DINGIR.MEŠ GAL.MEŠ⸣

[...]-⸢sis⸣ mim-ma šum-šu ÉNSI ṣi-i-ri mu-ud-di-iš kal ma-ḫa-zi

[...] ⸢it-pe-šu mu-šak-lil eš⸣-re-e-ti mu-ṭaḫ-ḫi-id sat-tuk-ku

[x x]-⸢ši^? DAGAL.MEŠ ra-ʾi-im⸣ mi-⸢ša⸣-ri mu-kin kit-ti

[x x]-⸢mu⸣ šu-pu-ú e-tel-lu LUGAL.MEŠ bi-nu-ti qá-ta ša ^dAG u ^dAMAR.UTU

[x]-⸢uṣ-ṣir ú-ṣu-ra-a-ti⸣ É.MEŠ DINGIR.MEŠ mu-šar-šid giš-ḫur-ru

[x x]-⸢pa-ri ḫa-an-ṭu ša⸣ DINGIR.MEŠ GAL.MEŠ mu-šal-lim kal šip-ri mu-ṭi-ib lìb-bi-šú-⸢un⸣

[...] ⸢AG⸣-TIN-su-iq-bi GÌR.⸢NÍTA⸣ qit-ru-du pa-li-iḫ DINGIR.MEŠ ù ^d15 a-⸢na-ku⸣

[...] ⸢UTU EN AN.TA.MEŠ ù KI.TA.MEŠ⸣ DI.KU₅.GAL AN-e ù KI-tim

[x x]-⸢a-nu ṣi-i-ri ša DINGIR.MEŠ GAL.MEŠ⸣ pa-ri-is pu-ru-us-se-e

[x]-⸢ʾi-iṭ lìb-bi UN⸣.MEŠ ba-ru-ú te-re-e-ti ra-ʾi-im LUGAL-ú-ti-ia

[x x] ⸢na⸣-piš-ti-ia ka-šid a-a-bi-ia mu-ḫal-liq za-ʾi-ri-ia

[...] ⸢é-babbar-ra⸣ ša qé-reb ZIMBIR.KI EN GAL EN-ia ina mi-gir lìb-bi-ia ⸢ki-nim⸣

[...] ⸢uš-te⸣-mi-iq-ma áš-ra-a-ti DINGIR-ú-ti-šú GAL-ti ⸢áš-te⸣-[x x]-⸢ma⸣

[...] ⸢É-su ša⸣ qé-reb ZIMBIR.KI at-ma-⸢nu⸣ ṣi-i-ri ⸢si⸣-[...]

[x x]-⸢ṣi KÙ šu-bat tap-šu⸣-uḫ-ti mu-ša-bu ⸢be⸣-[...]

[x] ⸢u₄-mi⸣ ma-du-tu ⸢ub⸣-bu-⸢tu te-me⸣-en-šú ⸢su⸣-uḫ-⸢ḫa-a ú⸣-[...]

[x x]-⸢aḫ⸣-ri te-me-en la-bi-ri ú-ba-ʾi-ma ⸢la i-mu-ru⸣

[x x] ⸢ra⸣-ma-ni-šú É eš-šú a-na ^dUTU ú-še-piš-šam-ma la šu-pu-šu a-na ⸢be-lu-ti⸣-[x]

[x] ⸢šu⸣-lu-ku a-na si-ma-at DINGIR-ú-ti-⸢šú⸣

[x]-⸢na⸣ la a-dan-ni-šú ša É šu-a-ti re-ša-a-šu iq-du-du ut-tab-bi-⸢ka mé⸣-[x x]

[x]-ti ap-pa-lis-su-ma ma-aʾ-diš ap-làḫ-ma ni-qit-ti ar-ši

[x (x) x]-⸢ur⸣-šu-du te-me-en ú-ṣu-ra-at É šu-ul-lu-mu

[...] ⸢ù⸣ DU₆.MEŠ a-na si-ma-tu₄ DINGIR-ú-ti-šú e-pe-šu

[...] ut-nen-ni-šum-ma a-na ša-at-ti ni-qa-a aq-qí-šum-ma EŠ.BAR-⸢a ap⸣-ru-us-su :

[...] ⸢ṣi⸣-i-ri ul-tu UD.ME ru-qu-tu ia-a-ši ú-qa-wa₆-an-⸢ni⸣

[x x] ⸢ša⸣-lim-ti EŠ.BAR-a ki-nim ša šá-la-mu šip-ri-ia ù ⸢kun⸣-nu eš-re-⸢e⸣-ti

[x x] ⸢ù⸣ ^dIŠKUR ú-šá-áš-ki-na i-na ter-<<te>>-ti-⸢ia⸣

[...].⸢BAR⸣-šu-nu ki-nim ša la in-nen-nu-ú ma-gal at-kal-⸢ma⸣

[...] UTU EN-ia aṣ-bat-ma i-⸢na É UD.1.KAM ša-na-at⸣ ú-še-⸢ši-ib-šu⸣

[x x] ⸢ù⸣ šu-me-⸢lu pa-ni ù ar⸣-ku ša pa-⸢pa⸣-ḫu ù lìb-bi DU₆.MEŠ

[...] ⸢aḫ⸣-ṭu-uṭ-ma ⸢ú-pa-aḫ-ḫi-ir-ma ši-bu-tu⸣ URU DUMU.⸢MEŠ KÁ.DINGIR.RA.KI⸣

[...]-⸢na-a⸣-ti en-qu-tu ⸢a-ši-ib É mu-um-mu na⸣-ṣi-ir pi-riš-ti ⸢DINGIR⸣.MEŠ GAL.MEŠ

[...] ⸢LUGAL-ú-tu a-na mi-it-lu-uk-ti⸣ áš-pu-ur-šu-nu-ti-ma

[...] ⸢az-ku-ur-šú-nu-tu⸣ um-ma ⸢te-me-en la⸣-bi-ri ši-te-⸢ʾa-a-ma⸣

[...] ⸢UTU ka-a-a-nu na-pa-li-sa-ma É da-rí-a a-na ^dUTU ù ^d⸣a-a

[x x]-⸢a lu-pu-uš i-na te-me-qu ^dUTU EN-ia ina su-pe-e-šu ša DINGIR.MEŠ GAL.MEŠ⸣

[...] ⸢UM.ME.A te-me-en la-bi-ri ip-pal-su-ma pa-pa-ḫi u DU₆.MEŠ i-ḫi-ṭu-ma⸣

[...]-⸢tu-ru-nim-ma ia-a-ti iq-bu⸣-ú-ni

[...]-⸢ma te-me-en la-bi-ri ša na-ra-am-^d30 LUGAL ul⸣-lu

[...] ⸢UTU ka-a-a-nu mu-šab DINGIR-ú-ti-šú lìb-bi iḫ-de-e-ma im-mé-ri pa-ni-ú-a⸣

[...]-⸢lu-ti-šú ù DU₆.MEŠ ú-ṣa-ab-bi-ma⸣ i-na ⸢ḫi⸣-da-⸢a⸣-ti u ri-šá-a-ti

[x x]-⸢me-en la-bi-ri ad-da-a⸣ uš-šu-ša

[x x]-⸢su ú-dan-nin-ma ki-ma KUR-i zaq-ru ul⸣-la-a re-ša-a-šu

[...] ⸢É-su⸣ ša šu-⸢pu⸣-šu a-na be-lu-⸢ti⸣-šú šu-lu-ku a-na mat-si DINGIR-ú-ti-šú

[...]-⸢ia e-eš-ši-iš ú-še-piš-ma ki-ma šu-mi-šu u₄-míš ú⸣-nam-mir-šu

[...] ⸢EREN pa-ag-lu-tu la mi⸣-ni GIŠ.Ù.SUḪ₅ ši-ḫu-ú-tu

[...]-⸢ni iṣ-ṣi dam-qu-tu⸣ GIŠ.MES.MÁ.KAN.NA iṣ-ṣi da-⸢rí⸣-a

[x (x)] ⸢ši-i-pi GIŠ.tal⸣-lu GIŠ.⸢GAN⸣.DU₇ <giš>-šà-ká-na-ku

[...]-⸢tu₄⸣ É ⸢ú-ša-at⸣-mi-iḫ-ma

[...] ⸢TIR ḫa-šu-ru i-ri-su uš⸣-[x x]

⸢GIŠ.IG.MEŠ GIŠ.EREN.MEŠ MAḪ.MEŠ NU.KÚŠ⸣.Ù URUDU dan-nu-⸢tu⸣ [x]-⸢de-lu šu-pu-tu⸣ e-ma ⸢KÁ.MEŠ-šú⸣

⸢ú⸣-rat-ti-ma ki-ma ⸢né⸣-re-bi kin-né-e ú-dan-⸢nin ri-ki⸣-is É (erased pa-pa-ḫu)

⸢pa⸣-pa-ḫu be-lu-ti-šú ⸢a⸣-na mu-ša-bu DINGIR-ú-ti-šú ša-lum-⸢ma-at ú-šal⸣-[x]

⸢ú⸣-nu-tu É i-na ⸢KÙ.BABBAR⸣ ù KÙ.GI ú-za-in-ma a-na tab-rat ni-ši [...]

⸢ši⸣-ṭir šu-⸢mi-ia ù ṣa⸣-lam LUGAL-ú-ti-ia ⸢DA⸣.RÍ.A ú-kin ⸢qer⸣-[x x]

maš-⸢tak-ku⸣ la-le-e-⸢šu⸣ pa-pa-ḫi.MEŠ u DU₆.MEŠ ina ši-ip^*-ri^* (text: QIR) ^dkulla ud-di-[x x]

zi-i-me nam-ru-⸢tu ú-šá-áš⸣-ši-ma šu-bat DI.KU₅.GAL DINGIR.DINGIR da-ri-⸢ti⸣ [...]

a-na ^dUTU ù ^da-a ⸢EN⸣.MEŠ-ú-a É ta-na-da-a-ti ⸢ú⸣-še-[x]

sip-pu ši-ga-ri me-de-lu ⸢ù⸣ GIŠ.IG.MEŠ ì-gu-la-a ú-ṭaḫ-ḫi-⸢id⸣-[x]

a-na né-re-bi ⸢DINGIR-ú⸣-ti-šú ṣi-ir-ti si-mat É ú-mál-la-a i-⸢ri⸣-[...]

É a-na e-re-bi ^dUTU <<EN>> EN-ia šu-pal-ka-a ⸢KÁ⸣-šú ma-li ⸢ri⸣-[...]

^dUTU EN ṣi-i-ri a-na é-babbar-ra šu-bat tap-šu-uḫ-ti-ka i-na ⸢e⸣-[...]

KÁ.MEŠ ⸢né-re-ba-nu⸣ pa-pa-⸢ḫu⸣ ù DU₆.MEŠ liḫ-du-ú pa-⸢nu⸣-uk-[x]

ki-ma a-a-⸢ri⸣ li-ri-[x x]

i-na ⸢pa⸣-pa-ḫu be-lu-ti-ka šu-bat da-a-a-nu-ti-ki i-na a-šá-⸢bi⸣-[x]

DINGIR.⸢MEŠ URU-ka⸣ ù ⸢É⸣-ka li-šap-ši-ḫi ⸢kab-ta⸣-[x x]

[...]-⸢ba-ka⸣ li-⸢ṭi-ib⸣-bi [...]

[...]-⸢bat é-ki-nú⸣ ka-a-a-nam-ma pa-⸢nu⸣-[x]

[...]-ta-a liq-bi-⸢ku⸣

[...]-du-ti pa-ni-[x]

[...] ⸢ép⸣-še-tu-ú-a dam-qa-a-ti ši-ṭir šu-⸢mi⸣-[x]

[...]-⸢kin šap⸣-tuk-ka i-bi šu-mi a-na du-ru ⸢UD⸣.[x]

[...]-⸢šu⸣ lu-ub-bi-ir i-na qé-⸢er⸣-bi-šu li-ku-un šu-bat-⸢ka⸣

⸢DINGIR⸣ É ú-ṣu-rat É tal-lu GIŠ^*.GAN.DU₇ (text: {AB}GAN.DU₇) giš-<šà>-ká-na-ku sip-pu ši-ga-ri KUN₄ ⸢É.ME⸣ u (text: AŠ) GIŠ.IG.MEŠ

ki-ib-su li-iṣ-ṣi-ru liš-te-ši-ru tal-la-ak-⸢ti⸣

i-na maḫ-ri-ka li-ša-qí-ri e-ep-še-tu-⸢ú⸣-a

ur-ra ù mu-šu lit-taz-ka-ar dum-qu-ú-⸢a⸣

^dkit-tum ^dmi-ša-ri ù ^dda-a-a-nu DINGIR.MEŠ a-ši-ib maḫ-ri-ka

i-na qí-bi-ti-ka GAL-ti ša la ut-tak-ka-ri

ina a-mat <DINGIR>-ti-ka ṣi-ir-ti ša la uš-te-pe-⸢lu⸣

KASKAL šul-lum ù meš-re-e ur-ru-uḫ kit-ti ù mi-ša-ri li-⸢šá⸣-áš-ki-na a-na še-pi-ia

suk-kal-la-ka ṣi-i-ri mu-uz-zi-iz maḫ-ri-ka ^dbu-ne-ne ša mi-lik-šu dam-qa

ra-ki-ib GIŠ.GIGIR a-ši-ib ša-as-su ša <la> im-maḫ-ḫa-ra qa-bal-šú

ṣa-mi-id pa-re-e qar-du-tu ša la in-na-ḫu bir-ka-⸢šu⸣-un

i-na ⸢a⸣-la-ku ù ta-a-a-ri ša i-šad-di-ḫu a-na maḫ-ri-ka

⸢i⸣-na su-ú-qu ù su-la-aʾ li-da-am-mi-qu ⸢e-ger-ra-a-a⸣

⸢a⸣-ra-ku UD.ME LUGAL-ú-ti-ia lim-ta-al-lik-⸢ka⸣ ka-⸢a⸣-šu

i-⸢na⸣ ši-pir-ri-ka šu-qu-ru li-⸢il-li⸣-ki re-ṣu-⸢tu⸣

me-⸢lam⸣-mu bir-bir-ru-ka zi-i-me be-lu-⸢tu⸣ ša-lum-ma-ti ⸢LUGAL-ú⸣-tu

a-na ⸢ša-la⸣-la KUR LÚ.KÚR-ia ⸢šu⸣-lik-ki ⸢i-da⸣-a-a

lu-ur-ḫi-iṣ ⸢KUR a⸣-a-bi-ia lu-nar ⸢za-ʾi⸣-ri-ia šil-lat na-ki-ri-<ia> ⸢lu⸣-uš-lu-ul

bu-še-e ma-⸢a-ti⸣-tan lu-⸢ú⸣-še-ri-bi a-na qé-reb ma-⸢ti⸣-ia

a-na-ku lu-ú LUGAL ⸢za⸣-ni-⸢nu⸣ mu-ud-di-iš ma-⸢ḫa-zi⸣

mu-šak-lil eš-re-⸢e⸣-ti a-na UD.ME^* da-⸢ru-tu⸣

⸢a⸣-na ⸢zi⸣-kir šu-mi-ia ⸢kab⸣-tu kul-lat na-ki-ri lit-⸢tar-ri⸣ li-nu-⸢uš⸣-šu

lik-nu-šu a-na še-pi-ia ⸢a-na⸣ UD.⸢ME⸣ ṣa-ti liš-⸢du-du⸣ ni-i-ri

bi-lat-su-⸢nu⸣ ka-bit-ti a-na qé-⸢reb⸣ URU-ia KÁ.DINGIR.RA.KI lu-bil-⸢lu-ni a⸣-na maḫ-⸢ri⸣-ia

i-na qé-reb KÁ.DINGIR.RA.KI li-ku-un ⸢šu⸣-ub-ti i-na su-le-e-šu e-tál-⸢lu-ku⸣ lu-uš-bi

i-na é-sag-íl ù é-zi-da ⸢ša⸣ a-ram-mu lu-lab-<bi>-ir man-za-za

i-na ma-aḫ-ri ^dEN ^dAG u ^dU.GUR DINGIR.⸢MEŠ⸣-e-a ù DINGIR.MEŠ si-ḫi-ir-ti É á-ki-it

ša ^dEN.LÍL DINGIR.MEŠ ^dAMAR.UTU a-na ni-qí-i ma-aṣ-ḫa-tum pa-qa-du é-da-di-ḫé-gál

⸢ù ut-ne-en-ni⸣ EN EN.EN lu-ú sa-⸢ad⸣-ra-ak tal-lak-ti a-na da-rí-a-⸢ti⸣